Vawiin chu doctor hnenah kumtina vawikhat tal ka tih thin angin ‘full physical check up’ kava nei a. Hemi tur hian thla hmasa lam atang tawh khan pawn lama tih chi, lab’ test etc. te kalo ti hmasa tawh a. Chutiang kalo inentir hmasakna an hmuhdante chu doctor hnenah an thawn sa vek a ni.
Kan hre hlawm nualin ka ring a, United States, Europe etc. angah te chuan mimal tinin keimahni min enkawltu bik doctor kan nei hrang theuh a. Chumi te chuan kan hriselna lam ziahnate chu an kawltha thlap hlawm a, ziak ngeia kan phalna tello chuan tumah an hriattir thianglo a ni.
Engpawh nise, vawiin ka inentir pah chuan doctor nen chuan kan titi zui mai mai a. A thusawi pakhat chu ka rilrem zawng tak mai anih vangin ka rawn tawmpui (share) duh che u a ni.
Doctor Rebecca, nu valai fel tak leh hlim hmel pu sarh reng mai chuan, “Car te, motor cycle kan neihte khawl uluk taka kan enkawl peih ang hian a enkawltute hi kan in uluk angai a ni. Kan in uluk loh chuan kan duat em em te khan reilo teah tawhsual (accident) vanglo pawhin hrisel loh vangin enkawltu an neilo zel mai dawn a ni.
Thildang kan enkawl uluk peih laiin mahni kan in enkawl peihlo fo mai hi kan tihfuhloh ber te zing ami a ni awm e,” ti zawngin kan titi chu a kalpui ta a.
Kan titi zui mai nangin ka haw kawngah chuan ka ngaihtuah zui nasa hle mai. A ni rêng taka, motor engine oil te, leh tul dang kan thlak uluk viau lai hian mahnia nunna nei zawk mihringte hi kan induat lo thin mange aw, tih ka ngaihtuah zui ta a ni.
Tihian ngaihtuah ta ila. Engine oil kan thlak dawn pawhin kan phaktawka tha ber chi, a chhah lam thlengin uluk takin kan motor duatah chuan kan hmang thin. Gear oil leh engine oil te, brake oil leh coolant kan hmanpawlh ngai heklo.
Chuti taka kan khawvel bungrua kan uluk peih lai chuan “Pathian temple” kan tih, kan taksa kan sawisak retheih zia mai hi! A chhunga lutlo tur maksak tak tak kan lem thla diak duak a, kan hnawhlutin kan chiu lut thul. Kan boruak hipna, kan thawk lakna ber lah chu meikhu in kan ur dum zova.
“Thih ka hlaulo,” kan han ti ve thin tak naa, damloh a zual chiah chuan a zuau ber ber kan ni leh fo si. Mihring siam khawl (machine) aia pawimawh lutuk kan taksa hi theih ang angin i duat hram hram ang u khai.
Pawnlam inchei vur pawh hi motor bang tle taka hruk, a khawl lam tha silo ang mai a ni thei tih i hre nawn fo ang u!
Similar Posts:
- Doctor te hi an duham ta lutuk a ni em?
- Mipa chu MIPA! Hmeichhia chu THIL.. :)
- Motor mechanic-te la ngei tur, motor neitu tan erawh lawmawm!
- Doctor rawn man hi a to lo e!
- Duat sual > Sual duat > Duat hlum!
August 17th, 2011 at 1:36 pm
A n1 khop ma1.
August 17th, 2011 at 1:40 pm
a van han tha kher ve le e….
August 17th, 2011 at 1:45 pm
A dik khawp mai. Taksa mamawh loh satliah mai pawh ni lo, taksa tana thalo thil tam tak hmangin ka neihchhun ka taksa ka nawp thin. Sim erawh harsa ka ti hle si.
August 17th, 2011 at 1:57 pm
Lirthei enkawl uluk leh taksa enkawl uluk hi ka lo la ngaihtuah kawp ngai lo..á¹ha kher mai; Bike chhetê ka nei ve am ka hrethiam ve deuh roh a 😛
August 17th, 2011 at 1:59 pm
Thil pawimawh tak a ni. Mi tam takin kan ngaihtuah chiang lo a, duh duh ka eiin kan in pawp pawp a, kan taksain á¹hatpui ahnekin a chhiat phah fo mai. Thih hlau lo pawh ni ila hrisel á¹ha lo taka nun reng si hi chu a chakawm lem lo khawp a ni.
