Hmanni deuha Armed Veng South a lungrem chim kha a sarhu laiin kan tichhuak lo va, a hnua post rawn lut kan han publish meuh kha chuan kan lo hre vek tawh a, chanchinbu ah te pawh kan lo chhiar tawh hlawm a. Duh angin kan lo rang tawk lo a, misual users te kan lawmlo tih kan hria a, kan inthlahrung hle mai. News pawimawh leh hriat nghal vat chi hi chu a rang thei ang bera tihchhuah hi kan duh a, kan zavaia kan tanrual hi a pawimawh hle a ni.
Breaking news tam zawk hi chu kan hriat veleh hian comment ah hian kan sawi nghal a, chu chu midangin an rawn sawi zawm leh a, tikhan topic hranpa pawh awm lemlo khan post dangah kan sawi ho ta thin a. A hranpaa post a awm miau loh avang khan tihtheih dang kan nei tlat lo.
Hmanah khan Breaking News tih page kha a awm thin a (nula mu lai lem awmna kha). Kha kha engatinge kan hman tawh loh? tih zawhna a awm. Khami page kha update theih ringawt a ni a, comments a pek theih loh a, post hranpa angin a kal thei bawklo a. Post hranpaa a awm hian a ti hlu a, chanchinthar kan hriat belh te pawh rang takin a update nghal zung zung theih a, comments atang ten update tha tak tak kan hmu thin bawk a.
Engtia tih tur nge?
News chhuah ngei tur khawpa pawimawh hi a hre hmasatu kan nih chuan inthlahrung hauh lo in post hi han siam thawr mai ila. Hriatchian erawh a pawimawh hle thung a. “A ni maithei” tih vel kha chu ni lo hram se. Post chu in peih veleh “Contact/Help” tih atang khian breaking news in submit thu rawn sawilang ta ula, chhuah vat a tulzia nen. Comments a in sawi kan lo hmu lo palh a nih pawhin Contact Form atanga in rawn sawi chuan kan lo hmu ngei ngei dawn a, post chu kan tichhuak nghal mai dawn a ni.
Thu belhchian dawllo chu kan ziaklo turah han in ngai phawt ila. Ka post hi chhuak vat se ka tih avang khan news lutuk pawh ni lemlo kha submit lo bawk ila. Thil thar kan hriat zawng zawng pawh kha submit kher lo bawk ila. Pawimawh leh pawimawh lo chu kan thliar thiam vek turah i han in ngai phawt teh ang. Kan tanrual hian news pawh rang tak takin kan tichhuak thei a ni tih i hre thar leh ang u.
Thubelh:
Post chungchang sawia kan sawi tel ngei ngei lo sawi leh lawk ila. Post kan siamin kan duh ang zan a nih hma loh chuan Pending ah hian dah lo ang u. I la ziak zo lo anih pawhin Save as Draft tih ah khan click la Draft ah a awm rih anga, i duhthusam anga i ziah zawh hnuah Submit for Review tih kha i click chauh dawn nia. Post scheduled hnua kan khawih danglam leh hian scheduling te hi a tibuai thei a, kan post khan a chhuah hun tur a skip thei bawk a ni.
Leh lawks:
Punctuation! A va pawimawh em! Khawngaihin SMS language hmang lo hram ang u aw. Paragraph sei lutuk hi chhiar a hahthlak a, uluk takin paragraph i siam ang u. Sawi duah lo ang, muantea te chemtatrawta te’n an lo ning palh ange.
Similar Posts:
- Rawtna Tlêm
- Sorry
- Misual May (2013) Bihchianna
- Delhi ah Mizo accident
- “Ka Post.. Khawnge I Awm?” (leh Picture post dan)
May 30th, 2011 at 8:56 pm
Tha e
May 30th, 2011 at 9:04 pm
Hotunu says “Punctuation! A va pawimawh em!…Sawi duah lo ang, muantea te chemtatrawta ten an lo ning palh ange.”
A diklo khi siamtha nghal la
May 30th, 2011 at 9:07 pm
Alo Nih Tak chu… hehehe
May 30th, 2011 at 9:14 pm
#2 sisen ka pass tawh em?
May 30th, 2011 at 9:17 pm
“Contact/Help” hi ka hmang tangkai khawp mai hairehai
Chhuanlam a awm tawh hi chuan thil felhlel a awm tawh thin. Thil dik tluang pangai ah insawifel/sawifiah angai lemlo
:Ka tlanchhe daih…phiiirrr :
Pangtuet tur chiatchhuat
May 30th, 2011 at 9:23 pm
Punctuation chungchanga misual.commer te theih ang tawka kan fimkhur leh kan duhtui hi chu a hlu ngawtin ka hre thin. Tun hnaia ka vei thar leh em em pakhat chu:- ‘ Aw’ hmanna tura ‘O’ hmang kan awm leh thin hi a ni. Paragraph danga chhep tha viau si; mahse ‘aw’ hmanna tura ‘o’ hmang leh ta tlat thin hi kan awm leh thin a. Entirnan: Mawia tih tura ‘Moia’ tih ang chi hi a hluar riau. A dang pawh kan ziah dik theih chuan hei pawh hi i ziak dik hram thin teh ang u.
