– James Ramdinmawia
University chungchangah hian Mizo mipuite hi kan la bengvar tawk lo hle mai a, hemi avang hian thahnem ngaih luatah mi tana ngaihthlak hrehawm leh chhiar nuam lo khawp thusawi leh thuziakte ka lo nei nual tawh a.
Mizoram University (MZU) Vice Chancellor (VC) thar chungchangah pawh hian MZU hmasawnna tura a pawimawh ber leh hotupa ber a nih dawn avangin amah kan lo dawnsawn dan leh MZU-a a cham chhunga kan treat danin nasa takin MZU hmasawnnaah kawngro a su leh ngei dawn a ni. Chuvangin hun kal tawh lam te thlirkir pahin ngaihtuahna kan sen ho-na tur ka han chhawpchhuak leh rawih a ni e.
VC Hmasa Te:
MZU hian a din tirh atangin VC pahnih a hrawn tawh a, VC term khat hi kum 5 zel a ni. MZU-a ka zir ve lai leh zirlai hruaitu kan nih ve laiin kan VC hmasa pahnihte hi ka hrawn ve ve hman a, an mizia leh an sulhnu pawh hre chiang ve tawkah ka inngai.
A hmasa ber Prof. AK Sharma kha mi polite tak mai leh mite tihlawm loh hlau ngawih ngawih mi a nih avangin a rilru pawh a paukhauh lo deuh a. Chu chu remchanga la-in zirlai pawl hrang hrangte pawh khan an zuam em em mai a. A hman hmanin an hawlh buai a, a hun chhung khan hmasawnna hmuh tur a awm mang lo tih theih a ni.
A pahnihna Prof. AN Rai ve thung kha chu mi paurau tak leh luhlul tak, Dan piah lama Mizote inhritthiam tawnna ang del del ngai thei miah lo, eng pressure mah ngaimawh lo, a hun chhunga Mel Lung phun loh hlau em em mi a ni thung a.
A hun chhungin MZU pawhin awih harsa khawpin hmasawnna a hmu a, Central lama a tlaktlum em avang leh a hunlaia Registrar, ama mizia ang pu Mizo pa ngei mai Pu Benjamina nen an thawhdunna a that em avangin Central University dangte thik phak hial khawpin MZU an vawrh sang a, MHRD leh UGC lamah pawh MZU-in duhsakna a dawng nasa reng a ni.
Amaherawhchu kan sawi tawh ang deuhin βDan chu Danβ ti tlat mi an nih avang leh an discipline a khawng em avang te, midang tihlawm teh chiam an tum loh avang te khan anmahni hawtu leh ertu, hnawk ti tlattu kha MZU chhungkua-ah leh zirlai pawlte-ah an lo kuh tul mai si a.
Chuvangin misual lailet der anga an chanchin chhiar tur leh hriat tur pawh kan nei fo reng a nih kha. Amaherawhchu anni ang hi hmasawnna tak tak nei tura kan mamawh chu an ni tlat si a ni. MZU chungchanga buaina tam tak kha chu Mizo mipuite zirloh vang vekah kei chuan ka ngai.
VC Thar Kan Nei Ta:
MZU chuan a vawi khatna tur leh Zofate tana chanchin ropui ni kumkhua tawh turin Mizo pa ngei mai VC atan a nei ta a. MZU VC thar Prof. R. Lalthantluanga hi Scientist ropui tak a ni a, Foreign thleng thlenga Post-Doctoral Research beia lo feh chhuak tawh leh a thlen chin china a top ni pha thei zel khawpa mithiam chungchuang leh mi taima a ni.
Professor a nih chhung ringawt pawh hi he thu ziaktu kum zat zet a ni. Tin, amah hi Shillong Mizo Churh-a Kohhran Upa ngat a ni a, sakhua-na lamah pawh a entawn tlak hle. Hei mai a ni lova, University VC ni tura pawimawh em em Administrative Experience a nei tha em em a. Head of Dept. tih leh Dean tih te chu sawi loha lumah dah ta ila, NEHU Mizoram Campus-ah khan 1990-2001 chhung Pro-VC a ni a, tin NEHU Shillong-ah 2009-2011 chhung Pro-VC a ni leh bawk.
Engtin Nge Ni Zel Ang?
Mizoram University hi Central University a nih avangin VC atan pawh UGC, MHRD leh Central Ministry danga mi tlatlum leh tlang par par tur mi kan mamawh tak zet a ni. A nihna takah chuan VC ruat chungchangah pawh political influence a nasa em em a. MHRD Minister ni tawh Arjun Singh leh tuna ni mek Kapil Sibal te pawh hian sawisel leh beihna an tawk fo reng a ni.
Ka ngaihtuah tithui em emtu chu hei hi a ni. Prof. Tluanga hi NEHU hnuaia kum 13 zet Pro-VC ni tawh a ni a, chuti khawpa dinhmun sang luah pha leh Administrative experience nei tha si, ama Department-a mi ngei, a aia junior zawk leh nghal Prof. AN Rai a kal khalh thei miah lo hi a mak ka ti a. Prof. AN Rai hi Mizoram University-ah VC a nihna term tawp dawn lamah a aia senior pui puite awmna NEHU-ah VC tura ruat a ni leh thei nghal mai a, NEHU VC an ruat dawn hian Panel (mi pathum thlan chhuah) ah pawh Prof. Tluanga hi a lang tlat lo a ni.
Chuvangin heti khawpa dinhmun sang lo chelh rei tawh leh experience nei tha kan tih kan Mizo pa chhuanvawr hi UGC, MHRD leh Central Ministry dangah hian a lo tlatlum vak lo a ni mai thei a, tin, amah hi keini ngaih ropui ang hian an lo ngai ropui viau lo pawh a ni thei, chu lo lehah chuan Central-a tlatlum tur khawpa mahni inhaikaw duak duak lo chi a ni thei bawk. Chu tak chuan MZU hmasawnna atana a hmalaknaah a tithuanawp ang tih min tihlauthawng a ni. Chumai bakah NEHU Mizoram Campus-a Pro-VC a nih chhunga hmasawnna beitham lutuk khan ngaihtuah a tithui hle bawk.
Kan VC thar hian MZU VC chhuak ta sulhnu ropui tak leh a vision, leh hmachhawp te hlen chhuak satliah mai lova, nasa taka a khum theih ngei ka ring tlat a ni. A khum thei lo a nih hlauh erawh chuan Mizo ngei VC duh thintute a tizak hle dawn a, chu mai bakah Mizote rilru tinatu a la ni fo bawk ang. Chuvangin MZU-a hming chher tur leh Mel lung dang phun ve tur chuan a tan hle a ngai dawn a ni.
