A thinchhiat em vanga Thin-awrh-a an tih, ka pu Chalsawithanga kha Selam khuaa piang leh sei lian a ni a. Mualkil upa niin tum khat an lal hoa zu an in chu an rui sual deuh nge ni thil dang vang zawk, an lal Mangthawla chuan ka pu thian-sa-beng, an khaw thirdêng Hluancheua a vêl a. Thinchhe hmingthang tih takah, a thian a chhanna lamah lal a tilungni loa, tuna Tualchengah hian 1939-ah a pêm phah ta ani. Ani kha zawng thuhnu dâwn lo mi leh ân chhe ve tak a ni reng a.
Tumkhat pawh pawlsawm result a chhuah tumin an veng YMA chanchinbuah ka u hming a hmu a; “ I hming tawpa an dah hi engnge?” tiin a zawt a. Ngaihsam hmel zet hian u Hruaia chuan “Kawlni tihna a nih kha, mi inti sâp ve te” tiin a chhang liam mai a ( Ka u hian H. Lalruaizela Colney tiin a hming a ziak thina). Ka pu ngaihdan a ni nasa ta lo mai ! “Tuisik i nih hma atangin Kawlni, K-AW-L-N-I tih a ni. I tu tu tu leh thleng pawhin chutiang chu a ni zel ang. Thlahtu bul phatsantu ni tawh ngai suh” a ti ta hrep mai a!!! Ka u ka lainat teh lul nen engmah lah ka sawi ve ngam si lo.
Tu hmuh hmasak tih takah, ka pi khan ka u hi a chhan em em thin a. Chumi tum pawh chuan “Leh ta chiam chiam thin a, chhungte chu thangthar dân a ni mai a lawm” a lo ti a. A ni lah chuan “Thangthar dân a?! Lalhruaizela tih hma chiah a eih-chhi(H) an dah te hi i hmu em? A laiahhnan hming, Hmangaihlalhruaizela tih hi I sak a ni lo’m ni?” a ti tak deuh deuh a. Tute thlavang hauh zawng a nâ a niang, ka pi chuan “a sei lutuk an ti a ni mahna” a han ti leh hram a. Thangthar nun lepler (leplerh? 
) hi hrethiam mawlh hek lo le, ka pu chuan “Sei lutuk a awm thei lo; laiahhnan hming chu dam chhunga kan hming tur a ni ngai ; chu chu pi pu chena Mizo dân a ni. Tunlai thangthar hoin mahni hming bung hnih bung thuma an chhuahte hi a tiha tih chi va ni suh (Lal Tive Zela tih ang chi a sawina ni maw?)!! Sailo lal lal lai la ni se zawng salam an chawi hial ta ve ang” a ti a. Bak hlak hian “Dâwt pawh va ni suh; hming vangin tu’n lei an chawi hlei lo’ng e” ka pi chuan a ti a. Tara lamah inhnial an peihin ngawi zawka tan kha tlawmah an la ani awm a sin.
Ka pu kha zawng mi dang thlirna atanga thil thlir thiamlo leh mahni ngaihdan sahuai thing vawn tlut mai mi a ni a. a tuate mah thliar lo hian a ngaihdan mak sak tak tak a hrilh leh chiam thin. Vawikhat pawh kan kohhran ziaktuin committee kohna a rawn dah tumin ka pu chuan, “Thangzik, eng ti zia-a ka hming bula esi-awu (s/o) in dah tak fo ni? a lo ti a. Pa Zika chuan “Chu mi kha mi fapa – son of- tih lamtawi a nih kha ; Hruaia pa hi i fapa a ni tihna’n a nih chu” a ti a. A ni ta pek chuan “Sap tawng kher han hman tak zel mai chuh: eng in ti ta nge maw ni le?! ‘Ram leh hnam humhalh’ tihte hi in sawi uâr viau a ; Mizo tawng hi kan phawsial, kan daingul a ni tih hriain humhalh ula, tihhausak tum ta che u. Esi-awu (s/o) aiah efi-pi (f/p), di-awu(d/o) aiah efi-en(f/n), nupui a nih leh en-pi (n/p), pasal a nih leh pi-esi (p/s) tihte hmang ula; hun tawn mila tawng thar chherchhuah tur a ni ngai” a ti a. Pa Zika chuan “a ni viau tak e” a ti naa a hnu zelah engtin nge a ziah ka hre zui lo.