August 17th, 2011 at 2:08 pm
Mihring tluka khawl ropui hi a awm lo reng reng.System chitin mai hi a pui em em vek mai leh nghal a. Lungin thisen thinghlim an pump tluk tluk a, chung chu taksa hmun tinah an kal darh. Kal leh thin lahin kan oil thun luh a tanga taksa tana tha lo tur thlitfim hna an thawh tlut tlut bawk a.Chuap lamin thisen thianghlim lo lung lama let leh chu oxygen te nena tang tlangin lungin thisen thinghlim a pump chhuah reng theih nan a lo thlifim tluk tluk reng mai bawk a.Thluakin system tin te hnathawh a lo endik in, an tih tur a lo hrilh zung zung mai bawk nen..Tichuan khawl zawng zawnga khawl ropui ber, Pathian chauhin a siam thiam khawl hi a lo nung ta chur chur mai alo ni.Kum tin vawikhat tal mechanic hnena check tir hi chu kan tih mak mawh a ni e.
August 17th, 2011 at 2:14 pm
Nia,a dik khawp mai.Ngaihtuah tha hle mai…Ka zin hlan a post tam tak ka chhiar hman lo erawh a pawi ka ti.
August 17th, 2011 at 2:28 pm
A dik khawp mai, check-up hi kan la uar lo khawp mai, kan retheih vang leh a nachang kan la hriat tawkloh vang pawh a ni thui khawp ang.
August 17th, 2011 at 2:31 pm
Kei pawn kum khatah vawi khat tal medical check up ka nei thin a. Midang pawh ka tur chhen thin. Mi tam ber chuan symptom lian tawk a awm hma chuan doctor hmuh hi an hreh hlur mai a. A zialo khawp mai. Symptom awm hma a check up a tha daih zawk. HIV test pawh ka nei tawh. Symptom awm miah lovin. Ka vei chuang lovang, tia ngaihthat ringawt ai chuan test neih hram hram tur.
Va in check up teh u. in tih loh chuan misual (dotcom) emaw an ti palh ang.
August 17th, 2011 at 2:33 pm
@8 RenghangMan Hriselna kan ngaihthah vang hi a ni zawk mah. Pawisa nei lo in ti viau hian, zuk leh hmuam, cell phone leh a lo a kan awm theih incheina ah hian sum kan khawh ral hnem emai.
August 17th, 2011 at 2:33 pm
Simple tak siin, a sawi tum a chiang tha a, a inspiring viau lehnghal. Doctor in, “He thil hi i sim hmak a ngai ang. I tih luih leh chuan chhan theih ini tawh lovang” an tih ngawih ngawih pawh kan sim/nghei thei thin lo hi chu, a mihring tlin loh thlak deuh chu ka ti thin!
August 17th, 2011 at 2:34 pm
Kei poh ka taksa khawl hi ka ui deuh a, kan mu daih teh ang 😉
August 17th, 2011 at 2:35 pm
A va tha em… (Y) (Y) (Y)
August 17th, 2011 at 2:43 pm
Thra hle mai. Doctor rebecca chu ka ralkhat sitar e…:-)
August 17th, 2011 at 3:11 pm
vawin tlai ah ka inentir don. Ka khua asik vang in. Sik lo se chuan ka inentir poh ka ring lo. Nidang ah chuan in check up zeuh zeuh toh tur a nih hi.
August 17th, 2011 at 3:11 pm
(Y)
August 17th, 2011 at 3:13 pm
A tha khawp mai. Kei pawh ka khua a sik reng a, mahse, ka inentir dawn lo. 🙂
August 17th, 2011 at 3:25 pm
Va tha tehlul em…..mahse health conscious deuh bula om hi hrehawm ve hranpa………….
August 17th, 2011 at 3:33 pm
mi tam tak in checkup lohna chhan chu dawihzep vang a ni ve bawk. “natna tha lo deuh ka lo nei mai ang a, ka hrawk nuam lo reng mai hi cancer a lo ni mai ang a.. adt. mahni inhriatchian hlau tlat hi an awm ve chawk a nia..
