Darphawka Mumang !

May 27th, 2011 9:32 am by lushai_er

[Pu Darphawka chanchin hi zirlaiah te a chuan thin avangin sawi tam lo mai ila, a mumang lam hi kan hriat ngai loh zawk anih hmel a; i han thlur bing teh ang :-]

  1. Kawtlaiah thing sangtak a phun a, Pathian a bia a, miin mi â an ti.
  2. Selkhuma mumanga, ”Tlawng hnarah fahrah te a lal ang” a tih kha nangmah hi i ni a, i pian tirh pawha i ha kan totir kha” an ti.
  3. Nakinah ri in hriat hunah ‘Dara lam’ ti apiang in him ang.
  4. Vai an lo lian ang a, thu hran zir tur leh awi tur a tam ang.
  5. Tuifinriat rala mi Pathian thu hriltu an lo kal ang a, an thu awi apiang an hamtha ang.
  6. Chhim leh hmarah mihring an awm khawm anga, a lai a awl ang.
  7. Nakinah mi zawng zawng thih zawhna a thleng ang a, chuta thi ve lo chu an nuam em em tawh ang.
  8. Kan khawlaiah Sukte-ho an vei zoh zoh ang. (Tarmita’n Chhipphir kulh a kah laiin Kawlvai a pun a, Sukte ho chu kuli atan an rawn hmang chiam)
  9. Sa kah theih leh nula ngaih theih a dil a, “Nula ngaih hi sual a ni a, sa an nunna laksak hi thil tha lo a ni bawk, kan phal lo, kan pe lovang che,“ an ti.
  10. Khawthir khaw kai, in sak laiin ram a lo min vak ang a ti a, an nuihsan a, mahse a min ngei si.
  11. Kawnglawng hmun atan lo an neih kumin a fanu kawmchar hniamteah a tla a, a thi.
  12. Lo neilo la, kum i dam ang a, i nu kum sawm leh pakua a la dam ang an ti. A chhungte chuan an ring ve si lova. Lo nei lova awm chu mite’n an nuihzat a, a  hrehawm em mai, an ti a, lo an nei ta a, buh pawh phur za lai an thar a, mahse ei hman lovin Darphawka chu kum 55 mi niin, Baichi khua-ah 1895-ah a thi ta.
  13. Valcheng a awm laia thing-tamin  hripui a leng chiam a, hri-ah chuan a laichinte zawng zawng hum vek a dil a, mahse an phal lova, a farnu leh a nu chauh a hum thei.
  14. Hripui len lai chuan mi khua-ah mi pakhat a zin bo va, a lo haw hnuah chuan a thi ve leh ta thova, miin an hlau thar leh ta a, “Hlau duh suh u, hemi rawlbo hi an lo nghak a ni e,” a ti a, hri chu a reh ta a. A nuin lo a neihtir chuan a damloh san thin a, a thlo thei chuang ngai lo. Miin buh an pek huai huai avangin an ei seng chuang ngai lo. A nuin lo a neihtir fo avangin a dam rei loh phah a ni.

[Source : Thalkawnga ]

Similar Posts:

Recent Posts:

32 Responses to “Darphawka Mumang !”

  1. 1
    XaiA Says:

    A hmasaberah chuan a hrilhlawk dik thei viau an ti .
    Chanchin a ngah viauin an sawi bawk.

    Report this comment

  2. 2
    feeder Says:

    ka hrethiam pha love.. anyway (Y)

    Report this comment

  3. 3
    H.Vangchhia Says:

    2 na khian ka fapa te 2 min ti hrechhuak. An piantirhin ha an nei sa ve ve, ha hlam angin a tla leh mailo bawk.

    7 na khi a thu a inkalh deuh em aw? :-S

    Report this comment

  4. 4
    chhana Says:

    Pakhatna khi mumang a ang lo.
    Pangana khi centenary lai khan a lar.
    7, a thi bang nih theuh i tum ang u (thih hnihna temlo tur sawina, ril raih mai a)
    ZNP ho innghahna kha i rawn tarlang tel law law lo nia.

    Report this comment

  5. 5
    PKfanai Says:

    Misual.com ah hian specialist hrang hrang an awm a, Lushaier leh Zorunpuia te hi, Mizo history lamah chuan mi ril tih ve tlak an ni. 4 & 5 khi ka hre hlur a, abak ho khi ka lo hre miah hlei nem. Thil hlu a nh e. Save hmak ang.

    Report this comment

  6. 6
    PKfanai Says:

    Misual.com ah hian specialist hrang hrang an awm a, Lushaier leh Zorunpuia te hi, Mizo history lamah chuan mi ril tih ve tlak an ni. 4 & 5 khi ka hre hlur a, abak ho khi ka lo hre miah hlei nem. Thil hlu a ni e. Save hmak ang.

    Report this comment

  7. 7
    chemtatrawta Says:

    Pu lushai nge nge…bei tha thei e,..beng a var leh sawt mai..

    Report this comment

  8. 8
    kiddo Says:

    Hriatthiam a har hle mai a… #8 na a sukte-ho khi vaiho tihna maw ni le.. val hi kan buai chu le :-P

    Report this comment

  9. 9
    awmawmpuia Says:

    Bengvarthlak leh hle mai. Darphawka chanchin zirlaiah a tel thin tih pawh ka lo hre ve reng reng hleinem.

    Report this comment

  10. 10
    Ultraviolet Says:

    Good Post mahse a then khi chu a awmzia ka chhiar bo lek2..

    Report this comment

  11. 11
    D_auaChwngthu Says:

    Ngaihnawm hle mai. (Y)

    Report this comment

  12. 12
    Maya Says:

    bengvarthlak khawp mai . (Y) mumang hi a mak khawp mai .

