Tunlai kan khawvel changkanna-in a ken tel zingah, kan Zonun ze mawi hliah bo turin kan inhriat mang loh hian a lo tel thin a, ngaimawh zual tlem I han tarlang teh ang.
1. Thlawhna chhungah : Thlawhna hi tum hnu, a din veleh hian Vaiho hi an ding thup a, hmanhmawh em em hian an bungrua an la a, mi pal bawrh bawrhin chhuah hmasak an in chuh luai luai thin. Connecting flight neih chuan a zia tak pawh a la awm deuh, mahse Lengpui thlen tawh hnuah khawiah mah kan kal dawn tawh lo tih a chian hnuah pawh midang ngaichang lo lek a pal bawrh bawrh ching kan va tam ta em !
Luggage nghakin rei tak kan ding leh tho si a….Hei hi chin tam loh a tha hle mai. Mahni turn nghak ta vek zel ila, duh leh hnamdangte chuan lo ching mai mai se la…..Keini hi chuan I ching ve lo hram ang u.
2. Motor Khalhnaah : Hmanni chu Shopping Mall-ah parking ticket pek laklawh laiin ka hnung a mi hian horn a rawn pe tuarh mai a, rear mirror atanga kan en chuan nu-valai tak hi a lo ni a……!!! Ka hma a mi chuan a pek zawh chuan horn a hmet tuarh tuarh a, a kal liam a…….Ka ngaihtuah zui mai mai a, horn an pek avang khan engmah sawtna a awm miah si lova, hmet lo khan an awm theih tho si a ka ti rilru mai mai a.
Tumkhat pawh crossingah red light kan nghak thap a, hnung deuh takah hian pakhat hian horn hi a hmet vak vak mai a, ka rilru chuan I hmeh vang chuan I kal hma phah awm lek si lova ka ti rilru a. January thla khan Aizawlah Vaivakawnah Traffic Police signal ka nghah lai hian rawn pawt vak vak a awm bawk a, heng ho hian blood pressure an tisang duh, a polite loh thlak ka ti.
Zanah hian light hmang a signal pek theih reng si hian horn hmeh vak vak hi vaiho bawk hian an uar a; low-beam hman turah high-beam hmang tlat hi an awm thin bawk. Mizote zingah pawh 2-wheeler thlengin mit kap tawk chiah a light chhun ching an tam mai, khaw chhungah chuan low beam I hmang vek teh ang u.
3. Ei leh inah : Vaiho hi chuhhelh ta reng reng hi an ni a, hmeichhia dawh hmasak tir nachang hre lo nge duh lo pawh hriat loh, chaweikhawmna hmunah hian a chuhhelhah an tang ziah; Officer lian tak tak leh politician lian tak tak zingah pawh a dang chuang lo ! A bikin thangthar zingah chuhhelh deuh, mit tikham hmuh tur an awm ta nual mai. Phai hostela seilian zingah in zirtir thar leh ila a duhawm ngawt mai.
A dang han thawh ve teh u.
Similar Posts:
- Fimkhur a lo va ngai em – tlemah tlemah
- TawiNawi-IV
- Zawhte mittui a tla zawih zawih
- HIV – Engtinnge Kan Tih Ang?
- Nick-a
(Y) 
March 2nd, 2011 at 7:19 pm
ni maw..
March 2nd, 2011 at 7:31 pm
A lo nih dawn chu.Thlawhna chuan sawi tak ah chuan kei chu ka la chuan ve lo ka bet tawh 😀
Helamah chuan zanah reng reng hian low beam bak hman phal loh.
ham deuh a ka thianpa car ve chu maw ritheilo hi a awm lo a horn chiah a ri thei lo. (Y)
Coneting flight sawi takah chuan Lengpui thlen hnua a conecting to Aizawl man hman loh a hlauhawm ve tlat 🙂 🙂 🙂 🙂 🙂 (Y)
March 2nd, 2011 at 7:39 pm
vai ho thil chin deuh bawk chu Queue siam hian tha te te a intlar ve ta mai lo hian a sir zawng hian an rawn intlar a, counter bulah khan an inhnawhtawt thup zel. Inhnialna pawh a chhuak fo reng bawk hei vang hian. Ching ve lo ang u!!