August 17th, 2011 at 3:43 pm
break oil leh coolant … 😀
August 17th, 2011 at 3:45 pm
break oil maw??
August 17th, 2011 at 3:50 pm
Dik hle mai..Sawi sawi chuan Tiranga leh Kuhva ei te pawh hi Sual lian takin a chhuah daih theih nia.. :-O
August 17th, 2011 at 4:11 pm
malsta27 #18 a dik, inti health concious deuh ho bula awm hi ni e a ninawm, health concious pangai te kianga awm erawh anuam ka ti thung! 😉
August 17th, 2011 at 4:22 pm
soi thra hle mai, sirji chu.. nat loh laia inentir te chu soi loh, nat hnu ah poh inentir lo a dam theih duh kan la tam e mai, kawmthlangpa dam pui ang lo dam pui ve tum rigot te..hehe
eye check up hi thla 3 dan velah neih ziah ka ngai a, dental check up hi thla 6-8 dan velah k nei ziah bok..
August 17th, 2011 at 4:28 pm
ReMpY_ScisSoR # 24 i van taima vele 🙂 dental checkup hi thla 6 tinah neih a tha tih niin ka hria. Mahse thla 6 tin erawh ka checkup lemlo fo. Ka vannei, hnek khem, beer chhin seh hawnna khem zeuh2 thin hnawh phui tawh tih vel lovah chuan ala tha hlawm phian hairehai 😛
August 17th, 2011 at 4:41 pm
#20: break oil = brake oil a ni zawk lo maw? Mi pangngai tak2 paw’n an ziak sual ve chawk a nia…
August 17th, 2011 at 4:58 pm
saint sammoo #26 ni e typo anih kha hairehai :-S
troxx hi min hmusit tha duhlo thin khawp mai. A IP leh chu Agartala ala intih vuh zui… lushai_er te rualpui lai si. (N)
August 17th, 2011 at 5:18 pm
Post thra tak a ni e. Pu HV, tehkhinna-a in sawi mihring angah khian ka inchana, keima chanchin in sawina emaw tih mai tur a lawm le. Khawvel thil dang zawng ai hian kan hriselna hi dah pawimawh zawk hi a him fo thrin awm asin.
August 17th, 2011 at 5:28 pm
(Y) Tha hle mai. #6.doc_lib chu(h) 🙂 (Y) mawlh2 e..a comment hrim2 hi ‘Luangliam’ category a dah chi nih dawn hi 😛 suala piang tih takah kan tana thalo tur tur hi tih a awlin a lo nuam zel emaw tih mai tur hi ania…mi invawng thei,mi in uluk thei tak te zawng an fakawm thin e.
August 17th, 2011 at 6:42 pm
@Hv #23 😀 😀 ………….tiang ho hi an khirh duh nek leh nghal lolzzzzzzz
August 17th, 2011 at 6:50 pm
Full Physical checkup hi Aizawlah a tih ve theih emni? A theih chuan a hmun leh senso ngai zat min han hrilh teh u.
August 17th, 2011 at 6:53 pm
awmawmpuia #31, Doctor zawt pawp la a thalo maw. Theih lohna chhan tur ka hrelo. Lab test etc. tul ang zawng zawng i tih na nen khan doctor i pan mai anga.
August 17th, 2011 at 6:57 pm
31 awmawmpuia specific problem tak i neih loh chuan private in ti ta mai la a awl sam zawkin ka ring. Chuan in check up ve hrim hrim na atan chuan complete haemogram, Urine R/E, RBS, LFT, KFT, ECG kha a tawkin ka ring a, pumpui ulcer nei kan tam em avang hian Endoscopy i tih theih chuan ti bawk la, a tawk viau. Khang result keng khan Physician emaw Surgeon i duh ber pan tawp rawh. A vaiin Rs 1500 chuan a complete ka ring. A to kan ti em aw.. Kan car/bike pakhat kan siam tir hian Rs 1500 chu kan seng zing ti ru. jeans pakhat lei nan pawh.. Kumkhata vawi khat kan taksa chekup nan chuan kei chuan a to ka ti lo e. Hmeichhe ho pawn an sam leh hmai khawih tir nan mai mai pawh a sang tel an seng fo a lom. Tun ami phei chu system tin endikna tur ania, Rs 1500 chu a na lo e mai.
