“White House” han tih chuan enge/khawnge a awm hrelo kan awm meuh awm love. Engpawh nise a chanchin tlemte, tawi te tein i han sawi phawt teh ang aw!
1792: White House sak dan tur ngaihtuah chhuak thiam bera George Washington in a thlan, James Hoban chuan White House sak hna atan.
1800: President John Adams leh a nupui First Lady Abigail Adams te chu White House, in (residence) anga hmang hmasa ber an ni ta.
1814: British sipai ten “War of 1812″ an tihah chuan White House an hal.
1817: James Hobanin White House sak that hna a thawk zo.
1846: White House thlalak hmasa ber ni ngeia hriat lak a ni.
1902: President Theodore Roosevelt te chhungkua in an luah ve chiah chu an rual lutuk a, an chenna pawnah “west Wing” chu pisa lailawk atan a hmang.
1948-1952: President Harry Truman chuan sak that hna thawkin leihnuaiah chhawng hnih dang a sak belh.
2000: White House chuan luah anih kum 200 na a lawm.
President Benjamin Harrison khan White House ah electrical wiring a dah thar tir a. Electric a hlauh em avangin a eng timit a, tieng turin electrician hranpa a ruai.
CHHUNGKUA A WHITE HOUSE FAN INPUAHCHAH:
Tunhma, 9/11 hma te kha chuan White House tlawh duh chuan a tlawh theihni in, pawnah intlarin, awlsam takin an lut thei mai thin. Tunah zawng, firfiaka che ten engkim mai harsatna an siam ta si. Chutiang anih tak avang chuan an dan siam angin, kan district (district 6) bialtu Congressman, Roscoe Bartlett hnenah lehkha thawnin, chhungkua a White House tlawh kan duh ve thu ka thlen ve a. A secretary, Faye Powers chuan min rawn biak zawmin tum 4 lai min dil hlawhchham sak ta a ni.
Hetianga White House fan (tour) phalna dil hian kan dil atanga kan duh ni (day) kha ni 30 a karah a awm tur a ni. Chutianga han dil ngawt pawh ani lova, “Security information’ fel fai takin kan ziah thlap a tul a, chumi chu Congressman pisa lam chuan min va thawn sak ta thin anih chu.
Kan ni (day) duh hun a thlen hma ni 15 ala awm tihin chanchin hriattir kan ni thin. A tawpna berah phei chuan, “Tunkum nipui chhung a khat tlat tawh mai, a pawi hle mai. A hnu lam in duh dawn chuan kan lo dil sak leh ang che u,” tiin chanchin min rawn hrilh ta a; a beidawn thlak thei rum rum mai.
Tichuan tumkhat chu ka hmelhriat pakhat Sally Sherman nen kan titina lamah chuan White House fan kan dilna kan hlawhchham hrih thu ka sawi chhuak ta a. Ani chuan, nui ver ver chung chuan, ka puih theih che i ring em? a ti ta roh pek a. Kei chuan ani sawi anih chuan ka rin ngei thu ka sawi ve mai bawk a!
Nui sang chung chuan, “Ka thawk alawm,” ati ta heu mai anih chu. Rilruah chuan phurtharna a awm duh chiang alawm. Tichuan, Sally chuan “Keimahni ho hi mi 2 hruai theihna min siam sak thin a, remchang hmasa berah lo thun che u ka tum dawn nia, mahse keimah tello pawhin mi 3 chauh a theih dawn,” a ti ta a. Ka rilru te te chuan kan chhungkua 4 kan nisi a, ti rilru chung chuan, “Congressman lamah kan dil zel tho alawm,” tia inhnemin, “Min tih sak theih chuan ka lawm ngawt ang,” tiin a tawngkam tha chu ka umzui ve ta a.
