Mizo te hi kan racist bik viau em?

June 28th, 2011 5:30 am by Pangpuielhtliaka

Post pakhat comment ah ka ziak ang ka ti deuh ani a, mahse OT leh a sei deuh ka hlauh avangin post hran ah ka han thailang ve ta chawr mai.

Kei hi ka awmve tawhna ah chuan Mizo awm em em lohna hi ani thin a, ka environment ah reng reng Mizo dang hmuh tur an awm ve thin loh avangin Vai leh hmarchhak hnam dangmi te ho hi ka thian neih te chu an ni mai thin. Tin, ka thiantha tak tak te pawh Aizawl ah tih loh chuan Vai leh NE state dang mi te vek an ni a, chuvangin tawn hriat leh thiante ho thukhawchang atang te in hriat a mual mual tlem azawng ka neih te atangin Mizo te kan racist bik lohzia sawi ka han tum teh ang.

Delhi atanga hmar lam la kal leh zel ah National Insitute pakhatah kum 4 ka awm chhung khan India ram hmun hrang hrang atanga lo kal te ho nen hian kan inchimpiah nasa hle a, Kashmir atanga Tamil Nadu, Gujarat atanga Mizoram, a state mal mal sawi dawn chuan India ram state awm zawng zawng hi sawi chhuah vek deuh thaw a ngaih dawn avangin duhtawk mai ila, kil tin atang hian kan awmkim a ni deuh ber mai.

Ka rawn sawi duh point thenkhat te:(Ka sample size hi a a population pumpui a extrapolate nan chuan a te deuh te in lo ti anih pawhin a dik thei tho mai thei)

1-na: Insitute ka join atanga ni hnihna ni ah Kashmir ami mi pakhat hian min en haw pahin ‘hetah hian enge I rawn tih ve dawn a?’ tiin ka hmaa rawn ding ngatin hmusit tih hriat takin min zawt ringawt.

2-na: Ka kal tirh khan hindi ka thiam lutuk loh avangin mi zingah (dining hall ah te) hindi a thil sawi tir min tum thin, ka thiam loh emaw ka sawi dik loh chuan an nui vak thin. Chung mi te ah chuan Rajathan mi (Sekhawat a pawh kha Rajasthan mi anih tho ka ring), Nainital a mi, Himachali pahnih te ho khan an ching zual hle.

Tum khat phei chu nuih pahin ‘north-east people’ a la ti zui lehnghal. Nainital a mi phei hi chu tumkhat dining hall ah a ti leh vak vak dawn a, han hnek dawm lah ni theiin ka hre si lova, ka ngawih san ta ringawt, a tawp duh chuang si lova, ka thianpa vai pakhat tho hian ‘Ngawi rawh, khatianga I tih tur kha a ni lo’ thinrim deuh hian a lo ti a, chuta tang chuan a ziaawm ta deuh.

3-na: Ka thiante sawi atanga ka hriat thin, Punjabi ho hi an chapo khawp mai, mi dang a langin an va hmusit phei chu a ni lova, North-east lam mi leh chinky hmel pu kawp hi an awm ve leh zeuh thin, chung te chuan an thian te leh hmelhriat atang te hian khakna an hlawh fo, ‘hetiang mi ho hi keini hnam tan chuan kawp chi an nilo, I rilru ava hniam ve’ tih tawngkam te in.

4-na: Maharashtra state ah hian ka mongoloid ka nih avangin min nuih leh hmuhsit ka tawk ngun ber. Chandrapur, Amravati, Akot, Akola lampangah. Heng hmun leh a chhehvel dang dang ah hian min hmu ringawt te hi min en haw haw a, min nuih thin an tam mai. Tumkhat phei chu fiamthu atan thlalak pui te min tum vel, chupa chuan a thiante nen ‘T.V ah chauh ka hmu thin a, a taka kan hmuh chu’ te a ti vel.

Tum khat chu Dadar rly stn ah hian mi pakhat thil ka zawt a, ring mangkheng a min zawh let hnuah a awmna lam min kawhhmuh turin ka beng pawh an tum mai chu, ka sa khawp mai, in hriat angina Dadar te chu Local train thlenna anih avangin mi tam zia pawh in hre vek ang. Mi zawng zawng in min rawn en thup a, ka zak lutuk, a kut ka ben per pawp hnuah ka kal daih. Mahse, Marathi ka thian tha tak tak te ho, fel deuh deuh te ho chu Mumbai mi an ni deuh vek leh thung si. Kolhapur chhuak Mumbai a piang ka thianpa pakhat chuan kei chu Pune hi chu hetiang lamah hian a fak lem lo khawp mai. Keipawhin sawi tur ka hria, mahse a thui dawn tlat.

5-na: Tamil Nadu a mi pakhat hian ‘nang ang mi ho ang hmelpu hi kan khuaah chuan lo kal ula, a hmu che u chu an nuih a za zel ang’ zu ti a !

6-na: Bengali ho hi a tam zawk hi chu an racist khawp mai, mi dang hmuhsitna lam nilovin, anmahni Bangali awm khawm let let, a bil bil a thil tih ching leh, mahni hnam feeling a chhe zawng nilovin la na tak an ni in ka hria. Midang dang atang pawhin Bengali ho chanchin chu ka ngaithla hnem khawp mai a chhe zawng ni lovin, mahse racist na chu a ni thei tho lo maw?

A dang pawh sawi vek dawn chuan sawi tur a la tam a, tin ka sawi tak mi te zingah pawh sawi kim loh ka ngah mai, mahse duhtawk phawt mai ang. Tin, Metro cities leh hmun lar deuh deuh ho chu tehkhin nan a point a tlin em em ka rin loh avangin ka sawi vak peih lo. Vai thingtlang a awm chiah hian an ignorant zia leh an racist zia chu in hr eve mai ang.

