NIOS Zirlaite Hi Bumin an Awm Rei Tawh Lutuk - Lalzahawma Kawlkulh
NIOS ni National Institute of Open Schooling tihna a ni a. Central sawrkar, Ministry of Human Resources Development hnuaia awm a ni a. Ralkhata pawl 10 (secondary) leh 12 (senior secondary) zirna sikul a ni. An website (https://www.nios.ac.in/) a a lan dan chuan tunah hian India ram pumah Regional Centre 11 awmin Accredited Institution(AI)/Study Centre 3367 a awm mek a. Zirlai pawh maktaduai 1.5 vel an awm a ni.
Mizoram hi Regional Centre, Guwahati in a awp a. Phone 0361-2650541 ah emaw email:rcguwahati@nios.ac.in ah harsa takin an biak pawh theih. NIOS website a a landan chuan tunah hian Mizoramah AI/Study Centre 13 a awm. Aizawl ah hian AI panga a awm a. Chung te chu, an AI Number nen: Govt. Bungkawn High School (300002), TLR City College, Bazar Bungkawn (300003), Mary Jones School, Chanmari (300006), Scared Heart, Donbosco (300007), Govt. S. Himem High School (300009).
Heng bakah hian Champhaiah NIOS approved AI pakhat – Zokhawpui Higher Secondary School (300012) awmin, Saiha ah pakhat – ECM High or Sec. School (300005), Kolasib ah pakhat – Madonna Education Centre (300001), Lawngtlaiah – Southern Baptist High School (300010), Lungleiah AI 3 – Sacred Heart School (300011), Darphawka Memorial School (300013), Govt Leitlangpui Higher Secondary School (300014), Serchhipah – Govt JM High School (300015).
Approved AI ni lovah?
A chunga kan sawi tak AI ah chauh khian NIOS thil, admission leh class kal te a tih theih a ni. Aizawl veng hrang hrangah ‘mi thahnem ngai zual te’n’ admission te an la a, class te an kalpui mek a ni. Hei hi an phuahchawp mai mai a, approved Study Centre/AI ni lova NIOS thil lo tih ve ngawt chu dan pawn lam thil a ni. Hetiang hmanga sum siam hi mi eng emaw zat an awm. NIOS thil reng reng a chunga ka sawi sikul baka kalpui an awm chuan, “a lem” an ni. Tawpsan vat se a him ang. He ka thuziak hi Judiciary/Police lam te pawhin PIL case ah suo moto in la se ka duh khawp mai. Public Interest a ni.
Engzat Nge Admission Fee?
NIOS (pawl 10 leh 12) zirlai eng emaw zatte ka interview naah leh an fee pekna receipt ke en chuan, uchuak taka Fee laksak an nih mek thu ka hmu a. Hetianga zirlai naupang, harsa ve taktak te pawisa uchuak taka laksak a ni hi a pawi hle mai. Chhungkaw tamtak pawisa, diklo taka laksakna a ni.
Admission Fee pek zat tur chu hetiang hi a ni (source: https://www.nios.ac.in/): Pawl 10 (Secondary Course) – Subject 5 atan Rs 550/- (zanga sawmnga) leh, Additional Subject nei tan Rs 150 zel. Pawl 12 (Senior Secondary Course) – Subject 5 atan Rs 625/- (zaruk sawmhnih panga) leh, Additional Subject nei tan Rs 180 zel.
A chunga ka sawi Fee bakah khian NIOS a chhun luh tur Admission kaihhnawih thil eng dang mah sawi tham, pawisa chawi tur a awm tawh hran lo. Admission Fee chuan registration fee te, study material man te, personal contact programme fee te, Identity Card leh a dangte a huam vek tawh a ni. “Mi thahnemngai zual” ka tih te khan admission atan admission fee pangngai let aia tam Rs. 1500 te an laksak a. Processing fee an ti a ni awm e. Process man a to hle mai. Admission hi online (internet atangin)a tih vek a ni a. I thiam ve kherlo a ni maithei. Mahse, i thiam loh leh i hriat loh man khi a to hle mai.
