Nizan dar 12 pelh hnu khan Edenthar venga Kumpuan committee member Pu Lalzarliana chu phone hmanga ko chhuakin na taka sawisak a ni.
Thudawnnain a sawi danin Pu Lalzarliana kum 41 Edenthar veng hi Branch YMA Kumpuan Committee member tangkai ber te zing ami a ni. Chhiahtlang khawchhuak niin a nupui leh a fa te 3 nen mi in luahin kum 10 vel Edenthar vengah hian an awm ve tawh. Chhungkaw eizawngtu ber a ni a, a rem rem thawkin a in hlawh thin a, an chhangchhiat lai a nih avangin an khawsak pawh a harsa hle thin. Heti chung hian khawtlang rawngbawlna thilah theihtawp chhuah tlat thin a ni a, zanlaiah pawh a tul chuan amah chauh pawha khawtlang duh loh thil ti te um a man mai thin a nih thu Edenthar YMA hruaitu te chuan an sawi.
Nizan zanlai vel khan Pu Zara chu tui takin a mu tawh a, a phone a rawn ri a, mi pakhat hian ‘ruihhlo kan man a, rawn buaipui lawk teh’ a rawn hrilh a, Chanmari thlanmual peng bul a han thlen chuan mi insa-a a inhlawhpui thin Dawngtea chu lo awma, Dawngtea chuan ‘Engatinge ka pu hnena min hek’ tih pahin a mit vei lam koah thing tum ban chen velin a hlap ta chawrh mai a, Zara hi a tlu hnawk a, a tho leh chu an in lam panin a tlanchhe nghala, chutia a tlan chhia chu Dawngtea hian umzuiin a hnungzangah a rawn hlap zui leh nual bawk.
A lu-a hliam a tawrh avang hian a thluak lam khawihin a ngaihtuahna a mang deuh pawh a ni maithei, a chunga thil thleng hi a chhungte hnenah engmah hrilh lovin khumah chuan a mu veleh mai a. Zing khua a lo vara a nupui chuan kaihthawh a han tum chuan, an pa lu atanga thi baw nuaih chu a hmu ta mai a, hlauthawng tak chuangin kaihthawh a tuma, Zara hi biak theih a lo ni tawh lo.Thenawm khawvengte punin poilice-ah an report ta nghal a, damdawiin an pan pui ta a ni.
In atanga an pawm chhuah laite chuan Pu Zara hi mumal lo takin a au a, ‘Khawngaih takin min ngaidam rawh u, min khawih tawh suh u’ a ti tuar tuar niin dthu dawnna chuan a sawi. Hospital an thlen hnu pawh chuan thil zawhfiah theih a ni lo hrim hrim a, tu khawih nge a nih, tu kut tuar nge tih pawh an hre mai thei lo a ni. Amaherawhchu vanneihthlak takin vawiin chhun dar 12 vel khan Pu Zara hi a rawn harh tha ta viau maia, amah khawihtu hi Edenthar venga Pu Lalnghengpuia In sakna-a a inhlawhpui thin Dawngtea a nih thu leh a koh chhuah dan te pawh chiang takin a sawi thei ta a ni.
An inhlawhna pa Pu Lalnghengpuia hian a sawi dan chuan Zara hi a IN sa in a chhawr ve thin na-a ni thum vel a chawl tawh a, a hnenah Dawngte hi a hek lo hrim hrim. Dawngtea zawk hi chawlhni zanah khan hawng lovin zing dar 4 velah a hawng a, a tuk Thawhtanniah nilengin a mu a, a awmdanah ka luingawiloh avangin a hlawh a lak bang zawng la-a inthiar fihlim turin ka hrilh a, ngaihdam, pawh min dil chuang lo a, a thawmhnawte a la a, chu chu ka hmuh hnuhnun ber ani a, Zara hian a heklo a ni, a ti.
