A hmasa in ka thil chhuan Mizorama in Mobile lei hi a van chhe awm em em? tih kha ennawn (review) leh tura ka save emaw ka tih kha, Submitted button ka lo click palh a ni ange, kei pawn ka han chhiar a, ka sawitum hrethiam tho mah ila chhiar awlsam tak a nih loh avangin, khawngaih in chhiartu te ngaihdam ka rawn dil hmasa duh a ni.
Mizoram pawna awm leh Mizote hmusit anga comment ka han chhiar phei kha chuan, rilru anuam lovin in thlahrun a na ngei mai, Mizo tho, Mizorama Piang leh seilian ka ni a, Mizo hmusit ta ila Mahni in hmusit ang vel ka ni, khatiang lampang khan rilru ka pu lo tih min lo hriat sak bawk dawn nia, kan website Misual.com a mobile lam emaw, customer service in rawn chhuah denchhena rawn ziak mai ka ni, kei lah Mizoramah awmtam lo chu, kan thil zawrh a tlo leh tlo loh hre hek lo, Misual.com a in rawn post hi ka lo hriat ve chhun tawk mai lah ni in.
Ramdanga han awm hi chuan comparison hi alo awm lo thei lova, ka sawi tawh angin, kan awmna ah hi chuan, i thil lei hrim hrim Warranty chhunga a chhiat palh chuan a thar in i thleng leh thei, Thawmhnaw pawh, hunbi tuk chhung in, atlangpui thu in 45days chhungin i thleng leh thei.
=====================================================
Mizo te leh Dubai :- Hman ni deuh tawh khan , kan member pui pakhat chuan Dubai chungchang a rawn ziaka, comment then khat ka en in Chanchinbu (news paper) a chhuah chi a nih hi ti a sawi tu lah bang lo, Khawingaihin chhuah lul suh u, Dubai (United Arab Emirates) chanchin a rawn ziah a, a that loh na tam zawk a sawi kha chu Saudi Arabia a thil thleng ani, Dubai leh Saudi Arabia hi Country hrang ani tih hre bawk ang u. (Dubai is one of the seven Emirates of the UAE).
Dubai a Mizo te chuan enge kan tih : Dubai ah hian hna thawk in emaw lehkha zir emaw a I awm loh chuan, engmah ti lo in I awm thei lo, Mizo 30 vel rual kan awm a, kan hna thawhtlangpui chu Customer Service Industry (Hotel, Airline, Restaurent leh adang te ) ani. A tlangpui in kan hlawh hi 1000 AED – 15000 AED (Rs 13,000- Rs 180,000) vel ani, Dubai ah hian ramdang ang lo takin, I hlawh ang ang kha I hawn thei, Tax I pek ve a ngai lova, Transportation leh Accommodations leh kumkhata return Air ticket an pek sak bawk che ni.
Dubai chu Mizote tan a him em : Him teh reng mai, pawngsual, Drugs addict, Rukruk ang chi a awm ve lo, kum hnih leh a chanve chhung ka awm hnu hian ka in (home) kawngka ka kalh ngai lo, tun thlengin thil bo sawi tur chu ka la nei chuang lo (thil ruk tur thil hlu ka neih loh vang zawk nge ) hmeichhe tan mawlh hian a him, khawi hmun ah pawh hian Camera hi a awm hlawm avang leh rukruk leh thil sual ti an hrem dan a na nge, taxi driver atanga mi awmpui thleng hian tuman thil ruk leh hmeichhia i ni a I lo rui deuh emaw, kawng I hre lo a nih pawhin tuman advantage ah an la ngai lo, a chhan chu motor te hi (GPS) Global Positioning System a control vek ani, lo bum palh che ni se chuan, I trip kha free a nih bak ah, lungin (Jail) a dah anih bakah Hnawh chhuah (deportation) a ni dawn a ni.