Tin, Mizo mipuite pawhin kan lo dawnsawn thiam a tul hle ang. Pu Tluanga hi mimal takin kan la inhre ve lo, mahse Mizo Pa inhriatthiam tawnna rilru ang pu tlat tura kan phut chuan Administration chhe vek khawp leh hmasawnna thuanawp thak khawpin kan lo cheibawl ang tih ka hlau ber a ni. Chuvangin dik tak leh huai taka hmasawnna leh kalphung mumal a neih theihna tura back-up tu tur chu Mizo mipuite kan ni.
Zirlai Pawlte pawhin awmze nei lovin nawr buai chiam chiam lo sela, tin, mipuite pawh VC duhsakna dawn tum ringawta hmanhlel lo tur leh thil dik lo ti tura nawr fo lo turin inbuatsaih ila. Pu Benjaminaβn vai rilru a pu tlat nia kan ngai leh mizo nihnaa kan inhriatthiam tawnna ang ne nea a kal duh tlat lo kha a hlawkna teltu chu MZU leh Mizote kan ni tlat asin. Khawvel-ah hian hmasawnna tak tak thlentute hi pa fel leh zaidam, biak nuam leh mite ngainat an ni lo fo reng a ni.
A nawrnatu nawrna lam lama thle mai mai lo tur VC ni ngei tur leh Cambridge of the East siam ngei turin kan VC thar tur hi duhsakna ka hlan a, hei hi chona-ah ngai se ka duh bawk a ni.
***********************
Similar Posts:
- MZU Vice Chancellor sawn chhuak dawn
- MZU VC atan Mizo hming 2 lang
- MZU Vice Chancellor thar – Prof. R.Lalthantluanga
- Asia rama top 200 University-te
- Mizoram University atanga Commerce Ph.D hmu hmasa ber
May 12th, 2011 at 3:05 pm
Mizo ngei an tling hi a lawmawm e. A that ngei pawh ka beisei.
May 12th, 2011 at 3:10 pm
Sawiselna a tlem deuh tawh ang chu!!
May 12th, 2011 at 3:34 pm
en chhin i la.
May 12th, 2011 at 3:36 pm
Post ka chhiarchhuak dap a, ka comment chu ‘Dik chiah’ tih hi a ni e.
May 12th, 2011 at 3:38 pm
Tha tawk tura ngaih kan nei, a tha bawk ang.
May 12th, 2011 at 3:54 pm
No comments….ka tehfung nen ka teh tawh, ka ngaihdan chu pho chhuak ve lo mai ang… π
Anyway all the best to the new VC (Y)
May 12th, 2011 at 3:59 pm
Post tha tak a nie, MIZO nge nge (Y)
May 12th, 2011 at 3:59 pm
Para tawp ber dawttu khi ka (Y) (Y) (Y) .
May 12th, 2011 at 4:00 pm
Ka ideal profile chu hetiang ang te hi: NOI
Dr Mahendra P Lama (b 1961) is the first Vice Chancellor of the newly established Central University of Sikkim in India. At the age of 46, he became the youngest Vice Chancellor of a National University in India. Till very recently he was Professor of South Asian Economies and the Chairman of the Centre for South, Central, South East Asia and South West Pacific Studies, School of International Studies, Jawaharlal Nehru University, New Delhi. He also served as the Chief Economic Adviser to the Chief Minister of Sikkim with a Cabinet Minister rank for seven years since 2002. Prof. Lama is presently a Member of the National Security Advisory Board.
He holds a Ph D degree in Economics. Central to his intellectual pursuits is development and cooperation in South and South East Asia. While teaching economic cooperation and integration in South Asia and India’s Foreign Economic Policy, he does extensive research with distinct policy slants. He was nominated by the Government of India in the Independent Expert Group set up by the South Asian Association for Regional Cooperation (SAARC) in 1997. He was also a member of the National Committee for the revamping of the North Eastern Council in 2004 and the national steering committee for North East Vision document.
Besides authoring and editing 15 books, he has worked extensively on the issues of human security, migration, refugees, trade, investment and energy cooperation in South Asia and has produced very widely acclaimed reports and studies. He has worked closely with the top regional institutions and economists in South Asia including the Pakistan Institute of Development Economics (Islamabad), Centre for Policy Dialogue, Bangladesh Institute of International and Strategic Studies and Bangladesh Unnayan Parishad (Dhaka); Institute of Integrated Development Studies (Kathmandu), Institute of Policy Studies (Colombo) and Centre for Bhutan Studies (Thimphu). He was also a member of the Prime Ministerial delegation. He has recently completed a comprehensive evaluation of the entire SAARC activities and programmes under the SACEPS-ADB project.
He was the prestigious Asia Leadership Fellow in Japan in 2001, Ford Foundation Fellow in the USA in 1997, Visiting Professor in Hitotsubashi University, Tokyo 2004-2005, Visiting Fellow in Calcutta University, Visiting Professor in Indian Institute of Advanced Studies and is presently India-China Fellow at the New School University in the USA 2008. He has lectured extensively both in India and abroad.
His works have been published in many refereed journals and has also been translated into a number of foreign languages including Japanese, French and German. Prof Lama also headed the high level team of experts which prepared the Nathu la Pass Trade Report in 2005. This Report was used as the policy document by the Government of Sikkim and Government of India to reopen the historic trade route between India and China in July 2006. He also wrote the first Human Development Report of Sikkim in 2001 and the first Economic Survey of Sikkim in 2007. His latest volume, Human Security in India: Discourse, Practices and Policy Implications is being published by YPL in Dhaka.
Till recently, he was a Member of the National Steering Committee to prepare the XIth Plan (2007-2012) for the North East region of India appointed by the National Planning Commission 2006-2007. He is presently the member of the Task Force on Hill and Mountain development set up by the National Planning Commission, Government of India. He regularly writes for prominent national dailies in India and Nepal and is also frequently interviewed by top TV and radio channels including BBC, NDTV, Star, Zee, Sahara, Doordarshan and CNN-IBN, All India Radio, Voice of America, Reuters and Christian Science Monitor.
May 12th, 2011 at 4:08 pm
OT lawk, hei hi a mi a post tupa Thasiama se no ti a i zawn i zawn chu?
http://i56.tinypic.com/2mph45y.jpg
(Y) π
May 12th, 2011 at 4:40 pm
Prof.A.N Rai kha la tha berin ka hria. Mizote min hrechhiang hle!
