Kan hna thil avangin kei leh ka thian pathum nen lo zirchiang turin khawdangah kan kal a. Hna thil vanga zin kan nih avangin leh thiltihna reng renga ka hming a lan tawh chuan ka theihna zawng zawnga thawk mi; a tha thei ang bera tih duh tlat mi ka nih avangin han len khawthawn hun a awmlo khawp mai.
Tlaikhat chu kan tihtur chin kan zawh hma avangin len ka rawt a. Kan lirthei ken chuan khua chu kan fangkual vel a. Ka rinloh deuh maiin ka lehkha zir pui thin, ka thian pakhat hi chu khuaah chuan hnathawkin a lo awm hlauh chu niin! Kan inhmu chu mak kan tidun ngei mai.
Ka thianpa chuan amahin in a lo luah a. Kan thianho chu thleng turin min sawm a. Inthlahrunna em em pawh nei lem lovin kan han fin ve ta rawih mai a.
Ka thianpa in thlangah chuan dawr a awm a; chu dawrah chuan chakkhai vel kan lam thin a. Tlaikhat meizial lei tuma dawra ka thianpanen kan zuk kal chu angel hawlthlak emaw tih mai theihtur khawpa duhawm hian thil a lo lei ve a. A chhuak leh lam chu ka en zui nasa khawp mai.
Khatia ka thlir zui vawng vawng kha ka thianpa chuan min lo hmu chu niin.. amah chu a hriatthu leh a u nupui nen an thawhho thu min hrilh a. Chuta ka sawi zawm hmasak ber chu “Rim tur” tih a ni.
Kan thil lei haw pawh chuan ka ngaihtuah zui nasa hle a. Ka thianpa chuan a u nupui chu bia in zana kan len tum thute a han hrilh a; a len theih dawn a ni tih ka chian hnua a nuam ka tihzia kha aw.. Zan lama lenna tur tha tak neih chuan tlai rei zia pawh ka hrechhuak chiang khawp mai.
Zanriah kan eikhama, kan han thut khawmuan hnu chuan ka thianpa nen chuan kan insiama, lirthei chuan kan pahnih chauh chuan kan chhuak ta a.
Kalkawngah chuan ngaihtuahna a kal thui duh khawp mai. Inleng dang an lo awm angem? A nih loh pawn ngaihzawng neilai a ni zawk ang a? Nge ni anga, sava thlawk lai zawk?(tunlai tawng takin). Chuta chiang ber chu engmah a chianglo tih chauh a ni.
Ka ngaihtuah mek lai chuan ka thianpa chuan ding turin min ti a. Ka lirthei ken chu ka hung rem a. Dawrah eitur te kan lei hnuin step-ah thuilote kan chhuk a; in pakhatah chuan kan lut ta!
Chu inah chuan nu valai tak pakhat hian chokaah thil a lo ziak a, chu chu ka thianpa thawhpuinu chu a lo ni a. Inkawmna pindanah kan lut a.. Tah chuan CHUANKITE KAU ANG SEIH a hmeltha chu a lo awm a. Ka thianpa chuan biain min inhmelhriattir a.
Eitur te chu eiin hlimtakin kan inkawm a. Zan a lo rei tan tih chuan haw turin kan tho a, Kawngka thleng min thlah a leng fo tura min sawm hnuin kan inmangtha ta a.
Chutia kan inhmelhriat hnuah chuan zan lamah ka leng ta tlut tlut mai a. Vawkchaw bel so vil ang vut vut a ka awm tak hnuah chuan kan inkarah chuan thian mai nilovin induh tawnna a lo piang ta a. Kan inngaizawng chu a lo ni ta reng mai!
Ngaihzawng lama tawnhriat kan la neih duh loh avangin mi inngaizawng ai hian kan inngaizawng bik emaw tihtur khawpin kan inzui nasaa, khuaah pawh chuan kan thang chak khawp mai. Mahse, pawi tihna erawh kan nei lova, pawi tih ahnekin kan inzui nasat phah hial zawk a.
