Post leh Comment lama contri mumal hman lo chung hian vei a pui hi ka ngah phian reuh pek a, he ka rawn sawi tum chungchang hi post hlui lamah a awm lo ni chuan ka hria a, ka han khilai ve leh thawr mai teh ang che u. Mahse tunhma ang tho khan hnathawh dan kawng te’n a zir lo bawk a ka vil mumal hman leh chuang lawnge…min lo executive mai dawn nia 
Kan hnam kalphung hi keima phak tawk tete chuan ka han thlir ve thin a, loh theih lohna avang hian kan system hi a inthlak mek a, chu chuan cultural catastrophe (kan tawng ngeia mawi taka han leh ka hlawhchham) a thlen thei hial mai awm mange tih te ka ngaihtuah deuh ta rum rum nia….chu chu Mipate Dinhmun hi a ni!
Kan hnam nunah mipa an lal a, chhungkuaah pawh PA ber chu thuneitu sang ber anga ngaih a ni a, engemawti zawng tak chuan kan Bible pawh hian he system hi a vaw hot phian niin a lang bawk (theology lam chu min zawt thui lo hram ula 
). Mahse tunhnai kum 10 chho ah hian uluk taka ngaihtuah chuan kan hmeichhiate hian min lehpel nasa ta hle niin a lang….zirna leh thiamna lam te, eizawnna kawngah te adt adt…sawi tura pui chu a tam awm e.
Chhungkaw tam takah hian nu ber zawk hi eizawngtu ber an ni ta fo mai a; ka fate sikul kal ka thlah ve zeuh chang pawh hian pa ber fate thlah leh lam hi thahnem tak ka hmu ta fo nia. Chu mai nilovin mipa tam tak an nupuite ina lawi lut, nupuite hnathawka an chhuah laia in lo nghak, fate buaipuitu ber a tang, ei rawngbawl leh inchhung sekrek khawihtu bera tang hi an awm ta fo mai. Kan makpa pakhat phei chu an nu nen an inti thiam lova, an nute inah a fin si a, a bungrua nen a chhuak hna hna mai a, mipa ka nihna atangin ka lo zahpui ru hle (ka ngaihdan hi a radical hranpa pawh niin ka hre lo; ka seilen dan leh mipa tih tur leh nih tur nia ka hriat leh zir chhuah vang te pawh ani mahna)
Chutih mek lai chuan mipa (tlangval/pathlawi) tlawngawl tih tur hre lo, Awm Mai Mai Association member rinawm tak ni mai thei tur hi veng tin maiah hian an phu tak ang sup sup a. Hmanni lawk khan kan thian pakhatin an nau tlangval BA 1st yr dropout, damdawi lam problem lo nei ve chu min counseling tir pek a, zawhna kan han inzawt chu leh “AIM IN LIFE” hi zuk nei hlawl lova mawle…mak thei haih haih khawp mai!
Chuvangin kan hnam hi zahawma kan siam theih nan khawvel lamin “Women Empowerment” buaipui hle mahse keini erawh chuan “Men Empowerment” lam hi kan beih ve tauh tauh a ngai hrih niin ka hre ta a ni. Matric/Plus II Exam/Hnalak/MCS leh MPS tih ang reng an lak thara mipain dinhmun sang zawk an hauh chang hi chuan ka “YAHOO” ring thei viau reng a ni . Chuvangin Mi(Sual) MHIP member te khan min lo hrethiam se, a khai uai chin hi chuan theihtawp chhuahin thlatin thisen chhuah chingho hi lehpel turin leh, kan ram leh hnam hmasawn zel theih nan i infuih thar sauh sauh teh ang u ka han ti ve leh rawih mai a ni. Tu pawi mah ka sawi loh hram ka beisei; inngaihbel in lo awm palh ta anih leh “Empower” in ngai ni hmiang
Similar Posts:
- A lanna tlang dang atangin
- Tunlai Mizo Mipa leh Hmeichhe Dinhmun Hi
- Gorkhali-te OBC-a telh an remti
- Mizo hmeichhia ten hnam an hmangaih a hun ta!
