Nu pakhat ang thawm , a chhan kan zawha officer pakhat hnenah thil dik vak lova hming sign-tir a tum-a lo hnawlsak avang thinrim ta kha ka la hrereng mai. Dik lovin tihtir a tuma a lo duh lova a thinrim zaw mah a. Tunhnai maiah SP Singh-a chungchang hi ka lo chhiar ve thin a; thil dik lo tih an tum a a lo phal loh avangin kan haw luai luai ni berin ka hria a. An huat chhan a dik lohna han sawi tur thil dang erawh a tam thovin ka ring a, mahse an sawi berah chu Governor leh kan MLA-te a zah tawk lovah kan puh a ni ber mai.
Justice hi khawi atanga teh tur nge tih hi ka rilruah hian a riak reng thin a. SP Singh-a ang hian kan Director, Secretary leh Officer-te hian dik duhna avangin MLA-te thu hnial ta se, kan chhuang viau lawi thei bawk. Nih loh leh dikna duha pute hnial hi a mipui hian OSD-a dah tur hian kan encourage zel dawn em tih hi a ngaihtuah theih khawp mai. HT.Sanglian’n CM hnena pangpar man a dil leh thu chapopui taka kan sawi lai khan hnam dang chunga Justice kan lek dan hi a fair lo thei ve khawp chuan ka hria.
SP Singh-a hi han tan chhan tur ka nei lo va, amah ka hre hek lo. An thuah hi chuan han demna tur pawh ka hre chuang lo. Amah, dik lo leh tha lo danga dem kan duh a nih chuan thuhran ni se kan kawh rawn chhan ber hi chu a bias deuh chuan ka hria. Dik chu dik ni mai se, dan chu dan ni mai bawk se; a mihring a zira kan pawh fan chuan Justice a nih ka ring lo.
Mizo zinga tam tak hi chuan Officer fel leh tha nia kan hriat kan fak hlawi hlawi thinte hi chu dik vak lo pawha min tihsak duhte an ni fo mai. Dik taka an tih duhna lama min tihsak duh loh chuan ar chuk tui lo khawpin kan chhuah hreh lo leh a; heti reng renga kan moral a corrupt te chuan enge maw kan beisei chuan le ka ti thin.
Ka point ber chu dikna hi a sawitu leh a titu a zirin teh lo ila; a titu hnam leh nihna hmang pawn teh chuang lo ila-dik chu dik ni mai thin teh se. A nih loh chuan mipuite hi keimahni kih hnawkah kan la tang zel ang.
Tin, corruption kan sawi laia ka rilru luah vetu chu corruption hi eng chenin nge kan huat tih hi a ni. Nu/pa-te eiruk sa hmanga thiam taka zir chhuak, chumi hnua a haw ber ang maia tawng leh si hi an awm thei ang em? Chhungkua han dina fate school an han kal trak trak tawh chuan leh..ei leh bara chhungkua han chawm a mamawh hrang hrang han lei diat diat tawh hnuah hian…thlakipa cheng tam tak hlawh la tan pawh tih theih bak hi chu a awm ve turah hian ka ngai hrim hrim.
A chuti lova neih keh cheta a tawn tawna khawsa theite hi an fakawm nge kan tih dawn ka hre bik lo. Amaherawhchu, corruption issue kan buaipui viau lai hian kan chhungkua pawh hi enfiah tel ngam ila ka duh thin. Mahni pawh inbih ngam ila, kan nu kan pa-te pawh zir chiang ngam ila ka duh thin khawp mai.
Mi eirukna hmuh a awl viau lai hian mahni lamah hian phat mawina zawn kual a tul ang tih ka hlau thin. Mi nu leh pa-te eiruk ang hi kan nu leh pa-te lawmman-a kan sawi luh duh chuan leh an hman ban anga kan kalpui duh chuan chhuanlam kan nei tan tih a chiang reng mai. Mi mawngkhak chauh hi kan hmu anga kan mawngkhak kan thut bopui lawi si ang tih ka hlau hlel lo ve.
June 25th, 2011 at 10:34 am
Ka lo comment ve e
June 25th, 2011 at 10:48 am
Tha khawp mai..O.T deuh reuh lawk..Eirukna chungchangah hi chuan tumah kan fihlim tak tak theilo a nih hi.. school kal lai atangin tribal scholarship dilna ami tur income certificate dilna atangin thudiklo in bul kan han tan tlangpui phawt a. adang chu a zia zui zaih mai a ni
June 25th, 2011 at 11:03 am
SP Singh hi dan hmangin a huai anih rinna ka nei ve tlat nia mawle. :-S
Nu/pa-te eiruk sa hmanga thiam taka zir chhuak, chumi hnua a haw ber ang maia tawng leh si hi an awm thei ang em?
An awm thoin ka ring. Mahse, an mahni atanga an thlah kal zel te erawh chuan an eiru ve tawh em lovang chu!
June 25th, 2011 at 11:05 am
SP Singh chung changah hi chuan, a tir atangin tun thlengin ka ngaih dan a la ngai reng. # An puh chhiatna zawng zawngte hi Fair takin chhui ni se la, a lo dik lo ngei a nih chuan, A phu ang tawk a tih mualpho leh Hrem ni rawh se. Tun tum case ah kher hi chuan a tawp thlengin ka tan ang. Lal Isua Roreltu pawhin, “Hemi hi a sualna ka hmu lo” a ti chung chung pawh an khenbeh luih avanga Juda ten hun rei tak an vahvaih na, European kristiante zinga hmuhsit leh cheksawlh an tawrh ang deuh kha, kan Indian pui khawhawi zau deuhte atanga la tawh ve hi thil awm thei anih ka ring a, kan history a black spot pakhat kan zahpui em em ala ni mai thei a ni.
