Pathianin Adama leh Evi a siam khan ‘Saruakin an awm a, an zak lem lo’ tih Bible-ah kan hmu a. Hetih lai hi chuan saruak hi zahmawh leh sual a ni lem lo tihna a ni. Bawhchhiatna hnuaia an tluk luh hnu-ah zahna châng an hria a, saruaka awm chu sual chi khatah a lo chang a. Khawvel alo inher zel a, saruakna chu sual lianah kan ngai ta tawlh tawlh a, a chhan bulpui pakhatah chuan tisa châkna lama min hruai thei a nih vang a ni ngei ang. Chuti a nih chuan a thlirtu a zirin sual a ni a, a ni lo thei bawk tihna a ni.
Sap ho khuan eng emaw hlekah ‘Naked Protest’ tihte hi an uar fu mai a. Nula, tlangval, pitar leh putar te hial pawh saruakin hmun pakhatah an awm khawm chiam zel a. Mipat hmeichhiatna sualah erawh an tluk phah lem chuang lo va, an protest chhanah zawk khan an insawrbing avangin sex lam an ngaihtuah lo. A thlirtu lam hian zahmawh zawnga lo thlir phêt kan tum zawk thin a. Tunge sual zawk? Saruaka awm khan ngaihtuahna sual a neih phah lem lo va; saruaka awm lo, a lo thlirtu khan ngaihtuahna thianghlim mang lo kan lo pu hlauh zawk a ang mah mah.
Mipa mitah chuan khawvelah hmeichhe saruak tluka mawi leh ennin theih loh a awm thei lo. Chu chu zahmawh lam thil pawh a ni lo. Hmeichhe ho hian chu chu an hre chiang a, mipa laka lan nalh leh mawi an duh tak tak chuan thawmhnaw-in a khuh chin a tlem ting mai a ni. Hmeichhe mitah erawh eng nge khawvelah mawi ber ka hre lo. A zahmawh zawnga thlirtu tan leh chutiang lam ngaihtuah lem lo tan pawh a mawi ber tho tho. Lemziak thiamten hmeichhe saruak lem an ziah hian sex lam an rilru-ah a awm lo, Siamtu themthiamzia tarlan nan leh a mawina lam an thlûk daih zawk a, an ngaihtuahna a thianghlim.
Sap nula tlangval rualte khu beach velah saruak deuh thaw thaw-in an lêng suau suau va, eng teh hû-ah vak an ngai lo. Saruak ngai ulh zual hnam thenkhatte hian kan hmu nikhua lo ta chiam thin a, keimahni lam zawk hian kan thlir thiam loh zawk avangin kan ngaihtuahna hi a sual a ni mai mai zawk lo maw?
Nausen saruaka awm hi an mawi em em mai a, mi pangngai chuan a zahmawh lam kan ngaihtuah loh avangin tisa châkna lam thilin kan thlir lo va, sualah kan tluk phah lem lo. Puitling saruak kan hmuh hian kan ngaihtuahna a buai ta tlat thin a, kan thlirna mit a dan tak avangin saruakna kha sualah kan puh thlu ta a ni ber mai. A nihna takah chuan a thlirtu lam zawk kha sual chu a ni mah zawk.
Mi thenkhat chuan pawngsualte hi hluar lo thei a ni hlei nem, tisa châkna tichhuak awlsam turin hmeichhiate hian an incheina an ti sexy tlat alawm, an ti a. Kei chuan ka pawm chiah lo. Pawngsual châka tuihal tan chuan hmeichhe figure hrim hrim hian tisa châkna a pawt chhuak hrim hrim zawkah ka ngai a, ît melha melh tlat chuan an inthuamna satliah mai maiah pawh hian a ruangam tur kan mitthla tho tho.
Khawvel hi a inher a inher a, a tira Siamtu min duan dan lamah hian kan kir leh telh telh ni berte hian ka hria a. Saruakna kan ngaih bawlhhlawh deuh ûlna thinlung chu kan paih telh telh a. Hmâna malte lang veih veih leh hnute bu lang veih veih ngai dâm deuh ûl thin khan ngaiah kan neih ve mai mai tawh chu a nih hi!