Dubai ah chuan engang mi nge awm: Dubai a awm tur hian, natna in kaichhawn theih (AIDS, HIV+, Hepatitis, TB etc) nei tan a awm theih lova, I rawn thlen atanga thla khat chhung in Medical test I tih angai, Zu hi permission tel lo chuan dan kalh ani a, man theih I ni, chuvang chuan Zu in mi I nih chuan a rang thei ang bera zu in na license I siam tir a tha ber, Arab (Muslim) tan zu a in ve theih loh, ramdang ang lo takin, Zu dawr (wine Shop) a awm ve lova, Zu in mi I nih chuan, 4Star chin ah hian Zu lei (serve) phal a ni a, a to khawp mai, emaw, ramdang atanga lo kal I nih chuan Zu liter 5 I rawn keng lut thei.
UAE ah hian 8.88million vel mihring awm kan ni a chutah chuan 1.5 million hi local (aram neitu) an ni a, a dang zawng chu ram hrang hrang atanga kal khawm kan ni, 50% Asia (Indian, Philippines, Thai, Singaporean, Japanese, Korean, Indonesian, Burmese etc) mi kan awma, 30% European leh America mi, 10% Arab country dang (Syria, Egypt, Lebanese etc) 10% Australian, Russian, African, South American leh adang te awm anga chhut kan ni, kan vai hian hnathawk kan nih loh chuan Lehkha zir vek kan ni, engmah ti lovin UAE residence Visa I nei thei lo, tourist visa (max of 30days) tih loh chu. Mizo kan ni kan hmel a tha, ti a Mizorama hna avang ti mai lo hian haw u! kei ni aia hmel chhe ve tete, Chinese, Philippines leh mi dang ten an tih theih chu ti ve thei tur in kan puan ven I sawi chhing ang u.
Dubai ah chuan eng thawmhnaw nge I in bel a tul: Hmeichhia i ni emaw mipa I ni emaw, public area ah thawmhnaw, pawnfen emaw kekawr emaw chhing lutuk hak khap a ni, khawngaih in ka sawi lo haw lo ula Phairam tam tak leh Mizorama kan hmeichhe thenkhatin kekawr emaw pawnfen chhing lutuk mawng lang tep ha a, dawr thil lei tura kal teu teu ang kha a theih ve loh, he tih rual hian, a hmun leh a hun ah chuan I inbel thei, entir nan Beach ah emaw night club ah emaw I kal chuan ruaka awm chu an phal em lo a, mahse Beach a kal i tum i nih chuan, Beach custom tel lo chuan luh an phal lo, kekawrtlawn emaw pawnfen feng chunga tuichen emaw beach a kal an phal lo, beach thawmhnaw (swimming trunk or swimsuit) nen a i kal a ngai.
Dubai hi multinational metro city a nia, khawvela in sang ber leh khawvela Shopping center lian ber, khawvela water fountain lian ber awmna, shopping mall chhunga, theater tam tak, Ice skating rink, skiing, Aquarium lian em em awm theih na khawpa lian, khaw chhung fai em em leh him em em, Christian te tan a nuam em em, eng tik lai pawha in khawm, Biak In hawng reng, (Biak In hi chi hrang hrang kan nei, Presbyterian, Orthodox, Roman, Seventh day etc) Khawvel milar Pathian thu lamah lah entir nan Pastor Benny Hinn, leh mi dang hrang hrang ten an rawn tlawh thin khawpui, a lehlam ah khawvel mi lar hrang hrang, Beyonce, Shakira, Westlife leh mi lar tam tak ten concert an rawn neih luai luia na hmun ah hian, ngati nge Mizo hi kan tlem em em le?
Mi rama kan awm reng reng hian kan hriat atana tha chu, a rama lo cheng te mizia, culture zir thiam leh an mahni anga nun thiam hi a fin thlak em em ani, (phairam tam takah kan fail, hnamdang tamzawk hmeichhia ten, Salwar leh an taksa khuh thei ang ber an hak lai in, Kekawr tight lutuk leh Taksa lang nasa lutuk hna thawh na leh college ah hak kan ching) Dubai ah ngat phei chuan a ram neitu te cultute anga nun a ngai leh zual, Mizo Christian te tan hian an culture zir a awlsam leh zual,a chhan chu, Zurui mi kan duh lova, rukruk leh Drug addict, mi thatchhia leh in chei dukdak lo kan vei a ngai tawh lo. Kan hriat atana tha bawk chu, Nupa ni si lova hmeichhia rai hi jail ah an dah thin, Chhungkhat ni si lo mipa leh hmeichhia in luah dun hi phal a ni lo bawk, chutih rualin, Mipa hmeichhe anga in chei emaw, hmeichhia Mipa ang in chei hi dan kalh a ni, lung ina tan bakah hnawhchhuah an ni.
