MLTP (Mizoram Liquor Total Prohibition ) hian sawitur a ti tam a. Hlip rawh se..!! Ka ngaihdan leh suangtuahna te sawi ve pahin leh mipui te ngaihdan tlangpui hriat ve chakawm ka tih vangin he post hi ka rawn thlawh e…!! “MLTP Act Study Group” hian zu khapna dan chungchangah hian pawl pariatte ngaihdan a zawt a. Hei hi pawl pariat te ngaihdan chu a ni..
Hlawhtling tawk lo
1. Central YMA
2. MJA
3. Mizoram Bar Association
4. Zoram Taxi Owners Association
5. Mizoram College Teachers Association
6. MHIP
Hlawtling thawkhat
1. MUP
2. Mizo Academy of Letters
Ka ngaihdan kan sawi ve mai mai ang e. Keichuan MLTP Act hi hlawhtling lo ah ka ngai. A chhan chu Mizoram khawi lai hmunah pawh hian zu(a senchi) leitur a awm reng. Zu man (price) erawh chu a boruak an sawi strict leh strict loh a zirin a to in a to lo deuh. Misual zu inthin kan awm chuan kan hriat chian hle ka ring. Zu leina tur hrelo chu kan tam vak lovang. Police/Excise ho hian zu leina tur an hre lo emaw te ka tia. Zu leina tur hria nise chuan an man zung zung ang a, ‘MLTP Act’ an tih tak hi Hlawhtling ah an puang sup sup mai tur. Mizoram a sorkar officer inti te phei chuan zu leitur an hre hle. MLTP an tih hian sorkar officer te hi a huam tel ve lo emaw te ka ti mai mai a.
MLTP Act kan hman tawh loh hunah chuan ZU man hi a tlawm ve deuh ang a, Zalen taka zu la in ngai lo tan chuan zu tlawm bawk si, duh thlan tur han awm thei ta mai chuh.. Keichuan.. a hlut dan tur ka ngaihtuah hian ka eng a thawl e..!! Thiante nen kan han in-contri a, a senchi ngei mai chu kan lei ve a..No pakhat chiah kan lo nei bawk si.. “Tlak vat rawh” an tia, Sunhlu leh chi kan han liak leh pawp a.. a senchi tuina pawh hre hman lovin kan lem ral zung zung a.. ruih hun kan han nghak vang vang a..! “A ho” tlat..! MLTP Act an hlih hunah chuan(ti leh thin ila..) Romanov, Black Dog, Chivas tih vel te hi thiante nen kan in-contri anga kan lei ve thei ngei ang.. A peg system in Bar ah te thlamuang takin ka in ve thei tawh ang. “Tlak pap” tawh lovin muangchang-in, vawksa rose nen kan in chhawp chhuak ve ang. Lunglen changin “Bar”ah Vanlalsailova (a pianthar hma) hla ngaithla chungin “ka mittui a tla hial a” kan ti ve dam dam ang chu!! Thlasik khaw vawt lai phei chuan “Rum” rim kan nam ther thur mai dawn a ni!!
Keichuan MLTP Act hi a tangkaina ka hmu lova, a hlawhtlin na ka hre hek lo..!! Zu in dan thiam leh thiam lo kan awm ani mai a.. Zu in thiam tan chuan a thatlohna sawi tur a awm lo. In thiam lo tan chuan a thalo hle thei thung. Chung chu mimal duhthlanna ah dah thiam ila, a in thiam an buai lovang a, a in thiam lo an buai ang. Khap kher a ngai lo.. No-MLTP Party te hi awm se,kan vote hmasa ber duh mai lovang mo? Keichu Vote tur in zing dar 3 vel atang a ballot center ah ka lo ding char char ang… Kan thenawmpa pawh ka hruai ve hrim hrim!!