Mizopa ngei anih avanga athat tak em em na chhan tur ka hrelemlo ! MZP leh Zirlai pawl dang hlau lo kan mamawh π
May 12th, 2011 at 4:44 pm
“Tin, amah hi Shillong Mizo Churh-a Kohhran Upa ngat a ni a, sakhua-na lamah pawh a entawn tlak hle.” He thu hi chu ka ei lo hle. Mizo takin enkawl se a fel vek mai ang.
May 12th, 2011 at 4:49 pm
No comment…
May 12th, 2011 at 4:52 pm
Lama chu ava turu ve a Zuala. Awhawm hle mai a.
I ziak tha e. Tualchhung chanchinbu ah chhuah thei la tha viau ang a.
Pu AN Rai-a kha tha ka ti hle. Tha ti lo tute pawh hi han kawm tak tak ila,Pu AK Sharma te nen han khaikhin vel i la,Pu Rai-a kha tha an ti leh zawk tho zel… π
Ka lo ngaihtuah mek chu- Pu Tluanga hi Kohhran hruaitu-lu ni awm chi tak hi a lo ni zawk ang tih ka hlau deuh.
Pu Tluanga hi duhsakna ka hlan e. Mizo hnam phunchiar tak zingah hian hna tha tak chu han thawk mawlh mawlh teh se… (Y) (Y)
May 12th, 2011 at 4:54 pm
MZU goals pawimawh ber chu centre of excellence in education leh generation thar chher chhuah ania chuvangin short term gain atan long term vision leh goals scarifice a thalo, hnam feeling pawh dah that hmak tur…education lama advancement sang ber min thlen pui tur support pawp pawp mai hi a tha ber. chakma pawh nise bru pawh ni se a pawilo…..mizo min hmusit eke bale tih vel mai mai hi chu a ‘hillbilly’ thinking e mai.,..min hmusit pawh nise hmuhsit tur kan nih loh zia show leh proof mai tur
@ krista..ka thianpa π
May 12th, 2011 at 4:59 pm
dik (Y)
May 12th, 2011 at 5:09 pm
Prof. A N Rai kha tha ka ti khawp mai, Pu Tluanga ka lawmpui a, a ni pawh a that ka ring.
May 12th, 2011 at 5:12 pm
zualbonga comment chu a tha hlemai.
AN Rai-a nawr chhuah nana hma la tu pawl zing ami tekhan mizo prof. te thil diklo tih an hriat pawhin, “Mizo leh mizo hetianga in tih te chu a” tih rilru an pu leh daih a, thil pakhata a kaichuang ber pawh hre ru mahse an sawisel ngamlo. An tih kha. NOI π
MZU hmangaih tak tak ni sela mizo leh mizo lo thliar awmloh tak ania.
May 12th, 2011 at 5:21 pm
Tha ti te pawh an awm ang a, tilo te pawh an awm leh tho ang a, kal miah miah tawp mai tur…, (H) (noi)
May 12th, 2011 at 5:26 pm
Prof. Tluanga a VC emaw VC lo emaw, Mizo mipuite leh MZU thawktute dinhmun leh rilru put hmang enin NEHU status hi kan thlen phak chuan a lawmawm ah ka la ngai ang. Center of Excellence chu kum 15 hnu ah te chuan kan aim ngam ve tawh mahna…
May 12th, 2011 at 5:30 pm
Cambrige hi kan sawi ve teh a. Tih tak emah, chuan Silchar-a University pawh kan tluk a mi ? A kawng hi a thui lutk. Pu Tluanga pawh hian pu Raia( mi chak) tih theih loh hi chu a tih theih beisei lo phawt ila. Amaherawhchu vai a chawlut vak vak em lo ang chu maw ? A ziak tupa hian Pu Rai (Michaka) Central leh HRD vela tlaktlum tih vel kha a hre roh em a, . University dang ten an thik te ti thei roh a(engah nge an lo thik reng reng ? an ni budget te chu a tam awm lo teh lul nen)…..dawp dawp ila enge maw hriat belh tur kan nei treuh mai lo ang maw…….
May 12th, 2011 at 5:33 pm
Tu pawh VC se, ahmasa berah chuan staff te leh zirlaite kan sincere loh chuan MZU dinchhan a hlawhtling lo. VC hi work culture tha tak anih chuan faculty te chuan a tha lo an ti leh hma khawp long maw ka ti deuha.
Pu tlunga MOST WELCOME. A.N. Rai alo tha hle toh sia khum hram tum ang che……
May 12th, 2011 at 5:48 pm
Ngaihtuahna kan seng tlang a, a then chuan min support viau laiin a then chuan min offend deuh a, amaherawhchu hei tak hi a ni cho chhuah ka duh chu. Tunah chuan misual ho pawh MZU chungchanga kan ngaihdan pawh a rational viau tawh a, ka lawm hle mai. Hetah hian duh tawk mai lovin Newspaper lamah te article chhuahin tan la tlang zel ila ka duh hle mai.
Pu Raia leh Pu Benjamina te Vision chu ka han sawi tawh ang e…
May 12th, 2011 at 6:06 pm
Post tha tak a ni. Chona ropui tak a ni. Mahse Cambridge of the East te chu a la hla deuh ang,hetiang dinhmuna ding tur chuan hun tam zawk nghah a la ngai ngei ang. GO AHEAD MZU
May 12th, 2011 at 7:03 pm
# 24, ‘Cambridge of the east’ khi kei paw’n ‘Pu Zoramthanga sitail e’ ka ti… π π
MZU chungchang ah erawh sawi tur ka nei lo, ka hre bawk hek lo. Engpawhnise, bawh-huk pawlisi hi bansan thei ila ka ti ve mai mai.. π
May 12th, 2011 at 8:23 pm
Duh leh ‘Mizoram Oxford’ pawh kan ti ang a. Kan pa ngaihsan deuh mai L Keivoma pawn Serkawn hi ‘Zoram Oxford’ a tih kha….. A thenin kan duh chuan-‘Harvard of Mizoram’ kan ti ang a pawina awm reng reng lo. A post tupa hian MZU tan hian a tha leh zung nasa takin a lo hmang tawh a, hetianga a beiseina alo ziak pawh hi awm ka ti viau e..
Tin, Pu Rai-a hi Central lama tlatlum ve tak chu a ni. Kan Campus pawnah hian Manipur Mizo Professor a awm a,Pu Rai-a leh a hnathawh dan chanchin chu a hre khawp mai. Ani pawh hian Mizoram tana a ui thu bak a sawi ngai lo.
May 12th, 2011 at 8:49 pm
james hi chu AN RAI hi i tan teh huam thin ngawt mai π …..kinda hope that this doesnt cloud ur judgement.
May 12th, 2011 at 8:52 pm
No. 26. Mizoram Oxford, Switzerland of the East ah ngat. Get real. Vice Chancellor Mizo anih vanga beisei san vak hi beidawnna hnar ani thei asin.
