A chang hi chuan thutak run reng mai te hi ninawm chang a awm ve thin a. Misual.com han hawna comment ho mai mai han chhiarte hian rilru a chawhhlim riau chang a awm thin.
Pathianin mihringte malsawmna tinrenga min vur zingah hian ‘duh thu sam theihna’ min han pe hi a ropui a, hlawhtling fo lem lo mah se, duh thu han sam kual vel hi a nuam ve reng reng a. Kumin Masi hman dan turah duhthu i han sam hlawm teh ang u le. Hei, ka duhthusam ka han chhawpchhuak anga, a peih peihin kan sam kual ang a, a peih lovin a sam kual velte duhthusam hi nuam dawna kan hriat leh hriat loh te sep ho leh vel ta mai mai ila, a nuam phian lawng maw?
Kei chu – Kum pui lingleta kan nghahfak Krismas hi chu lirthei bengchheng thawm leh septic tank rimchhe tak tak ten a pawlhdal ve hauh loh boruak thiang kak mai eng lai maha kan tlakchham ngai lohna hmun, Rulchawm khua ngeiah hman ka duh ang. Khawvel hi tawp dawn pawh ni se, Rulchawma awm a fuh ka ring. Aizawl lam aiin engkim hi kan hre tlai ziah a. Khawvel a tawp pawhin ni hnih khat hnu-ah lo chuan kan hre ve leh dawn miah lo tlat!
December 23 velah Aizawl atangin thianpa Dina bike thar ngei maiin inphur chho ila, nitlak rualin Rulchawm thleng ila. Tuilum sa ver vawrin han inbual ila, chutah zanriah eikhamah kum tluana ka rim phak loh ngei mai kha han rim ila. Ngaih hi a tha leh veng veng mai dawn a ni. Rulchawmah chuan thla hi a muang hliah hliah mai a. Khawlaia kawngdung tluan hruta tleirawl inzui dal dal te leh, inchhung luma nu leh pa sikri aia titi laih laih te pawh hmelhriat vek an nih miau avangin ngaih a ngam hliah hliah mai a ni.
Mahni pian leh murna khua tluka Masi chhangban keih lawrh lawrhna atana duhaisam a awm chuang lo. Urlawk zanah a tlachawpin hun hmang ila, phur thut leh tlaivar ila, Masi tukah erawh inkhawm ngei a ngai ang. Zingkarah Rulchawma tarho kha lukhum lum leh sweet packet han sem kual leh ngei ila, hlimna chu sum tlemte-in kan lei a ni leh mai dawn a. Ruaitheh ni chuan badminton kan khelh loh leh Table Tennis te kan khel leh mai mai anga.
Bhubaneswar-ah pawh nitin kan khelh theih thil mah ni se, Rulchawma Table Tennis khelh chu nuam dangdai bik tak a ni. Ruai theh hunah changel hnah chunga bawngsa chhum leh vawksa chhum an chawhpawlhna hlui ngei mai han kil ila, nopui lian ler lawrin sachek dawh ila, Smoking Joe’s leh Pizza Hut te pizza siam reng reng rilru-ah a lang tawh lovang. Vei nei map lovin sachek han hawp ila, dam man hi a awm hliah hliah mai a ni.
Ruaitheh zawhah duh leh Ruallung Park, Saitual bial nula-tlangvalho fuankhawmna hmunah khan a neitu ber niawm fahranin kan han teikual leh vel anga, chumi hnu zan lamah chuan Saitual lama len a nuam leh ang.Saitual atanga haw hnuah chuan duh leh thian hluite nen ar te kan kang ve leh mai mai anga. Kumin chu Zawlaidi te pawh kan tauh ang chu maw le. Tichuan, ngaihtha takin Masi leh kumthar inkara local tournament Table Tennis leh Football-a kan neih thinah khel ve leh ngei turin kan inruahman anga. Phur chang changin Keifangah Basketball khel turin kal bawk ila, a nuam ang.