A tawp ber a kan sawi leh duh chu, “MLTP Act Study Group” hian pawl pariat te ngaihdan mai ni lovin, Mizoram mipui zawng ngaidan hi “Vote” la ta zawk se.. Mipui duh dan kan hre chinag thei zawk ang. Mahni theih tawk a,vote kan lak mai mai hian “Hlip rawh se” ti hi an tam zawk tlat.
Enge in ngaih dan? MLTP act awm tawh lo se in ti ve em?
BONUS:
1. Kan thenawm pa chu officer lian an tih ang hi a nia, zu a ngah thei raps!.. an ti.
2. Vairengte check gate ah khuan case siam lovin zu an man fo… an ti
3. Excise ho hian zu leitur aan nei thin.. an ti.
4. Aizawl ah: Beer Rs 220; Phaiah: Rs 80 velin leitur a awm an ti.
5.”Mi tam tak chuan zu tui tak aiin, strong deuh an duh”, an ti.
6. Zu in zawng zawng hian buaina an siam vek kherlo .. an ti.
7. Zu ruih vanga inti pa deuh hi “an mawl”.. an ti.
Similar Posts:
- Bar Association, MCTA leh ZTOA ten MLTP Act a hlawhtling lo-ah an ngai
- Combined post: wolfpower & Keipoh
- CNBC TV18 Opinion Poll for FM
- Kan vawih tawh ngai miah lovang !!
- MLTP Act tangkaina te
May 30th, 2011 at 10:33 pm
MLTP an hlip emaw hlip lo emaw, zu hi chu in tur a awm reng dawn. Inthiam leh inthiam lo pawh an awm reng bawk ang. Hlip se chuan ka duh.lolz
May 30th, 2011 at 10:37 pm
vawksa rose nilo in roast tih tur a nih hmel!
May 30th, 2011 at 10:42 pm
Zu chungchang chu sawilo ila a fuh zawk ang, kan khel ngun tawh e mai.
May 30th, 2011 at 10:44 pm
Helam hi chu ka sawi zing ta lua e, ka sawi peih tawh lo ni mai teh se
May 30th, 2011 at 10:45 pm
an hlih chuan a tirah chuan kan buai hlawm ang chu aww te ka tia
May 30th, 2011 at 10:45 pm
An tih tih in ti teh se,,,, (B)
May 30th, 2011 at 10:47 pm
Thlamuang taka thiante nen tikte hnih lak a,sunday tlaia dospati pah a han kerh kerh hi ava tha in ava nuam em
May 30th, 2011 at 10:54 pm
Ka RV haw chiah, hlip nghal rawh se 😀
May 30th, 2011 at 10:57 pm
US prohibition chhung khan criminal record a sang zawk a, dan zah lohna pawh a sang zawk a. An hlip ta reng ani.
Dan neih ve si, zawm theih bawk si loh neih run hi sawrkar tan a hming chhiat thlak a. Dan lek khawh anih loh zia tar lanna mai mai ani. Hetiang bak hi sawrkar tan a hmingchhiat na a awm chuang lo!
Hlip nghal rawh se, an hlip lo anih chuan an aia chak sawrkar in a rawn hlip tho tho ang. Dan atthlak siamtu chu mi a tho ani.
Zu in hi ka support hauh lo, ringtu tan phei chuan tih tur ah ka ngai lo. Mahse hei hi khawvel ani e. Vanramah mihringte hian he lei hi kan siam thei dawn si lo.!
May 30th, 2011 at 10:59 pm
An ti tih ah i rawn tawp nasa e mai mi dawheh leh tlak tlailo tak i ni ngei ang,MLTP act hlip tur a i duh chhante khi a ho lutuk. Inchhungkua in buaina in la tawk lo a ni chek ang chu,buaina tawk la i harh awk awk mai ang. (P)
May 30th, 2011 at 11:02 pm
‘A chhan chu Mizoram khawi lai hmunah pawh hian zu(a senchi) leitur a awm reng.’ Dawt.. Tun inrinni zan khan kan zawng vak vak a lei tur kan hmu miahlo! 😛 😀
May 30th, 2011 at 11:04 pm
He thil hi sawi a van hlawh tak em! MLTP Act hlih duhtu leh duhlo tu an awm reng bawk ang, an tan chhan ve ve dikna chen a nei bawk ang.
