Tunlai chu eng ka ti teh reng nge maw ni, MAUTUAI/ROTUAI tih ngawt mai hi ka rilru ah hian a in thum chhawk tluk tluk ani ber mai. Pathianin kan ram malsawmna min pek zinga hlu leh pawimawh ber pakhat chu kan thing leh Mau te hi an nih ngei ka ring.
He pathian malsawmna kan dawn hi kan la hmang thiam loin kan la chhawr tangkai tawk lo hle in ka hre thin. MNF rawn sawrkar tirh khan kan hotupa khan a rawn tuipui viau khan ka lo hria a, beiseina pawh kan lo nei thui hle ; mahse, kan ram mau te hi tha tawk ah a ngai lo nge? Taiwan Mau te chah luh an tum rum rum ni ta in ka hria, kum 10 meuh an sawrkar hnuah BAMBOO Chief minister ti a, inchhuang tak khan Election ah a tlak phah nite pawn a sawi theih awm e.
He kan hnam ro ni a ka lo hriat ve hi kan thlang lawk a awm Vai ho khuan keini aneitu ai mahin an chhawrin, an tangkaipui a; Mizoram mau beh chhan in Industry te din in, ani tel in an hauhsak phah thur thur ta mai. Tunhnai mai ah pawh Mizoram atang an duh ang a mau an hmuh zawh loh avangin kan ei lakna ber kawngpui dan chah hial ah min vau ta mai.
https://www.assamtribune.com/scripts/showpage.asp?id=may1611,8,255,1056,498,390,753,1056,165,594
Keini aneitu, pathian malsawmna dawngtu zawk te ai maha an chhawr tangkai hian ngaihtuahna a ti thui in, Policy mumal kan neih loh zia a lantir ni in ka hre thin. Ti chuan ahnuai ami te hi keini misual ho hian in ngaihtuah tlang teh ang u.
1. Kachar vai hoin kan ram raw material hmangin Industry lian tak an din a, Keini aneitu te hian engati nge tun thleng a Small scale industry tak ngial pawh hetiang lamah hian kan la din ve theih loh?
2. Kan Bammboo chief minister meuh pawn a bei dawn pui kan ti dawn nge? kan ram mau te hi engtianga hman tangkai chi nge ni ang?
3. Sawrkar Vrs Privatisation
Venus Bamboo, Sairang ami hi sum leh pai tam tak sengin sawrkar in a beidawnpui a, chutiang chiahin Zo-ply Lengpui pawh hi sawrkar in a enkawl lai in kal ngaihna awmlo khop in an hlawhchham a, private anga an kal hnu ah an hlawk tan leh si te, Chhimphei Aibawk vel a Agarbati kuang siamten an hlawk an ti em em si te hi enge a chhan ni ang?
4. Mautam tram tanpuina kan dawn zo zai te kha, Mizo te kan rinawm lohzia ti langtu ah kan ngai em?
5. Kan sawrkar thar hian ahma ang bawk khan min beidawn pui angem?
6. Kan chief minister kal chhuak ta in Malaysia Mau min sawi mawi pui leh tawh hi kan ram mau / malsawmna min petu a hmuhsitna ah kan ngai dawn nge? Malaysia mau hi alo tha tak tak?
A chung ami lo pawh sawi tur atam mai, kan ngaihdan in sawi ho teh ang u. Pu Shaia, Caribou, etc. te khan min han hrilhfiah teh u.
(N.B Kan hriat angin kan hma lawk ah hian kan ram MAU/RUA te chu MAUTAM in anuai hrep hnu ah a rawn tuai leh tan dawn ani a, hawh u kan mautuai tuihang te hi rawp hle mah ila i insum hram hram teh ang u.)
Similar Posts:
- CM hlawh thar tur – Rs.1,20,000
- Lammualah artificial grass vbc 3 man phah dawn(?)