- Combined Post – (matea_tmj & Laiphir)
August 3rd, 2011 at 11:32 am
A thupu1 ka support…chh1ar ang.
August 3rd, 2011 at 11:33 am
2 Hmeichhe chunga inluling vak lo hian kan dinhmun hi chu tihsan a tul tak khawp mai. A pawng a taka hmeichhe chunga rorel tum ringawt hi mipa dinhmun sanna ani loa, kawng engkima hma kan hruai theihna hi sanna chu anih zawk hmel. Chhiar tan ang aw..
August 3rd, 2011 at 11:33 am
va tha dawn em.
August 3rd, 2011 at 11:40 am
4 Mahse gender-based hierarchy hi ka tuipui loa, catergorization hrim hrim hi ka support lo.
August 3rd, 2011 at 11:57 am
Ka comment zak deuh. Kan hmeichhiate an lo changkang ve zel hi a lawm awm alawm maw le. Nula hmeltha, no nalh tak tak, an ngaihzawngte Pasala nei thei lo, anmahni leh fate chawm thei tur, mi hausa leh officers, an nu leh pate thlan sak neih ngaite hi ka khawngaih thin. Chuvangin hmeichhiate hi mahni leh pasal fanau chawm zo ngei tura thawk rim a, anmahni duhaisam ngei pasala thlang thei tur hian ka fuih thin. Chutih laiin mipate pawhin Rùnlùm nuthai, kan duhaisam ngei nei thei tura tan kan lak chu a ngai khawp mai. (Ve leh duah ringawt mai a.)
August 3rd, 2011 at 12:03 pm
A ni khawp mai.
August 3rd, 2011 at 12:06 pm
a pawimawh khawp mai.Mipa ho kha…..tang teh u. post tha tak ani….FULL support ka pe e.Jai Hind
August 3rd, 2011 at 12:09 pm
Mipa a kan lo pian ve tawh chuan kawng engkimah PA takin le.
August 3rd, 2011 at 12:13 pm
Khai aa!!!
August 3rd, 2011 at 12:17 pm
Mipa chu Mipa, hmeichhia chu hmeichhia
August 3rd, 2011 at 12:20 pm
Good post…
August 3rd, 2011 at 12:23 pm
Hmeichhe dinhmun chawisan tih hi ka ning tawh khawp mai. mipa dinhmun chawisan tih hrim hrim hi ka full support e..
August 3rd, 2011 at 12:26 pm
Kan lek sang, kan chawi sang, kan dawm sang … lekpui, chawipui, dawmpui kan nih lam ai mahin —lawn san lehzual a ngai. Phelh leh theih loh khawpa suih erawh chu a tha ber lo vang. Inlehpelhna khawvel a ni; amaherawhchu kan elpui hmeichhiate hi kan rival an ni lo a nia aw!
August 3rd, 2011 at 12:52 pm
post tha khawp mai,, mipa te’n, nasa lehzuala tan kan lak a ngai tak tak a ni. thil tih reng reng ah, tum (aim) mumal neih a pawimawh khawp mai.
August 3rd, 2011 at 1:03 pm
Hmana kan culture avang khan mipate hi khutah kan thinlung chhungah, kan thisen zamah hmeichhia aia chungnung zawk nia in ngaihna hi a la awm reng; mahse a NIH NGAWT LOH zia a lang zel e. Kan hmeichhiate hi kan hmang thiam lo a nih phei chuan kan awmdan hi kum engemaw zat hnuah chuan a in HER bawih ang mawle!
Tun hnaia Mizoram University hnuaia Graduate degree result chhuaka Topperte hi lo en ila:
Gloria Laldinmawii Sailo – English; PUC
Lalrammuana Sailo – Mizo; PUC
R Lalnunkimi -Pol. Science; Lunglei Coll.
