Archive for the ‘Corruption’ Category

Contractor that loh vangin kawng siam tur km 6.2 nuai bo

Monday, May 21st, 2012

19 June: Kolasib khaw chhung kawng siam mekah contractor pakhatin hna a thawh that loh avanginkawng siam tur km 6.2 chu nuai bo a ni a. Contractor hna thawk tha lo chu ban a ni tawh bawk.

Kawngpui siam mekte hi nimin khan Urban Development & Poverty Alleviation Minister, Zodintluanga chuan a tlawh a, Kolasib khua chuan an khaw chhung kawng siamna atan central atanga sum an hmuh theih avangin an vanneihzia a sawi a ni.

Minister in kawng siam a tlawh puala inkhawm tawite-ah Kolasib District Bawrhsap, Niharika Rai chuan khawpui chhung kawng siam mek endik turin Town Road Coordination Committee din a nih thu a sawi a. Hemi hnuaiah hian a endik bik tur Monitoring Committee din a nih thu leh kawng siam mek chu ngun taka an endik reng thu sawiin, “Kawng siam tur atanga paih tawh, km 6.2 a thui hi siam leh theih dan kawng dap nise kan duh hle a ni,” a ti.

Kolasib Town Road hi package I leh II-ah then niin package I hi March thla khan thawh zawh tawh a ni a, package II hi June thla tawpa zawh tura tih a ni.

Thulaknaah chhiar zawm rawh.

A.R. Ram Chhuahsan Tur Chungchang

Monday, April 23rd, 2012

(He mi chungchang hi misual-ah hian a chhuak tawh em aw? )

A.R. Ram chhuahsan tur chungchang hi tlai khaw hnuah tualchhung chanchinbu pakhatah ka lo chhiar ve a, ka rilru a kap lian em a, ka han chawk phuan thar ve leh hrim hrim a ni e! An sawi dan chuan Lammual leh a vel zim te chauh lo chu mimal hnenah an sem zo vek tawh niin an sawi a, hengte hi a ni tak tak ang tih a va hlauhawm ve le! Hetiang thilah chuan tu sawrkar mah hi rin ngam tak tak an ni pawhin ka hre lo.

An party mi leh sa leh chhungkhat laina hovin an lo patta fel leh diam tawh hlawm ang em? Ngaih a ngam lo a nih hi maw!! Kan Aizawl khawpui chei mawi ngaihna lam awm tawh lo nia lang hi helai AR ram chhuahsan tur hmang hian khawpui nuam takah a la siam theih dawn a sin maw le!

Engtia hmalak zel tur chi nge ni ang le? Rawtna leh ngaihdan han thawh khawm teh u.

Vanglaini chanchinbu lama Pu C. Thangliana ziak hi chhiar belh duh tan hetah hian:

Frank, Politically Incorrect Introduction to Mizoram

Thursday, April 12th, 2012

Frank, Politically Incorrect Introduction to Mizoram (for those who want to get the real picture)

Geography:

Mizoram is a remote, tiny province in deep south part of India’s backward region called Northeast. It is surrounded by two of the most backward countries in the world, Bangladesh and Myanmar on the west, south and east, and one of the most backward parts of Assam, the Cachar District in the north. In the north east, the state is bordering Manipur, probably the most lawless state in the country, and in the north west, by Tripura, a backward but fast growing state.

Mizoram used to be green, fertile hilly region but with widespread deforestation, large parts of the state is semi-arid with thin scrubby vegetation. There are no large rivers in the state although during the rainy season, some rivers are swollen with muddy water carrying fertile soil from the hills to eastern Bangladesh and then drains into the Bay of Bengal.
(more…)

Aw Khawvel!

Monday, March 26th, 2012

Mizo te hi kan materialistic lutuk, khawvel thilah hian kan tlan nasa lutuk, kan in leh lo, kan thawhchhuah phu lovin kan inchei/lirthei/gadgets kan nei tha, kan ti a. A dik. Mi hlawhtling te chu kan ngaisang a, mahse hlawhtling lemlo bungrua nei tha te hi kan ngaisang tho.

Engatinge kan materialistic em em le ka ti? A bik takin khawpuiah hian. Engtik lai chiah atang khan nge bungraw nei tha hi mi ngaihsanawm an lo nih? Engtik lai chiah khan nge mi te neih ang neih ve lo hi thil zahthlak a lo nih le? UT hunlai atang khan emni? Rambuai hnu atang khan? MNF sipai te in surrender hnu khan? 70s chho kha emni? State kan nih hnu? Aaaaa hriat a har e, Pu chawnghilh te, pu Xaia te ho hian an hriat ka ring.

