Meizial ka zuk hmasak ber tum chu 1993 vel kha ni ta in ka hria, ka cousin in a zuk lai min fawh tir ve zuai a, pa ka in ti ve lutuk :). Khatih lai khan pawl riat ka zir mek a mahse high school leh college ka kal lai kha chuan zu lo ang tluk ka ni in ka hria. High school kal lai chhung zawng kha chuan a belhkahwmin bawm hnih vel ka zuk ka ring.
College kal lai khan kar khatah tlawn 10 vel hi ka zu ve chauh maithei. 2003 khan hna ka thawk ve tan a , pawisa te kan lo hlawh chhuah ve vang te pawh niang ka zu hnem ta angrem khawp mai a. Rilru hah vang em em pawh a ni lo, thian ten an zuk vanga zu ve pawh ka ni chuang lo meizial zuk hi a nuam ka lo ti ve hrim hrim ti ila a dik ber awm e.
Hun rei lo te chhung khan nikhata tlawn 2 vel zu thin kha tlawn 10 ah ka kai chho ta thut ta a. 2007 thleng a ka zuk ber thin Wills Navy Cut kha 1995 a ka pocket money a ka lei hmasak ber khan bawm khat (10 awmna) hi cheng 12 ni ta in ka hria. Taksa pawn a tuar tan ta reng bawk a – chawlh hmanga Aizawl a ka haw chang te hian step a kal te kha ka harsat a thawk te hi a hah hma thei thin khawp mai. 2007 khan Wills Classic Milds ka zu tan ta a, packet khat (20s pack) hi Cheng 94 an chhiar a thla khatah hian cigarette man ringawtah cheng 2800 vel ka seng ang .
Ka sum hmanral atang ringawt pawh hian meizuk bansan tumna rilru lian tak chu nei tawh tur chu ka nia mahse bansan tawp hi a lo har em ani. Chawi ei kham te hian zuk hi a nuam em a , a bikin vawksa hmeh zawh a chaw ei khama kuhva hring thial suah suah pah a han zuk heuh heuh hi chu a van han nuam tak em.
Tihtur neih loh chang a in a awm mai mai TV/Movie en lai te hian meizial hi ka ban reng bawk. Vawi 3 vel chu bansan ka tum tawh a. A aiah sweet/bubblegum te ei kan tum a mahse a daih rei tak tak lo. Sap hovina “cold turkey” method an tih mai anga quit hi chu a lo har ngang mai. (Cold turkey quit chu vawilehkhata thil tih thin tih tawp thut) .
Nicotine patch hi hmang ve chhin ila a tha angem te ka tia mahse vawikhat chu Bangalore a medical dawr lian ve deuh ah hian Nicotine patch an neih leh neih loh ka zawt , a zuartupa pakhatin kan nei lo , chu chu enge , condom ami te ti mai mai sia ka buaipui zui ta em em rih lo.
Kum lamah te pawh kan lo upa ve deuh tawh a (han ti ve ringawt ila) nupui te pawh kan la nei duh anga, fa te pawh kan la nei duh ngei dawn sia meizial kan zuk reng chuan fa neih lamah te pawh buaina a thlen thei dawn tih hria in tunlai tak hian bansan duhna rilru lian tak ka pu ve tan. Mi(sual)™ ho zingah hian meizuk bansan tawh in awm em? In awm chuan in bansan dan te han sawi ve teh u 
November 3rd, 2009 at 8:44 am
Meizial hi 1984 vel bawr atang khan ka zu tan awm e. Nghei ta miah lovin, 2008 March thleng ka zu bawk.
Meizial hi ka zu satliah mai anilo, ka thiante chuan,”rel lu,” tiin min fiam thin. Ka nghei dawn hnaih phei kha chuan cigarette hi ni khatah bawm hnih (bawm khat ah tlawn 20 awm, Marlboro 100’s strong tak mai kha)in min daihlo chang a awm ta zeuh zeuh.
Mezial nghei hi tawngkam chuan ka tum ve nasa thin mahse, rilru tihtak zet chuan ka lo tum ngailo reng reng tih ka nghei hnu ah ka ngaihtuah chhuak thiam ta chauh mai.
Nikhat chu ka hna thawhpui pa,Bachir, Lebanese chuan, ” i heh si, i zu rei tawh bawk si, i dam chhungin i nghei tawh lovang,” mi ti ta roh pek a. Ka rilru chhungril hi chu tawngkam chuan a khei ta zak mai ni ber hian ka hria. Ka mei zuk lai chu ka paih a, ka rap hrual nghal bawk a, ” kha a bawm pawh hi nei rawh,” fiamthu ti tak nui deuh vun chungin ka ti a, ka pe ta a. Chumi atang chuan hei 2009 November 2nd thleng hi ka la zu leh ta miahlo a ni.
Mihring hi rilru luhlul na nei theuh kan niin ka ring a. He luhlulna hi a tha lam a hman chuan emaw, tum ruhna (determination) neih ngat chuan, thil nghei theihloh tih hi a awmlo tih hi ka chiang khawp mai.
Tumna a awm chuan engmah ngawlvei tih hi a awm tak tak lo tih ka chiang bang 100+% in. Hemi thil ah kher hi chuan tupawh ka cho a ni tih pawh ka puang e. Tin, ruitheih thil dang reng reng pawh hi nghei tum vanga doctor phalna thlap a, a aiawh (substitute) ang chi hi a ngai hauhlo tih ah pawh ka chiang ngam. Thil nghei tum a, engemaw dang a thlak nan tih hian, kan nghei tum kha min ngheitir a tum tak tak lo tih pawh hre chiang tu ka ni e. Nghei tum chuan Chunglam leh nangmah inrin tawk hi a tha der.
[Report abuse]
November 3rd, 2009 at 9:00 am
Hun rei tak meizial lo zu tawh ka ni e,ka nghei dan chu ka zu duh tawh lo tawp mai a ni,zu lo mai rawh i nghei a ni mai a har lo tak tak a nia.
[Report abuse]
November 3rd, 2009 at 9:02 am
a dik, nghei tawp a ni mai. Tum chuan hmalam kan pan thin.
[Report abuse]
November 3rd, 2009 at 9:23 am
goldmember kei pawhhi nikhatah nikhatah Willsflake bawm 3-4 ka zu ziah thina ka sum hman ral hi ka chhutin a uihawm khawp mai. Kuhva nikhatah Rs 30 mah ka ei ziah bawk a nghei chu ka duh ve khawp mai tu nghei hma hma ti i la a tha ang a.
