Khawinge tun tum chu,mithar ber chan pawh chang mah ila,tawngkam thiam loh leh mahni insitna dah tha in ka rawn puak chhuak ve pawp mai te’ng.
Ka misual pui,tawngkam thiam zawk te’n an rawn ziah hun nghakin ka lo châng thin a,mahse ka nghahhlelh ang em em in,tun thlengin chhiar tur ka la hmu bawk silo va,hmân atang tawh a ka vei leh tun thleng pawh a ka rilru a ka pâi hmin theihloh a nih si avangin,ka ngaihdan ka rawn târlang ve mai dawn a ni e…
Ka tawngkam hi a na lutuk in ti a nih pawhin,ka tawngkam thiam loh vang a ni tih in lo hriat tel nghal ka duh a,thahnem ka ngaihluat vang leh ka vei na a rei tawh êm avangin ka rawn puah chhuah pui ve pawp mai zawk dawn a ni e.
Kan thupui thlan pahnih hi in persan viau mah se,in anna pakhat an nei a,chu chu Mizo hnam run tu ve ve an nihna hi a ni. Kan mizo hmeichhia te’n hnamdang(vai) pasalah an neih hian kan dem-in kan hmusit thei viau a,mipui vantlang aia hnuai zâwkah kan ngai nghal hmak thin a ni.Kan khuaah ngêi pawh hian chutianga hnamdang pasala neia,vairama awm ta pawh sawi tur an awm ve nual a ni.Vai motor-ah mizo hmeichhia te an chuan a,an nuih har har tawh chuan kan hmu K.S zo vek thin a ni lawm ni ??
Nia, a dik a ni…Mizo hnam vei a hmangaih tu leh kan hnam boral hlau ngawih ngawih tu tan chuan thinlung a na duh rêng a ni.Hnamdang(vai) pasala an neih chuan an fate chu mizo nilovin Thlahpawlh dik tak,Vai fa kha a nih tawh miau a vangin,ZOHMANGAIHA;ZORAMA..etc tiin an hming pawh vuah eng ang mah se la,VAI FA an nihna a bo chuang lova,an rilru, pianzia leh sûkthlekah vai an nihna kha a inphûm tawh miau avangin mizo hnam,TUIPAWLHLOH te angin khawsa in, an ei ang leh thawh ang zawng zawng tiin inti mizo takin lêng ve mah se,A mizo thei tawhlo tlata ni,a chhan chu Vai thlah,Vai-fa,Vai hnam a nih miau avangin.
Hetiang hi a nih laiin,ka hriatthiam theih miah loh leh englaimaha ka pawm theih miah loh tur(hnam hmangaina avangin) a awm a,chu chu hei hi a ni..Kan mizo hmeichhia te’n Vai pasala an neih a kan dem a kan sêl luai luai laiin,Foreigner dik tak ni zawk SAP, pasal-ah an han nei a, kan ngaisangin,Chanchinbu-ah te hial lawmpuina thu an han chhuah a…a nâwlpui chuan kan ngaisâng a ni…Nimahse,A pasal kha Hnamdang(foreigner) dik tak a ni zawk lâwm ni? …Engvangin nge kan ngaihsan theih ngawt ang?A fa pawh hnam dang a ni a,”MIZO HNAM TIDALTU” dik tak a ni ve tho a sin…kan in enfiah a va ngai teh lul êm!!!
“SAP te chu Christian an ni a,VAI te chu an ni ve hleinem” tia lo ngai tu in lo awm anih chuan -”Christian an nih avang khan Mizo hnam a boral loh phah dawn chuanglo,Vai te pawh keini aia Christian tha zawk tam tak an awm tho a,Christian an nih avang mai in an thlahte Mizo hnamah a chhiar theih ngawt chuanglo a ni”.
Ka thil vei pahnihna hi a pawimawh ka ti khawp mai.India ramah kan awm a,a thu kan zawm loh va,nikhat lek pawh min hrek beh chuan ram pumpuiin kan tawrh phah dawn a ni tih pawh kan hre vek awm e.Mizoram hi a luah tu mizote ram a ni a,mizo nilo te chuan I.L.P an neih a ngai a ni.Tuikuk te erawh chu mizo nilo mah se India sorkar-in mizorama awm turin a ti a,hei hi ka vei em em chu a ni a,Chanchintharah Tuikuk helte’n mizo hnahthlakte an rukbo thu hi a khat tawkin puan tur a awm ziah a.
