Kan veng Pa ( Hming thup) chu a tlangval lai chuan hmel pawh chhe vak lo, in khelh thiam vak lo mahse a chak em a vanga tum pui te tan a huphurh awm a ni thin. Chhungkaw khawsak ngaihtuah in Aizawl-ah taxi khalh turin a chhuk ve a, eng emaw chen chu chhungkua pawh phur rit zual pui chhawk nan tiin pawisa pawh a thawn thin.
Hun eng emaw chen chu tluang takin taxi chu a khalh thin a, chuan Aizawl nula ( Nuthlawi a ni zawk mah) la naupang te nen in ngaizawngin an in zui thin a, Thla thum vel an in zui hnuah in nei in an khawsa dun ta a.
Mahse maw……..
Chu nuthlawi chu Fa nei thei tawh lo, AIDS vei a lo ni a, an in neih hnu thla 6 vel ah a hmangaih leh a mah hmangaihtu a nupui chuan a boral san leh ta mai si. An nu boral hnu chuan a mah pawh chu AIDS vei, thih mai hmabak a lo ni ve ta reng mai. A nupui thih hnu phei chuan a rilru a na in thih pawh a hlau tawh lo ni ber in ka hre thin.
Tumkhat chu natna hote in tlakbuak in a chau viau mai a, Damdawi In an pan pui a, a mah chuan AIDS vei a ni tih a in hriat a vangin enkawlna leh treatment tha pek pawh a duh lo a, AIDS vei a ni tih a chhungte an hrilh ngam bawk si lo, ” Ka pa min enkawl duh suh u, ka thi tho tho dawn” a tih lai vela a hmel awm dan te chu ka mitthla ah a la cham reng. Rei pawh dam lo in a ni pawh chuan min peih loh san ta reng a.
He thu ka hriat chhuah chang a piangin ka thinlungah zawhna tam tak a lo lut thin . Engvangin nge Pathian hian AIDS nat-na hi a lo siam chhuah le? Engvangin nge tihdam theih loh khawp hial a ngaih he natna hian Zoram hi a rawn nuai ve le?.. Pathian duh loh zawng nawmchenna hmang thintu te suatna a ni thei a ngem le? te ka ti thin. Chuvangin fimkhur tluk tu a awm lo, mitin te kan hun hman danah leh kawppui thlan kawngah te i fimkhur tlang theuh ang u. khawsak a san pauh leh population check-tu hi a sang ve mai dawn a nih hi…..
Similar Posts:
- Nuthlawi nge Hmeithai?
- Bungkawn veng Taxi driver bo ruang chhar
- Isaac Mizo Idol A Boral (An-ka-nem-a)
- Taxi Driver Kulikawn-ah Hliam tuara chhar a Boral
- Thawnthu ngaihnawm ka tih pakhat!
March 2nd, 2011 at 9:07 pm
a paw1 a ni
Report this comment
March 2nd, 2011 at 9:15 pm
Kei pawh ka driver hriatte nupa chu Aids vangin an boral ve ve tawh a. An fate an khawngaihthlak khawp mai.
Aids hi treatment lak that chuan mipangngai dam chen a dam theih tih hi hre nawn leh theuh ila. Malaria kan vei a, treatment kan la ang deuh hian ngai thei ila a duhawm khawp mai.
Duh reng vanga vei hi tumah an awm ka ring lo, chuvangin Aids vei pawh hi thinhrik lo ila, khawtlang leh kohhranah thleng hian in thinhrikna hi bo thei se a duhawm hle mai.
Report this comment
March 2nd, 2011 at 9:19 pm
Nun uluk leh hoh lutuk a vang hian Mizo tam tak hian AIDS an kai phah thin , a pawi teh thrin a nih hi.Pathian hneih nan erawh chance a’n la nei tha.Post tu pa, i rawnsawi pa chu a khawngaihthlakawm hle mai a.
Report this comment
March 2nd, 2011 at 9:24 pm
Mizoramah HIV a darh nasat tawh zia hi hre hlawm ila chuan kan hlau deuh ang mawle.Kai tawh chuan..no turning back a ni tawh bawk sia,buaithlak a nih hi.