MLTP Act kan hmang emaw hmang lo emaw, zu avanga mahni leh mizo ti mualpho tawk hi chu an la awm reng dawn bawk.
Sipai officer 1 sawi dan kan sawi ve leh lawk. Mizo hmeichhia, mi tam zawk hmuh dana mi pangngai tak, sipai zu supply thei hnena inphal rin phak bakin an tam. Tin, officer leh politician, mizorama phalna neia zu phur lut thei vai (BSF, Assam Rifle etc) ten an hlauh loh an tam. A sawi dan takin ” Engah nge an hlauh ang? They bought them with drinks”
May 30th, 2011 at 11:17 pm
Ka ngaihdna dik tak ka sawi ve ang. Synod hlauh vanga MLTP hi siam a nih hmelin ka hria a, kan sawrkar dinglaite hian synod thu hi an hnial ngam si lo, an rilru dik takin hlih duh mahse, VOTE khaaaaaaaaaa……hrethiam mai em? 😀
May 30th, 2011 at 11:20 pm
Hey, nick-a! MLTP Act tih vel mai2 aiin, i nick thar tur kha buaipui/ thlang vel leh phawt teh. I rawn inlan leh huna “no_nick” bawk i la nih chêu chuan tuikawhna-in ka hlap èr zawt ang che. 😀
Paws-a i ngaihdan hi ka (Y) e.
May 30th, 2011 at 11:23 pm
George Bush Sr. leh Mikael Gorbachev kha zu leh drugs cc ah an lo inhnial a.
Bush chu Moscow ah a han zin ta a, Gorbachov chuan kawnglai a drugs zuar leh drugs rui i hmuh phawt chuan i kaphlum pawp zel dawn nia tiin a cho ta a. Zan ah chuan G.Bush chu Moscow khawlai ah chuan a vak chhuak ta a, drugs zuar leh drugs rui pakhatmah a hmu zo lo.
Gorbachev chu Washington ah a zin ve leh ta thung a, Bush chuan zurui bengchheng leh buaina siam i hmuh phawt chuan nang pawn i kaphlum pawp dawn nia tiin a cho veleh ta thung a. Zan ah chuan Gorbachev chu silai nen a chhuak ta a. A tukzing Washington Post headline ah chuan ti hian breaking news a lo inziak:
“Nizan khan mi tu tih hriatloh in Russian Emabassy silai in a phuh chiam” hahaha 😀 😉
May 30th, 2011 at 11:26 pm
MLTP Act-ah chuan Zu chung chang sawi mawina hrim hrim pawh hi man theih tih a ni an ti a, man tur an lo tam awm hle mai.
May 30th, 2011 at 11:29 pm
A ho lutuk, hlip lo mai rawh se. A hahthlak mai mai. Zu hi a tu vak mah hian an in thiam tak tak lo, mizo an nih chuan.
Zu rui bula awm phei chu hahthlak tak a ni. :-S Kai ve deuh hlek loh chuan 😉 😀 (H)
May 30th, 2011 at 11:37 pm
MLTP Act bang rawhse…..!!! ZU in suhse….!!! ZU zuar suhse…!!!!! 😛 😛 😛 (D)
May 30th, 2011 at 11:38 pm
Zet u ZU….in duh tawh loh hnu hian mi pekte hi an la tum tlat thin zu nia, mak ve tak ani…… 😛
May 30th, 2011 at 11:41 pm
Inhnialna tawp theilo ani e.. ho ee.. 😀
May 30th, 2011 at 11:48 pm
:-[ (B) (^) (P) (@) (O) (D) :-S ;-( (C) (&) :-$ (E) (~) (K) (I) (L) (8) :-O (T) (G) (F) 🙁 (H) 🙂 (*) 😀 (N) (Y) 😛 (U) (W) 😉
May 30th, 2011 at 11:52 pm
MLTP Act chungchang hi chu ka sawi tawh rih lo teh ang, kan sawi zing deuh tawh bawk si a. A hnuaia mite hi han en ve la
1) Mizoram Education Reform Committee.