Hei bak hi chu zep then deuh teh ang. Uitalh kan tum thu te kan sawilan chuan nula lam rilru a na leh palh ang e!
Similar Posts:
- Rulchawm – kan khua
- Advance in ‘masi’ i hmuak lawk teh ang
- Masi Thing Phurh
- Christmas 2010 Revisited
- K12 North East Tennis Championship tan a ni ta
November 4th, 2010 at 10:49 pm
Ka t1 keuh, ve tlat mai a
[Report abuse]
November 4th, 2010 at 10:53 pm
Common lo Fu ni… :lol: :lol:
[Report abuse]
November 4th, 2010 at 10:53 pm
I’m there in Rulchawm High School 1989, post tu pa pian hma ni em o ????
[Report abuse]
November 4th, 2010 at 10:54 pm
tunkum chu mahni pian leh murna zawlkhawpui ah ngei dam chuan a hman theih dawn e.
[Report abuse]
November 4th, 2010 at 10:57 pm
dawhthlak,silai lem,changel a chaw ei,etc etc kha a lo thianghlimin alo nuam ber mai
[Report abuse]
November 4th, 2010 at 11:02 pm
OT:a tlai telh2 a post poh a hmanhmoh telh2 mai nimo. .
[Report abuse]
November 4th, 2010 at 11:12 pm
>>Ruai theh hunah changel hnah chunga bawngsa chhum leh vawksa chhum an chawhpawlhna hlui ngei mai han kil ila, nopui lian ler lawrin sachek dawh ila
Awi, ka thidang dawn!! Ka mitthla in ka hmu chuai² mai!
[Report abuse]
November 4th, 2010 at 11:18 pm
UUama thlen nan ni 50 chiah a awm tawh…
[Report abuse]
November 4th, 2010 at 11:18 pm
Breaking news:
Tun maiah khan Chaltlang atanga Chanmari pana rawn tlan thla R15 bike Lallunghnema (22) s/o Upa Chalthianga, Upper Republic Veng khalh leh CRP motor chu kawng kawi kual laiah tha takin an inpel.
[Report abuse]
November 4th, 2010 at 11:20 pm
Mi rama ka voi khat hman na tur a niah..tunah tak chuan ka la huphurh lem lo a mahse damte a kan awm te nih chuan nakum tun ang hunah chuan ka khur cher2 tawh ania ka rin ni. :mrgreen: Duhthusamna hmun ngei a Masi hman chu chakawm ve em a ni. :|
[Report abuse]
November 4th, 2010 at 11:28 pm
@pluto, changel i ti a, a hnah i sawi na ni hmiang ka ti mai, changel tak tak hmang a ruai theh hmu duh tan
https://imgur.com/HLBAW.jpg
[Report abuse]
November 4th, 2010 at 11:31 pm
ngente, i photo chu a hmuhnawm reuh lutuk. khitang a chaw ei ka vawikhat hmuhna a ni. A van remchang reuh e!
[Report abuse]
November 4th, 2010 at 11:32 pm
ngente #11, chaw einana hmang ka vawikhat hriatna leh hmuhna hairehai
bawn tawp Ramhnuaiah improvise sandal siam nan ka hmang ve tawh.
[Report abuse]
November 4th, 2010 at 11:38 pm
#11 ngente…changel hnah tih tur a lo ni e..
keini chu balhla hnah te pawh kan hmang tho lova kan feh thin lai (ti ve khanglang ila)..zep lovah chuan changel hnah leh balhla hnah hi ka hre hrang lo
[Report abuse]
November 4th, 2010 at 11:41 pm
Pluto, a hnah atang pawh hian a hriathran lutuk asin.
[Report abuse]
November 4th, 2010 at 11:41 pm
#ngente..pic a mite khi eng hnam nge?ka type sual a zarah ka hriat belh sawt
[Report abuse]
November 4th, 2010 at 11:42 pm
@Pluto, changel hnah chu a dang deuh. Balhla hnah hi chu a khawng a..chawfun nan phei chuan a hmantlak meuh loh..a keh duh.
