In lo hmu ve tawh thin em? A.R Lammual bul flyover ah sawn in kal chuan tlangval rual 3/4 bawr velin T-Shirt nalh lem lo tak tak an lo keng ang a, an lo sawi dan thin chu, “T-Shirt hi i dawng ve tawh em? He T-Shirt chhungah hian Coupon dah a ni a, chu coupon hmang chuan Fridge, TV, Washing machine, Mobile Phone, Glass bowl etc etc… i man thei a ni, engmah i man lo a nih chuan he T-Shirt hi a thlawnin i nei nghal dawn thova, mahse i man a nih chuan hawn man, cheng 350 hi i pek a ngai ve thung ang….” an lo ti zung zung thina, coupon hmanga thil man theihte an ziahna list chu an hmuh bawk ang che.
An sawi dan hmang mai hi chuan that hmel tak a ni, engmah man loh pawha T-Shirt a thlawna neih theih chu, package pahnih tal hawn a ngai bawk a, mahse heihi inbumna nalh tak (?) a ni. Ka lo mitmei ru deuh tawh thina, an package ah te hian coupon awmlo miin an hawng fuh lai ka la hmu miah lo, mahse coupon-a an thil man chu TV, Fridge, Handset, Washing machine te ni lovin Laser glass bowl a ni zel! Chumi awmzia chu tuman a free in T-Shirt chu ka hmuh tawh chinah an la dawng miah lo, ka hmuh loh chinah lo dawng awm pawh ni se an tlem khawp ang.
Package pahnih hawn manah cheng 700 pek a ngai a, a hawngtu chuan tum loh zetin a lei tum leh mamawh ni miah lo Laser Glass Bowl man tlawm tak leh T-Shirt nalh lem lo tak kha cheng 700 in a lei ta tihna a ni!
Hetiang hian mi eng emaw zat an ti hrilhhai lai ka hmu tawh a, hmanni ah pawh putar pakhat bank atanga pension hlawh la hlim chu beidawng takin an siam tawh a, hmeichhe pakhat ha pawh a pawisa neihchhun pek a ui em avangin an din hual thup a, an vin khur khur bawka, mangang takin an siam a ni.
Keizawng an eizawnna pawh nise dik ka ti thei mawlh lo mai, engtia tih chi nge mawni le?
Similar Posts:
- Hriat ve mai mai ah!
- Hman hi
- Mitchhia kan awm em ?
- 2012: The year the internet ends
- Deliver us our package
May 10th, 2011 at 7:06 am
Meng leh meng inbum hi “Nigerian scam” kan tih mai ang chi ani.Aizawlah Flyover a awm lo. Pedestrian footbridge ah anih hi, an in bua hi.
May 10th, 2011 at 7:08 am
Mit a hmuh ve loh chuan tih vak ngaihna ava vang ve,lo mitmei ru tha leh deuh teh,meng leh meng in bum hi a har vak lo ania
kan leidawh chu alova chhe leh tawh ve.
May 10th, 2011 at 7:08 am
Hetiang deuh hian hman ah kan khua ah an rawn ti ve tawh a. Pakhat Rs.250 in min lei tir a. Kan khua atang khan lei kan tam hle a, mahse tuman kan man lo. Coupon ah chuan ‘BETTER LUCK NEXT TIME’ tih hlir a awm a. Chuvang chuan hetiang a tih ching ho hi chu ka hmuh phawt chuan sawisak hrep zel ka duh.
May 10th, 2011 at 7:08 am
An bum zingah kan tel tawh…. in bumna dik tak a ni….
May 10th, 2011 at 7:12 am
#4 Edit….He lai i sawi hmun ah ngei hian ani a, an dawr sawi ve lah chu hmuh a’n har mai mai khawp a, mitmu tla dawn a kan zawn hnu leh mi hrang2 kan zawh hnu ah kan hmu ve chauh… Thawmhnaw tlemte an lo khai ve a,
May 10th, 2011 at 7:12 am
Man la police ah report mai rawh.