2) MLTP Act Study Group.
3) Ethics Committee.
4) Vigillance Commission(la din loh a ni, ACB ti len hnu leh CBI koh luh theih hnu hian a tul ka ti lem lo).
Heng ang chi ho hi a tha ka ti khawp mai a, mahse mipui tihlawmna atan mai mai a nih hmel ka ti ta. Hemite avang hian ministry hian an tihtur dik tak han ti sela aw a tha ang mawle.
MLTP Act chungchangah pawh hian engmah a danglam ka ring lo. (H)
Nakinah muangchangin ka chhiar chhuak ang. Post tha tak a ni ka ti tho tho e. (Y) (Y) (Y)
May 30th, 2011 at 11:57 pm
Zu sawi mawina tur point pakhat lek pawh ka hre ve lo. 🙂
MLTP hlih a ni emaw ni lo emaw a nawl puia mizo te’n zuin kan thiam hun hi a nghahhlelhawm mang e. ;-(
May 31st, 2011 at 12:19 am
Krista pawh ‘ti ve thin’ ni maw?? :Uang2: 😛
May 31st, 2011 at 12:46 am
huah3(#24)): Chutiangin ‘ti ve thin’ love a. Mahse miin zu a in avangin ka pawi an sawi ka hre le lo bawk. Ka rilru tibuaitu tak zawka chu Zu in avanga Thlaraubo kan siam zo zai hi ka vei thin. Kohhran hi Pathianin thuneihna sang tak a pe, chuvangin kohhranin a khap tih luih chu sual a ni mai. Hmundang tam zawkah chuan an khap loh avangin zu avangin thlaraubo an neih phah dawn lo a nih hmel. Mashe in thiam lo leh tawk chin hre lo chu an boral ve tho mahna. Ka sawizau vaih chuan Pu Hnamsakhua hi a phur lutuk ang tih ka hlau si a, ka ngawi deuh a ni. Fiamthu takin SUH tih hi chu Eden huan atang tawh khan a successful lo tlat. (H)
May 31st, 2011 at 1:09 am
Zu hi a tui a ni hi .inkhawm dawn chiahin ka in thin tin khawilo party na leh thil lawmna a an chhawp chuan ka khiat ve pap zel.In ah chuan ka kawl ka in tam lem lo.
Mizoramah chuan car nalh tak a tangin an rawn chhuaka pehteh an han pet tret mai ka hmuh kha chuan kan thalai zu in mi te ka khawngaih khawp mai.Chu pawh dai ah leh nghal.
Helamah chuan park nuam deuah bar kan kal peih loh pawh in.
May 31st, 2011 at 1:12 am
Rangvamual in pakhat a intar –
Zu in tul te siat tul:
1. Luih hnu ah sawi ngai sawi leng loh tul
2. Tawng inchuh loh tul
3. Saptawng telh loh tul
4. Palty thil luih chilh loh tul
5. Tukvelh ah zun loh tul
6. Luih lungpuam a tah loh tul
7. Chahthak loh tul
8.Maw maw…tih leng loh tul.
May 31st, 2011 at 1:24 am
suangtuahna mai mai alaww…nick neilo paa.. 😉
May 31st, 2011 at 1:26 am
MLTP Act hi 100% in hlawhtling lo mahse ka la thlawp khawp mai. (I)
May 31st, 2011 at 1:31 am
[Ka ngaihdan chu hei hi a ni e]:-
Zu khapna dan a hlawhchham em?
