Kum thum kumli kalta vel khan Aizawl lam atanga ‘marketing’ (emawni) zirlai (door-to-door salesperson) ho hi kan inah lo kalin Tooth Lotion an rawn zuara, an fak thiam khawp maia. ka han en vela, an sawi dan chuan drop hnih khat lek kha toothpaste ah telhin ha ati var nghal uar uar thei antia, a chak hmel khawp mai.
Tha ka ti vaklo chungin ka Nu chuan bur khat (Rs.150) a lei ta a, a hmang thina, A ha pawh avar tha khawp mai. Burkhat a hmangzo a, bur hnih dang a hmang leha, …. tichuan thla hnih thum hnu ah a hni a a vung tan a , tin, a ha hi a sawizel tan bawka. A hman bang pawh chu kan paih ta a. Chumi hnu thla 6 ah cancer a nei nghe nghe a. He damdawi nen hian a inzawm thei ang em?
Ka nu in a lei rual hian ka Nu U (sister) pawh hian alo lei ve a, a hmang uar ve khawp maia. Ani pawh reilote ah hrawk-chawkawng cancer a vei a. An pahnih hian tunah phei chuan an boral ve ve tawh ani. Ka ngaihtuahna a awm reng chu he tooth-lotion hian cancer a thlen thei em aw? Misual zinga doctor awmho te khan an hre turah ngai ta ila.
Tichuan, thla hmasa lawk khan ka Pa hi a kachhung ah hian bawk lianpui (tumour) a nei a, biopsy te la in kan inenkawl a, Aizawl Civil Hospital ah an zai nghe nghe a, Tin, a ha hi chhunglamah alo nget nasa a, a hapui pathum lai an phawi a. Biopsy result a rawn chhuak a, vanneih thlak takin cancer a ni lo hlauh a, mahse a teuh ther ther khawp mai. Ka Pa hi pa invawngfel ve tak, hriselna lam pawha in uluk ve tak ani a, a ha nget nachhan tur hi ka hre mai lova.
Nimin piah khan a drawer ah dentec care hi ka hmu hlauh maia, khawi atanga aneih nge ka zawta, “ka neihna a rei tawh, ka hmang char char alom, thla hnih thum ani tawh ang, company ho rawn zawrh ania” ati a. Hei vang chiah hi anih hi tiin ka laksak a, ka dahtha ta a. Proof chu awmlo mahse ka ngaihdan chuan he damdawi hian cancer leh kachhung-hrawk natna engemaw tak chua thlen ngei ani tih hi ani.
Ka misual puite kha in chhungte hetiang hi hmang emaw, hetiang lam chi, damdawi certified loh (company inti ho vahpui) hmang hi an awm chuan hmang tawhlo tura hrilh turin ka ngen a che u.
A pic lian zawk en duh chuan pic khi click zeuh rawh u.
Similar Posts:
- TaTa Indicom wireless internet hi
- Thanchhingi & Son dawr tlak an ni em?
- Cancer Damdawi?
- Arngeng (Acne) damdawi-Dam ngei ngei na
- Bukvannei leh a chheh vel
May 3rd, 2011 at 11:28 pm
No 1, chawhmeh tih loh chu door to door a zawrh product engmah ka lei duh lo. eg Cooker chhesiam, pheikhawk siam, kutdawh, thirchhe zawng, etc.
#2, Herbal tih nazawng rin loh tur.
#3 Sawithiam leh fakthiam nazawng lakah fimkhur thiam a pawimawh hle. eg. gas pipe zuar te hi a nia ka rin loh deuh chu. gas pipe tha deuh chi kan lo hmang a, e hetiang chu a tlo lutuk a a tha lo, Rs 50 man chi hi a chhe hmaa a tha zawk a tia.
Post tha leh pawimawh ka ti khawp mai. mipui zirtir atan a tha hle in ka hria. Mahse proof chiah a awm si lova, RIPANS in lo test leh se ka va ti em!
Report this comment
May 4th, 2011 at 12:59 am
Product zuar hian mizoram hmun kilkhawr thleng thlengin an kal si a, an hlawk emawni dawn le? Bungrua tlemte bag khat lek an aka. Ka ngaihdan chuan mipui hnena zei leh thiam taka, a entu tana lei loh inthlahrunawm khawpa an siam hnua inthlahrun lutuk avanga an leisak Rs.150 an tih ho tehi 30-40 vel leka an paikar anih ka ring an stock point atangin.
Chuti nilo se, pakhata cheng 10 20 lek hlep tur chuan khawlum ah necktie nen, khawlai leh hmun tinah thingtlang khaw kilkhawr theng thlenga an vah peih ka ringlo.
Report this comment
May 4th, 2011 at 1:07 am
Dentec care a barcode khi barcode scanner nei ho khan han scan chhin teh u, internet vela image an lak, an copy mai mai tehi lo niang e lawls. Harry Potter Vol-I, released date etc etc tih info tehi lo chhuak nulh ang e.
(ka mobile a barcode scanner app hi chhe tlat, thar download ngai)
Report this comment
May 4th, 2011 at 1:18 am
Dentec site ah tukin zing khan ka lut chhin a..hemi product hi ka hmu lo..
Dentec lem lem ani mai thei..
He product leh cancer a inchukha em tih kha hre hauh lo a, mahse hetiang chi ah hi chu certified practitioner pan mai a him zawk ang. Harpic (toilet a hman tur) a ha nawt te pawh ka hria!!
‘herbal’ tih a inziah vang ngawt a pawngpaw rin ngawt a fuh lo mai thei e..!
Report this comment
May 4th, 2011 at 1:23 am
RIPANS ah test tir dan a awm em? Sample kena va request mai tur nge, enge a procedure. Test tir ngei ka va duh em? Hemi kawnga hma la thei in awm chuan i thawkho teh ang u.
Report this comment
May 4th, 2011 at 1:33 am
@X_MAN_19: Drug controller lamah kal pui zawk la, chuan lab test lam chu hma an lo la thei zawk lo maw?
Report this comment
May 4th, 2011 at 1:39 am
X_MAN_19..
A chemical composition analyze dawn chuan RIPANS vel chuan facility an nei lo ang. Han suggest mai tur erawh ka hre mai lo. Mahni sum hmang chuan rinaiin a hautak ang. Consumer protection lam emaw Food and supply authority emaw Pollution control board emaw be rawn chhin teh!
Tin, a zuartu, agent te be bawk la..Silchar vel atang a an siam te hi a lo ni heu mai ange!!
Report this comment
May 4th, 2011 at 4:54 pm
X_MAN…i hlauh tawh dan ah hian a hlauhawm ka ti..i pa hman bang chu i check tir ngei a ngai ka ti e. #57 hi ka pawmpui khawp mai…la hmang mek te chanhimna kawng i hawng tlat…
Report this comment