May 12th, 2011 at 9:24 pm
#27 (Y) (Y) (Y)
May 12th, 2011 at 9:55 pm
Pliz in, a ziaktupa, Pu Raia leh Pu Bena vision chu vai lakluh chiam hi a mi. Vai hrim hrim kan duh chuan Vai CM tur chah lut ila a ni mai a lawm le. An hun a liam a…… Pu Tluanga hun a nih tawh hi. MZU chungchangah hian mi tam takin an ngaihdan an sawi tha duh lo zawk a ni e………University dangin an thik tih pawh hi sawi tawh lul teh suh a. Thik tham tur hian kan lian lo em mai a……MZU aia university lian leh changthlung zawk vek an ni hial lo maw le……
May 13th, 2011 at 1:21 am
ka comment dawn zuau zuau a, ka delete leh zel a…
University kalphung leh university rating dan hi ka hrethiam pha chiah lo ah ngai phawt teh ang. VC leh registrar in University tha an siam theih dan tur hi ka hrethiam pha lo tawp mai!! An tih chhiat theih dan tur lam erawh chu ka hre deuh veih veih!
May 13th, 2011 at 3:24 am
Administration ah a tha ang… in ti teh fo a, administration
khawih tur chuan registrar an awm ani lawmni?
Vai lak leh lak loh chungchangah pawh, Kan VC hmasa thu ani bik em aw… Duhsak zawng lak pakhat pawh kan VC lam nilovin kan mizo Dean vang niin kalo hria a. VC hian alo approve ang chauh ani, a concerned Dean te an zah thin avangin Dean leh Ordinane thu ani mah lawng maw…
Hierarchy hi chu awm mahse thil kal dan vel hi ngaihtuah thin a tha khawpmai. Minister te thil tih dikloh tamtak ah CM bur bun ringawt a thatlohna a awm teuh maithei. Chutiangin Prime minister thiltih dikloh ah President mawhpuh ngawt theihlohna a tam ang.
Lolz
May 13th, 2011 at 4:29 am
Private sikul din a, zirtirtu atan pawh thenawm hnai thiam vaklo pawh duhsak zawng la huau huau a mahni fa te kal nana duh leh miahlo kan nih chuan kan sikul din chu a tha dawnlo tih a chiang reng.
Hetiang ang rilru hi MZU tan hian kan pu anih chuan MZU hi university tha ani ngai dawnlo tih a chiang reng. Keichu ka fa te zirtir turin mizo thiam vaklo aichuan vai pawh nise an thiam zawk chuan ka thlang zawk.
May 13th, 2011 at 4:51 am
A dik chiah a ni. Vai ni e ni lo e ka pawi ti lo keipawn. An awm rei duh emaw duh lo emaw Mizo thiam vak lo ai chuan vai thiam zawk chu an tha hrim hrim. Zirtirna chauh ni lo Research lamah pawh thaduang em em tur University ah hian Mizo Professor, Kohhran leh khawtlanga in hmang buai mai mai tur chu thawk lo sela kan tan a tha ber.
A din tantirh lai vel khan Mizo thawktu thenkhat te chu theihpatawp chhuahin an student te an zirtir a ni awm e,anmahni an in bih peih bawk a an in enlawk tha a,cross question vel pawh an dawl viau aniang. Mahse an han nghet chiah ale..an danglam nghal. An thatchhe nghal a,a hma a an lak loh course ah phei chuan cross question vel pawh an dawl vak tawh lo a ni awm e. Hetiang vel hi a ni….. π π
May 13th, 2011 at 7:27 am
Chhingdailova te ang vela thliarkar rilru pu an la tam chhungf chuan Mizoram hi khawvel hriat ah a inpho chhuak har khawp ang. Hei hi lo hre ve mai mai teh, MZU hi Central Sorkar hnuaia awm a ni a, chuvangin staff recruitment-ah pawh Central Reservation Scheme a hmang lo thei lova. General tih lohin qouta kan neih dan chu ST – 7.5%, SC – 15% leh OBC – 27%. Non-Teaching Line chuan Academic lam direct taka a affect loh avangin a theih chin chinah Mizo duhsak an ni. Non-Teaching Staff zingah hian hnam dang chu kutzungtang thliah tham lek a ni.
Teaching Line erawhchu Mizo induhsak ngawt theih a ni lo tih hi vawi eng zat nge inhrilhfiah nawn kan la ngaih dawn? Ka sawi fo tawh, ka sawi nawn leh ang,MZU-a zirlai ka nih ve lai leh zirlai hruaitu ka nih ve chhung zawng khan thil tam tak ka zir chhuak a ni. Mizo zingah zirtirtu thiam tak tak leh taima tak tak an awm, mahse a tlangpui thu-in hnam dang zirtirtu an taima zawkin an sincere zawk, tin, MZU chhungkuaa buaina neuh neuh inmun fona leh a rawh irh chhuahna bul ber chu a chhungkaw mi leh sa, Mizo pamham deuh deuh an ni ziah. An hming pawh sawi dawt2 dawn ila ka sawi thei nual. Chungho mahni hmasialna avang chuan MZU tana thawk tha em em Raia leh Benjamina te’n an tuar fo.
Thil hre thuk tak tak si lova judgment in pe fo hi a hahthlak ka ti thin khawp mai. Pu Rai-a leh Pu Benjamina vision chu hei hi a ni: Infrastucture development hmabak a tam hian aAcademic lama insawrbing a har a, chuvangin an term tir lama chak taka infrastructure development kalpui phawt a, a zualzawpui vailenhlo an zawh hnu-a Academic lama insawrbing leh a, Centre of Excellence-a siam an tum a ni. Tunah hian VC thar tan chuan hahdam thlak deuh asin, hmalakna tur hautak lutuk leh a zualpui chu a hmasa te’n an lo zo deuh thuak tawh a, ani tan chuan Academic lamah nasa taka reformation a beih phawt chuan India rama University tha ber te zingah a hlangkai thei tur a ni.
Tin, MZU hmasawnna chak zia leh fund a hailuh nasat zia hi NEHU te, Hyderabad University leh Central niversity dang dangte nen pawh khaikhin rawh u, heng University changtlung tawh kan tih ho zingah hian an din tirh atanga kum 10 chhunga tuna MZU hmasawnna ang nei pha lo hi an tam a ni.
Han sawi ve leh phawt teh u…
May 13th, 2011 at 8:01 am
mai2 a mizo nei a nih hian a tha phian thei AN Rai a tha ber tig got h a dik lo. mahni hnam ngei cu kan hmangaih thin hi mole.. mahni ram University tan cuan a theihtop a chhuah k ring tlt.. a hnathoh hma got a Vai a tha ber k ti tih got hi a dik lo..