Friday, 27 May 2011 05:44 Vanglaini
Zu khapna dan hman chungchang chanchinbu hrang hrangah pawlho ngaihdan leh mimal ngaihdan an rawn tarlang hnem ta hle mai! Pawl thenkhatin a hlawhchham an ti a, thenkhatin a tha thawkhat an ti bawk a. Eng pawhnise, an teh dan leh an hmuh dan a inchen lo a ni ber mai. Hlawhtling lo titu tan chuan heti taka kan rama zu in tual a leng a, a ngampa em em mai hi dan kengkawhtu Department sipai rual kan nei a, kawla nichhuak chhiar mai ni lo, a chhun azanin hnapui berah an neih chunga heti taka zu a tam hi an hlawhchham a ni tih loh rual a ni lo. Hetiang ngaihdan neitute hi ram an hmangaihna leh ruih theih thil hi rem duak se, kan Kristian nunmawi tak leh Zonun mawi hi par vul zel se, tia an beisei kan phak loh avangin beidawnthlak an ti a, hlawhchham thu an rawn tlangaupui a ni, a dik khawp mai!
Lehlamah ve thungah chuan zu khapna chungchanga kan hmalakna hi a tha thawkhat e, titute an awm bawk a. Ka hmuh dan tlem han tarlan ka duh ve a.
MLTP ACT 1995 an pass hma hun kha han thlir let ila. Zu leh sa in Mizoram min tihbuai dan kha tunlai thangthar tam tak chuan kan hre awm love. A bik takin Aizawl khawpui mihring tam tak khawsak dan kha a hre pha chin chuan kan theihnghilh awm love. Sawi tur tam tak zinga ka han tarlan duh chu tuna Tennis Court bula building lian pui mai an sakna hmunah hian Club a awm a, member tan chuan zu a awm reng a, zanah hmeichhia leh mipa rui lungpuamin an lam thin a, phai lam atanga khual lian an lokalin an intihhlimna ber a ni. Zan khat chu in pakhat atangin kan en a, hmeichhiaten an kawr an phelh a, bra nen chauh an lam a, lo in kiss tawk lah bo lo. Dar 8 emaw chauh a la ni a, naupang 5 an tlan chhova, bang awngah an han bih a, kan kuta kan hui pawhin an hmuh châk em avangin an en ta reng a. Nakin deuhah chuan lamho chuan an rawn hmu a, an vua a, tap chungin an rawn haw nghe nghe a ni. Zantin mai thawm ring tak mai leh venthawn reng nei lovin an khawsa a, a vela awm tan chuan hreawm tak a ni.
Zu khap hma kha chuan Chawlhni tlai apiangin veng tin maiah pavalai tlanglam hla nen chheihlam khuangri thawm hriat tur a awm reng a, zu an in thiang a, an rui a, an lam a, kan ngaithla liam mai mai a nih kha. Heng kan han sawi tak bak sawi tur a va tam em? Zu khap bur atang chuan heng zawng zawng hi a reh duak a, a rui duh leh a in duh te pawhin a ruk tein, hlauh nei chungin an in thin a, chutiang renga awm ai chuan zu in loh phah an tam mai!
Mizo hnam hmasawn tak mai, ramdangte tihdan pawh copy zung zung thin, Kristian ram, hnam naupang tak puitlin lam kawng zawh mekte hi zu khap burna hi awm lo sela chuan vawiina nu leh pa thlamuang taka awm te hi mi tam tak chuan harsatna an tawk ngeiin ka ring. Zokhawthar, Burma nena kan inrina Burma lamah khian zu an zuar a, Mizo nula leh tlangval kalho chuan an in sup sup mai an ti. Zalen taka in tur a awm lo chung pawhin hetiang hi kan nih si chuan, zalen taka in tur awm se, kan thalaite khawsak dan tur chu mitthla hian i han thlir teh ang u, a pawi mang em em e, kan ti sup sup mai lovang maw?