May 10th, 2011 at 7:13 am
#3 Sangpuiipa_ ‘BETTER LUCK NEXT TIME’ hahaha….
May 10th, 2011 at 7:17 am
Police a report ngawt chi pawh an ni lo, engmah i man loh chuan… an ti ve si a, Rs 150/- man bawr vel kha kan man ve tho si a.. buaithlak tak chu a ni.
May 10th, 2011 at 7:26 am
Ram dang atang in thil tha kan hmu a, thil thalo pawh kan hmu zel dawn nih hi, in bum na, tual thah na, uire na leh sual hrang hrang a lo lang zel dawn, a thlawnin min laksak lova kan la vannei a nih hi, min vuak thluk tawp a, min pawngsual a, kan neih zawng zawng min lak sak bakah,
kan nunna hial an lak hunah chuan, misual.kawm tur i awm tawh lovang. Be careful!!!
May 10th, 2011 at 7:28 am
heti lai hmun hi, a tangkai pawh ka ti tawh lo, khawpui chhung ti tawp tu mai mai a ni, mi pangngai tan phei chuan kal in thlahrunawm tak a ni, thiat daih se a tha ang. te ka ti ve mai mai a..
May 10th, 2011 at 7:32 am
Hetiang lam pang chi Lottery ,Luky Coupon etc . . tih dawn hian Sorkar phal na a ngai lo ami .Phal na an neih loh chuan a man theih ang chu .mi in a duh thu ngei a a lei tur thil zuar tur pawh Dan dik tak ah chuan in Register a Tax pek te a ngai a ni lawm ni . Man rawh u .
May 10th, 2011 at 7:34 am
Hm… Aizawlians lam an bum tawh in awm chuan han mantir ta che u….
May 10th, 2011 at 7:35 am
Nitina ka kalna a nih avangin ka hre ve nual. Mahse, min la bum lo hrim hrim. Min la tiding lo bawk.
Bridge-ah an ding a, an hmel lah chu a sual hmel em em a, thawmhnaw tawp tak tak an ha a, an mi pakhat saw Mizoram politician zawng zawng tawngtheihna belhkhawmin a tawngthei zawk ang tih theih thiau an ni. Tlaiah zu rim an nam ham ham a, ruihhlo ti emaw ka ti hial thin.
Mi nazawng an bum lo. Thingtlangmi hi an bum duh bik. Tlema bum nuam bik hmel, pitar leh putar, nu/pa thawmhnaw nalh leh tha pawh nei zo lo hi an bum thin. Hei hi a chhan chu khawpui mi tam zawk chuan an hrechiang tawh a, an lei duh tawh lo hrim hrim. Chu chu anmahni paw’n an hriat avangin bum nawm hmel deuh an hai lo khawp mai. Nitin ka kal ziah a, hmel zahawm deuh lo zawrh an neih ka la hmu lo. He’ngah hian nu leh pate hi bum an nuam bik thin, fimkhur a ngai khawp mai.
Kawng kal an tibuai khawp mai. A hnuai khu traffic point a nih bakah chhim leh hmar atanga motor kual luhna a nih avangin kaltlang a harsain a buaithlak em em a, a bikin nu leh pa leh tar lam deuhte tan a buaithlak bik avangin a tam zawk (a bikin nu leh pa leh tar lam) chuan awlsam taka kawng kan theihna bridge an hmang mai thin. Hei hi he’ng t-shirt nalh lo tak tak zuarte hian awmna hmun tur pawh an thlang thiam khawp mai. Aizawl hmun dang zawng aiin a rem zawk rëng a. Chutiang a nih avangin bridge hi zawh an tam em em a, t-shirt chhe tak tak zuar ho, mi 5/6 vel chuan mi pakhat/pahnih an lo hual ringawt pawhin kal a buaithlak tawh hle thin a, an hnawksak hle. A chang chuan duh miah lova kalsante pawh an umzui tawk tawk a, an pawt hram hram zel a ni. An mawl uchuak khawp mai.