March 2nd, 2011 at 7:44 pm
chuan car nalh deuha chuang a, car tukverh atanga kuhva eina rawn chhak chhuah tuar hi i ching lo ang u! thli a thawt phei chuan ke a kal te leh i hnunga car tlan te huat i hlawh ang
March 2nd, 2011 at 7:47 pm
Nia, hawihhawmna hi kan tlachham ta ngawt mai. “Vaiho,vaiho” kan ti a, an ek them mai pawh ni tawh lo hian an rim thlengin kan nam ta takzet a nih awm hi maw.
March 2nd, 2011 at 7:53 pm
Vai kan ngah bawk a, he post-ah vai hnawtchhuak ang aw..!
March 2nd, 2011 at 7:54 pm
Horn in hmeh khum hi chu a ngei awm duh khawp mai. A intham loh thlak in ka hria.
March 2nd, 2011 at 7:55 pm
Manner hrelo lutuk ho hi chu atlangpui in thalai lam leh hmeichhe lam an ni duh tlangpui.
March 2nd, 2011 at 7:56 pm
@Sangpuiipa hmeichhe lam hian manner kan hre zawk viau emaw ka lo tia (H)
March 2nd, 2011 at 7:58 pm
Ti daih ila, Aizawl vaiho hi an lo va’n hmelchhe hlawm em em. Khawlaia hnapkhir kheuh ngawng ngawng an la zak miah lo zui.
March 2nd, 2011 at 8:00 pm
Signal chungchang thu ah tlemlai deuh khan kan u nupui raipuar step a a tluk avangin rang takin civil hospital panpui in kan tlan a. Emergency signal kan ti eng chung pawhin motor thenkhat, a tam zawk mahin min side nachang an hre lo. Horn pek hnu ah zel min side. Thenkhat phei chuan thinrim takin min la rawn au zui.
March 2nd, 2011 at 8:07 pm
Mi kan hmanhmawh dan a inang lova, kawng inken that duh loh tlat hi a ngeiawm duh khawp bawk mai.
March 2nd, 2011 at 8:08 pm
@aduhi, hmeichhe polite tak tak an awm laiin tlema naupang, mipa ah pawh an ni tho, inti nei fe fe ho hi an polite lo. Nang phei chu i polite in i fel em em ka ring(in bawlna nilovin). A chhan chu misual.comerz ho hi kan fel thawkhat viau zelin ka hria.
March 2nd, 2011 at 8:19 pm
A tha ka va ti tehlul em, he post hi! Nia, tha te te-a intlar a, dawhthei taka innghah hi a mawi a, hnam changkang zia a ni. Chuhhelh nun hi kan bansan a hun ta!… Hnam mawl zia… Vai zia!!! (N)
Ka thawh ve duh chu : Aia upate zahna kan tlachham ta lutuk hi. Kan zah tak2 lo a ni thei e, a der talin zahna kan lantir tur a ni.
March 2nd, 2011 at 8:21 pm
In side that duhloh sawi tak ah chuan thingtlang a awm kan nih avangin ka nau school kal tur hruaiin kan district capital panin bike in zingkar ah kan kal a. Class kal hman tura in ruahman in kan kal a. Hmanhmawh nak alaiin thingtlang bus pakhatin min side tha duhlo in ka tlanpelh tumna lam apiangah min nektluk tum ang ziazang a min han nek vel chu thinrim thlak tak ani. An dinna hmasa ber ah driver ka pawtthla a, kan chhir deuh nawk nawk a. Cheng zanga in ngaihdam min dil a, kan tum ber school lamah chuan kan kal hman talo thung.