Thudawnna in a sawi zel danin Dawngtea hi Champhai chhak Mualkawi khawchhuak a ni a, amah hi kum 28 mi vel niin hriat a ni. Dawngtea’n a mah a in sawi dan chuan a hming hi a Pu in Tangkapuidawnga tiin a phuaha chu chu duh lovin Laldawngliana tiin a hming a phuah tha a, amah hretu leh a thian ten Dawngtea tiin an ko thin niin a sawi.
Dawngtea hi tunah zawn mek a ni a, vawiin chhun khan a bialnu, a fa paimektu Serchhip a awm chu a bia niin khawtlang hruaitu te hian an sawi bawk.
Thu lakna: Vanneihthanga Vanchhawng
August 16th, 2011 at 9:37 pm
ka hmasa ber em ๐
August 16th, 2011 at 9:39 pm
Ka dawt em
August 16th, 2011 at 9:42 pm
Zia lo thei hle mai. ;-(
August 16th, 2011 at 9:44 pm
Thil chiangkuang lo ava tam ve. Thlanmual atangin nikhaw hre mang lovin a haw ringawt pawh khi a mak tham nih khi mawle. A pawi hle mai, an khawngaihthlak bawk si. A vawtupa pawh hi a hma hun chhah ve khawp mai a.
August 16th, 2011 at 9:50 pm
post poi tak ani
August 16th, 2011 at 9:50 pm
aw ava khawngaih thlak ve, pawi thei thin khawp mai.
OT loks– Chhiatna lam thil post ah hian ka first, ka second– ka helh deuh tlat zel kei misual pakhat hian– Fiamthu huang ah hi chuan pawi em em lo.
August 16th, 2011 at 9:54 pm
tiang hming top hmuk ho hi tihlum mai sela, tuirial kamah pastor rau deuh ri ria in tlemte thu fahrah te fah sela, tuk hlum hmiah2 sela tha ang a…..
August 16th, 2011 at 9:55 pm
Post hi comment hma in i chhiar phawt zel ang u tih ka rawn rawt e kei misual hian
August 16th, 2011 at 9:57 pm
1st leh 2nd nih tum te kha, lo thinrim lo ula, misual ah hian topic pawimawh leh fiamthu huang awm thin a, inbuaina khan tumah min impressed lo…..duh leh last ka ni ti ten in ron comment leh dawn nia
Back to post: hetiang lam buaina hi kan la hmachhawn dawn chauh a ang, sualna pun tur thu chu Bible ah hrilh lawk chu kan nia, mahse kan zoram unau awmza ah hian chuan thleng tawh lo se duhthusam…
Kudos PuHV,mizo web dangah he news hi ka la hmu lo!
August 16th, 2011 at 9:58 pm
@7 tun tum chu ngaihdan tha a pawh a thin rim ve ta, pui khawp mai tren tren table lamp ๐
August 16th, 2011 at 10:00 pm
Huatna tur chhan dang a nei a ni thei mai la’ng maw?
A pawi hle mai, violence hian siamthat aiin tihchhiat a nei zawk zel a pehhel tum hram hi a va tha em!
August 16th, 2011 at 10:02 pm
Ruihhlo kaihhnawih a ni em lo ang a?
August 16th, 2011 at 10:02 pm
A va rapthlak ve.
August 16th, 2011 at 10:06 pm
khawchhak lam bawk a ni..
August 16th, 2011 at 10:07 pm
@zephy: an tih awm tawkah ngaihsak mai2 rawh..an thiltih hi an hre lo a ni.! Sawitur ka hriat vak loh chuan ka ngawi mai.. kei chu. mahse an thu thu a nia, sawi tur ka nei lo.
August 16th, 2011 at 10:07 pm
Zia lo ve aw, in sawisak tih lam hi chu ka hlau tlat, ka tha a khur comment pawh ka type sual แนญep a lawm le.
