He thu hi tunlai kan nundan ka thlir atanga ka ngaihdan lo lang pakhat a ni a,engtin tak ngai ang che u maw? Thenkhat chuan ho pawh inti ngei ang. Mahse,ka sawichhuak chak em a,ka mi(sual) puite bulah ka rawn sawilang a ni. Ka ngaituah mai mai a,tunlai thalai zingah hian Ropuiliani te,Chawngbawla te,Khuangchera te leh mi dang dang kan hnam tana thil pawimawh tak tak min hnutchhiah tute chanchin ziah ngai ta se ziah tur hre mang lo an tam ngawtin ka ring thin.
Khawilam zaithiam emaw chanchin chu ziah tur an hre leh teuh thung si ang. Hei hi engvangnge ni ta ang le? Thenkhat chuan phailamah an awm a..ti tawk an awm ngei ang. Ni e,an naupantet atanga awm tam tak an awm a. Mahse,an rama rawn haw chang an nei tho alawm le. Ngaihsakloh vang leh ngaihsan a dan vanga hre loah keichuan ka ngai hmiah. Tunhnaia tihchhuah mai tur mizo film thar cheng nuai 7 bawr vel senna nia an sawi khawnglung run te pawh hi..
Kan thangthar thenkhat chuan a taka ngai lo an awm lovang tih a sawitheih miah loh! A changtute leh a buaipuitute hi an fakawm ka ti thlawt. Amaherawhchu,an mizo thil hman velte kha a changtute zingah pawh khan hre lo ve tak tak an tam ngawtin ka ring. Ka hre ber ka tihna erawh a ni chuang lo. Ngaituah a ngai khawpin ka hria. Ka mit ti khamtu deuh chu Ramhlun N YMA in kan mizo zai pakhat an sawisak(?) kha. Thanglunghnemi zaiah hian khatiang khan kan pipute kha an lam ka hre ngai lo.
A lam pathum te kha naupang tak tak anni ve a..hnam nunphung an hre lo tawp tihna a ni. Khatianga an lam khan kan pipute leh hnam hmangaihtute rilru an tina ang tih an hre lo tlat kha mak ka ti a,an lam kha ka nuihzat hial! An nu leh pate ngei pawhin engtinge an phal ka ti,mizo hming an neih vangin an nu leh pate kha mizo an nih ka ring a. Tin,a tihtirtu YMA hruaitute mawlh mai kha..ka sawithui peih lo..ka ngaihdan chuan hnamdang an nih ka ring a..
YMA hruaituah hnamdang an awm ka ring chiah si lo. A hnua Puma zai an rawn ti leh kher kha chu hnam hmuhsitnaah ka ngai tawh. Ka thalai puite leh mizo naupang lo thanglian zel turte u,khatiang ti tute kha rawn ni ve suh ula,khatianga hnam pawikhawiha dawt muhlum hmanga music video rawn siamtute kha an hnunglam atangin nuihzat mawlh ang u. Mizo suak an nih kha! He kan ram,mizoram hi engvanga mizo te lo awmthei nge kan nih? Tu venhim nge? Tute nge ram tan nun lo hlan?….. Sapho a mi? Dawt sawi suh! Korea em ni? Zahmawh an sawi ngai lo.
He rama kan awma,hlimtaka kan chentheihnan a tul chuan lu chhum ban chhum huam..nun hial pawh hlan ngam kan pi leh pu,mizo dik tak..Thanglunghnemi zai phuahtute vang a ni. A tawp berah chuan he ram hi engvanga mizote cheng thei nge kan nih..TUTE VANGIN NGE he ram hian mizoram tih a put theih tih hi inzawtnawn fo ta ila, Kan hnam nun hi a lo pangngai leh theih kan ring em?
Similar Posts:
- Zosapthara chungchang
- Tunge luah ta ang?
- Mizo Day Report
- Mizoram, fimkhur rawh….
- Sailo: Lusei nge Paite?
YMA hi awm ta lo se kan chhe...
July 28th, 2010 at 2:33 pm
#50 zualginbonez dik chiah… a hun leh hmun ani mai. #49 pawh ka thlawp… clap clap clap to 8pm..
Report this comment
July 28th, 2010 at 2:45 pm
Kei zawng Ramhlun North YMA zaipawl lam kha chu vawi khat ka en kha ka duhtawk khawp mai..En leh zawngin ka lai a na zual dawn tlatin ka hria…Tun hnuah ti tawh lo hram se a tha khawp mai..Kei chu mizo ka nihna angin sap zingah pawh nise, ka zo vah zel dawn a ni.
Report this comment
July 28th, 2010 at 2:47 pm
personal chuan sawi ve ila vawi khat pawh ka en zo paih lo…lolzzz…but i will defend to death their right to make the video as they want
Report this comment
July 28th, 2010 at 2:53 pm
Hman deuh khan ka mawhphurhna a nih thin vangin kan hnam lam hi ka en fo a, kan hnam zai ka ngaithla fo mai bawk a. Dik tak chuan a then te hi chu a boring a ni….keini Mizo, a background leh hla thu awmzia hre ve deuh tan pawh…a lam leh zaia te an hmelthata an nalh vak loh phei chuan chuti hlauh!
Hnam dang khual tha kan lo entir te hian a awmzia hre map lovin an en lehnghal thin a nia. Entertaining vak si lo, a step te lah ngun taka en loh chuan a ngai reng emaw tih tur.
Thangthar te tan han tuipui chiam chu a har ve khawp ang.
