Buai lai khan Mizo hmeichhe tam takin pawngsual an tawka, thenkhatte phei chu an pa te hmuh lai ngei ngeiin India sipai te khan an pawngsual a ni an ti, a va han rap thlak tak em!! Khatih hun laia nutling patlingten mual min liam san ta zel si a, thangthar tam zawk tan chuan thawnthu mai an chang zo dawn ta. Hnam rohlu chang thei tura vawn that tur buailai research hi mifel tak tu emaw tal chuan rawn nei thei se la aw.
Japan Ral a lo lian a, Japanese sipai ten Korean nula tleirawl te te a sing tel tak tak meuh meuh an raldona hmunah Sex hmanpui tur atan hrim hrima an hruai te chanchin Korean Professor Ms. Lee (USA)-in research a beihna Video clip nen a interview-na class-ah a rawn present-a rilru a khawi hle mai.
Kha tih lai khan Confucianism-in Korean mipui te a hneh em ema, indo a reh hnu pawh khan Korean nula tam tak mahni rama haw ngam tawh lo leh mahni inthat pawh an tam em em a ni. Mahni ina haw leh then khatte pawh zahthlak taka sex-a in hmang khaw lo an ni tih an hriatin an chhungte leh an khawtlangin an ensan hial a.
Interview-na a neihpuite hi pitar te te ni tawh mah se, mittui tla chunga an hun kal tawh an han sawi lai thlir meuh chuan rilru a hneh kher mai. Prof. Lee-i pawh hian mittui hru mawlh mawlh chungin a research beihna a sawifiah a, Korean nu tam tak an nuna thil thleng sawi chhuak ngam lo rilru hreawm taka mahni ramah pawh haw ngam tawh lo ram danga awm hlen ta pawh an tam a ni ati.
Hengte ka ngaihtuah hian Mizoram buai laia, pawngsual tawk emaw, India sipai kut tuar a nih loh pawn mahni nupuite emaw fanute emaw pawngsual tawk te. Rawngtaka sipaiin civil mi an thahte eye witness nei te interview-na hi nei tura research beitu hi awm ve sela aw ka ti vawng vawng mai a ni. Mizoram atang tu emaw tal chuan research hi rawn bei se la aw, chu hna leh research beitu chu mizote tan an va hlu dawn tak em!! Kum khuain hriat reng an ni tawh dawn si a.
Similar Posts:
- Awmpui leh Singapore sipai thatchhia
- Mizoram Buai: Retrospect
- Pawngsual vanga Lung In kum 100 tang tur
- Korean flu – II
- Korean Flu-III
a tha lutuk ka chhiar chhuak dap e
March 10th, 2008 at 7:47 pm
Burbur, ka rilru a awm i rawn sawi chhuak chiang hle mai. Hmanni a user name Va_usa tih in buai laia an hrehawm zia a rawn sawi khan, hetiang hunlai hre pha ho statements hi record khawm ila aw ka lo ti vong vong a.
Professional deuhvin, Mass com zir ho te hian han siam se ka va han ti tak em.
Report this comment
March 10th, 2008 at 9:19 pm
Ka ngaituah hian, Korean Professor Lee-i’n pitar thenkhat interview a neih pui ang khan kan mizo nu ho hi interview neihpui ve ni ta se, an sawi tha duh ang em le??
Report this comment
March 10th, 2008 at 9:29 pm
Kan hmeichhe ho hian hnamdang pawngsual hi pawi anti vaklo ani ang tiang lampang hi an ziak tha duhlo e mai!
Report this comment
March 10th, 2008 at 9:41 pm
“an sawi tha duh ang em le??”
identity thup nise, an duhlo an tur ka hre lo.
Report this comment
March 10th, 2008 at 9:49 pm
@zrm-a. i thil comment hian thiam leh fing a rukin ka lo ti thin khawp che a. Mahse tun trum i comment hi a fuh lo. Nuih a ti za lo khawp mai.
Report this comment
March 10th, 2008 at 9:49 pm
Ben : tinge mipa deuh hlir mai hi pawngsual tu an nih le tiraw, hmeichhia te pawh hian mipa hi pawngsual ve zeuh zeuh se…pawi tilo/court kal lo tur an tam dawn nen lmao.
Kan thawhpui, Engineer pakhat puzawn court a kal chhan !!! Honest truth.
An uipa khan an thenawm te ui kha alo kawm thin a ni awm a an hriat lovin, a rai ta si a, rape case an file. hahahah Americans are crazy German hoin an tih thin kha min ti hrechhuak chiang mai mai.
Mizoram ah chuan kan doctor te kuta mi an thih pawn court kan thleng ngai mang pawn ka hrelo.
Report this comment
March 10th, 2008 at 10:04 pm
Thawh tha hle mai Burbura.