- Kihhnawk buaia buai Congress sorkar
- CM-in Cabinet thu tipuitling thei tur CS leh Secretary a duh: HM Zira
- Health Minister bang rawh se
May 18th, 2011 at 11:07 am
Ka hawng e
Report this comment
May 18th, 2011 at 11:16 am
Panchgram Paper Mill pawh an buai ta map, Mizoram-a Mau Mahal tihtawp a nih avangin … chutah khulai vai chhe bawrlawk thinrim engphiar phei chuan Mizorama thil lut tur danchah an tum ve thu kha AIR atanga nizan deuh maia rawn puan em ni ta kha aw…? Kan ram rua leh mau hi Panchgram Paper Mill raw material ber a lo ni si … an hna chawl lailawk, ni khata an hloh ringawt pawh a tam tham hle khan puan a ni.
Silchar LO kaltlanga inbiak that leh deuh dan an neih leh tawh pawh puan tel a nih kha!
Kan ramah mau hmanga eizawngtu NLUP hnuaiah an awm ve tan dawn ta chiah a, kan vanneihna i thlir tawh zawk ang u. Mautuai hi ka sa duhzawng tak a ni. Hmawmsawmah chuan mautuai leh nghathu rawt hi ka fav a ni tlats!
Report this comment
May 18th, 2011 at 11:18 am
raw material kan supply loh avang a kan ram in ni khatah a hloh zat chu nuai 16, cachar in an hloh zat chu nuai 160….kan la inthlau khop mai…kan thawhlawm chiah a pung…investment lamah kan hnu fual em em lai a thawhlawm lo pung nen hian a inmil lem lo…rawn ziak tha hle mai.
Report this comment
May 18th, 2011 at 11:21 am
Kan naupan laia ka thil chhiarah chuan “Europe-ah mau tualto a awm ve lo,” tih a ni.
Report this comment
May 18th, 2011 at 11:24 am
I ngaihtuah tlang teh ang u. Mautam hi malsawmna a nih tehlul nen.
Report this comment
May 18th, 2011 at 11:25 am
Tha hle mai . Bazar ah hian thla thum tal Mautuai leh Rawtuai lam zawrh khap hmak se ,a zuar an hmuh a piang man ta se, engemaw zat kan humhalh a ni mai . Aizawl Bazar ah Rawtuai a to khawp mai .
Report this comment
May 18th, 2011 at 11:31 am
Mau hi hmang thiam ila chuan kan ram thalai tam takin eizawnnan an hmang thei ang. Kan ram mau hmangin vaiho eizawnna kan pe a. Ka ngaihtuah chuan ka rilru a na thin.
A pawi ber mai chu kawlphethaa kan lo intodelhlo hi a ni. Industry lian tham siam dawn pawhin kawlphetha kan duhkhawp kan hmu tlat si lo. Sorkar helama mi vengva tak hi kan mamawh niin ka hria.
Kan ram mau hmanga ram mipuite eizawnna siamsak thei, mithiam te tana hnathawh tur siamsak thei turin sorkar hian ngaihtuahna seng teh se
Report this comment
May 18th, 2011 at 11:37 am
@ chawnghilh, Lokesh kan raw material hmang in kha leh chen kha an lo inveulh tawh a, an duh ang kan pek loh avang dil tha pawh ni lo a vau a vau kan ni hian rilru ati na tak zet.
Hmanzan ah shailendra te channa Mau tam lai a an documentary film siam khan ka rilru ahneh tak zet.
Report this comment
May 18th, 2011 at 11:39 am
Shailendra hi rodent family head a ni.
Report this comment
May 18th, 2011 at 11:44 am
Thalai lehkha thiam tak tak te hi kan harh ahun ta khawp mai. Kan pi leh pu te chuan kan ram a rua leh mau te hi an hunlai a an technology neihsan ber hmang in Em, Thul,Insakna, Phuarhnang etc atan tangkai takin an hmang thei a, khang thiamna te kha tunah chuan atang kai tur ang in a tang kai ta lo.