March 2nd, 2011 at 8:25 pm
Vaiho chin thin a dang…hostela awm thin tih takah chaw eikham hian an han irh ul ul a,chutah basin-a kutsil pahin “khhhhhaaaakkkk thui” an han ti zui thin hi chu, hostel chaw tuiloh nak laiin chawei chu a tawp duh khawp mai..
March 2nd, 2011 at 8:30 pm
kan tluk lohna kan sawi ve thung deih teh ang.. Kan khua (Lucknow) ah hi chuan lirthei in tai palh ah te hian a hahdam bik. Tum khat pawh ka hmaa honda civic tlan lai chu a bumper ka su khuar duk palh pek a, tha takin kan inthen leh mai. Pawisa a la duh tlat lo lehnghal.
Mizoram chu nise ‘kung fu’ thiam tak tak (kan MLA te thlengin) an tam leh awm sia.. 🙂
March 2nd, 2011 at 8:33 pm
Post ava chhuak hma ve !!!
Police car leh ambulance siren pe side duh loh chu helamah chuan Rs.3000 chawina. Tin, tawngpawng hmanhmawh hi accident thlen tu a nih theih rualin hmanhmawh nachang hre miah lo driver hian traffic jam an belh chhah bawkin ka hria. Aizawlah No Honking Day an hmang thin hi a tha ka ti khawp mai.
March 2nd, 2011 at 8:39 pm
good post (*)
March 2nd, 2011 at 8:51 pm
Kan hma a mite Side kan dil a min side ngei a; an speed down chuang lova an tlan ve zel hian a zim laiah chiah kan in pel duh khawp mai; kan hnung amite kan in leh pelh tir dawn hian fimkhur fo hi atha ani.
March 2nd, 2011 at 9:07 pm
Red light an jump thin mawlh hi a huatthlala thei khawp mai….School naupang phur tun chung te hian an han jump lui talh a…….Naupang thil zir mek khan a tur ve reng emaw an lo tih phah phei chuan tha lo tak a ni.
March 2nd, 2011 at 9:09 pm
Horn kan hmanna leh a ri hi a chang chuan a inmil lo thin a. A khalhtu rilrua damdiaia ‘Ekhai.. thiante u, khawngaihtakin ka lo tlan pel thei che u ang em’ tiin horn an pe a, horn ri kha alo vin leh thin alawm maw le!!!!
March 2nd, 2011 at 9:48 pm
Lirthei hmang ṭhin te’n Lane divider pawh hi ngaihpawimawh atan a ṭha khawp mai.
March 2nd, 2011 at 9:54 pm
Mi fel tak tak karah hian tlem a zawng mi mawl deuh hi an awm thin a, heng ho hian kan hmai a tibal mai mai thin alawm. A nawlpui chuan kan la fel viau e.
March 2nd, 2011 at 10:13 pm
traffic bengchhen [honking] lamah chuan Aizawl tluk hi a awm ka hre lo. mahse chhan tam tak a awm ve ang, tlan chak ve theih hek loh le kawng kan nei ṭha si lova!!
Nimin khan fee pe turin ka inline a[bank-ah a nia, pakhat tan hian minute 2 vel a ngai], ka hmaah mi 10 vel chauh an awma, mahse darkar khat meuh nghah a ngai pek a nih kha. Chin ve loh tur chu, mi pakhatin midang tam tak ta kensak hi a tih chi loh khawp mai!!!
March 2nd, 2011 at 10:37 pm
Lengpuia thlawhna atanga vaiho chhuk hmasak an inchuh luai luaina chhan ka chhut chhuah tak te:-
1. Thlaa lawn ang deuhvah an inngai ang a, a leilung rap hmasa ber nih an chak a niang..
2. Vai tawngin ‘a chhuk hnu hnung hnung phungin seh’ an ti ang a, in hrethiam ve lo mai mai a ni ang..
March 2nd, 2011 at 10:45 pm
Va tha ve he Post chu, Lirthei chungchang khi a dik tawp. Zan ah eng hniam hman tur, a pip pip pawh hmeh rik loh tur. Mawl vanga ti thin an awm rualin chapo vanga ti tawk pawh an awm tho.
