TRAFFIC JAM LEH AIZAWL KHAWPUI CHHUNG - Hmingtea Sailo
Traffic jam chhan kha tlemlai khan Taxi vang niin mipui nawlpui khan kan han ngai deuh ngawt a. Mahse, an han intlanchhawk chiah a, a jam chhanber an ni lo tih chu kan hrechiang ta hle mai. Nakin lawka kan khawpui kawngpui zauh belh hleihtheih tawhloh ah hian Traffic hi tun aia a jam nasat tial tial dawn avangin tun tang hian a invenna kan ngaihtuah a hun ta hle mai.
Nitin chanchinbu tamtakah Traffic Jam chungchang hi mi tamtakin an ngaihdan an ziak tawh a. Chung zinga thenkhat chu tihpuitlin tawh pawh a awm ang. Engpawhnise, kan sawrkar hian heti kawng hian hmala se ti- a kan thlirna kawng hrang hrang mi thahnem ngaiten kan ziah hi lo ngai pawimawh se a tha ngawt ang.
Ka thlir ve dan a Aizawl khawchhunga Traffic jam thinna chhan leh a tihbona tur ni a ka ngaihte ka han ziak ve teh ang:
a. Kawngpui dunga Motor riah/dah: Hei hi kan Aizawl khawpui chhunga Traffic ti jam thintu pakhat chu a ni. Kan sawrkar hian Motor nei zawng zawngte Garage nei tura a tihna thu leh kawngpui dunga Motor riah/dah phalloh a tih kha kaltlang pui se chuan hetianga Traffic jam nasa thei lutuk hi tlem chuan a kiam zawk ngei ang. Kawngpui kan neih zau ve deuhah te hian mimal motor a inhung khep khup a, chung chuan kawngpui a tihzim mai bakah, Traffic hi a ti jam nasa zual a ni.
b. Motor inlehpelh that duhloh: Hei hi chu chapona avang chauh a ni. Ka kiang awm lo em mai, tih rilru pu rana Motor khalh thin Driver- te avang hian kan khawpui chhung kawngpuiah hian khawi emaw laiah hian Traffic a jam leh nawlh thin. A remchang zawk kha kiangzawkah tang ngamse, hetianga Traffic Jam hi a tlem viau ang.
c. A hmun lova Motor Park: Traffic Sign leh Rules hrelo Driver an tam ta hle mai! Traffic Sign- a No Parking tih inziahna hmunah Motor a lo ding leh run thin han hmuh hi chuan nuih a za duh khawp mai. A tlangpui thuin Sawrkar Deparement Motor hi a dingduh an ni lehta nghal. Mimal Car/ Motor ding pawh an tam. Chuvang chuan a hmun lova Motor Park hi khauh leh zuala khap a tul a ni.
d. Kawngpui sira Motor silna leh Motor Workshop awm: Hei hi kan khawpui chhung Traffic ti jamtu pakhat a ni. Ramhlun North phei vela Motor silna awm sawn sawnglai velah sawn Traffic a tijam nasa a. Tin, kawngpui dunga Motor siamthatna hmun thahnem tak awmte hian Traffic hi a hun lovah an tijam thin fo. Heng te hi kan sawrkar hian an awmna tur hmun siamsak se, chungah chuan awm se a thain kan khawpui kawngpui hi a thawl zual zawk ngei ang.
e. Travelling Agency Counter- te hian kan khawpui kawngpui hi an titawt a. An Counter- ah Passenger- te an Pickup a, chungah chuan nasa takin Traffic an ti jam thin. Chuvang chuan kan Sawrkar hian Travelling Agency – te an awmna tur hmun bik ruat se, chungah chuan Ticket vel pechhuak se tunai hian Traffic Jam hi kan tawng khat zawk ngei ang. Kan sawrkar hian Zemabawk atanga City Bus- in a zawh kawngpui dunhah hian Motor Park leh dah/riah phallo bur ta se kan khawpui kawngpui dung; Saikhamakawn thleng hian Traffic a Jam fo tawh lovang.