Ka han sawi duh tâk ber zawka chu khawvel hi a inher zel ang a, saruak tih lam hi chu a hluar telh telh dawn a. A bawlhhlawh nia kan hriatna leh zahmawh lam rawng nia ngaihna kan neih len poh leh kan tan thlemna a nasa ting mai dawn a, kan tan sual a huangtau bik hle dawn tihna a ni mai a. Siamtu min duan dan lam thlir thiam a, a mawina leh a duhawmna lam zawnga thlir thiamtu leh eng teh uala ngaih teh vak loh dan kan thiam chuan kan tan sual pawh a hla a ni ve mai.
Similar Posts:
- Ka hmuh dan chu…
- Kan ti a ni zawk!
- Anthurium Fest 2007
- Tawngkam Mawi – Mizo zia
- Hmangaihna Par – Lalrintluanga Varte
May 11th, 2011 at 9:37 am
Ni lo. A hun leh ahmun a awm. Sapramah pawh beach ni lem lo a saruaka i awm chuan man theih i ni, pawisa chawitir theih i ni bawk. Public Swimming Pool ah swim suit nilo a in thuam upa i chen chuan an hnawtchhuak daih thei bawk che.
Report this comment
May 11th, 2011 at 9:42 am
Saruakna hi sual anih chuan nimin beach kan kal chu SUAL teuh deuh deuh an tam awm.
Kekawrteeee leh bra teeee ha an ni fur mai.
Report this comment
May 11th, 2011 at 9:45 am
Mimal ngaihdan a ni e…
Report this comment
May 11th, 2011 at 9:49 am
A hun leh a hmun a zirin sual a ni thei. Pawngsual ti hluar tu ah chuan ka puh lo(thawmhnaw taksa khuh tlem deuh hak hi). Pawngsual hi chu tisa chakna nasat lutuk vang pawh a ni lo, suahsual vang te leh tum hrim hrim vang a ni ber in ka hria….
Report this comment
May 11th, 2011 at 10:06 am
Kei chu saruakin ka inbual thin
Report this comment
May 11th, 2011 at 10:11 am
Vantlang hmuh a saruaka awm hi Danin a phal lova chu chu sual ani mai. I bathroom ah emaw saruakin inbual la sual ani lem lo..
Report this comment
May 11th, 2011 at 10:14 am
Saruakin leng ta suau suau ila…….ka nui a za….
Report this comment
May 11th, 2011 at 10:24 am
ee keng kung hlawm cheu chuan
Report this comment
May 11th, 2011 at 10:25 am
#6
Report this comment
May 11th, 2011 at 10:43 am
Saruak a awm hi sual a nilo. Amaherawh chu Mipui mimir awmna hmuna i Saruak a i awm chuan Public Offense an tih ang hi a ni. A Sakhuana zawnga i la dawn a nih chuan Sual a ni lemlo. I buaina a ho lutuk, lumam.
Report this comment
May 11th, 2011 at 10:45 am
Nula hovin naked protest an neih phawt chuan ka support nghal zel e, zu chungchang an protest te pawh ni mahse. Sawrz – Mr. Sangte.
Report this comment
May 11th, 2011 at 10:46 am
understanding the Gospel class kan kal lai chuan ti hian kan sawi thin….Sin is…anything that is against God and that defies His name….mizo tawng chuan ka hre lo..:D
Report this comment
May 11th, 2011 at 10:53 am
Sandman, hman kum a Manipur nu hoin Saruaka kawng an zawh ai kha chuan a hmuhnawm deuh mahna.
Report this comment
May 11th, 2011 at 11:15 am
Evi leh Adaman Chhia leh tha hriatna thei an ei chiah khan saruak an ni tih an lo inhre ta a,saruaka awm chu sual pawh ni hran loin a lo zahthlak ta keng kung em a ni.
Report this comment
May 11th, 2011 at 11:39 am
a khrim khrimin nge maw thuthlunghlui atang thil tam tak inteh thin le hetah chuah lo pawh. thuthlungtharah kan awm tah hi
saruaka awm hi sual a nih leh nih loh chu a purpose leh principle a zir te pawh a ni mahna. midang nupa pawn lamah sexual thought va kaihharh i tum chuan sual chiang sa, chapona nena ruaka awm pawh sual chiang sa..a suallohna chua abak zawng.
Report this comment
May 11th, 2011 at 11:41 am
Sual anilo a-marawh wm duh suh!
