August 27 : Sairang Kurung luia tuitla 5th IR Naik Vanlalrema kum 37 S/o Timo-a ruang hmuh a la ni lo. ( August 27, 9:55 am). Sakawrtuichhun rama Police Training Centre ni thin kha Thenzawl rama sawn a nih hnu khan helai hmunah hian 5th IR batallion dah luh ve nghal an ni.
Nimin August ni 26 khan Naik Vanlalrema leh a athiante 2 chu Sairang Kurung luiah len dengin an kal a, chawhnu dar 3 velah khan sangha pawh kg1 vel chu an man tawha, hawng tura luikam lungpui khamko laia an kal chu Vanlalrema hi tawlhtluin kurung luiah hian a tawlh lut ta a ni.
Vanlalrema tuia a tla lut hi a rawn lang zui leh ta miah lo niin a thian te chuan an sawi. Kurng luiah hian tui a tamin a khauh em em a, Vanlalrema tlakna lai pawh hi a in khawh so nasa hle a, hleuh thiam engang tan pawh chet ngaihna awm miah lo niin thu dawnna chuan a sawi bawk.
Kurungluiah tuitla a awm tih hriat a nih veleh Sairang, Sairang Dinthar leh Sihhmui atangin ruang zawng turin mi tlawmngai ten Vanlalrema tlakna hmun hi an pan nghala, tui a tama, a khauh em em a, chet vel a har hle. Fimkhur taka lui kam atanga ngaihchan mai bak chu tih theih a tlem hle a, nizan pawh khan lui dungah hian tlawmngai rual mi tamtak chu an tlai var a ni.
Vanlalrema tlakna atanga KM2 velah Kurung lui hian Sairang Tlawng a fin a, vawiin lamah chuan a lui dungah hian hmun thum velah a chan khan siama ruang zawn hna thawh an tum niin Sairang VCP Pu Vanchunglura chuan min hrilh. Bialtu
MLA Pu Lalduhawma pawh ruang zawngtute tawiawmin tukin zing khan a hmun a thleng thla a, tlawmngai fuankhawmte thingpui lumna senso atan cheng sanghnih leh silpauline te a pe bawk.
5th IR hmunpuia hnathawka awm Naik Vanlalrema te chungkua hi Chite veng an ni a, a unau dang te leh a nupui leh a fa te 2 pawh chite venga an in lamah an awm niin thudawnna chuan a sawi bawk.
Similar Posts:
- Breaking News: Tui tla zawngtu tuiah a tlahlum ve leh
- August ni 27-a Kurung lui-a tuitla an chhar dan.
- Kurung Luiah hmeichhe bawp chhar a ni
- Tuitla!
- Bomb puak leh ruang hmuh
August 27th, 2011 at 3:34 pm
First
Report this comment
August 27th, 2011 at 3:35 pm
Tuitla zawngtu te pawh an khawngaihthlak hle mai!
Report this comment
August 27th, 2011 at 3:40 pm
Sports & Youth Services office ah khan “Adventure wing” a awm. Khatah khan Scuba diving gear tha tak2 a awm. A hmang thiam, train chhuak tawh pawh an awm nawk. Hetiang hunah hian pur tur an ni dawn lawm ni?
Mizoram lui angah chuan diving gear hmangin awlsam takin lui mawng a enchhuah zung2 theih asin. Kulikawn tlangval Robert Hrahsel kha trainng pe thin tu anih nghe nghe kha.
Report this comment
August 27th, 2011 at 3:44 pm
#3 atha khawp ang Pu Hv, apawi thei hle mai Fur hi MIzo ten Thihna lamah kan tuar nasa thei he mai.
Report this comment
August 27th, 2011 at 3:45 pm
Ni dawn viau mai a as vangchhia
Report this comment
August 27th, 2011 at 3:47 pm
@HV luite tui len lai chuan a tangkai nep deuh lawng maw?
Suarah Ngar hem thei sela chuan a tangkai khawp. rin aiin miruang hi tuilian hian a len thui vak thin lo.
Report this comment
August 27th, 2011 at 3:49 pm
tui a so nut vek chuan hmuh a har tho ang ka ring.
Report this comment
August 27th, 2011 at 3:50 pm
#3 a Scuba gear neihna chhan pakhat pawh tuitla awm huna hman tura tih ni ngeiin ka hria. Adventure lama kan inhman nasat laia an buaipui vel kha ania, ka hresualin ka ringlo.
Nidangah hrim2 pawh YMA lam te hian pur thin sela ka ti khawp mai. Mizo thalai te thiamna kan chhawr theih hun pawh ani ngei ang.