Vai ho mizia hi..Vai mizia a ka ngei em em chu rilru chhe tak pu chunga an Pu te an tlawn hnehsawh em em mai hi a ni. Ka chek in a mil hlawllo.
2003 a kan training khan hostel parda chhia an paih tawh kha ka sufai a, ka room pawp deuh lai zar nan ka hmang a, chu pawh chu a thawmhnaw nilo a room ah a hmang.. tiin Director hnen ah min hek duh zu nia!! 🙁
March 2nd, 2011 at 11:16 pm
I thil sawi ho hi ka pawm zawk tak vek lah ka lo vei va thin em em te an ni vek mai,kan vei zawng a inang hle mai.Very good post (Y)
March 2nd, 2011 at 11:18 pm
I thil sawi ho hi ka pawm zawk tak vek leh ka lo vei va thin em em te an ni vek mai,kan vei zawng a inang hle mai.Very good post (Y)
March 2nd, 2011 at 11:25 pm
A post hrim hrim hi (Y) .
Kalo ngaihtuah mai mai thin pakhat : Thlawhna a zin tuma, kan tum ram kan thlen hnua a thlawhna kan chhuah san chiah hian — Vai ho hi chu an chhuak smart zaih mai a, keini ho ve hi chu kan chhuak phuai luai zel thin mai hian ka hria !! Eng vang nge ni ang le ?? :-S
March 2nd, 2011 at 11:42 pm
Lift-a luh leh chhuah pawhin hmeichhia hi an kian hmasa hram hram thin a nia, mite chuan.
March 2nd, 2011 at 11:46 pm
Post tu pa post tha khop mai. .lirthei khalh chungchang ah hian Aizawl ah hian polite lo tak tak an la tam khawp mai. .thenkhat hi chu chapo vang ania .thenkhat hi chu mawl vang, a kal kawng dik tak in driving licence te hi pe chhuak sela chu kan ziaawm tlang ang mawle. signal light pawh hmang dik thiamlo an tam emai. Headlight eng ltk hi a huatthlala khawp mai .chapo na chikhat ah ka ngai .mi dang tan a hnawk khawp mai , a pangai hmang a hmufiah pha lo chu motor khalh tlak in a mit a tha tawk lo tih na. Tin,rider thenkhat, an khalh loh lai pawh a helmet khum reng peih ho hi an nuihzat thlak. Pocket a chabi ak tha ta mai lo a ,kawnghren ah emaw ni an han khai lang deuh kher a . .heng tih ching ho hi an polite lo deuh em aw ka ti .
March 2nd, 2011 at 11:59 pm
Thlawhna atanga kan chhuk chiah hmasak loh hlau a vai ho an han tlan dul dul mai chu hmuhnawm ve tak a ni 😛
Khita comment ve pakhat khian min su thawi thuak tawh 😀 😉
March 3rd, 2011 at 12:12 am
keichu rider helmet khum reng nuizat hi afuh ber em aw ka ti ve mai mai..an khum reng dan a zirin ka ti..helmet hi bo duh tak mai a ni a.ke a han pen zawk duh hian han khum tlang mai hi a lo awlsam duh phian sin.chubakah hair style te hi siam ve zel ngai thin a.rei lo te chhung han khum mai kha chu awlsam tak a ni ka ti.A nazawnga khum chu thu hran ni ta se
March 3rd, 2011 at 12:55 am
1.Thlawhna cc khi ka nui kiah kiah fo mai 🙂
2. High beam khawchhunga chhit loh chungchang i sawi khi tha ka ti lutuk. Ka thiannu Makuri (Rebecca Saimawii) pawh khitiang vang khian a lo thi tep tawh a ni.
