Darkar khat a ral chuan ka mi nghahte pawh an rawn thleng ta! Kan inchibai a, anni kal thang tih takah engkim tihfel ngai an rawn tifel zung zung a, kei chinchang engmah hre lo tan chuan thlamuan thlak tak a ni. Chutia buaipui tur ang ang kan buaipui zawh chuan pawn lamah kan chhuak ta a.
Pawn lamah chuan mihring hi an lo tam khawp a, an vei nuai nuai mai a, kan rama ka la hmuh ngai reng reng loh Choak alo thlawk kual sup sup a, kawngsir tawn tawnah chuan Ashoka thing alo ding tlar thut bawk a. Mahse chung zawng zawng chu mak ti hman emaw, mawi ti hman emaw ka ni lo. Kan chuanna taxi tur zawn a ngai!
Airport chhungah khan taxi ticket kan cut lawk a, taxi stand a a number mil va zawn a, chuan mai tur kha a ni a. Mahse an taxi number min pek chu kan hmu ta tlat lo. Taxi tam tak ding tlar thut zinga kan taxi number zawn ber kher chu awm lo zawn ang vela vang a ni. A tawp a tawpah chuan taxi number kan va thlak tir a, kan tum ram kan pan thei ta.
Kan tum ram ka ti tak na a, ‘An tum ram’ a ni ber ang chu. Ka tan chuan chu khua chu chawlhlawkna chauh a ni. A tukah zinkawng thui tak zawh tur ka la nei si a. Taxi a kan chuan lai chuan Pu Hmuihmula (Pu Muantea hi Pu Hmuihmula kan ti mai thin a, ani mi puitling tih takah a haw lem lo bawk a, ka hmang chhunzawm zel mai ang.) chuan ka zirna chungchangte, kan chhungkaw dinhmun te min zawt a. Thlaphang lo tur leh inthlahrung hauh lo turin min ti bawk a. A chungah pawh ka lawm hle a ni.
Tichuan Kolkata kawtthler tawt takah chuan Mercedez nilovin Ambassdor hlui ve tawh takah chuan kan sawt ve bauh bauh a, motor veivak reng reng chu an hmanhmawh em em vek ni mai hian ka hria a. Horn a ri ruai ruai reng a, kan driver pawh chuan tul hlei lovah a hmet pit ve reng bawk a. A hmel chu ka en chiang a, kan tet laia kan en thin ‘Mithun’ kha ang hle in ka hre rohva.
Tichuan tlai lam fe tawhah kan thlen tumna Salt Lake Mizoram House chu kan thleng ve ta hlawl a. Vai pakhat hian min lo lawm hlut a, Mizo Tawng lah chu a hnehsawh phian! Pu Hmuihmulate chuan engkim an tihfel hnu chuan kan room tur lam kan pan ta a. Dorm vela riah inring khan inchung lamah min chhohpui a, room nuam tak mai, thengthaw tha tak, air conditioned ngat lehnghalah min thlentir ta a nih chu! Khatih laia ka lawmzia kha leimi tawng hian a hrilhfiah seng lo. Ka lawm a ni. An thatna hi Lalpan a let tam taka la thungrulh ka duhsakin beisei pui hle mai.
Kan room chu ka han enkual a, engkim mai chu uluk taka enkawl tih hriat takin a fel thlap mai. Bathroom atang chuan hnaitea Salt Lake Stadium ropui lo ngir khup chu thlir pahin Mizoramin Stadium Puitling kan neih ve hun turte ka suangtuah neuh neuh va. Amri Hospital pawh hla lo teah alo ding ve bawk a. Heng hmun Mizoram ka awm laia a kal tawh ten an sawi thin a taka ka hmu ve ta mai chu vannei ka inti takzet a ni. Tichuan kan indah fel a, kan han insil thlandaih hnu chuan Big Bazaar lam kan va hrut ve zuai a, kan fankual hrep hnu chuan lei tur ka hriat thlawt loh avangin Sahbawn paruk ka lei!
A tuk zingah chuan dar 9 a thlawhna nan hman ngei tumin House chu ka chhuahsan leh ta a. Pu Hmuihmula te pawh ka mangtha hnu chuan Kei valrianga hi kawrvai zingah ka maltlat leh ta.
