(A clip from ‘Parliament-a ka hun lai’)
[Source: Assembly Silver Jubilee Souvenir, 1997 & Zirna Eng July 1998.]
Mizoram hi British Sawrkarin kum 1890-a a lak hma atangin, Mizote chenna ram hi Lushai Hills an lo ti thinin, a ram chhunga mi chengte chu “Lushai” an ti thin a. Tin, Lushai Hills chu Assam ramah kum 1896-a khung luh a nih atang khan Assam rama district pakhata chhiar a lo ni ta a. “Lushai Hills District” an ti thin. Chuvangin hnamdang Mizo ni lote chuan Lushai min ti vek a; keimahni ngei pawhin, Sawrkar leh hnamdangte hnenah chuan, Lushai hnam kan in chhal vek thin. Nimahsela, kan Mizo mipuite hnenah chuan “Mizo” kan inti a, kan chenna ram pawh hi “Mizoram” kan ti thin.
Khawvelah hian Lushai hnam an awm lo va, helaia “Lushai” tih pawh hi thil kalsual mai niin a lang. Saptawng hawrawp-a “a” hi “e” ang deuhva lamrik a nih avanga “Lushei” lam rik turin Lushai tia an lo ziak chu a lo nghet ta a. Nimahsela Lushai tih a a “a” hi kan a,aw,b-a “a” ang hian kan lam rik tak si avangin Lushei ti lovin Lushai tiin hman a lo ni ta zawk a ni.
Mizoramah politik a lo luhin, Lushai Hills chu Lushei ta bik ni ang hrima lo ngai tawkte an awm dawn dawn ta mai a. Chu chu, Lushei ni ve lo te tan rilru tinatu a lo ni ve leh a. Chutiang neuh neuh chu Mizo zingah a reh theih nan leh Mizo hnahthlakte chu pumkhatin kan awm theih nan, Mizo kan nih vek avangin, “Lushai” hi “Mizo” tia thlak leh “Lushai Hills” tih chu “Mizoram” tiha thlak ni turin Sawrkarah ‘Mizo Union Pawl’ chuan kan ngen thin a. Nimahsela, pawl mai, thuneihna nei lo kan nih avangin leh kan Mizo mipuite zingah pawh dodal tlattute-entirnan, ‘The Lushai Chief Councils’ an awm avangin a harsa thin. September 1948-ah Manipur-a kan hmar unaute khawpui Senvawn-ah Mizo Union Divisional Conference ropui tak kan neih tum pawhin, kan Hmar unau palai zinga mite chuan “Mizo vek kan ni a, in zawmkhawmin rorelna pakhat hnuai a awm pawh kan duh. Mahse, kan hotute, kan in nghahna ber te hi “Lushai” in ni a, in chenna ram hming pawh “Lushai Hills” a ni tlat mai. Hengte pawh hi tih danglam a tul anih hi” an ti a. Mizo hnahthlakte in pumkhat nan “Lushai” tih leh “Lushai Hills” te hi bumboh leh than mawhbawk an lo ni tih ka hriat chian zual phah a; Political party atang ringawtin a harsa si a; tangkaina nei ve thei awm dinhmunah ka la din ve palh hlauh chuan, hengte hi chu ka hmabak tur ni rawh se, keima hriatah chuan ka ti thin.
