Nu te ni (Mother’s day) pual in aw – sparta
NU: Duhthu sam luat awm lo,
Awm lai beng ngawng sela;
Finna tinreng chhiar in zirla,
Bawihte sang tual tual raw
Finna thatna bul chu,
Pathian zah hi a ni;
I kawng zawng zawngte a hmaah,
Malsawm dil thin ang che.
Naupang : Lei mi hrinhniang zingah,
Chun ang a hlu awm mo;
Senlai chun chawi loh leng te zawng,
Rairah riang an lo ni.
Ka nu, ka nu duh tak,
Min dampui reng ang che;
Ka tha leh tui ka thawh rahte,
Damten ring ve ang che.
Phuahtu:- Ngurliana
DL Moody :- Ka nu ang hi nu nei ta theuh ila he khawvel ah hian Jail kan mamawh lo ang.
Nu te hi an lo va hlu em…… Happy mother’s day 
—————————————————————————————–
Have a happy and blessed Mother’s Day – mr. Duhlova
(F) (F) 
“Strength and honor are her clothing;
She shall rejoice in time to come.
She opens her mouth with wisdom,
And on her tongue is the law of kindness.
She watches over the ways of her household,
And does not eat the bread of idleness.
Her children rise up and call her blessed;
Her husband also, and he praises her.”
-The Bible, Proverbs 31:25-28
We honor all mothers across the globe
on your special day
(F) (F) (F) 
May the Lord (Jesus) bless and keep you
in His peace.
Have a happy and blessed Mother’s Day
(F) (F)
——————————————————————–
Nu hmangaihna – eL
He post hi February 9th, 2011 a ka chhuah tawh, comment vel atanga ka rawn bithuam a ni a. Vawiin ‘Nute Ni’ pual hian ka rawn dah leh a ni e.
Ka nu hmangaihna aw nem chu
Theihnghilhni reng ka nei lovang
Bawihte min vah vaihsan mah la
Ka tawngtaina tal hre reng rawhMin hmangaihzia ka ngaihtuahin
A hnena awm ka va chak em
Ka tan a tawngtainate chuan
Thlifim angin min rawn chhem thinA aw nemin min tihlawm kha
Theihnghilhni reng ka nei lovang
Pathian vah bosan mah i la
Ka nu tawngtaina ka hre rengKum te ni te lo ral mahse
Ka hriat rengna a dai chuang lo
Ka nu ka nu duh tak mai chuan
Ka tan a tawngtai fo thin aKa chhandamtu min silfaina
Ni chu ka theihnghilh tawh lovang
Ka nu min tawngtaisak zarah
Ram mawiah khian ka leng ve ang
Ka duh zual laite:
Pathian vah bosan mah i la
Ka nu tawngtaina ka hre reng
tih leh
Ka nu min tawngtaisak zarah
Ram mawiah khian ka leng ve ang
Ka nu, ka tana i tawngtaina ka hre reng ang.
Post hmasa a comment dawn thenkhat te:
“He Hla hi kaphleia’n (1910-1940) sap hla ‘My mother’s prayer’ tih a lehlin a ni e. Kaphleia hi Mizote zinga Essay hamsa ber ‘Thlirtu’ ziaktu kha a ni e. He hla hi kum 1935-1939 inkar vela a lehlin a nih hmel”
“Van hnuai khuavel ah hian nawmna leh ropuina um in ka in leng ve arh arh thin,ka hlawhtlin ni leh ka hlawhchham chang te, ka pang a nawm loh chang te hian thin lai ah ‘Ka nu’ tih hi a lo lang hmasa thin.’Pa’ te kan hrilh ngamloh kan hrilh ngamna leh min muan tu an ni thin..
Nu hmangaihna hi engtik ah tak hrezo i maw. (L)”
“He hla aia nu hmangaihna tichiang thei zawk hi mizo hlaah a awmin ka ring lo. A ropui ngawt tak asin ! I nu pawh chu lo thachhuak ve leh sela ka va ti em ! ”
He post pawh hi hmangaih taka min chawiliantu ka nu tan, a pianchampha ni 12, May la lawmpui nan ka hlan a. Nu tha tak min petu Pathian chu fakin awm rawh se.
