Vawiin chu TV lama Khawhar Chhungte Pual Programme ka en laiin; mitthi chanchin tha lai lai te an han chhiar/puang zar zar a. A hma paw’n ka lo en fo tawh thin avang leh Mitthi Fakna tiin kan thlir liam mai mai thin kha a ni a. Naupang, thalai,nu leh pa, pitar putar thlenga an puan te chu hre chamchî thin mah ila, ka bengkhawn ngai lem lo; tin ngaiah ka nei tawh a ka ngaithla liam vel mai mai thin.
A programme-a ka han ngaihhlut em avanga thlir thin phei chu ka ni lo. He programme-ah hian zaipawl zai, ka hla duh tak takte an rawn thlan thin avang choha ngaihlua, thlir ve mai thin ka ni; ka ngaithla a ni zawk zaw mah!
Vawiin tlai chu eng ka ti ta nge mawni pawh ka hre lo; thatchhe fahrana thutthlenga tlu chunga TV en pah deuh roha ka ngaihthlak lai chuan; “Thi ve ta ila, ‘tiang hian ka chhung te’n min hriatrengna pualin hla te min rawn thlansak dawn ta se, Mitthi fakna tia ka lo sawi liam vel mi mai thinna hunah hian engnge an han tarlan ve ang le?
Ka damlai hian ka thih hnu thlenga hriatreng tlak hnutchhiah ka nei em? A eng hi nge an han sawi anga, a eng ho hi nge maw an han zep then dawn le??” tiin keimahah zawhna a awm tlut tlut mai!
Mitin mai hi thi vek tur kan ni tih ka hriatna a rei tawh; kei ngei pawh hi engtik ni-ah emaw chuan ka la thi ve ngei dawn tih pawh ka hria. Ka hun kal tawh te ka ngaihtuah let chang hian chhuanawm leh fe fe, ngaihtuah leta zahpuiawm tak tak te a awm nawk tih ka hria.
Ka thian tha zual te tih loh tu dang han hmelhriat lah ka hlawh hek lo; hlawh tur paw’n khawsak ka tum ngai lo tih te min hriatchhuah tir. Kohhran leh khawtlang angah te chuan tlin lo chung chung chuan kan han inhmang ve nawk nawk thin tak naa, kan hmel leh kan hming te chu hre ve fer fur thin mahse active loh hunah theihnghilh mai a har lo tih te pawh min hriatchhuah tir bawk. Kan tun hun hman dan hi a pawimawh hle mai.
Midangte tana malsawmna nih hi thil har lo tak, tih hlawhtlin erawh har tak lawi si a niin ka hre ve teh tlat mai. Kan nitin hun hman fuh loh vangin kan damchhungin min vaw let dawn a, min vaw let leh mek bawk. Vawiin hi engtikah mah a herchhuah tawh dawn loh avangin hman that hi a lo va pawimawh tak em! Vawiina kan thil tih leh kan chetzia hian chatuan min thlen khalh zung zung mai si a; inchhirin awmzia a nei lova, inchhir sa teh mah ila kan siam tha thei tawh lo.
Kan thiamna, kan finna te hi chhung viau thin mah ila, Pathianah chuan engmah lo mai a ni. Kan thih hnua kan awm chhunzawm zel dan tur kan hre si lo. Officer lian tak tak te pawh an thi tho a, mi rethei kutdawh thlengink an thi phuk phuk mai si. Kan damlai hun hi a rei lem loh avangin nuntluang pangngaia nun mai hi thil hahdamthlak ber a ni. Malsawmna kan dawnah choh lungawi erawh ching lo ila, malsawmna petu-ah lungawi ta zawk ila, nun a hahdam lehzual ngeiin a rinawm.
Similar Posts:
- Mitthi vui chungchang.
- 2010 ni tla ka thlah liam ta…
- Zu! Zu! Zu!
- Liverpool football fan club blog thar
- Kan khuaah chuan….
#2 khi ka hre tawh, ka...
June 27th, 2011 at 5:07 pm
A van han tha teh reng em? Kei pawh ka inzawh fona ani thin a, mimal tin kan in bihchian a ngai thin reng a ni. Thihna hi putar leh pitar te chan a niloa, thalai te pawh kan bang bik chuang lo, good post
Report this comment
June 27th, 2011 at 5:08 pm
Sawlamah ka lo chhiar zo chiah a.
Report this comment
June 27th, 2011 at 5:19 pm
A va tha em.
Report this comment
June 27th, 2011 at 5:41 pm
a piah ah ka lo chhiar hman..
Report this comment
June 27th, 2011 at 5:43 pm
Vawiin hi nimin ani lo, naktuk pawh ani lo. Ka va sawi tha em.
Report this comment
June 27th, 2011 at 5:45 pm
Kei ka nun a harsa ka tih em em mai chu Tlawmna nun neih hi ani.
A tha hle mai…
Report this comment
June 27th, 2011 at 5:50 pm
Mi rethei ve leh chhawng, harsa tak a nitin NUN hmang thin ho tan hian “VAWIIN” hi a va huphurhawm awm thin tak…
Report this comment
June 27th, 2011 at 5:52 pm
Mi pakhat thi tur pawh khan ‘mahni meuh han thih dawn chuh’ a tia ni awm e. Kan thi dawn tih hi kan hre theuh a, keimah ngei hi ka thi tak tak dawn a ni tih hi thil ni ngei si pawm thlap har tak a ni awm e…
Report this comment
June 27th, 2011 at 6:07 pm
Gud post..miten min chhiar, min thlir reng e, ka nundan zawng zawng an hai lo.