Airportah chuan tihdan engkim Pu Hmuihmula ten min hrilh tawh avangin leh Lengpuia ka experience atang khan inla ‘confi’ takin ka che vel zat zat a. Min lo thlir rengtu awm se chuan James Bond lemchang emaw tih pawh a awl khawp ang! Mahse, chutia inring tawk taka ka chetvel lai chuan ka chebuai ta. Boarding card ka la zo chuan kal leh zelna tur ka hre ta lo! Ka u Mami, Mapuii Sam Siamnaa thawk kha ka va phone, ani chuan ”Zig-zag ah khan kal rawh” a rawn ti! Ka la buai cheu, zig-zag awm reng reng ka hmu lo! Rei fe ka zawn kual hnuah ka va hmu chu ka thaw huai mai!
Thlamuang taka thlawhna nghaka ka thut dar dar lai chuan ka piah lawkah chuan kan thiannu pakhat Patna lama MBBS zir ve tur tho hi a ni nen an lo thu ve reng mai a. Kan inhmu chu mak kan ti ve hle a. A ni (aunt) chu vai ram lokal fo tawh leh chinchang hre ve tawh tak mai a ni a. Kan thlawhna tur chenin a lo inang a. Mak ka tiin Pathianin min kaihruai tura a ruat a nih dawn hi ka ti rilru a.
Kan thlawhna tur chu darkar 1 zet an delay hnuah a inpeih ve ta. Aurinna hian “seat number chuti zat hmalam zawng chu a hmalam kawngkhara luh tur a ni a, a dang zawng chu a hnung lama luh tur a ni.” an rawn ti talh talh reng a. Heti chung hian vai thenkhat chuhhelh lutuk a hmalama luh lo va tum thawt thawt, a hnung lama an rawn thawnphei leh tak an awm nual tho nia!
Kan thlawhna chu Indigo thlawhna lianpui mai hi a ni a. Ka luh dawn chuan kawngkhar bul hnuai lam chu ka bih hram a, ‘Airbus 360’ tih a lo inziak a. Hetah zet chuan Air Hostess pawh kawr pawl nalh tak ha in, pian nalh tak tak, zei tak tak an lo ni ta! Mi pawh 180 lai kan leng a. Air India thlawhna nen chuan kar a hla kher mai. Ka bula vai pakhat chuan ”China atanga lokal em ni i nih?” a ti sek a. Vawi tam ka chhan hnu pawha min la zawh sek avangin ka ning lutuk chuan ka thlek vang vang a, alo dum kher em bawk a, “Cameroon atangin ami lokal?” ka ti let ve sak a. Kawng tluanin min be leh ta lo!
Tichuan Darkar 2 vel zen zawn kan thlawh hnu chuan Lucknow khawpuiah kan tum ve hlawl a. Patna a kan chawlh tih loh kha chu kawng lakah kan chawl lo. Airport atanga ka chhuak chiah chu tlangval pakhat ngo veng vawng hian min lo hmuak a, ka senior tur alo ni a. Ani nen chuan inlungrual takin Bus-in Kanpur lam panin kan insawh phei ta bauh bauh a.
Similar Posts:
- Bungkawn veng Taxi driver bo ruang chhar
- Taxi / City bus in HORN min pe ve khanglang a…
- Chenna ngai loh ram fan thu. Part I
- Call Girl Part – II
- Pafa inbarakhaih
January 30th, 2011 at 5:05 pm
Part 1 kan chhiar tawh bawk a, han Part 2 chiah i1a… A ngaihnawm 1eh ngawt ang. Chhiar tan ang 1e… :p
January 30th, 2011 at 5:08 pm
A ngaihnawm e..good
A vawikhatna hi chu kan khawr thei khawp mai..hehe
kum 2003 kha Delhi ka kal hmasak ber ania, mahni pawn ka kal ngam lo, thianpa ka in hruai tir, engkim ka tum vek a.. 😉
January 30th, 2011 at 5:15 pm
I rawn ti leh ta nge nge maw? A tha e. A ngaihnawmin a bengvarthlak khawp mai.
‘Cameroon atanga lokal emni i nih?’ tih khi ka (Y) tawp.