Khing khi duhthawh takin mamawh ve tho dangte tana awlsam leh zangkhai zawka vahvel a remchan zawk beiseina nen ka han ziak a ni e. Kan sawrkar hian hetia Traffic Jam reng thin hi a ngai pawimawh tak tak a nih chuan a engemawber khi chu min tihhlawhtlinsak ngei ka beisei.
Similar Posts:
- BRTF Kawng ve hi le!!
- Traffic police-in zana bike-a intlansiak thinte an veh dawn
- Aizawl khawpui – Zofate Jerusalem Tan
- Uite Rim In Nam
- Kan Himna Kulh
:-D
November 3rd, 2009 at 6:18 am
Mihring leh lirthei kalphung (traffic) ah hian dan (law) hi khawi khawpui ah pawh, khawpui mil tur zela duan a ni. A duang tu ten mihring thiamna a an theihtawp a tha tura an duan a ni thin ngeiin ka ring. He an dan duan, dan a siam ni ta hi tu vak mah hian kan zawm sak tlatlo mai hi traffic jam na chhan ber a ni thei ang.
Report this comment
November 3rd, 2009 at 6:42 am
Traffic jam tih ziaawm nana thra a ka rin te
:arrow:Kan junction ho hi tunai hian tilian fe ila, inhnawh tawt siamtu ber anih avangin efficient zawka control dan siam ruahman nise. Raj Bahawan Northern gate hi T-junction ani, through traffic chhim leh hmar pan te stop lova an tlantlang-na tur over-bridge siam nise, adang zawng hi chu bridge hnuai leh sirah ah kawi vel sela
:arrow:Zodin juction hi thlawh-khum-na tur flyover siam nise Mandir kawt lamah entry leh exit na siam nise chhim lamahar ram la hekin entry exit na siam nise. Flyover hnuaia U-Turn etc ho hian AR-only road hi public tan siamthrat widen nise, Dakin bulah a lo chhuak ang.
:arrow:Ritz Hotel kawt AR hospital ram hi traffic island ah hmang ila, Saron veng lam atranga lo chhohna hi AR ramah va then kual sela a chho ulh tih ziaawm nan nen.
:arrow:Tunai tam hi No Parking siam tam ni sela, parking lut leh chhuak hian traffic flow a tibuai, bakah kawng a ti chep, amarawh chu pik-up and dropping zone erawh siam belh treuh a trul thung ang.
:arrow:Kawng chungah digital dispaly in traffic jam-na area hi tar zel nise bakah FM radio-in traffic police inbe vel hi khaikhawm-in puan nise, chu chuan traffic jam hnawhtawt belh lova hel duh te tan nasa takin thil a ti awlsam ang.
Duhtawk rih phawt a sei lutuk dawn
Report this comment
November 3rd, 2009 at 7:18 am
Jam and Bread —traffic jam … Zoram hian a hnuhnùng zàwk hi chu kan ngah khawp mai a; a hmasa zàwk khi erawh chu kan nei tam vak lo!
https://img9.imageshack.us/img9/3104/misual.jpg
@hmingtea chu i tuar a chhel phian mai —chawhma lama i thu post a derthàwn vei nèn, chawhnu lama i rawn post leh chu a dàn a va dang ve! JAM leh hmeichhe ngêng ru deuh hi chuan thinlung leh khawlai an tichèp mup mup mai a ang viau e.
Report this comment
November 3rd, 2009 at 7:44 am
Ke hian kal ta vek ila traffic jam chu a zia deuh ang a…
Report this comment
November 3rd, 2009 at 10:46 am
Kei misual ngaih ve danah mai2 cuan khopui enkoltu kan ram hruaitu te hian hmathlir thui an mamoh khops mai, vision kan tih luih2 hi
tetea7 sermon hi han ngaithla thar leh teh ang, kei cu a dik ka ti lutuk tlatss, ka tran tops
@tetea7 Says:
November 2nd, 2009 at 12:11 pm
VISION hi kan sawi thin a. “Ram hruaitu atan chuan vision nei tha…” te kan ti a, kan iak kan iak thin. Engpawhnise, vision hi sawi ringawt chi a ni lova — a neih a neih chi a ni a.