Ka thil tum chu tih puitlin tumin, Lushai Hills tih chu ‘Mizoram’ tia thlak ka rawtna (Private Resolution) chu Parliament (Rajya Sabha)-ah chuan September, 1953 khan ka thehlut ta a. M.P te hnen atangin thil rawtna te hi luh a tam thin avangin inkhawmna-ah ngaihtuah chang tur te en nan thum an vawr thin a. Pathian leh Pu J.L.Nehru malsawmna a niin ka ring, ka rawtna chu vanneite zingah a tang ta a. Ka hun a lo thlen chuan Lushai Hills District chu MIZORAM tia thlak a tulna chhante ka duh ang leh ka thiam ang tawka ka sawi zawh hnu chuan mi chhang turin Dr.K.N.Katju, Home Minister, pa siniar tawk tak mai a lo ding chhuak a. A thuhmahruaiah chuan ka beisei phak hauh lohvin, “Tuna Member thusawi kha ngun takin ka lo ngaithla a; sawi thiam ka tiin ngaihnawm ka ti a. Kan Parliament-ah hian mahni sawi tum sawi chiang thiam ber pawh niin ka hria” ti meuhin min rawn fak der ta mai a, zahthlak ka ti hle. “A rawtna hi Sawrkarin a tlangpui chuan kan pawmsak a. Lushai Hills hming thlak dan tur erawh chu in lo ngaihtuah atan Parliament-ah Bill kan la rawn pu lut ang” a ti ta a.
A tukah chuan, India rama chanchinbu lian zawng zawng phek hmasa-ah chuan, “Lushai Hills hming thlak a ni dawn. R.Thanhlira rawtna Sawrkarin a pawm. A thusawi thiamzia Minister-in a fak” tihte chu thupui(headings)-ah hmangin a lo chhuak ta uai mai a. Zahthlak ka ti angreng nachungin lawmawm ka ti hle. April 1954-ah Sawrkarin Bill an rawn putluhah chuan Lushai Hills District chu Assam rama district pakhat a la nih rih avangin “Mizo” district tih ni turin an rawn siam ta a; Parliament chuan lungrual takin a pawmsak ta a ni, Heta tang hian Lushai tih thinte kha Mizo an lo ni zawk tih a chiang hle. Parliament Dan siam chu September, 1954 atangin hman tan a ni ta a. Chuta tang chuan Lushai ni thinte chu Sawrkar leh khawvel hriatin tuma mitmei veng hauh lovin “MIZO” kan inti ngam ta a ni. Ram lem (Map) ah te hian, district tih tel lovin, “Mizo” tih ringawt a ni fo thin. Hemi zulzui hian Schedule Tribes chu “Mizo(Lushai)” tiin, hun remchang hmasa ber, 1956-ah thlak zui a ni ta a ni.
Lushai Hills leh Lushai tih hming thlak thu hi Prime Minister, J.L.Nehru, Aizawl a lo zinin, Bawrhsap Bungalow (tuna Raj Bhavan) ah hian Lushai Hills tih chu Mizoram tia thlak Mizo mipuiin kan duh thu ngunthluk takin April ni 3, 1953 zana ka titipuina rah a ni a. hemi tum hian kan Chief Minister, Shri B.R.Medhi pawh a awm ve a. Lushai ni lovin Mizo hnam kan nih zia te ka hrilh chiang a, amah pawhin a man chiang khawp mai. Nimahsela, “Lushai Hills chu Assam rama district pakhat a la ni rih bawk a, “Mizo” district ti phawt ila; Lushai ni lovin, Mizo in nih a chiang tho dawn a, I pawm thei mai lawm ni?” tiin, “Mizoram” han tih nghal mai chu, Naga ram buaina avangin harsa a la tih rih thu pawh a sawi vek a. Chunglai chuan Nagaland, Meghalaya, Arunachal Pradesh leh Mizoram te hi Assam ram anni vek a. “Chutianga harsatna tak in nei anih chuan, a pen khatna atan chuan ka pawm rih mai ang. Ka duh tak chu “Mizoram” tih ani e” ka ti a. “Engpawh nise, Parliament rawih a ngai ang” a ti leh a. “Chu chu ka lo tum ve mai ang. I malsawmna erawh chu ka mamawh dawn a; ka dil che a ni e” ka ti a. A nui sak a, kan inthen ta a.
Lushai Hills hming chu “Mizo” hming ngeiin ka thlaktir thei dawn a ni tih ka hriat avangin ka lawm haw hle mai a. Mizo hnam tan, hun lo kal zel turah pawh hnuhma pawimawh (Historical Importance) nei zui thei a ni tih pawh ka hria a. Mahse ka thil tih tum chu engtikawng mahin a bahlah loh nan Parliament-ah tih fel a nih hma loh chuan tumah hrilh lovin keima hriat atan chauh ka veng khiau mai a.