    Report this comment

  13. 13
    vivia Says:

    #4 leh #6 te khi engtinnge an hrilhfiah le?

    Report this comment

  14. 14
    Sangpuiipa Says:

    Ka man thiamlo tlat he post chu.

    Report this comment

  15. 15
    bk Says:

    a lo nih tak hi.

    Report this comment

  16. 16
    Keimah Thingtlangpa Says:

    A then hi chu mumang pawh a anglo e..

    Report this comment

  17. 17
    funny Says:

    A bengvar thlak hlemai. A then khi chu mumang pawh a va anglo ve. e.g #11 ang chi te khi.

    Mizo Nostradamus-a ani ringawt alawm le. :D

    Report this comment

  18. 18
    lushai_er Says:

    Nia, mumang han tih vek chi pawh a ni lem lo….in lo hrethiam mai ang chu maw!

    #13, @ vivi : 4.-na khi Vailen avanga zir leh awih tur dan leh hrai tam tak kan neih phah.Entirnan:- Zir tur lamah chuan A, AW, B ang te lo ni se, zawm tur dan kan neih chu kumtin intinin lei man Rs.1 pek tur tih te, adt…a ni thei ang em aw !

    6.-na hi chu Aizawl hi tunhma chuan North Lushai Hills Dist. a ni a, Assam hnuaiah a awm a. Lunglei hi South Lushai Hills tih a ni a, Bangladesh(Chittagong) lam atanga awp a ni ta in ka hria.

    Report this comment

  19. 19
    lushai_er Says:

    @funny : A zawlte hian lo lam hna thawk lo turin an ti thin a, mahse thlawhhma a lak apiang hian an thu a awih loh rah hi a seng thin tihna lam a awn mah zawk.

    Report this comment

  20. 20
    lushai_er Says:

    @Sangpuiipa : Kum 1895-ah kum 55 mi ni a a thih chuan a thil sawi lawk hun lai hi chu i chhut thiam turah ka ngai! A englai hi nge i man thiam loh chu han sawi teh :-S

    Report this comment

  21. 21
    lushai_er Says:

    Han sawi zau takah chuan misual MI, Hmuifangah khan Pu Darphawka tu-te ang tak kha ka hmu than in ka hria (pics-ah) :)

    Pu H.Vanthuama [L], Chanmari Veng, mizo zinga Bsc. Agri hmasa ber kha (Jt. Dir. Agri thin kha)a fanu naupang ber fapa a ni!

    Report this comment

  22. 22
    lushai_er Says:

    #4, @chhana : Pastor Chhawna nen i ngaihfin a ni lo maw ? “Dar rimawi a lo ri a” tih kha chu Pu Chhawna inlarna zawk a nih ka ring !

    Pu Chhawna kha chu 1910-ah Pathian thu a sawi laiin Isua an khengbet lai kha a hmaah a rawn inlar a, a thidang a an tih kha maw le…! Vailen hnu a ni tlat!

    Report this comment

  23. 23
    mach3 Says:

    @lushai_er Says#22, Ngaihfin tih tawngkam i hman chuan min ti phu zawk mai, hmanah keipawh ka hmanga kan thian nu in alo hre thiam lo nasa maia alo nui khiah2 mai, ngaihpawlh tih nen hian khawnge dik thui zawk ang le, a in tluk angem?

    Report this comment

  24. 24
    lushai_er Says:

    #23, @mach3 : He he…nia, ngaihpawlh pawh adik tho ang. Hriatpawlh te pawh a la dik zawk mai thei. A intluk vek tho lawm ni ka ti ?

    Mizote hi ze nghet lo, Kristianah pawh vawilehkhata in pe duak tiin an sawi thin hi zawlnei-ho Pu Darphawka te ang lo sawi lawk vang hi a ni zawk lo maw te ka ti ve mai mai thin……in ngaih ve dan erawh ka hre law !

    Report this comment

  25. 25
    RenghangMan Says:

    Post tha tak a ni..lushai_er hi tiang deuh lampang mizo tak, ngaihnawm tak si hi i rawn post thin a, a lawmwm thin e. Rawn post lo la keini ang duang tan hriatloh t ur a ni si..keep going..

    Report this comment

  26. 26
    kawlhawk Says:

    ls_er hi Paws un thei khawps! Gud paws! (Y)

    Report this comment

  27. 27
    Saitawk Says:

    Tuipui ral atangin mingo an lokal anga, an thu lo awih ang che u.. tih kha Darphawka mumang tho a ni em kha?? Ka chianglo ruai mai.

    Report this comment

  28. 28
    lushai_er Says:

    @ Saitawk : I sawi dan hi kan zir dan/hriat dan a ni zawk mah. Mahse ziaka lo dah tha tute tawng kam hi a ngai ngaiin ka rawn bel a nia….”unau thawnthu sawi mah a dang a lawm…….”

    Report this comment

  29. 29
    tawia Says:

    ka vawikhat hriat na. han sawi belh zel teh u

    Report this comment

  30. 30
    Saitawk Says:

    @lushai_er, Darphawka inlarna Bu kha chhiar tur i neih mial chuan ka lo lam vang vang peih. :-P

    Report this comment

  31. 31
    lushai_er Says:

    Mizoram Synod khan an record tha viau ang. Mel 2000 chuang i zin peih em ni? Tak taka a bu ka nei lo, phek khat vel chiah ka nei !

    Report this comment

  32. 32
    Saitawk Says:

    Ekhai a!!!!

    Report this comment

Leave a Reply

You must be logged in to post a comment.