- Dr. Zokhuma Vety
Tahrik ni 3.4.1994 khan Pu Darhuaia Kulikawn a mi chu kum 98 mi (kal mek) niin kan lo then ta a. Kum 100 tling ngei tur Aizawl khawpuiin kan hual lai ani a, a damloh hresa lo Aizawl khawpui mi tam tak a barakhaih hle ani.
Thiamna, sum leh pai, dinhmun chelh lamah chhuan tham engmah a neilo chungin, Aizawl khawpuiah mi hriat a hlawh em em a. A chhan leh vang bul ber ni a lang chu “MI PIANG FUH” anih vang ber kha ani ta awm e. Kum 98 hmel a hmuh, a nat chhiat hma thleng khan ‘TAR’ anihna a la lang tlem hle mai. Sap hote’n thil vang “RARE SPECIES” an tih ang hi a tling ani.
Upat lamah duh ang tak a induat thei a nilo chung khan chak pawh a chak rei hle a. Chanchintha Centenary lai vela a that loh tan thleng khan Aizawl-a chhiatni/thatni-ah hian a lo la lang tam ve hle thei reng a ni.
Mizopa dik tak nihna kawngah Pu Darhuaia ang kha Aizawl khawpui hian a ngah lo hle a ni. Heng Upa chawimai tlak zualte hi YMA hian Title lo pe dawn ta se Pu Satthuama leh Pu C.Z.Huala te nen hian thur hmasak pawlah an tel ngei ka ring. Dam rei hrim hrimah chuan tunhnaiah hian Aizawlah kum 100 chuang dam sawi tur an awm nual. A tam ber hi kum tam tak tarchhia anga rual pawl tawhlo te an ni thung .
Pu Darhuaia hi 1897 velah Hualngohmunah piangin, Aizawlah Lower Primary Examna pakhatna tling pha in Middle English pawh a zir ve hlek. Kum 1916-ah nupui a nei. 1917-ah France rama Mizo Tlangval 2000 kal zingah khan a tel ve a. Mi fiamthu thiam, aw-rawl tha leh zaithiam, inbuan, insukherh leh hruipawh lama rual pawl tak a ni a. France ramah pawh Naga chak hnehtu a ni ve ani.
Kum 1936-ah Aizawl Kulikawnah lo lut in, kum 1938-1942 vel laiin Aizawl khawpui chhunga Bawng leh Vawk talh anga tan chhuaktu bulpui zinga pakhat a ni. Kum 1934-ah Thlarauvah a piangthara, Mizorama “Church of God” din chhuaktu Pastor hmasaber a ni bawk.
Mizo Union din tirh atangin a thusa pawlah tangin District Council lo din veleh Office Chowkider hna 1962 thlengin a thawk bawk. Mizo Union Congress-ah an chhunfin pawh khan Kulikawnah chuan member hmasaber a ni leh bawk.
Kum 1917-a France ram an kal hian, Durtlang tlangval ‘THALA’ nen an inkawp a. Lyon La Foret – Chainvarin [?] Camp an ti mai a, thla 6 lai an awm. Thala chu a tir atangin Sakawr enkawltu, ahmun thuah an ruat sa reng a. A ni damsamlo ramkal velo nen Buk nghaka an awm niin General-in a rawn tlawh phut mai a.
European Officers awm zat a hre duh a, an ni pahnih khan thiam an thiam ang angin an lo bei ve a. General chuan an Capt. Hnenah chuan, “in nau te chuan sap tawng an thiam reng a lawm,” a lo ti a. Buk nghak hna chu hna hahthlak thawk lovin an awm zui ta a ni.
Hetia hna rum thawk ve lova awm ta chuan, French hmelhriatte an lo nei ve ta a. Chhungkaw khata an tleirawl kum 13 mi chuan a thianpa Thala chu a ngawizawng ta tlat hi a ni awm a. A chhungte pawhin tha takin, “Pasal nei rual a la ni lova, kum a tlin hunah in la innei dawn nia,” an ti tha ve mai a ni.
Pu Darhuaia pawh hian an inah ka leng ve fo a ti. Pu Thala te Zoram an lo chhuah hnuah pawh hian lehkha a la rawn thawn zui zelin Bawrhsap H.C.S Calduhoune-a ICS hun lai te pawhin lehkha an la thawn thleng a ni ang. Mahse, amah Thala khan Sapram a han kir leh a zuk bo kha a hlau chu a ngai ngam ta lo ani ang. Hetah nupui a neih san ta a ti.