A thui ta hle mai. A tawp nan, Mizo te hi kan racist em em bik pawhin ka hre lo.

Thuziak thiam loh a leiah a rawn nawi mai thei, ka rilru a awm leh ka duh ang pawhin ka rawn hmehbel thiam lo a ni, ziah thui lutuk ka hlau si. In chhiar peih leh lo chhiar ula, in peih loh leh thudang.
Mizoram chhungah awm lo mah ila kan UN-MLTP tawh ange.

82 Responses to “Mizo te hi kan racist bik viau em?”

1
tlau Says:
June 28th, 2011 at 5:34 am
Thawh hlima chhiar hmasakah neih phawt ang
2
feeder Says:
June 28th, 2011 at 5:36 am
chhiar phawt ang
3
nastycool Says:
June 28th, 2011 at 5:41 am
Good post! I lo tuar nasa hle mai. Thingtlang leh metro chu a dang deuh a nih hmel. Institute leh workplace ah hi chuan vai ho pawh an in sum deuh in ka hria. Tunlai hian mizo thenkhat in la anti-racist an awm ta nual mai,misual user ah pawh an awm hi, kei erawh chuan racist nih hi ka pawi ti lo,ka nih miau avangin.
4
Telphawka Says:
June 28th, 2011 at 5:45 am
1st
5
Chemtatrawta Says:
June 28th, 2011 at 7:11 am
Racist nih hi chu tha ka ti hauh lova, amaherawhchu kan hnam bil himna leh dinchhuahna atan chuan mizo-ism hi chu eng kawng pawhin ka sapawt tlat thung lawi si..

Leitlangpui chu khua a dur khup mai..:-D
6
Playboy Says:
June 28th, 2011 at 7:27 am
chaw ei khama chhiar atan….
7
H.Vangchhia Says:
June 28th, 2011 at 7:30 am
Racist hi a nunphung dang ang bawkin a hun leh a hmun a awmin ka hria.
8
Chemtatrawta Says:
June 28th, 2011 at 7:35 am
Racist tih hi chu a negative concept deuh lo maw ka ti ve mai mai a…:-/
9
Ozima Says:
June 28th, 2011 at 8:00 am
Life exp. atanga thuziak hi ngaihnawm ka ti, ka like e. (Y)
10
Godspeed Khawlhring Says:
June 28th, 2011 at 8:06 am
Good post. TFS.
11
awmawmpuia Says:
June 28th, 2011 at 8:11 am
Tha lutuk. Mahni tawnhriat ngei hmanga han ziah hi a chiang hle in ka hria. (Y) . Assamese ho bulah hian kum nga zet ka awm ve tawh a, India ramah hian an ni ang tluk a an bula chen hahthlaklo hi an awm angem aw tih hi ka ngaihtuah fo thin.
12
Chhuaklinga Says:
June 28th, 2011 at 8:22 am
Ngaihnawmin a bengvar thlak e.. Ti daih ila hetiang i tawh thin lai hian i bulah awm zu chak tlat pek a, mahse ka lo awmlo a, kan la dam dun te pawh a ni maithei, MIZO a min siamtu PATHIAN chu fakin awm rawh se…
13
burgerstud2005 Says:
June 28th, 2011 at 8:51 am
i tawng mak ve bawk a nih khi maw le…vai ho hi an fel tlangpui ka ti asin, a mi pangai chin hi chu.
14
jin Says:
June 28th, 2011 at 9:09 am
I vanduai ve hrim hrim bawk a nih hi maw le.
15
eL Says:
June 28th, 2011 at 9:26 am
a hnam ang zawnga racist ber chu kan ni chiang alawm:..
16
bucko Says:
June 28th, 2011 at 9:33 am
AAAAAAAAAA a dik a ni, mizo ai chuan hnam dang te hi an nasa fe a lo nih hi le….. kei chu central india lam ka la thleng lova, NE state thenkhat bak ka la kal lo, chungah chuan in hmusitna lam hawi a min ti/sawi ka la tawng vak lo a ni ang, ka hre lo tlat….. :vannei em ni:
17
shylo Says:
June 28th, 2011 at 9:53 am
Bihar (vai) pakhat mizorama awm ve hrep tawhin ziak ve ta se, a buk dan a hriat theih deuh ang chu. Kan naupanlaia dumka (kawnglai / siam) a mik amak pawh hre lemlo a ‘bari bara vai mawngkhak’ kan han ti thla ve zen te kha tun hnuah hian a lo nuihzat thlak lemloh tih ka hre hnuhnawh.
Eng hnamah pawh a over chi hi chu awm ani chawk. Mizo erawh chi chu kan mizo viau zel, a thatna lai pawh a awm ka ti.
18
gopalla Says:
June 28th, 2011 at 10:09 am
Tihian ka ngaihtuah,eng ang hmuhsitna poh tawng mah ila,mahni ram nei ngat kan nihna hi chhuan tlak a ni e.Keini aia hnam lian mahni puala ram nei lo tam si zia ngaihtuah hian.
19
mate ainawn Says:
June 28th, 2011 at 10:21 am
Comment a OT pui atan chuan a sei deuh dawn a nih khiii…
20
vakul Says:
June 28th, 2011 at 10:48 am
i lo tuar ve hle mai a. Ka khawngaih khawp mai che.

Hmanah kan CM-in India-a Racism chungchang a sawi, a thu a zuk leh kha; pawi ka lo ti a, ka ngainep zo vek a sin. Dawih ka ti lutuk, championpui ve dawn emaw ka lo ti a; vai ram CM chu ni se an championpui leh ngei awm si a.