Report this comment
July 28th, 2010 at 2:56 pm
post tupa hian iva vil hneh lo ve…. nge i rilru i thlak lolzzzzz- sawrz keimah
Report this comment
July 28th, 2010 at 2:58 pm
gothica a vil hneh lo emai….fanai an chhelo ber ti leh mai teh!
Report this comment
July 28th, 2010 at 2:58 pm
Ka ngaih ve dan chuan Keimah Thingtlangpa ngaihdan hi a tha ka ti. Hnam ro humhalh hi a tha. Thangthar chuan an rilrem loh leh a thar siam mai se, Pipute ro ti bawrhbang kher lo hian.
Report this comment
July 28th, 2010 at 2:59 pm
lolzzzzzz
Report this comment
July 28th, 2010 at 3:01 pm
@groma… ani ve thei tho. Mahse, tihbawrhbang na i tih khi ka pawm thlawis lo… comment ho nen hian chhiar vek phawt thin ta ila…
Report this comment
July 28th, 2010 at 3:03 pm
@ 59…bawthica…..thil dang nilovin nula tuai thar kheh var deuh2 lam hi ka lawm ve hrim2 ti mai teh….lolzzzz
Report this comment
July 28th, 2010 at 3:07 pm
Kha music Video a hmeichhe 3 lam te kha chuan mipa chakna tihchhuah an tum hmel riau in ka hria.
Melody khawnge i awm. I mobile not reachable tlats. Tuirial lamah mi i awm a.
Report this comment
July 28th, 2010 at 3:09 pm
thildang niloin, tunlai nula tuai thar kheh var deuh2 lam hi ka lawm ve hrim2
-sawrz zualbonez
Report this comment
July 28th, 2010 at 3:47 pm
Kha music video siam nan khan ‘rights’ an nei. Kan fate ngaihtuahna a diklo zawnga hruai thei thil leh, kan hnam zai a nih tur ang lova an sawngbawl avangin sawisel theihna ‘rights’ ka nei ve bawk.
Tin, kan hman lam/zai te hi a ‘boring’ kan ti anih pawn i tuar hram2 ang u. Hnam upa apiangin an thil hlui te an ngaihlu. Mi ram/hnam ah chuan an pi leh puten architectural work nalh tak2 te, sculpture ropui tak2 te, fort bon tak2 te an hnutchhiah a. Uluk takin an vawng thin.Mahse kan hnam ve hi chu ala nopang a, tin, a lian lova. chutiang teh lua chhuan tur thil ropui a nei ve lo. Kan pi leh putena min hnutchhiah ropui ber ka tih chu he kan hnam lam/zai leh Tlawmngaihna hi ani ve tlat.
Kan generation hian thanglunghnem zai hi kan ‘modernise’ avang hian lo la piang tur kan tu leh fa te hian min la ‘blame’ zawk thei tlat. A harsa deuh anih pawn a ‘original’ ang ang hian I vawng nung hram2 ang u.
‘Version dangin’ tih vel kha chu hnam ro hlu tih ri ral na.. Upgraded version a awm chhung chuan Tu in nge maw old version chu thlang peih tralh ang le!!
Kan belh leh lawk:-
Hmanlai kan pi pute tih dan ti in, thuk mei ah mau theia chaw chhum kher lam leh thlanvawn thlengah kher chhungkua a chaw kil ho lam ka sawilo. Khang kha chu vawn nun tlak a awmlo, a thara thlak ngai te an ni. Hnam zai/lam tih vel ah hi chuan a style hlui thei ang ber zel hi a hlu.
(va sei ve awwww..)
ka lawm e
Report this comment
July 28th, 2010 at 7:10 pm
lalmisualpa sawi khi ka thlawp e, a siamtute YMA an ni kher kher kha ka helh phah lehzual hle a ni.Intih changkannain a hrinchhuah niah ka ngai.
Report this comment
July 28th, 2010 at 7:24 pm
Keimah Thingtlangpa, nangni ang hi ani kan mamawh chu! Pipute ro hi i vawng nung reng ang u.
Report this comment
July 28th, 2010 at 7:53 pm
Nu leh Pa te thiam loh liau liau., hetianga mahni hnam tawng sawisa kual vel leh hnam culture ti nep tu te hi an mizia a hriat nghal em em ka hriat chin ah ‘mi chapo’ an ni duh. Nu leh Pa ten an fate phai-ah lehkha an zirtir a, a tam zawk chuan thiante zingah tlawmngagaihna leh nundanmawi pawh an hre tawhlo, a hmei a pa in an tawngthei em em a chu zawng chu ani mai .
Report this comment
July 28th, 2010 at 7:55 pm
Sawi ve tur lamah ka hul khawp mai!
Report this comment
July 28th, 2010 at 8:26 pm
hemi te pawh hi chance neih chuan la zilh tur anni, ka culture shock khawp mai:
https://www.youtube.com/watch?v=ldX6P072XMQ
Report this comment
July 28th, 2010 at 8:38 pm
mahni hnam culture ngaisang lo hnam chu mi zahpuiawm ber an ni.
Report this comment
July 28th, 2010 at 8:39 pm
mahni hnam culture ngaisang lo hnam chu mi zahpuiawm ber an ni…
Report this comment
July 28th, 2010 at 9:52 pm
Zualbonez, hetianga erotic dancing hi alawm mi tam tak chuan Mizo (in this case Hmar) culture an tih ni.
Report this comment
July 28th, 2010 at 10:58 pm
Sawitur hre hokhan han sawi teh u.Amah Chawnghilh meuh pawh a hul chuan kei pheichu hul mai nilovin ka khorao ani ber e.
Report this comment