“Mizo” district tih chu kum 17 leh thla kua chuang zet a put hnuin, Jan 21, 1972-ah Assam district nihna a chhuahsan atangin Parliament-a ka rawtna ang khan MIZORAM tih a ni ta a, mimal takin ka lawm ngawt mai.
Hetianga Lushai kan nihna kalsanin khawvel hriata “Mizo” kan nih takna leh Lushai Hills lo ni kumkhua thin, Mizoram a lo ni thei ta hi ka awmkhawhar nia ka ngaihtuah chang chuan, M.P ka nih laia ka kutchhuak ni ve ngeiah ka puh thin a. Thangtharte mi hriatreng nan ka ‘Lungphum’ an te ka ti rilru thin.
Kan khawvelah hian Mizote’n “Ka Ram” kan tih ve theih chu tunah hian pakhat chauh, zimte, MIZORAM hi kan nei a. Hei hi tumahin engtikawng mahin an pawt bal leh an tih hek loh nan, Mizote hian kan hmunhalh tlat ngam tur a ni.
[P.S: Kan thil post thenkhatte Lawrkhawm emaw, Buannel emaw, News Paper emaw, khawi site-ah pawh chhuah chhawn hi thil uihawm chu a ni lo va; mahse a source hi ziah lan ni hram se a duhawm ngawt ang. Mizote'n a tam thei ang berin lo chhiar rawh se tih hi kan duhthusam a ni.]
Similar Posts:
- Burma Ram Vanglai leh Mizo te
- The Lushai Expedition, 1871-1872
- Bawih chhuah chungchang
- Eng hi nge Mizo Tawng chu?
- Jack Longbottom and the Lushai Scouts by Jane Robinson nee Longbottom
A hre...
January 19th, 2011 at 2:04 pm
uai, mahni post a han zephenath ringawt chu aw…. P.S khi ngai pawimawh ila a duhawm ngawt mai!
January 19th, 2011 at 2:19 pm
A bengvarthlak leh pek mang e aw..! PS khi pawimawh lutuk a nia, hriat kar tur a ni!
January 19th, 2011 at 2:20 pm
Mizo hian ‘SH’ tih hman na hi ka lo nei lo mo ka tia, Lushai tih tur nge Lusai tih tur aw? Lushei tih tur nge Lusei? min hrilh thei in awm chuan, ka SH lam ngai loh vang in English ka lam in ka ti sual cheu… (C)
January 19th, 2011 at 2:23 pm
sawi dan hrang2 hi a tam phian lehnghal a… :-S khoi ber nge thinlung phek a lo archive ber tur poh ka se nawh… :-$ benvarthlak e.. (I)
January 19th, 2011 at 2:25 pm
#3,Lusai/Lusei chu Mizo tawng, Lushai/Lushei chu Sap-Mizo tawng (?)
January 19th, 2011 at 2:27 pm
E..
January 19th, 2011 at 2:28 pm
#4, Lushai to Mizo-ah hi chuan sawi dan hrang hrang atam vak ka ring lo! Sailo lam chuan Ralte-ho thil tih ani an ti a nih pawn an dem awm chuang loh! Lal ban nana a kul a tai a tang te kha R chuang an tam em a lawm!
January 19th, 2011 at 2:34 pm
nih chu.. nia, uluk takin ka\kan lo vawng thlap ang e.. (Y)
January 19th, 2011 at 2:41 pm
Post pawimawh tak a nih hi. A ngaihnawm bakah thil chhinchhiahtlak a fun teuh mai.