Delhi tlang pressure avanga thuzuk leh hnihne nih kha a zak lo em ni chu aw ka ti deuh. Racism a tawrh sawi tur a hriat loh pawn collect se a tam dawn nen.

Khawiah hian nge thlen thui an ngam ve ang aw ka ti deuh. Ka phun na deuh ta e.
21
no_nick Says:
June 28th, 2011 at 10:54 am
i example sawi te khi racist tihna a ni lo ka ti ve tlat…
Nia chinky hmel pu lampang hi chu mainland indian te chuan a n en duh deuh.. Mahse mainland india ah hian hnam chi hrang2 hian ze chi hrang nei an awm deuh vek a. For example, i hmel a “chinky” vang khan govt office i dawr na lamah harsatna lo nei ta la emaw mi in chinky i nih vang hrim2 khan ngainep riau mai che sela.. chu chu Racism ka ti duh chauh ang.!! Example a kan sawi duh chu, Manipuri ho hi an hmel a chinky ve thova, mahse mi in “chinky” tiin an hmuhsit ka la hre ngai miah lo.. A chhan a ka ngaih chu, tawng an thiam hma a, leh mainland indian zingah an awm pawhin rual pawl tura titi an thiam ka ti lo thei lo. Manipuri ho hi heng thilah chuan enatawn tlak tak an ni.. “Chinky” tiin mi in a tirah han nuih deuh thin mahse vawikhat an han ti ti chiah chuan next timeah chuan a n nuih tawh lo hrim hrim.. Ka sawi tum ber chu an in la zahawm thiam tlat a ni.

Leh vai tam tak, marathi, gujurati ho hi chu hetiang thil ah hian an buai vak ka hre lo..!! An fiamthu thawh dan erawh a dang deuh, mi an han nuihzat vak chang te, bawl tlaty chang te pawh a aw, mahse chung chu one time thing a ni tlangpui in ka hria… “racism” awm lo tawp chu ka ti chuang miah lo.. Khawvel hmun pumpuiah racism chu a awm ngei e..

Pu HV a hi engtika tanga US awm nge chu ka hre lova, mahse racism chungcahng chu a hriatchiing ve viau ka ring.. Pu HV, han sawizau deuh thei la.. lawmawm ngawt ang!
22
PKfanai Says:
June 28th, 2011 at 11:09 am
Mizote hi hnam dang chuan, racist min ti ve teh mai asin.Mizo 2/3 awm tawh chuan hnam dang tawng hmang duh mang der lo. A kawm pawh kawm tha peih vak lo kan ni tlat. Kan state pawnah hnam dang tawng leh culture a in adapt/adjust kan harsat avang hian, hrehawm kan tuar fo mai thei. Kan state chhungah na na na phei hi chuan hnam dang hi en hrang leh en hniam tak kan ni. Racism kan lantir ve theihna hmun, kan Zotlang ram nuam hi, inch khat pawh kan hloh then tur ani lo. Kan tana a hlut zia hi i hre thar leh teh ang u.
23
Pangpuielhtliaka Says:
June 28th, 2011 at 11:13 am
Insawikhawngaihthlak ka tumna lam ani lo nangin comment ah ka lawm e.

@no_nick: I sawi hi ka ngaihdan pakhat ve tho a ni e. Chuvang tak chuan a nia, racism tih definition hi line chiang taka draw anih loh avangin a word hi ka lo hmang leh mai thin.
Tin, thil pakhat leh chiah, inhnimhnaih leh awm ho hnuah chuan a tu a te pawh hi thinrimna leh lungawilohna kn nei anih loh chuan kan inpawmzam leh mai thin, mihring pangngai hrim hrim ah chuan kan nih dan ni te pawhin ka hria. Mahse, one time a mi kan hriat ngai loh leh kan vawikhat hmuhna a kan mizia ah hian teh chu a awl zawk lo maw?. Tin, team a kan chhuah tum te pawhin ka team mate te aia ka upat deuh vang leh ka senior deuh avangin U enah min en in engkimah min rawn der thiam thin hle. Mahse, kan kalna hmun apiangah Office dawrna emaw ah te pawh Mi hrim hrim hian an one time ah chuan keima laka an perception chu a dang deuh.
Ka sawi tum ber zawk chu mihring nature ah hian a awm ani zawk lo maw? Education leh changkanna hian a tibo hret hret mai chauh a ni in ka hria e.
24
no_nick Says:
June 28th, 2011 at 11:19 am
Pu PKfanai-a chu office lamah hna tam vak lo ni maw? 🙂
Nia racist lo tak2 hi chua n awm lo ..Mahse mahni hian la thiam ila, handle thiam ila, hnam dang atang thil tha lak tum ila..
There will be atleast a small section of society who is different.. We can’t teach this small section!! Just becausee some marathi/gujurati slapped you or abuse you at one point of time, it doesn’t mean that the entire “marathi/gujju etc” people are racist..! Mi fel tak2 ka tawng hnem tawh em mai..!! Mi sual tlemte vanging “racist” ka ti thei ve tlat lo…! Infact misual ka tawng aiin mi fel ka tawng hnem zawk a, kei chuan racist ti lovin “humble” ka ti zawk mai ang..!
25
swiftymcvay Says:
June 28th, 2011 at 11:27 am
Hnek thuai thin la chuan an reh ve deuh mahna 😀
26
PKfanai Says:
June 28th, 2011 at 11:30 am
24. no_nick, hmana ka sawi tawh ang khan, Kristian Chief minister kan neih thelh lungawi lohna kal zel kha nimin zing atanga vawiin tlai thleng Bandh an huai hawt a, nimin pawh kha ka misual nileng zak tawh a, vawiin pawh hi ka hman khawp mai. Naktuj atang chuan, zing leh zanah deuh chauh ka misual hman ang. I ngaìh awm hle mai.
27
no_nick Says:
June 28th, 2011 at 11:33 am
@23 Vepee: A dik ka ti ltk.. Mizoramah vai kan hmuh veleh kan perception a dang ang deuh hi a ni.. Kum 8 hmalama thil thleng ania, kan sawi mai mai anga.. Guwahati to Aizawl sumo in ka zin a, ka bula thu chu vai pakhat, hmel tha vaklo a nia, Maharashtra khawilai vela awm ani.. kan ti ti chho zel a, a hmel ka en ai khan a biak tlat phian a.. Ka first perception ah chuan “vai chhia” tih kha nai, mahse min 10 lek ka ti ti hnu chuan “vai tha” zinga mi kha alo nia…