PB Vanlalthlamuanpuii -Education; J Thankima Coll
H Lalmuanpuia -Geography; PUC
Lalsangzuali -Mathematics; PUC
H Lalthakimi -Geology; PUC
Rosy Lalmuanpuii -Botany; PUC
Rebecca Lalnuntluangi -Physics; PUC
HT Malsawmtluanga -Zoology; PUC
Lallawmzuali Chhakchhuak -B.Com; Hrangbana Coll
Lalbiakzuali Pachuau -Economic ; Lunglei Coll
Reuben Lalzawmliana -Sociology; GAC
Anne Lalnunmawii Pachuau -Psychology; HBC
C Laldawngliani -Statistics; PUC
Judy Lalhmangaihzuali -Home Sc.; Zirtiri Coll
Jonathan Lalngaihawma Sailo -BA (Gen); T Romana Col
Mipa an tam lo khawp mai, 5 chiah an lang. A bak chu hmeichhia vek! Kumina kan result ringawt pawh hian kan dinhmun chu a hril ve tho mai.
Post tha tak a ni!
August 3rd, 2011 at 1:07 pm
Khaia! Sakei-baknei pa angin chi thlah chauh kan tum ve tawh ang chu tihnak alaia a hnungtawlh zawngin maw….
Sakei-baknei hi Pa ṭiah2 deuh asin
August 3rd, 2011 at 1:18 pm
Tunlai chuan mipa aiin hmeichhia (hmeitha tih zawk mai tur emaw ni) in lehkha an thiam zawk ta fo mai a. Mizoram ah hian school examah mipa an la lang zawk anih hi, ram dangaha chuan top 10 ah mipa 2-3 vel lek an lang ta fo mai. IAS exam ah pawh hmeitha an top tak fo hi. Kan tluklo tial tial dawn a ang viau.
August 3rd, 2011 at 1:48 pm
Nu ber thawhchhuah ringa awm chu, PA ber nimahse, sa hmeh tum hian sa tha deuh lak a inthlahrunawm duh an ti.
Pa ber in a tihtur dik tak nu chungah tih chat chat tur a ni mai
August 3rd, 2011 at 1:51 pm
He post chu(h)… hmeichhe dinhmun lo tha ta hi chanchintha rah a ni a, thufingin ‘hmeichhe vau lo leh vau sam loh chu an pawng tulh tulh’ a tih ang khan, talhfiak leh kutthawh zawnga vau lova mipa zawk hi thuneihna (power) nei tura tan angai ani. Hmeichhia-in an zah, chung en theih tur khawpa exercise lak that a ngai a ni mai. MA nulain Matrict pass lo tlangval, tho tlai ve satliah ngwt chu a zah lutuk lo maithei ani. A tawi zawngin sum thawkchhuak zawktu zawk hi in chhungkhurah pawh an thu duh tlangpui.
August 3rd, 2011 at 2:08 pm
Chawi san tih lam a ni lo, mipa te hian tan kan lak a ngai a ni mai, tanlak lam a ni zawk.
August 3rd, 2011 at 2:13 pm
MA mipa chuan duat takin matric pass lo hmeichia a enkawlin a nei thei a….mahse MA hmeichhia chuan mipa matric pass lo chu a hmusit deuh lo maw…inchhungkhur ah hrim hrim pawh mun tam takah chuan Mipa te hi Hmeichhia te nen intluktlang ni lovin, hmeichhia te thuhnuaiah kan kun tawh zawk lo maw..mipa te tan a ngai e…..
August 3rd, 2011 at 2:20 pm
A ni ngawt mai, bazar te hi hmeichhiate hmun emaw kan ti ringawt a, hei hi siamṭhat atan a ṭha khawp mai, hmeichhiate te leh zelin sa an sêr tak hi
August 3rd, 2011 at 3:17 pm
Sari’n a pasal Abrahama ‘ka Lalpa’ a tih ang nun nei ngam hmeichhia an pawimawh tho. Engpawhnise, Bible-in ‘Hmeichhe lu chu mipa a ni’ a tih hi hriat reng a tha thin mange. Education leh hnathawh ringawt hi a ni berlo. Eng anga lehkha thiam, hausa, hmeltha, zaithiam, officer pawh nise a pasal kha a zah tho tur ani. Chu chu empowerment diktak ani.
