Date 16.6.2011 : Tukin zing atang khan ONGC hnathawk, kar hmasa lama Tuikuk hel (nia rin!) hovin an kidnap kha chhan chhuah tumin Mizoram Police (IR) te an thawk chhuak a, Hel-in an kidnap Engineer 2 te chu him taka chhanchhuah an ni. He inkahnaah hian Hel hovin tlanchhiat pahin Engineer pakhat dulah an kap a, a hliam erawh thihpui hlauhawm a ni lo..
An inkahna hmun hi Assam leh Mizoram inrinna bul, Assam lam, Bangla Basa khaw bul a ni a. Hun engemaw chen chu IR ho hian an umzui a mahse Assam lam anih tawh avangin, he report ziah lai, dar 2:30pm hi chuan an rawn haw san a ni awm e. Mizo IR lam atangin tumahin hliam an tuar lo a nih hmel.
Update: Misual.com member Manghaka’n topic hran a rawn siam a mahse post thar chhuah kher lovin hetah hian a chanchin kimchang a rawn ziah chu kan belh ve ta mai. Manghaka chungah lawmthu kan sawi nghal bawk e.
TUIKUK HELHO HNEN ATANGIN ABCI RUKBO CHHANCHHUAK.
Kolasib 16th June 2011 : June ni 6 zing dar hniha ABCI hotu pahnih Meiduma anmahni Camp atanga Tuikuk hel pawl United Democratic Liberation Army inti te ruk bo chu tukin zing dar 8 bawr vel khan Mizoram sipai ten an tawmna hmun Assam ram chhunga Bangla Basha atanga 7km a hlaah nangchingin an chhan chhuak ta.
ABCI hnathawk ruk bo zinga pakhat zawk Pu L. Dhiman (60), Project Manager chu Tuikuk hel pawl hotupa Doinaram Reang chuan a pum dinglamah kapin hliam na tak a tuar a. Helho tawmrukna camp an luh chhuah hnu hian helhote chu tlanchhe zui nghalin an zinga kal ve a tum loh avangin Pu Dhiman hi kah zui a ni tih a hmuna che police hote chuan an sawi a. Darkar chanve chhung an inkap zui a. Mizo sipai zingah hliam tuar an awm lo a, ABCI mite hi police te chuan hmun him lam an panpui ta a ni.
Ruk bo dang Bajrang Lal Jain (44) erawh chuan hliam a tuar lova. Amaherawhchu a taksa a chau hle a ni. Mizoram sipai te chuan mi ruk bote chhanchhuah hna hi kar hmasa nilaini atang khan nasa takin an bei a. Aizawl atanga sipai te bakah Kolasib District chhunga sipaite chuan Mizoram leh Assam ram, helho tawmrukna hi an dap hneh hle a.
An rukbo atanga a ni 11 naah an hlawhtling ta a ni. Tuikuk helte tlanchhiatsan hmanrua engemaw zat sipaite hian an man a chungte chu AK mu 30, SLR mu 40 Battery leh thuamhnaw coumoflaged te a ni.
Anmi rukbo Bajrang lal Jain sawi danin hel tehi an zavaiin mi 17 atanga 20 rual an ni a. Kum 20 atanga kum 25 inkar bawr vel hmel an pu a. Nitin Ke in thu tak tak an kal ziah thin a ni, ati a. Ei tur chungchangah anni hi Vegetarian an ni a,Buh(chaw) leh Dal tlem an pe thin tih a sawi a. Heng mite hian AK 47, Pistol leh chemte an nei vek niin a hmutu dangten an sawi bawk.
Assam ram chhung vek Genda atangin mi chhanchhuahte hi Buhchangah lak an ni a. Hliam tuar zawk hi a nat avangin leh a hliamah te thi a put reng avangin Genda atang hian Tuichhuahen Luiah Lawnglengin Buhchang thleng phurh a ni a. Buhchang atangin Kolasib Doctor leh medical team te enkawlna hnuaiah Kolasib thlenpui a ni. Pakhat zawk hi chu Bukvannei a ABCI camp ah lah rih phawt a ni.
A hmuna luhchhuahtu Pu HL.Thangzuala,Addl. SP,CID chuan heng mite chhanchhuak tur hian sawrkar tum a ruh em em a. Kolasib Dist. SP leh Unit tina sipai te tan hona avang liau liau va hlenchhuak an ni, a ti. Hel hote hian anmi rukbo te tlan nan ABCI chu pawisa 5 crore pe turin an lo phut tawh a ni.
Similar Posts:
- ABCI Proj. Manager, Meidum Camp atanga Kidnap an ni
- Kawnpui-a Gypsy Chesual-ah 2 hliam,thi awmlo
- Mizoram chhunga Assam-in In a sak NGO-in an enfiah
- Ramri ah Assam Sorkar in In an sa..