3. Kawngpui lane hran awm chuanglo emaw awmah pawh, rem leh rem lova in lehpelh tum phet hi sim chi tak niin ka hria. Hei hian traffic manners kan hriat loh zia a tilang a, kan mawl zia a tilang chiang hle bawk awm e. Kawngpuiah hian motor kal apiang ten kal tumna nei an ni theuh. Kawngpui leh motor speed a zirin kan kaltumna kha pan hma mai a felfai thlak thin.
Traffic thil thu a tih din te hi traffic rules zir that tir tura thawn leh zel ni thin se ka ti ngawt mai. License nei, traffic rules and regulations etc hrelo tam zawk kan ni hi a pawi khawp. Traffic rules leh manners hre hlawm ilang chuan kan kawng a zim chung pawh hian a jam nep deuh ngeiin ka ring.
March 3rd, 2011 at 1:22 am
I rawn sawi tha khawp mai, Etiquette hi in zirtir zel kan ngai. Motor Horn hmeh chungchang phei khi chu ka veina hi a rei tawh khawp maia, midang ho hian an kham ve lo thin amawnle ka ti hial zawk thin.
Vai ramah pawh motor horn ri zawng zawng ah 70% vel hi chu tulloa ri niin ka hria.
Tui in chungchang bawk kha: No in hmantawm chi chu hmui silo in vai ho chuan an in tlangpuia, amaherawh chu no tlang (rim) vel kut bala an khawih leh tho hi awmzialo ka ti. Eg. Cup(no te) a tui in tur Mug (no pui) ami thlit chhuah ngai se, “Mug kha minlo pass lok teh” tih hian a benga vuan loin a tlanga hnuh hruam2 hi an ching khawp mai.
Nula ten inleng te thingpui pek in Tray a awmloh chuan a beng lam in pek ai chuan No benga vuanin pek hi a mawi zawk a ni.
March 3rd, 2011 at 1:23 am
Vai rilru phakar, chuh helh, vantlang hmuh lai a hmeichhe care der, a fal a rul tur nei chukna mi ang hlauh, englai pawh a Pawisa a tihlungawi theih, hotute tlawn lama sang tak si mizia hi ka haw ngawih ngawih. Vai zawng zawng chu an nilo mai thei, khawvel a vai 85% vel hi chu an nih tho ka ring.
Eng nilo mah ila Mizo a ka lo piang hi ka lawm thar leh thin. Mizo diktak, saphun chawp mai nilo rilru hi chu a la chhelo in ka hria.
March 3rd, 2011 at 1:55 am
Truck driver, zana light down duh miahlo ho hi an ngeiawm zual, an light hi a engin a san zawng hi motor te ho chhun tawk chiah ani bawksia. Anni ho hi an thutna a sangin LMV light ho hian a chhun khalh nasa lutuk lo emawni dawnni, polite-lo tehi an tam bikin ka hria, light chungchangah chuan. 😀
March 3rd, 2011 at 2:01 am
Saitawk #37 Zohnahthlak inkarah lo Saphun a theih hleihnem, phuahchawp anih ngawt loh chuan. Entirnan: Paite fapa Sailova thlahte khan Luseia Saphun annih avangin Sailo te chu Paite ni tawh lovin Lusei an ni tawh. Chowdhuri emaw, Das emaw khan Ralteah (Mizo ah) Saphun a theih ve loh. (Y)
March 3rd, 2011 at 2:32 am
ekhai…comment tur reng ka hre lo e..
March 3rd, 2011 at 2:40 am
Mawi kalo tih ve thin chu, zin kawngah motor a hma a tlan in side a han pe a, motor hnung zawk amiin a tlan pelh hnuah ‘ka lawm e’ tih nan vawikhat horn an han hmet ri a, a side petu in ‘keipawh le’ ti ni awm hrimin vawikhat bawk an hmeh rik thin hi a mawi kalo ti thin. Mahse, hun a rei a,hetiang a ti thin hi an tlem tawlh tawlhin ka hria. Khawpui, mipui tamna lai ani lo bawk a, heng ang hi chu chin zawmah mawi/tha ka ti riau.