Kan khuaah pawh an lo kal tawh a, an office chu Ramhlun South bus stand bul (hnuai) niin an sawi.
Thuneitute’n a rang lamin hma la se ka ti tak zet. Ka ninna a rei tawh lutuk.
May 10th, 2011 at 7:36 am
Thuneitute hriattir vat chi. Thawkkhat lai pawn kawngsir a pawhfuh zuar ho an khapsak toh kha. Dan in phal miau hek lo.
May 10th, 2011 at 7:37 am
Lucky ticket ka innghahna a ni ve lo. YMA min bel luih raffle-ah ka ei ngai loh thil vawi hnih ka dawng, chungte chu vawk ke leh vawk lu. Hlawkna ka um zui chuang lo, ka kianga thu ka pe mai! An lawm hle kha ka lawm, raffle buatsaihtute an chek tlawk tlawk, kei aiin an lo ui zawk vel maw le!
May 10th, 2011 at 7:37 am
Man tir rawh u. Dan in an chungah na takin action a la thei alawm.
May 10th, 2011 at 7:38 am
Hetiang ang inbumna ah hian upa lam leh nu ho lam pang hi bum thluk an awl deuh a ni mai thei. Hetiang anga inbumna hi a tam thin khawp asin. Fimkhur sen pawh a ni lo.
Kan mamawh leh kan duhzawng hi bazarah, duh duh thlana lei mai tur a awm reng ani tih hi hrechiang theuh ila chuan GIFT ITEM tenau mai mai itin kan phar buai kan phar buai lovang maw le. Thil hi, chuti maiin a man a tlawm ringawt thei lo a ni tih hi hriat a tha khawp mai. A tlawm kan um lutukna lamah bumna thangah kan awk fo va, tin, plastic chhe tak atanga siam product te pawh kan lei phah fo thin.
May 10th, 2011 at 7:46 am
Phakarna hian kua hi a hreuh ve zel chu a nih hi
May 10th, 2011 at 7:46 am
Khitiang inbumna rawn ti chhuak tu hi Manipur emaw Burma lampang mi emaw an ni lo maw? Tunge an hotu ber hi han zawng chhuak teh u. Mi pakhat in a a command vek chu anih hmel si a.
May 10th, 2011 at 7:53 am
Pu Hva silai a va ngaihawm ve,……
May 10th, 2011 at 8:10 am
Heng ho hi ka hria.. Tumkhat Aizawl ka rawn zin tumin. Heta ka chhiar hma hian an chanchin hi khawiah emaw ka lo chhiar tawh a. Ka pa nen kan nia, kan kalna tur dal takah an ding lui tlat a, ka pa kha an khawih takngial dawn a ka hriat avangin min hnaih ber kha engngemaw ka hrilhru sap a, an kal kiang ta chauh…
May 10th, 2011 at 8:12 am
Tuna an tshirt zawrh leh a coupon a free gift hi Rs350 hian a cover vek, refregirator,tv, washing machine te chu beisei reng reng suh u….inbumna chikhat a lawm
May 10th, 2011 at 8:13 am
Inbumna thatak a ni. Ebenezer tih hming pawh an awm kha. Lucky coupon chu a awm ngeia mahse T-shirt bak man tur an dah ngailo, Laptop man chu khawilam!
May 10th, 2011 at 8:17 am
Bum fin zawh loh hnam kan nih ber hi maw
khitiang ho khi chu tih ngaihna tak pawh ka hre lo e, min han bum chhin se hmalak dan thar te pawh a awm mial maithei ani 
May 10th, 2011 at 8:36 am
T-shirt pakhatah Rs.350 in an lei luih tir a ni ber lo maw?
May 10th, 2011 at 8:39 am
chawnghilh…i va tiuiawm ve le….
