from Asteric Visc.
Vawin June ni 5 Pathianni chawhnu lam dar 2 leh dar 3 inkar vel khan Tuikual ‘A’ Salvation Temple bul a Omega Travels neitupa Pu Zohmingthanga kum 46 leh a puzawn Zirkhawthanga te chu in ti thiamlovin Omega travels office chung, Pu Zohmingthanga inluah chhungah an insual a Zohmingthanga hi a thi ta a ni.
Zohmingthanga hi a ban dinglam ruh a tliaka, a beng veilam a thler a, a bek veilam a beng chungah thuk takin a kak a, a bek veilam tho a tukhum lam hnaih deuhah thuk takin a kak bawk. A awm leh a dul velah duk leh pilh a tam hle a, a hnungzang lamah pawh chutiang tho chuan duk leh pilh a tam hle.
Zohmingthanga hian a nupui hmasa nen fa 3 an nei a, tuna a nupui nen fanu kum 2 leh a chanve mi an nei bawk. Zohmingthanga nupui hi Zirkhawthanga nupui fanu a ni a, Zirkhawthanga pawh hian nupui hmasa a lo nei tawh niin sawi a ni.
Zirkhawthangan a sawi dan chuan an nupa in nimin June ni 4 Inrinni khan Zohmingthanga te inah hian an leng chhovin an riak nghal a, tukin zing dar 9 vel khan Rangvamualah zu in turin an nupa leh Zohmingthanga te nupa nen chuan an kal a. A hmunah zu in an phalloh avangin taxi hire in an hawng chho leh ta a, kawngpui sirah Taxi chhungah zu chu an in ta niin a sawi. Engemaw zat an in hnu chuan fun 4 vel an la neih chu hawn chhoin Pu Zohmingthanga inluah Omega Travels Office chungah bawk chuan an chho tlang leh ta a, in an thlen hnu chuan an zu hwn chu an in ho leh ta a ni. Fun hnih khat an in leh hnu chuan Zohmingthanga chuan “Khawiah nge ka zu rawn la leh rawh” a ti a, a dahna a hriat mai loh avangin an in hnial buai ta a, Zohmingthanga hian a chalah thir phekin a rawn hlap ta mai a, mahse Zirkhawthanga hian bawhbet nghalin a hlapna thir phek chuan a vaw zui ve ta niin a sawi.
Thudawnna in a sawi danin hetia an inkhawih hnu hian Zirkhawthanga leh a nupui hi Aizawl Police Station ah kalin Zohmingthangan a khawih avanga hliam na tak a tawrh thu reportin amah Zohmingthanga chu man turin Police hnenah an thlen a. Police an va thlen hian Zohmingthanga chu khumah thiin an va hmu ta mai si a ni. A pasal thi a Police in an va hmuh lai hian Zohmingthanga nupui hi a rui a lo chatthla niin thudawnna chuan a sawi bawk.
Pu Zohmingthanga hi Shillong lam chhuak a ni a, a ruang pawh hi Shillong lama lak thlak tumin chhungkhat laina ten an buaipui mek niin hriat a ni.
Similar Posts:
- Kum 38 hnuah a hmu leh!
- Investigation team in Rev.Chanchinmawia nupui leh fa zawt
- Missionary a inchhal mibum hmang
- Pa ber nawrluihna avangin fapa in a nuhrawn khawih!
- Have more sex, have good health!
June 5th, 2011 at 11:53 pm
..
June 5th, 2011 at 11:54 pm
A rapthlak ka ti ngawt mai. Nupa pa-a zu han in mai chu. Chhungkaw pangngai tak an din ngut ang emaw chu. Zu zet zawng!
June 5th, 2011 at 11:55 pm
K’u Trawta first loh hlau lutuk khi! Edit theih loh se..
June 6th, 2011 at 12:00 am
ZU
Nupaa zu han in tak mai chu leh. Annu harh hun chuan a zak ve khawp ang le.
Ka khawngaih thla pawh an la love.