Mi sawi ka hriat: Pu R. Thanhlira kha MP a nih laiin a nupui nen Delhi-ah an zin a. A nupui thlawhna la chuang ngai lo, hlau deuh khan “Tla palh ta ila engtin nge kan awm ang le?” a ti dek dek a. Pu Thanhlira chuan “Kan pherh vek ang” ti chauhin a chhang. A nupui tan chuan a thlamuanthlak viau loh hmel.
January 19th, 2011 at 2:46 pm
# 9 hlatekhua……MP te nupa tawngkam mai mai chu i va ngai ropui awm ve :-[
January 19th, 2011 at 2:54 pm
Zanah chik deuhvin ka lo chhiar ang a, uluk deuhvin ka rawn comment leh ang. Ka ke ka tibo tlat. A vawt-bo a niang.
January 19th, 2011 at 3:02 pm
Mizoram chhung mi te hi Mizo kanni vek. He Mizo hnam ah hian Chi hrang hrang kan chang za Chi-bil/Chibing zawng hian onen lo ila Mizo i ni top mai ang u. Mizoram hi tunah chuan heti tiat chauh nimahsela a zauh zel nan tihtur leh tur loh pawj a tam hle ang
Hetiang ang post thatak misuala kan nei rhin hi a lawmawm tibawrhbang lo hram ila
January 19th, 2011 at 3:11 pm
ka tleirawl lai deuh khan clan feeling vel hi a awm vak ngailo…mahse tunlai a tam angreng… thingtlang/zo khaw mi aizawla rawn pem lut an tam vang pawh hi ani mai thei…hetiang clan/hnam feeling hi an lo import in ka hria . ka ngaihdan ve mai mai…a reverse progressive khawp mai (N) (N)
No offense intended actually
January 19th, 2011 at 3:21 pm
2nd last para-a “Hetianga Lushai kan nihna kalsanin khawvel hriata ‘Mizo’ kan nih takna…” tih hi ka pawm thei lo tlat.
Mizo nih duh avanga Lusei nihna emaw, Hmar nihna emaw, Paite nihna emaw kalsan kher a tul chuang em ni? Mizo hian Lusei chauh a huam lo a, Luseitawng hmangte chauh Mizo kan intih chuan “Lushai atanga Mizo” hian awmzia a nei chuang lo ang.
January 19th, 2011 at 3:24 pm
#10 zualbonez…ngaisang e maw le! A pa em a lo’m. Minister, MP, MLA, Councillor, Block/Unit hruaitu etc te hi chu an thu chhakchhuah apiang mai hi Johana ziak tluk deuhthaw-ah ka ngai hmiah mai asin!
Pu Thanhlira kha a zing walk peih lutuk avang ngawt pawh khan ka ngaisang lehzual bawk ….ka peih ve miah loh leh ka tih theih ve miah loh ti peih/thei hi chu ka’n ngaisang thlazen zel a.
January 19th, 2011 at 3:33 pm
@hlatekhua, pa thu ah chuan pu A.Thanglura kha ‘man’ khawp mai.
January 19th, 2011 at 3:33 pm
Mimal ngaihdan lo ni mai se, tawng hrang hrang kan neih zinga mi Lusei-tawng bik Mizo-tawng ti a kan dah hian in pumkhatna lam aiin in thendarhna lam hna a thawk tam zawk em aw..te ka ti ve mai mai. Kan sawi ho fo tawh angin Lusei tawng thiam lo chu Mizo lo riau va hriatna hi abikin thangtharte hian an nei thin hi a pawi ngawt mai.
Ralte tawng, tunhma hmar tlangdung Lungdai atanga Vairengte thleng a hriat tur awm thin te kha a bo zo ti tih tawh a. Ralte mahni tawng thiam lo an tam tawh awm e. Chutiangin Hmar, Paite, Mara, Lai,etc., kan tawng chi hrang hrang te hi vawng thain i chawi sang thar leh i la. England ram a Scottish, Irish, Wales ang deuh khuan inngaih takin a awm theih chuan ka hria! Enge in ngaih ve dan le??