Monthly Fee Chawi a Ngai Hauh Lo
Hei hi Mizorama NIOS buaipuitu te’n in hriat an hlau hle. NIOS website leh Prospectus ah te chiang takin ziah a ni. Prospectus thar ber 2011-2011 ah chuan tihian pentui senin a inziak: “do not pay extra amount for admission and examination over and above the prescribed fee as mentioned in the Application Form for Admission to anyone.”
Mi thahnem ngai zualte’n appoved AI ni lova class an kalpui hi “tuition” te “coaching” te an ti a; an phuahchawp a ni. Monthly Fee hi chawi a ngai reng reng lo tih NIOS zirlai leh chhungkua zawng zawng hian i hre reng ang u. NIOS zirna ah Monthly Fee engmah chawi tur a ni lo.
Khawiah Nge Class Kal Tur?
Personal Contact Programme (PCP) an tih hi Approved AI ah chauh kalpui tur a ni. Class zawng zawng kal hi “compulsory” a ni lova, monthly fee pek pawh compulsory a ni lo bawk a, tin, pek tur a ni lo hrim hrim.
Approved AI leh a lem, a chunga ka sawi takah te khian tuk tin deuhthaw class lak a ni thin. Hei hi Coaching Class te an ti mai mai. Phuahchawp a ni. Open kalphungah regular class kal hi a awm vak lo.
Approved AI/Study Centre lova class la te hian sum siam nan class an la ve ngawt a. Henga kal hi “compulsory” a ni hauh lo. Mahse, i duh chuan fee pe la, an hnenah chuan zirtirna i dawng ve thei ang. Hei hi ‘tuition’ emaw ‘coaching’ an ti mai a. Chuta kal chu i duhthlanna a ni tih hre tawh ang che. Appoved AI chu Aizawlah 5 chauh, a chunga ka sawi te khi, a awm tih hriat tur.
Veng hrang hranga phuahchawpa NIOS class lo kalpui ve ho hi chu a lem vek an ni. “I dawt ngam leh dawt rawh” tih ang deuhvin, sum i neiha, counselling/tuition i kal duh erawh chuan, i thu thu le. Govt Chanmari Middle School , Chanmari ( Basketball Court bul) a NIOS lo kalpui ve ngawt hotu (vai emaw ni lehnghal) pakhat chuan Monthly Fee an pek loh chuan zirlaite hming “thaibo” ah a lo vau tlat mai. Zirlai tamtak ka interview tawh a ni. Fee pe tura tihluihna NIOS ah a awm tur a ni ngai lo.
Tuin Nge Hma Min Lak pui ang
Approved AI/Study Centre ah Coordinator, NIOS in a ruat te an awm vek a. An ni chuan, NIOS atangin hlawh/lawmman an dawng ve thin. Coordinator te’n “sum kan dawng tlem/mumal lo” tih chhuanlama zirlaite hnen atanga Admission Fee tam uchuak tak leh Monthly Fee phuahchawp an la te hi thil diklo tawp a ni. An buaipui theilo a, NIOS in sum a pek that si loh chuan, zirna chu kalpui loh mai a tha zawk law’m ni. NIOS system hi siamthat ngai tamtak a awm ngei a. Mahse, a system that loh avanga mi rethei (leh hausa te) sum laksak a ni mek hi “SUAL” lian tak a ni. NIOS hi sum siamna atan hman a ni mek a nih hi.
Mizoram zirna kalphung siamthat hi mitin mawhphurhna a ni a. Open a zirna phei hi chu nasa lehzuala siamthat a ngai a ni. IGNOU hian zirlai a ngah ber a, NIOS hian an dawt ang. NIOS leh IGNOU te hi kalphung felfai tak nei an ni a. A nih dan tur angin kalpui mai tur a ni. Zirna hi sum siamna ringawta hman atan chuan a zahawm lua e. NIOS chungchang chhuichianga, action la turin Kan sawrkar leh thuneitute hian a rang thei ang berin hma la se a va duhawm em. NIOS zirlai te’n puitu Mizo thalai tlawmngai leh huaisen an mamawh takzet e.
Similar Posts:
- HSSLC Result a chhuak ta e
- BHSS Golden Jubilee
- HSLC 2007 Result
- Central School, Champhai
- Tangkaipui kan awm takin…
. Gaga hi...
May 15th, 2011 at 12:07 pm
kan chhiar ve ange..