AN Rai kha cuan min hre cuiag khop my.. a tha lo k ti cuag lo a mhse min hreciag mah2 ani..
mizo ho cu n hn norh ve pon a hn uksak vlk lo ila n zuai lh mai n zia ve ania a tih te kha min hmangaihna trogkam ani k ti thy vk lo kei cu.. lh university a a khosak dan te hi.. staff ho khuan a hre ciag khop ng…
May 13th, 2011 at 8:27 am
davidms, AN Rai ai khan Pu Tluanga a la tha zawk fe thei tia ka chellenge-na a nih hi. Tin, AN Raia’n khauh taka eng pressure pawh a dawl zo vek mai kha hmasawnna tak tak thlentu a ni. Mizoram Sorkar-a nawrhna hlawhtling a tam hian hmasawnna a tithuanawp ziah tih chu i hriat ve tho ka ring. Staff te zingah pawh AN Rai leh Benjamina hnawk tia ning apiang chu work culture tha tak nei leh hmasawn tum taka thahnemngai an ni lo tlangpui. davidms-a nen hian MZU-ah Annual Magazine Editor leh Varsity Chronicle Editor kan ni ve ve tawh a, mahse kan cham chhunga kan thil hmuhchhuah a inang lo hle mai.
AK Sharma hunlaia hmasawnna awm mang lo, work culture chhe tak leh del dul tak kha siam that tumin theihtawpin kan bei ve a, staff-te huat pawh kan hlawh. Pu Benjamina leh Pu Raia an rawn inkawp hlauh a, theihtawpa MZUSU te nena tang tlangin hmasawnna tam tak, Administration-ah te, Financial Management-ah te, Infrastructure Development-ah te leh a dang dang ah kan hmu chho zel a. MZUSU File rei tak tak pending thin pawh a kal ve ta zawt zawt a, a hmaa lo zelthel thang mi eng emaw zat tan chuan hotu thar pahnih, hna la na tak leh khawng em em chu ninawm tur tak an ni reng a ni. Hun harsa kan tawn tlang tawh hnu-ah in rawn lut ve chauh a, Pu Raia leh Pu Benjamina te hnawk ti tura rilru in pu dawn a nih chuan an rawn awm hma kum nga chhunga MZU Status leh an awm hnua a status khaikhin ve thin teh u. A history lam pawh chhui ve thin fo ula ka duh a ni.
May 13th, 2011 at 9:41 am
Tih tak takah chuan V.C te chu an pawimawh lo, Registrar an pawimawh zawk. V.C nei lem lo pawhin Registrar tha tak kan neih chuan University chu a kal tho ang, a hmingin an awm ve mai mai a lawm.!!
May 13th, 2011 at 10:27 am
@sillyBoy, VC leh Registrar hi an pawimawh ve ve, an pawimawh dan a inang lo. MZU hi parliament Act hmanga din a ni a, Acts & Statutes a nei a,tichuan Dan chipchiar zawk Ordinance a nei leh a. VC tello chuan University hi a kal thei lova, Registrar tel lo pawn a kal thei chuang lo. A chhan chu an hna chanpual ve ve hi bithliah fel tak a awm a. Tin, Statutory Post a nih avangin Regular VC leh Registrar an awm lohin an aiawha Charge latu-in an mawhphurhna tam takah khawih theih loh chin an nei tlat a ni tih hi kan hriat tlan a tha ve mai mai…
May 13th, 2011 at 10:53 am
Univ leh institution tha ho a faculty atan hian local mi ngei duhsak ni rawhse ti a an buai vak vak ka hre ngailo. Local mi chu an tamlo viau zawk zel. Vai an tha vek e tihna nilovin vai leh vai lo lam zawnga thlir lovin a tha leh thiam thiam lak mai tur ani.
St.Paul’s ah tehian vai zirtirtu an tam hle a, mizo hlir zirtirtu awmna school aiin tamtak chuan kan duh zawkin tha kan ti zawk chu anih hi. An vai zirtirtu tehi mizo ho aia an thiam bik vang nilovin an taima in thahnem an ngai bik. Kan school neih ho ah chuan mizoram tana mithiam chher chhuak hnem ber ani hial ang, chutiang khawp chuan mizoram tan a hlu ani. Mizo hlir zirtirtu chu awmse Zuma an khel mai mai maithei asin. π
St.Paul’s alo awm hian indirect pawhin thatna a nei a, kan school tha dang Mt.Carmel te, Home Mission te pawhin St.Paul’s an compete pui avangin hma an sawn hle ang tih a rin theih.
May 13th, 2011 at 11:05 am
* (“mizo ho cu n hn norh ve pon a hn uksak vlk lo ila n zuai lh mai n zia ve ania a tih te kha min hmangaihna trogkam ani k ti thy vk lo kei cu.. lh university a a khosak dan te hi.. staff ho khuan a hre ciag khop ngΓ’β¬Β¦).
Davidms a type uluk loh luat vang hian Jamesrdm a .. ka support zawk a che. (Y) π
May 13th, 2011 at 12:50 pm
Thliarkar rilru hahahha. Nia, thlair kar rilru hi kan put ve fo a ngaih chang a awm awm e. Central University a nih thu vawi tam tak hrilh nawn kan ngai lem lo. Mizoram University hi Mizo te tan Mizoram tan a nih avang hian Mizo te a tam thei ang ber kan luh theih thluk a thil hlu a awm lo. Central University dan hi zawm diak diak dawn ila, DU ah te post ruak hnawh khat tureng zat tak awm ang i maw ?DU ah hian ST/SC a nghet in an la tha duh lo e ti an tih chu. Namnul chin hi min neih avang hian kei ni pawh hian a theih chin chin kan nam nul chin hi kan neih ve loh chuan a tha lo ang. NEHU ah hian a Meghalaya mi lo tan luha har an tih te khi central university a ni lo em ni le.Centre for excellent tih hi sawi ve teh sek duh u. MZU te ang hi Centre for Excellent a nih dawn chuan University zawng zawng nih vek anfai zawk hial ang a….. Kan pah ktawkhi hriat a tha khawp mai. World Class education ai hian North Easta a ber nih tum phawt ila, India el leh phat ila chu tah chuan kan World class thei ve dawn chauh a lo ni…..Pen vak kan tum na hian step khat pawh min kak tir thei loa nih ber hi…..sawi mai a tawk ta lo. A sawi chuan Harvard, Oxford te pawh kan el thei a lawm mahse, India ram kilkhawr ber atang hi chuan muang fan raih a kal hi i zir tah zawk ang u. Kan hmanhmawh lutk na lamaha hian kan tlai zawk ang e. Pu Raia hi chak an ti viau sia. DU CU, leh JNU vice chancellor ah ruat daih tur a lawm le. Hmanni lawk khan heng post hia ruak thawt a sin le…….A va pawi tak em.