June 6th, 2011 at 12:05 am
Zia lo thin mange, zet u zu zet zawng!
June 6th, 2011 at 12:08 am
Arawn thluak level anih lai chuan, an in hmu sexy viau anga, Sakeibaknei thluak level an thleng ta si a, an in ngur in, an in seh hlum ta mai a ni maw? Nu ber lah chuan Vawk thluak level thleng thlengin a lo lem hman si a ni maw? Tak tak a, hetiang news leh vehicle accident news te chu nitin chanchin buah hmuh tur a awm ang chu, MLTP act hi han hlip chiah se la.
June 6th, 2011 at 12:10 am
a va zahthlak haih haih ve leh.. Chutiang em em chuan mihring hi a lo awm theih a ni maw!!!! hlawm tak chuan.. a rapthlak in a zahthlak hle mai.
June 6th, 2011 at 12:18 am
News rapthlak tak ani. An chhungkaw nun ava hahthlak dawnn em !!!!! SUM hi alo va han ni ber lo teh lul emmm !!!!
Khawhar chhungte tuarna chu ava han thuah hnih dawn teh lul em.. ka khawngaih khawp mai.
June 6th, 2011 at 12:18 am
Pakhatin makpa ropui tak a nei a, pakhat lah chuan puzawn ropui tak a nei bok si. Pakhatin fanu rapthlak a nei a, pakhatin nu rapthlak a nei bawk a.
A tawpah ropui rapthlak takin an khawsa ta ni maiah ka ngai.
June 6th, 2011 at 12:21 am
an va ho ru bawk ve ma le. nupa a zu han in ruih em em te chu(h).. a nupui chatthla a harh chuan engtin emaw tak chuan a awm ve ang ma le!
June 6th, 2011 at 12:24 am
In comment thiam phian!
June 6th, 2011 at 12:25 am
In comment thiam phian! Thu lungchhiatthlak tak post a ni e ti lo chuan comment chhiarin ka’n nuih vur vur chu a.
June 6th, 2011 at 12:26 am
A hliam vel en khi chuan a sawisa ve fu aniang a puzawn hian. A hmaa lo inmillo tawh te hi an ni ange? Funte awmna hriatloh vanga patling business puitling tak nei han thih rikngawt mai chu a zialo hle mai.
June 6th, 2011 at 12:32 am
Mak deuh mai chu Police hnena report tu zawkin hliam a tawrh nasat avangin man turin a thlen a, an man tura zawk hliam tuar lovin alo thi bawk si a an rui chhe awm hle mai ka ti.
June 6th, 2011 at 12:33 am
This is what pulling down oneselve to the level of animal is all about. When we loose contact with the reality of what we are, then life becomes worthless…..
Pawi thin khawp mai.
June 6th, 2011 at 12:38 am
A va han zialo thin ve aw.
June 6th, 2011 at 12:39 am
Zu in an thiamlo ve hle mai, kum 10+ hmalam ka nun te pawh min mitthla tir e. A uih a thingin a pawi hle mai
RIP
Mizo phei chu kut inthlak hmang/hrehlo kan nih vang hian zu inthiam kan zir tel angai khawp mai.
June 6th, 2011 at 12:39 am
Pawi ve le zialo ve le.Zu in tawha business lam sawi vak te hi a buai duh a nia.
Ruih tawh chuan thu ho te te sawi a nuih kur kur hi a tawk chiah
.
June 6th, 2011 at 12:42 am
Ka van khawngaih mai mai em ve aw, an upat tawh nen nen chuan. Thil chin tha lo hi sim a har viau mai si a ! Pathianin vanduai chhungte thlamuan rawh se !
June 6th, 2011 at 12:46 am
An chhungkaw khawsazia chu an khawngaihthlak hle mai a! Thihna thleng lo pawh ni se an khawngaihthlak tawh tehlul nen an han intihlum leh ta nghal a nia!
