Mitthi chhûngte tanpui nana thingfak khawn upate sawi hi a ngaihnawm khawp mai. Arthur khaw rûn tumin khawchhak atangin Pawi rál an lo kal tih an hria a. Fel taka remruatin an lo chãng a. Vanapa hovin rál an khung ang a, a laiah Tawkthiala leh Keikawla ho an awm ang a, a khârtu-ah Chawngduma ho an dah a. Rál an khung fel hnuah chauh thal thlah tur an ti a.
Pawi pasaltha chuan hma a rawn hruai a, puan a kawrtawng hâk a. Vanapa-in a lo hmuh chuan Chînràng Pa (sava chi khat) ang a ti em em a, a insûm zo lo va, a kâp lîr ta hlawl mai a, rál dang chu an tlàn darh ta vek a. Pasaltha dangte chu an làwm lo hle a.
Tum khat dang chu Vanapa hovin an ramchhuak a, sai ram an thlenin Vanapa chuan sai no a man a, a nung chunga hawn a tum a, a bûkah a thlung ràn mai a. Ni khat chu sai bei tura an chhuahin Tawkthiala chuan, “Bûk ka lo nghâk ang e,” a ti a. A thiante an hlat hnu chuan Vanapa bûka a sai thlun chu a kâp thlu tawp mai a. Tlaia a thiante bûk an lo thlen chuan mak an ti hle hlawm a.
Zân an mutin Vanapa chu Tawkthiala bulah ngat a mu a, a chhuahchhàl a, a tûl chuan chêt mai a tum a. Tlangvalho muthilh hnu ni-a a hriatah Vanapa chuan, “Ka nau Tawkthial, sai no chu engtin a i tih a?” tiin a zâwt a, a chhâng lo va. A zâwt nawn leh a, chutah Chawngduma chuan, “Ngawi tawh rawh u, tlangvalho mut a chhuak tawh e. Hmánah Chînràng Pa ang kan hmu a, tûnah sai thlafam kan hmu leh a ni mai alawm,” a ti a, hlado a chham nghâl a. Vanapa chuan, “Han chham leh teh,” a ti a. Chawngduma chu a thu chhuak a, tlangvalho pawh an thu chhuak ta vek a, tumah an lo muhîl awzáwng lo va. Chutah le Chawngduma chuan:
“Sai lian e, hringin kai law,
Funglian, buher a kai kim e,
Vawmphuai e, ka hmaah kal lang emaw..”
a han ti a. “E khai, in kan thlena hah zû kan zûk hunah i chham dâwn nia,” Vanapa chuan a ti ta a; Tawkthiala nen an inkâr thu chu thelh a lo ni ta.
Ramchhuak an haw-a hah zû an zûk chuan Tawkthiala chu a tel ve lo va. An va koh chuan, “Kan nuin mu a hring a, hlamzuihin a thi nghâl a, a khua a sik bawk a, daiah thingtuah tur ka va la lawk ang a, ka lo tel ve ang e,” a lo ti a.
Chu thu Vanapate’n an lo hriat chuan, “Ramchhuakte khan in khatin thingfâk khat theuh i pe ang, va khawn rawh u,” an ti ta a. Tlangvalhovin an khawn chuan, mite’n thil awmzia an zawha an han hrilh chuan an pe ve ta zêl a. Chuta tang chuan mitthi chhûngte tanpui nana thing khawn hi a lo chhuak ta niin an sawi. Hmánlai chuan hlamzuiha thi an thathnem deuh avângin puitling thihah chauh an khawn thung a ni.
Thulâkna: Mizo Chanchin by B. Lalthangliana.
First Edition – 2009.
Copies – 2000.
A man – Cheng 100.
Similar Posts:
- Mitthi in
- Hei hi a ni ka ngaihtuah chu
- Mim Kût ‘zêldin thu bâwl’
- Tuklo no chawm.
- Tlawmngaihna, kan chhuang ‘over’ em?