May 13th, 2011 at 1:09 pm
sit and watch policy tawh mai ang…kum 3-5 hnuah kan debate leh dawn ania (I) .
May 13th, 2011 at 1:50 pm
Mizo ngei kan nei a, a lawmawm ka ti kei chuan. Tunhma lama VC te chanchin sawi chhuah leh khaikhin hi a tulber lo fo. Mitin hian Vision hrang theuh kan nei a, khaikhin chi kan nilo. Kan VC hmasa, hmasaleh tih vel nena in khaikhin chuan engtikahmah lungawina in hmu lovang.
Tin, Mizo te hian Mizoram chiah hi ram kan nei, a theih chin chinah kan induhsak tur a ni (mahse diklo ni si lovin). State danga hnahmuh chu sawiloh mobile SIM ringawt pawh hmuh a harsat zia hi. Hnam dangte chuan thiam takin an ram leh hnam hi humhalh an tum a, inzirtur tamtak ka nei.
May 13th, 2011 at 1:56 pm
if education is about gaining knowledge then it has no boundaries and need no boundaries. get knowledge wherever it is available and bring home knowledge from wherever it is available. period (Y)
May 13th, 2011 at 2:17 pm
Mizo hi faculty ah thun tlurh sela, nakin lawk ah chuan in update peihlo leh zirna lama tui tak tak tawhlo, hlawh hmuh nana zirtir ringawt tam deuh an awmkhawm trun mai angah. π
May 13th, 2011 at 2:24 pm
In general chuan mizo hi student tha kanni ngailo , kan thatchhia a kan sincere lo bawk, chutiang bawkin in general chuan good teachers kan nih ka ring vak lo…. :-[
Mizo te chu hna nghet, position leh pawisa/hlawh bak kan aim tak tak lo
May 13th, 2011 at 2:36 pm
In khawhfuh chiah loin fei-ki-bar kan lek suau suau in ka hria… π π
Kum 2007 khan Aizawl colege-a department pakhata thawk dun lai mek(Vai leh Mizo) hian MZU ah khuan hna an dil ve ve a. Vai zawkin a hmu tlat mai a. Engtin tin emaw ‘Son of the Soil’ tih ang deuhin pawl thenkhatte khan tan an tum vel a ni awm a ni. Ka thlawp lo khawp mai. Vai zawk kha kei ngei pawh hian a thiam zawk tih ka hria a,ka lawm khawp.
VCP tha chuan a chhungte hmakhua ngaiin a phi buai vak vak ngai lem lo. MZU ah pawh hian awm lo deuh deuhin kan induhsak a nih chuan kan che sual ta ve ang.
Tin,vai professor University-a kan chawk luh hian harsatna lian tham kan tawh phah lem lo ang. A hlauhawm zawk chu- Sumdawng anga lo lut hi hlauh viau zawk tur. NIT te pawh an din chho mek a,vai professor te chu an lo thawk zel dawn alawm.
May 13th, 2011 at 6:32 pm
Zualbonez, Krista, Funny, etc., in ngaihdan hi a ramhmangaih rilru riau mai. @chhingdailova, MZU (or University in general)hi eng angin nge i ngaih reng reng? Mithiam, ram leh hnam tana mi chenfakawm chherchhuahna hmun tur nge employment zawnna tur? MZU hian Zofate zingah mithiam leh ram tana tangkai chher chhuak teuh se kan ti nge Zofate tana an tlin ve tawk tawk chuan hna (employment) siam sak vak tur zawkin? Mizo zinga mithiam, University meuha zirtirtu ni tlaka inngai chuan ram leilung fa nih vang maia duhsakna nghak mai lovin state danga University tha tak takah te hna dil ngam ve sela, Central University dangah ST quota an hnawhkhah theih mang loh chang te pawh a awm ve nawk a nia.
Tin, General quota-a hna dil ngam kan tlem lutuk te pawh hi zah nachang hriat a va tha em. Kan vision hi a la hniam haih haih thin mang e. MZU-a Mizo tam thei ang ber thun ngawt mai hi ram hmangaihna a ni lo. Ram tana tha ber zawk chu MZU-a hna dil apiang, a thiam thiam leh a tha tha (Mizo or Vai) lak zel mai hi a ni. Chu chu kan tu leh fate zir zelna tur atana inbuatsaihna a ni asin.
NEHU khu an din tirh lam khan Khasi ho an la harh chhuak lova, India ram mithiam pui pui te’n an han enkawl tak tak mai kha chu India ramah pawh University standard sang taka ngaih a ni thin. Mahse Khasi hovin local mi duhsakna an kalpui nasat chinah a hniam tial tial a, tunah chuan NEHU hi India rama University standard sang taka ngaih zingah a tel ngai ta mang lo. Khasi zirtirtu ho hrim hrim an thiam lo bik tihna ni lovin, ram leilung fa duhsakna uchuak takin a thiam ber ber ni lo, a tling ve hram hram luhna chance a siam tam ta zawk a ni. Chutiang chu MZU-a thlentir in la tum tlat em ni?
May 15th, 2011 at 1:08 am
Jamesrdm cu Pu Raia te fak thiam hle mai,students union hruaitu hlui kha ani tlat a(a comment leh a articles reng reng ah hian a ziak tel ziah a). Mizo te hi reserved category a kn awm chhung chu general ang hian hna dil ila mn pe ngai lo ang,general category ah poh min dah duhlo bok,he thil hi keima tawn hriat ngei atanga ziak ka ni!!MZU Dept of Chemistry ah hawn tirh poh khan Mizo tlangval qualify in an dil laiin BHU lam mi vai Ph.D ti lai cu a tling a,an han zawh chian chuan Ph.D a nei alom antia,a degree alo nei awkawng silo.Mizo tlinglo te la rawh se kan tihna anilo,criteria UGC rules hnuaia pha reng,phuahchawp criteria vanga interview a an koh duhloh hi alom ngeiawm cu.Engvangin nge Mizo te kan University ah hian ‘Son of the Soil’ theory kan hman loh tehlul ang ni?M.Phil kan zir laiin Osmania University ah hnaruak a awm a,kan professor 1 in ST tan a awm,apply ve rawh min tia,ka classmate Telegu cuan tibuai duh suh,interview tur pohin an select lo ang che,a ram leilung fate tan alom ati hmiah mai!!Criteria a 4 1st Division te kha India ram University tha JNU ah leh DU ah an hmang ngailo hrim hrim,NET i neih a,i percentage in 50% i phak phot cuan reserved category quota in i apply thei vek,tin General ah i apply pha ngailo ang,James hian Mizoram pawn University ah hna ala zawng ngailo anih ka ring,zawng ve chiah se competition a har sia,leh reserved category hi engtik lai mahin general a compete a theihloh zia a hreve maiin ka ring.JNU ah te hian research bei turin vawi 1 tal interview han hmachhawn sela!!!