August 16th, 2011 at 10:08 pm
Ka rilru a awm mai mai chu, Dawnga hian a vawthlu chak hi chhuanlam a zawng zawng mai mai ani thei angem le? Amah Pu Zara lah khawtlang a lo inhmang ve tak, Ruihlo zuar te leh Zu zuar (amah anga retheih puite) te tana ngeiawm ve tak te pawh alo ni ve thei thova. Hetia dawt muhlum tawp hmang a, zanlai a mi mu lai bum chhuak a, vaw hrep tur hi chuan ka ring chiah lo.
August 16th, 2011 at 10:12 pm
He ti taka nasaa kutthlak duh ta hi chu a thinur ve hle ni turah a ngaih theih a. Dawngtea hi man thuai thuai sela, thu chiang hriat chu a chakawm hle mai. ;-(
August 16th, 2011 at 10:13 pm
an in vua elaw ???
August 16th, 2011 at 10:18 pm
‘fone’ hman tak hi chu aw.. Khi pui, ka type chhungin ka sawi tum min lo sawi khalh leh teuh tawh.
A vawtu chu, ‘A vawtuin ek a cheh’ tih tur khawpin han hlap ve se la..
August 16th, 2011 at 10:24 pm
dawngtea khian eng thiamthu tak sawi ve ang maw
August 16th, 2011 at 10:32 pm
A va pawi thin em ve aw..
August 16th, 2011 at 10:33 pm
Hey den rial night a ka hlim tehreng nen! He Post ah hian ka alh leh ta pup mai.
A zawmthawtna vangin a thianpa kut a thlak a, hmanraw hmang leh nghal in!! Grrrrrrrrrrr
August 16th, 2011 at 10:42 pm
kumpuan lam nen a inkungkaih thui vak emaw ni le…thupuiah kan hmang kuau mai si a; Hlawhfa in a inhlawhpui แนญhin a vua a ni mai em, tuna kan hriat chinah chuan…
August 16th, 2011 at 10:45 pm
a zia lo thin ngawt mai….dam tlan kan mamawh asin le….damdawi lam kaihhnawih a nih hmel…
August 16th, 2011 at 11:11 pm
A pawi khawp mai
August 16th, 2011 at 11:18 pm
A va zialo ve aw.
August 16th, 2011 at 11:19 pm
a sual hle mai maw..
August 16th, 2011 at 11:19 pm
‘Khilam’ ho khi an buaithlak! Nunna a hlut tehlul nen. A damchhuak em ang chu. Misual chu man a a phutawk hremna pek ngei ni se. Diktak chuan violence lam hi chuan min tikhur.
August 16th, 2011 at 11:59 pm
Dawngtea hi ka hmu tawh thin tlatin ka hria.
August 17th, 2011 at 12:01 am
sheldon170 #29, khilam, khulam, sawlam tih tawngkam hi thlauhthlak hmak a tul ka ti. Misual chu misual anni mai. (N)
Mualkawi ram hi Champhai atanga ke a kalin Sanghal kan zimna tawh thin ani ve tlat.
August 17th, 2011 at 12:14 am
Tinge mawni le Tangkapuidawnga chu a va sual phian ve! Thluak thawk deuh deuh hi an lo thlathla a.
August 17th, 2011 at 12:16 am
#31, super like! Rin ang ngeiin mualkawiah chuan hnuhma I lo nei leh zeuh ta maw… Nang hi chu aw…!
Chhan leh vang chu a awm ngei ang. Kan venga JAC pakhat pawh engemaw hlekah edik kutthlak a ching lutuka, tlai khat a leng haw hnung lam atanga vuak an tum mai chu, a hlau teh a sin.. a kut a ram reuh lutuk a…
Dam thuai2 turin duhsakna ka hlan e. An chhungkaw dinhmun ka ngaihtuaha ka lainat takzet a ni.
August 17th, 2011 at 12:22 am
A va rapthlak thin em…. :-O
Nunna em kan chan lova a lawmawm zawk e.
Misual chuan a phu tawk hremna hmu ngei rawh se…
Ni e #31 a Pu HVa sawi ang khian khilam tih tawngkam hmang misualah kan han awm leh thin hi chu a pawi ngawt mai..