June 6th, 2011 at 12:47 am
zu hi chu a hur tawk vel lekin in ila a pawi tham lo an ti
June 6th, 2011 at 12:51 am
18
hmingtea
Ruih tawh chuan thu ho te te sawi a nuih kur kur hi a tawk chiah
June 6th, 2011 at 1:12 am
A pawi hle mai. Zu chu a zalen viau a ni maw?
A va reporttu te pawh hi an rui awm tho si a, an lo man nghal lo a nih si chuan a va mak ve mawle!
An khawngaihthlak hle mai.
June 6th, 2011 at 1:37 am
Chhungkaw mak leh chhiat tawhna dangdai tak a ni. A nupuia pawh chu, zu vanga a chahthlak hlanin zu vangin a pa zurui chuan a pasal zurui a that nia!
June 6th, 2011 at 1:47 am
Puzawn te chal a hlap ţhat loh zia a entir..lollzz..
Aia upa te Zahthiam lo lutuk ve bawk maw..!!
#18 hriatchhuah zawk ka nei..hehe
June 6th, 2011 at 1:48 am
Kristian Chhungkua????????????????????????????????
June 6th, 2011 at 2:16 am
An fate an van khawngaihthlak ve awww. An nu leh pa te mistake atanga an inzir chhuah ngei theih nan tawngtaipui an ngai a ni.
June 6th, 2011 at 2:55 am
awww,zahmawh te sawi ta mai2 se chuan hetiang hi thleng lo tur asin mawle aw! A va han zialo thin tak em!
June 6th, 2011 at 3:23 am
Zu hi chuan thil pawi chu a thlen hnem ngawt mai. A tawk chauha in thiam hi a har a ni ang e…
June 6th, 2011 at 6:34 am
Puzawn te zu inpui hi thil tha lo tak a nih don hi. Thi zawk an awm duh e mai.
A light zawng in REVENGE OF THE PU-ZAWN ti mai ang. 
Hman ah Lalpiangliana khan a pu zawng kha a a that toh bawk.
June 6th, 2011 at 6:50 am
MLTP act an hliplo chung pawn zu vanga buaina leh thihna hial thleng thawm kan hre deuh reng mai ani a. Han hlip phei se chuan invuakhlum tih vel hi chu chanchinbuah column hran siam hial angai ang, ‘vawiin chu tute nge in that leh aw..tiin chanchinbu kan bih nitin ang.
June 6th, 2011 at 6:58 am
Zu ni lovin a intu te zawk. In tawk hrelo chuan pawi an sawi/khawih thin reng a ni. A pawi thin ngawt asin.
Pathian thu pawh chutiang tho. Zu huat pawh chutiang tho.
RIP Pu Zohming
June 6th, 2011 at 7:13 am
Pakhat zawkin khawnge ka share atia,pakhat in ka stock ati ni maw
June 6th, 2011 at 7:35 am
Aizawla nupa/ chhungkaw tam tak chu khitiang khi an ni a lawm. Hmeichhia inla changkang deuh,sawrkar officer, MCS te, Lecturer te hi zu heh deuh deuh ka hria. (mipa lam hi chu zu ngawlvei/ zu heh tak anni deuh vek a.
An pvt life chungchang ni mahse hemi te travel agent hi kala hmang ngai lova, Aizawl ah chuan Quality Travels ho hi an tha khawp in ka hria. Credit Card sign awm ve si hman theih si loh hi chu a ngeiawm angreng.
June 6th, 2011 at 7:50 am
An insual chhan khi ka ringhlel vevtlat. Fun hnih (Rs.200?) avanga putu insual chu! A puzawn hian thu dik a sawi kher ngem le?
June 6th, 2011 at 7:59 am
Heti chung hian ZU kan la sawimawi zel dawn em? Kan in thiam ang kan la ti zel dawn em? Hetiang thil a thleng ang tih hi kan hlau zek zek reng asin.
June 6th, 2011 at 7:59 am
#35 me too
June 6th, 2011 at 8:08 am
@Pangtichawr: Zu han sawi takah chuan hman zan khan hmuh kan nei em kha…h?