May 15th, 2011 at 1:49 am
50, Last_beautiful_gurl … welcome aboard..
.. kawmen tha khawp mai leh nghal. 
May 15th, 2011 at 10:23 am
Last_Beautiful_gurl, comment chu amah ang mai in khal tha hle mai a. Hahaha. Pu. James-a hi AK Sharma leh Pu Rai-a a khaikhin duhna tawngkam hi a mak deuh chuan ka hria a, Pu Tluanga a tih dan fik fek pawh hi lem nuam ka ti lem lo khawp mai. MIthiam hi kan ti teh chawk a, tu te nge maw mithiam kan tih fo le. Vai ho hi thiam kan ti em em ziah mai te hi a dik ber lo. Mizoram kilkhawr a zirtirtu tur a lo kal te hian hna avang in an lo kal a, MIzoram hmangaihna nen he ram hi siam dang lam tumin an lo kal hauh lo. Pawisa avang in an lo kal a. Keini pawhin Mizoram a tanga zirlai tamtak kan thawnchhuahna chhan hi hna tho a ni kan beisei chu. THinghtlanga zirtitu tur pawhin a khua mi an tha zawk an tih fona chhan hi a khua mi an thiam a nilo. Aizawl lama a mi aiin a khua an hmangaihin an awm chilh thei zawk a, a khua mizia an hre chiang zawka ni. Mizo thiam lo chung chung hi lo rawh u ka tu hauh lo. Mizo thiam kan awm phawt chuan i ngaipawimawh hmasa zawk ang u ka tihna a ni e. Tihtak arpa tui hal ah chuan Mizo fa hi mithiam tak tak kan ngah em mai. UGC in qualify a tih hi keini hian engah nge thiam lo kan tih tlat ni. Mithiam tak tak in duh a nih chuan Oxford chhuak te, Cambrigdge chhuak te hi lawr khawm ta che u. India ram hian Harvard chhuak ringawt pawh a zawn a ralah chuan in hmu reih ruih ta ve ang…..Vai hrim hrim hi thiam a kan ngaihzawkna hi a na ka ti a ni. An tam hneh hrim a, mithiam pawh an tam ngiang mai, thiam lo fe fe pawh an tam khawp mai. Kan ram riangte a kan zirna sang atan hi chuan Mizo mithiam ve tho tam tak te hi a thei ang a tam hi lut mawlh teh se. Central University tih a hun ta lo, min pal zut tu te kan palzut ve mai loh zawngin kan chan a chau lutk dawn tlat mai…….
May 15th, 2011 at 10:36 am
A ziak tha khawp mai.
May 15th, 2011 at 11:18 am
James: University dang, kum inthlau tak tak nen i compare fo pawh hi a mak deuh…..nakinah, tu emaw ten an duhdana ranking an siam leh hunah pawh, Mizoram Univ chu infrastructure tha hle mahse, academic ah an hniam viau chuan, a pawt hniam ruai mai lo maw..? Tun hnai lawk a ding tir mIzoram Univ leh kum engemaw zat kaltawh a NEHU ding trantir compare (10 yrs chhungin) hi a relevant lo khawp mai. NEHU din tirh khan internet pawh a awm em ni…?..building sakna material leh UGC in sum a pek pawh a hun lai azirin a inang reng reng lovang..I compare ang hi chuan, Mizoram Univ leh OXFORD compare la, Mizoram Univ asang hial ang chu…Chuvangin, comparision i siam duh anih chuan, University ding tir -rual tlang deuh ho nen ti zawk la a fuh ka ring.. Infrastructure tih hian, building leh ilo ah tawp lo ila a tha awm e..
May 15th, 2011 at 5:40 pm
@ Last_Beautiful_Gurl, “Jamesrdm cu Pu Raia te fak thiam hle mai,students union hruaitu hlui kha ani tlat a(a comment leh a articles reng reng ah hian a ziak tel ziah a)” Pu Raia te fak hranpa vak tum pawh ka ni lo. Amaherawhchu MZU tana an thawh that zia te hre chiangtu leh VC hmasa pawh hrawn pha ve kan nih lai a, Mizo mipuite’n MZU tana mi hnawksak ang hiala kan ngaih theih tura pressure group te’n boruak an siam vak thin avangin mipuite aware turin thil nih dan dik tak leh, MZU tan tu nge thawhhlawka thawhhlawk lo tih huaisen takin ka puang chhuak thin mai zawk a ni. Tin, mahni insawi a nuam lova, SU Leader kan nih avanga kan hunlaia Pu te fak mai kan ni lo, MZUSU (or PGSU) hruaitu lo ni tawh zinga MZU chhungkua (Staff Member and students) te’n an hriat zui reng leh “Anni hunlai kha chu ni se aw…” an tih ve vawng vawng te zinga mi kha kan ni ve a, chuti khawp chuan MZU hi kan hmangaih ve a ni. Pu Rai leh Pu Benjamina te hi keima mimal tak pawhin han ngei ve chang chu ka nei fo, an khirh lutuk avanga kan inhnial hrep chang pawh a awm fo. Mahse mimal thil avang maiin fak tlak hi ka fak loh phah chuang lovang, MZU ka hmangaih ve tlat avangin.
MZU ka hmangaih avang vekin University meuha zirtirtu ni tur chuan tling tawkah ka inngai lova, dil pawh ka tum ngai hek lo. Tin, phuahchawp criteria hmanga puha Pu Raia te in bei vak zel hi a dik lo, 4 1st Class Criteria hi MZU Ordinance-a awm a ni a, chu chu Pu Raia lo awm hma daih atanga hman tawh a ni. Pu Raia khan Dan chu a nihna angin a kengkawh a ni mai. Tin, Ordinance siamtha theitu, Academic Council leh Executive Council-ah te pawh Mizo an awm ve tho alawm, chungho chuan Amendment siam turin na takin nawr ve mai sela.