Vairente checkgate ka thlen chuan Police in torch in a hmai an chhun a, zah loh deuh hian “Pass dikhau?” te a ti vela.. Hepa hian dam takin ” I came for Government Duty” a ti a, chuan Police pa chuan mizo tawngin “Duty pawh nila i ID min hmuh ta che ” a tia, a hrethiam lo tawp mai.. Chuan Police chuan ring deuh lel lawl hian “ID dikhau?” a han ti leh a.. ID a en chiah chu le.. Pawn (sumo tukverh pawn ) atang Police chuan vaipa chu a khawng deuh hian a salute ta vak mai a.. “Sir” a tia, a nuih tlawn a, a a kal daih mai a… mak ka tikhawp mai a, kan zawh chiang chuan kha vaipa kha Central Bureau of Investigation (CBI) officer a lo ni reng mai a.. Mizoramah ni 4 vel cham tura kal a lo nia..!!
First impression/perception hi a dikhlel thei viau ani..!1
28
no_nick Says:
June 28th, 2011 at 11:38 am
@26: mizoramah chuan Kristian CM ka neih ngei khi mawle…!! california lampang a awm i ni emo ka ti vel a
a.. 🙂
keipawh hei, office H hna ka nei mang lo.. nilengin ka misual leh tlut2 dawn a nih hi..! Constructive deuha hun ka hman theihna ber ani misual dot com hi.. Debate ka thiam phah em2 bawk.. lol..
29
Benny Says:
June 28th, 2011 at 11:38 am
Mizo te hi kan hnamdang te aiin kan racist bik viau hran lova, kan racist ve tho a ni zawk lo maw?
30
PayableOnDeath(Zrma_C) Says:
June 28th, 2011 at 11:45 am
Vai ho nen hi chuan kan in ngaisanglo tawn ve ngawt mai!
A dik khawp mai i thil post pawh khi. Vai ho hian an level pui ang in an en ngailo ang che!
An mahni aia an dah hniamloh che chuan an amahni ai in an dah sang zawk ziah ang che.

Chaun Comment 22na,Kan Zotlang ram nuam……..i hre thar leh teh ang u.
tih lai tak khi ka like bawk e! (Y)
31
Rumtea Says:
June 28th, 2011 at 11:56 am
Amravati ah chuan college represent a T.T ka khelh tumin i tawn ang hi ka tawng ve miah lo. Min lo lawm der ve khawp mai.
I tawng nasa hle mai, ka khawngaih che.
32
PKfanai Says:
June 28th, 2011 at 12:02 pm
31. Rumtea chu iva thiam awm ve? han zirtir deuh che ka chak hle mai a.
33
no_nick Says:
June 28th, 2011 at 12:07 pm
@PKfanai : TT i va thiam awm ve a….! Rumtea khi collge representative ania, zirtir dawn che mi? te in ti vel a.. 🙂
34
PKfanai Says:
June 28th, 2011 at 12:25 pm
no_nick, thiam tak tak teh nang a. Mahni aia thiam tih hriat chiante kan cho fiam thin dan a nih khi.
35
Aryan Says:
June 28th, 2011 at 12:31 pm
A tam zawk khi chu racism pawh ani chiah lo, mawl vang, hriat zau loh vang pawh ani ve thei tho. Mizo te an hmuh ngai miau loh chuan an en hu hu reng ang chu. Mizoramah pawh negro leh sap te chu ral atang pawn an bih thlak tawk tawk thin kha.

Vai ho hi India rama chhuak ka nih thu ka hrilh hian mak an ti ve thei lutuk. Mahse mihausa venga cheng kan ni bawka min tlangnel zah der ve khawp mai. (H)
36
littlerascal Says:
June 28th, 2011 at 12:33 pm
35 “Vai ho hi India rama chhuak ka nih thu ka hrilh hian mak an ti ve thei lutuk. Mahse mihausa venga cheng kan ni bawka min tlangnel zah der ve khawp mai”