Note: khawi hmunah pawh Mi awmpui (housemaid) hna an offer che chuan, emaw hna hrang hrang an offer che in, a rama lo awmsa te biak rawn hmasak hi a fin thlak, awmpui (housemaid) hi mizoram ah chuan kan chhung khat te ah kan chhiar tel a, mahse mi ramah chuan Chhiah hlawh (servant) angin an enkawl tih hi khawngaih in i hre bawk ang u.
Similar Posts:
- Eng tin aaaa?
- Hamas Terrorist Dubai a that tu Mossad?
- ZNUAE Winter Meet/ Advance 2010
- Mizo Dictionary bawk kha !!
- Mi a chuan tiau dup ah in a sa – Dubai
lo chhiar dik ve...
May 19th, 2011 at 11:10 am
1n th1ahrung duh suh, zoram hmangaih mi i ni tih ka hria e. Post sei tha h1e mai…
Report this comment
May 19th, 2011 at 11:10 am
bengvarthlak hle mai…good post
Report this comment
May 19th, 2011 at 11:15 am
Tha hle mai a
. Dubai chu thlalak(Photo)te pawh rawn post la that dawn chu Post-tupa 
Report this comment
May 19th, 2011 at 11:18 am
Mizoram hi ni ve vat vat se kan va ti ve..
Report this comment
May 19th, 2011 at 11:24 am
i lat line khiiiii
ho em mai, a biak theih chuan tawk
Report this comment
May 19th, 2011 at 11:25 am
Post tha khawp mai…
Report this comment
May 19th, 2011 at 11:29 am
Thahnem ngaih lutuk aleiah tawng sual palh te hi a awl a, i thupui vuah dan a fuh chiah lo deuh a ni. Aryan-a thahnem ngai lutukin a rawn tawng el thin te hi kan hrethiam lo thinin ka hria. Mi huai sen leh dikna duh mi. Thil chu anih ang ang a, zep leh mitmei ven, peh hel tih vel awm lova sawi tlang dawt chi a ni. A awmna ram culture influence pawh ani mai thei. Arunachal Nyishi ho zingah pawh hian hmeichhe pawng sual hi hriat tur zuk awm ngai miah lo a! Crime a nasat teh reng nen hian. A chhan ni a ka hriat chu an farnu pawng sual tu nyishi tlangval te hian nung damin an chhuah hauh lo ang. Kha daih kha asin.
Report this comment
May 19th, 2011 at 11:44 am
Geography ah hian sang vaklo mah ila Dubai chu UAE a mi a ni tih chu kan hre ve e. Engpawh nise Middle East ho hi chu ngainat vak loh a him.
Report this comment
May 19th, 2011 at 12:04 pm
A va tha ve, post tangkai tak a ni. Dubai chu la rawn zin ve ka duh, min pui thei ang em? Pu DXBFreak.
Report this comment
May 19th, 2011 at 12:10 pm
@8 Mr. Sangte, ngaina duh mah la hnam dang hi an ngaina vak bik chuang lo LOL
@9 paeia, kan website te kha lo tlawh ve thin rawh, puih thein na che ka neih chuan, pui thei tehreng mai..
Report this comment
May 19th, 2011 at 12:14 pm
Dubai chu belh chian dawl tak ani. Khawvela khawpui ropui ber pawlah chhiar tlak ani. Mizo tam tak chuan lum an ti maithei. Mahse power cut awm ve vek lo, khawi lai pawh airconditined deuh vek mai. Vanram tlafual ani ringawt.
Report this comment
May 19th, 2011 at 12:21 pm
@Sony Like like ..sawi dik ang reng fu
Report this comment
May 19th, 2011 at 12:26 pm
DXBFreak, a hmasain hmanni chawlh hmanga i rawn haw tum a, phone a kan in biak a, i cham chhung ngeia MI i chak thu i sawi kha… kan puitlin ta lo kha pawi ka ti kher mai. Khatihlai khan then 1 an zin chhuak a, then 1 an dam lo a, then 1 an hman remchan loh vang a ni e. I rawn haw leh hun chuan NGEI NGEI! Ka 0T ta duah!