January 30th, 2011 at 5:16 pm
Lengpui airport ah boarding pass lak nachang kan hrelo phawta…zan dar 12 vela mahni a vairama bo chu nuam vak lo… Rickshaw.. chuan man a to duh.. Awm tirh chuan.ha ha.
chhiara nuam hle mai.. (Y) (Y)
January 30th, 2011 at 5:18 pm
Part 3 la awm leh dawn em? Airport i enter chiah hi i inla confi theiin ka hria! Part 1 ah lah khan ”Tluang takin Lengpui Airport kan thleng thla ta a, inla confi takin trolley-ah ka bungrua ka han dah a. ” in ti deuh ngei ah!! lol
January 30th, 2011 at 5:22 pm
@lrpa. 2003 khan chuan i la naupangchhia em a, thiante all-expenses paid a in hruai tir pawh a awm alawm….kan hrethiam lutuk che! 🙂 Zaragoza ah ka chuan i inhruai tir tawh em lovang chu maw lolz
January 30th, 2011 at 5:27 pm
A ngaihnawm khawp mai. A thenah ka lo nui a, a thenah ka lo tang bawk a. Chumi avang ringawt pawhin i rawn chhunzawm leh ngei chu a ngai dawn ta a ni.
Hmeichhia ka ni ang a, i bialnu ka ni ang tih ka hlau!
January 30th, 2011 at 5:31 pm
bmw..dawih zep te mai ka nia, :-$ 2003 ah ka naupang chhe lo chiang, tun a i kum zat vel kha ka ni ang chu mawle! 😉
January 30th, 2011 at 5:54 pm
Ziak tha zek zel. .
Thil 1 min ti hre chhuak. English thiam fahrah ve te te hmang a vai, sap tawng thiam miah bik lo ho kan biak thin lai te kha. .hindi ka thiam si lo, anni’n english an thiam bawk si lo! Mizo tawng khan lo be ta zawk law2 ila tha tur, hriatthiam loh tur ro2 ah! 😛
January 30th, 2011 at 7:02 pm
Ziak ngaihnawm thiam khawp mai. Kei hamara desh chhim leh hmar, chhak leh thlang a vak tam ve satliah hi chuan ka sawi ngaihnawm thiam ve hauh lo mai. 😉
January 30th, 2011 at 7:02 pm
A va ngaihnawm zek zel ve. Fb a Fonz a video upload, en tur a ka ‘open’ chhungin vawi 2 ngawt kan chhiar chhuah chu a. Pu Hmuihmula chu chaw ‘show’ tir la, Aizawl-ah. Lawm tur a neih kha… 😀
January 30th, 2011 at 7:20 pm
inzavaiin ka lawm e.
@ bmw, nia, inlak confi ngai tlat lawm. Mi tam tak thil hre lo ve tak tak kara inlak engemaw vel kha nuam ve riau lawm. 🙂
@ Tsa. Ngatinge? :-S Hmeichhia te chuan ka bialnu nih an chak theih tehreng nen! 😛
@ all misual, a ngaihnawm em em hran lo tih ka hre reng, mahse ti leh tura min ngen ve tak liam liam avang khan hmai zah vangin ka han ti ve lehthuai a nia. Min lo chhiarsak tute chungah ka lawm e.
January 30th, 2011 at 7:40 pm
tawngkam chhep thiam riau mai a…i la upat dawn bik loh nen…(ka’n ring teh ngot a)…:D..tluk loh rim i nam hle mai…kei Wardha thleng tur pawn hruai loh chuan ka ngam miah lo a nia…:D..
January 30th, 2011 at 7:45 pm
Fellington, ka lawm e. Nia, ka la upa em em hran lo. Kei kha chu ngam leh ngam loh pawh sawi hman a ni lo. Ka chhungte khan min tirh liam thuai thuai kha an chak nimai in ka hria! 🙂 .
January 30th, 2011 at 7:48 pm
@ Fellington, i nick hian eng eng emaw min hriat chhuah tir ka ti. Aw! Nunhlui! 😛
January 30th, 2011 at 8:04 pm
lol…fugutive..a spelling hmasa pathum hian em ni… 😛
January 30th, 2011 at 8:14 pm
E va ziak ngaihnawm leh ve aw.. Lawmthu sawina lam a ni bawk a a awm zia hle mai a. Air Port a James Bond-a nungchang chu kava hmu chak em… Alo Mr Bean-a riau zawk mai ang a. Ala zia alaawm keini ‘God must be crazy’ chang ni awm ang ai chuan..Ngaihnawm hle mai. 🙂
January 30th, 2011 at 8:31 pm
Fugitive ziak ngainawm hle mai a..Kan zin hmasak ber min ti hre chhuak rum rum mai.Nangni chu thlawhna in inkal zawka,keini Rel vawikhat hmuhna ah kan chuang a.AC tukverh hawn kan tum tlat te leh Emergency Brake Exer lakna maw kan tia Rel kan pawhdin te ka se chuak thar leh..Meitei nula bem kan tum te kha ha2….Zirna lam ah pawh i tluan zel ka beisei e..Kan thianpa chu MBBS zira 1yr atang aba chhovek lol…..