CFL 
From:
May 30th, 2011 at 9:26 pm
Pending a reitak awm tawh, chhuah tik ni awm mang si lo ho te saw engtihna nge ni ngai? Trash a kal mai chi anni lo maw?
May 30th, 2011 at 9:27 pm
Hotunu, hming bulah capital hmang la, chuan Muantea te, Chemtatrawta te’n tih ni zawk se ka ti ve mai mai.
May 30th, 2011 at 9:29 pm
sisen, an nick an ziahdan thlapin ka ziak a ni e.
May 30th, 2011 at 9:29 pm
muantea-te,(comma) chemtatrawta-te tihtur..
May 30th, 2011 at 9:33 pm
tihian sa tawh ila a tha ang..”Mizo kan ni kan in ti high, Ka phunchiar bawk si” … ( mizo kan ni kan hmel a tha .. kan tum a sang bawk si.. tih tluk khan lo sa ve teh )
May 30th, 2011 at 9:34 pm
U chema sawi ang hian
May 30th, 2011 at 9:35 pm
Hotunu nge nge i ti tha e. Ka hming i ziak tel hram a, ka sual hmel
Ka first na tur bik post lo siam bawk la 
May 30th, 2011 at 9:38 pm
chuan keiin ka lo second ve anga..
May 30th, 2011 at 9:40 pm
@muantea hmanni ah first ka kian tawh che a, tunah first na tur post lo siam la i ti bawk. Aw mihring hi kan va duham ta em!
May 30th, 2011 at 9:46 pm
A la dik lo, hyphen dah a ngai lo. ‘te’ khi conjunction a nih avangin a hranga ziak tur a ni. Ent. muantea te, chemtatrawta te’n (tenawm tiha ‘ten’ thluk ni lovin, ‘a men puai puai’ tiha ‘men’ thlukin) tih zawk tur a ni e.
May 30th, 2011 at 9:47 pm
@15 aduhi, lungawi lohna khawvel nihzia a lang chiang khawp mai .
(I)CFL
May 30th, 2011 at 9:48 pm
Nia, Aduh… duhamna hian ka khat liam zawih zawih a ni ber e
May 30th, 2011 at 10:08 pm
Pos poymoh tk a nh hi. Ng, e, misual zz in zwm i tum vk ag u. Ky cu k thym ag twkin thu jiak cu k ulk ve thy viau sin mole… Hotunu soi ag hyn, p’tion te hi hmg ulk hrm2 ag u o. Inzir vek kn ni c a. T ve khglag ila…
P aduh, dam m? ne tih? nai tuk ce. Nak znah lo leg dwn!
May 30th, 2011 at 10:17 pm
K mt sn my dn ce u,magtha vk ule,
May 30th, 2011 at 10:20 pm
#19 leh #20 cu in va sual my my e oo, in coment te hi k cinciah in k xiak cuak tlap nya ooo
May 30th, 2011 at 10:33 pm
haha..sir aduh…lolz…block daih la..an sual tlats…chuan zia (suffix) hi a hman dan turin i hmang hram hram ang u..ka vei ve tlats.
May 30th, 2011 at 10:54 pm
awhaw… Hotunu sawi ang chuan tih vek tur
May 30th, 2011 at 10:58 pm
SAWMHNIH leh PALI _ na
May 30th, 2011 at 11:01 pm
@19… @20 …. @21______ hahahahahahahahahahahaha
IN VA NGEIAWM MAI MAI …. tak em…hahaha 
May 31st, 2011 at 1:24 am
A tha khawp mai. Zawm vek i tum ang u. Comment 7-na khi ka rilrua awm tak. Draft leh pending-a hun rei tak awm tawh, a ziaktute paw’n an ngaihsak tawh lem loh hi a awm nual mai.
May 31st, 2011 at 1:40 am
Armed veng south lungrem chim post ah khan mi pakhat ni a ka lo rin ka sawi ve a, a post tupa in a nilo a ti tlat mai.
muahaha
May 31st, 2011 at 2:38 am
‘break reng’ news post siam mai rawh u, chuan 1st ti duh ho post pawh
May 31st, 2011 at 5:05 am
muante, #16 “Men puai puai” i tih ang khi Pu James Dokhuma kha chuan, “Men piai puai” tih tur a ti tlat nia!
May 31st, 2011 at 6:14 am
Aduhi inpezo lutuk hi ka chuk dawn amawn le.
May 31st, 2011 at 7:18 am
Tha leh dap dap khawp mai!
May 31st, 2011 at 10:33 am
A chhiar liam tu mai nilovin a zawm tu ni ila .. he he
