Furpui a reh fel tawh a, Favang boruak nuam tak hnuaia thlifim lo thaw heuh heuh chuan, Chu Cowboy putar, a vanglai a phawirang leh insual huaia sawi ve hat, rilru muthlu tawh chu rawn kaithovin a awm hle hle thei ta hauh lo mai a.
A Sakawr tlan chak leh thaza tak mai chu a huang atangin a kai chhuak a, a Pu rilru hriatpui niawm takin a chik nghur nghur a, a ke hnung lam chauh a ding ur urin a pu chu phur takin a lo lawm a.
Chutah a Saddle a vuah mawlh mawlh lai chuan, khawikipa lo zui tlat thin tu a Uipa lian thelh thawlh, a Pu bulah chuan hlauh reng a nei lo amaw tih tur chuan, mei hem vut vutin a rawn vir sek ve mai bawk a, an phur tlang kher mai. Tichuan, a Sakawrah a han perkai thauh mai a, rilru thawveng takin an Ranch zau tak mai chu an fang kual ta a ni.
Chutia hlim leh rilru thawveng tak, enghelh reng neilo a, an tlankual lai chuan, inrinlawk hman ngaihna awm miah lovin, hnimbuk phen atang chuan Tlangram Sakeibaknei hi a rawn dawk chhuak ta zawk mai a. Sakawr chuan, a rim a lo hre hman deuh ni ngei tur a ni, khatia Sakeibaknei a rawn zuan khan, a Lim ta zawk mai a.
A chung a a Pu lo inring hman silo chu a vawrh thla ta tawp mai a, A Puin invenna tura a ken chhun; a Winchester Rifle nen chuan mei kawhin a tlanchhe ta a ni.
Sakeibaknei chuan, Sakawr chu umchi ani lo tih a hria nge ni? Invenna tur hmanrua engmah nei lo Cowboy Vanglai pel lam tawh chu, a rawn pan ta chher chher mai a. Zamngailo chu Cowboy tan meuh pawh, a buaithlakin, a dinhmun khirhkhan leh hlauhawm zia chu a hrechiang kher mai.
Chutihlai tak chuan an inkarah chuan thil dang pakhat a rawn ding ta tlat mai a. A Uipa rinawm chuan, a Pu dinhmun hlauhawmzia chu a hmuhin chu Sakeibaknei chu a rawn cho(challenge) ta anih chu maw le. Sakeibaknei leh Uipa chu an insual ta a.
Aw rawl an chhuah miah loh danah chuan, Thih thlenga insualna (A Fight to Death) a ni tih a chiang kher mai. Chu Uipa chu huaisen teh mahse; Uipa tan Sakeibaknei te chu han hneh chi zia zang ani si lo. Sakeibaknei chuan, a nghawngah a seh fuh a, Sehhlum a, zanriah a hman nghal mai a tum tih a lang reng mai a.
A seh khai ta reng mai a ni. Chu Uipa rinawm leh huaisen chuan, A Pu tan chuan a sahimna tura tlanchhiatna hman zan tur, hun hlu tak pein Sakeibaknei chu a lo tikhawtlai (Delay) a ni.
Mahse, Chu Cowboy Rorum tan chuan, a thian rinawm ber maiin, a nun chhanhim nan a, a nunna hlu tak a hlan lai a, lo tlanchhiat san chu thil theih loh hul hual ani tlat. Thing bung a hmuh remchan ber chu a la lawk a, Sakeibaknei chu a remchang lai apiangah a vaw ta mial mial ringawt mai a ni.
Sakei luruh hi alo chang vaklo nge ni? A vawthlu ve ta der mai a. A uipa chu duat taka pawmin, a Sakawr chu a han ko a, A Sakawr pawh chu a lo kir ve leh mai a. Damdawiin hnai berah a Uipa chu an phur ta a.
Sakeibaknei khan alo sehna viau nain, vanneihthlak takin, Uipa pawh chu thi lovin alo tha chhuak leh thei hlauh mai a, a Pu nena an inhmangaihna pawh a hma ai mahin a lo nghet ta a, hlim takin an inzui leh thei ta a. An chanchin hria apiang te pawhin, Cowboy leh a Uipa inzui chu an hmuh apiangin zah tak leh ngaisang takin an chanchin chu an inhrilh chhawng thin a ni.