Report this comment
March 2nd, 2011 at 9:39 pm
Rei lo tè nawmna um vang a, khawsik ser2 changa HIV test nei ngam loa awm ai chuan, blue film ena mahni inhrikthlak pawh kan thlan ngam a hun ta!
AIDS vei ho hi eng emaw chen chu an la nalhin an la itawm tuk thei si a, a sihhnim, a nalh leh ìtawm nazawng uma phet mai2 ngam a ni ta lo. Fimkhur ang u aw!!!
Report this comment
March 2nd, 2011 at 9:41 pm
Ni, fimkhur a va tul tak em. Kan Kristianna hian, khawi hmunah pawh awm ila, kan nun hi thunun zel se a tha khawp mai. Thisen test lo tam tak zingah hian mi engzat tak in nge an nupui/pasal/fanau te ah AIDS hi semdarh tak ang maw…?? Ngaihtuah chian hian a rapawm hial…
Report this comment
March 2nd, 2011 at 9:43 pm
Tunlaiin AIDS vei ho an thi tawh ngai mang hlei nem. Tihdam theih ni chiah lo mah se blood count a la tlem lutuk loh chuan rei ve ve AIDS vei an dam tak hi. Tin, HIV kai leh kai loh hi test fo a tha. HIV positive vang ringawta AIDS damlohna tlakbuak ani ngawt hek lo. India ram tluka AIDS treatment tlawmna khawvel ah a awm lo, tih theih ani. Mizoram car man to, mobile phone chhuak thar,concrete in chhawng sang, Korean fashion lenna ah chuan AIDS treatment (anti-retroviral) man tur a awm lo thei lo. Ngaih pawimawh leh ngaih pawimawh loh a thu ani mai. Sorkar sum a awm lo anih pawn foreign atangin tanpui theitu an tam mai.
PS: Lushai_er hi mi(sual) zinga fiamthu thiam ber ani a, mahse tun tum a post hi chu a serious phian.
Report this comment
March 2nd, 2011 at 9:46 pm
Tunah cuan tupawn kn hre vek toh a, AIDS inkaichhawn theih dan. He ti chunga la fimkhur lo te chu tihngaihna vak a om toh lo a ni..
Report this comment
March 2nd, 2011 at 9:46 pm
Vanduai vang hrim hrima kai hote hi an khawngaihthlak khawp mai. A chanchin i sawi pawh khi he huangah hian ka dah, ka lainat takzet.
Report this comment
March 2nd, 2011 at 10:04 pm
Sony Says:
PS: Lushai_er hi mi(sual) zinga fiamthu thiam ber ani a, mahse tun tum a post hi chu a serious phian.
he post hi Lushai_er post a ni lo a, comment erawh vawi 1 a submit. Hriat sual palh a ni zawk em? Nge, comment no. 2naa a comment i sawi na?
Report this comment
March 2nd, 2011 at 10:44 pm
Tihsual. Lushai_er chuan “Changkanna leh kan Zonun” tih zawk ani a post. Ka ngaihfin zauh ani. Apologies
Report this comment
March 2nd, 2011 at 10:49 pm
Pian tirh atanga thihna hrik vei mihring nih hi a van hahthlak em! Duh vanga lo piang pawh kan la ni lo zui!
Report this comment
March 2nd, 2011 at 11:51 pm
#7, “Tunlaiin AIDS vei ho an thi tawh ngai mang hlei nem”
AIDS vei emaw vei lo emaw kan thi dawn tho2. Comment #2 2nd leh 3rd para khi ka ngaihdan ani e.