March 3rd, 2011 at 2:50 am
#41 hi kan uar thei khawp mai, thingtlang lam tlan thang kan lo ni bawk nen. Traffic manners tha tak niin ka hria. (Y)
Ka ngaimawh veleh thung erawh chu, inken nana signal light kan hmang tlat mai hi a ni. Signal light hi kan kalna tur lam midangin an hriat nana dah a ni tlat, kan hmang sual hle niin ka hria.
March 3rd, 2011 at 3:05 am
>>khaw chhungah chuan low beam I hmang vek teh ang u.
Lushai, he thil hi…ka tleirawl laia motor khalh min zirtirtu, U thanpuia ( i thianpa pate dinga U ) khan min hrilh ve ngei 🙂
March 3rd, 2011 at 7:26 am
#42 : “Ka ngaimawh veleh thung erawh chu, inken nana signal light kan hmang tlat mai hi a ni. Signal light hi kan kalna tur lam midangin an hriat nana dah a ni tlat, kan hmang sual hle niin ka hria.”
Hei hi ka ngaimawhna a rei tawh khawp mai. Kawng sir vei lamah an dinga, ding lam signal an ti de zuk zuk a…Traffic Police-te hian an ngaimawh mang der lo. Mi pangngai viau tura ka ngaih pawh hian an ti leh tlat ṭhin.
Distress Signal kan hmanna hi chu a ṭha phian mai.
March 3rd, 2011 at 9:19 am
Uaiizzz chu I uang ani turah ka ngai. Vai ho tluk a thlawhna atang a awmze awm lo a hmanhmawh ching leh chhuak buai aw awm lo. Mizo te chu kan zia fee zawkin. Ka hmuh ve dan chuan.
March 3rd, 2011 at 1:24 pm
he post chu ka ril rem zawng tak a nih avangin ka comment ve reng reng dawn! (Y) (Y) (Y)
Vai ho = chuhhelh
Aizawl traffic: Signal Light hman dik loh pawizia ka experience ve: Kawng sir vei lamah ka ding a, kawng laia ka lut leh tur chuan signal light ka pe a, ka hnunga mi chuan ka kian emaw tiin min rawn su thawi thuak ringawt! Silchar Driver ho tih dan kan copy ve ringawt em ni dawn le? 🙁
March 3rd, 2011 at 3:17 pm
#42 & #44 : Vai Truck driver te hian kan pass tir dawn che tihna ang deuh hian an dinglam signal light hi an on thin a, Mizo driverte’n kan entawn chhawng ve leh nghal a……..hei hi a dik lo hulhual ani ! Multi-lane ah chuan dinglam lane-ah ka kal dawn e, min lo ngaichang lawk the u tihna ang deuh a ni a. Hei hi engtiklaia kan chin tan nge ka hre lo, min pass tir dawn anih paw’n an veilam kha blink tir ta se…..kan hrethiam awm tho si a!!!! Zawi muangin kan hmang chho turah i ngai ang u. Distress Signal hi helamah chuan a foggy deuh chuan kan hmang sup sup mai thung, a pawina vak ka hre lo!
March 3rd, 2011 at 3:19 pm
#41, Zin kawngah hi chuan horn pek tam hi a pawi lo zawkin ka hria. Kawngkawi atam si a, thingtlang-ah phei chuan kawngpui-ah naupang infiam an tam thei a, fimkhur a tha. Tin, I sawi ang hian motor pass kan pe a, ka lawm e tih nan horn an han pe zauh hi chu chhan loh hi a mawi lo zawk mahin ka hria. Chhunzawm zel chi a niin ka lo hre ve ngawt a.
