Hman ni kan thianpa pakhat-in thil pakhat min hrilh a, ka awih phian a, ka han hrilhru ve teh ang che u.
Hman deuh atang khan Midum (Liberian te, Nigerian etc) ho khuan mi bum a sumdawn an ching a. US $ notes, $ 100. $50, $ 20, $10, $ 5 leh $2 $ 1 hi chemical chikhat (a hming chu sawi lo mai ang- inlo ti ve dah a nge) in an ti dum vek a. Chu chu airportah te security ten an screen pawhin a lang thei lo a, pawisa tam tham tak tak mi ramah an put-bo pui thei a ni.
(UN leh sorkar pui tham deuh hovin, rambuai leh harsa tanpuina an thawn hian an ti dum vek a, lo ru pawh nise ‘ Chemical SSD’ leh a tlukpui hmang lo chuan lehkha dum satliah a ni mai. Liberia buai vel khan UN in tanpuina Dollar tamtak an thawn lut a, mahse mi rinawmlo Midum zinga – Police officer lian te, Politician tamtak in ti ching penin a, an chhep relh nasa hle.)
Tichuan mi tamtakin mi ramah kenglut in, a pawisa tak tihdum tlem leh lehkha dum pangngai $ size chiah a chehthlak engemaw zat an chawhpawlh ta a. Chemical tlemte nen an zinkualpui ta a. Khawchhak lam, ( entirnan: India hmar- chhak) ah hian sum-rawp tak tak, nuthlawi, nula, patling, chiahpuamah pawh la harh chhuak lo an tam tih an hria nge? pawl lian tak kha inthendarhin hmun hrang hrangah an vah darh pui a, Thailand, Hongkong, Delhi, Mumbay leh India hmun thenkhatah pawh tamtak an luh pui a.
An trick:
Pawisa nei ni a an hriat te kha be tha-in, an han phun pui sep sep a, nutling /patling fingvar lemlo ho kha chu an phawk hru hru tan a, chutah business partner thar tur ‘mi hang ngat’ nei ta a inngaiin, thiantha te hrilh chak si, la hrilh chiah duh bawk si lovin ‘an thu-ruk’ chu, mi’in an han hriat hun nghakhlel takin an la thup vel a. An motor leitur te, ram lei tur leh an insak dan tur te pawh anlo suahtuah hman diam tawh ngei ang. Midumpa lah chuan, appointment siamin, hotel nuam ve takah ‘a thu-ruk’ chu a han show ta a, an suitcase a pawisa tihdum ngei chu, lehkha dum dang zing atangin a han han sik chhuak a, an chemical kha la-pua (cotton)ah tlem a han leih a, chu chuan lehkha dum chu an han hru a, a lo fai ‘hring’ ta piak a US dollar hring nalh takah alo chang ta.
Suitcase chhunga lehkha dum zawng zawng chu han silfai a dollar a han chantir nghal vek a, han hausak nghal lawih a chak awm hliah hliah vei nen, mahse, vanduaithlak takin, Chemical bur kha a lo keh tawh avangin, a vai a silfaina daih khawp an nei tawh si lo. ‘chemical’ um dang leibelh a ngai ta si. Um khat kha $ 2500 te in a ruk a hmuh theihdan te an hria a. Mahse pawisa an nei silo.
Tichuan, ‘tribal nu’, sumdawng..sum rawp a rawp, chiahpuamah pawh la harh chhuaklo ho kha chu, an mengbial kul tawh mai a, an ngaituahna lah a tawi turh tawh bawk nen, chemical um khat chauh lek pawh dollar tam fe a lei mai chakin an tui-a-hal huam huam tawh mai a. Sum nei lo pawh nise, khawkhat pawisa puk huai an sawi, ‘khum larh’ pawh cho zek zek-khawpa dawi at an ni ta…….an bank account a pawisa awm zawng zawng pawh, ATM Card hmanga lakchhuah fai-thak pawh an duh ruai tawh mai a.
Mawlhtu lian tak an neih miau tawh avangin, Pawisa la chhuakin, Midum pa kut-ah an han hlan chiah a, midum pa chu chemical leitur in a han bo deuh vang vang a, a lo let leh a a thu rawn hawn chu, “..hmuh a har lutuk a, mahse UN a thawk pakhat nen kan inbe thei ta hlauh a, mahse a awm chhun pawh $ 3500 daih a ni” a rawn ti leh ta a. Nu tling ti laklawh tawh, chiahpuam a pawh la harhchhuak theilo khawpa sum atchilh leh hausak tum ta na na chuan – midum pa-in, sum mamawhzat a sawi chu, a tih hlawhtlin sak leh ta…….tichuan, midum pa chuan $ engemawzat chu a fanghma no ei ta mai a, delay tactic hrang hrang hmangin, ruih theih thil nen, sex nen, tribal lungmawlho chu an duh ai in an kal thui ta……..tunlaiah ‘the borrower is your servant’ tih thufing kha, a letling hlauh tawh bawk si, a tawpna chu, in chhir, lungngaih, insual, duh-ai a inkhawihnat avanga, tumlo puia inthah a ni ta.
Ngaih a that-loh ve leh, Korean-pa zawngin a tlai hma-in Thailand Police a pun vat a, Police-in MIDUM ho chu an man ta a ni
Hei hi midum kawpte chanvo chi khat a ni, hengho chanchin hre chiang duh chuan “The Black money” tiin han Google chhin teh u le’m.
Similar Posts:
- Midum Kawp Chungchang
- Edu Fest ah i FIMKHUR ang u.
- Midum Ngawt maw kan buaipui tak le?
- Ho mai mai!
- A ngaihna reng ka hre lo mai
May 31st, 2011 at 2:05 pm
Chiahpuam a pherh avang a mi tam tak an buai lai a Zomuanthanga’n Delhi lam a thil buaipui chung chang a downline ho te hnena hrilh ruk dan ang chiah kha zuk nia le! Kan veng tleirawl te reuh te pawh phaiah sam siam in a thawk ve a, negro sawn a rawn pai haw hnawk mai. Hmanni lawk khan naute chu a hring. A tih ang ti ve tho, nau pai kher lo engemawzat an awm ang tih a rin theih. Mizo mipa hi chuan hnam dang an buaipui ve vak in ka hre lo.
Report this comment
May 31st, 2011 at 2:07 pm
Post thas tak a va ni em!
Nigerian ho trick thenkhat (email-a ka hmuh)chu:
-Pathian rawngbawltua inchhalin an aiawha an pawisa lo dawng tura sawmna
-A pasal Millionaire-in Cancer avanga a boralsan hnuah a sum chu lakchhuah a ngai a, chu chu lo dawn sak tura sawmna
-A pa sawrkar milian thi tawhin ro sum tamtak a hnutchhiah chu sawrkar milian dang hovin an chhuhsak a hlauh avangin ram pawna thawn chhuah a duh a, chu sum dollar maktaduai fe chu lo dawnsak turin (tumah hrilh lo turin!)
Report this comment