[Report abuse]
November 3rd, 2009 at 9:30 am
Mei zuk bansan i duh a nihte chuan zu lo tawp la a ni mai a lawm. Mihringte hian kan tih thei tawk bak a sang kan kutah hian a awm hlei nem. I tum chuan i zu lo thei em em ang chu. Tumna tak tak nen zu lo mai la.
Ka hau che a ni lo a nia aw, Goldie!!! Nghei tawp mai rawh.
[Report abuse]
November 3rd, 2009 at 9:39 am
keipawh hi kan nghei deuh vang vang a, mahse ka zu leh nge nge thin. First_Love hi chu bansan tak tak alo har ani
ni e ka nghei duh tak tak chang hi chuan ka zu lo hmiah maia ka nghei chu ani zui ve maia, mahse a hnu ah hian ka ngai pawimawh em em lo nitur ani ka zu leh mai zel.
[Report abuse]
November 3rd, 2009 at 9:47 am
Kei chu ka Pa advice ka la hre renga, ka vawng thlap dawn. Pawl 9 ka nih khan ka pa’n min ko a, chuan heihi min hrilha… “Mama, i nun leh career a i hlawhtling duh chuan i thil tih zawng zawngah te hian beidawng lo la, quit tum suh. Don’t be a quitter.” a tia… chuvangin meizial zuk chu quit dawnlo rengs…
Tak takah, keipawn zuk tawh loh ka tuma, mahse a lo harsa viau. Weight pawh ka gain phah nual… kan zuk loh avang hian kan ka leh kut a “in hlei” a, thil thial tur te hi kan zawng reng mai. Nicotine gum te pawh an thial tir thin hi. Chewing gum vel thial loh chuan thil kan ei renga, kan thau tulh tulh mai a lawm.
Pu HV sawi ang deuh khian, substitute chung chang hi chu ka expi ve tawh – quit in tum chuan, a substitute tur melh reng reng su. Awmzia a neilo. Ka thian meizial zuk tawh lo tum te pawh, sahdah an hmuam tana (a hma a sahdah hmuam ngai miahlo an nia)… thla khat vel chu meizial zu miahlo, sahdah chauh hmuam in an awm ve thei. Thla khat hnu chuan meizial leh sahdah an ti ve ve tawh. lolz.
[Report abuse]
November 3rd, 2009 at 9:47 am
e khai! nghei hmiah mai rawh!
meizial zuk hi keini Mizo te zingah ngat phei hi chuan, thian siamna tha ber ni in ka hria, hmelhriat loh(Mizo puite) zingah kal chang pawh in , meizial zu mi te chuan..khawi maw..tih phah in…thian min siam khalh zung2 zel…! a zu tawh te tan chuan…bansan chu har viau in ka ring!
[Report abuse]
November 3rd, 2009 at 9:49 am
@Goldie: Meizuk ka bansan chiah e! Thla hnih a tling ve dawn ta. Kum 27 chhung mei ka zu a, kum 15 hnu lam phei chu sap ho vin ‘Heavy Smoker’ an tih chiah hi ka ni.
Mei zuk bansan tur hian ka namen lo vin ka fight a ni. Light Smoker ho nen chuan kan lo inang lo khawp mai.
Hna ka nei a, ka hman veleh ka rawn comment hrep ang, ka interest tlat, ka dai ram a nih vangin. Kan sawi ho dawn nia. c ya
[Report abuse]
November 3rd, 2009 at 10:15 am
Nia, rilru leh tih takzeta tum chuan a nghei theih chu ka ring, mahse meizial tur hi chuan kan taksa ah hian min fan hneh khop a,ka han nghei ve zauh chang poh hian lung a leng duh khop mai,a zu bula om phei chuan a rim hi kan zuk loh lai tak hian a tui zok emo tih tur ania, lung hi a ti leng vong vongin ka hre thin. Keichu meizial hi voi 3 vel chu k nghei toh, ka sim theihlohna ni bera ka hriat chu meizu ngai miahlo hlir kan om ngai si lo a, a zu te bulah om chang a om leh loh theih thin si loh a, chu chuan min thlem thlu leh a,ka zu leh nge2 thin ni berin ka hria, Nge ka RILRU zok… ?
[Report abuse]
November 3rd, 2009 at 10:37 am
Sim rawh, bansan la,
Ruih hlo hi i hmelma a ni,
Aw tang fan fan!
[Report abuse]
November 3rd, 2009 at 10:47 am
Thil sim thei lo tih chu tum tak tak loh vang a ka ngai.I ban san vat loh chuan i zukna a rei hmel tawh bawk si a..Asthma i vei thuai mai tur ania..nakin lawkah i la khuh puak berh berh ngei ang..chheirawww!!:)). Tlangval ila nih phei chuan nula ho in “khuh puak ring thei tak Goldmember kha ka star lutk mahse a khuh puak thei lutk a” an tih mai tur che a nia..lolzz.
[Report abuse]
November 3rd, 2009 at 10:53 am
Ka unau sim hming pui tlakin rah rawh, awi.. rah rawwh..
sim rawh, jindabad!!
[Report abuse]
November 3rd, 2009 at 11:03 am
Sim tum ai chuan tih loh law law a tha anti chawk a, kei naupan lai atang in ka lo ti lo hrim hrim hi ka lawmna chu ani e. Advice tur pawh ka hre lo. Tawngtai na nen lo tang mai teh khai, a that loh zia chu hrilh i ngai awm si lo va.
[Report abuse]
November 3rd, 2009 at 11:05 am
Tunhma khan seventhday ho khan meizuk hrisel loh zia kha demonstration an nei thina, thingtlangah chuan hmuhnawm enin an en a, an sim lem hlei lo va. Ram changkangah chuan an chep tawh khawp mai. Pub/club/public transport leh workplace hi non smoking anih deuh vek tawh vangin.
Tumkhat chu McDonald’s pawnah kan ei laiin kan bulah midang hi an rawn thu ve a, ka thianpa meizuk kha manager hnenah an zuk complain anih chu, ngeiawm khawp mai. Kan thiamloh chu nitho mahse. Thutna tam tak a awma kan bulah an rawn thu deuh kher a.