@ Krista nangpui reuh hi ilo che Bean viauni lo maw,i chanchin hriat chakawm hle mai ha2…. 😉
January 30th, 2011 at 8:37 pm
@18 buhchangrum, rel in pawh din chuan eng zat nge an chawi tir che u!lolzzz
January 30th, 2011 at 8:39 pm
ngaihnawm leh phian mai.
Kan zirpui tripura atanga bru rawn kal ve chuan khawiram mi nge i nih an tih chuan Hongkong ti zan zel mawle….hindi in ala dak zawt zawt lehnghala 🙂
January 30th, 2011 at 8:40 pm
@19 min man chuak lo hlauh.2AC ah nia kan awm..kan muhil der a ha2……..Engmah thu inziak kha an tar ve si lo a kan awmna ah khan……W bengal ah lehngal mawle ha2……
January 30th, 2011 at 8:51 pm
😀
January 30th, 2011 at 9:06 pm
rel pawh din chu aw! A va tha em! Ka la nui.
January 30th, 2011 at 9:09 pm
@ Fellington, ni e maw le, a hmasa pathum bawr vel kha. A lo rei ve leh ta.
@ krista, nang hi ilo che Bean viau tak ang a. 😀 . Vawikhatna hi chu, a dan hi a dang riau thin.
January 30th, 2011 at 9:41 pm
@Buhchangrum: A va za tak em…. 😀 🙂 . A za lutuk… 😀 ….. Rail han tih din chuh… :-D… Nangmah ber hi Mr Zo-Bean a chu ni chiang mai.. Kei te chu e a bu ang thlap ni mai Fugutive… Kei Patling Palian tak mai hi confi tawkin che zel mai ni… A chang in pawh din kan tum ve tih mai loh chu Buhchangrum….. 😀
January 30th, 2011 at 9:42 pm
I la zia khawp hi, keia thlawhna vawi khat chuanna nen chuan inang lo tak kan ni, ka la rawn inpuang ve ang e. Pa kawljhrawng tak, bo tum miah lo hi ka ni roh a, mahni hian ka teikual ve nasa, Pathian zarah eng em chu ka la tawk lem lo chu a nih hi.
January 30th, 2011 at 9:52 pm
@ krista, ka awi lo reng reng. Engemaw tak chuan i awm ka ring. 😀 . Buhchangruma chu Bean-a ti tawh mai ang u.
@ pu muantea, nia tiraw, ka vannei hlauh va. Nia, han inpuang ve teh. A tak tak hi chu a nuihzatthlak dan a dang tlat.
@ bmw, part 3 chu a awm hmel loh ve. A tul tak leh Kanpur thlen tawh hnua zawng lianpuiin min um chungchangte pawh kan la sawi mah na. Ka tlanchak teh mai nia.
January 30th, 2011 at 9:58 pm
Ka pu thianpa paw’n rel an chuan hmasak ber tumin, rel a din zawk chhungin a lo hlam chhuak vek a ni awm e!:tak tak:
January 30th, 2011 at 10:01 pm
Fugitive, i nick ang hi i nih loh beisei ila. Tin, pakhat sawi duh ka nei, ‘Salt Lake Stadium a lo ngir khup’ i ti a, salt lake stadium hi pakhat chauh a awmin ka hre si a, pakhat chauh a ngir khup thei lo,’ a lo ding luah’ emaw han ti ta la a fuh zawk ka ring.