Hun a ral zel a, chutiang project chu vawin a tan thieh ni ta se, a puitlin chhung kum nga vel tal a niang a? Prof. Lee-i chuan engtia rei nge a beih le i hria em? Experience nei vak lem lo, motivation ngah pawhinn a theih mai ang a? Heng attrocities hi ’66 a tan lo ni ta se entikh thleng nge a awm? ’86 thlen em em chu a nilovang a??? Chuan, sipai concentration tam na ber lai khawi khua te nge niang le? 1966…. kum 42 a liam ta a, an pawngsual te age range 14 to 35 te lo ni ta se, tunah an kum 56 to 77 vel an nih tawh anga tih vat vat a ngai a nih chu. Eye witness te age a hriat mai theih awm si lo.
Wow. I idea chu a tha ka van ti e.
Report this comment
March 10th, 2008 at 10:08 pm
An sawi duh in ka ring lo keichu mizo phei chu…pawngsual kher kher hi chu a rapthlak e..a hunlai pawh khan khawtlang endawng hlauh vanga sawichhuak ngam lo an tam an tia sin.
Report this comment
March 10th, 2008 at 10:10 pm
Idea chu tha tak a ni mahse, buaipui hman/peih an awm ang em, a zuzi leh mai ang em. Vai pawngsual rai thenkhat mahni inti hlum te kha an chhungte/khua te witness ang zawng in an hman theih ang em, tunge an khua atanga court kalna ilo senso tum ang. Kei chuan ka theihna ah a bul tan tu chu puih ka huam e.
Report this comment
March 10th, 2008 at 10:13 pm
ammi : tam tak te kha chu khawtlang pawn an hria alawm. Court ah kalpui turin tunge tur thei/thlem thei ang. Tin, pasal nei te an ni hlawm tawh dawn a, Mizo pa thikthu chhe ve hranpa tak kha tunge thlem lungawi/dam ang. Tul lovah hian Mizo pa thinthawk hian vai kawngkal kan tawh leh vak phah ngawt ang tih te pawh a hlauhawm a, thiam taka an pasal te thlem an ngai ngei ang le….
Report this comment
March 10th, 2008 at 10:18 pm
Patriots: The Vietnam War Remembered From all Sides, by Christian Appy tih hi, mi war stories hrang hrang a nia. A ziak tu pa in mi a interview kual a, a then chuan awlsam te in an hrilh a, a then chu an sawi chhuah vawi khat na te a nia, a then erawh chu sawi an tum a an ka a tang a rawn chhuak thei mai lova… a tuk ah interview chu chhun zawm an tia, an chhun zawm hunah pawh chuan an, an tum viau pawhin, an sawi thei chuang lo. Mahse a thenkhat chu an nuam huai phah a, psychological healing lam ah a kal angin a lang.
Report this comment
March 10th, 2008 at 10:22 pm
@H.Vangchhia yea that i know…Idea hi chu a tha lutuk mahse an rilru a ti thar ngei dawn a..hetiang ang thil te hi chu an ni pawhin nitin theihnghilh an tum an rilru ti hreawm tu a ni dawn a..a tichi ber ang em aw ka ti mai mai.
Report this comment
March 10th, 2008 at 10:23 pm
ekhai, dont be demotivated. journalist/documentarian fing tak tak te chu awm thei se chuan an sawi tir thei dawn lawm ni? zoram tana trangkai tur ah chuan participate an hre lo maithei a sin.thil hi a hnual zawng hian ngaihtuah nghal ringawt thin suh u khai.
Report this comment
March 10th, 2008 at 10:31 pm
^^^ dik. Journalist/documantarian nge mizo historian/sociology tuinge colobaration leh sponsor an mamawh bawk ang.
Report this comment
March 10th, 2008 at 10:36 pm
kei sawi thei an la dam anih chuan, ti thei chuan ti rawh se, tih hi ka ngaihdan ani ve tlat… it happened…they did, and let it be in record…!!
‘nunna kawng thuam pui ah- zikpuii pa” ziah ah khan hmeichhia an khung khawm a, a rual a an pawngsual ri vel te a sawi ve… a tak enge maw zah chu a awm theih a rinawm fu.
record ah awm ve hrim hrim se la..a tuar a te tuar na pawh a thlawn lo leh zual ang chu!!…..
Report this comment
March 10th, 2008 at 11:04 pm
Rawtna tha tak a ni. Hetiang hi kan ti thei a nih ngat chuan mak tak maiin thangtharte rilru hi a sawi nghing dawt ngei ang. Kan mi hmasa, he hun lo paltlang a, hrehawm tinreng lo tuar tawh, an tuarna a nasat em avanga an fate hnenah pawh sawi tha duh lo te retheihna hian keini thangthar engmah hre lote hi min vel nasa khawpin ka ring. Ram leh hnam hmangaihna kawngah pawh thui tak min hruai theih hial ka beisei bawk.
Sponsor awm se, hna vawn lai nei chiah lo mithiam an awm mai ang a… Sawia tawp mai chi a va ni lo ve maw le!
Report this comment
March 10th, 2008 at 11:25 pm
research chu tling chiahlo mahse buai laia hmeichhe pawngsual tawkte kawm tawh tunhnai ah ka titi pui hlauh a. Sawichhuah chu an harsat ngang mai a ti. Mi 2 a kawmna a sawi-
-pakhat zawk chuan ka damchhungin ka theihnghilh lovang mahse ka pasal nen hian vawi khat mah kan sawi dun lehlo- a hria a, mahse kan sawichhuak theilo..sawichhuah hi ka tan chuan damna a ni lo a ti.
