1. Ka thian pakhatin he thu tawi te, Alice Kerr-i ziak hi min rawn thawn a. Alice Kerr-i chu Lower Bucks, Pensylvannia( USA) a cheng niin Compassionate Friends an tih mai, fate sun tawhho intelkhawm pawlah a tel ve a. A thuziak hi a tawi hle naa, chu chuan a hlutna a tinep lo hlein ka hria. Alice-i chuan a thil tawn atangin hetiang hian a ziak a:
I fate i sun tum khan,
I hun tawn chu a harsat turzia ngaihtuah lovin i kiangah ka awm lova,
Hmun dangah ka awm daih a;
Ka thlahthlam che a.
Chhuanlam ka siam a-sawi tur ka hre lo va,
Eng nge tih tur pawh ka hre hek lo.
A thil tawn chuan min tihlau va,
Hnem dan tur lah ka hre lo,” tiin.
Tichuan nikhat chu
ka fa ka sun ni a lo thleng ve ta.
Ka hnen lo thleng hmasa ber i ni a,
Ka kiangah ngawi rengin i thu a,
Ka thusawi i ngaithla a.
Ka lung a chhiatin ka kut i vuan a,
Ka tahin min kuah a.
Min thlahthlam lovin ka bulah i awm chawt a.
Tichuan nangmah ngeiin ka hriat ngai loh
zirlai thar chu min zirtir ta.
Chu chu ‘Ka hriat ngai loh kha, tunah chuan ka hre ve ta,’ tih hi.
William
Destreet
2. Lalpa, ka fapa hi -
A thil tih zawng zawngin a duhzawng a thlen vek dawn lo tih hre turin pui ang che. Kawng awlsam leh nuamah ni lovin, harsatna leh chona a hmachhawn theih nan kawng bumbohah zawk hruai la, harsatna thlipui hnuaiah pawh nghet taka din zirtir ang che. Tlute khawngaih tur leh kai tho turin lainatna rilru neihtir ang che.
Douglas
MacArthur
( duh ang hawi zawng ang anga comment theih a ni e)
source: Kristian Thalai
Similar Posts:
- Thawnthu Tawi Inziahsiak – kar hnih a la awm e
- Engah nge i innghah?
- THIAN RINAWM
- Zawite in ka kal dem dem tawh ang!
- Hmangaih lehkhathawn
June 4th, 2011 at 4:46 pm
49. Census not cencus. Typing mistake.sorry.
Report this comment
June 4th, 2011 at 5:06 pm
Tha khawp mai, hetiang lampang chhiar hian min hneh thei riau a nia, hei vang hi a ni mahna, Chicken Soup for the Soul tih pawh hi Best seller a nih phah hial. Patling pawh mitui parawl tuau in min siam thin nia,…
Report this comment
June 4th, 2011 at 6:29 pm
@ 49 Pkfanai, a lawmawm e, ni e, 2011 chhiarpui hma chu 2001 a ni.
Arunachal east lama an hnam lian ber Tangsa hnamah pawh hian kristian an tam tawh khawp mai. An biak in hmasa ber pawl chu khasan-ah khuan a awm a, 1969 a din a ni. Tun hmaa setana bill an passedna ramah khan, kristian minister leh MLA te an lo awm ta!
Chhiatni thatni-a kan intawiawm dan hi keini mizote kan vanneihna ropui tak a ni. Thihna te hi hnam tam tak tan chuan chhungkaw mal tuar leh insensona nasa tak a ni. A lawmawm e.