Chutianga kan inzui nasat viau lai chuan hun pawh a lo kal chak hle a. Chu khuaa thla 5 tehmeuh kan awmhnu chuan kan hna pawh chu a lo zo dawn ta reng mai.
Ka haw dawn zana ka va leng chu kan lungngai dun khawp mai. Kan thil tawn tur chu kan tuar nasa dawn tih a lang si. Mahse, hunin a thlenpui dawn a..kan dang thei si lo. Rinawm reng tura intiam chungin kan inmangtha ta a.
Kan hnathawhna dik taka ka kir leh chuan lung a leng duh em em a. Nitin kan inbiaa, kan inngaih thu kan inhrilh bang theilo. Rei tak tak kan inbiaa, sawitur kan ngah thei khawp mai. Chutianga kan inbiak chuan lunglen pawh a hnem ve deuh hialin ka hria.
Hun a ral zel a, nikhat chu ka thianpa khan min rawn phone a, ka ngaihzawng nena kan la inbiak leh biakloh min zawt a. Kan inbe zeuh zeuh tih ka hrilh hnuah chuan ka thianpa chuan tlangval pakhatnen an inzui nasat thu min hrilh a. Awih a har duh khawp mai. Mahse, thudik nia ka rin tlat avangin ka zawt chiang ta a.
A tirah chuan pha nasa viau mah se a intawng awk ta tlat mai. Ka thinrim chuan insum zo lovin inthen ka rawt a. Ngaihdam min dil nasa hle mah se ka ngaihdam duh tlat loh avangin chumi ni atang chuan kan inbe ngai tawhlo a.
Kum thum vel a liam hnuah nikhat chu ka thianpa hnathawhna khuaah chuan hna ka neih leh vangin ka zin leh a. Nunhlui ngaih a na duh khawp mai.
Kan office ah hna ka tih fel zawh hnuah, tukverah ka dak a. Chhun vanglai Ni a sa hle mai. Kan kawmthlang Biak Inah chuan innei an awm a. Thlalak hun a nih chuan an chiar nak nak a. Kan office nen a inhnaih em avangin “tute nge niang aw?” tia ka hawk dak zuk en chu ka mit sulh a, ka vai rum rumin ka hre hial a. Ni e, mo khu ka hria alawm.. Ka hmangaih em em, atan ka rinawm rengna; mahse, ka hmangaihna hnawla min rinawmloh san ta PHATSANTU TENAWM kha a ni.
Vawiin chungturni thangvanzawla a her laii,
Hmana ka D’ siang lawi ka hmu.
Hmana ka D’ siang a lawi e, tleidang run belin,
“Mo thar” tiin an sawi.
D’ hlui tleidang siang i lawi ta maw?
- Lawi ka hmu (vulmawi)
March 15th, 2011 at 9:21 am
i lawi hmuh chu a lawina lam daih ni maw
Report this comment
March 15th, 2011 at 9:32 am
Daih chuan!
Report this comment
March 15th, 2011 at 9:40 am
kei pawh i Lawi hmuh ang khi ka hmu ve tawh
Report this comment
March 15th, 2011 at 9:42 am
Bialnu hlui inneih thla ka la tawh alawm, tiam tlat e an ti lai leh zungbun an inbuntir lai chu adjust hman loh a awl lek lek, an cake zai dun lai phei chu, ei ve a chakawm loh, kam a chhe lawk vek a, chil a kha fuk duh asin.
Report this comment
March 15th, 2011 at 9:44 am
Report this comment
March 15th, 2011 at 9:54 am
Min va khawih ve..
Report this comment
March 15th, 2011 at 9:56 am
a topic a hoh nen nen a va ngaihnawm ve le.chhiar a nuam khop mai.lawi tak2 emaw tih laiin.