Bhutan ram nula leh tlangval pawh khu kum 1970 hma lam kha chuan entawn tlak, hnathawk tam, hmasawn chak em em an ni a. Central Minister ten an tlawh chang pawhin mamawh kan nei lo, kan eitur leh kan silh tur kan thawk chhuak, tiin engmah an dil tha duh lova, an ngaisang nahek lo. An ram tan thil tha tura ngaih or devide & rule hnathawh, Bhutan zu factory lian tak an ram chhungah an han bun a. Opium chinna ram zau tak an nei a, thalai tam tak te chu Bhutan zu factory-ah an inhlawh a, Opium atangin sum an hmu a, a tawpah zu leh opium-in a eilet a, an chhe zo ta. Hnam thatchhia leh hmasawn lo ram, ruih theih thil avanga tlakchhiatna ram a lo ni ta!
Kan ramah zu do pawl Exise leh NGO ten theih tawp an chhuah a, zu leh damdawi hlauhawm an man leh an tihchhiat zozai hi TV-ah te kan hmu a, heng zozai hi tichhe lo sela, kan thisen zawmpuite hman tur a ni. Mi tam tak nun an chhanhim a, an chhandam a ni, tih hi Zoram mipui hian hria ila. An thawhthat chinah lawmthu hrilh hi sawrkar leh pawlho leh ram mipui pawhin kan tihtur a ni lawm ni? Kan beisei sâng lutuka kan mawh love, hlawhchham ni lovin beisei ang kan pha lova, engtin nge tun aia hlawhtling zawka tan kan lak zel ang? tih hi kan infuihna leh rawtna nise. Hnam damna a ni zawk ngei ang tih hi mi tam takte ngaihdan niin a lang.
– Ralsavunga
May 31st, 2011 at 1:32 am
#27 😀 😛
May 31st, 2011 at 1:38 am
hmmm
May 31st, 2011 at 1:48 am
Pu Ralsavunga thuziak hi ni 27 tlai khan ka chhiar tawh a, duh aiin a bias ve khawp mai. (H) A thatlohna lampang chhuizau vak lovin ala duhzia a ziak nasa mah mah ka ti deuh, mahse a thu thu, ama mimal ngaihdan a ziak a ni ve mai…. 😀 😀 😀
Khawvel changkang zelah hian zu hi kan zoramah hian a luanglut tam tulh tulh dawn. A intu chauh ni lo, excise lam leh kan hotute zu avanga thilsual tih pawh hi hnem ve tawh tak a ni.
May 31st, 2011 at 1:48 am
zu in thiam lo leh in chin tawk hre lo tlem te avang a khap hi atul lem lo, hetiang chi hi chu ram tinah an awm, drug ti pawh chuti tho chu, mizoram-ah pawh hian population atangin chut ila, chiatphah khawp a zu in hi an tam vak ka ring lem lo. MLTP pawh hi hlip se, a mawl fal zual tlem te bakin an chhiatpui ka ring lo bawk
May 31st, 2011 at 1:57 am
अटच अकचट अà¤à¤à¤ªà¤•à¤¾à¤ª चक
May 31st, 2011 at 1:59 am
जू ही अ टà¥à¤¹à¤¾ का तीà¤
May 31st, 2011 at 2:10 am
जू hi poimoh tlat
May 31st, 2011 at 2:26 am
हेतिअं होरोप ते इन लोउ हमà¥à¤™ वेल अ नि मो ?
निअ, जू चà¥à¤‚चाङ हि चॠअ निनà¥à¤“म तोह।
May 31st, 2011 at 5:50 am
MLTP Act a hlawhtling :-O !! Nepsazu hlawm lutuk (N)
Dan keng koh tu tur Rui thin bawk. Zu man tu tur in Zu in ve duh bawk. A hrem tu tur in Zu kawl ru bawk.