—a dang leh chuan mittui tla zawih zawihin min hrilh e a ti a, mahse a faten an lo thinrim pui a, a kawmtu chuan min hnawtchhuak lo chauh a ti!!! An thusawi erawh confidential tiin min hrilh lo.
Report this comment
March 10th, 2008 at 11:27 pm
Hmanni lawka Korea lam zina kal Prof LTL Khiangte chuan Wednesday apianga Korean nu pawngsual tawk ten Japanese Embassy (?) hmaa protest an neih thin thu a sawi, ngaihdam dil turin an phut tih lantir nana an tih a ni.
Report this comment
March 10th, 2008 at 11:47 pm
Mizo zingah chuan hetiang sawichhuah hi a la harsa ang. Anmahnin pawi ti lo mah se, an chhungte lam atangin an remti lo thei.
Entirnan, i pi kha pawngsual victim lo ni ve se, tu emaw, i hriat chian leh rin zawng tak ni lem lovin an pawngsual dan chipchiar dawp chhuah talh tum ta se, lo tanpui aiin tihtawpsak i duh mai thei.
Documentary film tur ang phei chuan, chan chawp leh te a nih ngawt loh chuan a theih ka ring lo hulhual. Hming thup tehreng poh ni ila, Mizote hi kan la tlem si a, kan inhre zung zung tho.
Hemi bawhzui tur hian mi inpe, tumruh tak awm se chu tha ka ti tho mai.
Chuti zawng chu ka sawi theih ve tawk a ni e….
Report this comment
March 11th, 2008 at 1:23 am
ammi : a tih chi na leh tih chi lohna a awm thei ngei ang. A theih dan ( tawngkam dangin han sawi ila) pakhat, mi rilru ti na lova in thlem sawm dan a awm ang. Mizoram, Mizo tan a nih dawn avang in ( a tih chi na chhan pakhat) chuti hawi zawnga thlem lungawi thiam, Zoramthanga te anga tawngkam thiam leh nui mawi kan mamawh ang….no offence please…a ni chiah si alawm. A tih chi loh na chhan pakhat ve thung chu, an pasal/chhungte khan an nupui te kha an diriam phah ang em, an thina ti rim nawn leh phah ang em? tih te…a chhan a awm thei nual ang.
A tawngkam thiamlo ber leh chin chang hrelo ber hi ka tlak leh duah thin…midang khan han sawi tha teh u khai.
Report this comment
March 11th, 2008 at 1:32 am
Indo laia thil thleng a nih avangin ngaihthiamna kawng khat chauh a awm thei ang. Hmeichhe thu dawn deuhin Pu Laldenga khan zalenna puang mai lovin tuna kan Boss(ZRTA) te hi rawtuai hmunah lo rammu kher ta lo se kan nu te ho hian pawngsual te, in hal sak te leh thihna zawng zawngte hi an tawk kher awm love.
Indo na hi chuan pawng sual hi a keng tel ve deuh reng reng a. World war 1 & II te kan thlir pawn ka hmu thei ang chu. Tin, sal neih hun laia vun ngoin an midum sal nula te an pawngsual nasatzia kan hre thei bawk ang chu. Tin,Mizorama lo chhuak sipai te kha a thren kum thum vel chhutri la tawh lo an nih phei chuan an rawp hlawm viau a rinawm a. An sual ve hrim hrim vang chu nimahse an rawp lutuk kha an han hrithla ve ni ngei tur a ni. An pawngsual zawh hnua an thah zui tak sawi tur an tam awm love.
Pawngsual aia rapthlak tawk nasa an awm a. nu leh pa thah sak te, vih hlum or khaihlum takte pawh. Tunah kum 40 teh meuh a ral tawh a indo laia a chhe lam thil thleng tawh phawrh thar fo mai kha awmzia a awm vak lo mai thei a ni.Mi rilru a ti hliam thar lehin a ti na mai mai a. sipai ho kha dem vak tur pawh an ni lo. Dem tur an awm a nih ngai chuan Mizo hnam pa Pu Laldenga hi dem tura zawk chu a ni.India sawrkar chakzia leh ralthuam neih that zia hre reng chunga chempui leh fei suih chawp nena India sipai hneh inring thei tura Mizote min bum tu kha dem ila a sawt mah zawk ang.
Tin, India sawrkar vawk chawm kan nih chhung hi chuan lo tawngtaw pawrh ve vak hi a hahthlak thlawn mai mai. kum 40 hnuah Silchar karkhat kawng ping se kan thar chhuah antram thlengin a to nghal fur fur a. Thlakhat vel min dang phei se chuan riltramin kan meng pual hlawm dawn reng tihna a ni a.