I van chapo tak, in inah ka rawn kal dawn lolzz
37
zualbonez Says:
June 28th, 2011 at 12:43 pm
hahahhaha thil dang anilo e..author hi i hmelchhe ve viau anga chuan i hawiher vel a cosmopolitan lo viau ani ang…lo haw lo la hmel ‘zo’ve deuh i ni ngei ang….(disclaimer : zo tih hi hmuhsit nan ka hmang lo)..kei hi chu khawiah pawh kal ila min thian/chung en vek asin (delhi tih loh to a certain extent)…..
38
littlerascal Says:
June 28th, 2011 at 12:47 pm
hihi
39
lenlaini10 Says:
June 28th, 2011 at 12:52 pm
Hnam dang/tawng dang hmang laka hi chuan thik thu han ti chhe hlur phawt ila, khawvel kal phung ve hrim hrim ni te pawn a lang. 😉
40
badboy Says:
June 28th, 2011 at 12:53 pm
#37:littlerascal pawh hi, a hmel atha vak chuang biklo nia 😀
41
zualbonez Says:
June 28th, 2011 at 1:02 pm
badboy…hmel ringawt pawh hi anilo mahse, hmel ‘englo’ vak lo mahse che zei deuh fing deuh eg sandmana te ang pawh hi an leng vek mai ani 😀 (Y)
42
ReMpYâ„ Says:
June 28th, 2011 at 1:05 pm
”mahse mihausa veng a cheng ka ni bawk a…” says Aryan, (Y) 😀 😀 (Y)
43
Rumtea Says:
June 28th, 2011 at 1:05 pm
Pk fanai#32, thiam vak nang, a nuam tih vang mai mai. Tunah chuan posy chiah a nalh, a dang chu nalh thei tawh lo.
44
chhangteval Says:
June 28th, 2011 at 1:10 pm
Kei chu naga ho hi ka ngaina thei thrak lo!! 😛
45
PKfanai Says:
June 28th, 2011 at 1:13 pm
43. Rumtea, tak tak a, thiam ve tak tak deuh chin khelhpui hi chu a nuam riau a, Thlan te hian min bual huh vek thei thin maw le. Kan la inkhel ang chu.
46
ReMpYâ„ Says:
June 28th, 2011 at 1:17 pm
#27, no_nick, CBI officer te chu flight ve mai om….te ka lo tia..
47
badboy Says:
June 28th, 2011 at 1:17 pm
Zualbonez hi chu an hlauh tlawn deuhreuh thin a 😀 kei chu, hmun hrang2 atanga lokal khawm zinga hmeichhe awmchhun 2 khan khawi atanga lokal nge inih tih min zawt a, mizoram ,aizawl kan ti chiah chu wow..cool.. an han ti nghal pang ah 😀 kan haw dawn tlai a chaw kan eilai te kha.. a mipa hote pawh khan an lo kai ve chhaks tawh nen..vaiho hian sailo tih hi anlo thiam phian a..sailo i love u.. an rawn ti tliar2 hlawm a ..rel station thleng khan min bye2 lawm2 thin kha a nia 😀
48
littlerascal Says:
June 28th, 2011 at 1:20 pm
40 badboy nia mawle
49
badboy Says:
June 28th, 2011 at 1:22 pm
#46:Flight nilo sumo a achuan chhan i man lo emai 😀
50
Asteric™ Says:
June 28th, 2011 at 1:33 pm
Hmel hian a zir ve deuh te hi angai niang a, thinrim hmel ka put tawh hi chuan an nui lo ve thei khawp asin. Tak taka min hmusit lo mahse min en dan hi chu dang ve deuh thin alawm. Orissa a ka awm lai chuan vai hi ka tiduhdah ve thung ah, min ti buai lo mahse hmel ngeiawm deuh kha chu kal pahin ka spin hlak zel 😀
51
no_nick Says:
June 28th, 2011 at 1:39 pm
@46 ReMpY_ScisSoR: nia tiro.. Gauhati velah tihtur a nei tel anih hmel.. !! khami lai vel khan Guwahati atang Lengpui vel flight kha a awm lo nge / a thlawk tha vak lo ni ngei tur ani…!!
52
superpinqponq Says:
June 28th, 2011 at 1:40 pm
kum 5 dwn cu vai ramah hian ka awm ve ta a, i (post tu)twn ag tekhi ka la twng ve gai miahlo a ka uannei khp mai.. Tin ka hmuh ve dan mai2 cuan vai kan tih mai ho ah hian a class hniam ho hi khitiag(i thil twn thin ang) tih chingte an ni tlangpui in ka hria. Tlem a high clas ho hi cu an jia phian lo mw te ka tia..
53
no_nick Says:
June 28th, 2011 at 1:46 pm
Ka ngaihdan chuan High Class chauh poh nilo, middle class leh a chung lampang hi chu an zia phian…!! Lower middle class hi an conserve ltk leh mi biangbiak an thiamlo ve tawp ni berin ka hria.. Lower middle class hi an tawng a mailo bakah mi zah an thiam lo.. cu chu mizote chauh poh ani lo, an vai pui midang te pawh zah lo deuhvin an be ve tho…!
54
Dr Mahminga Sailo Says:
June 28th, 2011 at 1:50 pm
Post-tu pa nen chuan kan ngaihdan a in ang viau. Chutih rualin min en hrang deuh pawh hi awm ka ti a, ka nuihsan mai mai thin In sawi tawh hnu, Mizorama vai leh hnamdang kan ngaihsan loh zia (lehkhathiam paw’n) ka hriat in, min ngai dang deuh thin hi chu ka hrethiam khawp mai

Mahse, hman zan chu regular tak a zanriah ka ei na dawr ah waiter that an lo nei a. Ka lut chiah, ka hnung atang hian..”ching..cha..chu..chi..” a ti kher a. Ka ril tam bawk nen, ka insum thei lo a; ka thin erawh a rim lo… Ka thutna bulah ka ko te te a, nui var var chungin, kha fak siin ka’n zilh tak kha… “Chinese emaw Japanese emaw ka nilo, an tawng lah ka thiam hek lo. Mizo, Indian ka ni a, vawikhat mah ka hmel ang pu, in customer dang te reng reng pawh khatiang khan lo ti tawh reng reng suh..” ka ti chu. Zan dang a ka kal leh chuan “Sir enge i duh??” min ti ta liam liam”
Chuan, Chemtatrawta te awmna (Delhi) ka zin ka haw lam in, train ticket ka thawhpuite’n min lo lak sak a. Dr. tih an lo ziak tel si a, TTE in min be tha rap..
55
chhangteval Says:
June 28th, 2011 at 1:57 pm
Dr Mahminga nge nge
56
madd Says:
June 28th, 2011 at 2:55 pm
Dik chin te chu nia a awm khop mai.. marawhchu.. ka ngaih ve dan mai mai ah chuan.. kan awmdan leh hawiher a zir ni ber mai.