MLTP Act hi chu tih to nan chuan a hlawh tling.
May 31st, 2011 at 6:12 am
Hmanni chu Mizo nilo pakhat (a hming ka hre toh lo) nen kan inkawm a..
Mizoram mi ka ni tih a hriat chuan, nikum vel a govt. duty a mizoram azin thu min hrilh pek alom.. Ritz ah khan kan thleng a, te a tia.. mizoram chu a ngaisang ve khawp mai, nuam poh ati..
Chuan ka damchhung in Aizawl a ka cham chung kha ka Zuu in hnem ber aniag atih pek chu..
Chumi kan in hmuh zan poh chuan half vel chu a keuh zo tho (D) (B)
May 31st, 2011 at 6:52 am
Zu in talh tum,in chuan ruih ngei ngei tum hi an lo tam em a ni! Zu in theihna tur a nih phawt chuan an khap reng chung pawh a lei tur zawng leh leitu tur an awm tih avanga lo zawrh talh tum an lo awm ve bawk a,heng te avang hian a hlawhtling tawk lo a ni mai,thuawih lo an tam a,khap chuan mipui te pawhin thlawp a,tanrual tlat mai tur a ni a,zu in thiam dawna in hriain in thiam ve hauh lo tur an ngaihtuah tel lo thin a,hei hian mahni hmasialna a kawk a ni.Khap hi chu sound decision a ni ka la ti duh fan.Prudence hi chhia leh tha hriatna a buai chuan zirlai har tak a ni,chu chu zu intam hian a thleng fo.An hlip a nih pawhin dan tha mipui himna leh hriselna ngaihtuah chungin siam se,khauh takin kengkawh tlat rawh se.Khawtlang nun siam tha tur chuan mi tin mai hi theihna zawng zawng a tan lak a ngai si a ni.Kan khawtlang nun te,mi mal nun te siam that nan zu hi a damdawi a ni lo(in ti e ka ti miah lo,a nih loh thu ka sawi mai a ni).Ruih chi ni lo se in peih hi an tlem ngawt ang(a ni lo ka tihna a ni lo,ta se ka ti mai a ni).Ka consequentialist a,hei hi ka thlirna tlang chu a ni.A nghawng tur hi tha a lo dawnin ka hria(tun dinhmun thlirin).Zu hi ka tem tawh a,tui ka ti e,mahse finna hi ka hman tangkai dawn chuan in loh hi finthlak ka ti a,ka in lo,zu tel lo pawh hian nitin ka lo khawsa thei a,ka nunah hian a pawimawh lo khawp mai.Ka in lo hi ka inchhir lo khawp mai,mahse zu an sawi hi chuan a topic hi a tuiawm bawk a(tui bawk) ,ka lo inrawlh leh thin.Intelligence conquers abusing alcohol.
May 31st, 2011 at 8:02 am
Keinin ‘Zu zawng zawng zinga zingzu zet zawng’ kan tih laia MLTP tih vel zawng….ka inrawlh lo mai teh ang. Zu hi sual anilo, zu sual anga gaih tlatna thinlung hi a sual ber chu ani…
May 31st, 2011 at 8:20 am
Zu chungchang a ni bawk a, comment atam leh ang chu aw…
May 31st, 2011 at 8:29 am
hlip vaih se chuan aw….nangni/keini anga in thiam lo an tam dawn si…kan security system a la chhe si..mi punglung tak tak kan tam si..kan buai teh ang chu…mahse…..hei hi chu kan kal pel ve mai ang
May 31st, 2011 at 9:07 am
Het, Engah nge MLTP Act hlih te in sawi mai mai, kan hlìh te chuan, Champhai leh Hnahlana Grape Wine siamtu, kut hnathawk tu te eizawnna kan ti chhe vek ang asin le. Khaw tinah mi rethei te te, ei zawnna dang hre miah lo ten hlawk tak takin an kut hna thawh rah an lo seng ve a, zu leh a zuar tute lah an ngampat loh phah a, a in ngailo te tan thlemna a hnai lo a, a tha viau a lawm le.