May 10th, 2011 at 8:51 am
TV..Fridge etc man loh chuan pack that sak leh hmiah mai tur lawm
May 10th, 2011 at 9:06 am
Hna thawk peih lo ho mi buma eizawng ho an nih kha! Police-in an man duh lo a nih pawhin Aizawl Mi(sual) ho kha Pu mzvision hovin thawk chhuak ula, um darh vek rawh u!
May 10th, 2011 at 9:27 am
28 lolz
May 10th, 2011 at 9:31 am
Hawh u, heng mi rethei ho tanpui nan hian sum i thawh khawm ang u.
May 10th, 2011 at 10:34 am
Inbumna ani chiah emawni le ? Vairamah pawh an ti fo alawm, ho deuh deuh dawn chang pawh a tam. ‘bAttractive Packaging – A Good Marketing Strategy‘ ani mai alawm.
Mizoram ho Bazaar na ber New Market ah pawh cheng chuti zat man lei chuan mawtawr dawn theihna coupons dawn theih ani tih ‘Durga Puja’ lai chuan an tar kuau a, tunge dawnga engtik laiin nge thum an vawrh tih kan hre chuang lem hleilo a
Discount/Sale tihte pawh hi thuamhnaw hralh theihloh – Nipui laia mamawh miah loh thlasik kawr and vice-versa, leh price tag lakchhuah hnuah a aia tam deuh bel a 50-80 % discount a hralh leh – bak an zuar ngai meuh lo. Buy one get one free – Hak tawk hmuh fuh pawhin a thui dan thing tawk kawr/kekawr bak a awm ngai lem hleilo a. Free Insurance – Hming nen lam la ve thlapin documents te chu pechhuak ve mahse ‘Premium’ an khawn miau loh chuan engtia ‘Maturity Value’ lakchhuah dan awm maw…..
A tam maiiiiiiiiiiiiiii…
May 10th, 2011 at 10:53 am
He mite ei zawnna hi ka ngaimawhna a rei tawh khawp mai.thingtlang mi an bum nasa zual.kei pawh min lo zawrh a,ka hauh hrep a sin le.
May 10th, 2011 at 11:35 am
hetiang hi a ninawm khawp mai, lawn pawh ka lawn chho peih lo, kawngpui tawtah inhnawh luih a ngaih talh talh phah . hawicham deuh hlrka kalpelh ngai an ni, ninawm ee
May 10th, 2011 at 12:14 pm
T-shirt Rs. 350 a zuar mai mai police man tir ai chuan officer leh engineer cheng vaibelchhe tam fe hlep ral tute mantir thei ila ka lawm zawk ang.
May 10th, 2011 at 12:17 pm
Tu emaw police hnena report tu awmse chuan police in han chhui deuh se thil awm miahlo TV te, refrigerator te.. etc an offer-a chumi hmang chuan mi an bum thin tih an chhui chian hnu ah dan ang thlapin an man thei mai ang.
May 10th, 2011 at 12:42 pm
kei pawh min bum tawh, air bag chhe zet min pek kha.huhuhu
May 10th, 2011 at 12:46 pm
@funny_ thil awm miahloa i rin pawh khi a awm thlap ang, a man theihloh zawk a nih ka ring.
man theihna chance a chhe ngawt ang ka ring, target a nih avangin a man theihna no. chu an thukru char char ang ka ring. Pawhfuh thutpui tute pawhhi, a tirah a changkang ber pawtfuh nawlh ila an sumdawnna a bam vek animai
May 10th, 2011 at 12:47 pm
Aizawl haw hunah footbridge sir atang hian ka khai anga an sim mai ang.. until then over the bridge at zodin ti mai2 ila
May 10th, 2011 at 12:50 pm
Sumdawnna chi khat,honest lutuk lo a ni mai awm e…
May 10th, 2011 at 12:51 pm
#11 sorkar phalna ngai e,phalna nei a ti an nih loh chuan man tir hmiah rawh u
May 10th, 2011 at 12:55 pm
An chet dan hi a manipur style tiah2 NOI
May 10th, 2011 at 12:56 pm
An bum ho in han in puang sap sap hian ka nuih in ti za lutukkkkkkk….
