mi(sual).com

Tunlai hian Pathian thu lam post a tam hle a… Adama thlah kan ni vek lo tih ang thu hian min cho phur deuh. A ziak tu hi a peih hmel hrawt hrawt viau leh nghal a, a intih fin hmel hle bawk. Ka ngai sang hran lo nangin a taimakna erawh ka hmuh hmaih lo ve. Hetiang lam hawi hian in sawi ve dawn teh ang….

Sakhaw chung chang sawi dawn hian ril tak tak leh thuk tak tak in mifing ten an sawi thin. Tun tumah chuan zo tak leh mawl takin a ni sawi ka duh ni. Ahmasain heng zawhnate hi mihringah a awm thin.

(1) Engvangin nge Khawvelah ka lo pian ve ngawt mai le.

(2) Enga tinge ka thih dawn.

(3) Khawvelah hian enge ka tih tur.

(4) Ramhuai leh thlarau tih vel hi an awm tak tak em ? heng lo pawh hi zawhna tam tak mihring hian a in zawt thin a ni. Mihring hian makna leh theihna thuk tak a nei a, Ngaihruat thiamna leh hriatna thuk tak anei chu chu a ni Sakhua lo in tanna Pakhat chu.

Tun hma a tangin Mihringte, hnam ze tin renghi an mawl emaw mawl lo emaw pawh nise Sakhua hi an lo nei vek mai a lo ni a, an standard a zirin an Pathian hriat dan a changkangin an fin dana chang kang lo mai a lo ni. Fiamthu a an sawite pawh tiang hian a ni. Tuikuk Piangthar pakhat chuan, ” Vanramah chuan Dap chhuatah bawk ang veng vawngin Thingpui sen hang kan dawm tawh ang” a ti an ti. Ni e, tun thleng  pawh hian kan Vanram suangtuah dan chu a in chen lo thei hle awm e.

Kan pipu ten, Pu.Vana leh thlarau sual chi hrang hrang heng: Chawmnu, Tui huai leh a dang dang an lo neih te kha puithuna atthlak an neih vang a ni ngawt lo, an hria(feel) a ni. Mosia Aigupta rama Pathianin a tirh dawn pawh khan “Awma ka ni” ti in a in hriattir a nih kha. Chuvang chuan Mosia pawn “Awma chuan” ti in thu a sawi thin.

Mosia hun hmalam ah chuan Abrahama Pathian, Jakoba Pathian, Isaka Pathian tiin Pathian chungchang an sawi thin. Thuthlunghlui hun ah khan Thih hnu awm dan tur an hriat dan pawh a beitham khawp mai “Seoul” an ti a, dam ni silo thi nisi lo nun chang changna angin an hria a ni. ‘ Seoul chuan a fak thei lo che’ tihte pawh Bible ah kan hmuh kha mo le. Pathian inpuanna mihringte zingah a nasa tulh tulha Lal Isua khawvela a lo kal lai khan Pharisai leh Sadukai( Thlarau awm ringlo) te pawh an lo inawm pawlh ta nawk mai a nih kha.

Paula chu Atheni khua ah akal a pathian a tan a an biak milem ahmuh teuh chuan a thin a khei hle a, chung zingah chuan ‘Hriat loh pathian tan’ tih in tar ahmu a chu tak chu tan chhanah hmangin ‘ ISUA Hi  A NI’ a ti a ni. Ka sawi tum tak chu hei hi a ni. Mihring hian tu hnam leh tih dan emaw lachhawng (Copy) mai lovin Pathian hriatna a nei  tih hi. Hei takhi Setana chuan remchangah la in engthuamin a inthuama Sakhaw chi hrang hrang a lo pian chhuah reng ni.

Gautama Budha in ‘Eng’ hmu nia a in sawi kha setana eng lem a ni e. Hindu ho serh leh sang zawng zawng pawh Setana eng hnuhma, mihring chaklo te hnena a bumna a ni bawk. Chuvang tak chuan Kristiante chuan la hrelo te hnanah, Lal Isua tawngkam takin, ‘ Riangvaite hnanah’ chanchintha hril tur a thu pek kan ni reng a ni. Missianaryte an kal chhuah hial hi. Sakhaw dang be tute nunhi a rapthlak asin, Inthawi nana Mihring hlante, Hmeithai halte… a tam lutuk . He tih kara Hindu ho Philosophy emaw Pathian hriatna thehlep tak vuan chunga Bible ka lepse vel e…. lo tih hi a Setanic khop mai.

Bawhchhiatna avanga mihringin Pathian a then hnu khan Mihring chu Pathian anpuia siam a nih tlat avangin amahah kimlo bo (lost) a awmta a ni. Chu tak chu a ni Mihringin a hriat leh achian theih loh chu ni a;  Sakhua lo pianna bul chu ni. Pathian leh Mihring inzawmna hi Sakhaw serh leh sang chauh a ni lova, Mihring nun peng tin renghi a ni zawk, chu vang chuan miin hlimna leh nawmna zawng a thil thalo tin reng a lo tihna hi a ni. entir nan, Nulat tlangvalna, zu leh ruih hlo, finnate,  Sum leh pai duhamna vanga eirukna tin reng lo chhuak ta te hi.

Mizote hi thlah chhawn kristian kan ni rohva, Pathian nena inzawmna tha kan mamawh tih hre tak tak silo hian tam tak chu kan Kristian a, Gospel campingte pawh Thil reilo sawi nan kan hmang ta lek lek mai.. Pathian nena inzawmna chat tawh chu Pathianin afapa mal neihchhun rawn tir in INREMNA a rawn thlen a ni. Chu nun hmu fiahna chuan Mihring nunhi a khawih danglam vek thin a ni. Chu chuan pawn lang tak a Sakhua kan tih mai nilo vin Nun peng tinreng a sawi dang lam zawk a ni e. He nunhi Zoram mamawh ani e, KA UNAU…..

Similar Posts:

• Isua hi Pathian a ni
• Kristian sakhua leh Mizo hnam sakhua danglamna
• Kristian ka ni em?
• Zo Sakhaw Zepui
• Pathian hian mihringte hi a hmangaih tak tak em? PART-I

Recent Posts:

• Edenthar venga Kumpuan committee member Pu Lalzarliana chu phone hmanga ko chhuakin na taka sawisak a ni.
• Ka Hmangaih Matlan-i kha aw….
• Ram Mamawh Hmangaihtu Dik
• Ka hmanlai ve chuan (Part-II)
• Goodbye Bafana (Mangtha le, Taite)

This entry was posted on Friday, June 3rd, 2011 at 10:00 pm and is filed under Religion. You can follow any responses to this entry through the RSS 2.0 feed. You can leave a response, or trackback from your own site.