Vairam ah tlingtlang te tak teeeeee (no offence) atanga lo kal ang mai a awm te chuan.. vai ram chu sawi loh, Aizawlah lek pawh an hnawng theih hle thin kha maw. Chuvangchuan mahni awmna a zir zelin khawsak ve mai tur a nia.

A vawi khatnaah te chuan tute emaw chuan min lo nuih deuh maithei e, an ngaihsan tur a awm thiam ve mai tur. Vai ho zawng mi an ngaisang hma em. A tawpah chuan hawiher hi a lo pawimawh khawp mai, hei hian kan personality a define a. Khawiah pawh awm la eng nihna sang leh hausa pawh ni la, i personality a hniam miau chuan miin a nuih tho tho ang che.
57
Veepee Says:
June 28th, 2011 at 2:59 pm
@ Zualbon: Hmel in a zir chu a tul viau pawh ani mahna. Vai hmel i put na na na chuan tunge lo enhrang ang che. Hehehe Mongoloid hmel i put erawh chuan eng suut mahla a dan a dang deuh ang tih erawh ka ring hlel love.

Vai ho hi an lova racist em ti ka tihna ani lova, a state ang zawnga rawn khel ka ni lutuk lo bawk a. Mi zawng zawng hi vai emaw, mizo emaw, sap emaw pawh kan racist vek e, tumah hi kan danglam lo ka tihna. Dik tak chuan Mizo hmeichhia ten hnamdang an neih kan duh loh pawh hi racism tho a ni, mahse a tha lo lam ani miah thung si lo. Mi fel tak te hi chu a tlangpuiin educated leh changkang, economy ah pawh a vantlang aia chunglam an ni duh tlangpui. Mihring te hi kan society a evil chi hrang hrang te hi education hian a paih bo zel thin, mahse kan society nature dik tak hi chu educated leh changkang ho atanga teh chi ah ka ngai lem lo tlat. Hei hi chu lehkhathiamna in a ken tel ani tlat atin a ni.

Chuan ka zawi leh sawi hnu, racism hian a huam zau teh a nia. Rilru chhung ril taka kan ngaihdan thleng hian racism a ni thei ania.
58
H.Vangchhia Says:
June 28th, 2011 at 4:25 pm
Tribal quota ang chiah hian racist viau mai ila, chu tih lovah chuan vaichhia vaichhia tih thlazeng ang chi hi a mawi lo fo awm e. Zialo deuh chu Burma ram a tanga lo chhuk kan chipui te kianga intih racist kan tum thin hi ani awm e. Mahni chipui te hmaa racist kan tum dan hi mahni mawnghlim kan va ni chiang tak em!

Kan phaktawkah Mizo te, a bik takin Mizoram chhung ami te leh Manipur lam ami te hi kan racist in ka hria. Dik tak maw!?
59
PayableOnDeath(Zrma_C) Says:
June 28th, 2011 at 4:35 pm
Kan hmel ang hi chu kung fu thiam turah hian min dah tawp maia,
I thiam mi? ti a min zawh chhang pawh hian a chang chuan ‘Thiam e’ ka ti ve mai thrin!
Kung fu thiam awm in han awm ula… Engtinmah an ti ngamlo reng2 ang che u. An dawizep lutuk vaiho hi,
a rual chuan an hlauhawm ve tho,an tam ve hrim2 a!
60
Dr Mahminga Sailo Says:
June 28th, 2011 at 4:48 pm
#58…A dik chiah…
#59… Thiam lo tiin ka chhang mai thin, min cho reu reu ang a… Kungfu in-tithiam ve si hi, min sik hrep ang tih ka hlau..
61
pa-para Says:
June 28th, 2011 at 5:59 pm
Mizote hi hnam changkang ho hian min hmusit viau pawh ni se a awm viauin in hre ve lo maw. Mizoram hi tribal state kan han ni phawt a. Tribal an ngaihdan chu hniam tak a ni. Heti chunga an zinga kan tel pawh a min ten lo hi chu mak tak a ni. Keini chu keini aia hnam hnuaihnung zawk, kan anpui zawk mah tuikuk ho zingah chuan rei kan awm peih miah loh hi.
Tin, BPL tamna ram kan han ni leh a, BPL diktakte hniamzia chu kan hriat hi. Heti kan ni chunga kan nula te an ngaizawng duh hi chu a der pawh ni se, mak angreng tak a ni.

Tak takin, Mizo te hi kan zawlpui hnam an awm lo nge, hnamdang hi kan hmuhsit loh leh kan ngaisang vak a, rualpui kawm a kawm hi kan thiam lo khawp mai. Kan rilru a sang a, kan ram a pachhe si, identity crisis a awm a, kan level pui te pawh kan identify thiam ta lo. Chhungkua leh mimal thenkhat lo advanced deuh awm mahse hnam pumpui ai an awh pha si lo, buaithlak angreng tak a nia.

Post tupa chu i vanduai a pawi hle mai, engah mah ngai suh vanrama kan la kalsan vek tur an nih kha.
62
Zephyruss Says:
June 28th, 2011 at 6:50 pm
no_nick #21 sawi khi kei pawh dik ka ti– Kum 10 dawnlai vai ram ah, state hrang hrang ah kalo awm kual ve nasa tawh a, hmunthenkhat ah chuan tawng ve deuh mah ila, khitiang em em khi chu an ni lo.. engmah nisilo hian kan in lak champ ve em em vang mai mai te hian min chhaih thin ni ber in ka hria..