January 19th, 2011 at 3:42 pm
Mizo ah hian lungawitlang ila a fel ber awm a sin. Kei chu paite,ralte.etc tawng tih vel hi mizo tawng ah hian a len lohna tur ka hre lo.
January 19th, 2011 at 3:42 pm
Hei zet zawng belh chian a dawl hle mai.thangthar tan a thil poimoh tak a ni.tun a kan zirlai sing tam tak te hian hetiang thu hi.ka kut zung chal ti khawp a an hriat theih nan eng tia hma lak chi nge ni ang tih hi.ka ngaih tuah zui mai mai.a poimoh tlats. kan mi thiam te in chet a ngai tlats.
January 19th, 2011 at 3:44 pm
#16 nastycool…. nia, Pu A. Thanglura chanchin chu an sawi ka hre thin. Tunhnua L. Keivom-a’n an titi dun thu a ziak te kha ngaihnawm tak a ni. Amah kha ka belchiang ve lo tlat a. Fanu tituai nalh fe fe a nei tih kha ka ralkhat hriat a, chu zawng chu a ni mai.
“Mizo” tih thumalin keiniho min lo khaikhawm hi chu a lawmawm ngawt mai. Kan ram hming “Mizoram” han tih bik ngawt pawh hi chhuanawm tak a ni. Tawng dang hawha Nagaland, Meghalaya, Arunachal Pradesh, etc. tih te ai chuan thlanawm tak a ni!
January 19th, 2011 at 3:50 pm
hlatekhua hi turkey ambassador ni em le?
January 19th, 2011 at 4:01 pm
Hmar, paite, kuki, etc te hi mizo an ni tih te chu kan hre vek, marawh chu anmahni zawk hian an inhre lo emaw chu aw ka ti rum rum thin (Y)
January 19th, 2011 at 4:01 pm
@5 lushai_er thanks, anih chuan ngati nge Lusai tih leh Lusei tih hian kan ziah mai lo aw 🙂 tawng hausak na nih phah tak in lol…. English ah hi chuan a pawi mawh asin aw, entir nan ‘where is she?’ ah khian ‘h’ tel ta lo se, ‘ where is see’ tih in a ri dawn sia LOL …awmzia a nei vak lo vang:) (D) hi ka khilai mai ang che min hrilh fiah man ah 🙂
January 19th, 2011 at 4:06 pm
#12 mzvision-in “Mizoram chhung mi te hi Mizo kanni vek” a tih ngawt khi ka pawm zawng a ni ve lo tlat. Mizoram chhungah hian vai te, Chakma te, Tuikuk te, Gurkhali te leh adang te pawh an awm teuh. Heng te hi Mizo an ni miah lo.
January 19th, 2011 at 4:12 pm
#19 lushai_er ngaihdan khi ka tawmpui a, hmanah tlem ka thai lang tawh. “Lushai Hills to Mizoram” hi a fuh a, mahse “Luseitawng to Mizotawng” hi a fuh ka ti thei lo. English te, French etc. te pawh ram hran hranah mother tongue ah an hmang a, English a ni tho.
Luseitawng kha Mizotawngah kan thlak a. Heivang hian Mizotawng thiam ve lo tan Mizo intih a inthlahrunawm ta bawk a. “Mizo ka nia, Luseitawng ka thiam lo.” emaw “Mizo ka nia, Hmar tawng ka hmang.” tih chu a rem thlap a. Mahse “Mizo ka nia, Mizotawng ka thiam lo.” tih chu a ni thei tlat lo.
Lusei, Paite, Hmar, Lai etc. te hi Mizo kan nih chuan an tawng zawng zawng hi Mizotawng a ni.
January 19th, 2011 at 4:20 pm
Pu R.Thanhlira hi a chanchin tlem kan tarlang ve lawk teh ang :
Kum 4th April 1917 khan Pu Tawnga leh Pi Thangthluaii te inkarah Thakthing Veng, Aizawl-ah a lo pianga. Unau mipa pali leh hmeichhia pahnih a nei a, amah hi a panga na a ni.