[Report abuse]
November 3rd, 2009 at 11:10 am
Sim tum ngai lova ti lo law law chu ka ni ve auh. Hostel ka awm chhungin ka rommmate te hi heh tak vek an ni hrehawm ve duh khoops mai. Chuvangin mahni thuneihna hmunah chuan zu lo hram se ka duh, zawm a hlawh khoops bok.
Mahse kan nun mi(sual) hi sim deuh teh a tih erawh a la har trauh trauh khoops
[Report abuse]
November 3rd, 2009 at 11:24 am
Meizial zuk bansan theihloh hi addiction vang a nih hmel a. Addiction hi damchhung daih niin an sawi thin. Nghei dawn chuan damchhung atana nghei tumna determination neih a ngai an ti thin. Nghei hlim chak zual lai pelh hnu pawhin chakna a la awm rei khawp mai. Chumi piah lamah chuan tui ti awm taka miin mei an zuk hian awh chang a awm fo mai . Ka sawi tum chu damchhung atan insumna rilru put angai a ni. Nikhatah bawm 4 vel zu thin ka ni a. Kum 20 vel zet chu ka nghei ta. Awh chang ka la nei fo mai nia.
Nghei dan chung chang thu ah chuan nghei hmak mai a tha berin ka hria. Zuk tlem tih angreng bi kei chuan ka thei lo. Tin nghei hnu chuah fawh khat pawh fawh zui loh hi ka nghei dan a ni. Substitutes tih ang reng hi thra ka ti lem lo. Substitutes hmang thrin ho hian an nghei ziktluak lo tlangpuiin ka hria. Melthum pa pakhat pawh substitute ah sahdah a hmuam a. A sahdah hmuamna lamah khaini leh tuibur a duh phah . A engamah nghei leh thei siloin a pai kim thrut mai an ti. Tak tak ani a aw.
Nghei ve mawlh mai teh u. But remember it involves lifetime determination .
[Report abuse]
November 3rd, 2009 at 11:24 am
Meizial zuk bansan theihloh hi addiction vang a nih hmel a. Addiction hi damchhung daih niin an sawi thin. Nghei dawn chuan damchhung atana nghei tumna determination neih a ngai an ti thin. Nghei hlim chak zual lai pelh hnu pawhin chakna a la awm rei khawp mai. Chumi piah lamah chuan tui ti awm taka miin mei an zuk hian awh chang a awm fo mai . Ka sawi tum chu damchhung atan insumna rilru put angai a ni. Nikhatah bawm 4 vel zu thin ka ni a. Kum 20 vel zet chu ka nghei ta. Awh chang ka la nei fo mai nia.
Nghei dan chung chang thu ah chuan nghei hmak mai a tha berin ka hria. Zuk tlem tih angreng bi kei chuan ka thei lo. Tin nghei hnu chuah fawh khat pawh fawh zui loh hi ka nghei dan a ni. Substitutes tih ang reng hi thra ka ti lem lo. Substitutes hmang thrin ho hian an nghei ziktluak lo tlangpuiin ka hria. Melthum pa pakhat pawh substitute ah sahdah a hmuam a. A sahdah hmuamna lamah khaini leh tuibur a duh phah . A engamah nghei leh thei siloin a pai kim thrut mai an ti. Tak tak ani a aw.
Nghei ve mawlh mai teh u. But remember it involves lifetime determination .
[Report abuse]
November 3rd, 2009 at 11:32 am
Tum tak2 chuan a sim theih. XaiA hi charminar ngat zu heavy ltk a ni tunah chuan a sim chiang khop mai. hehe
Tun hma chuan thlawhna ah pawh smoking zone a awm a kan zu thei a tunah chuan mi 2/3 thrut khawm naa han zuk te hi a inthlahrunom tawh… kan zu keuh teng
[Report abuse]
November 3rd, 2009 at 11:33 am
Zuk loh mai kha a ni e
[Report abuse]
November 3rd, 2009 at 11:55 am
Zial ka zu ve siloa, han sawi maitur ka hre tlat lo
Hmawrmut zu ho bula awm hi ka ning khawp mai, a rimchhe ropui si :twisted:
[Report abuse]
November 3rd, 2009 at 11:55 am
Tunlai chhana meizial zu khu luihluih te hi mi in an ngaisang teh chiam lo.Khristian inti te zing a awm tawh lo tur thil ani.A that lo zia i sawi thiam bawk si a, zuk tawh loh tur a ni mai. Ngawl di himai!Ngawl ding!
[Report abuse]
November 3rd, 2009 at 12:07 pm
he ti hian kan hrilh ang che keimah ang in nih chuan i nghei thei ngei ang…
mahni thu sawi tawh a ding nghet leh tih tawh a bei dawngmai lo i nih ka ring aa hmasa in meizial i nghei in i bulvel a awm i chen puite i thian te ni tin i khawsak puite hnen ah i meizial nghei thu hi hrilh ang che.
mi meizial i zu thin tih i hriat zawng2 te henah i nghei tawh tih thu hi hrilh la chuan an ni pon nghei tawh ang ah an ngai dawn che achuan i tan pon zuk leh chu a nawm lohna chin a awm dawn a ni,chu chu pakhatna a nia.
a pahnihna ah chuan mi meizial zu i hmuh a piang ina ten awm zia a thatloh zia leh a that loh na lam zel ngaih tuahla chuan i nghei a tang kar khat hnu vel a tang chuan i taksa ah leh nangmahah hrait thei in a lo lang chhuak ang a i harh vang a nga zingah harhvang tak in i tho tawh ang akha kha i meizial zuk lai nen khan han ngaihtuahla a in thlau dan khah han chhuat la chuan meizial zuk a ni ber bur a zing tho thin kha i harh vak tawh dawn a nia
chuan a hma ang ah kha chuan i let leh duh ka ring tawh lo
Meizial leh zu
zuk leh hmuam hi mihringte ti HO tu an ni
an lakah hian fihlim hram i tum ang u
[Report abuse]
November 3rd, 2009 at 12:10 pm
pian tirh atanga mei zu sa tumah kan awm lova, nghei theihloh tih hi chu ka rinloh zawng tak a ni kei chu… thil pakhat ka vei deuh mai chu tute emaw in suicide an commit a, van ram kailo tur ang hial hian kan ngai a, lehlamah chuan mei zuk, zu in etc. te hi cancer leh natna dang dang thlen thei tih hre reng chungin kan tiluia, thenkhat chuan heng vang hian cancerte an vei ta ngei reng a, an thihpui hian mithianghlim thlahinkan thlah leh lawi si a, kan pathian hian engtin nge a ngaih ang ka ti thin…. duh vang renga mahni in tichhia an ni reng sia hrelo pawh an ni si lova, mahni intihlum an ni ve tho lo maw…? inawkhlumte meidila an kal chuan an ni poh hi an kal ve tho lawng maw…? mihring ngaihdan leh Pathian ngaihdan a inang lo maithei a nia… duh taka a siam kan taksa tha taka enkawl tura min tih laia lo intihchhiat ve ringawt hi, a result a lan nghal mai loh avang hian suicide kan ti lo ringawt thin a… ngaihtuah chian a tha ka ti…..