New Capital Complex hi Aizawl khawpui chhung tawt lutuk tawh avanga buatsaih a ni pakhat a. Sorkar mi pawimawh tamzawkte awmna tur atana duan a ni nghe nghe. Chumi anih avang chuan mipui ten nasa takin kan bawr dawn a ni tih mi pangngai chuan an hre lawk ngei ang a. Tin, sorkar hnathawk tamtakte nitin fehna tur hmun a ni tih pawh hriatlawk a ni ngei ang.
Mahse, a panna kawng hi a te lulai khawp mai! Tu (te) duan nge ni ang le? Hmanni deuh khan chhete chuan an han tizau hret a, mahse, ‘chauhthubarawh’ a ni! Awmzia a nei chau khawp mai…
A panna kawngpui kamah sorkar office thenkhat a intlar thla dawn a (State Central Library, DRDA, E&F, Forensic, MPSC, etc.,). Aizawl khawpuia office dangte ang thovin kawngkamah kawngkharpui hawn an tum vek thova. Kawtzawl siam tum an awm chuang miah lo! An kawmthlang lamah ram awl (sorkar ram vek) a la awm dei duai zawk a, ruahmanna fel zawk a siam theih ngei ang. Mahse, nakin lawka traffic jam leh luih luihna tur ngeiin office te hi an la sa ta thova — khawnge vision chu!?
Tin, heng office te zingah hian tuman Parking Space tura ruahmanna siam an awm miah lo. An building basement or ground floor-te tal hi chu Parking Space atan hian han ruahman ta se… Kawtzawl nei lo vek, Parking Lot nei lo vek office te hi nakin lawka mipuite phurrit tur a la ni dawn, New Capital Complex panna kawngkama awm vek an ni lehnghal!!
Kan Engineer te hi mi fing pui pui an ni a. Keini ai ai a thil hrezau zawk an ni. Mahse, an kutchhuakte hian belhchian a dawl lo leh tlat thin! Ram leh hnam tana infrastructure tha leh rintlak, tuchhuante thlenga chhuanawm tur din leh siam ai chuan keimahni hlawkna tur lam thil hi kan ngaipawimawh em em ta zel zawk em ni ang le? Thil hi han sawi ila, thiam takin, sawi hma ngaihawm rum rum khawpa thiam hian min han insawifiah khum ngei a. “Hrechiang uk si lovin ka lo sawi ve ta ringawt a…” tia a sawitu tan zak lutuka inlukhupna vang vangna tur khawp hian an insawifiah thiam. Mahse, thil chu a thatphah chuang reng reng si lo!
Siamthat theih, laihzau theih anih lai khan engatinge tun aia zau zawk hian laih anih loh? Engatinge chutiang tura ruahmanna siam anih loh? Kan Capital Complex panna kawngpuite chu Four Lane te hi ni ve tal thei sela (Kei, chu chu ka vision a ni!). Engatinge a panna zim tawh nak alaiin a kawngkama office te hi kawngpui si chet chet veka sak annih hlawm? Tu ruahman nge? Tu te sak nge?
Thangtharte hian tunah leh nakinah kan la nuihzat dawn…
Report this comment
November 3rd, 2009 at 11:30 am
ani ngawtmai new capital complex hi, kawng zim thatloh zia kan hriat tawh hnu daiha siam ni si kawng te bawkin an han siam hi chu. a mak zawk asin. tih len a har viau pawh ani mahna, ka hriatpui ve lemlo a.
Report this comment
November 3rd, 2009 at 11:33 am
a sawi ang khian
Report this comment
November 3rd, 2009 at 1:22 pm
Aaaa, engdang vang anilo e, kawngpuidung te hi an te em atin ni :twisted:
Report this comment
November 3rd, 2009 at 1:42 pm
Lirthei intlanchhawk emaw, Motor Park dan mumal zawk emaw, Kawngpui thenkhat lai han tihzau hlek emaw.. enga pawh hi nise a tha vek. Mahse, awmzia a nei thui lo vek. Kawng awm miah lo kawng thar hlak duan chhuah a ngai. Hmanni deuha Post awm Rope Way chungchangte kha hmalakna awmze nei a ni ngei ang. Tin, boruakah kawngpui chhawng kan siam a tul a ni. Khawpui tam takah entawn tur a awm. Kan sawrkar hian a vei tak tak a, an term chhunga thil tha, rotling tih an tum a nih chuan hmalakna tur pui deuh hi dap teh se.