August 17th, 2011 at 12:37 am
Good informative post
August 17th, 2011 at 1:46 am
“Mi kutthlak sam lutuk hi chuan an tuarlet chawk”, an tih kha a dik nachin chu a awm ngei ang,.. Pu Zara hi chu ka hrelo na a……
…2005 bawr vel x-mass hnaih lamah khan, hun khawhral satliah tura thiante nen kan chhuah tuma ka thil tawn, ka theihnghilh theihloh chu; Veng pakhat kumpuan dutyte’n an veng tlangval pahnih anlo vaw/sawi mai kha chu aw, ngaihthlak ava han hrehawm tak. Tu pa mahin khatiang khan an fate an vuak ka ringlo. Hun a kal ang a tlangval pangai takah leh puitling takah an chhuak ang a, nunna hial pawh chan ngama thungrulh duh hi an awm lovang tih sawitheih a nilo…. Chuvangin fimkhur a ngai takzet , puitling tak tak chin tihloh, kutthlak samlam lutukte, inti engemaw deuhte leh hampuar nuam chi deuhte hi chu duty tirlo mai thinse tute tan pawh a him zawk hial maithei a ni, fimkhur luatah… Khami tum pawh khan an inhampuar ni berin ka hria, kan bula lokal pakhat phei chuan a hneknatzia hlir kha ala sawi chhen, duhtawk a hnehin mi sawisak kha an khamloh hmel khawp mai. Engpawhnise, a tam apiang chakna hmun khawvel kha kan awmna hi a ni tlat a, tihngaihna dang a vang rih em a ni tunah chuan, hruaitu tha deuh kan neih hunah phaktawkin kan la bei ve ang chu ……. (@) ๐
” Prevention is better than cure ” .. (H)
August 17th, 2011 at 2:36 am
Dawngtea chu kan khawchhuak a ni maw?!! Ka va hre ngai lo ve le. Tun hmaa lo awm tawh thin a niang han ti dawn ila amah a la upa lutuk bawk si lo va. Kan khaw chhuak a nih ngei leh ngei loh chian vat tur a nih hi. Zoram haw hunah tal chuan ka hre chhuak thei em ang chu maw.
August 17th, 2011 at 2:59 am
Atom c # 36 i sawi takah chuan, a rei leh ta… kan thianpa pakhat kha VDP in a lenrei avangin a mittuamin an vaw dawn a. Hetih lai hian kut leh ke an phuar a, mit an tuam a, tairaw tiang/tai tiangin an hlap hrep mai thin kha ania. Ani chuan, “Hei min sawisak hmain tunge awm che u ka hmu vek che u ania. Min vaw hlumlo anih chuan a mal malin ka khawih leh vek ang che u,” a ti. An vaw hrep a, a hnuah a mal malin a khawih ve hlawm. A khawih vek em chu ka hrechiang ngamlo nangin, a thu tiam a sut lo khawp mai.
I sawi ang khi ni e, a la thleng zeuh2 in ka ring thin. Ala thleng har ka ti zawk ngawt mai, kan rilru dawih vang pawh ani hrih mahna!
August 17th, 2011 at 3:21 am
Kan hna theuh hi rinawm takin thawk ila, khawtlang tan a kan thawk a nih pawhin khawtlang thatna tur liau liauin dik tak fair takin mi lian leh mi te sawi lovin, tuar pawh huamin.
ka tuar pui khawp mai, chutih rualin mi dik leh rinawm a nih phawt chuan Pathianin tam takin a rul let ngei ang tih ka ring tlat a ni.
August 17th, 2011 at 4:56 am
A khawngaihthlak hle mai.Dam thuai tur in duhsakna ka hlan e. Dawngtea thukhawchang ngaihthlak ve ava chakawm ve..