Khawvel in her dan mil a kan Rua leh Mau te hman tangkai hi keini Thalai te tan hian chona lian tak ni in ka hria.
Report this comment
May 18th, 2011 at 11:45 am
@chawnghilh, i en ve tawh ami?
Report this comment
May 18th, 2011 at 11:46 am
K’u vlchinzah chu i post tha hle mai. Ka vei ve em em, mahse ka sawi chhuah thiam chiah loh te nen i rawn tarlang thiam a a lawmawm e. Good post. Mithiam ho khan han sawi zel teh u.
Report this comment
May 18th, 2011 at 11:57 am
MNF hotupa khan mau hi kan ram rohlu a ni tih chu a hre ve nain tih vak ngaihna kha a hre chuang lo niin a lang a. Cong. hotupa phei hi chuan a ngaihtuah duh lo hrim hrim niin a lang, MNF hotupa tuipui zawng a nih vangin.
Report this comment
May 18th, 2011 at 12:05 pm
@cfl, ti lawmawm e. zawhna ka zawh khi han chhang hlawm teh ang?
Ans:1. Hman deuh tawh khan Industry a an hotupa hnenah “Cachar ho pawn an din theih hi kan thei ve lo mi?” ti in ka zawt a, ami chhanna chu “Cheap labour kan hmuh loh bakah nikhat a an mamawh zat chipping machine raw material tur kan supply hneh lo” tih ani.
A hmun meuh a zul kal an nih avangin ani thei awm mange aw tiin ka ngaihtuah a, mahse hei hun an kal a kan ram ami tho kha an rawn satin, raw material ah an rawn hmang tho si a kha chhuan lam kha a dik hlel awm mange ka ti ta deuh.
Vai ho pawn kan ram a ami la turin cheap labour an hmu thei a, raw material lah heta mi tho kan sawrlar hian tih tak zet hian ati lo nge ni te ka ti rum2.
Report this comment
May 18th, 2011 at 12:12 pm
He post atanga lang chiang em em chu Mizoram kan intodelh loh zia hi a ni. Ka ngaih dan ve mai mai chuan sum tam tak neih hmasak a hausak kan tum a, kan sum neih na tur leh kan intodelh na tur ber kan thawk tha leh peih si lo. Hnam taima, mahni intodelh thin kha hnam thatchhia ah kan chhuak ta. A bulpui berah chuan kan ram hruaitu te hi ka mawhpuh ber. A bik takin Congress sawrkar hian mipui min ti thatchhia. Inthlan dawn a mipui min tiam ang tak tak khan hna thawk sela chuan tumah kan thatchhe lovang.
Report this comment
May 18th, 2011 at 12:20 pm
Hmmmmmm… comment phawt mai teh ang…
Report this comment
May 18th, 2011 at 12:27 pm
Mau kan châwk luh tam tak loh avanga economic blockade hmanga min hau vau chu tuar thiam a harin rilru a na kher mai. Tha taka a ngen emaw tala min dâwr chu nise pawm a nuam deuh tur. Zoram intodelhna kâwl a la her chhuak ve em ang chu maw. ZORAM, THO LA DING TA CHE.
Report this comment
May 18th, 2011 at 12:32 pm
Hnam thatchhia ni ila NLUP sum lak chakin kan intlar reng peih lovang. Kan ngaih pawmawh zawngah chuan taima tak kan nia. Rim taka hnathawh chauhvin a hlawhtlin theih tih hi kan theihnghilhna a rei tawh. A chhan chu kan hmuh phak reng ni khata darkar 5 pawh thawk mang lovin thla tin Rs. 40,000-60,000 hlawh an la a, contract nise lakh 20 senna ah vaibelchhia 5 lak an beisei a. Sum hmuh awlsamna hian kan beng a verh hle a, chumu lamah chuan kan taima fu.
Private investor lah chuan min rawn ngaihven der si lo. Sorkar chuan factry din lul suh se, Sumthuninu kam mamawh l.