- Rûkbote tlanchhuah nan cheng vaibelchhe 5 an phût
June 16th, 2011 at 10:17 pm
Phek thar, 101
Report this comment
June 16th, 2011 at 10:34 pm
#100 i ti lutuk deuh chu ka ti keipaw’n
Report this comment
June 16th, 2011 at 10:37 pm
100mtrs hi a hnai hauh lo a nia aw. Assault rifle nen moving target lehnghal 100 mtrs-a kap fuh chat tur chuan vanneih a ngai khawp ang. Sniper rifle hmang chuan distance, degree leh wind speed tehfel thlap ila a fuh ngei turah ka ngai.
Negotiation tel lova operation rescue hi a lawmawm ka ti hrim hrim mai. IR lam naute ho ka lawmpui e.
Report this comment
June 16th, 2011 at 10:41 pm
100 mtrs chin hi chu a hindi chuan door dusman an ti tawh a
Report this comment
June 16th, 2011 at 10:53 pm
A kap thiamlo lo kha pawr viau su aw. In kah siak chiah ila.
Report this comment
June 16th, 2011 at 10:59 pm
kan lawmpui mai piahah hian an chhungte tan chuan a lawmawm ngawt ang le.
Report this comment
June 16th, 2011 at 11:11 pm
A va lawmawm ve le aw..
Report this comment
June 16th, 2011 at 11:16 pm
HV hian 100m a moving target kah fuh a harzia chu a hrechiang ang. 10m Air rifle indoor shooting range a kah pawhin silai tah tak nen pawh 80% point kah chhuah a har a nia. An silai hman hi assault rifle a ni bawk.
Muang leiah chuan ‘chuti khati’ lo tih hi a awl ve viau a nia. Nunna thap chung leh hmanhmawh nen, thlan lo tla bawk si, steady heartbeat nei thei si lo, breathing a normal dawn bawk si lo, ka kap fuh chat chat dawn lo tih ka hrechiang.
Report this comment
June 16th, 2011 at 11:19 pm
IR leh MAP ho te hian assault rifle leh sidearm bak ah hian squad automatic weapon ah eng nge an hman, hand grenade, grenade launcher.etc te an hmang ve em? Tin, an zing ah hian Sniper an awm ve em tih te hriat a va chakawm ve.
Report this comment
June 16th, 2011 at 11:31 pm
Pigeon shooting naa tel turin min sawm a, parva kan kap dawn amaw tih nak alaiin, clay bial chu kan kap ta vak vak a !!
Pui loh theih ngei mai
Report this comment
June 16th, 2011 at 11:39 pm
Haha silai kah hi maw rifle ang ho ngat phei hi chu maw a ri dur ah ringawt pawh in min ti buai thin a sin swi ang a ni lo.Ka chand kah tum pawhin a vawi khatna ah chuan tu hmeh puah nge tih paw hre lo hian mi 30 in a rualin kan kap thin a ni a .
Report this comment
June 16th, 2011 at 11:57 pm
An silaimu hman zat ka hre chak e. Thil inthup a awm a ang ka ti tlat!
Report this comment
June 17th, 2011 at 6:45 am
Ka awih vak der lo mai a kei chu…!!! Chipchiar leh zual thei phei se chu Dawt ani ka tih theih mai ka ring.
Report this comment
June 17th, 2011 at 6:47 am
Chawimawi beisei vanga thil ti hi an phakar ka ti. Midangte hnathawh that fak leh chawimawi hi kan tihtur chu a ni na meuh mai…bithliahthiam leh chintawk neih a tha ang….pu KL LIANA hi sorkar hian chawimoi se aw…of’cer dang poh chawimawi phu an tam, entirna ka sawi angin doctor leh nurse chawimawi phu 200 vel zet an awm ag, chutiang zelin… Tin e, tihtur kan tih hian mitaima kan ni lo, kan tihtur kan ti a ni mai…..taimakna chu a dang, a rilraih.
Report this comment
June 17th, 2011 at 6:54 am
Ih…IR/ police ten mi an chhanchhuah avanga ‘chawimawi ni rawh’ kan ti thla zen hi ka ngaithei bau lo lom… Doctor ten mi an zai…dam lo thi mai tur an enkoldam, chawimwai ni rawh se kan ti ve lo va…
Report this comment
June 17th, 2011 at 7:17 am
An va ti tha ve aw. An chhuanawm hle mai.