Mizo te hi pawr hlut/phul hlut hnam kan ni a. Kan bawh tawh lam hi chu a dik a dawk thlu lovin phung zinga pring vawrh ang chiahin kan in chuh luai luai a. Faktea a ron lar a. kan bawh nasa em em a, a khawihthluk nih in chuhin nilengin kan intlar peih a!! Tunah chuan speaker atan an sawm peih tawh lo an ti.Thil hlui hriat renga action lak hi mizo mizia a ni lo. Hmanni lawka Kan Pastor rawng taka thah te, hlep ruk nasat avanga lungrem chimin a delh hlum tak te pawh a hun laiin han sa ve viau mah ila…tunah chuan thawnthu an chang zo ta a…hnam dangte aiin mizo te hian ngaihdamna kan ngah em avanginin, ngaidama kan theihnghilh nghal zung zung hi kan mizia a ni.
Nupa tam tak an in ngaidam tawn tawh a, fa nu fapa ten kan nute kan ngaidam zo tawh a. Phawrh thar leh fo a nih chuan a consequence a tha lam aiin chhe lam a thlen zawk ka ring. Tin, a tuartu pawn kum 40 chhung theihnghlih tuma a lo beih tawh leh a lo theihnghlih tawha han hriat nawn tir leh fo kha a hlawkna tur hauh ka hre lo kei chuan.
Report this comment
March 11th, 2008 at 1:34 am
@tochh, i rawn sawina eng atang chuan beisei awm a awm thei viau dawn niin a lang. Bmw, min fuihna ang hian i hnual mai teh suh ang u.
Thirkut, sawi ang hian psychological healing lam chu a ni thei chiang a ni. Sawi chhuah loh rilrua inup reng si tluka hreawm hi a awm bik kher awm lo a sin. Kan Pathian thuah pawh A hnena tih tak zeta kan sualna kan thlena ngaihdam kan dilna atangin thlarau lam zalenna kan dawng fo thin a ni (Kan pite ho an sual e ka tihna a ni lo ania, rilru lam zalenna ka sawi lan tumna a ni).
adelfos, sawi ang hian ram leh hmangaihna kawngah kan than harh phah lehzual ngeiin a rinawm bawk.
An rilru natna leh thinrimna a thlawna a awm loh nan leh khatih laia India sorkar chetdan rapthlak tak kha chiang taka hailan a phu a. Tun atanga kum 20 a vei leh meuh chuan khatih laia kum 20 chin-a upa kha chuan mual min liam zawh san mai emaw a ni anga. Kan pi pu te Khampat an rawn thlen hma History sawi fak tur kan neih loh ang mai hi (evidence awm lo) kan ni ang tih a va hlauhawm em!
Kan mizo history a, a hnam pum anga thlabarna rapthlak ber, mittui leh tahna, pawngsual leh sawisakna te, in halsak leh inthahna te kha thil hriat reng chak awm lo ni mah se, kan theih nghilh dawn chuang si lo. Khawvel inher mila chhinchhiah ve turin thiamna leh finna nei thangthar zing atang tunge hma la thei tur hria kan awm em? Tihlawhtlinga a awm theihna tur pawhin H. Vangchhia ang hian mi tam tak inhuam kan awm ngeiin a rinawm.
Report this comment
March 11th, 2008 at 1:39 am
Nia, indo hi chuan pawngsual te tul lova tual thah te a keng tel thin. Chung ti tu te chu hriat chhuah an nih chuan dan angin hrem an ni thin bawk. Chutiang chu tih dan a awm em tih hawi zawng a min thu an sawi laiin a disencourage zawng a lo tawng chu a Mizo lo ka ti hle mai. Tu emaw anga phur hlut a phur leh lo anga thil tih tum na pawh a awm heklo. In rawn khawm a, conversation he mi hawi zawnga subject lak mek a nih hi.
Hetiang a, a harsa zawng emaw, a Kristian chhuanlam zawng a kan sawi fo vang te phur pui tu/puitu kan neih that thin loh vang hian alawm kan zuzi fo ni. Mizo hi i tangrual tawh teh ang u.
Report this comment
March 11th, 2008 at 1:45 am
H.Vangchhia Says: A tawngkam thiamlo ber leh chin chang hrelo ber hi ka tlak leh duah thin…midang khan han sawi tha teh u khai.
Thianpa hei chu i TOPIC a nia. Han ti duah mahla kan tran tlat che a nia. I birthday(1966) ni taka thilthleng a nih avangin i tan hriat reng a pawimawh lehzual. Tin, i nu leh pa ten ramhnuaia an tlanchhiatpui na lamah che rawtuai haka i thih loh avang Pathian hnenah lawmthu sawi fo bawk ang che…cheers
Report this comment
March 11th, 2008 at 1:51 am
Mi tih el vak ka ngai lovang… hre rawh
Report this comment
March 11th, 2008 at 2:00 am
Nangmah ni chhungkaw thiam loh vek a nih kha. Kan thlen in turah min lo thlen khalh a, i upa fe zawk bawk si a…chaw pawh ei ve ngam lova min siam kha i hria em…nge maw min tih el vel le…ila chimawm reng a mi a.
tak tak a, Mizo hi engkim ah i tangrual teh ang u. Thil inti hria emaw, a Kristian lo emaw ti thin kher lovin, thil sual chu i do ngam ang u. US sipai, dan lova che te pawh an pu te duat em em tu te bawk khan ania, hrem mai ni.