Kum sawm leh panga liam ta, u Hruaizela fanu Kawlnithangi pian kum khan ka pu chuan min kal san a; ka pi nen kum zawnin an boral ani. Mahni thu duh, mi luhlul tih takah, ngawr leh thawhah vanga a bawhsawp reng lai pawh khan meizuk zu thlah duh hauh lo a!!! An han khap ngial pawhin, “Japan râl leh vai sipai tukdawl zawh loh hi vaihlo vangin ka thi loang” a ti tlat zel a; mahse a meizuk chuan a hnuk a chhat ta a ni.
Pawl thum pawh pass lo nafam chu a thil thlir dan a dangin, a vei zawngte kha a mak thin ngawt mai. Zan khat pawh a damlo kan menpui laiin min ko a; en ngai en reng chung hian “Zochiang, in tu leh fate zawng an vanduai dawn teh e; ei leh bâr, silh leh fênah chawmhlawm in ni mah zahthlakin, tawngah leh zel in intodelh lo tulh tulh mai si a” a ti chuai raih a; thih dawna ruaia chutiang han sawi chu engin nge maw mawlh ni dawn ni (?).
NB: He Paws hi @Jewel leh Tinge??? Part -II chhânna a ni kherlo.
Similar Posts:
- Ka thianpa ve thung…. :-)
- Ka ngaihtuah mai mai a..
- Mizo tawng a translate tur
- Thupui (Topic) ngai hlir sawiho hi!!
- AIZAWL – AIZWAL
January 19th, 2011 at 5:05 pm
Thinchhia hi an lawm awm…
(kan chhiar zar zar a, mahse minute 5 a zo mai dawn si a, ka comment ka han belh leh zawk a nih hi 😛 )
January 19th, 2011 at 5:05 pm
colney tih chu a mizo lo em lawm, i pu ka suppose e lolxx
January 19th, 2011 at 5:06 pm
Zanah ka lo chhiar chiang ang e. Hit dawn riauvin ka hria! 😀
Comment edit hun chhung a awm tawh lo a ni maw..!
7
ninja Says:
January 19th, 2011 at 5:33 pm
A hit dawn khawp e
[Report abuse]
I phur herh hurh lutuk!
#9: ‘Ninja’ tih pawh hi ‘Ninza’ tih tur!
January 19th, 2011 at 5:16 pm
Ka nui nasa hle mai. Tha ka ti khawp mai. Dangdai taka chet hi a tul fo thin. Ngaisual duh leh kawhmawh bawl tan chuan a tha lo zawngin a thlir theih khawp a. Mah se mi pangai leh mi in zir peih tan chuan hlawkna hlir an ni thin.
Post tha tak a ni. Post te pawh a variety leh tan dawn e. 🙂
January 19th, 2011 at 5:23 pm
ngaihnawm fu mai mahse a tawi deuh nih hi
January 19th, 2011 at 5:26 pm
I pu chu a ‘man’ hle mai! A chanchin dang pawh rawn ziak zel la…
‘laiahhnan hming’ tih hi ka vawikhat hriatna. Chuan, ‘thian-sa-beng’ tih hi vawikhat mah ka la hmang/sawi lo reng reng…ka hmang uar tawh dawn. A nalh ka ti tlats! 🙂
January 19th, 2011 at 5:33 pm
A hit dawn khawp e
January 19th, 2011 at 5:40 pm
i pu trongkam hnuhnung chu lehh…Vanram lam rim chu nam vaklo ni mo?? 😛 NOI
January 19th, 2011 at 5:50 pm
Khupchong pawh hi Khupchawng tih tur! Thangthar bengtlalo ho! 😛
January 19th, 2011 at 5:55 pm
@ BMW : ka rin danin/a nihloh pawn min hau suh aw..’thiansa benghleh’awmzia i hrelo a maw ni aww..ka ti deuh a,Mizo danah chuan thiansa beng an hleh tawh hi chu,damchhunga thuchhia tha leh engkim a in laichin hnai,unau ang hiala inngai tur a in siamna leh,thiantha sa pawh tihngheh lehzual nan,Sa an kah apiang hi a beng telin a nghawng ah chan kualin,chu chu ‘Thiansa benghleh’atan a an thian siam kha an pe ngei ngei thin a.Chu chu a awmzia ania.”Ka hmang uar tawh dawn” i tih khan,he tawngkam hman chhan tur i nei tlem dawn riau in ka hre deuh a.
January 19th, 2011 at 6:01 pm
#9: ‘Ninja’ tih pawh hi ‘Ninza’ tih tur!