Report this comment
November 3rd, 2009 at 2:08 pm
Motor Park na na chu hei hian a thiam ka ti khawp mai… https://site.abc.go.com/primeti.....Id=7133231
Reng rengah Ku Hmingtea chu vei i ngah lutuk a i buai a nih hi…
NOI
Report this comment
November 3rd, 2009 at 2:44 pm
A ni khawp mai,thil hi a bilh a tho loh laklawh hi chuan a buaithlak a nih hi maw.Tuten emaw hmun tha a siam theih a nih laiin a siamna tur an ipteah an dah vek thin avangin hei hi kan chan tawk a niah kei chuan ka ngaia ,tunah chuan han titeh mahse a awmzia a awm theiin ka hrehrih lo.over bridge road te pawh siam dawnse sum bawk a ni sum bawk .Zoram khi chu a ngaihna a awm hrih lo a ni tun dinhmunah chuan.Hruaiute hian ram hmasawn,changkang leh nuama siam ai chuan sum neih lamah an in tlansiak hlawma khi aia hmasawnin a awm ka ringlo kum 20 chhung pawhin.
Report this comment
November 3rd, 2009 at 6:34 pm
Motor kawngpui rinchhan a motor workshop (two wheeler tel in) siam ho hi an hnawk ka ti viau bawk…motor chhe siam tur leh siam mek hi kawngpui ah hian an tlar leh dul thin
Report this comment
November 3rd, 2009 at 9:35 pm
Motor hi an ni ber mai!!kal bo tir vek an ngai a ni, chuan kawng chu thawl mai ang, motor zozai han ti ila , a tam ber hi khawi a kal tur nge annih a enge antih hi hria ila, chu ankalna chu sawn theih a nih chuan hmun thawlah sawn sak zel ila ni mai,Tlangram a kawngpui chhawng hi kei chu kan lang trawp duh awm ka ti..Pu Mz sawi ang deuh khian junction pawimawh leh rush reng ho hi ti zau vak ila, to deuh mahse a tih zau nan a bul vel ram hi acquire mai se, vawi 1 acquire khan kumkhua a daih dawn a,Chandigarh khawpui a roundabout ang tiat tiat khu ni thei se…traffic duty pawh a ngai mang lo ang.
Report this comment
November 3rd, 2009 at 11:05 pm
@Phuahchawp Burma Dr.
khatla secretariat panna kawng four-lane tura i rawtna hi duhthusam zawng ani ngei mai le.Assam rifle Khatla ram sawi thingtuah lak nan hman hawh tir an ni. mahse tuna an pal hung thlang lam zawng chauh saw tuna mipui hman tura hlai chu ani si a. Chuvang chuan kawng sawi tihau theih ang bera tihzau chu a ngai khoops mai.
Achang hi chuan aizawlah chuan kan leng ta ngang lo anih hi tih mai hi a awl ta hle ani. englekhawle theih ang tawk erawh chuan siamthrat dan ngaihtuah chu a la tlai lovah ngai phot mai ilah
Report this comment
November 4th, 2009 at 2:10 am
Engdang vang ani lo e. Kawng tet vang pawh ani lo, motor tam vang zawk ani e kan Aizawl traffic problem hi. Engmah traffic planning mumal a awm lo a,engeener thiam te aizawl town planning ah hian an in rawlh hek lo. Nitin motor thar lei reng ani. A ngaihna a awm lo. Engang pawn Taxi in tlan chhawk emaw pawh tise, motor hrim hrim intlan chhawk pawh tise a saturate dawn hrim hrim, hei vang hian motor lei dan dan khauh zawk emaw, tax sang tak emaw dan thar siam angai anih hmel. Motor zat hi tihlem dan duang chhuak se chu chu kan thatna tur a ni ang, Aizawl ang khawte ah chuan motor hi kan mamawh vek lem lo khawp in ka hria. Mahse motor neih hi intihtheihnan kan la hman deuh a vang hian a buaithlak deuh roh bawk si,
Report this comment