Report this comment
May 15th, 2011 at 12:14 pm
thil ti diklo an awm chuan hrem lohin an chhiak lo ang, te han ti thei ila
Report this comment
May 15th, 2011 at 12:20 pm
Post-tupa duh dan ang ngei hian action chu la mawlh teh se.
Meng reng inbum hi chu mawl vang mai mai a ni em…..?
Report this comment
May 15th, 2011 at 12:24 pm
I ti tha hle mai. Hei chu whistle blower dik tak ani.
Report this comment
May 15th, 2011 at 12:28 pm
A posttupa hian FIR thehlutin bawhzui thei se a va tha awm ve.
Report this comment
May 15th, 2011 at 12:31 pm
A tha hle mai. Kan media lam hian an chanchinbu/phek lamah hian tarlang chuai chuai se a va tha dawn em
Report this comment
May 15th, 2011 at 1:05 pm
hma lak ngei chu tha khop mai….kan zirlai pawl lian pahniah(MZP & MSU) te kha kan nei ve ni lom ni…
Report this comment
May 15th, 2011 at 1:11 pm
Ekhai a chhuichhuah vat a tul a nih hi
Report this comment
May 15th, 2011 at 1:25 pm
Pawl 10-12 correspondence course a lak chu a tha thei lo. School kal lai rual anni a. Naupang zirlai hian lehkha ringawt an zir lo. Group association leh character building hi correspondence a zir theih ani lo. Textbook hmanga kung fu zir tum ang deuh ani. School kal thei thlawt lo tan erawh chuan a tha. Last option, not first, second or third option. Chuvang chuan bum an awlsam hmel.
Report this comment
May 15th, 2011 at 1:49 pm
Zokhawpui ah hian ka thianpa a kal a, monthly fee a chawi. Thla tin rs.300 a chawi.
Report this comment
May 15th, 2011 at 1:58 pm
An va timak tak ve a..,,,
Report this comment
May 15th, 2011 at 2:07 pm
NIOS a admission la, a tam zawk hian mi(sual).com an chhiar ve lo ngei ang le. He post hi Chanchinbu hrang hrang a vawrh darh chi a nih hmel.
Report this comment
May 15th, 2011 at 2:20 pm
Rawn post tha hle mai, ka beng var leh sawt anih hi MZP leh MSU khawnge an awm? vai sumdawng an vai leh ami? Pu Z-a i ti tha hle mai.
Report this comment
May 15th, 2011 at 2:20 pm
N.I.O.S ah ka kal thn a, nuam viau nang a, fee u chuak takin anla a, buaithk thei khawp mai.
Admisn ah R.s-1600 vel nita in ka hria..
Mthly fee-R.s.300 clas kal lh kal lo pwh pek ngei2 ngai.
Diary- phuahchwp lutuk R.S-50 man.
exam fee- subj 1 ah 50 vel
hetianga kum 1 deuh thaw a han kal a, inhlawhchwp bwk chuan min rawk hneh khawp mai, M.Z.P lama kalpui ngam kan awm bwk silo. Zirna kan duh ve vek bwk c. Egmah kan sawisel ngamlo!!
Report this comment
May 15th, 2011 at 2:42 pm
Vai kan va ang sawt ve, OPEN lo tlem han sawi ila, hetiang phuahchawp institute hi a tam khawp mai, kan fimkhur a ngai viau ani. Hman deuha, ICFAI college pawh kan Chief Minister meuh pawhin college lem a ni tih hre hawt lovin a hawng pek a nih kha, kan ngaih a sam lua deuh chuan a hriat. India ram ah hian College tam tak UGC in a approve loh a tam khawp mai, rei lo te han google chhin mah teh! I hmu nual ang, chanchinbu ah te chhuah nise a tha ang, kan RIGHT hi kan hriat ve a ngai a nia. Bum kan nuam lutuk tlat, in ngaihtuah tlang teh ang u! n’way good post
Report this comment
May 15th, 2011 at 2:53 pm
Madonna Education Centre…hahaha.
Report this comment
May 15th, 2011 at 3:11 pm
Post tupa i ti tha hle mai. I zirchiang a a lawmawm tak zet,hma lak vat a ngai a nih hi.
