Mizo Sakhua vs Christianity

May 8th, 2011 8:30 am by Hnam sakhua

He kan thupuia ‘Mizo Sakhua’ tih i han chhiara i rilrua lo lang hmasa ber chu “Keini Mizote hian tun hma khan Ramhuai biak tih mail oh chu eng sakhua vak nge maw kan neih le ?” tiin i ngaihtuah a ni mai thei e. Chutia Ramhuai be thin hnama i lo inngai palh a nih vaih chuan i hnamah i chiang lo a, i bo thui tawh hle tih inhria ang che.

Kan pi pu-te khan Ramhuai an be lo a, siamtu Pathian nung kaihhruainaa khawsa thin an ni zawkin, chu an Pathian chu ‘Chung Khuanu’ tiin an lam thin a. Eng natna emaw an tawrh erawh chuan Ramhuai hnathawha an ngaih avangin an lak ata kiang turin Pathian hming chhalin hnawh chhuah/um bo dan kawng an lo dap ve mai thin a ni zawk. Eng pawh ni se, tunah hi chuan zaa za Kristian rama inchhal hial kan lo nih tak si avangin Kristianna hian engti ang chiahin nge kan hnam nun a lo khawih tih hi i han chhut phawt teh ang.

Sawi tam vak pawh ngai loin Kristiante thurin chu Bible thu a ni a. Adama bawhchhiatna avanga mi zawng zawng Pathian nena inzawm thei tawh lo kan nih hnuah Isua tlanna azara amah(Isua) chu Lal leh chhandamtua pawm a, Tuiah leh Thlaraua piangtharte chauh lo chu Pathian nen inrem thei tawh reng reng lo, Hremhmun/Meidil-a kal tur vek nia inzirtirna hi a ni ber a. He Theology hi kan ramah pawh kum za chuang zen zawn kan lo inziritr tawhin zaa za Kristianah kan lo inchhal ta hial a.

Tichuan, kan piangthar sup sup a, a thente phei chu vawi sawm chuang piangthar nawn tawhte pawh kan ni hial awm e. Chuvangin, kan ram chu ‘Mi piangtharte ram’ tih hial tur ni awm tak a ni. Mahse, thil mak deuh mai chu India ram state zinga entawn tlak ber ni awm tak si a corrupt berte zinga chhiar tel kan ni ta hial zawk a. Kan thenawm ram thenkhatte phei chuan ‘Rukru hnam’ ang hialah min ngai tate pawh hi thil mak a ni hran lo.

Enge a chhan kan tih chuan, mahni sakhua (indigenious faith) hlamchhiaha hnam dang sakhua kan vawn taknain a rah chhuah a ni. Sakhuana leh hnam culture a kal kawp loh chuan ram leh hnam a ding chhuak thei lo niin mi thil chik mite chuan an ngai a ni. Kristianna hian kan culture a kalh tlat avangin kan nun a siam tha lo ni satliah mai loin Kristianna hian kan hnam nun a siam chhe vek zawk a ni.

Kristian Theology hi Romei emaw, Chhimbal emaw ang a ni a. A thu chuan mawi tak, tha tak; mahse, a taka chang hlei thei lo hi a ni deuh ber mai. Romei leh Chhimbal-te pawh hi ralkhat atang chuan a mawi hle; mahse, a hmunah va kal ila a mawina hmuh tur lo awm leh chuang si lo ang hian mi tu pawh eng anga inti piangthar pawh ni mah se a pianpui zia bak a pel thei tak tak lo tih hi thu dik awm sa a ni. Nungchang tha lo thlak erawh hi chu eng engte emaw vang pawhin thil awm thei chu a ni teh meuh mai.

Dik tak chuan kan rama mi nun beidawng kan tihte hi Bible-in a hnawlte nia an inngaih thin vang a ni tlangpui klan ti thei ang. A chhan chu hremhmun kal an hlau a, piangthar hlen thei tak takin an inhre thin bawk si lo. Chu vanga khawlo taka nun hman phah thinte pawh an tam awm e.

Tin, Bilbe thu hi belh chian dawl lo(confussion) a tam hle. Hei vang hian Kristiante zingah pawh kohhran(denomination) tam tak a awm phah reng a. Chu bakah, Bible thu hi amah leh amah a inkalhna(contradict) tam tak hmuh tur a awm. Entirnan, tlem te han tarlang hlek ila; Isua chu ‘Remna Lal’ tih a ni a (Isaia 9:6), mahse, amah Isua ngeiin,”Lei chungah rem lentir tura lo kal emaw min ti suh su, rem lentir tura lo kal ka ni lo a, do lentir tura lo kal ka ni zawk,”(Luka 12:51-59), Matthaia 10:45-36), tiin a sawi a.

Hetiang hian thu inkalh sawi tur tam tak a awm. Chu bakah, Bible-in Adama mihring hmasa ber anga a sawi pawh hi belh chian dawl lo a nihzia chu kan chhut thei theuh awm e. A chhan chu a hnu lawkah ama(Adama) Fapa-in khawchhak lama nupui a han neih thu kan hre leh lawi si a. Tin, Nova lawng pawh hi ramsa zawng zawng nupa tuak khat theuh dahna tur atan a len tawk loh zia chu kan hre theuh awm e.

Chuvangin, a ring lo tu tan chuan Chhura thawhthu phuah belhte nena ang khat leka ngaihchi a nih hmel e. Mahse, Bible-in an thluak a suksak tawhte reng reng chuan political party ruih chilh an sawi “Vawkpui pawh nise ka vawt tho tho ang” an ti e an tih ang deuh hian khaw dang an hawi thei tawh thin lo.

Thluak suk tawh an nih avangin Bible thu belh chian dawl lo sawi pawhin finfiahna nei chuang lo pawn Bible-a inziak a nih hrim hrim chuan thu dik, Pathian thawkkhum nia ngaiin sawiseltu nih phei chu rapthlak tak nia ngaiin an khur hial thin a ni. Eng pawh nise, tun tumah hi chuan chutiang lampang chu kan sawi tum ber ni loin Mizo sakhua leh Kristian sakhua khaikhin hi ka tum ber chu a ni zawk. Bible thu hi chu Israel-te chanchin ziahna a ni deuh ber a.

Tin, amah Isua pawhin “Israel hnam beram bo tan lo chuan tirh ka ni lo,” a lo ti reng a. Chuvangin, Kristianna hi kan hnam sakhua a ni lo tihah hian kan chiang tlang turah ngai ila. Chuti chung pawha kan la chiang theu lo cheu a nih pawhin keini Mizote hian Kristiana kan lo inchhalna chu kum 112 vel awrh a ni a. Chumi hma zawng chuan mahni hnam sakhua nei kan ni tih hi chu kan pha thei lo ang a. Kristian sakhua erawh chu foreign sakhua kan lo tawm ve mai zawk a ni tih pawh kan hnial thei lo ang.

Amaherawhchu, a hma lama kan sawi tak ang khan mahni sakhua pawh hre tawh lo khawpa hnam bote kan lo nih tawh hlawm avangin kan hnam sakhua chu eng chiah nge a nih hrilhfiah fe a ngaih dawn tak avang hian a lungchhiatthlak angreng hle a ni. Eng pawh nise, kan sakhua chu kan nihna(identity) a nih tlat si avangin Mizo hnahthlak tawh phawt chuan ngaihthah theih a ni lo ang.

Awle, tunah chuan kan sakhua(Mizo sakhua) chu a theih ang anga sawi fiah kan tum tawh dawn avangin,”Keini Mizote hi Adama thlah kan ni ve lo” tih atangin lo tan ila a tha ang e. A chhan chu khawvel kalphung hrim hrimah inthlah chhawng reng reng chu inchhunna chhete tal a awm ngei ngei thin a.Entirnan, English leh Negro-te chu thlahtu thuhmuna ngaih theih chi zawng an ni ngang lo a ni. Chutiang zelin khawvelah hian hnam chi hrang tam tak kan awm a ni tih kan hria a.

Chutichuan, keini Mizote pawh kan lo chhuahna chin chiah hriat chian theih ni rih lo mah se, Chung Khuanu’n a duh taka a siam, hnam hlawm khata tha taka a duan leh ze tha tak neia a lo serh hran liau liau kan ni tih zo hnahthlak zawng zawngte hian i hre chiang mawlh teh ang u. Tin, Chung Khuanu chuan kan pi leh pu te kha a remruat ang zela lo kaihruain, kham rang chhengchhe tak tak leh sa kawlh te tawn tlang zelin, tuna kan ram, tuma la luah ngai loh, ram thianghlim ‘Khuanu ramri kham sa’ ngei mai chu a lo hlan ta a. Tichuan kan pi pu te kha chuanin an ram luah chin chu an hre chiangin, an hmangaih a, an humhalh tak zet a ni tih kan hria.