#115: Kei paw’n ka ngaihtuah fo mai. Karate leh Football tih ang vela che tha deuh kan chawimawi thin a, mahse anni hi chu mipui tilawmtute an ni hrim hrim a. Kan sorkar hnathawk zingah pawh fak phu chu an awm a ni. Anni ang pui puia han chawimawi chiam a tul lemlo mai thei a mahse thianzaa han awm ho changte hian sawi chhuah ve zauh zauh an phu khawp mai. Thusawitu leh thuziaktu lamte pawh hian ngaihven thin sela tha ka ti.
Entirnan Pu KL Lianate pawh hi kan tluk loh em em tur. A dik em avanga thil tamtak chan tawh a ni a. Chutiang bawkin Medical lamah pawh Dr Loncy V Lalzarliana a lo ni leh a. Tunlai doctorte pawh hian inenfiah nan hian an hman fo ka ring thin. Tin, Pu C Lalrosanga Director DDK leh AIR, Aizawl pawh hi mizo mipui tana a hnathawh hi thahnem ve tak a ni. Inchawimawi thiam hi awmzia viau ania, kan ngaihtuah chian a tul a ni.
Report this comment
June 17th, 2011 at 8:21 am
Hei zet chu a van ropui vele. IR police te hi huaisen lawmman pek ni rawh se.
Report this comment
June 17th, 2011 at 8:45 am
Darkar chanve chhunga kan police te’n pakhatmah an kap fu lo hi chu aw..mak chu ka ti deuh e..
Report this comment
June 17th, 2011 at 9:07 am
#118 chhanna atan hian chhana leh hmingtea khan engemaw han sawi teh se a hairehai
Report this comment
June 17th, 2011 at 9:12 am
Vai movie threnkhata achangtupa te an va tluk awmlo ve aw kan IR ho chuan!
Report this comment
June 17th, 2011 at 9:59 am
#199 vang zawng hawl tuar pawh nise pakhat tal chu fuh awm.. Nge, silai kah zirtir leh an ngai zawk niang aw..
Report this comment
June 17th, 2011 at 10:07 am
@121 IR hotu lian lamte Central Sawrkar ah ngenna siam sela…. Amitabh-a kar khat vel tal cham tura chahchhuak dan a awm mial lomi? Ani chu Air Gun pawh tlir thei. Training te han pe sela annin,an zia ve deuh mahna
Report this comment
June 17th, 2011 at 10:12 am
Movie/ Film vela a changtupa ‘kap thelh thiang lo’ ang ngawt hi chu a ni lo ang.
Hetiang inkahna thlengah hian target destination mumal tak pawh an nei hman bik lo, an hawl pawp pawp mai thin.
Report this comment
June 17th, 2011 at 10:16 am
Mahni hna tha taka thawkte chawimawi tul kan tilo tlat hi a pawi ka ti. Mahni hna baka kan thawh eg YMA, Kohhran, NGO te hi intehnan kan hmang tlat thin hi kan thanmawhbawk chu a ni ve in ka hria. Mahni hna thawk tha te chawimawi kan duhloh chuan engvangin nge K.L.Liana pawh chu kan chawimawi kher ang? A hna rinawm tak leh entawn tlaka a thawh hi a tihtur ania chawimawi a ngai lo kan ti mai dawn lawmni? Zirtirtu chu zirtir kawnga a thawhthat chuan chawimawi ila; Zirtirtu kha YMA leh Kohhrana a thawhthat vanga kan chawimawi daih thin hi a fuhlo zawk daih ani. NGO leh Kohhrana mi tangkai tak pawh ni se, a eizawnna hna a tihtlakloh an nih chuan chawimawi tlak an ni lo.
Chhuanawma Royte, ka comment hmasa chungchangah i ngaihdam ka dil e; zan lam thil a nia min lo hrethiam teh khai.
Report this comment
June 17th, 2011 at 10:42 am
A then a zar tal te chuan um zui nghal awm…an bikbo tawh hnuah umzui tum chauh te chu a..Hostage an awm tawh loh phei chuan rin kah hmiah hmiah tawh mai se tha tur ania.
Report this comment
June 17th, 2011 at 11:30 am
Kan IR police ho chu an chhuanawmin fak an va phu tak em, kan sorkar hian an phu tawkin a chawimawi em em ang tih i ring tlat ang u. Tin, insawisel hun a nih loh hi aa….
Report this comment
June 17th, 2011 at 5:31 pm
Sorkar hmasa anga kidnap tute be lungawi tur an intir lo hi Pu Zira hi a fakawm thlawt a ni. Pu Tlanga khan courtah an khing vel a, a lo tluklo hle a nih hi.
Report this comment
June 17th, 2011 at 6:53 pm
Pu Manghaka hian a rawn bawlh am, a lawmawm e. Ka post comment tute zawng zawng chungah lawmthu ka sawi a. Ka internet that loh vangin ka online thei lova a pawi ka ti hle..
Report this comment