Hman kuma Ngaizela lungpuiin Tipper a delh thlak khan a handyman lachhuak tur khan mountaineering training chhuak tawh chiah kha chhuk an remti. A chhan chu lung tihlum palh a hlauhawm vang leh midang chetsual belh a hlauhawm vang a ni. Hliam pawh lo awm sela lung kan tihtlak in a zuk tina thei tlat bawk. Tlawmngai hoin train chhuak tawh dang te nen kawngpui atangin rope belay lamah leh lak chhoh lamah an lo pui a, a awlsam khawp mai.
Hetiang hunah hian training chhuak tawh kan thalai te hi i our thin ang u. An chhuak hreh hauh lovang tih pawh hriat atha awm e.
Report this comment
August 27th, 2011 at 3:52 pm
#7 Aryan, gear vuah lova liluh ai chuan thaw thei chunga dap chu a dang khawp asin. Mizoram lui eg: Kurung phei chu a kuang azim a, a harsa lo khawpin ka ring.
Report this comment
August 27th, 2011 at 3:58 pm
an lainat awm hle mai
Report this comment
August 27th, 2011 at 3:58 pm
Va pawi thin ve aw.. A chhungte Lalpan thlamuan mawlh teh se.
Report this comment
August 27th, 2011 at 4:02 pm
Vanduaina a poi hle mai… Ka ngaihtuah chhuah tak chu training/training chhuak a taka hmanna awm thin lo hi a ni. Kangmei awareness campaign pawh sorkar hnathok hnenah te an pe thin nia…!! An tangkai pui lo, ram a kang a tlomngai a kang thelh tura thok cuak cu sorkar hnathok lo te an ni tlangpui a, kan kalphung hi a ‘cartoon’ thei mange. Tin,disaster managment pawh hi…chhiat rupna a lo thlen hian a hre xok leh fingvar xok te hi mi hnungah an ron kal ve dek dek a…(greek tawng cuan utawk tur vawn a ni awm e)
Report this comment
August 27th, 2011 at 4:09 pm
Hei pawh tui tla tho:
Tukin August 27 Inrinni zing dar 7-8 inkar khan Bawngthah kai chhakah Thingzai-a ramriak Muanga kum 20 mi vel chu Tlawngluiah a tla a a ruang zawn mek a ni.
Thudawnna in a sawi danin Muanga hi Burma ram chhung Pilawta khaw chhuak a ni a, a thian pahnih te nen Bawngthah ramah hian mi thing zaiin an riak a ni. Tukin khan an thing zai sa thenkhat chu kai bul lamah lui dunga tawlh thlak an tuma Tlawng lui hi a lianin a khauh hle mai a, a tir lamah chuan a thian pahnih te hian hma an hruia an hnung lamah Muanga hian a rawn zuia, tui khauhin a lak avangin a thiante chu pelin muanga leh a thing tawlh chu livir in la zui ta a, a thian te pawh chu tui luang chak tak chuan la in livirah tho chuan a len lut ta a, an talbuai ta hle mai a ni. Muanga thian te pahnih hi vaukamah eng tin tin emaw an in hai chhuak thei hrama Muanga erawh chu livir hian la in a pil zui ta mi niin thu dawnna chuan a sawi.
An chetsualna hmun hi Darlung road Bawngthah thlen hma lei chhak a ni a, helai hmun hi Bawngthah kai tiin an sawi mai thin. Helai ram Tlawnglui kam chhuah lam hi Sateek ram a ni a, a tlak lam kam hi Bawngthah ram a ni thung.
Bawngthah YMA leh helai chhehvel tlawmngai ten ruang zawn hna hi an thawk mek a, tui a tam avangin ruang zawn a harsa hle a ni.
Muanga chhungte hi Burma ram lama awm an nih avangin biakpawh ngaihna a awm rih lova, ruang hi hmuh a nih pawhin Bawngthah YMA ten a ruang an hlawm mai rin a ni.
Report this comment
August 27th, 2011 at 4:14 pm
A van mak mawlh2 vele.
Berawtlanga ruang chhar tih kha thuchiang hria in awm em?
Report this comment
August 27th, 2011 at 4:23 pm
A pawi thin mang e. A chhungte Lalpa’n a awmpui zel ang…
Report this comment
August 27th, 2011 at 4:35 pm
Tui tlak na tur awm em2 lohna Aizawlah scuba diving gear an dah daih a, Sairangah te khuan dah zawk awm tak hi ania
A chhungte Pathianin thlamuanin awmpui rh se…
Report this comment
August 27th, 2011 at 4:50 pm
xela sawi hi a dik, sairang tlangval te hi an tlawmngai , training pe in hmanrua te pawh pek ni se
kan thianpa sawi, UCC, barapani a an zir laiin an thian pakhat hi tuiah a tla a, khasi 3 lawnglengin an lo kal a, a ruang an zawng ve a, mahse an hmu lo a, a hnuah an hmuh chuan pawisa pek an tum a, lawngin tuikhuah lai velah an va phei leh a, an ding deuh vang vang a, an vir chhen a, an lo kir leh a, an hmu lo leh a, a hnuah an pawisa pek tur zat a letin an ti pung mai chu….an in signal a, a hma a an awmna laiah takkhan an va phei leh chat a, lawng atang an zuang thla a, an zuk la chhuak nghal a nih chu mawle….