Tin, a hma lama kan sawi tak ang khan siamtu Chung Khuanu chuan kan pi pu te hnenah lung phek hmangin emaw, lehkha ziakin emaw thu lo thlung lo mah se an thinlung phekah nghet takin a lo ziahsak avangin, a theory-in lo sawi tam vak lo mah se a tak (practical) in an lo nun chhuahpui thin a. Entirnan, kan pasaltha Vana pa te, Taitesena te leh midang dangte nun lo kaihruaitu kha kan pi pu te Pathian, Chung Khuanu ngei chu a ni si a. Chuvangin,”Abrahama Pathian, Isaka Pathian’ tih ai chuan “Vana pa Pathian, Taitesena Pathian” tiin kan hnam chuan kan Pathian, Chung Khuanu chu au thin awm tak kan ni zawk e.

Tin, kan pi pu te khan an Pathian thu chu a thuin an chhiar tam vak lo kan tih tawh kha, an chhiar chhun thenkhat ‘Sem sem dam dam, ei bil thi thi’ tihte leh serh leh sang thila an lo chhiar ve thin thenkhat ‘Uire loh tur’ tih te, ‘ruk ruk loh tur’ tih te chu an zawm thain, chutiang tih chu thil thiang loa an ngaih tlat avangin kawngka kalh pawh a ngai lo, an awm lo a ni tih an hriat nan thingfak emaw kawngkharah an tung mai chauh a ni. A him tawk em em tho mai.

Chutichuan , keini Mizote pathian chu ‘Chungkhuanu’ a ni a, tin, a thupekte chu enge kan tih chuan ‘Zonunmawi’ kan tih hian a huam kim hle a ni. Chuvangin , Chung Khuanu’n min lo duan dan anga kan hnam nun ze mawia inthuam a, kan lo par chhuah a, kan ram leh hnam kan hmangaih bawk a liama kan tana Pathian thu a awm thei lo a ni. Tichuan, Pathian thu i lo la vawn nu hram hram thin ‘Tlawmngaihna’te kha foreign atanga i dawn emaw/te i lo ti ang e.

I Pathian, Chung Khuanu ngeiin i thinlung pheka a thuthlung a lo ziah sak che a ni e. chungte chu vawng nung zel la, Adama thlah i nih ve loh avangin hremhmun kal chu hlau bawk suh la, i Zonun mawi kha par chhuahtir chungin, a bik takin thalai i nih phei chuan, i lunglen zawng takte a nih lem loh phei chuan ‘Ka sual rit tak phurh leh lei ninawm hi’ tihte emaw, ‘Kristian kal fimkhur rawh hlauhawm a hnai’ tih angrengte zawng sa duh kher suh . ‘Bawihte …. Dawn lungrukah nghilh ni i awm dawn lo’ tiha tih tak zeta zai i vawr a nih pawhin i Pathian pawhin a dem lo ang che.

I ram leh hnam hmangaih la, i hnam nun ze mawi, i hnam sakhua humhalh rawh

Mahni hnam tih dan aia hnam dang tih dan ngaisangtu hnam chu Hnam Boral a ni.

- M.K. Gandhi

—————————————————————-

Post chu ka vil a, mahse

Thiante u post chu ka vil a, mahse in comment zawng zawng chhang let tur leh email zawng zawng chhang let tur chuan hun ka nei bik lo a ni e. Chhan tur a tam lutuk. Tin, hei hi ka chah duh a che u “Kan pi leh pute kha thingbul lungbul bia an ni lo ve” tih hi. In missionary sapte khan thingbul lungbul bia min tih sak mai chauh a ni. Hnamah inchian deuh deuh theih nan duhsakna ka hlan a che u.

129 Responses to “Mizo Sakhua vs Christianity”

1
bucko Says:
May 8th, 2011 at 8:31 am
chhiar lo ang, comment bawk lo ang… ka peih lo
2
triplestar Says:
May 8th, 2011 at 8:46 am
HAPPY MOTHER’S DAY. Misual ten nute hlut zia hi i hre tharleh teh ang u
3
Malawma Says:
May 8th, 2011 at 8:50 am
Ziak sei em mai. ka hul hrih.
4
рдпģŤіСHAЩЯ Says:
May 8th, 2011 at 8:54 am
Luhai map khwpa vawk thau ka ei chu le
5
CyberThug Says:
May 8th, 2011 at 8:55 am
Pacquiao leh Mosley inhnek kha tukin zing hi a maw ka tia, a ni nange?
6
triplestar Says:
May 8th, 2011 at 8:59 am
@cyber: Kei pawh zing 5:30 atang khan ka lo chang vel, 9:30 vel tangin a nih hmel
7
triplestar Says:
May 8th, 2011 at 9:00 am
A posttupa in a ziah sei sei nen lo OT san zel lo ula…
8
рдпģŤіСHAЩЯ Says:
May 8th, 2011 at 9:05 am
Thingthupui hi kawthalo damdawi tha tak ani
9
keimah Says:
May 8th, 2011 at 9:07 am
Hnam sakhua, Khawvela hnam changkang ber berte hi han chhut chiah la an pi leh pute atanga KRISTIAN sakhuaa bul lo tan an ni deuh vek ang! Entirnan mai mai…America (USA), Britain, Germany, France, Italy, etc etc. Heng ramte hi a tirah Kristian an ni bik lo. Tun laqi huna ram thang chak ber leh mahni tawka thiltithei ber Israel te hi Kristiante Pathian betute tho an ni.

I thu sawite hi chaw tak khuka khuk pui chiah ka ngai lo. Bible te hi i sawichhe hnem ta malh malh hle a, nakinah chuan nangma thu ngei hian thiamloh a la chantir ang che tih i hre dawn nia. Tun hmaa Mizoten “Chung Khuanu” tia an lo biaka, a chang a Pu Vana te an tih bawk kha tuna Israelte leh Kristiante Pathian, Pathian dik awm chhun JEHOVA, “Awma ka ni” tia inhriattira, Abrahama Pathian, Isaka Pathian, Jakoba Pathian hi a nih loh chuan Pathian tak a ni lo tihna a ni ang.

Engatinge Diabola bum at a i awm reng le? Thutak hre thei lo turin i pa Diabola, Dawt Pa khan a bum che a nih kha. Simin inlamlet la, Pathian dik tak hnenah hian kir leh vat teh khai.
10
рдпģŤіСHAЩЯ Says:
May 8th, 2011 at 9:09 am
Thirhipthei(magnet) kan tih hi hriau leh eng ilo fahran dahnan atha hle
11
CyberThug Says:
May 8th, 2011 at 9:12 am
Eng channel ah nge nge an pek ang aww…, boxing chu
12
bucko Says:
May 8th, 2011 at 9:15 am
Nizan khan Serie A ah AC Milan an champion ta….
13
chiap_chiap Says:
May 8th, 2011 at 9:19 am
an lo OT leh ta sup2 mai..
14
zozo vangchhia Says:
May 8th, 2011 at 9:20 am
Zaninah man.united in champion no mawi kan dawm thuak dawn
15
zozo vangchhia Says:
May 8th, 2011 at 9:23 am
Hnam sakhua hi an pawlah chuan a meizanghlaptu,an chhuan tawlawl ani. thingtlang khawte ah phei chuan kal se internet a khawih thin anti anga.ngaisangtu a ngah viau ang
16
CyberThug Says:
May 8th, 2011 at 9:26 am
UCL pawh kan banphak ah a awm leh ta..
17
mr.Duhlova Says:
May 8th, 2011 at 9:27 am
Mizoramah hian ‘kalsual’ anlo awm zauh zauh tawh a, hei tunah ‘kalsual’ thar kan neih belh leh ta che a. I kal luih zel chuan ‘Kalsual’ ti a hriat i hlawh chho ve dawn a ni mai. I la lar ngawt ang….

In in nghahna lah hi, Rorelliana ziak Bung chuti zat…tih vel a ni.

