(He hla/hlahril hi May,2011-a lei hringnun hmang liam ta Pu Pazawna(78), Muallungthu hla phuah sawmli vel zinga pakhat a ni a. A tlangval chhuah kum sawmnga vel kal taa a phuah niin a lang.)
Dâwn ve ang che lungrun, kan karah hmelmate’n,
I lung her nan dâwt thu an phiar;
Ka tan rinawmna i lo bãn,
Hmelmate lung lawm nan.
Thalfavang tlai tla eng no riai hring nghial hnuaiah,
Kei zawng tapin zai tin ka chhiar;
A mi lenrualte lungrual chuan,
Hmangaihna hrui an vuan.
Turni eng, zan chhawrthla eng pawh vâl ka tahna,
Ngaih a zual luaithli hulna ram;
Tah chuan min hnawltu nang, leh kei-
Lawmin kan lêng tawh ang.
Kan inthen nan hmelmate biahthu a lêng vel,
I tan khuai ang a thlum lo ni;
Leiah inthen mah ila, pialralah-
Ka nghâk ang che.
Ka hming sèlna i lawm sualna hmelma ànkâ,
Fiahin lâm ang lo lêt leh la;
Tichuan lungrualin hmelmate,
Thuam ang do dun ila.
Kum sang damin nang ngaih Lalngo bâng tak ang maw,
Mi tàwnah puan ang chül mah la;
I TAN RINAWMNA KA THEIH TAWK,
KA NUNNA TAWP THLENGIN.
June 23rd, 2011 at 10:26 am
Ril thin bik ve!!
Tunlai cu Pathian thu a kan hnianghnar lai tak a nia, hetiang lam post a awm hi a tihzia e
Report this comment
June 23rd, 2011 at 10:26 am
Ka first! Oh! Hman leh lo.
Report this comment
June 23rd, 2011 at 10:53 am
kan duhtak tena min duhloh hi a na ve em atin ani.
Report this comment
June 23rd, 2011 at 11:06 am
@ 3 Nia na ve tek2 tak ani.
Report this comment
June 23rd, 2011 at 12:48 pm
Report this comment
June 23rd, 2011 at 2:18 pm
Kristian Love song hi kan mamawh hlein ka hre thin.
Turni eng, zan chhawrthla eng pawh vâl ka tahna,
Ngaih a zual luaithli hulna ram;
Tah chuan min hnawltu nang, leh kei-
Lawmin kan lêng tawh ang.
nalh hle mai.
Report this comment
June 23rd, 2011 at 2:35 pm
A na ve bawk anih dawn hi.
Report this comment
June 23rd, 2011 at 4:57 pm
Pu Pazawna chu a boral tawh ni maw? Vengchung parawl ni mai khan ka hria a, hetia hla te a lo phuah a ni maw!!!!
Vengchung kha chu Tluanga te hian an chhawr tangkai thei bik asin aw..
Report this comment
June 23rd, 2011 at 5:02 pm
Thu a ka ril loh tluk zetin hla lamah pawh hian ka ril lo, chang khatna leh chang hnihna end rhyme khi abcc an tih ang hi ni turah ka han ngai ve ngawt a, chang dangah khian a ni leh ta si lova, eng category a dah chi nge ka hre thiam ta lo, free verse an tih ang hi ni hmiang ka ti mai.
Hei chu ku muantea,Tsa leh midangin rawn sawi teh se. an comment zarah kan lo bengvar leh mai dawn nia
Report this comment
June 24th, 2011 at 12:33 am
Ka chhas miin an rai a, ka ban duh a ngem aw…. tih te pawh min ngaihtuah chhuah tir. Inthen tawh aliam a, kumtluang a atan a la rinawm tak tlat mai chu(h).
Report this comment