Kum 1948 tahrik 27th January khan Pu J.Lianchungnunga te unau zinga upa ber Pi Hmingliani nen Aizawl Holy Catholic Church, Kulikawn-ah an innei a. Anni nupa hian fa an nei lova, amah Pu Thanhlira hian fanu pakhat leh tu leh fa engemaw zat a nei.
Amah hi pa hrisel leh invawng tak, a peih hun chhung zawnga zing exercise la a, Km 5 aia tlem lo kal ziah thin a ni; khawvel vawi 3 hel chhuak tluk a ni tih amah hian a damlaiin a sawi thin nghe nghe a ni.
A lo upat hnuin natna chi hrang hrang, zunthlum, lungna leh chuap lam that lohna in a tlak buak a. 16th August, 2001 atangin khum betin a awm tan a, 2nd August 2002 zinglam dar 8:30 AM khan kum 86 mi niin a boral.
January 19th, 2011 at 4:23 pm
#17 leh #25 khi ka support hle ni.
January 19th, 2011 at 4:24 pm
Ka beng a var leh ta sawt mai (Y)
January 19th, 2011 at 4:32 pm
Pu Thanhlira hi a M.P nihna aimahin Assam Public Service Commission(APSC) a atel kha Mizote tan a tangkai zawkin in hre ve em? Kum 1964-1974 chhung kha APSC-ah a awm a, Kum 1968-1974 chhung zawng APSC Chairman a ni. Kum 1969 khan Union Public Service Commission (UPSC) ah member ni turin Sawrkarin a lo ti fel vek mai a. Nimahsela, APSC-ah Chairman anih hian, UPSC a Member nih ai chuan, Assam leh Mizo te tan tangkai thei zawk dawna a inhriat avangin hlawh tam zawk hmuhna tur pawh ni mahse, a hnar ta zawk a ni. (Y)
January 19th, 2011 at 4:40 pm
Ka chhuak lawk anga ka kir leh hunah ulukly in ka chhiar ang. A thupui atang ngawt paw’n post tha tak anih hmel.
January 19th, 2011 at 4:47 pm
Ka chung chiah hian Lersia to Vangchhia chanchin atangin a rawn tan ngei ang le 😉
January 19th, 2011 at 4:47 pm
Aijal ah pawh, Lungleh, ah pawh, Kolosib ah pawh Lushai tawng hmang an lo awm lo tihna ani aw.
January 19th, 2011 at 4:47 pm
Chhiar a nuam e. Comment te pawh. #25- AMEN, a fiah tawk hle mai.
January 19th, 2011 at 4:54 pm
a va sei ve
January 19th, 2011 at 4:58 pm
#17 & #25 full support 🙂
mizo ka nia Hmar tawng ka hmang, lusei tawng pawh ka hmang 🙂
January 19th, 2011 at 5:24 pm
‘Amen’ pek mai loh chu comment han pek vak tur ka nei lo.
January 19th, 2011 at 5:46 pm
Good post. Bengvarthlak khop mai (Y)
January 19th, 2011 at 5:52 pm
Esopa thawnthu a pafa Sabengtung zuar ang deuh khan Mi zawng zawng tihlawm hi chu a har ani. Lushai Hills a cheng Lusei ni ve lo; abikin Pawih, Lakher leh Chakma ho tih lungawi duh vangin Lushai Hill chu Mizo District ahnu ah Mizoram tih a thlak ani a.
An la lungawi ta chuang lova, Pawih ho leh Lakher ho phei chu an inti Lai in an inti Mara ta hle anih hi. Mizo pawh an intih leh duh hlawm tak loh saw. ;-(
January 19th, 2011 at 6:36 pm
@38. . (Y)
January 19th, 2011 at 6:48 pm
Pu R Thanhlira ka ngaisang hle mai. Mahse,kan ti teng, ‘KA’ tih khi a tam deuh mah2 in ka hria. MP hi mahni a tlin theih a ni om der si lo. A thlang tling tute kha han addrss tel ve se,a ma ngaihtuah chhuah poh ni se,an aioh a an thlan,an aioh a lal hma ding tur a an thlan chuan eng vangin nge a mah a asoi loh reng ang. Ramhnuk khoih thil ani tlat!