Keini in ngahna te chu, ‘Mosia ziak’ ‘Luka ziak’ ‘Johana ziak’ ‘Paula ziak’ (Thlarau Thianghlim thawk khum) daih nia a sin.
18
Leavi Pcresn Says:
May 8th, 2011 at 9:28 am
Chhiar lo teh ang. A thupui a trang khian a thu a dik lo sa.. Hnam sakhuaa, te sakhua hian kristian te an dodal chiang..
Mizo sakhua chu Kristian a ni sa ve reng a sin..Van pathian chauh kan lo zawng reng mai a lo ni a..
19
aduhi Says:
May 8th, 2011 at 9:33 am
post update juai, combined post ah ka lo chhuahsak leh ta mai, a remchang zawk in ka hria a.
20
zozo vangchhia Says:
May 8th, 2011 at 9:34 am
@cyberthug..man.utd premier league lh UCL a kan champ hunah hnam sakhua hi kan sawm ve dawn nia..khuang a vaw rang thei lutuk..inkhawm tum ho te inkhawm nuam vek u..
21
TuaiSialA Says:
May 8th, 2011 at 9:50 am
NINAWM TEIVET
22
TuaiSialA Says:
May 8th, 2011 at 9:53 am
@mr. Duhlova, hnam sakhua hi Rorelliana a ni e. Misual.com-a a post hmasa ber atang khan ka hre daih tawh. I awih lova finfiahna in duh chuan ka pe thei tho che.
23
kilung Says:
May 8th, 2011 at 9:58 am
He post chu a Sunday zing a chhira atan chuan ka iai deuh hlek.
24
maimailova Says:
May 8th, 2011 at 10:02 am
hei pui a ron post leh toh…chhuak daih ang
25
chhangban Says:
May 8th, 2011 at 10:03 am
Misual a post hi a har veau khan in sawi thin sia.. tinge Mizo Sakhua-a hian ava post zing bik zut2 ve..

kan admin te zingah he sakhua a inrawlh thuk tak in om nilo mo>?? kekeke

Voin chu tamzawk inkhawm leh daih om sia.. lunglen ana leh don mange.. HV apoh hi a mu toh amoni lee..
26
bucko Says:
May 8th, 2011 at 10:07 am
Tha tha.. ti hian OT zel ula a ni mai..
27
Malawma Says:
May 8th, 2011 at 10:13 am
@Hnam sakhua, kan sawisel rawn luai luai che pawhin huaisen taka i zirtirna i rawn post ngam hi i ngaihsan awm ve hrim hrim a, mahse i zirtirna hi chu kan pawmlo tlang chu a nih hmel khawp mai. Chuvang chuan he lam thu hi chu duhtawk tawh teh. Nangmah zawk hi gospel campimg ah te han lut ve chhin reng reng la, ingaihdan hi i thlak ka ring khawp mai.
28
mr.Duhlova Says:
May 8th, 2011 at 10:13 am
22
TuaiSialA #

17 khi en la….. ka awih a, finfiah zel nan minlo pe ta che… Happy Mother day
29
chhangban Says:
May 8th, 2011 at 10:21 am
Bucko.. ot mai2 lo ang.. keicu Mizo sakhua ah ka inlet daih don..
30
VaiVa Says:
May 8th, 2011 at 10:28 am
Hnamah hian a chiang bik ngawt mai a post tupar hi… NOI. Mahse a zir san vak hmelloh khawp mai. Bible creation a pawm si lo, evolution theory a rin hmel bawk si lo va, Khuanu siam han nih ngawt dan theory hi han chhunzawm law law se la maw le… a sawi tum zawng zawng para 14 khian a chawkhnawk vek a nih hi maw le
31
TuaiSialA Says:
May 8th, 2011 at 10:48 am
Mr. Duhlova, a blog-ah en mai rawh le. Admin pakhat siamthatsak ngei hi
Mizosakhua.blogspot.com
32
VaiVa Says:
May 8th, 2011 at 10:54 am
TSa hian a rukin a lo zuiru a niang a A ti controversial thiam riau
33
TuaiSialA Says:
May 8th, 2011 at 10:59 am
@VaiVa, hepa hi ka ngaisang lutuk asin..hairehai!
34
aduhi Says:
May 8th, 2011 at 10:59 am
#30 Vaiva pawh hian a zui ruk hmel tho, a para zat te a chhiar thlap
35
chhangban Says:
May 8th, 2011 at 11:04 am
Admin ho zawng hian an zui ru chiang lutk..
36
VaiVa Says:
May 8th, 2011 at 11:07 am
Aduh, nangma min rawn hrilh a nih kha. Tin, TuaiSiala pawh, a tha ve tho a lawm. Pangtichawr te hian khawhring han pai tlat mai se la, Jewel te han puh tlat mai se, Dawi thiam/ Puithiamah TuaiSiala Pu Shailendra te hian Sihhuai han tlawn leh vel se la, Sandman an thiam han chham vel se la, kan hmuhnawm hlawm awm mang e.
37
bucko Says:
May 8th, 2011 at 11:09 am
@Chhangban #29.. ZOIITian a nen in in tluk dawn tihna a nih chu…
38
ZerO Says:
May 8th, 2011 at 11:17 am
“Kan pi pu-te khan Ramhuai an be lo” tih ka pawm thlap.

Ka helh em em achu, Christianity ka sawi mawi tum luatah Pi pute sakhua kan sawi chhe chiam thin hi sim a tha.

Chutiang bawkin pipute sakhua sawi mawi tumna lamah Bible sawi chhiat vak a tul lo.
39
shailendra Says:
May 8th, 2011 at 11:30 am
Jewel kawchhung a tulum lut, VaiVa han man beh tir vel ila, ka va han hmu chak tak
40
TuaiSialA Says:
May 8th, 2011 at 11:33 am
Pu Shai, VaiVa’n a dawmbeh hneh i ring reng reng em ni?
41
bucko Says:
May 8th, 2011 at 11:38 am
#39.. hmuhnawm awm mange…
42
mr.Duhlova Says:
May 8th, 2011 at 11:46 am
31
TSA # Ka en nghal.. a lo nih chian ngei hi….hmanah a mah zuitu pakhat nen kan in kawm tawh a, a tan fung ho kha ‘Rorelliana ziak’… a ni fur mai a. Bible te chu Mosia politics a nia..mahni hnam kaltlangin Pathian a biak theih…tih vel a ni ta awm e………(1990 vel ka a ni ta awm e) a thu rawn phawrh pawh amah Rorelliana’n ziaka alo dahthat ho a rawn phawrh a nih khi…….

Sualna neilo, eiruk ve duhlo an inti a, Sesawngah kut hnathawh an in zirtir a, ‘lo’ an siam a, thalai te an fuihpawrh a, hna an thawh tir tun tun a, an thawhrah sa tlingkhawmin, Foreign ah a zin zaih zel…an ti, an la chhunzawm zel emaw.

Chaltlangah, anmahni pawl a mi ramah building an sa a, an in ngeih leh ta silo va,”kan building a nih hi” an ti ngawt a le, a ram neitupa thinrim-in, ‘ anih chuan..in building hi darkar 24 chhungin ka ram atang hian la chhuak rawh u’ a ti ve ta a, concrete in anlo sa tha/nghet ropui si a…an buai teh a sin.

Belh chian an dawl lo, an lem teh mai a nia aw…

Satana hian a man nghet tlat tawh a nih hi………
43
chhangban Says:
May 8th, 2011 at 11:54 am
chuti chu.. Rorelliana in tih chu.. tuna kan Misual member pui mizo-sakhua-a hi ani tihna em ni????
44
Bawngtlaia Says:
May 8th, 2011 at 12:05 pm
Adama thlah i nih loh chuan tu thlah nge i nih ang le?

Tin, Adama fapa Kaina khan Nod ramah nupui a neih thu a inziak lo bawk Genesis-ah hian.

Genesis 4:16 ah chuan ”Tichuan Kaina chu L-a-l-p-a hnen ata chu a chhuak a,Eden chhak lama Nod ramah chuan a awm ta a” tiin a inziak a.

Genesis 4:17 ah chuan ”Tin, Kaina chuan a nupui a pawl a…………” tiin a inziak bawk.

Bible hi i rin loh dawn pawhin lo zir chiang leh deuh ta che.