August 17th, 2011 at 5:35 am
Pawi thin hle mai…Tangkapuidawnga mai mai chu…ropui lo tiah tiah
August 17th, 2011 at 7:27 am
Misualpa pawh man a ni tawh e.Nimin tlai dar 5 vel khan New Serchhip College pengah Police ten an man, nizan la la khan Aizawl rawn thlen puiin Central Jailah an dah lut tawh e.
August 17th, 2011 at 7:33 am
Raltepa #42 i ti lawmawm e (Y)
A va lawmawm em! (Ralte)
August 17th, 2011 at 7:39 am
An man leh hma khawp a lom, Central Jail ah Tangkapui lo dawn tir dawp dawp teh se.
August 17th, 2011 at 7:41 am
Chanchintha kan buaipui loh pawhin chanchinchhia hi kan buaipui tho tho thin zawng anih hi. Tharum thawhna thleng thin tam tak chhan leh vang hi a ho sawt viau mai. ‘Hmangaihna a dai zo ta….’ tih hi kan zoram khawvel hun hman mek a ni e.
@ Pu. HV-a te chu Diltlang, Ralvawng, Zotui tih vel pawh sawi ila ‘nia, chumi hmun, khatah khan , chumi khami …’ ti thei tur kha a ni ve chiang alawm. Kan naupan laia ‘General-kiltintawka’ an tih ka hrechhuak….he2
August 17th, 2011 at 8:09 am
“a hming hi a Pu in Tangkapuidawnga tiin a phuaha” Mizo tawng, mahni tawng ngei hman dik loh kan ngah mai, chung zingah chuan he chanchinthar lungchhiatthlak tak maiah pawh hian “hming phuah” tih hi a awm hlauh mai. Hming hi ‘phuah’ tia sawi ani ngai lo, ‘sa’ tih zawk tur ani. I fimkhur zui zel ang u.
August 17th, 2011 at 10:26 am
A tlai a tlai in comment ve teh ang. A headline a “Kum puan committee member” han tih hluai khi an in vuakna chhan nen a inzawm chiah lo anih hmel. A inzawm loh chuan Kum puam committee a tel chu a relevant lo tihna ani a. Pu Lalzarliana, vei khawr UPC da lam, feet 5 5″ a sang Kg 74 a rit fanu 3 nei” tita sela a relevant chuang lo va, mahse kum puan committee a tel tih nen a in ang reng.
August 17th, 2011 at 11:05 am
Sual do hi fimkhur a ngai hle mai tih min hriatchhuah tir. Mahni mihring pui do ni lovin sual min tihtirtu kan do a ni tih hi hriat tir fo thin ang u. In vuak a vang hian kan tha moh khop a nia. Jail a dah an nih vang hian rilru dik an pu vek chuang si lo. A awmna veng kohhran leh thalai polte u. In bulah nangmahni mamoh tu ten ring takin an ko ce u. Nasa lehzualin han zuang chhuak teh u.
August 17th, 2011 at 6:15 pm
Zonet chanchintharin a puan dan chuan pawikhawihtu hi Laldawngpuia kum 23, Durtlang inti a ni awm e. Insaknaa inhlawh ho an ni a, an hnathawhna-ah inhmuhthiam lohna an nei a nih hmel????
August 17th, 2011 at 6:30 pm
rlchhana #46 ziak ka thiamlo viau nangin ka ziak anilo hlauh ๐
ZerO #49 thang khiu (Y)
August 17th, 2011 at 7:12 pm
Kut inthlak hi a tha lo ka tih zawng tak ani a.
Tin Police &Excise ruihhlo man tu tur an awm reng a hlawh pawh nei lova chhungkua eizawngtu ber an vak chhuak fo hi tha ka ti lo mai ni lovin ka thil tih duhlo hualhual ani.
Chuta chhap a mi manbehsa mit tuam sak a kut thlak ching ho hi ka ten em em bawk.
Chutiang ti mi chuan kut an tuar fo an tuar zel bawk ang.
A thupui nen a thu a hi a inmil loh hmel ka ti.
August 17th, 2011 at 9:07 pm
Pu Zara chu a va khawngaihthlak ve aw