Report this comment
May 18th, 2011 at 12:34 pm
Power & eclectricity ah hian han in todelh phawt mai ila, sorkar kut ngai lo hian kan ram minausa te hian paper Mill tih luk lak hi chu an din nghal mai ang chu…. power lam ber kan thlachham tlat hian harsatna namen lo min siam a nih hi…
Report this comment
May 18th, 2011 at 12:39 pm
Nia, a raw material tawp a hralh hi uihawm tak ani.
Kan sawrkar hruaitu te leh sawrkar hnathawkte hi an nep em a engmah hi kan hlawhtlin pui thei lo anih hi. Eng pawh hi han sawi han sawi chuan a ‘kaikuang’ ngai bawk ah hian a chhuak leh thin.
Rilru thar, mihring taka piantharna kan mamawh ani e.
Mau tlawn khat pawh thawnchhuak tawh suh se.
Report this comment
May 18th, 2011 at 12:52 pm
Thildang daih.. TUIKUK hi ka ning lutuk…
Report this comment
May 18th, 2011 at 12:55 pm
OT : Engtik ah nge khawvel tawp dawn khah?? Tun thla (May) hi ni tlatin ka hria? lo in rin lok deuh hlek ka duh a? Please??
Report this comment
May 18th, 2011 at 1:00 pm
Sawrkar hi kan dem viau thin tak na in mipui te bawk hi a thiam lo kan ni leh thin. Kan sawrkar hruaitute tan pawha enkawl ngaihna awmlo khawp hian development sum lo kal te pawh a nihna tur nilo ah kan hmang thin a. NLUP te pawh an sem a, kan khua a thenkhat chuan an in zo leh daih tawh. Khatiang vel mai mai kha kan nia, enkawl kan hahthlak thin em atin lawm.
Report this comment
May 18th, 2011 at 1:06 pm
@Sangpuiipa, nia a hriak thih tu te kan ni miau mai ah…
Report this comment
May 18th, 2011 at 1:25 pm
Ti khawpa Mau hralh nasa si hi khawnge kan mau hralhna pawisa chu??? Mi tlemte tan chauh hlawkna ani…
Report this comment
May 18th, 2011 at 1:42 pm
@karei, survival of the fittest anih hi.
Report this comment
May 18th, 2011 at 2:01 pm
Report this comment
May 18th, 2011 at 2:02 pm
ANS:3. Kan sawrkar hian kan ram a MAU policy a neih ve te hi ram din chhuah tur rilru tak tak duh vang a din ni ah kangai thei lo. A hma la tur ber in ram hmangaihna nen a hma an lak duh loh chuan in rawlh lo law law mai se atha. Hetiang pathian malsawmna kan dawn pawh hmang thiamm lo hi i vote tawh lo ang u.
4. Pathian hnam thlan, ringtu ram, Missionary nuai 1 chuang thawn chhuah tum tih a mawi lo hlir in mautam Baffacos kha an kal puiin ka hria.
5. Tun ang mai mai hi chuan ahlawhtlin pui a rin awm bik lo.
6. Taiwan/ Malaysia ram a Mau kan mamawh lo. Kan ram a Mau te hi dik tak lek tangkai tak a hman dan min zawn chhuah pui tu tur kan mamawh zawk.
Report this comment
May 18th, 2011 at 2:31 pm
Paper siamna khawl pakhat chauh pawh awm ve se, mau hi vai ho hnena thawn tawhlo in kan ramah hmang ila. Kan hman senloh hi India mai nilo, foreign company ah te hralh dan ngaihtuah ila a tha ngawt ang.
Report this comment
May 18th, 2011 at 2:41 pm
Zawhna 6-na khi ti hian kan chhang ve ange. Malaysia mau hi kan ram mau aichuan tha zawk a sawi a ni. Chutih rual chuan a ram leilung a zir te, climate leh thil dang tamtak vangin khi lai leh helai ah chuan a inthlau thei viau ang. Ram dang thil chawkluh ngai lo in kan ram hi mau ah kan la intodelh tawk a. Chuvang chuan chawkluh lam hi ka support lo khawp mai kei chuan. A ai chuan kan ram a awmsa, kan ram ngeih sa ngei hi hlawk zawk leh tha zawk a thar chhuah dan zawng ila kan hlawk zawk ang.