mizo tlawmngaihna
hi a lo van ropui tak em
Report this comment
August 27th, 2011 at 5:10 pm
(hemi post ZORAM TAN Facebook Group a Comment a ‘Fela Ayala’ ngaihdan pakhat)
.. hemi post ka chhiara thildang daih ka rilrua lo lang chu, tlawmngaihloh ngamte hi tlawmngaihna a ni tawh mah mah zawkin ka hria…
Hmanlaia kan Mizo society in mi tlawmngai kan tih chu, midangte hamthatna tura phutluihna vang ni lova, hlawh lova thil tih hi a ni a. An tlawmngaihna kha khami rilru pu chiah chiah a ni nge ni lo tih sawi ka tum lo. Amaherawhchu, hmanlai kan pi pu huna tlawmngaihna kan tih kha tunlai khawvelah chuan kawng tam takah hnawksak nih chang a tam tawh a. Engemaw deuh hlek a lo thlen a, rik hup kan chin thinte hi tlawmngaihna ni lo vin hnawksak nih mai chang a awm fo tawh thin. Chuvangin, mahni phur phura engkim tih vek tum lo va chanvo insemzaia, felfai taka mahni tih tur leh tihlohtur chin thliar thiam hi tunlai khawvelah chuan tlawmngaihna kan kalpui ber dantur niin ka hria. Heti a nih chuan kan tlawmngaihna hi a buarchuar dawn tlat. Chuvangin, a chang chuan tlawmngaih loh ngam te hi tlawmngaihna ber nih chang a awm thin…
Vawikhata ka sawi teuh chuan a hnu lamah sawi leh tur a awm dawn lo va. Chuvangin step by step in kan kal zel zawk ang e. A hmasa bera zawhna awm thei chu eng nge tlawmngaihna kan tih hi?
Report this comment
August 27th, 2011 at 5:24 pm
darkhuanga #17 A dik chiah a ni. Ti daih ila hman kum khan Sairang lam aiawh (ti mai ang) tuilam training pui kan nei. Lalsawma ania VC te pawh ani hman nghe nghe. Vanduai thlak takin ka thi ta hlauh. Midang pawh train chhuak an awm tawh ka ring angreng khawp mai. Kan tih lai kha 1991 daih tawh a ni.
Scuba diving gear hi tawngpawng hman ngawt chi anilo. Mahni size te te a awm a, oxygen hip luh tawk etc etc. zir tur a tam mai…
Report this comment
August 27th, 2011 at 5:32 pm
Pu HVa a “thi ta hlauh” anh hi, hehehe…i type sual th hre reg mah ila kn nuih thut cu le…
Report this comment
August 27th, 2011 at 5:58 pm
20 Pu HV a chu vanduai thlak takin a thi ta hlauh ani maw? A van zia lo ve. Thlipui irene lakah khan Pu HV nangmah mawlh kha tiin ka chah lawm lawm a sin le
Report this comment
August 27th, 2011 at 6:09 pm
Hmu leh thuai se ka va ti ve aw. Tuitla hi pakhat ka chhar ve tawh. 1996 a B.Ed. Kan train kum khan, kan Picnic a(Lawibual a ni ta in ka hria). Kan thianpa Murlen khua, tawi-sek tan mai hi, rui phiang phuang hian, “Tarzan” ti a au pahin a ban a phar a, a zuang lut burh a. A lo hleuhthiam i-khaw lo mai a, tui a hak ta burh burh mai a. Midang 1 nen kan chhan chhuak. A nuìhzatthlak duh ang reng khawp mai.
Report this comment
August 27th, 2011 at 6:10 pm
#20 hairehai
lo chhiar dik ve tawh mai teh u. ka fanu damdawi lei dawn paha ka type puat anih kha 
Report this comment
August 27th, 2011 at 8:04 pm
a va lainatawm ve aw, tihtheih ka nei der bawk si lova
Report this comment
August 27th, 2011 at 8:37 pm
No comment vanduaina thilah hi chuan tilo deuh khan i comment ve theilawm ni.
Report this comment
August 28th, 2011 at 5:40 am
Rui chungin Tarzan ti a au in tui ah zuan luh burh loh tur anih chu…ha..ha..ha
Report this comment