I post hmasa chungchangah kha chuan inthlahrung duh miah suh, zoram leh mizote hmangaihna/ duhsakna thinlung atanga chhuak a ni tih mi tam zawkin kan hria e. Hei, tun tum chu i chul-mam ta bawka chhiar a kal ta zaih mai. Thuziak zawm leh zawm lo, punctuation erawh pelh zeuh2 a la awm nual… ti talh teh ang. He he…
Report this comment
May 19th, 2011 at 12:28 pm
Thupui vuah leh a thu a in hmeh lo deuh hlek anih khi maw,mahse a bengvar thlak tak zet mai,mizo ten entawn tur kan va ngah ve mawle,thil dang bengvar thlak deuh2 rawn ti zel teh khai
Report this comment
May 19th, 2011 at 12:35 pm
zawhna : hlawh chungchang i sawi khi – (Rs 13000 – 180000) a kar a va zau ve? (13000 – 18000 or 130000 – 180000) ???
Report this comment
May 19th, 2011 at 12:46 pm
@Kawlhawk, Mate Ainawnin, Ar talh a in huam kha, ka lo haw leh chu ngei ngei in
Hlawh hi a in ang lo, i line a zir in, Supermarket leh restaurent a thawk hi tlemin an hlawh a hnufuala, Airline emaw Hotel emaw Admin or accountant lampang an hlawh a sang leha, chuan I hna thawh a zirin a then hi chuan 180000 aia tam la pawh kan awm mai thei…
Report this comment
May 19th, 2011 at 1:41 pm
ka va kal ve chak…..visa neih dan ngaihtuah a ngai a ni…:/
Report this comment
May 19th, 2011 at 3:56 pm
A hmasa a i ziah pawh kha a tha khawp a, tuna mi phei hi chu a tha leh zual a nih hi.. A kal awlsam dan te leh engtia han buaipui tur nge tih te pawh nakin ah lo ziak leh la a that dawn hi
Report this comment
May 19th, 2011 at 4:00 pm
A then chuan khawvel a tha ber ber te pawh an hmang ve tho awm e…a hand set ai chuan network lam hi a tha lo zawk thin
Report this comment
May 19th, 2011 at 5:06 pm
In ziah that leh meuh chuan i post tha leh phian mai a.. Bengvarthlak e.
Report this comment
May 19th, 2011 at 5:49 pm
DXBFreak, hlawh khi per month a ni ang tiraw?
Report this comment
May 19th, 2011 at 6:42 pm
@21 sonju_a aw per month
Report this comment
May 19th, 2011 at 7:49 pm
Mazual, i ziak tha kher mai. Dubai chu i awm chhung ngeia rawn zin ve chi anih chu le…
Report this comment
May 19th, 2011 at 8:07 pm
@23 Maisek, you are welcome anytime…
Report this comment
May 19th, 2011 at 9:02 pm
Pu DXBFreak .. Dubai chu a nawm hmel hle mai, awm reng roh. Nang i awmna hmunah kei ka hmun ah. NOI
PS: Josh Thompson – Way out Here tih hla a mi…’If it’s our backwoods way of livin’ you’re concerned with
You can leave us alone.’
tih hi ka rilru ah lo lang tlats.
Report this comment
May 19th, 2011 at 9:04 pm
Rawn kal ve ila chu a hlawh sang lam khi ka enjoy ve thei dawn nih khi…hahaha..just kidding….
Ziak ngaihnawm khawp mai….mahse thil 1 chauh, hetianga article a tan meuh hi chuan..mobile tih ai hian Cell phone emaw mobile handset te han ti tal la, mobile han tih tawp hi chu helamah tawngka lamah hmang mah ila, han chhiar ralah chuan eng mobile nge …kan bo thei mai dawn alom… rawn post zel teh khai….
Report this comment
May 19th, 2011 at 9:06 pm
Ka rin aiin an hlawh tlem daih chu .Helam an phak lo a nih khi.