Report this comment
May 11th, 2011 at 11:51 am
Zahthlak duh awm e… mawng hlui deuh nei keini ang tan phei chuan…
Report this comment
May 11th, 2011 at 11:56 am
Ka saruak loh lai pawh hian thawmhnaw chhungah chuan ka saruak tho
Report this comment
May 11th, 2011 at 12:02 pm
a hun leh hmun a zir animai
Report this comment
May 11th, 2011 at 12:21 pm
A dik khawp mai, sual hi keimah hian ka in siam chawp fo tih pawh hi ka hre leh zauh zauh thin. Zualbona sawi ang khian ‘Hun leh hmu’ hian thil thuhmun hi a her danglam daih theia, Tennis khel nula mal var lo lang deuh zauh zauh kan it laiin Beach vela mal no zawng zawng nen a full-a a lan tawh chuan lang viai2 kan it angin kan it tawhloa, a lang lo lai hmuh leh phet kha kan chak chho zel chu a nih hi.
Report this comment
May 11th, 2011 at 12:26 pm
Evi leh Adama te Tluk hma a saruaka an awm kha chu kan tehkhin a remlo thei ang.a.chhan chu tlukna hian engkim ati danglam tih hi kan hriat a tha ang ka ring.
An tluk hma kha chuan saruak chuan an awm ngei a.an zah thu kan hmulo bawk.mahse an tluk/bawhchhiat chinah chuan an zak ta a.theipui hnahan feng ta anih kha.Pathianin savun sin/hak tur a siam sak anih kha tiraw?saruaka awm chhunzawm zeltura tih an nilo tih kan hmu thei.
Chuvang chuan saruaka awm hi Pathian duhdan anilo tih kan hmu thei.Kan inbualna a saruaka kan inbual emaw lam a sawi tum niin a langlo.saruaka awm/chen hi Pathian duhdan anilo.nise ami ropui tak tak leh a zawlneite zawng zawng pawh kha saruakin Sipai hote Lalpa Pathian chuan a tir ngei ang.Ezekiela bu te kha kan chhiar chuan Mualpho na vawr tawp ani tih pawh kan hre thei ang….
Ka lawm e.
Report this comment
May 11th, 2011 at 12:31 pm
A thupui khi a ulh lek lek a nih khi mawle.
Report this comment
May 11th, 2011 at 1:00 pm
nia @Tuaisial,a ulh mah mah ani….
Report this comment
May 11th, 2011 at 1:05 pm
Pathian thu awiloh hi sual a ni. Saruakna hi sual ani lo.
Report this comment
May 11th, 2011 at 1:10 pm
A hun leh a hmun azir a ni ber. “Saruakin an awm a, AN INZAHPUI LO” tih ni se, a dik zawk, NOT ASHAMED tih a nih kha.
Report this comment
May 11th, 2011 at 1:12 pm
“Lemziak thiamten hmeichhe saruak lem an ziah hian sex lam an rilru-ah a awm lo, Siamtu themthiamzia tarlan nan leh a mawina lam an thlûk daih zawk a, an ngaihtuahna a thianghlim.”
Lemziaktu chuan sual chu angaihtuah lo a, mahse, siamtu thenthiamna ai mah chuan, aman itawm leh nalh a tih dan tur hisap chungin a ziah zawk ka ring. Tin, alo en lehtu turte mit la tak, itawm leh nalh tak kha a tum ber ani ang.
Report this comment
May 11th, 2011 at 1:14 pm
Evi leh Adama chauh mihring an nih avangin tumah han zah tur awm hek lo.
Report this comment
May 11th, 2011 at 1:15 pm
Tirhkoh Paula chuan “Thil engkim tih ka tan a thiang a, nimahsela thil engkim tih a tha kher lo..” a lo ti a. hei hi kei ka pawm mai.
Eng chin hi nge sual tih lam a kan tih loh tur thil kan thlir chhung chuan kan tifuh ngailo ang. Sual kan tih chin a inang hauh lo.
eng chin hi nge sual tih pawh kan hre chiang silo a.
Report this comment
May 11th, 2011 at 1:20 pm
Thil tam tak hi A hun leh hmun zirin sual/tha thliar mai thin a ni tlangpui ang chu!
Report this comment
May 11th, 2011 at 1:26 pm
SUAL definition, Bible atang chuan DAN BAWHCHHIAT tih a ni, dan hi mi thenkhat chuan Thupek Sawm bawhchhiat chauhvah an bel, Pentatuech (TORAH) bawhchhiat a ni zawk.
Report this comment
May 11th, 2011 at 1:29 pm
@dawntliang: Tawngtaipui i ngai a nih hmel e.
I Korinth 8:13 Chu mi avang chuan ei tur hian ka unau a tihtluk chuan, ka unau ka
tihtluk lohna turin kumkhuain sa reng reng ka ei tawh lo vang.