Report this comment
May 18th, 2011 at 2:51 pm
@sangpuiipa, engkim ah hian kan in todelh lo fai vek a, Paper pin te ber atang a Cement Mistiri thleng mai hian vai ho tel lo hian kan khawsa thei lo. chuvang te pawh chu ani mahna kan RO hlu neih ve chhun dil that chu sawi loh avau a vau nan a min hman ni.
#30
Report this comment
May 18th, 2011 at 3:06 pm
No 2 (pibuhdeng) i date sawi chu May 21, 2011. Ni 3 kan la nei (an dik anih ngai chuan)
Report this comment
May 18th, 2011 at 3:27 pm
Industry lian leh changtlung tak kan neih hunah phei chuan Mizoram chawikang thei tu kan rama thing leh mau, rua te hi an ni. Hlu tak an ni…
Report this comment
May 18th, 2011 at 3:43 pm
Mizoram mau tam zawk, Mau rua /Mau nal ?? (Melocanna baccifera) te hi chu a te ema eng atan vak mah a tangkai lo- thial sawma paper mills atan emaw pal hung nan bak anih loh chuan. chuvangin kan CMs te ho hian taiwan mau khal deuh zawk anti tuah hum zel …..mahse foreign species introduce hian local ecosystem ah thil tha lo tak a chhuak thei bawk..
Agrabatti industry a kan hmang pawn Mau tlawn khat hi kg 5 ang vel ania chuan hlai hnu hian agarbatti kg 2.5 vel a chhuaka chumi phoro chu kg 1.5-2 ang vel bawr chauh . Kg 1 hi cheng 15 velin an hrah thin….
Industry puitling din dawn chuan sawrkar tih tur ber chu policy leh support structure tha tak siam sak ani mai…adang zawng chu private entreprenuers te business plan a zir animai (bottomline)…raw materials chiah hi thil pawimawh anilo…Mizoram ah hi chuan labour man a to ropui sia chubakah mechanize dawnin power kan nei tha bawk siloa a buaithlak anih hi…
thil dang pawh la awm teuh…
Report this comment
May 18th, 2011 at 3:56 pm
@zualbonez,Agarbati stick ai a hlawk zawk hian ahman theih tih chu a chiang reng kan thlang a vaiho nikhat hlauh hi atam emai.
I ngaih ang chiah in cheap labour chungchang khi ka ngai thin mahse a chung a ka comment ang khian kan ram a raw material lak chhuah nan tho vai ho pawn cheap labour an hmu a, chhuan lam tling ah ka ngai tawh lo keini pawn kan hmuh ve theih ngei ka ring kan tum tak tak chuan.
A tawp ah chuan sawrkar bawk ani leh thin. Power ah kan in todelh lo nasa a, mipui mamawh eng kim mai hi min pe hneh lo chu anih hi. Gas, buhfai, Power, Kawngpui tha engkim khi achhe vek
Report this comment
May 18th, 2011 at 4:08 pm
kei chu kan ram mau ka hlut viau a sin,a lian tha si.,, kan ram mau vaihoin an han tawlh thla vak vak hi ka lo ui thei khawp mai a,tuna kan ramin kan chin thar hi a te si, a to reng reng a dawng ngoh a to awm ta lo,a tuai lah a te si, dah mawi mai mai ah bak a tangkai dawn emaw ni.