———————————————————————————————–
Nu te ni kan thleng leh ta – H. Vangchhia
Mother’s Day hi nu te chawimawina ni, fate an enkawl lenna kawngah nasa taka thahnem an ngaina te hriat saka chawimawina ni atana hman ani thin. Nu te Ni (Mother’s Day) hi rampui tam tak, US, Australia, Canada leh India te telin May thla Pathianni vawi hnihna a hman thin a ni. Mother’s Day hi Ms Julia Ward Howe leh Ms Anna Jarvis ten serh tula an hriat avanga nasa taka sawrkar lamah an nawr avanga hman tan ani a.
Mother’s Day sawrkar hriatpuia hman tanna tur chu US President Woodrow Wilson chuan May 8, 1914 khan ziakin alo nemnghet a ni. Khami hnu atang khan khawvel pumpui deuhthaw ah, nu te ni chu serh takin hman alo ni ta.
Keia nu ve kha aw, lehkha thiam sang pawh a ni velo, high sikul a kal pha ve tawk tawk kha a ni mai a. Mahse, hmangaihna hi lehkha anga zir chi alo ni awzawng lo mai. Kanu khan kan naupan lai khan kan in chhe ve tawh tak mai, thli dawng em em atang khan kan sa him nan hmun him zawkah thlipui thawt dawn a, puana min tuam lumin min tlanpui dawr dawr thin te kha.
A thiam ang tawkin hmangaih takin min enkawl a, mut dawn tawngtaina min sawi tir hnuah ka muttui nan thawnthu min hrilh thin. Kanu khan ka hriata’n damsam loh a sawi ngailo, ka hlim theihna turin theih tawpin min enkawl a, hmanlo chung chung pawh khan a nambar 1 ka ni reng thin. Gas thuk leh tui herhhawn mai tur ala awm ve ngai lova, thing pu leh tui chawia kan chhuah fo angai thin.
Naupang te ka nih atangin tul avangin thing pu ten ka chhuak ve thin a, ka zawh tawk lianlo te kan pu haw ve te kha ka thlan min lo hruk sak a, ka hah em tih min zawt thin. Tui chawi a ka chhuah changin tuikang nghah rei angaih fo avangin ka riltam a hlauva kan neih ang chhun ve te te, chhangthawp zailep min pai tir a, khawvel hmuhah min pek tamlo mahse avan hlu tak em!
Unau 4 kan ni a, ani chuan kapa thlalami (amateur photographer) anih naah a pui ve mai tih loh hnadang la thawk heklo, an eiai min pe a, naupang dang zingah kan zah loh nan a thil tur lei aiin kan unau min thuam thin. Thawkchhuak tlem hle mahse, sikul thaa kan luh theih nan theih tawp a chhuah a, kalo van hrethiam lo thin tak em.
Kalo thanglian zel a, lui leh ramkal ka ching ta, a nin ka him na tur Pathian alo dil thin tih khua rei hnuah ka hriat leh te hi alo van ropui tak em. Thian sual ka kawm vanga a rilru ka tih hreawm em em lai paw’n hmangaihna in min la tawngtai sak fo. Kum heti zat ka ni tawh chung hian kanu lakah chuan a fapa, hman ami kha kala ni reng. Ka biakpawh khat deuh changin tun thleng hian min ngaihtuahin, “In dam em tih ka hre duh ka rawn ko mai mai che ania,” tiin ka aw a hre chak chuan phone man to ngaihtuah miah lo vin min la rawn be fo.
Kanu, nu te ni hian a bik takin ka chawimawi che a, min hmangaihna leh min tawngtai sak naah ka lawm e. Pathianin rem ati em anga, dam takin kan inhmuh leh vat ka beisei.
“For thus saith the Lord: Behold, I will extend peace to her like a river, and the glory of the Gentiles like a flowing stream. Then you shall feed. On her sides shall you be carried, and dandled on her knees, as one whom his mother comforts, so I will comfort you.” – Isaiah 66:12-13
Mihring mihrinna ah hian nu te hmangaihna tluk thei tur hi a awm kher awm love. Nu te chuan an pian hma atangin an fate an chawi tawh a. An sen tet atangin an puitlin thleng an tan an in hmang em em thin. Nu hmangaihna hi nu ni tawh te tan lo chuan sawi a hriatthiam theih chi ni paw’n a hriat loh.