(Y)
May 18th, 2011 at 1:11 pm
Va tha teh 1ul em!! dah tha ang
Report this comment
May 18th, 2011 at 1:17 pm
Ngaihnawm in a bengvar thlak hle mai
Report this comment
May 18th, 2011 at 1:21 pm
bengvarthlak thin e
Report this comment
May 18th, 2011 at 1:22 pm
a tha hle mai….Vana pa tak hi chu aw….
Report this comment
May 18th, 2011 at 1:26 pm
A rawn irhchhuah dan chu a kikawi kual kher mai a … a ngaihnawm e. Pa phawk deuh, mi dang pawikhawih thuak thuak hi khawiah mai pawh hian kan awm a nih hi maw?
Tun lai chuan thingfak aiah pawisa an khawn ta. Thingfak aiah LPG Cylinder khat zel khawn ta mai se … buaithlak teh ang chu!
Mitthi buhfai ve thung hi le?
Veng pakhatah chuan mitthi buhfai an YMA nulaten an khawn ve a, an va tawng fuh ang reng khawp a,
“Awi awi awi ka rei ka reiiii … rice khan ei lohna chhin phawh hi ka se thawh lo … a aiah APPLE leh SQUASH hi la tha mai chhe u…” an lo ti nia!
Mi bo an zawng a … YMA Information atanga thu puangtu chuan, “Tlakdeng lamah Airtel hmangte kal se … network a tha a. Chhim lamah Aircel leh Reliance … chhak lama zawng turte chuan vodafone … BSNL neite chu in lamah lo awm mai se, network a tha lo …”
Report this comment
May 18th, 2011 at 1:29 pm
He thu hi ka lo chhiar tawh thin.
A bengvarthlak tak asin.
Report this comment
May 18th, 2011 at 1:32 pm
Mitthi chhungte tanui nana Gas Cylinder khawn tobul, I ti dawn emaw ka tia. An va ui hlawm dawn em!
Report this comment
May 18th, 2011 at 1:39 pm
Tukin zing dar thum (3 AM) bawr vel khan kan thenawmte inah mi pakhatin gas cylinder a lo khawn a, an lo man tak zeih kha!!!
Report this comment
May 18th, 2011 at 1:52 pm
Mak thei ngei mai……
Report this comment
May 18th, 2011 at 2:08 pm
Nih hmel hle mai. Pu B. Thangliana ziah anih chuan a dik thei mai thei.. Ka mi rin zawng a ni tlat.
Report this comment
May 18th, 2011 at 2:55 pm
Thingtlangah chuan thingfak an la khawn.
Report this comment
May 18th, 2011 at 3:23 pm
Ka vawi 1 hriatna…. Tha hle mai, Mizote zinga kan mithiam neih Pu B.Lalthangliana ziah a ni bawk a, dik ang chu.
Report this comment
May 18th, 2011 at 3:24 pm
He thawnthu hi a ngaihnawm viau nain a dik chiah em tih hi a hriat lem lova. Mi thenkhawt sawi dan zawk chuan… Pathianin ni 6 niah khan “Mitthi thing khawn lo awm rawh se” a ti a, tichuan alo awm ta a ni, an ti
Report this comment
May 18th, 2011 at 4:30 pm
Tuaite thu hi i hreril thin ka ti,buhfai khawn chhan a lo chhuah chhan ka lo nghak leh a nia aw.i ziak tha,a bengvar thak tak zet e.
Report this comment
May 18th, 2011 at 6:05 pm
A ngaihnawmin a va han bengvarthlak tehlul em!
Report this comment
May 18th, 2011 at 6:58 pm
A tha hle mai a, mahse tunlai ah zawng mitthi thingkhawn hrethiam lo fe fe pawh kan tam tawh ngawt ang, hetiang lampang hi han phawrh zel teh u.
Report this comment
May 18th, 2011 at 11:05 pm
A ngaihnawm hle mai..tiang lampang hi rawn post zauh zauh teh u..hnam sakhua, juda sakhua tih vel ai chuan a tha zawk
Report this comment
May 19th, 2011 at 1:37 am
17. Thlawp e..
Report this comment