August 3rd, 2011 at 3:19 pm
Ignatia#15: awi awi awi, mathe leh physix ah hmeichhia kan tluklo anih khi.
August 3rd, 2011 at 4:01 pm
Kan ngaih a sam het hut hlawm em alawm. Tam tak chu mipa nisa rengin kan inti pa (MAN) ringawt a, thil tak2 buaipui kan peih leh silo.
Mipa tam tak hian mi rel (gossip) te hi an peih zawk tawh fo asin. Mahni thian te ngei pawh nise, an awmloh chuan fiamthu thawh nan an hman fo hi…
August 3rd, 2011 at 4:14 pm
Ni e Tan in lak a ngai mizo mipa te, inhniam ta thut tihna ani lo,hmeichhia ten hma kan sawn ve vang ani pakhat,kan lehpelh fai vek hma che u hian hmalam pan in han tlan lawng2 teh u…
August 3rd, 2011 at 4:44 pm
kan lo kal alom hei kei leh ka thiante nen hei…..Kan Bible hi a nung a,hmeichhia te chu mipa thuhnuaia kun tur a tih kha rinhlelh tur ka hre love. lungngai mah ta che u. A tawp ah chuan mipa tho hi a dingchhuak tur kan nia lawm
August 3rd, 2011 at 5:06 pm
Mipa nep deuh deuh, an nupui tena an chawm/(feed) ka hre nual mai. Hmeichhia an nih avang ngawtin an nep lo, kan inthlahdah lutuk a, hnamdang min neihsan zel ang. Ka unau te hi hmeichhia vek an ni a, ka sawi ve ngam tlat.
August 3rd, 2011 at 5:10 pm
Mipa hi chuan kan TIHTUR TAK hi han TI chat chat mai ila thil hi a fel vek mai a lawm.
August 3rd, 2011 at 5:23 pm
Kan TIH TUR kan tih loh avang a lawm min ngaihnep thin…
August 3rd, 2011 at 6:44 pm
Hmanlai “Roman Catholic” ho pawh khan hmeichhe fing deuh kha chu dawithiam an tia, an hal hlum thin em ni kha ?
Mizo Society-ah pawh hian hmeichhe lalna chhungkua hi chu hmanlai atang tawh khan a awm ve hrim hrim lo maw ? “Thaibawih” tih tawngkam hi engtik atanga Mizote hian lo hmang thin tawh ni ang aw…??????
August 3rd, 2011 at 9:51 pm
Komen tu lam inthlahrung an tam ni maw….MIPA PA HREK HRAWK kan lo thahnem hran lo ni ta berin a lang!
August 3rd, 2011 at 10:03 pm
Thai-nupui, bawih-sal. An hmanna a rei tawh viau in ka ring.
Fa sual ziktluak nei ho hi hmeichhe lal na inchhung a ni duh khawp mai, ka hriat hoah chuan. OT em o?
August 3rd, 2011 at 10:05 pm
Nupui ten min ngam tlat chuan eizawngtu zawk pawh ni ila tihngaihna vang deuh mai ania……
August 3rd, 2011 at 11:09 pm
Keipawh ka ngaihdan ani e post tupa.Hmeichiate eizawngtua an tang hi sawisel thei kan ni lo khawp mai.Mipate inenchian kan ngai deuh chu a ni.Office-ah kal ila hmeichhia an tlim hmur mai hian a hriata,dawrkai-ah pawh hmeichhia an thahnem khawp mai, chawhmeh bazarah pawh hmeichhia deuh vek. Tin, a bazartu pawh hmeichhia tho. Vai ramah hi chuan mipa deuh hlir hi an ni maiin ka hriaa
August 4th, 2011 at 1:11 am
Mizo mipaten tan kan lak a pawimawh khawp mai
August 4th, 2011 at 10:20 am
mipa ho kha tang mawlh teh u, in tan tak tak chuan hmeichhiate hi chuan kan phalo lutuk che u a nia, in theihna zawng zawnga in tan loh vang alawm hetiang sawi a ngaih! hmeichhe theihna zawng zawng let thum hi mipa theihna chanve a ni tih hre nawn mawlh teh u!