Helamah chuan housemaid te hian Rs 30,000 ai in a tlem lo.fooding free bawk.
Rawn zin ka chak deuh mahseng ka duh lo tlats hahahahahahin duhlo bawk.
Report this comment
May 19th, 2011 at 10:59 pm
A bengvarthlak hle mai. Rawn zin ka chak viau. Mahse, thil man a to awm sia
.
Report this comment
May 19th, 2011 at 11:06 pm
Hmeichhia i ni emaw mipa I ni emaw, public area ah thawmhnaw, pawnfen emaw kekawr emaw chhing lutuk hak khap a ni. Khawngaih in ka sawi lo haw lo ula Phairam tam tak leh Mizorama kan hmeichhe thenkhatin kekawr emaw pawnfen chhing lutuk mawng lang tep ha a, dawr thil lei tura kal teu teu ang kha a theih ve loh. He tih rual hian, a hmun leh a hun ah chuan I inbel thei. Entirnan, Beach ah emaw night club ah emaw I kal chuan ruaka awm chu an phal em lo a, mahse Beach a kal i tum i nih chuan, Beach custom tel lo chuan luh an phal lo. Kekawr tlawn emaw pawnfen feng chunga tuichen emaw beach a kal an phal lo, beach thawmhnaw (swimming trunk or swimsuit) nen a i kal a ngai. (full stop ka dah nual mai NOI)
A tha ka ti, a hmun leh a hun hi hriat atha ka ti khawp mai. Fashion show ami ang emaw, movie emaw magazine mi inthuamna ang lo inbel ve ngawt zel hi a fuhlo duh viau a ni. Tin, mahni pianhmang leh vun rawng mil tur thlan thiam a tul. Mizo te leh Hispanic/Spanish tawng hmang tam tak hmeichhia te hi mahni mil tur thuamhnaw rawng leh thuidan thlang thiamlo kan tam khawp mai.
Report this comment
May 20th, 2011 at 7:50 pm
nia i thupui hi a ngei om lek2 a lom…mahse a chhung thu hi thra leh phian sia,apple phone te poh kan lo hum ve rin ran mai thei sin
Report this comment
May 20th, 2011 at 11:06 pm
@oneeagle26016 cell phone tih hi US lam lo ah chaun an hmang vak lo, hetah leh europe ram tam zawk ah hian Mobile phone ti a sawi hi kan tam zawk em aw? nia phone tih lo twlh loh palh ani e..
Report this comment
May 20th, 2011 at 11:08 pm
@H.Vanhchhia, Mizo hi kan la tam lo bawka, tun ah rih chuan kan hming atha ania, hna thawk tha ber lawm man dawng lah kan kat nuk, mai, thawm hnaw in bel thiam hi a pawimawh ania…
Report this comment
May 20th, 2011 at 11:14 pm
DXBFreak #32 a hmasa te hian lokal leh tur te tan kawngkhar hawnsak zel hi kan tih tur reng a ni. In thawk tha hle mai
Keini lam pawh tlem te kan ni e, mahse Mizo kal hmasa ten hmelhriat mumal pawh nei lova hmakhua an lo haikuak tawh zar kan zo zel a, thlengthar thlengin tumah mikhual kan awm talo. Hna lamah lah ramdang mi (hnamdang)an ban (lay-off/fire) sup sup laiin keini lam chu sawi tur meuh pawh kan awmlo niin ka hria. Thawh hreh neih loh te, pu te thu awih thiam te hi Mizo te pawh hian kan zir duh chuan kan thiam khawp mai.
Mizoramah chuan sawrkar ah kan pangchang lutuk hian engmah tih peihna min siam lova, in lamah lah awmpui kan nei fer fur a. Mahni mutna khum pawh siam peih awm mumal tawh hlawm heklo. Sawi nuamlo viau thin mahse, kan inen chian chu angai nasa a ni. Pianpui kut themthiam, viak tha leh duh a hawihhawm thiam tak kan ni, kan rilru pawh a chak…kan theih te kan exercise lo lulai em a ni e.
Report this comment
May 22nd, 2011 at 12:43 pm
@H,V a dik chian, ka Amen
Report this comment