Karkhat emaw a rial hman tih chuan ka biakhlatna (phone) ri khat ve tak mai chu a ri ta ral ral mai le! Washington, DC nambar ani lehnghal a, “Tunge ni ang aw,” tih rilru pu chung chuan ka chhang ta a. Sally ngei mai chuan, White House kal theihna July ni 15 zing dar 10:30 atan a tihfel tawh thu min rawn hrilh pah chuan e-mail ah thil hriat tulte a rawn thawn thu a rawn sawi ta anih kha, a ngaithlak anuam hle mai.
Rilru hlim takin ka lawmthu ka hrilh a, e-mail chu ka hawng nghal ta bawk a. Pathum chiah kan kal theih dawn vangin kan fanu upa zawk, Judy pawh a hriatthiam hram ka dil lawk tawh chu ka hrilh nawn leh ta bawk a.
Nilaithawhtan chu zanlam hna ka thawh vangin, Zirtawp zing dar 7 a rik chuan inlamah chhungte lam turin hnathawhna hmun, Washington, DC atangin Km 73 (45 miles) vela hla kan chenna hmun chu ka pan ta a. Kan nu pawh a zing tlan alo haw tawh a, ka fanu naupang zawk Janis pawhin breakfast alo ei mek bawk a.
Kawr ka thlak a, kan fanu upa zawk kan kal dawn thu kan hrilh a, kan chhuak zui ta a. Zanlam tlaivar bawk motor khalh haw a han khalh kir leh chu mit a thip tha duh phian mai. Kan Freeway/Highway lah hi kan tlan muang hran silova, uluk taka mit han khap that ngam lah ani mang bawk silo.
Engpawh nise, ka hnathawhna hmun, Watergate building ral lehlam garage ah chuan motor chu kan hnutchhiah ta a; White House bulah motor dahna awm heklo, taxi kan la ta a ni.
White House kan luhtanna tur, 15th Street leh Alexander Hamilton Place inkar hi kan hnathawhna atanga hnaite ani bawk a reilovah kan thleng ve ta mai a. Gate a duty, United States secret service ho kan va bepawp nghal vat a. Kannu purse an hmu chu, “Ken luh theih leh theih lovah khan chiang takin a inziak asin mawle aw. Khawngaih takin dahna tur in zawn hmasak angai ang.
Leiah in dah phei chuan bomb squad an ko nghal anga, kan vawiin ni a chhe zo a ni mai,” tiin biak nuam tak siin tha deuhin min hrilh ta a. Tha deuha inhrilh pawh ni ila, motorah emaw ka kir leh chu angai ta phawt mai le. Hmanhmawh chung that lohna ka hre leh ta. Lehkha kan neih kha chhiar chiang ila, hetiang kan ni teh nuaih lo tura!
Taxi dang pharin, kan motor dahna hmun lam panin kan tlan leh ta a, kan nu te erawh chuan gate bulah chuan an nufa chuan min lo nghak thung a. Kan hnathawhna hmun kan va thleng chu motor dahna lam aia hnai, kan hotu pakhat, Asst. General Manager pisaah lutin, “Kannu bag hi i pisaah hian kalo dah lawk mai dawn, ka hmanhmawh tawh,” ka ti zung zung a, ani pawhin a lo “Aw” ve mai bawk a, “Ka lawm e,” ka tia ka chhuak leh ta puat a.
White House gate bul ka va thleng leh ta a, kan nu te nen chuan lehkha min pe a, gate hmasa ber chu kan lut ve ta phawt mai le…… Chhunzawm leh tur 
Similar Posts:
- White House tlawh chungchang! -2
- He thil hi eng nge in ngaih ve dan
- Assam Rifles insawn hun tur..
- White House!!!
- Mizoram Tourist Kalkawng?
July 18th, 2011 at 9:17 pm
Ka chhiar first
Report this comment
July 18th, 2011 at 9:20 pm
I blog lamah ka chhiar a, part II ka lo nghakhlel viau a.