January 19th, 2011 at 6:50 pm
I lakna source atang hian ka chhiar tawh.. Pu Thanhlira khan a thawh hlawk khawp mai. Post tha tak ani e………..
January 19th, 2011 at 7:00 pm
Hman vel vawlin uluk zetin ka chhiar e. A bengvar thlakin hriat theuh atan ka duh hle mai. Post tha tak a ni e.
January 19th, 2011 at 7:01 pm
A ngaihnawmin a bengvar thlak hle mai ! Tunhma kha chuan mizo sipai tang ho khan an hming tawpah lushai tih hi zu dah tlangpui thin a…Lianmawia Lushai,Vanlala Lushai, Lalzuala Lushai etc… Khavang kha nimaw, Lushai Scout te kha alo pian chhuah hial tak ni !
January 19th, 2011 at 7:09 pm
Ṭawng pai kan tih hi English-a accent ang hi a ni mai em?
January 19th, 2011 at 7:36 pm
#44: Tawng pai hi accent ang chu a ni mai ang chu. Entirna pakhat : A bikin kan khawchhak uanaute hian alphabet ‘R’ hi an nei ve lo va. An lam dan chu ‘al’ tih ang deuh a ni. Thai-ho pawh khian R an nei lo a niang an lam ‘al’ zel. Tin, Hmar unaute hian thluk diai diai hi an ching bawk. Paite pawn lam awn an ching. Chutiang zelin Mara leh Lai unaute paw’n.
January 19th, 2011 at 7:51 pm
lushai .. i hman hun ah englo kha la ziak teh a :D…i post tha thei hle mai
Lushei leh shei lo zawnga he post ah sawi a awmlo chu a zia hle mai.
January 19th, 2011 at 8:26 pm
a bengvarthlak khawp mai.
January 19th, 2011 at 9:53 pm
@hlatekhua kan ramri kham dan a inang lo ani maw?
@Aryan mi zz tihlungawi lam aiin Mizo nichungin Lai leh Mara anih theih tihlam hi kei ka sukthlek duhdan ani
American Aussies Singaporean tih dungthulin kan Mizo hi a tul th ka ti
January 19th, 2011 at 10:00 pm
#38, Aryan, Pawih, lakher leh chakma tih lawm duh vang lam ni lovin, ‘lushai’ khan a huap zim deuh a, entir nan, ralte, hmar etc te pawh a huap chuang tlat lo alom !
January 19th, 2011 at 10:11 pm
Lushai/Mizo ah Chakma (Takam) ho hi an tel kumkhua lo ang.
January 19th, 2011 at 10:14 pm
Hriat belh vak chuang lem lo hian kan ‘post’ liam zung zung mai anih hlom hi maw….
January 19th, 2011 at 10:23 pm
Post tha leh bengvarthlak tak ani!
January 19th, 2011 at 10:24 pm
loneeagle26016 #51 Ka hriat ngailoh asin he post hi, aliam ngawt lo, ka thlungluah ka dahtha hmaks hairehai
January 19th, 2011 at 10:28 pm
HV, ka tihsual ve bawk anih khi..post ti lo khian ‘comment’ tih tur zawk ania….ka sawi tum chu i hriat tho ka ring a, comment ho khi ngun takin chhiar la, hriatbelh lem chuan glova ‘comment’ liam zung2 pawl kan awm pek khi….hairehai
January 19th, 2011 at 10:37 pm
loneeagle26016 fiam mai2 che alawm. Khawnge ka fanu skul kal ka zuk hruai lawk ange.
Frederick khua health sub center…ti mai ang, Mizoram sub center nan an tih a inang.
https://img341.imageshack.us/im.....center.jpg
January 19th, 2011 at 11:02 pm
A ngaihnawmin a va han bengvar thlak tehreng em! Kan tunlai politician te darthlalang tha tak ni se ka va ti em!