[Report abuse]
November 3rd, 2009 at 12:40 pm
Tun laiah meizial zu hi kan chep ta khawp mai. In lamah pawh ka faten an ngaihtheih loh avangin an awm lohna hmun veranda-ah te ka zu thin. Chuvangin November 1 atang khan ka zu ta lo daih. Nghei ka tum ren run chuang lo va, October 31 zan khan ka sikret kawlsa ka zu zo chiah a, naktuk atang chuan zu tawh lo teh ang, ka lei lo ang a, mi ta ka ban bawk lo vang, tiin rilru ka siam a, ka zu ta lo der mai. Eng tin mah ka awm lo, a lo na lo teih teih khawp mai. Nghei ve daih rawh.
[Report abuse]
November 3rd, 2009 at 12:41 pm
Nghei dan pakhat chu meizu mi bulah awm tlem la, anih loh pawn mi zawng2 bulah i nghei thu kha puang la, i zuk dawn pawha zu lo tura an lo hrilh theih nan che. Khawiah emawni ka chhiar dan chuan meizuk chakna (craving) hi minute 3 vel chhung chauh ania, khami minute 3 kha i insum theih chuan a dang chu insum a har tawh lo e an tia lawm. Dik tak emaw ka hre law, han ti chhin la i hre mai ang chu.
[Report abuse]
November 3rd, 2009 at 12:49 pm
Kum 27 mei zuk hnu-a sim tum chu a hautak tak zet a ni! Ka sawi tawh ang khian kum 15 chhung phei chu Heavy Smoker ka ni a. Meizial hi ‘My Closest Friend’ ka tih thin a ni.
Khu reng mai, Ni 1 ah Gold Flake bawm 3/4 zu thin ka ni.
Zanah, eng hunah pawh thang harh ila khu ngei ngei, zing thawh phatah khuma la mut laia ban hmasak ber. Chaw ei dawn tepa tan ngei ngei, Inkhawm ban veleh Biak In Gate pelh rual ruala phawrh nghal, Meeting, Inkhawm, Hun serh ilo reng renga awm ve min tipeih lotu ‘My Best Friend’!
“Nghei la a ni mai a lawm” tih liam puat chu sawi a awl khawp mai! Ama’rawhchu, Meizial Victim han nih chuan sawi ang ngawt a ni lo, suffer ve fe a ngai a sin!
Tumna tak zet zet, Tumruhna a ngai.
@Goldie, kei ang em ema nghet chu i la nih ka ring lo. Tun kha a sim awlsam lai tak a ni mahna. Chuvangin, “Ka sim thei a ni” ti mawlh mawlh chungin bei rawh le.
WITHDRAWAL EFFECTS: Meizial zuk ka bansan tantirh vel ni 3/4 kha a hreawm zual lai ber chu a ni. Kan ban (Arms)lehlam lehlam hi a za deuh chuai chuai thin a, ka kiu pahnihte pawh hi an za mer mer thin. Kan Nu hian a hmet thin. Awm ngaihna hriat a har duh khawp mai. Meizial chakna khan min rawn tuam mup mup thin a, insum a har tak zet a ni! Nun a kim lo va, rilru ngaihtuahna fim tak put reng a har. Concentration ka hloh nasa thin.
Meizial sim ka tum phat atang khan Internet atangin ka zir hmasa fe phawt a. (
ka huphurh lutuk a!) A tawrh nep dan tur kawng awlsam mawlh kha ka dap nasa. Vawilehkhatah nghei thut lo ila ka ti rilru a, harsa fein ni 1 ah bawm khat chuan ka in manage thei hram hram a, ka lawm hle. Mahse, han zuk khat deuh a zuk leh thin khan chakna a tizualin ka hre tlat a, chuvangin, a nih nih ka ni ang, ka thi chuang lo vang tiin ka nghei ta burh mai a! Hei, ka la dam zawng a nih hi 
Pathian thu avangin 1992 khan Zu ka lo sim tawh a, Mizo Society-ah hian Meizial erawh chu kan hriatthiam em avangin sim ka tum em em ngai lo va. Ama’rawhchu, Rinna lam atanga hnawk tihna tak tak ka lo neih tak avangin Kuhva leh Meizial pawh chu ui leh ngai tak chungin ka’n vailiam leh thei ta hram a. A thawventhlak ta khawp mai.
Ka meizial bansan hi thla 2(hnih) a tling ve ta tep e. Bula miten an zuk khuk ram ram chuan a rim a tui si a, hreawm duh khawp mai
Mei zu bula awm loh hram hram hi a tha a ni mai.
Mahse, a rei ve tial tial a, chakna pawh a nep tial tial a, Zu chakna reng reng ka neih tawh loh ang bawkin meizial chakna pawh hi a la bo vek dawn tih ka hriat hian ka lawmin ka nghakhlel khawp mai.
[Report abuse]
November 3rd, 2009 at 12:56 pm
Meizuk hi ka bansan a, Meizuk bansan hi ka bansan leh tawh bawk. Huihamzzzz
[Report abuse]
November 3rd, 2009 at 1:19 pm
Kar khat ka nghei ve leh ta chiah. Hlawhtlin ve tawh hram ka duh khawp mai. Ka ngeih ngang si lova….
[Report abuse]
November 3rd, 2009 at 1:33 pm
@ Goldie, bansan i duh chuan zu lo la ni mai lawm.