He thu hi ringtu, ka piangthar e inti tan chuan zawm mai hi kan tih tur a nih hmel. Mite tana harsatna siam thei i tih a, chutiang zawnga i zalenna i hman chuan, Pathian lawmzawng chu i sawilo turah in ngai la a tha ang.
Report this comment
May 11th, 2011 at 2:18 pm
Pastor pakhat chuan a kohhran member hmeithai in ah trawngtrai turin a han kal la, mi an awm loh avangin Revelation 3:20 tih note sheet ah a ziak a a hming a signed a, postbag ah dah-in a kir leh ta a. Chawlhni inkhawm thawhlawm bawm ah “For the Pastor” tih lehkha thawn a awm a, pastor chu an pe ta a, a han en a, a chhung ah erawh lehkha awm lovin, note sheet pakhat ah Genesis 3:10 tih chauh a in ziak a…
Pastor rawn kal lai khan khang hmeichhia kha swimming pool ah a awm lai a ni awm e.
Report this comment
May 11th, 2011 at 2:33 pm
Zahmawh chu sawi ve lo mai ang,…
thiamthu;fiamthu
Report this comment
May 11th, 2011 at 2:49 pm
Lemziak thiamten hmeichhe saruak lem an ziah hian sex lam an rilru-ah a awm lo, Siamtu themthiamzia tarlan nan leh a mawina lam an thlûk daih zawk a, an ngaihtuahna a thianghlim.
-Heihi chu a dik famkim theilo. Lemziak thiam tam tak, hmeichhe saruak lem ziaktu te hi Atheist an awm thei tho. Ka sawi awmzia chu Siamtu awm ringlo an ni
Khawvel hi a inher a inher a, a tira Siamtu min duan dan lamah hian kan kir leh telh telh ni berte hian ka hria a.
- A tir atangin khawvel hi Siamtu duhdan char charin a la kal zawk. Mihringte hian engmah kan ti danglam theilo.
Ka sawi duh ber chu mihringte hi mita kan hmuh leh benga kan hriat te hian sualah min hruailut thin a. Kan nun dan, kan incheina etc etc te hi midangte suala an tlukna tur a nih chuan thilsual ti kan ni a, kan sim tur a ni. Chu chu ringtu mawhphurhna a ni. Robison Crusoe-te anga thliarkara keimahni chauhva kan awm chuan kan duh duh danin kan awm thei alawm mahse society-a awm kan ni.
Report this comment
May 11th, 2011 at 3:31 pm
a ngaihnawm dawn chauh a i duhtawk leh daih a
Report this comment
May 11th, 2011 at 3:33 pm
A hun leh hmun a awm .mi pangai chuan kan thliar thiam vek . Nula fel tak / ringtu tha tak .mi zawng zawng hmuh theih tur a in phelh ruak ta keng kung an awm ngai lo . Pastor / Father hma ah nula eng ang a siamtu in a siam nalh pawh ni se saruak in awm khum se .rinna kawng ah chuan an chak phah sawt lo ang . mit a kan hmuh theih tisa chak na chawk tho thei ber chu .kan it zawng tak te saruak a an awm kan hmuh hian a ni.
Report this comment
May 11th, 2011 at 6:20 pm
ka hre mai mai lo :D..ka ngaihtuah peih mai mai lo
Report this comment
May 11th, 2011 at 6:22 pm
Crime aia ‘sin’ in la buaipui hi kan ram corrupt chhan pakhat chu a tling ve. Kohhran berin office kal tlai, hlep ruk, Babu taka junior zawkte vau, office zawmthaw taka kal te sualah ngai hek lo.
Report this comment
May 11th, 2011 at 10:32 pm
saruaka awm sual ani em…i awmna hmun a zir ani ang chu male….ho lubuk………
Report this comment
May 12th, 2011 at 3:36 am
Ka inbual pon saruak ziah ..ka sual em le..
Report this comment
May 12th, 2011 at 4:08 am
Dont make LOVE in your verandah coz love may be blind but your neighbours were not,..
Report this comment
May 12th, 2011 at 2:44 pm
A post tu hian saruak lam ngawr ngawr a buaipui lam ni lovin nitina kan nun nena inchiahpiah thilah thuk ang reng deuhvin a rawn ziak chhuak a niin ka hria a. Ngaihtuah chian chuan a thuziak hi thu pawimawh angreng tak niin ka hria.
Report this comment