Changel hi chu balhla eitlak loh ho hi ni a ni mai lawm ni? Ramhnuaia awm ho hi. Han sawi danglam vak ngaihna ka hre lo. Ka hrehrang a, ka sawihrang thiam lo
[Report abuse]
November 4th, 2010 at 11:52 pm
thil dang deuh….hmanah khan tute emawni(kut hnathawktute/hnam chhantute/zohanco) khan changel vel atang hian thil eng engemaw kha an siam chhuah kha…enge a an zel?
[Report abuse]
November 4th, 2010 at 11:55 pm
@ngente, 1989-ah Rulchawm High School-ah eng nge i tih? I zir nge i zirtir? Pu Dinga hunlai a nih hmel..kan la naupang..tawlailir khalh kan buaipui lai vel a ni.
[Report abuse]
November 4th, 2010 at 11:58 pm
@ Pluto, ka thluak a function mumal thei tawh lo tlats, 11:00 Pm IST hnulam ah hian Coz …. but only after 11 IST, so sory, hetiang hmun a chengte hi an ni e, bawng in emaw i lo ti palh a nge o, ka kekawr hlui te pawh ka pe ve zan a nia ka lainat hlawm lutuk, enteh naupang dulkiar zia te hi, hrisel dulkiar ni lo tih i hriat ka ring, Sarihajan India tih bak an hnam ka se mai toh lo
https://imgur.com/eKFJS.jpg
https://imgur.com/uaFIf.jpg
[Report abuse]
November 5th, 2010 at 12:02 am
@coolsoul09, i ti dik e, Ka zir cl 9, Pu Dinga hunlai (Ka lung aleng mittui a hnaiI,ka zir rual pui te pawh ka hre mang ta lo, Friday tlai Sport ai a sikul tlan bo a meizial (Mizo Zial ngei mai) inchawia 2 ro pip kan ti lai kha o, hman lai an chang zo ta, Rulchawm kua erawh 2010 hian ka han en leh hram
[Report abuse]
November 5th, 2010 at 12:08 am
pic ka lo save nghal e….heting thlalak hi chu en pawh a hreawm ka ti thin..an future..????
[Report abuse]
November 5th, 2010 at 12:09 am
Pu Lalrumruta Sailo ka hre chhuak rulchawm sawi chuan..
[Report abuse]
November 5th, 2010 at 12:13 am
awi Pu Ngente-a photo chu a…an van khawngaihthlak ve aw. Khitiang ina han chen tawp mai chu thlasik leh thlithawt in a hrehawm ngawt ang. An naupang lah chu malnourished nasa bawk sia…dulpuar, sam buang theng. May God comfort them somehow…
[Report abuse]
November 5th, 2010 at 12:16 am
@ pibuhdeng, nope, dik teuh ther ther he he he
[Report abuse]
November 5th, 2010 at 12:24 am
♪♫…it’s christmas, and we are in love with the way that the soft snowflakes kiss us..from above..
The blastering breeze..
Trudging onward, braving a harsh winterstorm….
..and I don’t have anyone at home, to talk to,
..and U don’t have anything to do,
so i’ll spend my christmas with you… ♪♫
https://www.youtube.com/watch?v=iugkT4lvzCc ☺
[Report abuse]
November 5th, 2010 at 12:27 am
Masi hla:
https://www.youtube.com/watch?v=K05JWjA0atc
https://www.youtube.com/watch?v=G5ktTXGFBm0
[Report abuse]
November 5th, 2010 at 12:28 am
misual ho zawng zawng..MERRY CHRISTMAS
wish 1st
[Report abuse]
November 5th, 2010 at 12:31 am
@ Pluto, thanks
[Report abuse]
November 5th, 2010 at 12:33 am
Billy Idol – White Christmas:
https://www.youtube.com/watch?v=VpOpxcknNP4
Billy Idol – Jingle bell rock:
https://www.youtube.com/watch?v=KsthP5AONzc
[Report abuse]
November 5th, 2010 at 12:33 am
pluto, kan va in wish hma ve!! keipawh merry christmas leh good night kan ti kawp vel ang e! Naktuk chu friday a ni bawka, mood fuh deuhva misual vek tur a nia
G’night evry1!
