via vanglaini.org
UPDATE: Full time score : Kerala 0 – 1 Mizoram . A van nuam em! Quarter-Final kan lut ta.
Mizoram chuan vawiin chawhnu dar 3:30 hian Santosh Trophy pre quarter final-ah Kerala an hmachhawn dawn a, Salt Lake Stadium-ah an inkhel ang.
Mizoram hi Northeast state zinga dam awm chhun an ni tawh a, vawiinah an chak chuan Northeast lamin aiawh kan la nei zel ang a, Mizoram an vanduai palh chuan Northeast chu an tla kim dawn tihna a ni – tan a nâ a, Kolkata Mizote pawh a tam thei ang ber en turin an insawm a ni.
Chance a awm em?
Mizoram hian pre-quarter final hi an la paltlang ngai lo a, tun hi ‘chance’ tha tak a ni. Pre quarter final hi an tlang chuan, a thiam pariat zingah an awm dawn a, heng quarter final thleng chinte hi League-in an inkhel kual leh vek dawn a ni.
Mizoram manager Vanlalngheta chuan, “Kan chak theih kan beisei a, kan vanduai loh chuan tlang thei turah kan inngai a, nimahsela football-ah chuan engmah a sawi theih loh… kan midfielder Lalramluaha a inhliam a, ani hi a khup nâ avangin game hmasa pahnih a âwl tawh a, Railways kan hneh tum khan a khel tha a, nimahsela a tihnat belh a, a khelh theih kan beisei lo,” a ti.
Team kalhmang:
Mizoram hian vawiin inkhel turah striker-ah rawlthar F.Lalrinpuia chawlhtirin, experience nei zawk JCT striker Lalhlimthara an luhtir hmel a, ani hi Kolkata lama tlangnêl Beikhokhai-in a thlawp ang a, Jerry Zirsanga right wing lamah a khelh hmel a, left wing-ah Churchill Brothers winger Lalrinfela a luh a rinawm.
Read more at: Vanglaini: Vawiinah Santosh Trophy Mizoram fiahna