Report this comment
March 3rd, 2011 at 1:08 am
“PS: Lushai_er hi mi(sual) zinga fiamthu thiam ber ani a,”
#7, Sony :Fiamthu hi ka thiam ber lo reng reng a nia. BMW nen hian kan lawm fal deuh tih mai zawk a ni. A ber lam hi chu zirlai tan lo chuan a hlu hlang chuang lova !!! NOI
Report this comment
March 3rd, 2011 at 1:52 am
Kan naupan lai (ti ve khanglang ila) hian kan vengah nula selo tih deuh mai hi ka neia. Kan inkhawm bang hi an in lo lama haw hnai zawk si kha amah hmuh duh vangin an in kalpel turin kan kual hram zelah…lolz
Chu veng ka chhuahsan hma chuan pa dulkiar deuh, Hausa deuh nen hian an inneia, ka rilru chuan ka thik khawp mai lehnghala. Ka ui thu thiante hnenah ka sawi ka sawi lehnghala …lol
Veng danga ka awm hnu Kum 8 vel lai a liam tawh tihah chaun kan thenawm Restaurant ah hian a thiannu nen rui em em mai hian chaw an lo ei a. A inchei nasa a, hman aiin a tawp ta em a, thil ruih a nei bawk nen ka hai lek2a, mahse star tawh nanana chu kan lo theinghilh lo khawp mai
Ngun deuhin ka en a, Chaw an eikham poisa a pe tur a bag a zen chu a thlauh taa, CD hlir mai chu chhuatah a tla nuaih maia, a zak ve deuh khan “In duh em” tiin a chhar duh talo ringawta.
Ka ngaihtuah zui nasa khawp maia, a hnu thla reilo te ah AIDS Awareness Campaign pakhatah HIV kai zingah ka hmu leh nawlh maia. Ka
thin tehreng nen ngaihtuah chu ti thui ve duh khawp mai 
Report this comment
March 3rd, 2011 at 2:31 am
Comment #5 khi a pawimawh tawp
, suggestion nen lam min kawh hmuh a. Last minute ah chuan khing khi hman ngei ngei tur… 
@kawlhawk_ Awareness i nei tha ber in ka hria … lolzz
Report this comment
March 3rd, 2011 at 2:39 am
Comment zel rawh u! In comment ka lo chhiar zel a nia…
Report this comment
March 3rd, 2011 at 2:57 am
Tunlai kan hmeichhe tleirawl thenkhat te rilru leh an titi thenkhat hi a sang tawh riau a sin.
Pawl 11 zirlai Tleirawl pakhat chuan a thiannu hnenah “Thiani nang pawh virgin tawh suh” tiin a sawi (Source Pu Hrekima)
College 1yr zirlai pakhat chu a thinnu a bialpa in sex hmanpuia a sawm fo thu a hrilh thin (Source Keimah)
February-March thla alo thlen hian Xmass nghawng thil vang nge naupang te te a ruka nau ti tla an tam thei khawp mai (Source Dr.Thangchungnunga)
College zirlai “Ka thiannu nau ka tih tlakpuia ka tan a pawi viau angem le” ti hi ka tawng ve zauh2 (Source Keimah)
Report this comment
March 3rd, 2011 at 3:04 am
“Mipa chu an hmeichhe kawp hlui te an tih tawh leh tawhloh lam ka care lo, a hriat tak tak chuangloha, min care thiama min hmangaih bawk chuan a tawk animai” Hmeichhe tleirawl lerh tir tamtak rilru.
Report this comment
March 3rd, 2011 at 8:53 am
mr.hyde #12, i comment hi philosophical taka lak tur nge he post-a taxi driver ang deuh hian harsatna i tawk ve??? Tanpui i ngai a nih chuan tanpui thei tur che an tam ang, inkiltawih a tha lo a nia. Thi tura piang vek kan ni a chuvangin kan dam chhung hian dignity nena nun ve hi mitin right a ni.
Report this comment
March 3rd, 2011 at 10:07 am
Aids tak hi chu aw! A chimawm a ni. A khawngaihthlak hle mai.
Report this comment
March 3rd, 2011 at 11:20 am
Tunkum hian HIV+ hi 4% in an pung hman a, in awkhlum 19 an om hman bok!! Innei hma kar hian blood test nei vek thei hlom ila a him ber ang! Post poimoh tak ani e
Report this comment