January 19th, 2011 at 6:06 pm
mate ainawn, thian tha lutuk tih sawi nan ka hmang duh, ka tihna a nih kha! 🙂 Tun laiah a literal meaning te chuan hman ngaihna a awm toh lovang. Bakah sa hi ka kap thei vak tawh lo hrim²…mit te hi a phe zo tawh! lol
January 19th, 2011 at 6:11 pm
A ngaihnawm hle mai… i u chuan a Kawlni ziahdan chu a thlak ta em? 😀
January 19th, 2011 at 6:12 pm
@ BMW ..Ni e tiraw,khawpuiah chuan a literal meaning a hman ngaihna a awm tawh lo va,Mahse Kan changkanna hian kan Pi Pu te tawngkauchheh min hlamchhiah tir tam ta lutuk hi ka vei ve thin a.Kan hnam tawng hi hausa tak ni te hian ka hre thin.
January 19th, 2011 at 6:13 pm
ka thin chhiat lai tak a ni
January 19th, 2011 at 6:16 pm
putar thinchia te chu ini reng alom…tunlai te chauh a ni lo kha auh! 😀
January 19th, 2011 at 6:22 pm
#12 Bakah sa hi ka kap thei vak tawh lo hrim²…mit te hi a phe zo tawh (Y) :nui vak vak:
January 19th, 2011 at 6:24 pm
ka puar ta ik ek bawk a, irh kek kek pah in kan chhiar chiang ‘kerh kerh’ tawh ang e… 😉
January 19th, 2011 at 6:27 pm
tunlai thalai chuan “I Pu hi a va ‘DEAD’ ve” an ti fo ang che a? (Dead tih hian Hauhawm/nelawm loh tih lam a kawk a nia) 🙂 NOI
Tak tak chuan I pu hi a PA ka ti khop mai. (Y)
January 19th, 2011 at 6:36 pm
19
hiho Says:
January 19th, 2011 at 6:27 pm
tunlai thalai chuan “I Pu hi a va ‘DEAD’ ve” an ti fo ang che a? (Dead tih hian Hauhawm/nelawm loh tih lam a kawk a nia) 🙂 NOI
January 19th, 2011 at 7:04 pm
E khai i pu chu “man” hle mai.. 🙂 !! A Tu te tan chuan in sawi in sawi ve dawn hi..!! zopa dik tak ni ve in ka hria an tih tawh lo chu ti lo bur chi…!! an lehkha thiam loh na lai tak hian an rilru ngaihtuah a ti tawi ve thin a ni.
January 19th, 2011 at 7:13 pm
hnam hming hi chu mizo tawng diktak a ziah hi tha k ti khawp mai keipaw’n…
#9 keichu thalai bengtla ka nia… 😀
January 19th, 2011 at 7:15 pm
Kawlni zawng zawngin Colney an inti kher lo.
January 19th, 2011 at 7:37 pm
Hmanlaia Lalin a thianpa a vel a a chhan ngam ngat chu ka ngaisang hle mai a.
January 19th, 2011 at 7:45 pm
#20 ?? (@)
January 19th, 2011 at 7:55 pm
I pa chu ka va duh e. thian chhan thih ngam Mizofa dik tak a ni ka ti.
Ka pu ve pawh kha,ka tet laiin lungleiah a rawn zin a. Keilah naupang chumchiap mai ka la nia. Pawisa chhe zet hi ka lo nei tehreng a. Bank ah a thleng theih an tih lo hre ve a. Ka pu chuan min paw chhuak a, nilengin Bank zawng chuan kan 2 chuan kan inpaw nileng thrak. Tun thleng hian a tupa min lo hmangaihzia kha ka la ngaihtuahchhuak thiam tak2 loin ka hria
Post thra tak a ni e. (Y)
January 19th, 2011 at 7:57 pm
Tawngkam pahnih ka chhar/thiam belh. Ka hlawk khat viau bawk e.
January 19th, 2011 at 8:01 pm
@blackmagicwomen. laiahhnan hming pian phata hming put tihna.
@Jewel te #8, han chhiar chiang leh teh. Vanramrim a nam loh na bik tur reng ka hre love. Mahse i kawmen hian thu ziahtur thar pakhat min peleh ta tlat mai. ‘thih dawn nungchang’ tih kala rawn ziak leh a nge.