August 17th, 2011 at 7:16 pm
I ti tha e HV i dam rei ngei ang chu.
Kei chu incheckup leh in check down lam hi ka peih lo ang reng.
Vawi khat ka in entir ve poh kan family doctor khan blood test i ti khat tawh ti ve leh rawh min ti a kan test ve leh hram a .Hriselna in exam tir fo hi a tha tih fo tur./
Mizoramah phei kha chuan a tul leh zualin ka hria.Helamah chuan kan record zz damdawi min chawh toh zz nen kan doctor ten an kawl vek a kan natna te hi uluk tak a en bakah kan record an kol atang khan min enkawl dam thaui zel.
August 17th, 2011 at 7:20 pm
doc_lib, thanks.
August 17th, 2011 at 7:21 pm
Pu HV, ka harh chhuak e.Ka lo ti ve thin tawh dawn nia.
Comment#19 ang vel khi ka dinhmun a ni.
doc_lib kaihhhruaina tha deuh i rawn chhawpchhuaka a lawmawm e.
August 17th, 2011 at 7:33 pm
doc_lib #33 (Y)
August 17th, 2011 at 7:36 pm
A van tha em. Mahse thih leh dam hi chu Pathian thu a nia. Keipawh Medical Check-up hi ka ngaihpawimawh tawp. Nia, hetiang lamah hian Mizo te hi kan harh lo lutuk a, cancer leh natna dang tamtak, hmuhchhuah hma nise enkawl dam theih kha late detection vangin kan thihpui fo. Chuan, in sawina apianga in zep atan keipawh kartin Psychologist ah Therapy ka la thin a!! Post tha tak ani e.
August 17th, 2011 at 8:50 pm
Motor pawh kan enkawl uluk chuan a tha rei mai a. A siamtu ten a mel tlan theih zat tur (a chiat hma) an sawi pawh a pelh theih. Kan uluk loh erawh chuan, reilo teah a chhe mai thin.
Chutiang tho chuan mihring taksa pawh chenna ram, ei leh in a zirin dam hun chhung (lifespan) a danglam nual mai. Danglam nual e tilo chuan kan dam theih chhung thleng phalo vin, keimahni kan insiam fo thin a ni. Pathian ruat kan lifespan tal hi chu tawhsual tawh vang anih loh chuan thlen hram tum hi kan tih ve makmawh niin ka hria. Min siamtu kan zahna entirna pawh ani ngei ang!
August 17th, 2011 at 9:04 pm
Nachang hriat lohna hian min lo ti aa thin khawp mai. sheldon170 rawn sawi tak ah chuan ka Experience tlem- tunhma kum 20 liam tawhah khan keimahah hian ‘thihhlauhna’ hi a awm tlat mai thin a, khatih hun lai khan Psychiatrist te hi la hmel hriat ve hek lo i,a mangan thlak thei khawp mai. Tunlai ang te chu nise, zia deuh tur.
August 17th, 2011 at 11:18 pm
Mizo te chu inentir vat vat leh in checkup peih mi nih ai chuan ‘tuarchhel/Pa’ nih hi changkanna chikhat ah kan la ngai deuh a! pawi tak a ni.
Khawsik palzam mai thei nihte hi kan la intihhmuh a, Neuva huaisen zia leh tawrhchhel zia te hian kan rilru a la hneh deuh tlat emawni!! han insawisel deuh ila damdawi mahni inchawh mai mai lah kan hmang.
Ka vei zawng tak Post a ni. (Y)
August 17th, 2011 at 11:38 pm
HV & Raltepa #39&40 In thusawi khi a dik. Pathian in taksa ropui tak min pek hi kan suasam nasa lutuk a. Chuvanga kan life span pawh hnamdang te aiin a tawi ani. Kan hriat atana ka duh chu Psychiatry chungchang hi. A bikin Mizo te hian Psychiatrist te hi mi a (psychopath) te chauh pan turah kan ngai a, a nilo. Khawvel mi zawng zawng hian mental problem kan nei vek! Psychiatry world hi a zau lutuk. Tunah chuan kan changkang ta a, hnathawhna lama buaina vang te, nupa kar buai te, ruihtheihthil vang te, natna chronic neih vang te leh thildang tam tak vangin Psychiatrist kan pan ta. Hei hian nasa takin min puih ka ring.