January 30th, 2011 at 10:04 pm
Fugitive lah Krisa in va in thurual ve mawle….chet chhiat chang awm nga chet chhiat loh chang awm ang chu ..ka thlawhna chuan hmasakber chanchin rawn sawi ve mai tur nia….kolkata airport ah nula cofee khilai ka tum ve ngawt a duh aiin alo to ropui mai sia…….. 😉
kan thianpa pa pawh a meizial zulai TT in amana.Rs 2k chawi rawh a tia,a hlau tuk a pe ve hmaks.. 😉
January 30th, 2011 at 11:10 pm
Ziak ngaihnawm hle mai. Ragging khap hma la ni se chu ragging chungchang pawh ngaihnawm taka i ziak theih ka ring 😀
Keipawh nikum Lengpui-Bangalore ka chhuk tur, T-shirt, jeans leh chappal nen inthuamin ka kal mai a, Ka thlenthlakna lam tur a mil deuh tiin terminal ah coat ka ha a, tin smart shoe ka bun leh hnuhnawh bawk. Check in fel vek hnu ah Flight an cancelled leh si, inthlak hman tawh silo! In ka thleng leh chu ka kal dawna min thlah tu ho in mak an tih hmel rap… 😛
January 30th, 2011 at 11:17 pm
hahahahaha….. leh pek ah chuan Bihar atang in ami i lokal i ti dawn nia.. (I)
I vannei khawp alom…keini sumo ticket min hum tir tawrh a, mahni in kan liam thla vawng2 mai a sin!! 😀
January 30th, 2011 at 11:19 pm
“Cameroon atangin ami lokal?” (Y)
January 30th, 2011 at 11:33 pm
tikhan chuan ai a seniorte i tawh a piangin Hallo Sir iti ve zai zai tawh dawn ni maw 🙂
January 30th, 2011 at 11:41 pm
awle, pu muante, khatianga thiam loh lai inhrilh beisei khan lawm ka rawn post. Ka lawm lutuk e. Ka nick hi chu Merle Haggard-a hla I’m a lonesome fugitive nalh ka tih vanga phuah mai mai lawm ka nih. 🙂 .
Dr Mahminga chu smart haw viau mai ni maw? :-D. A va za tak em!
Wonderboy chu an va tikhawngaihthlak che ve aw!
@ ol, ka post reng rengah hian OT ka phal vek a nia, in first time te chu han share ula maw le. Tunge Mr Zo Bean-a lo en ila. Haha. Kei chu buhchangruma khi a buk a la rit ber. Haha.
January 30th, 2011 at 11:42 pm
Mi fate hi chu aw…. thu hi in varak tui thiam ang jol a,ka pa fapa ve hi chu inti thiam tur pawh in ka thiam lo hui ha… (Shakespeare-a lolz)
January 30th, 2011 at 11:45 pm
@ drake. Ka ti ngai lo. Ka sual reuh lutuk a, tumah ka wish ve peih lova, min en vung vung zel.
January 30th, 2011 at 11:54 pm
I ziak thiamin a ngaihnawm hle mai. A Comedy scene pawh a tha khawp mai.
January 30th, 2011 at 11:56 pm
@ zephaneth. Ka lawm takzet e.
January 31st, 2011 at 12:07 am
@35 Fugitive nanghi ka RAG dawn che….nang aiin ka senior ania aw…senior te zah lo tlat,chhuat ah tui farkhat ka fartir anga ka hleuh tir dawn che ha2…….. 😉
January 31st, 2011 at 12:14 am
haha. Mr Zo Bean chu! Mizo seniorte chu ka zah tho. Mahse vai ho chu ka wish peih thlawt lo. An mi wish phut lutuk mitmeng nui khisawng vel hi ka ngei tlat. 😉
January 31st, 2011 at 12:18 am
Kungfu i thiam em tih chuan ‘AW’ tihtur nia maw..anih han in show teh tih chuan ‘A tul hun atan chauh kan hmang thin,kan in show mai2 lo’ tih a,engemaw tia kan awm mai2 pahhian an hmuh tur si in posi te hi han lak a,boruak te hi hnek der vekl tur nia,vai kan thian te tu emaw ber hnen ah insual hrat zia thu hi dawt var in sawi ziah bawk tur,min hlau duh tuk ringawt,an thiante an han hrilh kualngei bawka….Sam meh kawn vek hian min hlau lehzual ha2…. 😛
January 31st, 2011 at 12:27 am
haha. Ka ti thin lawm. High school kan kal laia intlansiak vela ka medal dawnte ka keng a, kung fu tournamenta ka dawn a nih hi ka tia. An awi lutuk. Zawhna zawh an peih lutuk hi ka ning thin a. Ka vin hrep zel. Ka lo thinchhe ve angreng sia.