Report this comment
March 11th, 2008 at 2:44 am
A topic hi ‘Mizoram buai lai research’ tih a ni a. A ti peih leh tihlawhtling thei in awm chuan full support ka pe e.Thangtharte lo awm zel turte hnutchhiah tur a nih phei chuan fimkhur taka buatsaih trul leh zual.
tochh Says:
research chu tling chiahlo mahse buai laia hmeichhe pawngsual tawkte kawm tawh tunhnai ah ka titi pui hlauh a. Sawichhuah chu an harsat ngang mai a .
samuelapa Says:
Mizo zingah chuan hetiang sawichhuah hi a la harsa ang. Anmahnin pawi ti lo mah se, an chhungte lam atangin an remti lo thei.
Burbura Says:Kan mizo history a, a hnam pum anga thlabarna rapthlak ber, mittui leh tahna, pawngsual leh sawisakna te, in halsak leh inthahna te kha thil hriat reng chak awm lo ni mah se, kan theih nghilh dawn chuang si lo.
A dik khawp mai. insawisak na te, in hal sak te, vih hlumte, a nung chunga halte tam tak research beih tur a awm a. Documentary film hlawhtling tak siam ngeise ka duh sak e. Mahse pawngsual an nihna lai lak vung vak emaw thrangthar lo om zel turte hnena an pi te pawngsual an nih na kha chiang kel kawl taka hriattir kha a tul ber em tih ngaihtuah chian a tha khawp mai.
Entirnan;Ka nu hian kei leh ka pa la hriat ngai hauh loh mai.’buai lai khan sipai panga in min pawngsual hrep a’ tiin ka pa nen min hrlh ta thut mai se. min barakhaih viau anga, mahse kei leh ka pa chuan ka nu chu kan khawngaihin kan ngaidam ngei ang. mahse ka nu pawngsual a nih kha ka thianthate leh midang hriattir ve ka duh angem?? Teuh lo mai. vawikhatmah a mah a tuartu ka nu pawh pawngsual a tawh chungchang ka sawi chhuahpui ngai bawk hek lo ang. ka pa hian an thuchhiat in hauh chang apiangin nang vaipa pawngsual hnu a tih fo mai chuan inthen mai pawh an hnaih ta ve ang.
Tocch leh samuelapa sawi ang hian a pawngsual lai kher kher hi chu a harsat bakah lak vung vak a theih loh maihtheih a ni. Mizo te hi emotinal takin kan sensitive em em a. kan then awmnu emaw kha Pawngsual a nih thu kha vantlang hriatah lo confess ta chiam mai se kan hmuh dan a dang tawh maithei a ni. a mah leh apasal fate thleng tan pawh a thalo ve thei bawk.
Burbura sawi ang hian sawisak kan ninna lai te, inhal sak kan nihna laite hi research bei ho ila mawle…Kei pawh, ka pu Nausel VCP a nih lai a ni a. kan in min hal sak vek a, Ka pu hi an hlap hrepa, khua atrang thi lo aruangin an chhuah tir hram a. Ka pu khan sipaiin an sawisak dan chipchiar takin a dam lai khan min hrilh fova….ngaihnawm ka ti thei em em a.mahse ka pi an pawngsual leh sual loh lam chu pakhat mah a sawi lo. Hriat ka duh bawk lova, tul ka ti lova ka hre chak bawk hek lo.
Report this comment
March 11th, 2008 at 3:56 am
Human Rights Network lamte khan Research bei ngatse, tah chuan, an case a zir in Court ah pawh a khin theih nge ang. Journalist lam ai chuan ani lam hian ti thei se. Document trha tak in buatset se , ro chhetak si, hriat reng tlak ani nge ang.
Report this comment
March 11th, 2008 at 3:59 am
Mizo History pawimawh a nia, research based a written document tha tak a awm chu thil ni tur ve hrim hrim niin ka hria… hautak viau mahse.
Zirlai Pawl te pawh hian hetiang lam te hi buaipui se la… kawngzawh leh ringawt thin ai chuan awmzia a nei zawk ang.
Tin, rape victim ho kha kan thlur bing deuh emoni? Interview tur khan BUAILAI hre pha ho kha ko teuh mai se, a interview tu bak tunge rape victim-a-tim-lo kha hre tawh chuang ang? Besides, rape is only one chapter of the story here… a big one though.
Report this comment
March 11th, 2008 at 5:10 am
LM Ralte a sawi a dik viau. Documentary han siam ringawt pawh thil tha ber a nih leh nih loh chiang tak a chhut a ngai ang. Korean rape victims te leh Korea ram ah a successful vang in Mizo rape victims leh Mizoram ah a successful dawn tih na a ni chuang kher lo lovang. Documentary siam kher loh pawn, attrocities document hi chu a that bak ah a a tul in ka hria. Mi fing in history an zir tlut tlut nachhan pakhat pawh a awm nawn leh tak a in ven thiam deuh nan a ni lomni? Kan thlah ten kan history an hriat chian loh vang in lo repeat ta se kan thiam loh a ni ang.