Report this comment
June 4th, 2011 at 7:52 pm
53. Benny. I sawi dik khawp mai. Hmar chhak tawp Nagaland ramri bula awm ho, Naga hnahthlak ho, Nocte, Wangcho, leh Tangsa hote hi, Missionaries leh NSCN te zarah kristian an tam hle a.An dawt chiah Lohit leh Anjaw dist. Amite erawh chu Buddhist ruh em em an ni. Khawthlang tawp Tawang leh West Kameng dist. Ami te pawh hi buddhist ruh tak anni bawk. Ram laii a awm, Arunachal neitu dik tak inti, “Abotani” inti ho(Adi,Galo, apatani,tagin,misgmi leh Nyishi) ho hi chuan kristian sakhua hi an bawh hle a ni. Nyishi ho ngat phei hi chu kristian an la ni vek thei ang. Adi ho zingah erawh chuan, Hindu hovin rawng an ser fuh a, CM hlui Gegong Apang leh Talom rukbo te hmangin “HNAM SAKHUA=DONYI POLOISM) an din hlauh mai a, than a thu ta deuh a ni.Hemi ka hriat vang hi ania, Hnam sakhuaa pawh hi “dah nil” ka tum char char ni. CM hlui Dorjee Khandu buddhist a han thih khan, kristian CM neih theihna chance tha lutuk kha a awm a, ka khel ru nasa khawp mai a, mahse, Nyishi thluak hian Galo thluak alo la pha rih lo lutuk a, Galo (Dp) CM kan nei ta rih a ni. A hnuah an trick tenawm tak an hrechhuak leh si a, Al Nyishi Students Union hian Pu Gamlina hi nuamsa chuan ro an rel tir dawn hauh lo mai.
Report this comment
June 4th, 2011 at 11:34 pm
@ 54 Pkfanai, a bengvarthlakin i comment a ngaihnawm hle mai. Pu Setong Sena kha eng nge a chelh tak? A la fin.minister nge aw?
Report this comment
June 5th, 2011 at 12:08 am
54.Benny, Setong Sena chu Speaker a ni. Ani leh Nabam Tuki te hi kristian MLA zingah chuan CM ni thei tura kan bei sei anni a. Kan Kohhrana mi, ka thianpa Likha Saaya te hi chu an la patuai deuh si a, Harley Davidson bike lei Sports car tih vel hi a buai pui tawk a nia. A rammi ho hian appreciate nachang an hre si lova, ka han appreciate sak vel hi a lawm tawk a tling thin a.
Report this comment
June 5th, 2011 at 12:22 am
55Pkfanai, 2008(?) election-a a tlin leh khan speaker ni tawh lovin finance kha a chang tain ka hriaa, ka lo update lo a nih chu a. 2006 khan jairampura a residential bunglowah miao leh jairampur areaa kohhran hrangten ‘advance christmas’ kan hmang a, a nuam khawp a sin. Pa fel tak a ni.
Report this comment
June 5th, 2011 at 12:24 am
He post hi a thuken a that mai bakah Arunachal Pradesh-a kristiante dinhmun ka hriat belh phah a, ka lawm khawp mai. Rawngbawl in awm a ni, Lalpa’n a awmpui zel ang che u.
Report this comment
June 5th, 2011 at 12:49 am
58 Krista, i tilawmawm e.
Report this comment
June 5th, 2011 at 12:53 am
Tin, NSCN(K) hotupa Khaplang hi Champhaia sikul kal tawh a ni ve ngat a sin. Mizo tawng a thiam viau a, Bible pawh Mizo Bible a la chhiar fo thin nia!
Report this comment
June 5th, 2011 at 5:36 am
Saaya const. ah thu leh hlaa rawngbawlna nei turin kan chhuak chiah. Ruah a sur duh hle. Min lo t.t.pui. Vawiin online thei lovang. Thuchah sawitu tur ka ni.
Report this comment
June 5th, 2011 at 9:42 am
Aw le, tluang leh hlawk takin hun in hmang dawn nia. Ka lo tawngtaipui ang che u.
Report this comment
June 5th, 2011 at 5:27 pm
Vawiin kan zin naah, politician hausa tak inah chaw kan ei a, chuta ka hriat thar te: 1) Setong Sena kha Cabinet lamah a lut tawha, Power, Forest leh Parliamentary affairs a chang. 2) Dorjee Khandu kha Buddhist dana vui ani a, an danah chuan, chan sawm vek a, a then luiah, a then sava tan, a then ramsa tan pek tur a ni. Mahse Nyishi kristian MLA hoin, “Kan CM hi chema chan sawmtu apiang chu kan cut(sat) ve ang” an ti a, buddhist puithiam hoin an ngam ta lo a, An phum ta ani awm e.
Report this comment