[Report abuse]
November 3rd, 2009 at 1:40 pm
Kei pawh hi meizial heha sawi ka ni hman a mahse kum 2000 march 15 atang khan vawiin ni thlen hian vawikhatmah ka zu leh tawh loh bakah chakna hi ka nei chhin leh tawh lo a,meizial heh tia sawi ka nih mek laiin ka nghei ta mai kha mak ti a sawi ka ni leh thung a ni.Ka zuk lai hian nikhatah GOLD FLAKE bawm hnih ka zuzo ziah thin a thiante ta ban zau zauh nen chuan a aiin a tam mah ang .cigar ka lei hian bawm hnih hi ka lei nghal thin.Nghei tura ka rilru ka siam tirh hian tlawn khat chauh ka zu hman nghe nghe a,a dang zawng chu ka thiante ka pe a an awih lo lutuka a lak pawh an la duh lo nghe nghe a ka ni fapa ka peta zawka.
Ka zuk loh tan zan hian ka zu chak lutuk chu a mut pawh ka mu lova ka kut pawh tum bai lek ti niawm fahran hian katham vak vaka a chang leh ka hmuite ka nuai a chhuat laiah te veiin tuisik ka in in, kuhva rah ka thial leh ringawt thin a, mahse zuk tawh loh ka tum tlat avangin ka chak hun lai tak hi ka tih loh hun lai tur tih ka hre tlata chutiang chuan zanhnih leh a chanve ka beiin ka suffer a, ka zuk chakna a tlem tial tial a ka chak lai tak chuan ka zu lo lui zela vawikhat erawh ka zu leh tep a ka thianteta ka ban hmana mahse kazuk hmain ka duh leh ta lova chuta tang chuan vawiin ni thlen hian ka zu leh ngai tawh lo.chakna pawh ka nei leh chhin tawh lo.chuvangin keima experience atangin nghei theilo tihho hian an nghei duh tak tak loh vangah ka ngaiin nghei turin hrehawm an tuar peih loah ka ngai.Mahnilam tih ve tur ti silova tum rikngawt chu a hlawhtling mawh viau.Action speek louder than word .Action work much better than word tih hi nangmahah hlawhtlin tir la i meizial zuk chu i bansan theiin ka ringa,Meizialin min zu rawh tiin i kutah a rawn in dah dawn lo tih kha hria la nangmah kha a bul ber chu i ni e.Rilru a ni rilru.
[Report abuse]
November 3rd, 2009 at 1:59 pm
https://www.tuivar.com ah pawh hian hriatzauna a awm nual mai a, (Zofate )Tahan khawpui pawh thu neituten an then darh dawn ni awm tak a ni.
[Report abuse]
November 3rd, 2009 at 2:14 pm
1980 bawr vel lai khan Aijal Town Bus chhungah hian thu maksak tak mai intar pakhat ka hmu a “Meizial hmawr lehlamah hian meiling a awm a,lehlamah ve thung chuan mi mawl a awm” tih te mai hi.Meizial nghei dan tha ber mai chu ZUK LOH mai hi a ni.Ho hle angin lang mahse thudik tluantling parh a ni e.
[Report abuse]
November 3rd, 2009 at 2:26 pm
a ngaihnawm hlawm khaw mai. in ti lawmawm e. hei nizan tang khan ka tan nghal chhin a. A harsa khawp mai. Cigarette bawm ka neihlai kawngah ka paih ka zing tho hlim meizial han ban mai tur lo awm tawh lo chu rilru a buai hman tep alawm le
bubblegum ka in chhawp teuh bawka. Tun tum chu ka nghei final quit thei tawh ang chu!
diostebendiga rawn sawi khian ka beng a verh tha khawp mai – meizial zuk chu slow suicide chu a nih mai duh hmel .
[Report abuse]
November 3rd, 2009 at 2:28 pm
Hey Goldie hei han chhiar ve chhin teh https://alejendro.blogspot.com/.....rette.html
[Report abuse]
November 3rd, 2009 at 2:48 pm
Mei zu loin kum 29 chhung ka dam ve ta… a bansan thei apiang chuan bansan sup sup teh unnn…. hriselna mai ni lovin, keini ang rual tan phei chuan chhungkaw budget te poh a khawih tel a nia :/
[Report abuse]
November 3rd, 2009 at 3:40 pm
bansan i duh chuan bansan top mai teh….keizong bansan chu thra ka ti a ka ju tui rih em a ni…ka tan leh chiah e.. =*”
[Report abuse]
November 3rd, 2009 at 3:49 pm
slow suicide chu a nih mai duh hmel
>> suicide? why not homicide?
[Report abuse]
November 3rd, 2009 at 4:44 pm
Pawisa hah takin kan thawk chhuak ve tang tang a, hal ral leh zel mai zawng tra la la la la
[Report abuse]
November 3rd, 2009 at 6:20 pm
Inpuih chi ani lo. Mahniin zuk loh ani mai. A bak a awm lo.
[Report abuse]
November 3rd, 2009 at 6:30 pm
Khawthlang ram tam tak kristian te chuan heti laia zu kan ngai ang deuh chuan meizuk hi an ngai a, a addiction lai tak hi kristian nun nen a inhmehlo lai a an ngaih lai tak ni in ka hria. Dik pawh a dik ang reng khawp mai. Ka sawi duh tak zawk a chu kan thianpa pakhat in meizuk leh kristian na chung chang an pastor a zawt a, kha pastor khan nuihzathlak, nih duh hmel deuh si in a chhang a, mei ka zu ve tho na in ka lawm viau tho.
“you may not go to hell because of your smoking, but you smell like you come from there”
[Report abuse]
November 3rd, 2009 at 6:31 pm
Goldy: Nghei tawh ber chuan zuk zeuh zeuh te chu a pawi dawn a mi!
Kan accident palh anga, kan lum hrep bawk anga. Chaw te hi lem sual a hlauhawm ee, ka nghei mai dawn emawni! 
Boruak ah lah hian H1N1 a kai theih an ti bawk si, thaw tawhlo tawp mai ila!!
Meizuk fakna lam nilo in a hlauhawm zawng thratlohna side atanga kan zir zel chuan Motor chuan te hi a nia ka hlauh ni!
Mahse meizial zuk hi chu a thrat loh mai bak ah a mawilo/nalhlo riau, midang zu khu tual tual ka hmuh chang hian, tiang chiah chuan kei pawh ka ni ve tho awm sia.
[Report abuse]
November 3rd, 2009 at 6:43 pm
@Goldmember, nghei i tum veleh khan threhtu/ khilaitu che i hmu nghal teuh mai ang. Chu chu i hnar ngam chuan i dam chhuak in ka ring.