Report this comment
June 27th, 2011 at 6:22 pm
gaihtuah a tithui duh hle mai aa…. Hetiag lam hi tun hmain k lo gyhtuah cin gai meuhlo a.! Achha Post..
Report this comment
June 27th, 2011 at 6:29 pm
Good post
Tin, Vawiin tho:
https://www.wtop.com/?nid=884&sid=2436262
https://www.wtop.com/?nid=41&sid=2438536
Report this comment
June 27th, 2011 at 6:35 pm
Helai thu chu ril hle maia
“Vawiina kan thil tih leh kan chetzia hian chatuan min thlen khalh zung zung mai si a”
zan kan muthilh lai hian engmah kan nilo tih hi hria ila
Report this comment
June 27th, 2011 at 6:50 pm
Thla la teuh teuh mai rawh. Hla khat daih tur tal hi chu neih ve hrim hrim a tha.
Report this comment
June 27th, 2011 at 7:13 pm
Report this comment
June 27th, 2011 at 8:05 pm
Tha hle mai. 1985-87, kum 3 chhung kha zu leh kanja ka ti ve thin a, Vawikhat ka kanja rui keimah chauhin phùlah ka thu a, ngaihtuah hi a díng veng veng mai a. Ka kawng zawh laiin engmah thil tha min thlen loh tur zia chiang takin ka ngaihtuah chhuak ta tlat mai a, Sual sim/kal san duhna ka nei ta tlat anih chu. (hetih lai hian ka nuin min lo tawngtai sak reng ani awm e). A hnu lawkah mi kohhran Salvation Camping siamah ka lut ve ta rawih a, rilru inpeih sa ka ni bawk a, Chhandamna thu sermon a sawi hmasak berah ka piangthar nghal. Chauh leh petek deuhte chu awm ve bawk mahse conviction ka nei nghet em mai a, Pathian zarah Tlùk thlawp èm chu ka nei ta lo. Thlarau Thianghlim hnathawh i chungah a thleng ve anih chu ka tih chuan, ei lo fe fe an awm leh awm si a, vawiina i rilrua thil lo thleng kha bawhzui ngei ang che.
Report this comment
June 27th, 2011 at 8:10 pm
PKfanai…nia male…ganja te hi chu thalo tak ani.
Report this comment
June 27th, 2011 at 8:21 pm
16. zualbonez, ganja chauh ami thalo? Pakhat zawk pawh hi?
Report this comment
June 27th, 2011 at 8:25 pm
Good post
Report this comment
June 27th, 2011 at 8:26 pm
pkfanai…i in thiamlo ani ang chu…seklf control neilo bawk ..hrim2in ganja nena han tih pawlh re re….
Report this comment
June 27th, 2011 at 8:36 pm
Zuala, Tuna kan Politicians leh Party neih laiah mipui kan beidawng si a, I party thar din tur hi nghakhlel takin kan lo thlir ve a nia. Party President Chief Ministerial Candidate ni bawk ‘ZU’ in thiam tak neih chu, zawrh i huphurh awm lutuk ang a? Lo inngaihtuah chiang deuh teh.
Report this comment
June 27th, 2011 at 8:41 pm
inthlak loin mipui mindset alawm thlak ka tum
….gudnite gym kal a hun 
Report this comment
June 27th, 2011 at 10:17 pm
Zualbonez, zu bawk a mi i lo sawi leh tak, heh.
I post tha kher mai, valtolo. Ka tan i to e.
Report this comment
June 27th, 2011 at 11:29 pm
Post tha hle mai!
Report this comment
June 28th, 2011 at 1:05 am
kan thih huntur hi ngaihtuah lawk lo mai ila a thawventhlak mai lo maw,amaherawh chu Pathian duh lo zawngin nunglo hram ang u.
Report this comment
June 28th, 2011 at 1:20 am
I hmu chhuak dik hle mai.
Thih hunah kan nun inkhaikhawmna ah hian mi te’n engmi nge ni a min hria se kan tih – tih hi. Chumi a zir chuan nun kan fimkhur thei ang.
Report this comment
June 28th, 2011 at 4:50 am
I sawi tum chu tha, mahse helai thu hi chu a chuangtlai lek lekin ka hria, thu inkalh tlat niin a lang bawk (nge ka man lo zawk?):
“Midangte tana malsawmna nih hi thil har lo tak, tih hlawhtlin erawh har tak lawi si a niin ka hre ve teh tlat mai.”
Report this comment
June 28th, 2011 at 12:55 pm
Pa pakhat pawh kha “khawhar chhungte pualah” a vawkpui nena an thlalak dun an rawn tichhuak a; feiin an la kawhsualtir vel. Vawk zawk kha an kawhtir a!
Report this comment
June 28th, 2011 at 11:51 pm
Comment tute leh chhiartute zawng zawng chungah lawmthu ka sawi e… Ka post rawn chhuah laiin ka nuamsam lo a, ka online hlei thei lo a, poi ka ti lutuk. Tlai khawhnuah lawmthu ka han sawi mawlh mawlh e… Vawiin hun hman nuam vek u.
Report this comment