Tunlai mi te hi alawm, thil tha ber ber neih in duh a, kan ti maithei. Mahse kan nu leh pa te hunlai atang daih tawha lo intan tawh a ni he thil hi. Radio nei ve lo in an awt em em a, chutah TV an awt leh a, Colour TV an awt leh a, fridge, washing machine, car, bike, scooty…a tawp thei lo.
(more…)

Rethei te kan rethei zual zel dawn!!!

Sunday, March 18th, 2012

He kan vawiin Zoramah hian thupui sawi hlawh/ inhnialna, issue tam ber chu Zu khap burna dan (Total prohibition),Condom chungchang, Lammual phul phah football khelh nan chauh a hmanloh chungchang, NLUP, Road tax kum 15 chhung tla tur tum khat a pek etc.. te hi niin an lang.

Heng thil te hi chu sawi teh chiam ka tum lem lo, Zoram hian issue lian tak a neih sawi hlawh em em si lo, sawi sawi pawh a sawt hleithei lo ‘MI RETHEI LEH MI HAUSA” te inkar kak zau ta lutuk hi engtinnge kan tih zel dawn le tih hi ngaihtuah tlan angai ta hle mai.

Sawrkar hnathawk hausa tawntaw awmkhawmna kan Zoramah hian, heng kan Sawrkar hnathawk ho te hian engzat tehrengnge pawisa hi an hlawh a, Bank hmang hian loan te hi vawi engzat tehrengnge an lak tih te hi hriat a chakawm khawp mai. Mi thiam aia hmelhriat nei tha an inluling ta lutuk te hi tu mawh nge?

Sawi bawl mai teh ang, SAWRKAR SUM EIRUK TUN TUN AVANGA, A THA THEI ANG BER A FATE SIKUL KAL TIR, A NUAM THEI ANG BER A ENKAWL FA HO TE HIAN LEHKHA HI RAWN THIAM HLE MAHSE, SIKUL MAHNI DUHNA HMUN PAWH A KAL VE THEI LO MIRETHEI FATE HIAN CHUNG MI HAUSA FA TE CHU AN VAN THIAM THEI EM KAN TI LIAM ZEL IN KAN ZAH ZEL ZAWK DAWN TIHNA EM NI?.

(more…)

Multimodal Highway Project leh Compensation

Friday, March 16th, 2012

Mizoram chauh ni lo, India hmarchhak state ten tuifinriat kan pawh theihna tur Multimodal Highway chu Lawngtlai atangin Myanmar border panin an lai mek a. He project hi vaibelchhe 550 man vel niin contractor 2 ten an thawk mek. Standard double lane (feet 40) a ni dawn a, he project hi a hlawhtling a nih chuan Lawngtlai atangin Kolkata te, Chennai te lawngin awlsamtein kan kal thei tawh dawn a ni.

Kawng an zawn lai khan ram neitu dik tak, compensation dawng thei tur te an ko khawm a, an record thlap a. Pahnih khat hmaih erawh an nei ngei ang. Mahse hun a liam zel a, contractor ten hna an thawh meuh chuan ram hmangaihtu an pung tual tual a. Indo-Myanmar border, No one’s land, thlengin pass nei an awm ta fur mai!

(more…)

Sorkarin vai hnenah (kan)ram kum 99 chhung atan a pe…

Tuesday, February 21st, 2012

Hei hi vawiin vanglaini headline a ni a, in lo chhiar vek tawh maithei a, post an awm ka ring tawh hial a, mahse tuman an la post silo, ka rilru a luah em a, ka rawn copy paste tawp mai. In ngaihdan ka hre chak em a ni e. A hnuai ah link ka dah bawk e.

Mizoram sorkar chuan Lengte (Lengpui bul) rama Export Promotional Industrial Park (EPIP)-ah hnam dang sumdawng company, Mizoram Ispat Industries hnenah ram sq.meter 15,000-a zau a pe a; ram a pek neitute’n bank-a loan an lâk duh pawhin, Mizoram sorkara Industries Director chu Guarantor-a tan phalna a pe bawk. EPIP-a hnam dang hnena ram pek chungchangah hian Aizawl Municipal Council-a opposition leader, Biak Thansanga chuan Inrinni khan Aizawl Press Club-ah thuthar thehdarhtute a kâwm a; EPIP-ah hian Mizote hnenah kum 10 chhung atan ram pek/hawhtir thin a nih laiin, vai hnena ram an pek chu kum 99 atan a ni tih sawiin, hei hi Mizote chim ralna permit a nih thu leh Mizote hmuhsitnaa an ngaih thu a sawi.