Tin, ruang phur motor hi zah entirnan lo side hi a mawi khawp mai. Inzui an tam tum phei chuan lo side mai hi a him zawk leh nghal. Tunhma deuh phei kha chuan ke a kal te pawh khan an kutphah dinglam hi awm zawn velah an lo phar thin(tuarpui/zah entirna ?) nghe nghe a sin; tunlai hian ka tel khat ta deuh va, an la ching zawm em ka hre lo ?
March 3rd, 2011 at 3:23 pm
#43,@bmw : Vai-ho hi zanah hian driving hi an inzirtir ve lo a ni mai thei. A then te phei hi chuan low/high beam switch hi an hriat hlawm mang pawh ka ring lo (?) Mahni khalh than loh(vehicle) phei chu light switch/signal switch/wiper switch te hi hai a awl viau leh nghal….!!
March 3rd, 2011 at 4:53 pm
Vai mawlzia chu!! han ti hluai ila. Kan thiannu MVT a mi te pawh an chhungin an zin a, Silcharah vai trafic/police in an lo check a, an driver khan driving license emaw tiin Ulhbun license a lo keng pek a, an hre chuang miah lo.!!
Vai mawl laklawh tawh chu, Master Degree holder meuh pawhin Mizoram awmna te hi zu han hre lo a!
March 3rd, 2011 at 4:59 pm
Traffic tibuai/muang vek khawp a motor khalh chaklo hmalama an awm hi chuan lane lehlam atangin han tlanpel ila, Korean emaw, Asian Indian emaw an ni tlangpui. Sap ho lah hi mit zim tawh hi chu inang put hian an hmu mai a (Mizo leh Filipino tih loh chu)… “Chinese ho leh Indian ho motor khalh thiam loh zia chu…” an ti ve sek ania hairehai
March 3rd, 2011 at 5:12 pm
Pu HV, sap motor khal thiam inti te hian, Dengsur, Darlung, kawngah Mahindra reconditioned jeep in buhfai quintal 5 vel han phur ve se, an thiam ngut a nge maw chu?
March 3rd, 2011 at 5:24 pm
sillyBoy, Himalayan rally tih ve, offroad thil chi hrang2 ah hian ean ngam huai khawp asin.
Kawngchhia a khalh te chu nuam an tih nak laia, kawngchhia a tlan tur ringawtin vacation an la a, an zin nal nal peih asin
Hetiang hian kan ti thei ve zawk ang em?
https://www.youtube.com/watch?v=aPicxdD11sM
https://www.youtube.com/watch?v=6dFyPxvljnM
March 3rd, 2011 at 8:17 pm
Thlawhna board dawn a, rei tak tak dinga intlar put te hi kei chu ka peih miah lo. Security check a awm sa, seat number pek sa chu min thlawh san dawn lo reng reng. A hmanhmawh zual ho hi intlar put sela, a tawp berah muangmarin tumah ti tlai si lovin mahni thuthmun atanga tho in board tur a chhuah mai hi a zia khawp mai.
…khrum
March 4th, 2011 at 3:05 pm
India ramah “give to the right” dan kan hman avangin traffic rules paw’n a sawi kher loh hmunah, mahni common sense hman a ngaih hunah hei hi hre theuh thei ila a lawmawm ngawt ang :-
Junction emaw hmunah dinglam a mite hmun kian hmasa ila, mahni dinglam an kian felah chiah che chhuak zel thei ila.
Motor-lian rit phur nasa bik te hi a hmun leh hun a zirin dinglamah kher pelh a rem lohna a awm chuan veilam pawh ken mai tur ! A bikin fur lai leh kawng kual nasa bikah te motor lian tan kawngthlang lam a hlauhawm hunah te veilam ken nachang hria ila…
Kawng chho-ah speed laklawh lai a awm thin a, (motor 1st gear a an full throttle-a tlan lai ti kher teh ang) motor te zawkin lo nawr chhen thin lovang u. Kawng chhoah hian chho zawnga rawn tlan te hi hmun kan lo kian thin tur a ni (Give way to uphill traffic) bawk.