June 6th, 2011 at 8:19 am
35. Mr.Zero Watson i titha e. Pu Zirkhawthanga te nupa hi an tih that phian zawk khi a!! Rev.Chanchinmawia te mah Suicide annih theih chuan, “Amah a in tihlum” tiin tang ho tlat ta sela, ” E, anih tak hi” an ti leh then mai lovang maw?. Pu Muantea sawi ang deuh khian, Lehkha thiam leh rilru puitling tawh ho hian, Mizo nawlpui mizia, zu in kan thiam loh zia hi kan hrethiam lo leh dawn thin.
June 6th, 2011 at 8:34 am
Zu han ruih hi chuan thil hote pawh hi lak vung awl tak ania, funte hnih khat vang mai pawhin an insual or tihhlum tih hi a dikin ka ring ve tlat mai..
June 6th, 2011 at 8:43 am
A puzawn hian vawi khat aia tam deuh a khawih a va ni awm ve! Mahni sahim nan fing vervek takin a vuak hlum hnuah amah zawk hliam tuar angin a in report mai mai a ni lo maw?
June 6th, 2011 at 8:48 am
Motor Accident tam ber leh insualna tam ber hi chu zu kaihhnawih a ni deuh zel! Kei chu zu hi eng ang pawhin ka sawi mawi thei lo! In thiam inti pakhat zelah rui khawpa in duh 10 aia tam an awm zel ang! Rui tura in an nih loh chuan zu hi enge an inna chhan ni reng reng? Damdawi atan an ti a nih pawhin zu aia damdawi tha a tam lutuk!
June 6th, 2011 at 9:09 am
Thil sual tih apianga “Ka lo ruih em vang a lo ni.” tih leh chumi tawngkam changchawi a, zu sawisel vak vak ringawt hi a fuh ber kher lo.
Zu fun hnih khat avangin makpa/puzawn an inthah ka ring lo bur. Zu khi chhuanlamah an hmang a ni zawk lo maw?
June 6th, 2011 at 9:14 am
Zialo thrin ve aw… Funte vanga nunna hial han chan mai chu!
Pizawn te nena intihthiamloh hi ‘Pizawn Break’ an tia, ani chu Puzawn nen nia ‘Puzawn break’ ni ve mai
angem le.
June 6th, 2011 at 9:27 am
Puzawn inlengin makpa inchhungkhurah … an lainatawm hle mai! Harhfim hun a nghahhlelhawmpui loh hle mai maw!
Chhungkhat innel tak an nih thung dawn si hi le. Kut an inthlak dan chu chinlem a nei lo deuh chu a ang hle. Zurui thahrui ngah tak pawh an ang.
June 6th, 2011 at 9:28 am
MLTP lamtang nge MLTP do pawl an nih ang aw?
June 6th, 2011 at 9:29 am
Tu tak an UKIL ni leh ta ang maw le?
June 6th, 2011 at 9:31 am
Alpha leh Omega ni thung se, hetiang a thleng lo tur!
June 6th, 2011 at 9:49 am
MLTP act chu awm lo se an in vuak hlum ka a ring lo..!!
Ka ngaihdan mai mai:-
1. RV kal a ngai lo tur.
2. Zu inthuhruksak pawh nita se, leitur a awm reng dawn a, an in sual kher hmel loh.
June 6th, 2011 at 9:57 am
RV zu chhia in lovin, an kotkai maiah zu tha om ce, mahni incung lumah, tui vot nen in ta kerh2 ce khitiang khi a thleng hauh lovang le. In MLTP hi cuan tual a that hnem ta malh2 hle mai.
June 6th, 2011 at 10:19 am
MLTP act a awm emaw, awmlo emaw, engpawh ni se, Zu in ruih lohva thleng lo tur thil tha lo hi chu zu in ruih avangin a la thleng zel fo ang. hun tawp rorelna awm huna ka hmuh chak 3 te:- Marilyn monroe, Lady Diana leh Rev.Chanchinmawia te thih dan leh thih chhan dik tak hriat chian.(ho ang reng)
June 6th, 2011 at 10:33 am
An mual pho ve hle mai maw.. fa tak nilo pasal chu a dim vaklo a niange.