August 17th, 2011 at 11:42 pm
Saitawk #41 ngaih pawimawh sa tawh nak laiin doctorin tehkhin thu tawite nen min hrilh kha chu haw kawngah ka in ngaihtuah reuh2 mai mawle.
Kei phei chu tunhma lamah ruihtheih thil lo ti nasa thin ka ni lehnghal a. Langah engmah awmlo vin, theih ang2 pawh training (physical) nei ve thei zel mah ila, “Hlauh takin” tih thuah ka fimkhur ve roh lutuk 🙂
August 17th, 2011 at 11:51 pm
Khawpui awm man ah tiin ka khua a sik hlek chuan RMT (Rapid Malarial Test) leh Typhoid hi ka test nghal vat zel. Chutianga ti ve tur chuan ka chhungte leh thiante pawh ka hrilh thin.
Thingtlang atang pawn harsa em em in (‘harsa’ ti ve khanglang ila) khawpui zawk Hospital an pan trawk trawk a, khawpui a lo awmsa tawhte’n thatchhiat kan chhuah fo hi chu a diklo a ni. Thihna leh natna kan dan theihloh tamtak chu a awm ngei ang, mahse kan inthlahdah avanga kan tawrh pawh tamtak a awm tho bawk.
August 17th, 2011 at 11:53 pm
Saitawk, engmah awmlo anga hriat pawhin checkup chu kan mamawh reng alawm tiraw. Motor khawl (engine) khuhna pawh kan hawn sek peih hi mawle. 🙂
August 17th, 2011 at 6:29 pm
@HV, a dam reng tih chiangsa pawh kan hlim sek mai alawm!
August 17th, 2011 at 6:34 pm
Post tha tak ani…kan hriatloh lui der tlat thin ania…mi beng harh leh Zawk mai
August 17th, 2011 at 6:38 pm
Sudden Muanga’n “Aw Lalpa hriselna min pe la, a bak chu ka lo inngaihtuah ang e” a tih kha Philosophy ropui tak ani. Sum leh pai, hmelthatna, thiamna, engkim mai hi kan taksa a hrisel loh miau chuan engtihna mah an nilo. Chuvang chuan he post hian min kai harh hlawm teh se. Prevention is better than cure an tih kha. Naktuk chu medical check-up neih vek tur…eh!!!
August 17th, 2011 at 6:49 pm
Tha khawp mai, tih ve chi a ni. Sum erawh a ngai.
Ka ngaihtuahna a lo lut chu chatuan daih lo tur mah enkawl uluk a tul chuan chatuan daih kan thlarau hriselna kan ngaih pawimawh a va tul em ve aw. Taksa hrisel hi a tha Pathian th tak pawn-a aia pawimawh erawh thlarau hrisel hi…
August 17th, 2011 at 6:50 pm
sheldon170 #48
August 18th, 2011 at 3:02 am
Ziak ṭha hle mai, tehkhinna pawh sawisel tur ka hre lo. Mahse a Doctor ber te hian mihring body hi mechanical system ang bak in an suangtuah ngai lova, thlarau an hlamchhiah nasat avangin Pathian thu ah an ro duh phian. Dr thlarau mi tak hi an vang bawk
Thihna/damna hi body khawl chhiat/ṭhat ah an ngai nghet bur, a dik lutuk, mahse thih leh dam hi Pathian vang a nih telna a paih bo vek zel.
Juda Iskariot thih chhan pawh kha thlarau mi te chuan Isua a phat vang an ti anga, anni chuan a thawkna dawt a ṭawnkhalh vang a ni an ti tlat dawn a ni.
Dik ve ve.
August 18th, 2011 at 3:15 am
I Dr sawi khi hei hi ni mai lo maw https://www.facebook.com/profil.....2510594637
August 18th, 2011 at 3:58 am
August 18th, 2011 at 1:19 pm
Article tha collection ah kan Copy n Paste keuh teh ang
August 18th, 2011 at 9:19 pm
Unsung #54 ka lawm e (humbled)