Nu nei kan la tam laiin kalsan tawh te pawh kan awm nual maithei. Nu la nei te chuan kan nu te theuh hnenah Nu te Ni (Mother’s Day) chibai buk ila ka duh a, nu nei tawhlo te paw’n kan nu te theuh min hmangaihna kha ngaihtuah let ila, nupui nei tawh te chuan chu’ng chu kan fate theuhah i chhawm nung zel ang u. Mother’s Day chibai vek ule.
Ka nau Rintea hla hi ka thlan sak vek a che u :
May 8th, 2011 at 10:21 am
Pacman te inhnek chu in en thei hlawm em?
Report this comment
May 8th, 2011 at 10:22 am
2nd keuh teng. 2nd khat emai
Report this comment
May 8th, 2011 at 10:27 am
Tha hlawm khawp mai. Mahni nu leh pa chawimawi hi kan Pathian duhdan a ni si a.
Report this comment
May 8th, 2011 at 10:30 am
Pu HV, chu va lo zaithiam ve aw…,,
Report this comment
May 8th, 2011 at 10:42 am
A hmasa berin Mother’s day intan dan sawi ila. Mother’s Day hmuchhuaktu nula “Anna Maria Jarvis” hi May 1, 1864 khan USA, West Virginia state Grafton chhim lam kilometer 4 vela hla, Webster thingtlang khaw tetakte-ah Granville (a pa) leh Ann Marie Reeves Jarvis (a nu) te fa ni turin khawvel eng a rawn hmu tan a. A nu hi kohran leh khawtlang tana thahnemngai tak a ni a, a hoin Mother’s Day work-clubs an din a. An khuah leh hmun hrang hrangah khawtlangin hriselna tha an neih theihna turin kawttler, kawngpui, tuiluankawr (canal) te tifaiin, mipui tan theihtawpin hna an thawk thin.
Tichuan, kum 1861, American Civil War lai khan an khua (Webster) chu hmun pawihmawh tak leh inkalpawhna hmun a ni a, indona-ah hliam tuar tam tak chhawmdawl hna an thawk a. Women’s Peace Group te dinin mi tam tak an tanpui a ni. Chutichuan, A.M Jarvis chu Grafton school-a kalin a seilenna Mary Baldwin College Staunton, Virginia-ah chuan a graduate ve ta a ni.
Mahse, vanduaithlak takin kum 1902-ah chuan a ngaih em em a pa chuan chatuanram a pan san a. Chu mi hnu chuan a nu nen Philadelphia-ah an pem a. A nu pawh chuan May 1905 khan a boral san ve leh ta a ni. A beidawng em em a, harsatna hian a tuamvel vek ni hian a inhria a. A nu ruang chungah chuan, nu lo ni tawh leh la rawn ni zel turte tana thil engemaw tak ti turin a intiam ta a ni. Nu leh pa tel loa hun hman chu harsa a ti em em a, hun engemaw ni chen chu mumal nei loin hun a hmang ta hial reng a ni.
Kum 1907, a nu thih champha a lo inher a, amah ngainatu leh thian thate sawm khawmin chumi ni chuan, a nu ruang chunga thutiam a lo neih tawh angin, Mother’s Day (Nu te Ni) serh a duh thu a puang chhuak ta a. A thiante pawh chu an hlim em em a, an kohran St. Andrew’s Methodist Episocopal Church, West Virginia-ah hruaitute pawh rawnin hemi ni hi Mother’s Day tia hman turin thu an thlung ta a, May 1908 Chawlhni vawihnihna chu Mother’s Day atan an serh tan ta a ni. Hemi kum vek hian America Young Men’s Association chuan U.S Senate-ah kum tinna serh turin nasa takin an nawr a. U.S.A-ah State 46 Canada leh Mexico telin an serh ta vek a ni.
American kohran pawl hrang hrang leh politician-te lekha thawnin theitawpa lo zawm ve turin hma an la leh a. Kum 1912 General Methodist Conference, Minneapolis chuan Anna M. Jarvis chu, Mother’s Day hmuchhuaktu-ah an puang zui ta a ni.