January 19th, 2011 at 8:05 pm
20# @chemtatrawtrawt mi’pa’ te an duh ngai lau 😉 apa chanchin pawh a sawi bawk lau 😛
January 19th, 2011 at 8:07 pm
hetzz..lal-drake..”hmeithai zinga englo zawn ang” tih pawh hi hmanlai trawngkam tho nia… 😀
January 19th, 2011 at 8:12 pm
a ngaihnawm khawp e. chhiar a nuam khawp mai
January 19th, 2011 at 8:14 pm
A va hot leh si lo e 😛
January 19th, 2011 at 8:15 pm
Lersia, nangmah mah ‘lersia’ i nia, i pu hunlai hi chu Tualte vanglai hma lam daih a niang maw :p I pu hi ka ngaisang! Tin, i ziak ngaihnawm narawh e; a dang pawh aw… (Y)
January 19th, 2011 at 8:15 pm
Kawlni, Zawngte, Hauhnar, Rawite etc.
Jewel, kan naupan lai chuan kan nu te hi Hitleri kan tia, kan pa te hi Green-a kan ti thin hairehai 😉
January 19th, 2011 at 8:20 pm
V.Hangchhia 😉 sawi ka pawm e, kawlni, rawite, zahau adt.
January 19th, 2011 at 8:24 pm
Lersia chu ka rin aiin thu i thiam tlat! I pu chanchin i sawi pawh hi an tawngkam ngai ngai ni awm takin i ziak thiam a, i ngaihsan awm hle mai! (Y)
January 19th, 2011 at 8:26 pm
A post tupa chu thlah tu a lo nei duai lo em atin nih hi a lo turu viau ni.
I pu chu ka tan bawn tawp tawp e(bawn tawp tawp pawh hi a sawi sel ngei ang…)
January 19th, 2011 at 8:28 pm
Thiansa benghleh in han sawitakah chuan,ka naupanlai chuan ka pa hi sa kap ve thei tak a ni a,a thiansa beng pe tur in ka nau nen ka pa in mintir thin a, kan zawn thin a,a nuam kan ti ve thin.Ka pa a thìh hnuah pawh ka pa lung kan phunna a,bawng kan talh kha thiansa benghleh a tawpna atan ka nu in min pek tir a,chu mi tum chuan ka puitling ve deuh tawh a,hreawm ka ti hle. Thinsa benghleh an nih tawh chuan dam chhung atan a ni a,an in ban ngai lo.
January 19th, 2011 at 8:52 pm
@kawlpui a leh @maisek ka va lawmem in zara in zir zel ka nia. Fak mai nilo sawisel pawh ka pawm vek. @pu Xaia mawlh mai i ngaiawm hnup hnup e. I kut chhuak te wall paper ah ka hmang leh zauh thin. Ka thlir bânglo a ni ber mai.
“a silai mû, a musep chang nilo, a mupui” hi kan man lovang tih ka va hlau em. Uluk takin i chhiar ang u aw. :-S :-$
January 19th, 2011 at 11:04 pm
Colney hi tun thlengin eng hnam nge an nih ka la hre fuh thei tlat lo!
January 19th, 2011 at 11:05 pm
I pu chu ka pu nen inkawm se, an titi a pui ngawt ang! Tin, hei hi ka zep hram e, ‘thangthar beng tla lo ho, i ram zahpui suh la, sappui tang ah bei suh, kawrvai tang ah bei suh’.
January 19th, 2011 at 11:08 pm
Tunlai chuan naupangin an nu tak hi chu mother ori’ ti ten an sawi thin.
Mizo tawng hman uar loh tak tak i rawn hmang a,laiahhnan hming tih te pawh hi kan hmang uar lo khawp.
Tualcheng khaw thlalak(ralkhat a tangin) ka nei tak a sin mawle 🙂
January 19th, 2011 at 11:55 pm
Thian sa beng hleh hi ramsa ah chauh lo pawh ranpui talh apiangin an hleh thinin ka hria. Mahse Sa-lu lam zanah chuan zu bel pui a rawn pu lut ngei tura ngaih a ni thung. Tin, zu a lo thaw deuh anih pawn a ngaihtuah tur a ni an ti em kha(?)
I Pu hian “Change” a mamawh ve hle mai! Mahse ‘Tradition dies hard’ an tih kha a nun pui ve a nih chu.
Meizialin a hnuk a chhat tih lai tak hi ka ulh deuh nge ni, han sawi fiah deuh la maw le!