Eng vangin nge le rape hi kan rap bik em em? Silent a chhut ka chhiar ah, rape chu chapter khat cheuh a nia, mahse, rape hi chu a thinrim thlaak bik ngawt mai. Sipai in Mizo an sawi sak thin te kan hre ve a, an thah te pawh kan hria a, mahse rape ber kher hi chu category hran deuh a ni. Engamaw psychological deuh a awm em le? Psychology zir tawh in in hre lo maw?
Report this comment
March 11th, 2008 at 7:43 am
@Burbura, midang comment phei chu ka chhiar lo na a. I thil rawn suggest hi a tha ka ti a ti thei poh om ngei thei se ka duh khop mai. Nangmah hian ti ta law law mai la tih kha ka rn suggest teh ang. A nachang hria i om a, midang midang tih leh pawh a ngaih loh hi. Misualdotcommers te hian full support kan pe a che. Puih i ngaihna apiangah site ah hian i rn sawi thin anga, kan pui thin dawn che nia
Report this comment
March 11th, 2008 at 4:11 pm
LMRALTE chu i rilru i va thlak hma ve aw, kan thusawi i hnial thlang mai ah i rawn support leh ta a…:P a tha vek e. Mizo pumpui tan a thil tha tur lam ah hi chuan a thalo lam atanga a tha lam tur hawi zawng hi chuan rilru hi thlak zung zung a pawi hauh lo a nia
Report this comment
March 11th, 2008 at 4:58 pm
@apatea, i ti lawmawm e. Ka thil tihhlawhtlin chak ber te zinga pakhat chu a ni ve. A hre chiangtu leh taksa ngeia tuartuten mual min liam san zel si a, chak zawk leh changtlung zawka hma lak a nih theih nan kei aia mi fel zawk leh experience nei tha zawk ten group dinin emaw hma la thei sela ka ti ngawt a sin. Anih loh paw’n MZP emaw MHIP emaw etc. ten hma la thei sela, zin kual zek zekte pawh a tul ngeiin a rinawm a.
Keini ram danga lehkha zira awm tan chuan hma han lak chu a har deuh a ni. In rawn sawi atang hian pawngsual case bikah chuan interview chu thil huphurh awm tak a ni a, mahse mithiam takte chuan an convince thei thoin a rinawm a. Tin Case dang tam tak chhui tur pawh a awm ang. Ram leh hnam hmangaihna avang leh dik lo taka nghaisakna hailan duhna avangte, rilru chhunga hreawm taka inup reng ai chuan tiin a sawi duh pawh an awm ngeiin a rinawm, a sawi duh lo tlat te erawh sawi lui tir kher tur tihna pawh a ni lo vang a.
Thenkhat chuan hetiang thil kal tawh sawi chhuah fo hi a tul a mi ti kan awm ngei ang. Thang leh thar lo la awm leh zel turte tan thil kal tawh vawn that tul hi a awm ve bawk a. “An ti” tia sawi chhawn leh thin ngawt ai chuan anmahni (a tuartute ngei) ka ngei atang hriat chu dang tak a ni. Primary source vawn that tur collect hi khua kan tlai hma hian tul tak niin ka hria.
Han belh leh lawk ila, buailaia pawngsual tawkte hian sawi chhuak pawh nise kan hmuh dan chu a chhiatphah hauhin ka ring lo, kan khawngaihin kan lainat anga kan hmangaih zual sauh zawkin ka ring. Ngaihdan erawh a in ang vek kher lovang.
We are not living in the passed, but we are learning from the passed.
Report this comment
March 11th, 2008 at 5:10 pm
Burbur, ni e tiraw. han vei em em mah ila Mizorama awm loh chuan a chet tak tak a har khawp mai. A la trangkai tulh tulh dawn a, hun a kal zel anga data collect a har tulh tulh dawn sia. A ti thei chu awm seng chuan ka theih ang ang a tanpui ka duh tak zet. Rape lam chauh lo, eng angle atang pawha research tih theih zawng zawng a pawimah vek in ka hria.
Report this comment
March 11th, 2008 at 5:11 pm
Ka vei ngang a niang, nizan ka mumangah te ka hmu vel..ka thiante bulahka lo sawi nasa mai!!
Report this comment
March 11th, 2008 at 5:32 pm
Rawtna tha tak ani, full suport!!!
Japan ral len lai a, ram dang nula pawngsual leh nunrawng taka thil an tite pawh tunhnuah China, Korea, etc.. ho pawn an chhui let leha, Janpan sawrkarah zangnadawmna an phut a, cheng tam tk Japan hian a chawi tih hi kan hre theuh a nga. An thiltihsualte hailang a lo ni a, an ram leh hnam tan amualpho thlak tih an thangtharten an lo hria, tunhnuah chuan Khawvela ram rlmuang leh Human-right lamah pawh sang pawl ram a lo ni a. UNO ah pawh tanpuina sum thawh tha thei ram a lo ni tak hi. An thiltihah an zaka, an in chhira, tih leh a tum hek tawh lo a, tanpuitu zwwkah an lo tang phah ta zawk a ni.