Pathian Fapain, Vanropui kalsanin, Sakeibaknei Setana lak atangin, a nunna hlanin min rawn chhan chhuak a. Keini hian a tana kan nun hman leh atana kan thiamna leh theihna te a theih dan ang ang a, kan pek let ve hi a phu ani lawm ni? Nge, Mahni nun humhim tumin kan tlanchhiat san duai duai mai dawn le?
Kan Lal Isuan, “Tupawh a nunna hmu chuan a chan ang a; keimah avanga a nunna chan chuan a hmu ang” (Matthaia 10:39) tiin a sawi a, Tin, “Tupawh a nun thlahlel chuan a hloh thin; tupawh he khawvelah hian a nun ngaitlawm chuan chatuana nunna tur a vawng reng ang” (Johana 12:25) a lo ti si a.
Similar Posts:
- Wanted: Cowboy, Dead OR Alive
- Reiek cowboy
- Kan Pathianin Amah ringtu te hnena a thutiam te!
- Chhura Junior Hringnun
- cowboy released on probation
August 28th, 2011 at 11:35 am
Thra hle mai..
Report this comment
August 28th, 2011 at 11:35 am
Cowboys lets ride..
Report this comment
August 28th, 2011 at 11:36 am
tha ve oooo
Report this comment
August 28th, 2011 at 11:43 am
A uipa khi chuan kan Lalpa Isua chu a tluk lo deuh na a (Lalpa Isua chuan kan puihna tel miah lo in min tlan chhuak), ui tha tak chu a nih khi.
Report this comment
August 28th, 2011 at 11:52 am
A ngaihnawm hle mai gud post..
Report this comment
August 28th, 2011 at 11:53 am
Cowboy vel sawi/chhiar hi chuan mitthla-ah eng2 emaw ni a lang uar zel
Tehkhin nalh khawp mai
Post tha tak a ni e
Report this comment
August 28th, 2011 at 11:56 am
a ngaihnawm hle mai…cowboy chanchin chhiar lai khian lung a lo leng hman trep alom le…
Report this comment
August 28th, 2011 at 11:57 am
Cowboy soi hi chuan the good the bad the ugly kha hriat chhuah awl riau thu tha deuh2 leh dik deuh2 kha an phuh chhuak tam tlk a
Sudden muanga bu ziak daih teh a
Report this comment
August 28th, 2011 at 11:57 am
A tir lam ka’n chhiar khan Cowboy hian Ui a nei bawk si a, John Walden-a kha emaw ka’n tih dawn chu.
A ngaihnawm khawp mai-illustration tha tak a ni e. Tih tak takah chuan eng illustration mah hian Pathian hmangaihna leh Tlanna hi a phawk chhuak pha miah lo va-mahse kan hriatthiam thuk theih dan ber a ni lawi si.
Report this comment
August 28th, 2011 at 12:18 pm
a va ngaihnawmin ava tha kher em! Kan ti teh ang. Post tupa, i post hi kala hmang tangkai ve khawp ang le
Report this comment
August 28th, 2011 at 12:27 pm
I sermon kalphung hi naupan tet ata ka ngaihnawm tih chi. Tehkhin thu nen han bei zel teh, a ngaihnawmin thinlung a fah hma bik thin a nia.
Report this comment
August 28th, 2011 at 12:30 pm
Amen.
misual.com hian a fun khawm chikim hle mai!
A changin zahmawh rawngkai deuh a changin sermon tha tak. A changin fiamthu, a changin politic, a changin literature, a changin sports, a changin History…… Long Live ‘misual.com’
Report this comment
August 28th, 2011 at 12:39 pm
A va ngaihnawm ve,Ui khi i sehhlum tir dawn maw ka tia ka lo khawngaih hman lutuk a..post tha tak ani e
Report this comment
August 28th, 2011 at 12:52 pm
A ngaihnawm lutuk … mahse a tawp a i ron tehkhin dan khi chu ka duhthu a sam lo deuh ….