Nova lawng chungchangah chuan kha tih laia tawng khat leh tunlai tawng khat kan hriat dan hi a inthlau viau ang le. Sawi thui lo mai teh ang, i awi dawn chuang si lo.
45
mr.Duhlova Says:
May 8th, 2011 at 12:11 pm
Hnam sakhua-a (Rorelliana)

https://i52.tinypic.com/2d78xzk.jpg
46
kawlnicolney Says:
May 8th, 2011 at 12:13 pm
47
shailendra Says:
May 8th, 2011 at 12:21 pm
TSA #40, chu tak chu a lawm hmuhnawm tur chu…
48
covenanter Says:
May 8th, 2011 at 12:26 pm
Ramhuai chu an be lo mai thei i pathian hian ramhuai a hlau chiang alawm……sap ho ngaih leh keima ngaih ah pawh sacrifice na thil an hlan chuan an bia tihna. Dilte ,tlangte, lungphunte ang be thin chiang takin ka hria…….an belo tih hi tanchhan awmlo ani e..
49
buhchangrum Says:
May 8th, 2011 at 12:26 pm
#25chhangban
kan admin te zingah he sakhua a inrawlh thuk tak in om nilo mo>??
#31 TuaiSialA
Mr. Duhlova, a blog-ah en mai rawh le. Admin pakhat siamthatsak ngei hi

anni pahnih thu post atang in Admin te hi an inrawlh ngei e hnam skhua ah ha2…..
50
Keimah Thingtlangpa Says:
May 8th, 2011 at 12:28 pm
@HNAM SAKHUA, i post i vil chuan hei hi ilo en dawn nia. Bible hi Pathiang(nanga Chung Khuanu) ni lo. Pathian nung thawkkhum a ni a. Ka pawm thlapa, rinhleh pawh ka nei lo. BIBLE THU A NIH CHUAN JONA’N NGHAPUI A DAWLH PAWH TI SE KA AWIH ANG!

51
Malawma Says:
May 8th, 2011 at 12:29 pm
Hnam sakhua = Rorelliana
Huh!!! mahni hming pawha rawn lut ngam hlei lo.
Dawih e mai…. Rorelliana pawh hmang la, mi(sual) ah chuan angkhat pat a ni tho ang.Inthup tit tet chung a zirtirna vawrh te chu a, Pa lo em maiiii.
52
Zoram_Genesis Says:
May 8th, 2011 at 12:33 pm
Pakhat chauh: i post “Entirnan, tlem te han tarlang hlek ila; Isua chu ‘Remna Lal’ tih a ni a (Isaia 9:6), mahse, amah Isua ngeiin,”Lei chungah rem lentir tura lo kal emaw min ti suh su, rem lentir tura lo kal ka ni lo a, do lentir tura lo kal ka ni zawk,”(Luka 12:51-59), Matthaia 10:45-36), tiin a sawi a…” tih hi…

Bible hi a inkalh lo, Bible sawi tum hi i man phak loh em vang a ni zawk e!

Lal Isua hian mihring leh mihring inrem nan maia a nun hlan a ni lo… Obama leh Osama lo inrem ve rikngawt nan Kraws-a khenbeh a ni lo … Pathian leh mihringte inremna lam a ni zawk..hrethiamz?

Bible hi a inkalh lo, Bible sawi tum hi i man phak loh em vang a ni zawk e!
53
Fakawma Says:
May 8th, 2011 at 12:40 pm
Hnam sakhua a chu chhelo ve..sitar let tawp2..
54
keimah Says:
May 8th, 2011 at 1:05 pm
“Post chu ka vil a, mahse…

“Thiante u post chu ka vil a, mahse in comment zawng zawng chhang let tur leh email zawng zawng chhang let tur chuan hun ka nei bik lo a ni e. ”

email te chu va hmu tam awm chur chur ve aw!! Comment zawng zawng chhan chu a har deuh mai thei a, mahse, i point kan han phehthlakna te khi chu han chhang ve bawk la mawle. Thu taka comment duh chu mi 2 or 3 bak kan nih loh khi, Pu Rorellian!
55
lrpa Says:
May 8th, 2011 at 1:20 pm
Mi a, piangsual (rualban lo) an awm a, dem theih an ni lo a, an pianpui anih miau avangin.
Mi mawl an awm a, an ngaihdan a fing lo a. Kaihhruai deuh an ngai a. Mahni in thuthlukna siam an harsat bawk.
Mi bo an awm a, an ngaihtuahna a chingchi vet tlat a, Mi a leh mawl category a khungluh chiah theih an ni bawk si lo a
56
Ozima Says:
May 8th, 2011 at 1:21 pm
Tang thawmah kan bauh luai luai ni maw? nuam eeeeeeee……….. He pa beh buh hi makna riau a neih chu amah awm silo hian kan chhang kan chhang peih tho nia maw le!

@keimah: A e-mail chhang tur ringawt pawh nupui tharlam 2/3 vel a kawl duh hmel. Roluaha’n luite dungah anlo inmawngzawm put a tih ang deuh khan a ni pawh hi a buai em em a niang chu maw le
57
aduhi Says:
May 8th, 2011 at 1:24 pm
@keimah post tupa hian fan mail a dawng nasa alawm, paparazzi ho in an veh reng bawk sia, TV leh magazine lamin a hunawl hlek ah an lo interview si nen, hunawl hi a nei hlawlllllllllll lo..
58
рдпģŤіСHAЩЯ Says:
May 8th, 2011 at 1:31 pm
Lalhnam kan ni e
59
chemtatrawta Says:
May 8th, 2011 at 1:40 pm
In chhiar peih mai mai ka ti. Post pawh vil hmanlo khawpa buai chuan engati nge thu sei deuh deuh a post hman zawk a…Tin, Post ten a rawn reply vel che u nia..a zahpah vak lem lo che u, readers ho kha

@pangtichawr,Kei pawh lal tupa ka ni alawm..
60
shailendra Says:
May 8th, 2011 at 1:49 pm
Hawh u, Tualsumsu leh Zunhindawt in ‘fight’ chung chang i sawi ang u.
61
Sony Says:
May 8th, 2011 at 1:52 pm
Sakhua hi mimal rin dan leh tih dan ani a. Hnam anga sakhaw nei chu Juda ho chauh anni.
62
Awzzman Says:
May 8th, 2011 at 1:56 pm
e khai a….hetiang lam thu hi chu hman ah pawh in Pathian Rorelliana`n Thingkangphai ah thu a rawn sawi hrep tawh , pui pun na hmun ah hian kristian sakhua hi in sawi chhe vak2 a.!! Thalaite sukthlek rawn herdanglam sak i tum ni maw?

Hei le, Rorelliana thlalak

https://i51.tinypic.com/30ij1ht.jpg

Laisuih A, Aw, lalhnam ho hawrawp chu

https://i54.tinypic.com/dm49hf.jpg
63
chhangban Says:
May 8th, 2011 at 2:41 pm
@59 Chema- keichuan ka chiar sak looo.. admin ho hian engang pon off topik mahila min hau silo a.. nuam ve mai2 lom..
64
VaiVa Says:
May 8th, 2011 at 3:14 pm
Pu keimah, hetiang ziak ziak hian thutak an pai ngai lo. Hnam leh Sakhua tih vel mai mai te chu…… kawr/ behchhan a nia. An buaina tak chu pawlah a ni. Hruaitu an tlin loh avangin hotu nih ve dan awlsam an zawng a ni ve mai lo maw?

A ziah ang khian a sawi hnam sakhuaah kir leh pawh ni ta I la, Sailo, Pawi, ldt. Sadawt kan hmang ve lo ang, kan pawlin Inthawinan chuan Sadawt kan nei hrang ang eke baale an ti tho tho ang. A hnam ang chuan kan lungrual leh dawn chuang si lo va, a rilru in mil tawk te te kha an tawm khawm thap ang a. Lalber nih an inchuh ang a, pawl chhuak an awm leh ang a…. ha ha ha… teh duah a
65
TuaiSialA Says:
May 8th, 2011 at 3:16 pm
‘Lalhnam nge Phuihnam i duh?’ min ti sela chuan ihe lovin ‘Phuihnam’ ka ti ang.
66
laimizodagr8 Says:
May 8th, 2011 at 3:17 pm
POst-a thuziak hi chu ka pawmsak lo chiang! Bible a rawn tarlan te khi a zirchian loh vang niin ka ngai bawk. Tawngtaisak a ngai tih pawh ka hai lo.