[Report abuse]
November 3rd, 2009 at 6:46 pm
Pathian zarah ka nghei tlang theih ka in beisei. Kum hnih dawn chu ka zu talo hrih chu ania, chakna pawh ka nei ta hauhlo mai.
[Report abuse]
November 3rd, 2009 at 6:50 pm
addiction reng reng hi chu recovery a awm lo va, recovering zawk a ni a, nitin nghei a ngai “one day at a time”. Thihni thleng a nghei ngai a ni, an ti.
[Report abuse]
November 3rd, 2009 at 7:00 pm
Meizuk mai bakah, KHAINI …
https://www.mizoaw.com/phekhnihna.htm
Champhai nula lianpui pakhat pawh, tlangvâl pakhatin a kiss dâwn ngawt a. Chù nula pui roh chuan, “Awi ka u, lawk lawk …” a ti a. A sahdah hmuam a hui chhuak trûn a, a paih ri thlawrh a. “Awi ka u, khai tawh aw, ka inling …” a ti.
A inpuahchah ve ngawt mai!
[Report abuse]
November 3rd, 2009 at 7:25 pm
Ka testicle-money ka’n share ve ang che u.
Goldmember ang deuh tho khi ka ni. mahse, High School ka rah chhûngin zùk leh hmuam ka khawih lo. Hrisèlna lamah lah athletics and games-ah pawh keimah rau rauva danglam zar ka ni.
College ka rahin zû ka tem. Ka in zui chuang lo. Zirlai nih ve laiin thianten an pak nuai nuai bawk a tiin, package 1 (Navy Cut, roll chawp mai) ka lei ve. Thianten, “I! A lei ve ringawt nia!” min ti. Ka zak deuh hlek.
Kum 1990-1994 inkâr khân rura lutukin ka zu ta. Chain-smoker dik tak ka ni. Zo-zial bung ka zawn khawm chang pawh a tam, lei tùr remchang mai a awm loh chângin. Ka nghei thut. Kum 2006-2007-ah nasa lutukin ka zu leh, ka thian kawmin a zuk reng vang a ni. Jarda nen meuh —ni khatah jarda 32 ka ei ngei ngei. Chaw ka thlah. Cher chhe tak ka ni hman. Golda Meir-i pawh ka bulah awm se, “I zu lutuk deuh,” min ti mah mah mai thei.
Meizial khu (reek of tobacco) hian min la tihlunglèn theih cheu hi chuan nghei tawh hnua zùk leh mai a awl, a lèt tama zu hnemin! Abìkin kan kianga meizial zu reng an awm phei chuan an zùk khu rimin lung min lèn ta thìn a. Meizial zùk khu rim pawh ngaithei lo khawpa han awm theih meuh hi chuan —a zu mite bula awm pawh kan peih lo, pindan chhûng zial khu rim ringawt pawh hi a ninawm thei hle.
Zial zùk leh zùk loh inkâr chu chuap chhûng hian a hre teh mai a nia! Chuap chhûng hi alkatra-chhuan-tui ang pùra dum a nih tawh chuan —khùk hlut hlut a ngiat tawh a, mihring kan chak lo hle tawh a ni. Chho kal tih vèl phei chu a harsa talh tawh mai.
Nu pakhat nghei thei lo lutuk pawhin doctor a râwn a, Rs. 100 lai inentîr man an lo ngiat. An lo chawh ber chu, “Mei zu tawh suh,” tih chauh a ni.
Chu nu chu a ling ta phat mai a, ” ‘Mei zu tawh suh’ tia min hrilh tùr chu ka hrelàwk reng alàwm, chumi min hrilhna tùra Rs 100 hi rawn insêngso phal ka ni lo, in mi hrilh hi chu ka hre ve reng. Ka hre chiang khawp mai. Ka rawn kal chhan zàwk erawh chu, mei zu reng chung sia ka hrisèl theihna lam in hriat tàkin ka râwn che u a ni e. Chutiang min hrilh tùr in hriat loh chuan, Rs 100 kha mi rawn pe kìr leh mai zawk teh,” a ti hmaks!
Advocate Rintea u, Hrângi maw le—mei nghei lovin a chatuan ram a pan ta nge nge!
[Report abuse]
November 3rd, 2009 at 7:44 pm
A nih khawp mai nghai duh chuan zuk loh mai tur ni awm tak a ni, Dr. te pawh an ti muau si a,,, https://www.tuivar.com/2009/10/.....-thil.html
[Report abuse]
November 3rd, 2009 at 10:55 pm
Bansan ka inti ngam tawh ang em aw,Kum 5 dawn chu pak khat pawh ka pak tawh lo na a :!: Charminar ngat zu thrin ka nia,nag ang deuh a ngaih tuah mang lo a tran deuh reng mi ka ni.Bansan thra ka tih na chu rei tawh mahse ka tum chhin ngam ngai lem lo.Kum 2005 Nov,thlatir khan ka hritlang a,ka zu lo lui a,ti chuan harsatna vak awm lo in ka nghei ta mai a,Pathian tranpuina ka dawng nasa hle in ka hria,zanah ka ngheitirh chuan ka mu hma lui thrin
Muthilh laiin ka zu ngai si lo a :!: Ka vannei a,witdrawal syndrom pawh ka nei meuh lo tlat nia…All the Best…
[Report abuse]
November 3rd, 2009 at 11:06 pm
Xaia, Marlboro 100’s, “cowboy killer,” an tih keipawn ka zuk thin a ni asin. hei kum 2 dawn chu ka zu ta lo, Pathian zarah ka zulo tlang thei tawh em ang chu maw. Hopefully.
tunah chuan 
Ka meng a nih ngai phawt chuan ka zu deuh reng mai, tunhma kha chuan. Vur tlak hun, a vawh lai ber pawn, pawn ah hian ka chhuak sek mai kha ania, kalo van rethei zual bik tak em vele aw.
[Report abuse]
November 4th, 2009 at 12:19 am
nghei ngai vak a mi, i mei zuk kha thlak la ni mai lawm. A man tlawm deuh te zu ve la. Kei pawh Will Flake ka zu a nikhatah bawm 5 ka zu tlang pui a, zanah ka men rei chuan 2. nghei ka tum chuang lo. Duh zawng chu thih pui thrak mai tur.