Report this comment
August 28th, 2011 at 1:36 pm
keini zong in kan ui thra ber min seh sak hnuah keimahni kan han inkhel tir ve ta tak2 thrin a nia..hihihi, a thren te phei cuan sakeibaknei zok vaw lo in ui hliam tuar kha an lo vuak belh a ni om e..an soi hmangin…eh
ngaihnawm khp mai
Report this comment
August 28th, 2011 at 2:16 pm
Genuine analogy chu ani chiah lo mai thei. Mahse, a message lairil chu kan hriatthiam vek ka beisei. Zofate, “Thian chhan thih ngam hnam” inti thin tan phei chuan, chiang hle turah ka ngai. Rempy paw’n a man(catch) leh tlat khi.(bright reuh lutuk mai). Lushai-er iangin, “Long live misual.com” ka’n ti ve ang e. Sunday-ah na na na hi chuan, post 1 tal chu rawn contri ve zel chu ka’n tum zel ang e(Lalpan rem a tih chuan).
Report this comment
August 28th, 2011 at 2:41 pm
A ngaihnawmin lung a va kuai em! Han ti zel rawh, ka chhiar peih chi a ni e, ka
em em e.
Report this comment
August 28th, 2011 at 3:37 pm
Ui khi a thau angem aw..Kg eng zat vel nge niang le, phuhnam nen… (huh changkang lo lutuk, mi Pathianthu nena hmehbel lai laia
)
Report this comment
August 28th, 2011 at 3:42 pm
JB Stetson Hat khum meuhvin ka chhiar e. A ril raih mai!
Ranch-a Cowboy palchawi nghenga ding kawi, ke kherh thla kual tang mai, pai fual hnelh hnawlh, cheroot a kam sira pet chawr ngoh, inkhum kun tak, a neckkerchief phe hlap hlap hnenah ISUA chanchin an va hrilh dan pawh hi a mawi fu asin! “Sawizawi loh chunga chuang thei ngat chanchin aw!” an han ti sauh sauh va —cowboy-ten ‘horse taming’ hi hautak an ti teh mai si!
Pathianin a Fapa kaltlanga mi a koh tak tak chuan, mi hian a ziak dan leh thu thluaithlum dan lama critics kher lovin Khawvel Chhandamtu hi an zui dawr dawr nghal mai a ni.
Post ngaihnawm, Adi-ho ngaihthlak tawh a ni ngei ang. Keini pawhin ngaihnawm kan ti. Receptor’s frame of mind kalhmanga thu inhrilh hi THU BENGLUT a tling zualkai bik.
Report this comment
August 28th, 2011 at 3:43 pm
PKfanai nge nge a duai love.
Thawk ve hle tawh nia inhriat chang-te, chan leh kalsan nei ve hle tawh nia ka inhriat changte hian ka tan a Isua’n a kalsan, a van ropuina-te, he lei a a vahvaih dan zawng zawngte, thiamlohna nei hauh lo misual ber thihna hmuna an thih tir dante kan ngaihtuah hian ka kalsan ka tih ve te, ka chan ve ka lo tih thin zawng zawngte leh tuar ve ang a ka lo inngaihnate hi engmah lovah a chang zo leh thin. ‘Ka nun, ka neih zawng pawh hlan ila, ka rul seng lo’ng e, ka Lalpa’n ka tan a tuarna’ tih hi (phuah an lo awm tawh emaw la awm lo pawh ni se) ka hla a ni e.
Good post
Report this comment
August 28th, 2011 at 3:55 pm
A ngaihnawm hle mai.
Report this comment
August 28th, 2011 at 5:40 pm
A tha hle mai.
Report this comment
August 28th, 2011 at 6:50 pm
Thlep lut nalh ve, mindawi.
Report this comment
August 28th, 2011 at 7:07 pm
He post chu chhiar peih lovin ka hel ka hel a, ka han chhiar nak chuan a lo ngaihnawm phian sia, a ropui fu mai a.
Report this comment