January 20th, 2011 at 12:04 am
Xaia, kan naupan lai chuan, thian ten “Hitleri” an tih chuan an nu (mother) an sawina ani thin. Green-a an tih chuan pa sawina hairehai 😉
January 20th, 2011 at 12:17 am
#43 lushai, meizialin a hnuk a chhat tih chu, meizial vangin a thi ta tihna… 😀
January 20th, 2011 at 12:32 am
@chemtatrawt: “ngawr leh thawhah vanga a bawhsawp reng lai pawh khan meizuk zu thlah duh hauh lo a!!! An han khap ngial pawhin, “Japan râl leh vai sipai tukdawl zawh loh hi vaihlo vangin ka thi loang” a ti tlat zel a; mahse a meizuk chuan a hnuk a chhat ta a ni.”
Ngawr leh thawhah chuan a hnuk a chhat zawkah ka lo ngai a sin….A meizuk hi chuan a chhat lovang ka ti ve duh tlat!
January 20th, 2011 at 12:37 am
lushai_er, kan veng, Kulikawn hi tun hma chuan Ngawr atam thin viau ani awm asin. Chunglai chuan thihpui pawh an awm nual awm e.
January 20th, 2011 at 12:39 am
ngawr leh thawhah hi a meizial zuk vanga chhuakah an ngai tihna a ni mai lo ami @lushai…entirnan, zu heh lutuk vanga thin nei mang tawh lo te pawh an thih chuan zu seh te kan ti thin a ni lawm ni… Zu overdose a thi hi chu an vang pharh a nia..NOI.
January 20th, 2011 at 12:44 am
chemtatrawta #48 i tawngkam hman hi Mizo tawng ni ngeiin ka hria. Zu seh chu zu in nasat kaihnawih avanga thi. AIDS thihpui pawh an natna neih, AIDS hrik vanga adam theih tawh loh vang etc etc.
Tuikuk tawngtai dan (an tih) kan sawi law2 teh ang hairehai 😉
“Aw Lapa ka u, ka sawi mai ang che. Nangmah rin chuan buh leh balah riltam lawbang ti chi, kurui kurui kan sawi leh chi, ka sawi mai ang che ka u,” an ti e an tih kha 😀
Aw Lapa, nangmah ringtu te chu an tuihal leh tawh ngai lovang i ti si a…. an tih tumna niawm tak a ni 🙂
January 20th, 2011 at 12:48 am
chuvangin, @post tupa hi a tidik k t..mizo tawng kalphungah chuan..@pu hv…
January 20th, 2011 at 12:54 am
#49, Zu seh chu ni lovin, zu seh a thi* tih zawk tur a ni e.
January 20th, 2011 at 12:55 am
tuikuk togtai khiiiiiiiii….
January 20th, 2011 at 12:58 am
#48, Ngawr(T.B) leh Thawhah(Asthmatic Bronchitis) hi meizial zuk vanga awm anih ka van hre lo ve!
January 20th, 2011 at 1:06 am
oithoss..@pu hv,lushai hi lo hrihfiah ve teh…A pu thih hun lai khi chuan Mizo hian TB leh Asthma hi kan hriatbel hmel vak loh tiro.,lalthrian.
Chutiang bawkin, nang pawh hi an sa hnu chhuinaah hruai che se la,i hriatloh luatah an hmusit thiang lo che. A hun lai leh a hmun azirin kan tawngkam leh ngaihtuah hi a danglam mai thin asin. Lei a mum tih sawitu Galileo leh Coppernicus te pawh kha an thusawi kha dik mahse a hunlaia an pawmdan anih miau loh avangin mimawl an ni mai.
January 20th, 2011 at 1:22 am
Ngawr leh thawhah te hi chuap natna an nih avangin meizuk chu an ngeih vak chuan ka ring lo
January 20th, 2011 at 1:24 am
ka hriatsual loh chuan TB leh Asthmatic bronchitis chu meizial zuk avang chuan a thleng thei e.
January 20th, 2011 at 1:26 am
awi Luliana a rawn lang hlawl mai! I in la dr tawh lutuk a, ‘natna’ tihvel loh chuan i koh chhuah theih toh loh
January 20th, 2011 at 1:29 am
TB leh Asthmatic bronchitis chu meizial zuk avang chuan a thleng thei chiang bang e. 100% in ka chiang e.
January 20th, 2011 at 1:33 am
Lolzz@pi bleki…chu pawh a ni chuang lo…
TB chu a thlentu hrik a awm, meizuk ringawt vang chuan a awm thei lo. Asthmatic bronchitis chu allergy chi khat a ni, meizuk a ngeih lo viau…
January 20th, 2011 at 1:35 am
#58: Ngawr leh Thawhah vei hi mei zu kher lo vei leh thih pui ka hre teuh mai! A ngeih vak chu ka rin vang pawh ni lovin. “a meizuk chuan a hnuk a chhat ta a ni” tih lai tak hi a nia kan helh deuh chu!