Mahse comment rawng tak2 ka hmu khi chu tha ka ti lo.. Misual.com a ni a, tupawhin ngaihdan kan sawi thiang, chutiang bawkin hnamsakhuaa pawh hian a ngaihdan a sawi thiang, admin te block tura tih chiam hi tha ka ti lo. a ngaihdan khi i duh leh tawmpui la, i duh leh tawmpui lo la. Mimal taka inbeihna awm thin hi tha ka ti lo khawp, a ngaihdan zawk khi beih tur! A thlalak te nen lam tarlan khi a tul lo khawp mai… Thenkhatin “mahni hming tak pawha post ngam lo leh hming lem vuah chawpa post” ta anga in bei vak pawh khi a thring, hming lem hmang deuh vek kan ni sia!
67
TuaiSialA Says:
May 8th, 2011 at 3:45 pm
Awle.. Post-tupa, thil ka’n hrilh ve ang che, misual.com i la hrechiang lo em mai.

A hmasain hetiang rindan leh in thurin, midangte rindan tibuai thei tur rawn post tawh suh. Kohhran hrang hrang leh rindan hrang hrang nei kan ni a, tuman kan thurin lampang hawi kan post ngai lo va, Pathian thu kan post chuan tha takin Pathian thu kan post mai a, UPC, Presbyterian, Baptist etc member te paw’n chu chu lungrual takin kan chhiar mai a ni. Mahni thurin kan tlangaupui vak vak lo.

Mi rilru hneh hi rawn tum suh. Khawvel a changkang tawh a, Mizote pawh kan changkang tawh. Kum 1950 velah khan he’ng i thuziak ang hian lo tlangau ta la, zuitu i nei ngah chak ngawt ang. Mahse, tunah chuan kan fing tawh a, kan duh chu kan chhia leh tha hriatna hmangin kan thlang tawh. Nang pawh UPC, Presbyterian, Baptist etc rindan tawm turin kan beisei lo che a, kan ti lui lo bawk che. I chhia leh tha hriatna hmangin tha nia i hriat chu i pawm mai a, i rindan sawhsawn kan tum ngai lo. Hetiang lam hi rawn post eng ang mah la, tuma rilru i hneh dawn chuang lo. Chu vangin i hah thlawn mai a ni.

A tawp berna atan chuan hetiang lampang hi rawn post tawh reng reng suh. Thil dang erawh rawn post la, kan lo chhiar ang a, kan lo comment zel ang. I duh leh i chanchin emaw, in pawl dinchhoh dan emaw, in pawl i vahvaihpui dan leh in pawl chanchin hrim hrim rawn post la, bengvarna lampang hawi a nih avangin kan fak zawk ang che. Rilru thianghlim tak puin chutiang chu rawn post tum la, nangmah ngeiina i ziah chu thil tangkai, history leh documentary pawimawh tak a tling a ni mai.

September ni 27, 1978-ah Mizoram Evangelical Association (MEA) i din a, 1985 February thlaah Lalchhungkua tiin in thlak a. In pawl chhunga inrem lohna lian tak a awm avangin April ni 12, 1995-ah in inthen a, i pawlte chu Nunna Lalchhungkua in inti ta a. Chu’ng vel chu Mizo history atana pawimawh tak a ni a, a bak kan hrechiang em em lo. Nangmah ngeiin lo la ziak ngei turin leh tuna i post ang kha post tawh lo turin kei TuaiSialA, misual.com member active ber mai hian ka ngên che a ni e.
68
aduhi Says:
May 8th, 2011 at 3:57 pm
A tawp a tawpah chuan Tuaisiala a inbengdai zo ta lo.
69
Hnam sakhua Says:
May 8th, 2011 at 4:35 pm
Rorelliana chu ka ni mawlh lo mai, i hriat duh chuan ka han hrilh ang che Lalnunpui Kawlni (Lalhnam) Mahni hnam sakhua ngaisangtu ka ni e
70
chhangban Says:
May 8th, 2011 at 4:45 pm
Kawlni hi lal(raja) anlo ni ve thin elo.. maipawl ka van pu lo vee oooo..

nunpui.. i suas veau phei chuan.. ka inlet thei reng a nia.
comen dangah poh ka soi toh khi.. heheheheh chuks..
71
Hnam sakhua Says:
May 8th, 2011 at 4:46 pm
Rorelliana chu ka ni mawlh lo mai, i hriat duh chuan ka han hrilh ang che, Lalnunpuia Kawlni(Lalhnam) Mahni hnam sakhua ngaisangtu ka ni e.
72
funny Says:
May 8th, 2011 at 4:46 pm
hihihi

Hnam sakhua: “Nunna Lalhnam” tih hi kohran/pawl ang deuhin in ding ami?
73
hmelthatea Says:
May 8th, 2011 at 4:54 pm
hahaha ka nui uar uar mai, mimal in huatna vang nilova, i ngaihdan vanga khati khawpa kan sawichhiat na che pawh hre lo der (i hriat chu ka ring tho, mahse nang aia fing zawk an tam avanga rawn comment ngam loh leh vil peih lo) a, Post panga paruk(?) dawn lai post tawh pawha la comment ngai lo tu, ina Rorelliana intih chu i ngai thei lo hle a ni maw!
74
keimah Says:
May 8th, 2011 at 4:58 pm
Hlawl mai a! TuaiSialA nge nge, cho chuak hlawl mai a lawm!

Welcome, Nunpuia Kawlni (Lalhnam)! Kei pawh Lal hnam ve tho, Sailo ka ni e! Unau kan lo nih lek chu! Kan va lo inhai hnai deuh ve!!
75
Keimah Thingtlangpa Says:
May 8th, 2011 at 5:02 pm
Tunah chuan i rawn lang ta bawk a. I ngaihdan a ni a, kan sawisel a thianglo. Mahse, he website ah hian sakhaw chungchang rawn post vak vak hian inpawl tan kawngro a sut phah ka ringlo! An comment hi chhiar la, tunlai tawng takin an ei lo che tih a hriat khawp mai. Hetiang thubelhchian dawllo leh Bible sawichhiatna lam chu rawn post vak vak tawh suh! Kan website pawh hian a tlo loh phah ange!
76
chhangban Says:
May 8th, 2011 at 5:07 pm
Nunpuii mo lo tih hmanhmoh naklai ah… nunpuia lek..
77
Keimah Thingtlangpa Says:
May 8th, 2011 at 5:07 pm
@lalnunpui, pawlchhuak tlemtein hnam sakhua bik in nei tihna mi?hehe. Rorelliana i nihloh chuan a kaihza vengtu tal i ni anga..hihihi!
78
Hnam sakhua Says:
May 8th, 2011 at 5:08 pm
Tuisiala misual.com -a pathian thu in post hian inthurin lam hawi zawng hlir a ni lawm mi in post thin. kei pawn kan hnam thil ka rawn post ve mai a ni e. Tin a post tupa thlalak in hmuh duh chuan ka la rawn post a nge. Kristian sakhua leh kan hnam culture a inmil thei lo a niang, hman deuh tawhah khaw pakhatah Lalhnam(Mizo sakhua vuantuten)hnam lam an entir dawn a, chu khuaa kohhran upa pakhat chuan eng pawl emaw in eng lam emaw ni an entir dawn a, tuman en loh tur tiin a tlangau a. Mahse, an zawm lo kher mai. Pathian(Khuanu) in hna a thawk a nia nge. Kei ni chuan kan hnam lam te leh kan hnam zai te hi pathian fak nan kan hmang zel mai.
79
TuaiSialA Says:
May 8th, 2011 at 5:08 pm
@hnam sakhua: A nih chuan eng vanga i blog (mizosakhua.blogspot.com)-ah saw’n profile-ah Rorelliana tia indah nge i nih? Saw saw i blog a ni lovem ni?
80
saitawka Says:
May 8th, 2011 at 5:09 pm
Kei pawh ka nuih a za tlat!
81
Hnam sakhua Says:
May 8th, 2011 at 5:15 pm
Ka blog chu hnamsakhua.blogspot.com a ni e. mizosakhua.blogspot.com nen chuan a inang em le.
82
Hnam sakhua Says:
May 8th, 2011 at 5:18 pm
Pawlchhuak zingah chuan pawlchhuak lian ber in ni zawk lo maw.
83
chhangban Says:
May 8th, 2011 at 5:22 pm
Tuaisiala.. a dang eeee lee lele lelele
84
lrpa Says:
May 8th, 2011 at 5:23 pm
welcome..Hnam Sakhua..!
Sakhaw chungchang kher lo pawh hi rawn sawi ve bawrh bawrh rawh aw..Thil atchilh lutuk bik neih hi a tha lo ania!
85
aduhi Says:
May 8th, 2011 at 5:23 pm
in pawl chanchin lo ziak la
86
lrpa Says:
May 8th, 2011 at 5:28 pm
Hnam Sakhua..hei chhasste Aduhin a sawm che hi
Rawn ziak tak tak teh khai, hriat chiante pawh a chak awm a lawm.
87
keimah Says:
May 8th, 2011 at 5:31 pm
Tunge pawl chhuak zawk inhnial ang u!!
88
VaiVa Says:
May 8th, 2011 at 5:33 pm
Vawiin hi Pathianni a ni a. Sakhuana sawisel hi a dawngtu tan mai bakah mi thin tina tu leh tharum hial thawhna thlen awlsam bertu ti i la ka sawisual tam in ka ring lo. Pathian thu lam hawi zawngah hian han sawi tur hi kan hre vang mai mai khawp a. A nih ang ang leh ka hriat tlem ang ang hian ka pawm ve tawp mai a. Han sawi belh tur leh han thairin belh tur erawh ka baihvai ve hle thung a.