Chutiang deuh chuan India sawkar pawh an thiltih dik lo leh tih sual zawng2 hi kan hai lang theih chuan an zak anga, thangthar mifingte chuan tih leh an dawh tawh lo phah ngei a rinawm.[tunah India chhungah hel tam tak an la awm a, chungmite chhungah pawh Mizote chhunga an tih ang hian an tih loh phah thei]. Tin, rawng tak leh dik lo tk a, an thiltih kn haichhuah chuan, min zahin , min zuam loh phah a rinawm bawk.Mizo zingah mifing, thil chik peih mi an awm tih hnamdang laka lan tirna pawh a lo ni dawn ani.
Kan hmanlai ngaihdante hi kan paih a hun tawh. Pawngsuala te kan en dan leh kan hmuh dante hi kan khawngaih zwk tur a nia. An duh vang ni bik lo a, an pasalte pawn hmuhsetnan hmang kher lo se.Kan Society-ah pawh endawng kher lo i la.Pawngsualte kan hmusit leh endawng dan hi achhan hi
chiang taka ngaihtuah chuan, thil atthlak mawl vang lek ni in ka hria. Vai sipai pawngsual hnu kn hmusit a kn zah pui dawn nih chuan, ngatinge Vai vuak & sawisak hnu ho hi kan hmuhsit kan zah pui loh? An dinhmun hi a inang ren lo a mi? an duh vang reng a ni lo tih hi hrechiang i la. An khawngaihthlak in an linat awm ve2 a, in hmusit leh in endawng ni chi a ni hoh lo ania!
Report this comment
March 11th, 2008 at 10:03 pm
Kan sawi ang hian a tuartu leh witness tu te an boral mek zel a. Hun a tam vak lo niin a lang. A tlai hma hian Ti thei awm ngei se a tha hle mai.
@Burbura, k’n cho teh ang che. Ram i hmangaih tak atak chuan heihi kohna lian tak a ni e. Ngaihloh lamah ngailo la, tih theih ngei a tha ka ti hle mai. Plan mumal deuh jokin Han ngaihtuah tha leh zual teh khai…
Report this comment
March 11th, 2008 at 10:29 pm
ka chhiar thlen phak ve tawk ah… hetiang policy/strategy hi USA in central america (nicaragua,guatemala etc)a leftist ho beih nan a hmang ve a. mahse , a hlawh tling lem lo ni in a lang tih hi kan dah belh ve leh zawk duh ani e!!
khaw khawm/hruai khawm an tih mai..khaw tam tak tih luih na hmang a khaw tlawh mai theihna hmun rem chang a an dah khawm te…pawh central america ah pawh a hlawhtling chuang lo!!
Kan mizoram a hetiang lam a kan hruaitu te kha, India ram sawrkar atang chuan ‘insurgents’ ( lawng a hel ho – sawi nan a he word hi lo piang an ti a)anga an hmuh kha; a khawtlang mipui chuan ‘nationalist/hero’ ang in tam zawk chuan kan hmu tlat mai ani!! mi pakhat pawh, mit hrang atrang chuan hmuh dan a in ang lo anih hmel!!hei tak hi ‘insurgency’ leh ‘terrorism’ dang lam na chu ani ve in a hriat.
Record ah siam dawn ila, tih tak tak chuan kan ti thei ang tih hi ka ngaihdan ani!! hun lo awm zel tur ah, a tuar a ten an tuar na hi a tham ral ngawt tur ani lo. hun lo la awm tur a ,politics a in chirh thehna lo awm thei tur pawh ‘record’ fel fai tak a awm chuan a ri ring vak lo mai thei!!
ngaihtuah theih mai ah chuan thil harsa tak tur chu ani mai thei..mahse, tih theih loh tur a awm dawn em ni? zonu/zopa tan……………
Report this comment
March 11th, 2008 at 11:49 pm
Misual dot com hmang thintute hi Zoram pawn lam deuh veka awm kan ni hlawmin ka hria a. Zoram kilkhawr ber thleng dap chhuak tur thil a nih avangin kan ngaihtuah chian leh zual a pawimawh khawp ang. Keini rampawn lama awmte rilru zau tak put ang kha thingtlang kilkhawr, entirnan;cherhlun,mimbung,muallianpui etc ah te an pu ve kher lo thei a. Keinin Pawngsual tawkte lainat em em a,en hran loh tur,chhaih loh tur,hmuhsit loh tur kan tih lai khan khaw te deuh ah chuan mi an in hriat pawh vek avangin a work out lo fo thin.Lo chhaih nawmnah leh mei nei deuha lo ti fak fak tawk an awm thin.
Pawngsual tawktu in a sawi duh loh phei chuan zawh luih tralh emaw a tha lo zawk mai thei bawk. Tuna Mizoram dinhmun ngun taka thlir a, thingtlang leh khawpuiah pawh hahdam taka kan pawm tlang thlap theih, puitling leh naupang ber thleng pawhin kan hriatthiam theih tura siam a tha khawp ang. Ngial ngan taka an pawngsual dan sawi tir an nih phei chuan naupang tan a tha lo ve thei bawk. Sap film kan en thin chuan naupang leh puitling en theih tur chin an bithliah thin.R/PG13/PG/G/NR.