January 31st, 2011 at 12:27 am
Awi! Ka nui lutuk!
‘I’d like to settle down
But they won’t let me,
A fugitive must be a Rolling stone,
Down every road there’s always one more city,
I’m on the run the highway is my home..’
January 31st, 2011 at 12:30 am
kan college ah chuan trick in sawi zawng zawngte,kan pianhmaa lo dr/er tawh ten an sawi ‘pa em em mai tur etcetc’ khan awmzia a neilo vek. min rag nasat zia chu pui tak a ni. Mizo tlangval chuan vai zawr tete pawhin an tawrh theih chu tawrh theih tur tia inngaituahin kan paltlang ve hram hram. vai an dawih tih techu dawt muhlum,junior te lek lek chu fanghmir tlukah pawh min ngai lo.naga pakhat intipa pawh kar thum damdawi inah a awm.mahse thangkhat lian dawn lai a liam ta a, an lo dawih tawh pawh a ni mahna,ka ring chuang lo. tin,ragging extreme a tha lo mahse ragging per se hi chu a tul.mizo junior dr/er ten senior zahna an tlakchham tawh zia te hi……..
January 31st, 2011 at 12:39 am
kotlaman in va khawngaihthlak tih bak chu sawitur vang ve aw……keni a sangtel zingah mizo pakhat awmpawh min rag ngam lo ania….Diktak chuan min RAG loh vang hian Thiante vaiho in an naute an Rag pawh hi ka ngaitheilo,ka hmuh chuan kan junior te ka kal tir zela,an hlim thei lutuk,Min hre tu pawh an tam phah 2yr kannih chhoh khan ..mahse vawikhat chu ka thianpa in,kal tir tawhsuh,kan Rag loh chuan senior te zahna chang an se lo a,kan Rag hian min zah a ahnu ah kan in haw hlen chuang lo an tia dik ka ti khawp mai…..tin rag hmang te hi zirna lam ah a thiam tak2 an ni lo duh viau…
January 31st, 2011 at 12:53 am
hetiang ah deuh hi ka chhiar tawh tlatin ka hriat chu a :-S
January 31st, 2011 at 12:58 am
Buhchangrum oh Mr Bean kala nui reng a nia. Rag hi a tul ve chuan ka hria mah se engkim hi a tawk chiahin kan tih a tul ang chiah hian a tawk chiah erawh hriat a tha. Class I ka zirlai atangin min rag a. High Sikul ka kal laiin min rag leh a tha ka ti asin aw. Rag paltlang theilo te hi chu an ropui lo viau zel… Tin Hostel ah khan rag paltlang lo palh kum laklawh a lo lut te kha kan buaipui ziah bawk.
Mizoramah chuan PUC Hostel ah leh Selesih Vety College ah khian an la tive thin in ka hria. A uchuak lo a tha ka ti. Han inhmuh khawmte hian PUC Hostel a awm hi chu an dang lam bik zia hi ka hmu thin a lawm… Thuawih leh in ngaihtlawm leh thil dang tam tak a keng tel a ni….Tha em! 🙂
January 31st, 2011 at 12:58 am
kei chu rag vel hi inzah phahna pawh ka ti lo. INHLAUHNA mai mai a ni. Kan chunga an fel a an that na na na chuan kan zah tho tho. Eg. Kan senior thenkhat wish phut em em, kan kawng kal mai mai pawh min ko peng a, eng eng emaw min tih tir chhen ai chuan ka laka fel ho tam tak hi ka zah daih zawk. Respect hi a phuta phut chhuah chi a ni lo. An awmdanin a zir chuan kan zah em em. Hetah chuan a phutin an phut a. Kei chu min rag se chuan ZAH lam aiin HATE lamah a kal a ni mai.
January 31st, 2011 at 1:03 am
@ 47, ilo chhiar tawh chuan khawia mi nge han zawng chhuak hram teh aw. A va mak awm ve aw! Hei chu keima tawn ngei, a tak tak, keima ziah ngei a ni. Proof duh chuan he thua lo lang ho khi witness atan an tha khawp ang. Nge ni, ka life experience ang diak diaka lo tawng ve an awm zawk?