Amaherawhchu, ti teh ang, Mizo hnahthlak te tan an tih thin website emaw ka lo tih thin ah hian kristian website emaw ti kan awm niin ka hria (keima mimal ngaih ve dan mai mai!) Kristianna sawisel kan huat em em rualin hnam dang sakhua erawh fiamthu nan kan hmang nasa hle thin lawi a. Hei hi sakhaw dang vuantu ten an chhiar ve loh vang kan ti deuh bik nge ni, rinna chu a ringtu te tan chuan a dik berin a tha ber ve vek thin.

Tuna post ang chi te hi chawtak khuka khukpui chi a ni lo ti vek chung si in kan helh em em lawi si a. Vai rama missionary thawna kan duhthawh em em laiin rinna dang rawn pulut te erawh kan ngaithei lo hle lawi a. Gita Mizo tawnga an lehlin meuh chuan hal duh tawk te pawh kan lo la awm zel a. Aizawl khawlaiah hian Muslim/ Hindu puithiamte phei chuan thu te rawn sawi ve se la, vaw hlum duh kan intlarput in ka ring nia!

Chutih rualin thenawmpa eiru ni ngeia ngaih erawh kan be tlawn tha duh phian lawi a, zu khap duh leh duh lo pawh kristian theuh theuh kan ngaihdan a inang lo em em bawk a, Biakin sir hungchhung chiah si lo ah te sumdawnna kan bun rup rup tawh pawhin kan la kristian tlang em em zel tho a, sawisel tawk erawh kan pung tual tual lawi a.

Pres mite chuan a lang mawiah chuan Kristian vek kan ni ti theuh chung si hian “A ni chu UPC a nia” tiin fiamthu thawh nan kan hmang leh lawi si a. Fiamthu ti chung zel hian mahni fate UPC ina lawitir phal lo erawh an tam hle thung nia!. Lehlamah chuan fiamthu te hi kan lo dawl khawp mai hi a lo ni a. Kan politician eiru an nih lem loh pawha a lang emem a dawt sawi tih kan hriat theuh pawh hian a thusawi tan dawn a piangin a tawngtai ziah a. A thil tih a bansan lem hlei lo a.

Zoram kristian te hi thlan bik kan nihna pawh hi kei chuan ka la man pha chuang lo a. Kan rinna erawh inenfiah kan ngai khawp nia. Kan zui duh chuang loh ka ring titu kan tam lutuk hian nun lem erawh chu a post tupa sawi ang hian kan pung tual tual ang.

Hawh u, i inngaihtuah chiang ang u!
89
funny Says:
May 8th, 2011 at 5:36 pm
‘Nunna Lalhnam’ ho hi kum 25 zet chu hlawhtling takin anlo ding ve tawh niin a lang.
90
chhangban Says:
May 8th, 2011 at 5:40 pm
“Hnam kawngbo hruaikir lehna” heihi tu lehkhabu ziah nge a..??? I source pui ber anisia..

Keimah= keipoh eng2 emo pawl atang chuan ka chuak ngun toh mai..
91
mr.Duhlova Says:
May 8th, 2011 at 5:52 pm
Kei pawh Junior Sporting club (pawl) atang in ka chhuak tawh. Mahse ka in chhuang ve kher lo
92
TuaiSialA Says:
May 8th, 2011 at 5:59 pm
@Hnam sakhua: I rawn post ho hi ka blog sawia mi an ni hlawm. A nih chuan a thuziak ruin hetah i paste pawp mai tihna em ni? Nge, i thu rawn post ho hi in pawl thurin bu-a mi zawk em ni? Thil hi ka hre lo lutuk a!

Tin, a pawlchhuak zawkin pawlchhuak te min han ti ve khanglang a. Nangniho vanga pawlchhuak tih hming hi lo piang a ni tih hre ta che. Presbyterian, UPC, Baptist, Salvation etc te hi pawlchhuak a ni reng reng lo. He’ng kohhran atanga inlapengte hi pawlchhuak chu in ni. Lalchhungkua pawh hi pawlchhuak, Nunna Lalchhungkua hi Lalchhungkua atanga chhuak in nih avangin pawlchhuakah pawh chhuak bik tak in ni. Pawlchhuak chhuak leha mi i nih hi rawn insawitheihpui vak teh suh. Hnama chiang leh Mizo history hre ber ang ziazanga rawn pau vak vak ringawt mai. Rorelliana kha a la dam chuan rawn luhtir rawh.
93
VaiVa Says:
May 8th, 2011 at 6:08 pm
pawl chhuak sawi sawi suh u, misualah chuan Taikheri chiah pawl chhuak a awm
94
Hnam sakhua Says:
May 8th, 2011 at 7:42 pm
Sialtea, pawlchhuak tih chu i va la na rem rem ve le. in beng dai deuh teh. Nangniho pawl chhuak in nih si loh chuan keini chu kan ni lo leh zual ang.Pawlchhuak pawh lo nisa teh mah ila, kan hnam sakhaw dik ka vawn theihna anih chuan ka la lawm tho tho e.
95
mr.Duhlova Says:
May 8th, 2011 at 8:12 pm
94
Hnam sakhua # Kei ni chu Kristian kan nia ‘daih mai a’, van atanga lokal Pathian Fapa Isua Krista ringtu/zui tu,piantirh atanga ‘Kristian’la ni ngar ngar kan nia. Isua baka leader tha an awm bawk hek lo. Khawvel huap daih a sin, hnamtin chitin ten an zui hut hut a nia…….

Hnam sakhua….lar-lo ve ang reng…Aizawl ah ngei pawh naupang/nula/thalai etc. zawt ta ila….:

Isua i hria em? = Aw hria e
Bible I hria em? = Hria e
Johana i hria em? = Hria e
Petera i hria em? = Hria e
Isua kha Khawnge a thih? = Kross ah
A tho leh em?= AW! Nithum ni-ah a tho leh.
Khawiah nge a pian? = Bethlehem ah.

Hindu sakhua i hria em = Hria e
Muslim Sakhua i hria em? = Hria e
Sikh Sakhua i hria em? = Hria

A nih leh Hnam sukhua i hria em? = HRE LO
Rorelliana i hria em? = HRE LO
Lalnunpuia Kawlni i hria em = HRE LO

Lar lo ve hle mai a….
Silchar pelh chin atang phei chuan….Ma lum nai.

Lalnunpuia Kawlni(Lalhnam) i inti a, i lal hnam kha rawn chawi vul a, lal ang a rawn dinchhuah ve leh theihnan Hnam Sakhua i rawn hmatheh vel a nih hmel…

..i hnam sakhua chu, ‘Kawlni Sakhua’ ah i la luhpui leh duh hmel….. te ka lo ti ve mai mai

Bible i nei ve mial em? Lal Isua chanchin hi zanin chu lo chhiar ve mial teh aw…..tu ten emaw an brainwash mai mai che ni in a lang.