An tawng thiam in, an culture dangdai tak te hi han pawmpuiin, hriatbelh chak na nei mi tan chuan an in huam thei khawp in ka hria… Phaia awm, MIZO( Indian) ni tho si, in la western tum lutuk vang in, an tawng ka zir duh lo, Indian kan ni lo blah blah ho hian problem an tawk nasa.. engang pawh in vai vai ti mah ila, kan Indian nih na hi chu a bang dawn chuang lo-
63
3d Says:
June 28th, 2011 at 6:50 pm
racist ka ni lo, hnamdang ho ka ter thei lo mai ani.
64
littlerascal Says:
June 28th, 2011 at 7:01 pm
3d i ter theih lohna tak kha lawm i racist na le lolz
Zorama awm i nih chuan a ziaawm
65
gopalla Says:
June 28th, 2011 at 7:30 pm
vawi khat Aligarh,UP ah kan kal tumin chawchhun eiin hotelah kan chawl a.Kan luhna ah chuan tlangval pathum hian beer an in ve a,’ khawi atanga lo kal nge in nih? Mizoram kan han tih chuan khawia awm nge tiin min zawt ang hehawa.North East India kan han tih pohin zuk bo viau thova.Hei hi Hindustan a nih hi,min tih khum vel.
66
zualbonez Says:
June 28th, 2011 at 7:41 pm
61
pa-para Says: dik lutuk
67
hmingtea Says:
June 28th, 2011 at 7:42 pm
Kan racist viau a mi ten kan chungah pawh racist viauah kan ngai bawk ni velin ka hria .Mi dang hnam dang te pawh a dik tak chuan kan chungah an racist viau hi a dik tho.

Vaichhia,nghapih kawlkerang kan uar hle hi.
68
gopalla Says:
June 28th, 2011 at 7:50 pm
Mizote hi kan racist a ni ang kan ram zimte ah hian hnamdang kan ngaithei lo em mai,hnamdang sumdawng reng kan chawi tir nasat thin hi maw.
69
Sandman Says:
June 28th, 2011 at 7:51 pm
Mihring zawng zawng hi kan racist vek. Human nature a ni e.

Phai ah kei pawh ka awm rei tawh hle a, hetiang te chu ka tawng fo mai. Story ngah tak ka ni

Mahse thil pawimawh ve deuh chu – Mizo i nih avanga vai in an rawn hmusit che emaw ti duh dah lai che i rilru a a cham reng ang khan, Mizo i nih avanga vai in an duat/ngaisang che emaw an duhsak bik che hun pawh kha hre tel ve reng rawh. Sual deuh deuh an awm lai hian, fel deuh deuh pawh an awm teuh mai.

Racism hi mihring mizia a nih ang tho hian, thil huatthlak lam rilru a a cham rei zawk pawh hi human nature tho a ni e.
70
Veepee Says:
June 28th, 2011 at 8:09 pm
@ Pu Sandman, i thil sawi khi a dik ka ti khawp mai, kum 6 vel zet chu hei Mizoram pawnah ka tei rawlai ve ta, India mite mizia hrang hrang hi ka man ve tawh khawpin ka inhria. Mi zawng zawng ka dem lo khawp mai, tuna ka awmna ah phei hi chuan kan nau pakhat hian zing ka thawh phat hian min good morning a, thingpui leh a hmeh min lo pe vat zel, TUNAH PAWH HIAN KA EI TUR ARSA A SIAM MEK E , HUIHA, A SEH HMEHAH MIN RAWN LA CHHAWP ZUI, KA PAW DAWN EMAWNILE . Tin, thian leh thawhpui leh ka pute thlengin fel tak tak leh naute fel tak tak ka ngah khawp mai. Ka vui vaina ah min lo ngaihsak lo la, racism awmzia leh Mizo te kan rilru put hmang hi a pawng a puia indem vak tur pawh kan ni love ka tihna zawk a nia, constructive deuhva inzilh reng erawh a tha khawp mai.
71
Sandman Says:
June 28th, 2011 at 8:48 pm
i sawi chu a dik a lawm. Chuan Mizo te hi kan racist bik chuanglova, vai te pawh an racist bik chuanglo. Eng group zawk nge (Mizo emaw vai emaw sap etc etc) hi racist zawk tih hi sawi chu a har viau ang, kan generalize a nih ringawt loh chuan. Official takin survey an la la lova, lak pawh a theih ka ringlo.

Hmanni ah ka Mizo thiannu in Mizo mipa hovin vai mipa ngaizawng Mizo hmeichhia an sawisel chhen a ning zia min hrilha, chuan ka experience ka hrilh ve chiah chu a ngawi kur mai. Mizo mipa te chuan kan sawisel ringawta, mahse vai bialnu ka neih lai te kha chuan a vai pui (north indians) ho nen chain leh hockey stick in kan insual ziah thin a lawm, kan nih vang ringawt khan. Ka vai thiante (south indian) ho hian min rawn tanpui ngei bawka

Ka sawi tum bera chu, hetiang racism lam kan sawi hi chuan kan lo experience tawh atang ngei hian kan sawi tlangpuia, i tawng ang leh ka tawng ang hi midangin lo tawng ve se chu, kan ngaihdan a in ang maithei. Chutih rualin la tawng velo tan chuan an ngaihdan a dang daih thei bawk.