Tin, Accredited Institution ho pawh hi an che fair chuang lem lo asin, i ti ta sa sa, anni ho pawh hi han zir chiang la mawle… Mizoram tan thil tha tak iti e.
Report this comment
May 15th, 2011 at 3:17 pm
va zia lo thin ve….misual chu hrem lohin an chhuak tur a ni lo…te ka tia…guud post
Report this comment
May 15th, 2011 at 3:36 pm
An Home Science practical exam te hi Open School thawkte bonanza day ania, Chaw/ chawhmeh an siam tir ngei ngei thina. mark hmuh that duh chuan bawngsa thin kan te, Bawngsa roast te angai. Chuan heng chawhmeh an siam hi diktak chuan an endik anga mark an pe anga chuan zirlai ten an hawn tur ania, mahse an Open school a thawk ten an chhuhsak hmaks hmaks zel. Pass trawk trawk duh chuan Artui kan ringawt theih ania, distinction hmuh duh chuan sa tuitawk a siam angai.
Heivang hian Home Science practical exam dawn chuan duty an inchuh nasa thei lutuk. An tenawm hlawm ania.
Report this comment
May 15th, 2011 at 3:49 pm
Aryan chu i ‘Duty’ ve tawh em ni?
Report this comment
May 15th, 2011 at 4:01 pm
Good post….kan nau pakhat kal tir kan tum ve lai tak a nia.
Report this comment
May 15th, 2011 at 4:48 pm
#21 bum zingah in va tel teuh awm ve..
Report this comment
May 15th, 2011 at 6:22 pm
Post tha lutuk a ni e.
Report this comment
May 15th, 2011 at 7:32 pm
Post tupa, Lungleiah hian Public Higher Secondary School ah kan nau te Cl-Xii an kal ve a, a va fuh awm lo ve aw.
Report this comment
May 15th, 2011 at 8:25 pm
Zirna kan ngaisang a, mahse kan fimkhur lo. Suma lei thieh chen chen lei kan duh zel, mahsela thiamna tak tak kan poh zo lo fo.Kan zir sang a, kan thiam chiang lo thung…
Report this comment
May 15th, 2011 at 10:11 pm
Ka chanchinbu enkawl laia chhuah i phal em le @post tu. A tha ka ti riau.
Report this comment
May 15th, 2011 at 10:36 pm
le le le, Aw ti rawh, Post tupa, mipui chhawr tangkai theihna rahbi pawimawh tak a nih hi, kan ZIRLAI te hian hre mawlh teh se!
Report this comment
May 16th, 2011 at 5:29 am
@justiz – post tu pa… {Approved AI/Study Centre ah Coordinator, NIOS in a ruat te an awm vek a. An ni chuan, NIOS atangin hlawh/lawmman an dawng ve thin}
Approved AI leh coordinator te nen hian an trang rual vek alom. Chuti chuan Addmission Form hi i Centre lem tih te hian Bulk in an lei treuh zel a. Chu vang chuan Approved AI ah chuan Form hi chan a har thin.
Online in Addmission theih ve tho lom ni..kekekekekek
Report this comment
May 16th, 2011 at 7:54 am
ka u te poh khatla ah sawn open chuan 12 an ti ve a,poisa an chawi tam lutuk. monthly fee bakah exam dawnin subject tin atan exam fee an la leh vel mole! Hriatlohna hi chuan poisa min chawitir teuh ta mai a nih hi.Tin,home science practical ah chuan cold drinks bur lian 1 leh pickle emaw jam emaw butter emaw ken a ngai a,kan lei pui kha.
Report this comment
May 16th, 2011 at 7:56 am
post tupa, chanchinbu a chhuah turin ka pe mai dawn a mi? I phal em?
Report this comment
May 16th, 2011 at 11:55 pm
e ngati nge police ah FIR i theh luh mai loh
Report this comment
May 19th, 2011 at 4:11 pm
Kan la ti zel ang chu. Hma kan lak ho ngai. Chanchinbu ah edit lohvin khawiiah pawh in duh chuan in lo chhuah thei ang. Author: ‘LALZAHAWMA KAWLKULH’ tiin tih lan nise, pl.
Report this comment
May 19th, 2011 at 4:12 pm
Tehreng mai. let all concerned be informed and awared
Report this comment