Rorelliana kha i pa a ni em aw…? Rorelliana kha Kawlni ve tho a ni in ka hria….mahse chiang lo ruai?
96
TuaiSialA Says:
May 8th, 2011 at 8:20 pm
Hnam sakhua tih hi i àtpui tak tak a nih dawn hi! Buannel.com-a i post ka va hmu a, comment i hmu lo. Lawrkhawm lamah post i tum mek a nih ka ring a, an publish duh ngût ang emaw. Kumin February thlaah facebook-ah account i siam a, kawng hrang hranga hma lain i sakhua tan theihtawp i chhuah a. I la inchhir mawlh. Harhchhuah hun i nei ngai a nih chuan he ka comment hi i la rawn hrechhuak dawn nia. I hnam sakhua hi i dinchhuahpui lovang. I la tlukchhiat phah ngei ang. In pawl chanchin kimchang chu kan hre châk khawp mai a, rawn post teh khai.
97
Ozima Says:
May 8th, 2011 at 8:27 pm
Pawl pawl pawh duh chuang lo pawl kha a ni em le rorelliana hi?
98
vuaia Says:
May 8th, 2011 at 8:48 pm
Kei chuan Christianity hi sakhua ka ti phal lo…chu ai chuan a chungnung fe zawk… Ka Pathian chu Pathian nung, engkimtithei, engkim siamtu a ni… Aw hnam sakhua, nangpawh a siam ve che…. Ring lo mah la a siam i ni tho tho… Hnam i ngaisang a a lawmwm e. Mahse i sakhaw ngaihdan hi a kawi hret a ni… Pawl chhuak chhuak leh maw i lo nih a, lut leh daih rawh i bo thui lutuk hma hian
99
Zopatriot Says:
May 8th, 2011 at 8:52 pm
Hnam sakhua chu ka lo rin ve mai mai dan chuan Hindu missionary ah ka lo ngai deuh a, engpawh ni se, Hnam sakhua thu ziak hi a mawl hle in ka hria. Hnam Sakhua (Mizo Sakhua) hi lo la zawm ta I la, tunah Mizo te hi tun dinhmun kan thlen phak ka ring lo, Kristian Missionary te kha lo kal in, ziak leh chhiar te lo thiam lo phei I la chuan, bengali script leh tawng hmang in, Tripura Kokborok tribal ang sawn, kan ram chhung ah kan tri duk in ka ring. Keini Mizo te tan chuan KRISTIAN na hi MALSAWMNA, CHANGKANNA, HNAM LUNGRUAL NA LEH MIZO HNAM CHAWIKANG TU leh KAN CHATUAN NUN BEISEINA MIN PE TU A NI IN KA HRIA.
100
aduhi Says:
May 8th, 2011 at 8:58 pm
comment chu ngaihnawm chur chur hlawm hle mai
101
aduhi Says:
May 8th, 2011 at 9:02 pm
mi in in pawl chanchin an hre chak tawh bawk a , Lalnunpuia chu chiang zawkin rawn ziak thei la kan lawm khawp ang. Engtik kuma din nge, tu din nge, member engzat nge, khawiah nge in hmunpui a awm etc etc. thlalak te nen.
102
D_auaChwngthu Says:
May 8th, 2011 at 9:18 pm
2nd
Hnam Sakhua Post hi Comment a hmu hnem thei bik e…..
103
Ozima Says:
May 8th, 2011 at 9:26 pm
Eng award emaw chu dawng tlak a ni, vil loh paw’n century a siam thei tlat!!
104
aduhi Says:
May 8th, 2011 at 9:28 pm
award in charge chemtatrawta a rawn lang tep, a rawn sem fel leh zung zung mai ang.
105
hmelthatea Says:
May 8th, 2011 at 9:40 pm
@ Lalnunpuia Kawlni(Lalhnam) Mahni hnam sakhua ngaisangtu, i post 78 a,” misual.com -a pathian thu in post hian” i rawn ti vel rawka, pathian thu kan post ngai lo, chi bing Sakhua inlak hranna theology pawh, amaherawh chu Pathian thu kan post thin, rinna therhhlo ho te te leh in bumna dawrawm te te hmanga ram lak tum leh ropui duh vanga, ngaihdan chhawrbaw tak tak lo tlangau pui chiam chiam hian ram hnuk a hlat lutuk (thawhlehna chu i post nena tehkhin chi pawh anilo), A reng reng thu ah I post a comment-na tam tak, ngaihdan nilo, FACT kan misual hovin an rawn chhanna atang che khian Mimawl tan pawh, ‘a lo ni maw’, tia sim hmak tlak a nia sin. Mahse nang chu I la kal chut chut chu a ni sia leh,..
Tin, a last paragraph atanga lang pakhat chu Vanram a awm i ringloa, pialral lam in I lung a len zawk ti ila, kan sawi sual tampui lovang, Kan pi leh pute Pialral an chak na chhan chu, kan hrilh ang che, faisa ringa awm kha a ni tlat (a lehlam sir atanga en chuan), thatchhia, engmah tih ngai lo, zu leh sa, a thlawna engmah hnathawh ngai lova, a awmsa ringa khawsak der der kha an thlakhlelh ber a ni tlat, an duhthusam kha chu hniam vang vang tak ani, chutiang vel zun ngai chuan patling I au I au chu ania, Nunna kawng thuampui chu hnaih lo ve tak chu I ni,.. I bo takzet a ni, I bo thlawt,.. ka Unau! Peter-a te pawhin khawvel tawp hun Rorel naah chuan an Delete hmak ang che,..
106
Sandman Says:
May 8th, 2011 at 10:23 pm
hetsss… weekend chuan ka rawn online ngailo a sin, mahse admin pakhatin sms mi rawn thawn avangin he post leh comment chu ka rawn chhiar chhuak nghal e…

a hmasa berin, a ma blog emawni in tih chu ka siamthat sak ngei e, mahse khi, khami blog neitu a nilo a rawn tih khi. engpawh nise, a blog pawh lo siamthat sak ta ni i la, hemi viewpoint a neih hi admin ten kan endorse tihna a ni kherlo. mizo bloggers tammmmm tak blog ka siamthat sak tawh a, an template leh widget diklo etc etc… ka siamthat sak zingah pawh kan mizo missionary an awm nual bawk e. an ni pawh in hepa ngaidan an support tihna a ni dawn a mi, an blog ka siamthat sak vang mai in? personal attack hi chu i ti vak lo ang u khai.

chuan, nia, hemi thu ziak ho hi mi tamtak ngaihdan a nilo tih pawh kan hria. mahse misual.com ah hian in duh ang chi leh ngaihdan ang chauh lo post ta i la, enge kan SUALna ni ang? kan ngaihdan nilo, kan viewpoint neilo etc ho tan hetah hian hmun a awm lo tihna a ni dawn mi?
107
D_auaChwngthu Says:
May 8th, 2011 at 11:14 pm
Admin te kha a theih phei chuan hetiang lam pang thu post hi rawn khawn belh zel thei ula ka va ti em ve aw,……!!!!!!! Mahni rinna kalh deuh thil ziak a nih avanga lo rak chel chul rik ngawt mai chu a nep ka ti thlerh thlerh em mai,…. Hindu Sakhaw chanchin te , Muslim Chanchin te hi rawn post cheih chuaih teh U’nnnnnnnnnnnnnnnnnnn…
108
Benny Says:
May 8th, 2011 at 11:43 pm
A tha viau zel e!
109
zoho Says:
May 9th, 2011 at 12:41 am
@hnamsakhua aka lalnunpuia kawlni(lalhnam?) i blog ah chuan ka va lut e. I rindan ah chuan i reason nasa viau chuan ka hriatsak a che,Pathian dik pawh i zawng thawkhat e, mahse i diklo.
Hnam sakhua kan vawn lai nun kha i lunglen tlat mai a,a englai kha nge i lunglen chu ni a? Vawk leh kel leh ar a inthawi kha chu a ni loh ka ring. Zu hmun leh zai leh lam kha em ni? Khang kha chu khuanu biakna anni hleinem i tih ka ring leh bawk si. Thingfak a kawngkhar kalh leh an sa leh an khua biak zirtirna inzawmna tlarkhatte mah chhiar tur ka la hmu ve lo, sadawt leh bawlpu in chung chu an zirtir thin maw? Teuh lo mai, an social instutition- zawlbuk pum chhuak a ni zawk e. Khuanu an biak dan tak chu han chawinun tur a va vang raih raih ve le.Puithuna atthlak lutuk kha tha i ti tihna em ni? Animalism hi tha i ti tihna em ni? Khawvel a hnam hrang hrang te primitive religion leh tribal religion hi i chhiar nasa em?