Report this comment
March 15th, 2011 at 10:00 am
#4 haha….a ngaihnawm reuh e…hetiang chi thawnthu ah hi chuan an va awmna khua ah hian champhai hi ka rilru hian a tinzawn bik tlat zel…champhai lah ka la kal der si lo a…haha
Report this comment
March 15th, 2011 at 10:31 am
A ngaihnawm hle mai @3 badboy chu a va zialo ve aw, he mi vang hi a lo ni maw i lo badboy tak..hehe..
25 minutes by MLTR kha ka’n hriatchhuah zok chu..
Report this comment
March 15th, 2011 at 10:47 am
i lawi chu sial emaw ka tih tlat le
chawngchilh chu
Report this comment
March 15th, 2011 at 11:05 am
Amah thingtlangpa nge nge
Report this comment
March 15th, 2011 at 11:58 am
Va ziak ngaihnawm mai mai e… Rin loh lam daih ah min hruai kawi chu le. I hmangaih ber chuan a hmangaih zo lo che a, midang lakah tawngkam thlum a nep zo lova. I beisei ve thin, in runah siang ang rawn lawi tura i suangtuah ve thinna te kha, zo chhum angin a tham ral zo ta. Ral khat atanga lo thlir liam mai mai kha i chantawk a lo ni ta ni maw.
Mahse han ngaihtuah chiang teh. I runah lawi lo mahse, engmah i chan chuang hleinem. A tir ah pawh, i hmelhriat hauh lova, i ralkhat hmeltha tih a. A tawpah pawh i ralkhat thlir ta tho anih hi le. In runah lawi lovin amah chu chan mah la, amah nena in hlimdun thinna zawng zawng te leh nasa taka in lo inzui tawh thinna avangin i thinlungah erawh a thi tawh chuang lovang.
Report this comment
March 15th, 2011 at 12:12 pm
Ngaihnawm khawp mai. A takin ka tawng tawh, thiantha induhsakna chi vak chu a ni lo. Mahse ka sual lui ve, inneih inkhawmah tlar hmalam ka chuh lui ve tlat, a nu-in min melh no lo khawp.
…Hmana ka D’ siang a lawi e, tleidang run belin,
“Mo thar” tiin an lawm;
Tinkim dawnin lunglam ka vai, tuarthiam a har ngei
D hlui, tleidang siang i lawi ta maw?
He hla hi chu aw…
Report this comment
March 15th, 2011 at 12:14 pm
Fb a misual.com like tu pawh 4000+ an lo ni leh reng tawh ka ti, tutak 4000-na ni leh ang maw?
Ziak ngaihnawm hle mai, Khuahmunloh D’ te chu inthensa ah hian dah ila a him ber. Rinawm ve reng lai pawh hian a thlakna tur hi melh ve reng tur.
Hmeichhia an lunglen a min ngaih vanglai tak hi tlangval dang tana bem thluk an awlsam lai tak ani ve tlat an ti
Report this comment
March 15th, 2011 at 12:16 pm
#13, Ku muanga
Report this comment
March 15th, 2011 at 12:31 pm
Distance vang hi chu tawrh a har ve lawm…
mizo tlangval goa a tanga delhi a ngaihdam dil tura thlawk vang vang te….
Mumbai atanga Delhi-a nula rim tura kal vang vang te…
kolkata atnga Delhi-a Train-a kal vang vang te…
Kolkata atanga zankhat aizawla nula han rim lawk, Chhung te pawh tlawh lova A tuka lo chhuk leh nghal pawh ka hria nia…
Report this comment
March 15th, 2011 at 12:38 pm
Ngaihnawm hle mai…. I la vannei zawk a nih hi. Hmangaih ngawih ngawih THIHNA kut vawtin piallei thuahriat hnuaia min han hnuh liam sak mai chu(h)!! Sawi hian a siak lo e a nat dan chu!!!
Report this comment
March 15th, 2011 at 1:45 pm
A va ngaihnawm lungrun ve le,tum loh lohna lamah ngaihtuahna a vak dun dun mai aaaaaaaa!!!!!!! Anuam eeeee hreawm…
Report this comment
March 15th, 2011 at 2:50 pm
Tleidangsiang minhan lawisan daih tur pawh kum 40 chhungin kala hmuh lo.(@) by- Shandman
Report this comment
March 15th, 2011 at 2:53 pm
A ngaihnawm hle mai. Lawi hmuhah chuan hmuhnawm loh pawl tak a nih dawn hi!