Titi pakhatah French nula chuan Bombay thlengin a rawn pan tih chu engmah ka hre ve tawh lo a ti bawk. Thalan a nula chu a mutpui reng em tih pawh engmah min hrilh lo a ti.P
u Darhuaia hian Mizote awmna bula chhungkaw dang pakhat chanchin a sawi bawk. Fanu 4 leh fapa 1 an nei a. An fapa chu German salah a tanga, kan cigratte te kan thawhkhawm a, an fapa saltang thawn turin kan pe ve thin a, an lawm ve em em ani a ti. An fanu pakhat hming pawh Lucy ani tih a la sawi thei.
Pu Darhuaia vek chuan Idia sipai pakhat French nulain a ngaizawng zui hawn a tuma, an buaipui hle tih thu kan hria. Keini Mizo zingah chuan Thala chu kan hriat chhun ani a ti.
Similar Posts:
- Kan PHORO tak tak dawn em?
- An lenlaini te
- Tour de France 2010
- Enge kan nih chiah?
- Sorkar hna inpekthuah, engtia tih chi nge?
July 28th, 2011 at 6:02 pm
french nula chu lo nei ta se tu leh fa sap teuh
a nei dawn ni mau!
Report this comment
July 28th, 2011 at 6:11 pm
comment hma chhiar phawt te’ng
Report this comment
July 28th, 2011 at 6:20 pm
Post tha tak ani
Report this comment
July 28th, 2011 at 6:37 pm
He article hi khawi khawiah emaw chuan an chhuah tawh mai thei a, mahse ka neih hi chu kut ziak anih avangin spelling mistake pawh atam deuh mai thei!
Report this comment
July 28th, 2011 at 7:09 pm
Feren nula chuu…
Report this comment
July 28th, 2011 at 7:20 pm
Chhunzawm tur ala awm em….tuna a chanchin i ziah chin chu han sawi hluai atan chuan a ho angreng…(sual ve ṭiah ṭiah)
noi
Pu HVa te veng a ni tlat, engtin tin emaw an lo inchhung leh palh ang comment fimkhur teng
Report this comment
July 28th, 2011 at 7:34 pm
Pu Darhuaia hi palian tak, ngo vuah mai leh ruhrel lian tak a ni. A hmel han en a zahawm sa run chi kha a ni roh. Sakawr chung chuan nuam ti ve tak niin ka hria. Ka pu kha u ber pakhata a en anih vang leh kan kawmthlang chiah a in anih vang khan alo lenglut ve reng thin. A tarlam kha chuan tiang hawlin zang kul ve tak a ni. Tarkun anih hnu pawh khan hmui chunglam thial nuau nuau hian naupang ho min la kawm hlim peih reng thin.
Lung ati leng mange a.
Asteric #6 Aizawl mihlun ho chu kan inti hnai (chhungkhat) hlawm viau reng asin
Report this comment
July 28th, 2011 at 7:42 pm
#6, Asteric/x :”.tuna a chanchin i ziah chin chu han sawi hluai atan chuan a ho angreng”
I sawi zui peih loh pawn hei hi chu i lo vawng dawn nia, ka rawn post ve chhan pawh a ni e.
1. Aizawl khawpui chhunga Bawng leh Vawk talh anga tan chhuaktu bulpui zinga pakhat a ni. (Dawrpui Bazar a sa an zawrh hma hian Klk lamah hian an lo tan tawh anih hmel)
2. Mizorama “Church of God” din chhuaktu Pastor hmasaber a ni bawk. (Hei hi ‘din chhuaktu leh’ tih tur ni awm takah ka ngai)
3. Mizo Union Congress-ah an chhunfin pawh khan Kulikawnah chuan member hmasaber a ni leh bawk.
.
Report this comment
July 28th, 2011 at 7:51 pm
#7 In chhung te kan ni ve lo a nimaw
Tun hnaia thingtlang khua aṭanga pem chawp ah min ngai deuh thin in ka hre tlat…hairehai 
Ka pu hi Durtlang khaw chhuak ania chu chu kan Aizawl lohna teuh ber a ni, kei pheichu vairam ka awm tihloh chu thingtlangah zin in Aizawl hi ka la awm bo san lo reng2…hei hi Zokhaw lam thila ka knowledge tlemna nia
Aizawl hi zau deuh ania, Aizawl diktak ka ni tih dawn phei chuan Chaltlang chiah khi Aizawl khua(origin-hming put ṭanna) a sawi ṭhin a nia, Thakthing te, Zotlang te, Kanan te, Kulikawn te chu Khua anga sawi vek ania mihring kan pung zela Aizawl ah an rinlut ve zel a lawm.
Report this comment
July 28th, 2011 at 8:02 pm
#8 @ lushai_ek: I rawn point out zing a zir tham ber a lang chu no.2 chiah khi nih hmel, a dang khi chu thudik (fact) hriatloh source neilo annih hmel.