Rinna leh sakhua a kan nghehloh leh chaklohna chhan ah kristianna i rawn puh hmiah mai hi i va han BIAS teh lul em! Silchar vai bengali ho an hnam sakhua Hinduism kum 4000 a upa a lo rinawm tawhte khu mark i pe sang viau em ni?I it emni? An dik i ti em, an rinawm i ti em?

Khawthlang hnamho ten an sakhua hlui(druidism) thlauthla a Juda sakhua(I ti miau si a) leh Juda tlangval an zui ta daih hi an chhiatpui nasa i ti viau em ni? Hnam sakhua an bansan avanga an tihsual lian deuh deuh ni a i hriat point 10 tal han tarlang la mawle. An culture leh Kristianna hi a inhne rem thei miahlo i ti takmeuh maw? Eng tehfung nge i hman(ang) le?

Bible in khawvel siam dan leh khuanu remruat dan(Law of nature) a sawite chu an lo dikzia science in a finfiah chhoh mep mep lai hian i hnialkalhna han sawi teh. Bible hrilhlawkna an thlendik chhoh muah muah lai hian i sakhua biak chuan eng hrilhlawkna nge an lo sawi ve reng reng, engte nge thleng dik tawh, han sawi ve teh.

Pathian thu ah hei chen kal peih chu i tuihal a, thudik chu i zawng ka ti lo theilo che, mahse i tui tlan mek hi TUR a ni tih hi hrilhhriat che hi chu ka bat a ni e.(chhiar tak che maw, ka tihtur thulh a kan tih tak chu a)
110
hmelthatea Says:
May 9th, 2011 at 12:42 am
Leh talai chuan a!
111
CFL Says:
May 9th, 2011 at 1:40 am
Hairehai
112
Benny Says:
May 9th, 2011 at 1:42 am
I hming leh hnam hming han en mai chuan kristian chhungkua atanga lo zi chhuak i ni tih a hriat mai a. Engtiklai vel atang khan nge ni i kal sual/pen tak aw? A pawi hle mai. LOKIR LEH HRAM RAWH.
113
Hnam sakhua Says:
May 9th, 2011 at 7:08 am
Thian duh tak te u, thil pakhat- Evi leh Adama thlah kan ni in ti si a, a nih theih dan min han hrilh fiah teh u.
114
mr.Duhlova Says:
May 9th, 2011 at 7:12 am
113
Hnam sakhua #

Bible kha chhiar la, kan Pathian thu in a hrilhfiah mai ang che.
115
Maya Says:
May 9th, 2011 at 7:57 am
@ 109 Zoho . .pi pu te hun lai khan nge, kan kristian hnu hian fahrah leh rethei hmeithai tanpui ngai leh rualbanlo te hian tanpui na leh hmangaihna dawng hnem zawk ang le . .kan thawnthu a tang te hian fahrah leh hmeithai an hmuhsit zia kan hria . pi pu te zia a tha lai Tlawmngaihna Kristianna in a chhawm nung zel hi kan va vannei em.
116
VaiVa Says:
May 9th, 2011 at 8:47 am
#115 Maya, kan pipute thawnthu inhlanchhawn ah hian hmeithai retheite inhmuhsitna lam aiin khang thawnthute kha mittui nen an dinhmun chhiat zia leh midangte chunga a thlen ve loh nan a inhlanchhawng thin a sin an nih! Inhmuhsitna ni loin midang chanhaite khawngaihna nen zirtirna neiin an in hlanchhawng thin.
117
TuaiSialA Says:
May 9th, 2011 at 9:09 am
@Sandman: Blog leh hmun danga mi lakchhuah chu credit pe lova chhuah phal loh in ti a ni lovem ni? Nangmah ngeiin i rawn post tawh kha. A rawn post ho zinga tam zawk chu khata mi ho kha a nia. Nge thuziak an intawm pawh ka hre chuang lo. Chuan, blog siamthatsak tih kha chuan inbeihna lam ni lovin ka fiamthu ve mai mai a nia! Hairehaiii!

Tin, democracy ram tih vanga hetiang zirtirna dik loh thehdarhtu nih hi ka thil hlauh ber a ni. Misual.com hi a thilphal mah mah a ni e. Hnam sakhua hi kan haw reng reng lo, a thil post ho, zirtirna dik lo hi kan hua a ni. Nangni pawhin rilru fim tak puin chhiar ula, zirtirna dik lo a nih in pawm ve thovin ka ring. He post vanga he zirtirna dik lo pawma zuitu an awm a nih chuan setana a va lawm dawn em! Hnam sakhua hian misual.com hmel a thlâk mek e.
118
TuaiSialA Says:
May 9th, 2011 at 10:06 am
Hetiang lampang a rawn post leh a nih chuan ka comment tawh lovang. Buannel-ah pawh a post a, tuman an comment duh lova, a reh hmak mai. Kan first inchuh thin vang a ni. Kan comment hian a phur tulh tulh a nih hi. A post a, kan zawhnate min chhang turin a rawn comment tha duh si lo. Ka comment tawh nguar ang
119
Krista Says:
May 9th, 2011 at 2:24 pm
Hnam Sakhua i post ka chhiar chhuak e. Bible i sawichhe ve nasa hle maw. I harhchhuah loh veih zawngin i chung a la pik khawp ang aw….. Ka ti tak tak.

A tul viau a nih loh chuan ka comment tawh lo vang.
120
Jacka Pi Says:
May 9th, 2011 at 2:33 pm
misual.commers ten tih tak zetin Hnam Sakhua hi i tawngtai pui teh ang u,he ti ringawt chuan hremhmun thlengin a bo tak ngial dawn
121
kanidar Says:
May 9th, 2011 at 2:48 pm
Mahni ngaihdan ni lem lo pawh hi chhiar a sual chuang hleinem. Zirtirna dik lo tih pawh hi a sawitu a zirin a dang thei viau mai thei a ni. Khitiang sakhua /rinna neitu tan chuan kan rin sakhua hi ‘dik lo’ a ni ve tho mai. Tawngtaipui chu a ngai khawp mai, mahse khitiang ngaihdan awm thei hupbeh ai chuan, siam that, khalh ngil hi a fuh zawkin a lang.

Tin, thu chhuah publish leh ‘lish chungchangah pawh Admin te pawm dan chauh chhuah a niin a lang thin hi tha lo ka lo ti thin zawk asin, kei chu.

@Sandman : Thumbs Up!
122
blackmagicwoman Says:
May 9th, 2011 at 3:05 pm
Ehe! Kanidari rawn lang hlawl mai! Mirage-i rawn lang leh zeuh thin bawk a…irre leh Pu myself an rawn lan leh chuan kan kim leh a ni mai

He post ah hi chuan duh duh in ka OT mai dawn a sin..pawimawh over lo bawk a! lolzzz
123
kanidar Says:
May 9th, 2011 at 3:10 pm
F4 kha an la awm em? kan ti (tri) leh dak a nge? haha
124
Mr. Sangte Says:
May 9th, 2011 at 3:11 pm
kanidar, i Avatar chu a va mawi ve
125
Hnam sakhua Says:
May 9th, 2011 at 7:43 pm
Thian duh tak te ka zawhna kha in chhang ngam lo nge,chhan ngaihna in hre lo zawk. Nge ni a dik zia in hria a, chhan in tum lo law law. Tin, kei chuan mit chhing chunga duhthusam sawi lawr vak hi tawngtai ka ti ve lo. tawngtaina tak zawk chu kan nun hi a ni e.
126
Ozima Says:
May 9th, 2011 at 7:48 pm
@Hnam sakhua: nangman i post i vil ngamlo zawk a ni e Rorellian.
127
keimah Says:
May 9th, 2011 at 7:55 pm
@Hnam sakhua, i zawhna #113 khi a chhanna chu: Evi leh Adama kha Pathianin mihring a siam hmasak berte an ni a, an thlah kal zelte hi mihring ho chu kan ni e. Evolution zirtirna anga zawng emaw, thil dang emaw atanga lo chawr chhuak kan ni lo. Nang pawh mihring i nih chuan Adama thlah i ni e. Lo hre tawh rawh aw!
128
Bawngtlaia Says:
May 9th, 2011 at 8:07 pm
Adama thlah ni lova Chung Khua-nu siam kan ni Mizote hi i tih pawh hi han prove ve la maw le…
129
kook Says:
May 25th, 2011 at 12:59 pm
Tlaikhaw hnuah #Hnam Sakhua in pawl hi Manipur pumpui ah chhungkua 2 zuk om ve a. An fate erawh an fing Pres.kohhran ah an lawi deih.