Hemi kum hian a awmna state West Virginia Governor, William E.Glasscock chuan official-in May thla Chawlhni vawihnihna chu Mother’s Day tia kum tina serh turin a puang ve ta a ni. Kum 1914 hian USA Congress join resolution lungrual taka neihin May thla Chawlhni vawihnihna hi Mother’s Day atan a puang a. Chutilaia America President, Woodrow Wilson chuan mi zawng zawng serh turin a puang ve leh ta a ni. America President ni mek Barack Obama chuan Mother’s Day rawn tleng tur hlim taka hman a nih theih nan thuchah a sawi a: “The congress, by a joint resolution approved May 8, 1914 has designated the second Sunday” …Now, therefore, i Barack Obama President of USA do hereby proclaim May… and i call upon all citizens to observe this day with appropriate programs, ceremonies and activities.”
Mother’s Day hi a hlutna ang tak hian kan hmang em? Thil hlu, thuamhnaw leh pangpar inpek hian kan lungawi mai em ni? Nu te hmangaihna tak tak hre si lo hian kan lo hmang liam mai mai palh thei ania. Kan rilruah nu hmangaihna leh kan tanna an inpekna hre reng chungin lantir thin ang u. Khawvela tawngkam mawi ber chu “Ka nu” tih hi a ni. Mipa, pa tak tak kan tih te pawhin Van kohna an chhan dawn meuh chuan, “Ka nu” an ti chawk asin! Nu’n khawvel a siam a, fa te hi nu enkawlna hnuaia seilian kan ni a; pa te chu eizawngtu an nih vangin min awmpui tam hman lo. Chuvangin, nute min zirtirna hi kan nunah a bet tlat a, kan hmalam hun hriltu a ni. Nute hnen atangin hmangaihna tawpkhawk kan dawng a, kan tana an inpekna aia hlu a awm lo.
In chhungah pawh nu a awm loh chuan pa leh fate tlengin kan buai phili vek zel a ni. In fa te leh in pasalte zawng zawng aiawhin, kan tlinlohna leh in rilru kan tihnatnaah khawngai taka min ngaidam turin Nu zawng zawngte ka rawn ngen a che u. May 8, Nu te Ni a lo thlen hian duhsakna sâng ber kan hlan a che u.
- Darsanglien, Khawbung
Report this comment
May 8th, 2011 at 10:42 am
Ka nu bulah ka va’n awm chak
Report this comment
May 8th, 2011 at 10:44 am
chhana, enge i point?
Report this comment
May 8th, 2011 at 10:53 am
Ka nu ka va ngai em!
Report this comment
May 8th, 2011 at 11:18 am
Happy Mother’s Day, Mother
Report this comment
May 8th, 2011 at 11:24 am
Pu Hva # chu dek ngaihnawm hle mai..hnuk a ulh
Han in zawt ta mai ila, (hope you don’t mind) Mipa naupang lian zawk khi nangmah emni, khi tih lai khian kum engzat nge i nih tawh ang le?
Naupang hrisel tak i nih dawn khi…..
Nu te hmangaihna hi, min thihsan hnu kum fe ah kan hre chhuak ve tan chauh mai si a…….a la nei ho khan duat hliau hliau mai teh u’n
Report this comment
May 8th, 2011 at 12:01 pm
a thu a ziah leh tilan lam ah hi chuan kan th fu innute pawh kan hmangaih fu anga..atak ah hmaichhan ah hian KA NU KA HMANGAIH CHE ti thei hi kan awm leh mang si lo anga ha2
Report this comment
May 8th, 2011 at 12:34 pm
idea
Report this comment
May 8th, 2011 at 12:34 pm
kan sikul kal ve lai chuan he hla in singing competition ah an thlawh thei khawp mai:
Mother of mine you gave to me,
All of my life to do as i please,
I own everything i have to you,
Mother sweet mother of mine.
Mother of mine when i was young
You showed me the right way
Things should be done,
Without your love where would i be,
Mother sweet mother of mine.