[Report abuse]
November 4th, 2009 at 12:25 am
Ka zuk tran chiah ka hre tawh lo 1982 chho khan ka zu ve zeuh 2 a 1983 te kha chuan ka zu ve nual tawh capstan,charminar, panama,tin bak ah goldflake,willnavy cut te ka zu trhina will kha Rs 4;00 a ni trhina ngei hi ka tum em em lem lo trhin ka duh tho a tichuan 1990 khan pianthar an uar kum khan camping te an ti a an piangthar a trha hle in a hria hlawm a .vawi khat chu ka in khawm ve a eng emaw thil trhla lo tih chin sim tur in an i tiam chur2 a kei chuan tiam ve tur poh ka hre lo a mei zuk hi sim mai teh ang ka ti a kkka sim hmiah mai vawiin ni thleng hian .Tum khat chu KLB Diakkawn ah motor ke ka siam tir lai in ka trhinapa motor ke siam ve tho Aizawl ami nen kan in hmu a will hi a phawr a kan ban ve a ka zu ve leh mai a a chanve chu ka zu hman A kei hi mei zuk ka sim tawh a sim ka lo theihnghil anih hi ka ti a a paih leh nghal ka zu leh toh lo
[Report abuse]
November 4th, 2009 at 1:03 am
Kan tet lai chuan WILLS hi Navy cut an ti deuh kher thin tak asin mawle hairehai
Ka meizial nghei hma a meizial mana ka hmanral tlangpui leh tun hnu a khami aia ka save tak zawk ni a ka hriat dan :-
Marlboro 100’s kha 1 pack = $4.75 bawr vel a ni thin. Ni khatah bawm hnih ka zuk chuan $9.05 a lo ni anga. Thla khatah chuan $280.55 (Rs 12624.75) bawr vel meizial manah ka hmang tlangpui tihna a ni ta a ni, lighter leh a kaihhnawih dang tel lovin.
Thla tin, Rs 12624.75 bawr vel mei ka zuak loh hnu ah meizial man ai ka save thei ta a nih chu. tra la la la la
ka save kher chuanglo maithei 
Tunah hian cigarette hi $5.00 a chuang vek tawh lehnghal. New York lamah phei chuan ka zuk lai pawh khan $12.00 a ni reng tawh tih kha a nia. hah taka thawhchhuah sa han halral mai mai kha chu a zialo deuh chu a ni e.
[Report abuse]
November 4th, 2009 at 1:09 am
Nghei tum chu a awl, tihpuitlin a har a ni.
Stage khatna : lei loh phawt, khaw’maw (mi ta zuk tur)
Stage hnihna : Zial zuk bung chhar loh tùr
Stage 3-na : Pak/fawh khat lawk ti pawha mi dang dil loh tur
stage 4 : Zippo lighter pawh intih-mipa nan pawh pai loh tur, zuk a chawh tel tlat zel
A kaida a tam mai, ka ziak peih seng vel lo ve.
1989 khan Ludhiana-ah Wills package 1 kha Rs 8 a ni ta mai; to ka ti lutuk a. Ka zu zuai, nghei zuai vel!
[Report abuse]
November 4th, 2009 at 1:42 am
kum sawm dawn lai chu ka zu tawh lova chakna pawh ka nei tawh lo chiang bang.
[Report abuse]
November 4th, 2009 at 2:57 am
Pu HV, khalam chu sikret a tlawm deuh maw? he lai chu marlboro 9.10 euro, camel 8.90 euro ani tuah mai, nikhat a bawmkhat aia tam zuk chuan angaihna a awm lo e. A to fia fia khawp mai!
[Report abuse]
November 4th, 2009 at 3:04 am
I nghei duh tak tak a nih a, nicotine i thial chhin duh a nih chuan i add. min han hrilh la, ka han thawn ang che, a leina chiah chu ka hre lo va, mahse kan thawhpuinu in a thial a, ka lo zawt ange!
[Report abuse]
November 4th, 2009 at 3:37 am
A aiawh (replacement) neih kher hi NGHEI a ni fumfe lo!
[Report abuse]
November 4th, 2009 at 4:49 am
a aiawh zawn a ngaih chuan, i nghei hlen ka ringlo. I can bet on that.
lrpa, Maryland hi chu a la zia zawk in ka hria, New York te lakah chuan. An siamna hmun, Virginia ah a tlawm ber awm e. Tunlai cigarette an siam ho hi i fawh loh rei deuh (dah deuh vang2 ) chuan a thi hmak a ni mai. Safety atan an design a ni awm asin. Khu chhuak thei lovin siam thiam se ka ti khawp mai. A rimchhe ropui si weinch
[Report abuse]
November 4th, 2009 at 4:59 am
Ka Thianpa Pakhat chu a high school kal laiin hostel ah an sir in an meizial zu ru a man a,a hrem nan zozial cheng 40 man a zuk zawh tir vek a,a sim phah hlauh.
[Report abuse]
November 4th, 2009 at 5:02 am
Delhi-ah khuan doctor pakhat ka va râwn tawh a, 1989 vèl em ni ta kha âw, a office-ah he thu hi a lo târ a, “Even if you smoke in this room; please do not exhale,” tih tè mai hi! Har àwm vei!
Mei ka zu ru a, ka hnung lamah ka pa a rawn kal a ni àwm a. Ka hmu dèr si lo. Nêm tè hian mi rawn bia a. Chu veleh zial chu chhuatah ka thlauh zauh va, ka rap hlum hmak a. A thil mi zawh chu chhàn a ngai ta miau si (mei ka zu ru tih a hre kar tawh si) —ka chhâng khu chem chem mai maw le! Fapa DRAGON a nei a ni ringawt!!
Meikhu lem vek hi a lo theih hauh loh!
BTS-a an tih luai luai, Zonet-a mi hi … an inah thianzaho kan inhmu khàwm a. BTS-a pa hi strict bawn tawp, an sitting room-a meizial zùk phal hauh lo, “DO NOT SMOKE” tih târ thlap a ni. Kan thianzaho kan phawk tlâng bawk a, a thuziak inkhai chu a letling zâwngin —bang lam hawi zâwngin kan dah sauh sauh va. Kan pak khu luih luih tawh mai maw le!
BTS-a pa lèn bo hlan a ni bawk a, a rawn hàwn hun chuan a sa teh mai mai ang chu!
[Report abuse]
November 4th, 2009 at 5:06 am
Zial nghei, zu nghei … zuk leh hun leh in leh hun a awm ngei ngei.