(more…)

Hna lak dan dik lova a mawhphurtute

Tuesday, January 24th, 2012

Tun hnaiah leh tun hnai lovah pawh hna lâk chungchangah thil felhlel a tam khawp mai. He’ng thil felhlel awmte hi thil dang vang ni pawhin a lang lo, kan Mizo society vang a ni ber mai. Kan la tlem em a, kan inkawmngeih si a, chhungkhat laina leh á¹­hian kan nei fer fur a, an hmaizah kan tina bawk si a. An hnena duhsakna kan lantir theih dan chu, hna pek leh sawipui angah kan ngai tlat mai a ni.

Kan tikhawm tel tel a, kan ti á¹­hêm á¹­hêm a, thilsual pawh kan ngaihtuah tawh á¹­hin lo. Kan rilru á¹­hatna hian kan thil á¹­ha tih tur a hliahkhuh ta a nih ber hi. Hna lak leh dil chungchangah sawi duh pathum ka nei ve a, ka’n tar lang ang e.

1. Petu
Ṭum khat chu sawrkar hna lian ve deuhva thawk, an hotu lu berte inah ka leng a. Kan titi kan titi a, nakinah chuan an nu (a nupui) hian, “Ani pawh hi in office lamah OA anga lak dan ngaihtuah a ngai a nih hi..” tiin an pa hnenah mi ti ta hlawl mai a! An pa lah chu a lo bu nghat nghat roh va! Ka dil ni hauh si lovin hna ka hmu chu a ni deuh der mai. Ka facebook profile-a work saw in hmuh chuan thil kal zel dan chu in hrethiam maiin ka ring.

(more…)

RD ah Diklo takah hna lak…

Tuesday, November 15th, 2011

Prism Headquarters PR No. 31 of 2011 dated 15.11.2011

RD-ah diklo takin hnathawktu la

Aizawl 15th November, 2011: Rural Development Department hnuaia NERLP-a State Coordinator tur chu diklo taka lak a ni a, siamtha tur leh a mawhphurtu te chunga Dan hmanga cation la turin Home Minister, Chief Secretary leh RD Secreatry te hnenah ngenna kan thlen.

He hna lak tur atan hian Secretary to the Government of Mizoram, Rural Development Department chuan July 25, 2011 advertisement a chhuah a. September 24, 2011 khan written test examination neih a ni a. October 18 khan Interview neih a ni a. Mizoram Public Service Commission (Conduct of Examinations) Guidelines-a post pakhat atana mi panga (5) chauh interview tura koh tur anih laiin State Coordinator hna atan hian interview hmachhawn turin mi sawmthum (30) koh an ni a.

(more…)

Enge i ngaihdan?

Saturday, October 29th, 2011

Hmanni chu ka thianpa a lo leng a. An Sikulin Parents’ Day an hmang a Minister pakhat(PWD Minister) Chief guest-ah an sawm a. Minister chuan JCB in an khelmual laih sak leh ,an Sikul panna kawng siam that a tiam a, a tiam ang ngei a a rawn tih sak a lawm zia thu a rawn sawi hlut a. “A va lawmawm ve” chu ka ti tho na a, Lawmpui tur nge Moral Value lam hrilh vak tur zawk aw? Tiin ka inngaihtuah neuh neuh a.

Chumi ka ngaihtruahna kal zelah chuan, thil hrang hrang ka ngaihtuah kai a, kan ngaihdan te share tlan a tha dawn riauin ka hria a, heng thil thleng tawh thenkhat ka hriat te hi ka han tarchhuak a, kan ngaihdan I han sawi ho teh ang u.

1. Krismas dawn a ni a, Kumthar January thla tawp lamah MLA inthlan pui a awm dawn bawk a. MLA Candidate pakhat chuan a Motor-in, in kohhran thing phurh sak che u a inhuam thu a sawi a, Upa leh Rawngbawltu zingah ngaihdan a phir hle mai a, engtia thu tih tluk tur nge ni ang?

(more…)