Mother you gave me happiness,
Much more than words can say,
I pray the lord that he may bless you,
Every night and every day.
Mother of mine now i am grown
And i can walk straight all on my own,
I’d like to give you what you gave to me,
Mother sweet mother of mine.
Report this comment
May 8th, 2011 at 12:56 pm
Happy mother’s day Mom, I love you
Report this comment
May 8th, 2011 at 1:03 pm
Nu leh Pa hmangiahna avang hian Hmangaihna ril ber hi a ropui zia ka ngaihtuah thin…..
Mother’s Day chibai mawlh mawlh u….
Report this comment
May 8th, 2011 at 1:10 pm
“Ka nu ang hi chu nei vek ila chuan khawvelah rukruk leh tualthahna te a awm lo ang” tih amaw ni.. a sawitu pawh ka hre tawh chuang lo..haha MOM i love you so much.
Happy Mothers Day all of you
Report this comment
May 8th, 2011 at 2:33 pm
Nute hi an lo ropui te, miropui fa neitute an ni si a….
Report this comment
May 8th, 2011 at 2:41 pm
Prayer for the day:
Thank You, Lord, for mothers who love You. Their influence is felt around the world.
https://www.billygraham.org
Report this comment
May 8th, 2011 at 3:11 pm
I love you, mom! you are, and have always been everything to me! May the good Lord bless and keep you! You deserve the best! I shall never fathom the extent of pain and hardships you have borne for me so that I can live a normal life! Thank you, Lord for giving me such a wonderful mother!
Report this comment
May 8th, 2011 at 4:17 pm
Nute min hmangaihna hi a van han ril teh reng em! A ni awmlo se tun hun thlenga ka nih tur ang hian ka awm lovang, Ka nu, i tan engmah tihsak theih che ka nei lo, tunah hian, mahse hei erawh hi chu sawi lovin ka awm thei lo, ‘ka hmangaih che’ tih hi,..
“Ka nausenin tunge min chawi?
Ka nu, ka nu duh tak chu.
Tawng theilovin tunge min chawi?
Ka nu, ka nu duh tak chu.
Ka dam lohvin a tlaivar a,
Ka tap a, min lo chawimu thin,
Hah takin chak lo chung pawhin
Ka nu, ka nu duh tak chu”
Report this comment
May 8th, 2011 at 10:31 pm
mr.Duhlova #10 aw ni e, mipa naupang lian zawk khi keimah. Khimi khi Kulikawn Ngaizel kawng phei tawntirh ania, black top hma a ni. Kan awmna kiangah khian Vai sipai hlin gate an siam.
Report this comment
May 8th, 2011 at 11:21 pm
Pu Hv # I hmel i paih vaklo a nih hi……..
Hmanlai thlalak colour-loh ho kha a lo fiah tha ngawt mai…click 3 vel nen, nula tlangval sunday tlai-ah…..nuam ve thin e..tunlai thangthar ho kan lo hlep ve hle mai..ti raw
Report this comment
May 9th, 2011 at 12:34 am
mr.Duhlova, Khitiang thlalak nan khi chuan kapa khan Yashika, chhuk bih chi kha ahmang thin.
Report this comment
May 9th, 2011 at 2:21 am
Every mother is like Moses. She does not enter the Promised Land. She prepares a world she will not see.
Kanu ka lawm e.
Report this comment
May 9th, 2011 at 7:25 am
Aw… ka lung avan leng thin tak em. R.L Mizo sikul din tirh a nih lai a, hosteler ten Khatla Corps a kan han hmang ve, Salvation Army ni ve lem lo te pawh in Kan headmitrss Pangpar kan hlan lai te kha kava ngai tak em. ‘ Kum engemaw zat a liam ta
kan chhuah san hnu in kan chhunzawm leh thei ta si lova, hetiang hun a lo thlen hian ka mitthla ah a o lang leh thin, kha tih hun lai a ka thian hlui te khan he ka post hi in lo hmu ve a nih chuan min han chhang hram teh u. kha school kha tun ah chuan hmun tur pawh awm tawh silo.. ‘ Ka nu hmangaihna aw nem chu, theihnghilh ni reng ka nei lovang’ tlai deuh tawh mahse,, 
Report this comment