A thenin BETTER LUCK NEXT TIME tih in pawt fuh a, a pawtfuh chhun lahin Air Bag chhe zet…. hahahaha
KAL MAI TEH tih inla pawtfuh lo mah mah a nih chu ….haha
May 10th, 2011 at 1:48 pm
An ninawm ngawt tak asin.
May 10th, 2011 at 1:52 pm
Hetiang hi kan tong toh e thingtlang khua ah kekor t-shirt te a rawn zuar man kekor ka mamawh em vangin rs 400 man kan lei pohfuh a awm antia man theìh ho poh ahraw khop mai mahsela Bowl kan dawnga Aizawl dor 1 lam tur ani a kan han Zawt chu le DAWT Vek dawr neitu te poh an thnrim jok
BUM NA
May 10th, 2011 at 2:44 pm
Min la bum ve lo hlauh.. Chiahpuam formula them an hria niang..haha. Bum let ve dan ngaihtuah zawk chi nih hi a..
May 10th, 2011 at 3:26 pm
@ 45 .an ni ai a man theih tha zawk, a man tlawm zawk in va zawrh ila tiro .mahse an mahni ang tur ah ngai in an lei duh chuang tawp nang .
May 10th, 2011 at 4:07 pm
Tunge zawhte chu thi awrh tir ang???
Heng mite hi tunlai a, mi chhut hlum ching te hi an ni mial lo maw???
Awm awl si, ei duh sii, thisen chak vang leh hrisel vang pawh ni lem lova, tisa chakna a khat ve hrim hrim te pawh hi awm ve theih deuh mai a nia.
May 10th, 2011 at 4:18 pm
Kan zawhte buangpuia tia a hming kan phuah hi thi ka’n awrh tir lawk ang e !
Meng renga inbumna hi finna kherek a ni em aw?
May 10th, 2011 at 4:39 pm
Khitiang khi English chuan fraud an ti. Midang bum tumna rilru nen a hetiang sumdawnna thil etc. tih hmang te hi danin a phal ka ring miahlo mai. IPC415 leh IPC 420 hmang emaw a man tir/tan tir chi annih chu.
Vai rama an tih nasat avangin danin a remti tihna kher a nilo.
May 10th, 2011 at 6:20 pm
Lucky Ticket nen a danglamna a tam teh chiam lo, inbumna inbumna ti ti ho kha ka khawngaih letling zawk tlat mai che u, a chhe ber man theihna a awm a ni tih hre reng chungin in leia, in duh ang in man leh silova, INBUMNA lo tih teh fo chu a! Lucky Ticket chu kan hria, a tam zawkah phei chuan 1, 2, 3 thleng bak a awm ngai lo, Consolation price thenkhat ah a awm bawk, lucky ticket zawng zawngah TV, Fridge a awm vek kher lo, vanneihpalh tak hlauhin kan lei thin a nih kha. A post tupa ina a rawn tarlan danah, a man theih items zawng, lehkha ah a inziak thlaa, engmah man loh pawhin a T-shirt a man theih tho niin a lang, 1. naah TV (entirna) lo niin a tawp berah Better Luck next time tih thleng chhiar theihin a awma, a tawp ber kan man pawhin tih leh TV man palh takin tih hre reng chungin in leia, in beisei anga TV man lova Bowl chiah in man avanga INBUMNA lo tih ve ringawt, a buma te kha in FINGLO hle zawk tih naah ka ngai, LUCKY TICKET AH 1 NA A NIH VEK THEIH LOH,…
rak rak lo teh u!
May 11th, 2011 at 3:06 pm
Kei chu hetiang ho bumah hian ka awm duh leu.
May 14th, 2011 at 12:19 pm
Min bum toh a, min bum toh lovang…. Het Sala