NGHEI tih hi a nihna tak chhut chiang ila, chaw nghei kan tih pawh ei leh hun a awm nge nge! Ei loh kar chhung lek hi NGHEI, in loh kar chhung lek NGHEI, zuk loh kar chhung lek NGHEI.
QUIT means quit for ever!
[Report abuse]
November 4th, 2009 at 5:12 am
chawnghilh, ngei ngei kher chu ka ringlo. I hriat te hovin tumruhna an neilo hle aniang. Lo la kawi lo ula, ka hriat chian te entirna ah kan hmang lawk ange. Ka patea hi meizial heh lutuk a ni, ka pa pawh a ni thin tho. ka pa nu, ka pi pawh kha ka pa pianhma in a nghei a, a thih thleng kum 90 chuang a nih pawn a zu leh ngai tawh lo.Hei kapa te unau pawh an zu lo rei ta khawp mai, tawngthu chhe lovah, an thih thleng a daih tawh dawn a ang. Zu hi rei tak in lovin ka awm thei mahse, ka nghei lo, ka in leh zauh thin. Meizial erawh hi chu nghei hlen ka tum khawp mai, ka thei bawkin ka ring. NOI
[Report abuse]
November 4th, 2009 at 5:36 am
@HV : NGHEI tih leh THLAH FEL HMAK hi ngaihfin loh tur!
[Report abuse]
November 4th, 2009 at 5:51 am
Thlah fel hmak hi word khatin nghei ni berin ka hria.
Nghei chu, neilo tihna pawh a ni thei, thlah fel hmak, sim, chin thin ching tawh lo etc tihna pawh a ni thei tho. Kan thu sawitur a zirin kan thumal hman a danglam thin.
Ruihtheih thil ah hi chuan NGHEI tih thumal hi hman a ni tlangpui. Ni mai lawm ni te ka tia
[Report abuse]
November 4th, 2009 at 6:07 am
Chaw i thlah fel hmak (quit) thei lo, chaw i nghei (abstain) thei. See the difference!
[Report abuse]
November 4th, 2009 at 6:14 am
Ruihtheih thil ah erawh chuan NGHEI hman a ni tlat mai. Mizo tawng danglamna pawh ani mahna !! Hemi ah chuan “sim” tih nen a thu hmanna leh awmzia a in angin kei chuan ka hria.
Thianpan, “Ka nghei dawn chuanglo,” a lo tih ve ngawng ngawng tawh kha maw. Taka kha hla kha a thu ang tak2 kha a satu real life kha ania, ka lainat thin khawp mai. Kan thianpa ve ngawih2 a ni.
[Report abuse]
November 4th, 2009 at 9:25 am
Zan khat chu ka fapa kum 6 miin mi en vung vung a a pa meizial i zuk zel chuan cancer in i thi mai ang min ti a. khawi atanga i hriat nge? ka ti a, TV ah ka hmu a ti a. A hnu deuhah ka in ngaihtuah chianga a ni tak alawm mawle ka ti a, tum ren run pawn ni ovin ka zu lo hmak a, kum 2 dawn chu a tling ta, ka la fawp leh chhin lo. Zuk lo a ni mai
[Report abuse]
November 4th, 2009 at 9:29 am
vantawl, good job
[Report abuse]
November 4th, 2009 at 9:38 am
ZG ang khian Heavy Smoker tan chuan fight hle a ngai ang chu, suffer ve deuh chu a ngai ngei ang. Light Smoker tan chu Not much a prob mai thei thung
kei zawng ka piantirha ka zu lo ang tho khan ka la zu lo 
mahse, ka uang lo 
[Report abuse]
November 4th, 2009 at 9:40 am
@Goldmember: chuan maw a tha ka tih dan ber chu cold turkey kha thla khat chu a hrehawm deuh a. Nicotine patch leh gum tih vel chu chhan loh aiah Luka tih vel chauh a ni. Hemi hma hian vawi khat ka tum tawh a, lehkhabuin min rawn angin chhungte hmaah a bawm ka paih a, ka zu leh tho a chhan chu ka in commit tawk lo a ni. Meizial hi kum 18 vel ka zu hman a, ka thlah theih hi ka inring ngai lo, vawiin pawh hian ka thlah ta hi mak tih chang ka la nei lo.
Method ka hman pakhat chu: Meizial chakna hi ka taksa atangin a chhuak a ni tiin zing thawhhlim, chhun leh mutdawnah maimichhingin (theih chuan mut zal theih oh pawn relax position in) vawi 20 muang ban charhin ka sawi a. Ka mitthlaah chuan ka meizial tlawn te chu ka beng leh ka atangin an chhuak zut zut a. The trick is to convince the mind that your craving for nicotine is diminishing, sawi sawi chuan mahni leh mahni pawhin kan awih ve mai. Ka method hmuhchuah ka ti mai a, a tha ka ti viau. Best of Luck. Thla khat bak i tuar ovang
[Report abuse]
November 4th, 2009 at 9:40 am
V_vantawl > i fapa chu lawmthu i hrilh toh ang chu mo
a fing reuh hle mai. A chhun lo che a, i vannei e. 
[Report abuse]
November 4th, 2009 at 10:07 am
Meizial nghei tih te hi zawng tum tak tak chuan a har lo. Mihring tum ruh dan a zir a ni e. Mipa in tum chuan zial zuk mai maite chu nghei a har reng reng lo.
Nghei tum ve ziah, sawi ve fo mai, nghei tak tak thei si lo te hi an intimualpho mai mai niin ka hre thin. noi.
[Report abuse]
November 4th, 2009 at 1:20 pm
Nghei dan awlsam ber chu zuk tawh loh kha a ni mai. Amahin meizial hi kan ka or kutah a rawn lawn thei lo a, i kut a i ban leh i hmui a peh loh chuan a rawn lawn dawn lo reng reng. A pawimawh ber chu i rilru kha a ni.
[Report abuse]
November 4th, 2009 at 3:09 pm
a ngaihnawm hlawm khawp mai. Meizial zuk pahin in comment zawng zawng ka chhiar
:D. tak taka hei ni 1 leh a chanve chu ka nghei tawh a. ka office thawhpui te hi mei zu vek an ni a. insum chu a har khawp mai.
in comment pakhat – mizo chu meizuk pah a thian siam hi kan ching tih kha a dik hmel khawp mai. Ka pi te kha a dam lai khan tlai lamah hian a thian pitar dang te nen vaibel hi an zu hlarh hlarh zel :).
[Report abuse]