June 25th, 2011 at 11:07 am
(Y)
June 25th, 2011 at 11:10 am
Ania sin, diklo taka thil min tihsaktu te hi min tihsak duhlo tu te ai chuan fel kan ti a, kan ngaina zel nia
June 25th, 2011 at 11:13 am
Hei le ka rwn lang ve ta hlawl mai.
June 25th, 2011 at 11:14 am
#3 a tlar chungber khi (Y) Ama lam tawngkam, amah ngei sawi ka hre chak khawp mai… an puhna a chhanna
June 25th, 2011 at 11:20 am
What is truth? ti khan Pilata khan a zawh kha…
June 25th, 2011 at 11:36 am
Kan inang chiah,keipawh SP Singh hi a thiamlohna ka hre lemlo
June 25th, 2011 at 11:45 am
Khengbet rawh khengbet rawh ti in mipui an au a.
June 25th, 2011 at 11:47 am
Ruh langrawt an chhui leh ngam dawnlo a nih chuan a puh chhetute hi an thiam lo a ni zawk mai lo maw,te ka tia.
June 25th, 2011 at 12:30 pm
Zonet ho report en khan a dik vek bik lo tih chu alang. Mahse, Governor, Dy. Speaker motor etc.. transfer phah nan a ho. Dikna hi mitin hian kan duh vek a,mahse tumahin kan tlin lo.
June 25th, 2011 at 12:34 pm
SP. Singh a chanchin hi ka chhiar atangin ngaihdan ka lo nei mai mai thina. A dik lohna em em hrelo tu te zing ami ka ni ve reng tawh thin. Amaherawhchu, hmanzan Zonet ina a hmuna kal a, an zuk lipse na ka en chinah hnu ah chuan ka ngaih dan a dang ta daih mai. . . A thawhpui kan lamhnai mi te thil kalphung kan zawt chianga ka var uarh uarh mai. Hepa hi IAS pachal fing tak ani tih kalo hreta!! Kan officer junior thenkhat eiru te ang mai mai a hlin ngawt theih a ni dawn hauhlo mai!!
June 25th, 2011 at 12:58 pm
Governor pawh dik bik lovah SP Singh chuan a ngai a ni mai!
June 25th, 2011 at 1:02 pm
Vaipa corruption man tum hian an chhui an chhui ang a, a tawpah hian Mizopaah an chhui lut daih mai angah?! Lo thlir zel phawt teh ang. Puan hnuai thil a hre chiang si hi a huai phah viau ani thei angem? Tih pawh ka sawi dawn miah lo. A tha lo.
June 25th, 2011 at 1:21 pm
dikna hi lui angin luang rawh se
June 25th, 2011 at 1:30 pm
keipwh i rwn swi khi k lo ngaih ve dan chiah a ni SP Singh chungchagah chuan..Hmana Dy speaker nge minister pakhat zok(ka hrechiang lo) tan chhante kha a va ho e oo..”ani pwh a dik bik chuanglo” tih vel mai2.mi dik loh vanga dik loh tum ve ngwt mai,an naupag chhia em mai kan hruaitute ve hi a..
June 25th, 2011 at 1:30 pm
Corruption chungchangah hi chuan tumah tak tak hi an inpuan ngam tak tak lo ani e. Ti tawp dan awmchhun chu ‘FULL STOP’ ani mai. Hun kal tawh te theihnghilh ila,kihhnawk te pawh kal kan ila, TUN atang hian rilru siam in, phoro ngam sak in kal ta ila kan ziaawm chho zel awm mange..
June 25th, 2011 at 1:47 pm
SP Sing hi an sawi sel duh a nih pawn Governor leh kan MLA-te a zah lo tih lai kha chu tan fung atan hmang toh lo hram se a fuh zawk ang. Thil dik lo tih tum alo dang ngam khi a chhuan awm thlawt. Duh leh a dik loh na hai chhuak ve mai ang hmiang a tling tawk bik loh anih chuan.
June 25th, 2011 at 2:25 pm
SP Singh-a hi chu ka example mai ni se. Dikna kan tehfung hi ka sawi tum ber a ni. Mizoramah hanm dang leh mizo-in thu pawi nei se la, mizo kan thiam nghal ngawtte hi dik ka ti thei lo. Dik chu dik dik lo chu dik lo ni mai se.
June 25th, 2011 at 3:01 pm
SP Singh an nuai 12 (?) a senna ‘chhuar’ khu ka hmu ve a (N)
June 25th, 2011 at 3:05 pm
A lo thiam a nih pawn vai, tuikuk, takam chu ka vuipui dawn hauh lo… :-[
June 25th, 2011 at 3:30 pm
John Rotluangliana khan a motor hman tur alo phalloh vang khan, “Mizo min hmusit” ati. an tia mi khaah. 😀
June 25th, 2011 at 3:33 pm
Enge thil awmzia ilo nghak phawt mai teh ang.DIKNA erawh lalber se.
June 25th, 2011 at 5:08 pm
#23 i ngaihdan tak kha a nia sut ka tum chu. Thliarkar rilru deuha awm hi a tha ber lo. Ka survive-na tur lah a ni na hek lo, Dik, fair hi a tlo ber.
June 25th, 2011 at 5:15 pm
bible poh hian thihpui tham sual kha a sawi hrang deuh em kha? (ka hre ve vak lova) coruption chungchangah hian.. development sum leh mi fairel bel a mi tur ngoih2 eiru leh peon paper hawn ru tih velte hi huang khata khung chi a ni dawn em ni le..
June 25th, 2011 at 5:18 pm
corruption chu a hming kan lam phata kan rilrua lo lang ho kha mimal theuha kan fimkhurna turah ka ngai mai, kei chu.