Entirnan, “Vairam thingtlang lam chu an racist bik” i tih khi, thingtlanga basketball tournament kheltur a ka kal lai te khan, keimah ang min hmuh vawikhatna a nia, keimah vangin mipui (locals) hovin kan team an tana, chuan match zawhah ka autograph te an rawn la vel a sin! lolz. Ka teammates te pawh an nui nasa hle. Chuan an khua a official ber ni awm hian kan team chu chaw ei ah min sawma, midang chu chhuata an thut vek lai in, kei chu table ah hotute ka kil pui daih a sin. Kha daih kha a sin ka experience ve atang chuan Hei vang hian kei chuan thingtlang lam an racist lo zawk ka rawn ti ve thei tho

i sawi ang hian, Mizo te kan racist bik han tih chu a diklova, chuan hmun khawiah pawh a sual leh a fel chu kan awm zel a ni. Good post, pu Veepee.
72
Fonz Says:
June 28th, 2011 at 8:56 pm
Racist chu kan ni vek ang mahse bigot chu kan ni vek lo ang. Racism vs bigotry ziah hun khawp mai, ziak peih awm se
73
Sandman Says:
June 28th, 2011 at 9:07 pm
hehe fonz, keichuan GnR “Civil War” kan ngaithla teh ang, i comment nen hian a inhmeh
74
zualbonez Says:
June 28th, 2011 at 9:09 pm
Sandmana sawi ang hian vai thingltang ho te hi chu kaha se racist?..chutiang awmzia pawh an hrelo ….an fel lutuk keipawh hi antih ang deuh hian min welcome thei lutuk thingtlang velah chuan….mahse class leh caste inthliar hrangna a tam ve thung
75
Veepee Says:
June 28th, 2011 at 9:19 pm
@ fonz i sawi a dik e.. mahse racism hi definition leh line draw a chiangkuan loh avang hian bogotry nen pawh hian a kaihkawp theih tho na lai a awm.

Nia @ Sandman, ka wording hman racism ah hian ka tisual deuh te pawh a ni mahna, mahse i thil sawiah chuan ka hmin thove. Ka sawi tum ka phawk chhuak chiang lo pawh a ni thei e, chuvang tak chuan a nia ka tih, ka example te khi ka thupui nen ka hmehbel dik lo maithei ka tih nachhan. Mahse, kei chauh ni lo ka thian dangte vai ho tho te pawhin min support,Maharashtra thingtlang ah kher kher hi chuan an racist/defintion-unknown hle a ni ka ti ve tlat.
76
true ^mizo^Boy Says:
June 28th, 2011 at 9:29 pm
pu Sandmana chu vai nula lo sas xeuh nimaw..lungoilo

keipoh hi vairam ah hian lehkhazir ten ka om rei ve fu toh a,an mi en dan hi chu a inchen vek lo tih chu hriatsa a ni,mahni ram a ni bok si lo tih theih a vang..mahse sual ve tak2 kar ah poh hian fel ve tak2 hi chu an lo om ve xel mai…mizo ang a han tih tak ah te chuan, mahni ram ah na na na te chuan tunge huai lo ang…AR PA PON A RAMCHIN A HRIA A LOM,kan ram ah te chuan kan HUAI ve ang chu
77
mach3 Says:
June 28th, 2011 at 10:57 pm
#76,”AR PA PON A RAMCHIN A HRIA A LOM” ka vawi khat hriatna, “arpa chan lai” tih te chu ka hria a, khi kher khi chu a in hmeh pawh a in hmeh lo. Ar pa hi chu a khual pawh a huai2 hi an ding changin a nu poh an thei hnem mai in ka hria
78
Leavi Pcresn Says:
June 28th, 2011 at 11:07 pm
Comment a ropui e.. Racist awmzia pawh ka man ve trep e, ganwadi tlan bo, nitin inhlawhfa chawp a hian..!
79
mizo.tlangval Says:
June 29th, 2011 at 2:51 am
Mizo hi chu kan Racist deuh ber in ka hria kei chuan…ve maimai ana…. vai 1 in thil a tih sual avanga vai zong2 phek vuak kan ching si… a leh lamah christian state kan in kan ti leh bok si a….. mi in kan chunga racist deuha min han tih ve hian kan rilru ana hma leh bok si.. vai aizawla om ho te hian han ziak ve chhin sela a chiang ber om e….

Ram changkang ah Hnamdang in thil a tihsual in a hnam ang zonga an in zon luih2/phek vuak kan hre ngai lem lo.. a ti sual tu kha an hrem mai zok thin…

No.21. 58. A dik khopin ka hria.. a lemlam ah chuan India rama om kan nih chhug hi chuan Hindi te hi thiam ve deuh ila a thra fu lo mo….. Indian kan ni miau si ale…
80
PayableOnDeath(Zrma_C) Says:
June 29th, 2011 at 10:42 am
Hmmmm…. Buaithlak e mai! Indian lo tur hi Indian ka lo ni ve tlat
bawk si nih hi, Vai ho lah hian Indian ah pawm har min ti ropui lehnghal bawk sia..
Nepali in tih ziah hi chu a ninawm ve ngawt mai! Huhu! Mahse pawi vaklo ah ngai ang,nepali mi ti
tu te ho pawh hi VAI an ni vetho a
81
Sandman Says:
June 29th, 2011 at 11:02 am
Pu true^mizo^Boy… aaa… nakina kan tem tawh miah loh tur lo tem zuai te pawh hi a tui ve mai mai a lawm…
82
maxms boch Says:
July 15th, 2011 at 12:25 am
post chu tha khawp mai…mizo hi chuan Vai huat hi hetiang vang pawh hian kan bang thei lo ang..kan ngainep ve em a ni vai ho hi chu..