A post tu hian a post kim tha dapdap khawp mai.
June 6th, 2011 at 11:29 am
Inkhawm hunah zu an in a, zu in lovin inkhawm sela chu an in tibuai awm si lova…!!
Zu ruih hi chuan, mi pangngai pangai lo a siam in a awm tawh a, zuin thiam pawh,eng anga ţha pawh in se, tha tak a inkawm/indawr loh chuan tumah an hlim sang thei hauh lo ang tih hi thilthleng sa tawh reng tho a ni e..!!
June 6th, 2011 at 12:23 pm
@ Tuaisial,,,
June 6th, 2011 at 1:50 pm
Zohmingthanga hi Shillong-a ka seilenpui a ni a, hriat pawh kan in hrechiang thawkhat hle. Hetianga a boral ta mai hian min thawng khawp mai, mahse mak erawh ka ti em em lem lo. PATHIANNI INKHAWM HUN LEH HMUN A INANG LO THEI HLE MAI! A Pa chu Pu Ngurchhawna (L), Zodin Cinema Hall neitupa thin kha a ni.
June 6th, 2011 at 2:43 pm
Van zialo thin tak em!
June 6th, 2011 at 3:37 pm
Total prohibition hmanna State a thil thleng chu a ni si a maw??
June 6th, 2011 at 5:24 pm
zu in thiam leh thiam loh cu thu hran…total prohibition cu omlo tase..funte vang nilo in whiskey vang tal te poh ani thei alom..chu bakah zalen takin bar chhungah in ho dial2 tase in thah em2 cu a thlen k ring lo…
June 6th, 2011 at 7:48 pm
Tam tak chuan an zuin vanga in that angin ngai mah se, kei chuan zuin vang mai chauh a nih hmel loh ka lo ti ve mai mai. An ruihhma khian engemaw ngaihdan inan lohna emaw inhmuhthiam loh rukna an neih sa ka ring. Lo sawi chhuak kher lo pawh nise zu ruih lung puam hnua a takin a lo lang chhuak ve mai a nih hmel.
A engamah hmaa zu kan sel chiam ringawt hi kan chhut chiang lo deuh lo maw? A root cause ngaihtuah tum hi kan kohhran lam mite zingah hian Gospel Centenary lawm hnuah pawh kan la tam lo viau a nih hmel.
RIP pu Zohminga!
June 7th, 2011 at 12:33 am
Zu in vanga inthat a ngaih a, zu dem nghal vak vak chu a va han pawnlang teh lul em.
Ka hriat ve dan chuan Pu Zohmingthanga hman kum fe tawh ah a fapa neihchhun a chan tawh a, chu chuan a nun a tih beidawnzia, a mimal nun leh a business pawh in a tuar zia leh thil dang dang ama staff ngeiin a sawi ka hre tawh. Sawi tur a tam mai, mahse mimal thi tawh cc a ni e.
A tobul chu kum tam fe inmun tawh a ni tih hrethiam rual kan ni hlawm vek alawm, chhui chian ngei teh se. RIP.
June 7th, 2011 at 9:15 am
Chalkim, zu an in avanga inthat annih i rin loh thu i ziak zeta; ‘an ruihhma khian engemaw ngaihdan inan lohna emaw inhmuhthiam loh rukna an neih sa ka ring. Lo sawi chhuak kher lo pawh nise zu ruih lung puam hnua a takin a lo lang chhuak ve mai a nih hmel.’ i ti leh tho sia; chu chu alawm zu vang a nihna chu. Sawi mawi tum chi loh bur a ni e.
June 8th, 2011 at 10:31 am
comment #60 khi thupha ka chawi e,ka sawi sual tlat, midang zawk a ni e.