[Report abuse]
November 5th, 2010 at 12:38 am
Billy Idol hla ho hi a ngaihthlak tlak fu asin
https://www.youtube.com/watch?v.....re=related
[Report abuse]
November 5th, 2010 at 12:47 am
Ka hul ngei mai….ro hawlh hawlh
[Report abuse]
November 5th, 2010 at 12:47 am
Kumin krismas chu…………. :lol:
[Report abuse]
November 5th, 2010 at 12:55 am
Here is Zeus wishin you a very merry christmas
[Report abuse]
November 5th, 2010 at 1:13 am
Krismas hi a nuam ani e
[Report abuse]
November 5th, 2010 at 1:18 am
Ala hla ang reng sia, in va ron chhop hnai ve male ! Nia, thingtlang lamah tlangsam par hmuhtheihna ngei turah hman han tum leh poh ila !
[Report abuse]
November 5th, 2010 at 4:51 am
Kumin Krismas chu, dam phawt chuan, a pianna tak-ah kan hmang siah ang chu le.
coolsoul09, Rulchawm khua leh TT khelh i sawi chuan, ‘95 kum vela Rulchawm tlangval ka inkhelhpui hrep thin kha min tihrechhuak tlat. A chanchin lah ka hre ngai ta miah lova… :roll:
[Report abuse]
November 5th, 2010 at 5:52 am
krismas topic post tam leh lutuk tur hi ka hne lawk. Kan lo in kawm luak lawk teng. :|
[Report abuse]
November 5th, 2010 at 5:59 am
ADMIN te hnena ngenna…Vawiin chauh ah hi chuan MI Intawhkawhn post kha first page ah dah teh u khawngaihin
[Report abuse]
November 5th, 2010 at 6:26 am
Post tupa, i tilunglenthlak hle mai. Tah hian Mas i hmang nasa mai teh ang u! Nuam takin in hmang hlawm dawn nia.
[Report abuse]
November 5th, 2010 at 7:09 am
Ni e post tupa, rulchawmah chuan nuam deuh a hmang turin ka duhsakna ka hlan a che (rulchawm..hmm khaw hming hlauhawm tak a ni)
[Report abuse]
November 5th, 2010 at 7:24 am
Virgin Mary khan fa a hrin lai lo ni ta teh reng pawh ni se, Mizo Youth Christian Sentimental-ah hian “virgin HLOH hun atana hman tum tlat hi” engemaw a tangkai riauna le? March thla chhova KILLING YOUNG PEOPLE season siam kum tin hi a fuh lo! :oops:
[Report abuse]
November 5th, 2010 at 9:50 am
@Ku Muanga, a hming hria ni la chuan a awmna awm ang vel chu ka hre thei mai thei a ni. Ka tal tam lo khawp mai a, kan khuaah hian, mahse, khaw te tih takah, kan inhre vek a..
@Littlerascal, ka lawm e..hei ticket pawh ka booked fel thlap tawh a, a phurawm khawp mai. Rulchawm chu a nuam asin !
Mikhual reng an chamrei thin mai..
[Report abuse]
November 5th, 2010 at 2:01 pm
Rulchawm sawi chuan lung avan ti leng duh ve le,football khel a zin lai te ngaihawm lutuk.Hall ah kan theng a,khawtlang an fel sia,tun thlengin thian tha ka la neih phah a,lung a leng em mai!!!!!
[Report abuse]
November 5th, 2010 at 4:35 pm
Masi chu hman tawp mai tur!! A hman dan tur kha sawi sawi lo in :mrgreen:
[Report abuse]