‘Church of God’ te chu engtinnge a kal zel tak, kan va hre zui ta lo em. Enge kan zoram Kohhran ah hian role pawimawh tak hrin chhuah te a nei em? Pu Darhuai chanchin hi ka sawi chhe lova, chhui leh zir tham a ni em, ava tlem angreng ve tihna chauh a ni.
Report this comment
July 28th, 2011 at 8:08 pm
Church of God hi an lian ve toh khop asin, khawvelah chuan. Mizoram chu ka hrelo..
Report this comment
July 28th, 2011 at 8:09 pm
Remput khawnge i lo tlan bo a? Kulikawn pu Darhuaia kha aw….. ka va han hre lo chiang. Ka OT lo mai mai
Report this comment
July 28th, 2011 at 8:26 pm
#10, Thlalak nen a fiah theih anih ka ring. Hmanlai Aizawl mi kha an tlem a, Dawrpui, Mission Veng, Thakthing leh Kulikawn (Rahsi Venghlui kha chu Mizo awm an phal lo). Tuitu vengah hian Theihai lui bulah in thum an awm an ti thin. A hmasa leh hmasa lo kha chu an inhre khawp chuan ka ring a………….facts awm lo a i ngai anih pawn i thu a nia, hnial che ka tum hran lo. Kohhran hrang hrang hmuchhuak tute pawh chutiangin Mizoram tan an contribution lam ai mahin ‘MIZORAM HISTORY’ siam tute an nihna vanga rawn post ka ni e….ka lawm e! Mikhual hmuah tur ka nei ka chhuak dawn, lo inhnial luai luai rawh u (induh leh)
Report this comment
July 28th, 2011 at 8:41 pm
#13 Ka peih lo, i rawn post chhunzawm ngei chu a ngai ang. Chuti nih loh chuan post khi family circle ang ah ka ngaihsak ang che (ti ve khanglang)
noi
Report this comment
July 28th, 2011 at 8:43 pm
A ho emai, in thu a nawi tan tlat leh tawh. Aizawl leh zawl loh ah te in in hnial mai mai. Aizawl mi nih vangin mi a ropui kher lo, aizawl khawchhuak lo anih vangin mi tumah in ngai hniam suh se. Khawi hmun ah poh, khawi ah pawh awm ila, survive turin ka fight ngam em tih hi a pawimawh ber. kan personality hi a poimawh ber he khawvela din chhuah nan hian.
Report this comment
July 28th, 2011 at 9:00 pm
Bengvar thlak thin hle mai,lushai_er nge nge!
Report this comment
July 29th, 2011 at 12:17 am
A ziaktu “Dr. Zokhuma Vety” chanchin hi ka hre lo na’ngin ka ngaisang tan tlat, biographer tha tak a niin ka hria. Thu bengtivar leh mi chanchin ngaihnawm tak tak a ziak fo mai…a post-tu pawh hian a thuziak a thurchhuak tha thei bawk a
Report this comment
July 29th, 2011 at 5:22 am
Pu Darhuaia chu BUTCHER hmasa ber, CHURCH PIONEER, DAM REI, KHAWHAR IN kal hmaih vak lo tiin kai tawi ta ila … politics lamah pawh mi nghet leh rinawm, a thianpa Thala luck-zia pawh hriat chiansaktu ni berin a lang e. A nupui fanau lam chanchinte a awm zui em aw? A ngaihnawm e.
Dr Zokhuma te kawtkai gate hi 1982 August khan ka vak thleng hrawk a, khawfingchah hun lai a ni. Rammut hun lai kha! Ka ban hliam-ah bawng pan damdawi Mrs Zokhuma chuan min hnawihsak ta tawp a. A ngeih khawp mai. Sawi thui lo mai ang. June 14 & 15, 1982 khan eng thil nge thleng le aw?
Report this comment
July 29th, 2011 at 10:03 am
@chawnghilh : Sipaiin an man che em ni a? Bawng pan damdawi lar deuh thin kha ‘Lorexane’ an ti ta in ka hria.
Report this comment
July 29th, 2011 at 10:11 am
#14, Astereck: Family Circle chu Pu Darhuaia te nen hian kan ni lo tih ka hrilh duh che…..
Durtlang khua i nih chuan a ziaktupa nen hian Family Circle in ni zawk lo maw ? Durtlang Lal Suakmichhinga (M.Suaka) fapa Thangluaia (Mizo zinga Sapte hmasa ber, Assam Civil Service)fapa hi Dr.Zokhuma Vety hi a ni e
Report this comment
July 29th, 2011 at 10:21 am
#20
Report this comment
July 29th, 2011 at 2:25 pm
Hriat ngai loh ka hre leh ta. Post hlu tak a va ni em.
Report this comment