May 31st, 2011 at 9:51 am
MLTP Act. Hnuaia awm tawk chiah kan la ni. Bawlhhlawh a bawma paihna chang pawh hre lo kan la nih hi. Kan Society leh Zu hi a inmil thlap avangin HIV, AIDS thehdarhnan, ‘ZU’ hi a thakhawp mai.
Zu khapburna dan hnuaiah hian minazawng tan Zungawl a vei theih loh hi tha kala ti fan.
May 31st, 2011 at 10:02 am
#23 Bawngtlaia@… Mizo mipui nawlpuiin zu in kan thiam hun tur chu a hriattheih reng in ka hria. MLTP Act an hlih an zalen taka sapzu tui tha tha miin an in theih hun in hawn atanga kum 3/4 vel ah kan thiam tan ang. An hawn tirh chuan kan buainuaih ngei anga, mahse kum 3/4 a liam meuh chuan kan buai vak tawh lovang. MLTP Act a awm emaw awm lo emaw zu in thiam lova ruih avanga buai ching hi chu kan awm reng dawn tih hi thil chiang a ni e.
May 31st, 2011 at 10:16 am
@2 ChhanaPa: Voksa roast angin min lo chhiarsak don nia
@11 Saitawk: Excise office i pan tawp lo a nih chu..!! Leitur an neih ka ring tlat. 🙂
@14 kawlhawk : MLTP velah hian ka buai ltk a. nick lampang poh ka ngaihtuah hman meuh lo a ni. 🙂
@34 numbskull : Ka ngaihdan chiah… !! Mawl fal an buai ang a.. a in thiam an hlim ang.
@39: hiho: (Y)
May 31st, 2011 at 10:22 am
@47 bucko: i sawi dik khawp mai..!! Act hmanga min phuarbet chhung hi chuan zu in thiam a awm thei lo.. Zu leitur kan hmuh ang ang hi tui ti takin kan in thei zel.
ka thianpa pawh phai ramah a awm a, “Zu induh bik (elm<brand) deuh reuh te a lo nei ve a.. Mahse mizoram ah chuan a hmuh ang ang a in thei.. Local poh zuk hnial lova
May 31st, 2011 at 4:58 am
Hmmm….. MLTP act sawi lai a ni bawk a, khawnge peg hnih chiah ka in anga Office ka’n kai teh ang…. ha ha ha….
May 31st, 2011 at 10:36 am
MLTP Act hlawhtling ti ho hi chu mi dawheh, ngaihdan pawh nei mumal ngamlo mihring an ni e!!
A tha an ti anih leh ‘a tha’ ti mai se, a hlawhtlin loh zia chu kan hre tlang vek alawm le. 
May 31st, 2011 at 10:45 am
Zu hi zawng buaina tinreng thlentu a lo ni e.
May 31st, 2011 at 11:03 am
misual.comah hian Sex, Lies/jokes and Zu hi a hralh a kal ber an ti
May 31st, 2011 at 11:07 am
@NamnilengA : I nick hi
May 31st, 2011 at 11:15 am
Khaw vawt deuh, zu tui tak..
May 31st, 2011 at 11:48 am
‘A thenawmte hnena, ZU in tur pe tu chu a chung a pik e’
May 31st, 2011 at 11:52 am
Misonary te khan zu hi minlo in tir ve mai mai se kanla mawl ngawt ang.
May 31st, 2011 at 11:52 am
hmppphhh…comment peihlo
May 31st, 2011 at 1:17 pm
Hlip se a in ve duh lo ho kan va hlep nasa dawn em,an hlip theih nan kawng kan zawh mai dawn mi