Report this comment
July 18th, 2011 at 9:21 pm
sevice chhiat hlan a min lo 1st khalh leee
Report this comment
July 18th, 2011 at 9:26 pm
Gate hmasa ber chu kan lut ta a
, achhung fan hun ka nghak hlel— Chhunzawm vat vat
Report this comment
July 18th, 2011 at 9:27 pm
Sangpuiipa #2 ka lawm e. Midangin mi(sual) ah rawn tichhuak rawh an ti ve nek2 a.. bei tham viau mahse ka rawn ti ta mai anih hi. Naktuk lamah dam chuan a chhunzawmna ..
Report this comment
July 18th, 2011 at 9:29 pm
lehpekah chuan thlalak nen aw. A ngaihnawm e.
Report this comment
July 18th, 2011 at 9:49 pm
Chhiar a nuam e, ropui khawp mai, part 2 kan lo en leh ang.
Report this comment
July 18th, 2011 at 9:50 pm
@pu hv, rawn ti leh vat rawh. Keini khalama rawn kal ve theilo tan chuan a bengvar thlak in a ngaihnawm a. Rual kan pawl ve phah a. Ka thiante ho bulah phuahchawp tlem nen ka han hrilh leh anga. Ngaihnawm an ti leh ngawt ang.
Report this comment
July 18th, 2011 at 9:52 pm
A bu in chhuah ve la tute emaw ramfan vel angin NOI
chhiartui dawn chauh a a tawp daih
a chhunzawmna chu thlalak nen aw..
Report this comment
July 18th, 2011 at 9:55 pm
A ngaihnawm in a bengvarthlak hle mai.. A Chhunzawmna pawh a nghahhlelawm e..
Report this comment
July 18th, 2011 at 10:08 pm
Pu HV a te white house tlawh tum chu a va khirh bik ve maw le. Kei ka white house hriat ve chu eng dept a maw ni a JE in sak a nia, a hnawih var vek sia, white house kan ti ve mai a,kan naupan lai khan a chhung vel kan fan ve tak kha maw le. White house fang theuh theuh, ka la rawn post ve ang
Report this comment
July 18th, 2011 at 10:19 pm
Pluto leh hairehai
Report this comment
July 18th, 2011 at 10:21 pm
Pu hv, i blog hi ka lo tlawh zeuh2 a,i post ho hi lehkhabu in chhuah ta la hralh a kal phian in ka ring. 500 chuan ka lei ngam sa.
Report this comment
July 18th, 2011 at 10:24 pm
kei poh white house 2 ah ka kal toh. KV Paradise leh Victoria Memorial ah.
Report this comment
July 18th, 2011 at 10:27 pm
ChhanaPa #13 min tiphur viau nangin ka tlawm hle mai. Hetiang hi fuihna tha tak niin ka hria.
Theihtawpa chhuikir ngam tura uluk a kala hriat ang ang inzawmlo nuaia ka ziakte anni hlawm. Min tlawhsak thintu te in chhungah ka lawm khawp mai… min kaitho tu zel inni si a!
Gothica chungah pawh ka lawm, ani hian min nawr nasat em avang leh blog account pawh min hawnsak lui ngat khawp a min fuihtu ania. Min nawr lui lo sela chuan blog pawh ka nei kherlo tur asin.
Report this comment
July 18th, 2011 at 10:30 pm
Blog te hi in ti in tia, kan hrethiam lo lai leng khawp a, ka hriatthiam ve chhun chu eng eng case a mo ni a, block dissection kan tih ve hi mai. chu lah chu mi dang tan tlawh theih ani bawk si lo va, a va han bo theih mai mai. kei zawng ka white house a tang rengin min lo hrethiam mai teh u.
NOI. zanin chu eng ti zia nge maw ni NOI a nuam riau
Report this comment
July 18th, 2011 at 10:41 pm
A tawp laklawh teh ṭut mange, chhunzawm vat teh
Report this comment
July 18th, 2011 at 10:43 pm
A hmun a kal ve ang mai a kan chhiar chu le, cowboy thawnthu ka atchilh lai te pawh ka hre chhuak rum rum a lawm le… Awmzel tur tih kha a tawpah an awm ngei bawk a.