January 19th, 2011 at 11:35 pm
Kan racist vang te pawh ani theia – Chakma/Gurkhali/Tuikuk Mizo saphun an awm nawk reng ani.
MZP te hian chi-bing zirlai pawl MZP-a an telh thei zel te hi tha ka ti khawp mai.
Vailen hma kan pi leh pute’n thlangkawr-vai sal an man Mizo saphun thlah zel te pawh hi an pawm-awm khawp mai.
Chutih rualin Mizoram mi Mizo nih duh reng reng lo an la awm fo te Mizo an inti reng chunga Mizo an ni lo kan ti fo te hi, chi-bil tawng kan ngaitheilo riau te hi – kan change chu a ngai ani.
Pu R.Thanhlira te hi lo tho leh se’ng chuan “Pawih thingzai mi 5 leh Mizo ****-khaw tlangval intibuai man an ni tih ang la ziak duhte hi chu an kuk fawk duh ka ring.
He Mizo nihna kan mi-hmasa te’n remhre taka an lo chher hi i vawng nung zel ang u
January 19th, 2011 at 11:39 pm
Mz, Saphun hi Zohnahthlak inkarah chauh awm a ni, entirnan, Lai (Pawi) in Hmar ah Saphun a theih, chutiang zelin. Zohnahthlak leh Zohnahthlak inkar (inner circle) thil a ni. An phuahchawp mai mai anih chu.
January 19th, 2011 at 11:47 pm
Pu HV: in khaw sub-center chu ava faiin ava changkan hmel ve
Kan society a mi tam ber te lenna hi nuamti kan tam ber zel zawng anih hi…
Keini India ramah hi chuan mi rethei leh mi tawp te handle thei sub-center ah hian kan tlangnel zawk
January 19th, 2011 at 11:55 pm
Tlangval, Pu.funny
, sub-center chu an ti ve lo nangin, an thiltih phung a inang. Hetiang hmunah hian engmi pawh, rethei atanga hausa, Midum atanga Hispanic, Arab atanga israeli thlengin an leng vek asin 
*Society tawp vang mai mai anih chu.
January 20th, 2011 at 2:57 am
pu thanhlira hi mizo union MP a ni a, mizo district aiawh a ni. Heng a thusawi te a mimal ngaihdan ni tel tho mahse party mipui aiawha ding mai pawh a ni lo, mizote aiawh a nih avangin KA han tihtur em chu a ni dawn em ni le. Kum 1948 daih tawh khan mizo union chuan memorandum siamin mizo tih leh mizoram tihte pawh fian takin sawrkaw laipuiah an thehlut daih tawh a, lushai hills leh mizoram tih te, lushai tih leh mizo tih thlak te chu an party policy ber a ni a, chumi kal zel chu an aiawha an dah hian a hunlaiin thlak a lo ni ta a, a mimal thlaktir emaw, thlakchawp emaw a ni thei dawn em ni(
January 20th, 2011 at 3:03 am
ka hritlang
January 20th, 2011 at 3:09 am
Post tha hle mai. Mizoram tih loh chhuah chhan leh a lo chhuah dante hi ka vawikhat hriat ve na ani chauh mai a..! Ka rin aiin a lo la rei lo.
January 20th, 2011 at 3:26 am
A tha viau e.
Engpawhnise, pu hlira hi he thilah hian sulsutu pawimawh tak pakhat a ni.
January 20th, 2011 at 7:01 pm
Mizoram hming hmasa kum 1890 hma a ziaka lang tawh te ka hriat thenkhatte, Kukisthanan, Lushai Country, Official taka 1870 vela a lan dan chuan, “Unexplored tract”, Savage land, Marauder land…khang hun lai Calcultta leh London chanchinbu ah khan, an duh duhin kan ziak mai…!! kan hming pawh, marauder, cruel butcher, savage etc …..