Report this comment
May 18th, 2011 at 4:41 pm
@ 35 Vl Chinzah….Business lamah sawrkawr a puh vek theih loh….50 -50 tala thiamlohna kan insem anih dawn chuan an 50 a sawrkar thiamloh chu 60 % lo ni ta se, mipui chanvo 50 a kan thiamloh chu 99%…. Business planning, vision, risk taking, entrepreneurial spirt, exposure etc kan nei chhe e mai…ka han hawi kual hian extreme circumstance a vai business lian din hi ka hmu tam e mai….Africa khawmual hmun thnekhat sawrkar tluangtlam pawh awmlohna hel group tam tak awmna ah te pawn business empires te an din thei ania… Kan Thanmawh bawk chu kan Mizo mentality leh Chakai chawhtalh chhunga dah khawm effect mai mai ani e
Report this comment
May 18th, 2011 at 5:02 pm
Humhalh a tul a takzet a ni.
Report this comment
May 18th, 2011 at 5:05 pm
Mau sawi takah chuan haulawng a ka chhungte UPC thil min hrilh ka hre chhuak “nangni chuan Mau ah hian – phel sep, hnang leh dap ang hian Pathian ah pa, fapa leh thlaurau thianghlim inti” lolzz
Report this comment
May 18th, 2011 at 7:48 pm
ava tha em hei chu…hmanni khan cacharho in mizoram an vau thu k alo hmuh khan k angaituahna ah lo lut chu..manufucturing company an bun re2 hian an ngaihpoimawh hmasak ber chu a dinn hmun tur ania,chutah pawh chuan raw material awmna hmun hi an thlang tlang pui.A chhanchu Inventory(Thil siamchhuak tur a an raw material lei lawk) hi sum hman tamna ber ani a..cachar a awmten mizoram mau hmang in hlawkna an hmuh chuan ngahnge mizoram chhung ah company din ila kan hlawkpui lo ang,,,,,A hming in Production Engg ka zir ve mek a,manufucturing hi kan core ani a…heng zirna te hian mizoram ah hian hman theih a chakawm hle mai
Report this comment
May 18th, 2011 at 8:33 pm
@ Buhchangrum, nangni ho vei awm zawk tak kan lo sawi anih chu.Inthiamna te chu he ram hian kan nghak reng tih hria in theih tawp rawn chhuah teh u.
Report this comment
May 19th, 2011 at 4:44 am
Kan ram neih ve chhun zimte hi leilung hausakna lamah pachhe hlein balu leh rawra bak laktur nei ve rih lo mah ila, renewable resources tha lutuk Biodiversity lamah kan sang khawp mai. Pathian min pek a ni a, duat taka kan enkawla renchem taka kan enkawl chuan amah leh amah a in recover zel thei. Anih loh chuan, kan hloh vek thei bawk.
Kan ram chhunga kan rohlu thing leh mau te chungah thu kan nei chiang khawp mai. Kan ta alawm. Kan duhleh kan humhalh ang chu. Pawnlam mi lo sawi ve phak a awm lo ve. Kan ta kan humhamhalh ngam lo anih chuan, awi awi awi…. a zahthlak khawp ang.
Economic blockade a thleng anih pawhin reilote tal chu kan tuar ve mai tur a ni. Kan sorkar chak tak hi, a chak leh chak loh fiahin a awm dawn tihna a ni mai. Bangladesh nen kan inri a, Burma nen kan inri a, Manipur nen kan inri bawk a, Tripura nen kan inri bawk. Heng atang te hian “pur chawkna” tur kawngpui thatak sial nghal rawh se. Silchar kawng chauh ngaihsaktu nilo sorkar kan mamawh anih hi.
Thlai reng reng te hian that duh bikna hmun an nei theuh va. Foreign mau hi ching eng ang mah ila, kan rama to thin mau te angin kan hlawkpui chuang lovang. Kan ramchhunga mau tualto, kan chin chawp pawh ni miah si lo ho hi, humhalh ila, “mautuai khawrh” pawh hi a tawk chin neih thiam a tul takzet tawh.
Huaisen taka keinin kan humhalh loh chuan tu dang tehlulin nge min rawn humhalh sak tawh chuang ang le? Tun hi, a rampum huap pawha kan tanrual hun tur chu a ni dawn lawm ni?
Report this comment