Report this comment
March 15th, 2011 at 2:55 pm
#9, kan in ang.
keipoh 25 minutes a lo lang, rilru ah.
Chhun a ni a sat vol2 a, mahni deuh chauh a om a, a reh deuh diak, hla deuha nopang trong ri nek2 hriat theih, a lunglen thlak duh e..
Report this comment
March 15th, 2011 at 2:56 pm
comment 16 khiiiiiiii..haha….post tupa..i zei lo em a ni ang chu mawle….hmeichhia hian keini anga zei ve deuh hi an duh ve trhin a ni a…
Report this comment
March 15th, 2011 at 3:06 pm
awhaw… zialo thei ve… 25 minutes nen chuan a lo inrem em tak a nih hi.
Report this comment
March 15th, 2011 at 4:15 pm
Ngaihdam a dil che a, i ngaidam duh TLAT lova, in inthen ta a. A tawpah i rilru a na leh si! I va chawh em!!
Haha ….
Report this comment
March 15th, 2011 at 4:23 pm
Ekhai, i ‘Lawi’ chuan min bum hle mai a! ‘Phatsantu tenawm’ i ti a, ani paw’n ‘ngaidam duh lo mi nunrawng’ a ti mai thei che asin. I ngaidam duh miau lo va, pasal dang a neih mai loh nakah! Hmangaih tak tak la, i ngaidam em em ang.
Report this comment
March 15th, 2011 at 5:12 pm
@Tuaisiala,, i sawi khi ka amen thalp mai a…. Enge Tlangval dang a zui nachhan??? A zui a kha a Unaupa pawh nimaithei a sin,, a thianpa pawh nimaithei a sin.. fiah phawt hnu ah thutlukna siam phawt atha a sin.. amah pawh chu zawt ta la, a pasal neih chhan pawh chu nangmah vang ani maithei a sin. Nangmah ertu pawn thu diklo hmangin an lo dawi pawh ani thei a sin.. fiah zel phawt hi a tha asin aw!!! engpawh chu nise, ka tawrhpui a che.
Report this comment
March 15th, 2011 at 5:31 pm
A thupui ka chhiar veleh a ka rilru a lolang nghal: “Vawin chungturni thangvanzawl aher laiin, hmana ka di siang alawi ka hmu. Hmana ka di, siang alawi e, tleidang run belin, mo thar tiin an lawm. Tinkim dawnin lunglam ka vai e, di hlui, di hlui, tleidang siang ilawi ta maw di hlui…” ♫♫♫ – Vulmawi.
Ngaihdam thei nih hi a tha, kan la mamawh ve thei. Mahse, min duhlo nghet tlat tu erawh buaipui lovin hmalamah pen chhek chhek mai tur. Nu leh pa kan thlak theilo, thian leh ngawihzawng chu an awm thar leh zel mai
Report this comment
March 15th, 2011 at 11:17 pm
Ka thinrim chuan insum zo lovin inthen ka rawt a. Ngaihdam min dil nasa hle mah se ka ngaihdam duh tlat loh avangin chumi ni atang chuan kan inbe ngai tawhlo a.…. i hmangaih hle a nih dawn hi. Hetiang condition tawh ah hi chuan kei ni ila inthen hi ka rawt hranpa tawh kherlo ang.
Report this comment
March 15th, 2011 at 11:50 pm
Upload chhung a rei ngei mai, hei a hla chu, a duh apiang tan. An rei tawh na in an sa nalh a nia.. ka siam mawi thiam vel lo tlats.
https://www.youtube.com/watch?v=eUVxXQrz7rQ
Report this comment
March 16th, 2011 at 12:00 am
Saitawk, thang khiu
#27
Report this comment