January 20th, 2011 at 1:37 am
#57, bmw: Dr. rawng kai zawng zawng chu an comment-ah hian lo chhinchhiah kauh kauh ang aw! Damloh ve hunah ka rawn vat a tan !
January 20th, 2011 at 1:45 am
In luhna teh daih chu. Dr. Khumchiktheia kha khawnge?
January 20th, 2011 at 1:52 am
TS, OT lalnu ka lo luh hi chuan topic ah a chen theih tak tak tawh thin loh! lol
Lushai, Luliana hi chu a rawn tlak loh lutuk…a pass tak tak em tih hi a hrechiang tumah an awm lo
January 20th, 2011 at 1:54 am
lulian, nih Chhuhrik hi han sawifiah teh.
January 20th, 2011 at 1:55 am
Luliana sawi khi a dik ang.Ka comment hnuhnung khi chu ka cancel tawh hnu a lo tlang palh. Chi loh lutuk. Chuan Lulian, lehkhabu pakhatah Chronic Respiratory Disorder nei te hi Prone to TB a in tia, hei hi a dik em? Heng CRD (kaitawi ve thuai) ah hian meizuk vanga thleng thei Emphysema te hi a tel em? No offence. Zawhna liau liau, ka hre duh tak tak. Please
January 20th, 2011 at 2:06 am
@ 60. Ka comment 58 khi chu cancelled.
January 20th, 2011 at 2:06 am
A va rapthlak em!
January 20th, 2011 at 2:15 am
meizuk….bronchitis,asthma a Q nei ho khan COPD hi lo kukal.kom teh u,Q dang inneih chuan kan inzawt chawp dawn nia[diagnosis+treatment ni lo in]
January 20th, 2011 at 3:03 am
I pu te chu a va ngaihawm reuh ve.
A reh leh ta thuap mai!
January 20th, 2011 at 3:40 am
Lersia chu i ziak tha hle mai a..
Thu awmze nei tak, zirtir nei tha bawk si, ngaihnawm tak a ziak ni bawk si hi a quality a sang khawp mai..
January 20th, 2011 at 3:47 am
January 20th, 2011 at 3:54 am
Fugi. Kei chu zunchhuakin min tiharh laklawha, vawt bawk si. Mengkar mai!
January 20th, 2011 at 4:59 am
Mizo te hi chimral awl tak tur kan va ni em!!! Pi pu ten kum tam an lo ngaihlut thing ti tlat ngam thangthar, chhawrnahawm thil hmuchhuak thei silo. Ramchangkang leh hmuhphak a piang tihdan (a awlsam lai chinchiah) la a, an mahni an tum phet ching kan ni ta der mai.
Pi pu atanga samdum pu thin khan sam rawng a lawi kan nei ta lo, kan kawt thlerah lah Tribal nula meng pawl phat nen kan inpel ta sup sup mai a nih hi. Mizo hmingput zakin sap hming kan pu ta deuh fur mai. Mahse, Nancy ni ve si saptawnga biak theih reng reng loh tamna ber ram a ni mai awm e.
Changkan na hnamchawm lutuk nen hawi pir mai lovin. Mizo takin changkan i tum zawk ang u hmiang.
January 20th, 2011 at 5:08 am
Lersia #73 “Mizo te hi chimral awl tak tur kan va ni em!!!” ka hmuh ve dan tho a ni e
January 20th, 2011 at 5:19 am
@Hv, 74, nangni chu ramdangah in awm zawk a i khawlai leng hnukulh teuha haw i nei khat ang.
Hrangbana college hnaiah hna chhete ka thawk ve a, zir lai te ka hmuh hian nitin min vel a ni ber e.
January 20th, 2011 at 5:31 am
Lersia #75 ka hre vek lo tawp ang mahse, theih ang2 hi chu kan lo thlir ve reng thin asin, ngaihtuah a thui thei khawp mai.
January 20th, 2011 at 6:26 am
Khaw pakhat ka zinna ah hian kawngsir thil in ziak ah hian Artist Vlthlana hory day ti hian a lo in ziak a ka ngaih tuahna sa mai a..a tawp ah chuan ka nui top ..kawlni tih a lo ziahna ni awm tak a ni…