@chhingdailova, Prof. Tluanga hi ka iai a ni lo, tin Panel-a hming lang te zingah phei chuan a tha ber min pe niin ka hria. Amaherawhchu Mizo mipuite bawk hian kan zir leh lovang tih ka hlau a, mipuite awareness pek pahin challenge ka lo siam a ni zawk. Pu Raia phei chuan a zah em em a ni, mahse a junior leh amah zah em emtu aiin achievement a nei ropui lo zawk palh hlauh ang tih ka hlau a, khum ngei turin ka duh a ni, chumia a hlawkna teltu tur chu MZU leh Mizo mipuite kan ni. Tin, Vai an tha zawk tih thu-ah chuan an that zawkna pawh a awm fo, Mizo an that zawkna a awm fo bawk. A mihring azir a ni mai.
May 15th, 2011 at 6:29 pm
‘Son of the soil’ tih hman lampang maw…. Kei chuan ka duh lem lo e.Institution tha ah hian ST leh SC tan hian a qouta awm mah se luh hi chu har ve tak a ni aniang. Diltu(St/SC) hi mi engzat pawh ni rawh se mark tha leh publication neih ve duah loh chuan an la mai mai lo a ni awm e. Vai SC ho pawh hi an lo buai ve nasa thin.
Ka zirve mekna-a kan Director pawh hian Post Doctoral tha taka zo tawh sa lo chu tumah ala duh miah lo a ni awm e. Kumin kumtir khan Pu Kabil Sibal-a a lo kal khan ‘Post a ruak teuh si a,engah nge i hnawhkhah zung zung loh?’ a ti a,kan director chuan,’Post Doc zo tawh,mahni a Laboratory enkawl thei lo chu ka la dawn lo,ka awm chhung hian helai hmun hi research lamah hmasawn tir ka duh em em a ni’ a ti hmiah mai. Kabil Sibal-a pawh a lawm viau kha. Amah lo ngaimawh tute paw’n tih ngaihna an hre vak lem lo.
Pu Tluanga pawh hian thil tha a tih dawn tak tak chuan duhlo tu a ngah leh hrim hrim dawn. Tuna Pu Rai-a sawiseltu te bawk hian an sawisel leh duh hmel. Mi zawng zawng a tih lawm theih loh. Tha takin hna chu thawk mawlh rawh se. University ah khuan Mizo kan tam lutuk chuan a tha lo ang tih hi ka lo sawi leh hram ang e.
May 16th, 2011 at 12:52 am
MZU ah hian academic lam tuipui tak tak silo faculty engzat nge awm tawh ang aw.? Academic lam hi chu political advantage ah emaw leh eng eng emaw ah hian hmanglo hram ila ka duh khawpmai, academic hi chu a tui mi te handle chi ani e.
Eng eng emaw comment thin ho ah pawh hian Academic tuipui tak taklo, nakina politics la khelh tum emaw vel engzat tak awm ang maw. Advantage kan neih theih natur anih dawn phawt chuan kan theih ang ang hi kan abuse anih ber hi maw… Tuna kan politician sawisel thin te ai hian keini thangthar ho hi kan tenawm ta zawk emni…?
Thil hi a mak thei khawpmai
May 16th, 2011 at 12:57 am
funny fb mail
May 16th, 2011 at 1:07 am
Pu HV: fb chu ka check a. Mahse ka sawi hi a dik alawm.
Tuna PhD ti tamtak pawh hian academic an tuipui tak tak lo, hna hmuh nan tihvel leh politics tihvel atan bak an tui zui peihlo. Ka hrechiang lutuk. Heng ho hi chuan academic thil ah hian thu nei ve veklo sela kan tha tlang zawk ang. MZU ah hian academic tuipui tak taklo faculty neih teuh an duh chuan duhleh mizo ho chu duhsak sela, phaia zir velo ho zirna lam ngaihtuah miahlo chuan an duhleh academic tuipui lo ho chu zirtirtu atan la sela. An mahni leh an fate phai ah thawn zel sela… Mizoram leh MZU an hmangaih vang ani thei angem…?
May 16th, 2011 at 1:17 am
Keini mizo ho chuan sawrkar hna chiah kan duh, a bak chu political advantage ani leh mai, chutiang bakah chuan tui zui peih tak tak kan neilo. Lolz
May 16th, 2011 at 1:48 am
Ka’n sawi leh lawk.
MSU tepawh khan MZU thatna an duh a an hmangaih tak tak anih chuan, Pu Rai-a attack vak ai khan an hriat ve reng, dean dang tepawhin phone a an call-a a thu sawh sawn duh miahlo ni a an sawi kan mizo professor te pawh kha attack awm zawk tak ania. Fair taka thil tih an duh anih chuan. A kaikuang nilo zawk attack-in popularity khelh nan an hmang niin a ngaih theih laiin, in la fair tak takin an han tran zui ta bawk hi chu…
AN Rai-a khati taka an attack lai khan 4 first-i khan a join ta tho tih an hre tho lawng maw, MSU ho leh a tan tute ho pawh khan? Thil dik leh tha duh nise, MZU zirtirtu lak ah fair taka lak duh nise engahnge an do loh a? an hrelo der vel mai mai nitur ani. Lolz. Heng ho hi an mahni an in claim ang hian an fair tak tak angem…?
Engpawhnise tuna VC tura an nominee 3 zingah hi chuan Pu Tluanga hi ka duh ber, Pu Lianzela hi ka duhlo ber, duhsak zawng a la vak anga MSU velin an hrelo der palh ang. Lolz
May 16th, 2011 at 1:56 am
Funny an min cho deuh niin ka hria a..ka ziak teuh tawh a, a thui dawn lutuk a, ka ziak zo peih ta lo ani e.
University hi chu engkawng zawng pawn a universal tur ani tih mai hi ka comment ni teh se.
May 16th, 2011 at 2:19 am
Ten ten. An insual dawn e. Ka tan leh ka tan.
May 16th, 2011 at 2:27 am
hahah..lalfugitive leh!! mi cho ka tih khi min bawl a tum mai thei tihna ah ngai hmiah rawh!!
Funny sawi zawng zawng hi ka approve thlaps!
Post tu pa hi chu duh duh in lo rak ve mai mai teh se..!!
May 16th, 2011 at 8:23 am
funny thahnemngaihna chu a fakawm hle mai.
@lrpa, “Post tu pa hi chu duh duh in lo rak ve mai mai teh se..!!” ka thusawite hnial thlakna point i hre tawh lo nge? Chauhthubarawha midang ngainep ni awm taka hetia ti ngam hi chuan i hming dik tak leh i identity pawh kei ang hian i puanchhuah ve ngam ka lo ring deuh a… Nangni ang, nick chauh hmanga thil sawi ve pung pung thin hi a lawm buaipuiawm chu…