Kan documentary siam tur pawh hi Naupang tan pawha ennawm tak Rated G ni thei se a duhawm khawp ang. Other than that(pawngsual lai kher kher tih loh hi chu!!) full support ka pe nawn leh e..All the best Burbura.Cheers
Report this comment
March 12th, 2008 at 12:05 am
Research han tih takah khan documentary movie kher kha a ni chuanglo a. Historical fact a nihna kha nem ngheh hmasak phawt kha a ni mai lawm ni?
Chutilo chu nakiiiiiiiiiiiiiiiiiiinah chuan folklore ang titih te pawhin ala chhuak lek a nga, kan tu leh fate hovin “Tar ho hi chuan an sawi uar thei a nia” te hi an la ti vel mai mai ang tih a hlauhawm.
As I said before, rape chungchang chauh kha ngaihtuah lo ila. Hmasawnna a thlen dan lam te pawh zir chhuah tur a awm ve ngeiin ka ring. At the end of the day… we are what we have become.
Report this comment
March 12th, 2008 at 9:06 am
Attrocities a nih vang, nge ni Historical fact a nih zawk vang ten… nghet deuh hlek a chhui a chhin chhiah chu a tha kan ti vek in ka hria. Doccumentary ang zawng a siam tur leh tur lovah a ni in ka hria kan buai ber. Documentary that na pawh a awm, a that vak loh na pawh a awm a ni in a lang.
Pros and cons table lo siam dawn ta ila:
Pros: 1) Facts can be spread at faster rate. 2) Money invested can be re-generated. 3) Less boring form of education. 4) More visual and personal hence more touching 5) A more direct way of recording historica/personal experience 6) A non-violent form of protest caused by Indian Govt. 7)May work as psychological healing for victims.
Cons:1) Too personal for Mizo mentally 2) May not be well recieved by relatives of victims. 3) Too hurtful for victims and victims family to stir up the past.
(Disclaimer: Ka ngaihdan a ni hlawm chuang kher lo.)
Report this comment
March 12th, 2008 at 11:32 am
More Cons: Will divert attention and effort from where it is most needed at the moment… getting the facts.
We can always make a documentary later… once we have the document, that is.
Report this comment
March 12th, 2008 at 1:34 pm
Ram buai laiin Kan mizo hmeichhiate an pawngsual nasa hi an ti thin a, Burbur, kei pawh i ngaihdan ang hi ka lo ngaihtuah ve thrin a, reasearch bei thei awm se ka lo ti thin a, tlang ngaih ai hian an tam maithei a, tin, an lo tam lo viau pawh a ni thei a, thil hriat chian chakawm tak niin ka hria….
Report this comment
March 14th, 2008 at 12:31 am
kum 40 chuang liam hnu a tihvel hi chu chhuanlam a va tlinglo em…a hma in a nachang hria kan awmlo, tunah kan awm ta…a lawmawm a ni mai lomni???
Tin, buai lai research tihte, zoram ni hman tihte- political tool anga ngaih hi hun tohin ka hre lo, Mizo te a hnam anga kan din khawm ve hun tak tur zawk a ni ta.
Report this comment
March 14th, 2008 at 1:59 am
tochh sawi hi a dik ka ti.
Report this comment
March 14th, 2008 at 9:56 am
1947 partition vanga muslim/hindu, India/Pakistan violence/in thah chiam chung chang ah research an lo ti mek a ni maw? Nimin khan ka hre/chhiar ve cheuh a. “A 10 year research project that examines the experiences of people across India, Pakistan and Bangladesh” a in ti. “Partition is the unwritten epic of our times. Now there is an urgency to capture the stories of a generation whose voices will fade away.” (Kan hlauh thawn ve ang chiah)
Heta kan discuss nen a in zul khawp mai.
A then chuan a tul lo an ti ve tho aniang…”Many of my interviews began with people questioning the need to rake up the past”
Pakhat chuan, “everyone was implicated in the violence. In order to forget you have to remember.”
Dang leh chuan, “It has taken a long time, but the wounds are healing now. I am home…. and I would like to tell me story to the young.”
Report this comment
December 11th, 2008 at 2:18 am
In thu tarlan a ngaihnawmin a bengvarthlak e; tunlai thangtharho zingah ka rawn inrawlh ve a. Pu Thangmura (Rimawi Run), Aizawl khian RECORD a kawl tha khawp asin; tharthawh leh meuh atan chuan thlah kal zelte tan zahthlak leh rilru natna a awm ve thei ngei dawn a; PAWNGSUAL kher kher chu hriat zui lohva a riral a tha zawk, an tam tih erawh chu hria ila … Independent sual khan tawrh chimkim kan lo tuar tawh tih erawh chu thangtharte hian hria ula, RAM THAR siam turin determination nei vek hlawm teh u, ban vung lian nih te, over dose-a mual liamte hi DEAD END KIDS nihna zahthlak a tling. In zarah Zoram nuam awm teh se.
Report this comment
August 22nd, 2010 at 11:44 pm
Video chu ka van en chak!
Report this comment