Report this comment
July 18th, 2011 at 10:43 pm
I thil post reng2 hi nangma tawn vek a ni zel a. Hei hian a ti ngaihnawm leh zual. Palak dil a jacket nula nen in in zawn a,nula kut lo hum thlan ve dup tupa kha ka khawngahh e!! Nkk(nui kur kur)
Report this comment
July 18th, 2011 at 10:45 pm
Hairehai.
Ngaihnawm hle mai.
Report this comment
July 18th, 2011 at 10:51 pm
#19
Report this comment
July 18th, 2011 at 11:06 pm
hei chu thuhma chauh a ni maw!! chhunzawm leh nghal teh.
Report this comment
July 18th, 2011 at 11:41 pm
White house ka hmuh ve tawh chu…chaltlang ah a awm
Report this comment
July 18th, 2011 at 11:49 pm
Unsung, min lo hruai ve
Report this comment
July 18th, 2011 at 11:50 pm
Va nuam awm bik ve
kal ve chak lutaaawwwk 
Report this comment
July 18th, 2011 at 11:54 pm
White house plan nei in awm mial lo mawww ?
Report this comment
July 18th, 2011 at 11:58 pm
troxx, a langlo chin, inhnuai ilo vel fan theih nise ka ti ngawt mai
Report this comment
July 19th, 2011 at 12:03 am
9/11 incident ang deuh kha thleng ta se , OVAL office hi a him angem leee ??? Airbus vel hian su ta buaih mai se ???
Report this comment
July 19th, 2011 at 2:12 am
troxx #28 oval office tak chu himlo mahse, White House tluka khawvela hmun him a awm kherlo maithei…. underground bunker, escape route etc etc. a bawnra dawn lutuk. Ka hmelhriat Secret service zawh lah chuan a nui vur vur duh chauh mai si a hairehai.
Report this comment
July 19th, 2011 at 2:45 am
chhiar zawm hlan ka va nghakhlelh ve!
Report this comment
July 19th, 2011 at 5:56 am
Pu Hv i awmna lam chanchin kha rawn thai lang ziah teh, keini tan chuan an ni chanchin kha chhiar a nuam tlat. Chhunzawm thuai thuai teh le. Gud post
Report this comment
July 19th, 2011 at 7:33 am
Vannei bik thin ve
Report this comment
July 19th, 2011 at 11:49 am
Washington Monument chhip atang khuan White House ka ralkhat lak, WH helin kan kal dek dek chauh.
Christmas lai erawh chuan thuam lum tawk nen a kawtkaia Christmas Tree leh Menorah-te chu kan hel ve zak zak. Mei vam hiam huam, thingtuluang an muhna hmunte kha chu, kan chen bel ve hle.
White House chhung lut thei bik chu in namai lo khawp e.
Washington Monument khu ticket tel lova a chhip thleng thei ka ni ve tlat! “A va mak em” tih hla Daduhi sak kha ka play ri lui a, Security khan, “Stop the radio,” min ti. “A va mak em” tih chu a sa hman. Daduhi pawhin lo hre ve teh se.
A va mak em!
Report this comment
July 19th, 2011 at 3:56 pm
chawnghilh, #33 “A va mak em” alo mak em tak anih chu hairehai
Report this comment
July 19th, 2011 at 5:03 pm
I Picture vawm bei khi thlalak hlui i lak chhawn leh a mi.. ???
Report this comment
July 19th, 2011 at 10:20 pm
mate ainawn #35 pic chung chiah a inziak khi
Report this comment
July 20th, 2011 at 12:02 am
A zawmna chu blog lamah ni mai rawh se aw
Report this comment
July 20th, 2011 at 7:05 am
Part 2 link:
https://henryvangchhia.blogspot.....l#comments
Report this comment