State ralmuang ber lawmman kan la a,Hel awm lohna tiin kan hming pawh a thang mawi khawp mai.Amaherawhchu..Engvangin nge mizo hnam pawh nilo Hnam hnuaihnung,TUIKUK hel mai mai te’n kan ramah buaina an rawn chawh chhuah tak ziah mai le.?An duh leh an ram ah hel sela,kan ramah buaina an rawn siam a,mitin te kan râlti zo ta.”Hnam râlmuang ber kan ni” tia hnamdang laka hawisâng ve vah thin kha,tunah chuan kan hawi kun lap tawh a nih tak ber hi.
Chutih laiin,kan ram hruaitute’n mizorama awm hreh chung chung an la han thlem a,tlem a zawng te chu an hruai haw thei a,parthi awrhtir tlak khawpin,an lo hmuak a…pawisa pawh an sem diat diat bawk.Lal hmuah taka hmuak an ni bawka,an mahni(Tuikuk) pawh an in ngaihsan phah ta a ni ve chêk aniang chu…Tuikuk helte’n mizoram hi an lo ngainat êm êm ni;An vawk lal len theihna a nih ve tlat avangin….a tawp nan chuan…Kan ram hruaitute pawh hi an lo fing vek bik love,mipuite paw’n hrilh fin an ngai tih i hria ang u…Heng te hi ka vei zawng te an ni a…thupui ka rawn sawi hawng a ni e.In ngaihdan rawn thawh ve teh u.
Similar Posts:
- Hnamdang ka neih chuan ka hnam ka phatsan
- MZP Press Release
- Relationship in Vairam and arranged marriage
- Mizo hmeichhe KS
- Zo leh zo ngei runhmunah i leng ang aw
June 25th, 2011 at 11:39 pm
Rempy
…..Tunlaiah hi chuan hnam ang let let a in bawk hrang hi a harsa tawh a, a la harsa tawlh tawlh dawn niin a lang. Amarawhchu kan hmeichhia ten hnamdang ngaihzawng/ pasal an hmu awlsam lutuk hi chu ngaihthiam theih a ni lo.
Mizo society ah hian kan hmeichhia te hi an zalen ta em a, engmah hlauh an nei tawh lo, hnam inhung na mumal a tawh lo a, hlauh tur a awm tawh lo a nih hi maw.
Kei chu, hmeichhiate thiamloh vek niin ka hre lo. Kan history kan chhui a ngai, Zosapte atang tal khan…Tun dinhmuna kan hnam hnuk kal tu lian lawr lak pakhat chu kohhran a ni. Mahse kohhran hian hnam hmangaihna min zirtir ngai lo. Hnam anga in chhuanna (chhungrilah) kan nei tawh lova, keimahni leh keimahni hi kan inhmusit tawh a nih hi…Mizote tluka mahni hnam hmusit leh mahni hnam thil khawih ching pen nasa hi an awm emaw chu…..Hnam lungphum, thinlung chhunga inphum tlat kha kan nei let leh a nih loh chuan hnamdang hi kan nula ten an nei uar sauh sauh ang tih ka ring tlat mai kei chu,,,.
Report this comment
June 25th, 2011 at 11:42 pm
Sawi nawn fo ngailo se, mizo nula 1 hmaah choice 2 om se,
mizo tlangval middle class nge vai tlangval high class?? Mizo nula chuan mizo tlangval ngei a thlang ang. Chutianga thlanglo tu an awm anih chuan hnam context ah mai nilo, engahmah laktlakloh chi a ni ve hrim2 tal aniang.
#49, chimawmpa, ngaihzawng ka neilo, (vai or mizo)
Report this comment
June 25th, 2011 at 11:45 pm
yes vacancy awm
Report this comment
June 25th, 2011 at 11:56 pm
Kristian kan ni a, kan bible-ah chuan,”Nupa chu pumkhat an ni”, a ti a, chu ti a nih chuan mizo hmeichhia hnamdang (Sap,vai..adg.) pasal nei chu mizo a ni tawh lo tihna a ni mai. Chuvangin mizo chu mizo, Vai chu vai, sap chu sap….a ni mai. In leh lo, tribal certificate,..adg. pek miah loh tur, chim ral kan duh loh chuan….
Report this comment
June 25th, 2011 at 11:59 pm
Choice awm lo!!!!!!
Report this comment
June 26th, 2011 at 12:08 am
#48 ang khian ni mai…
choice don pon hmeichhia khan a thoh ve tho ngai lom,thut top a duh2 thlan ni bik nang
Report this comment
June 26th, 2011 at 12:08 am
Report this comment
June 26th, 2011 at 12:15 am
@ReMpY_ScisSoR #57 : ka thlop full thraks che
Report this comment
June 26th, 2011 at 12:15 am
Sex ratio ah bias deuh a ngai bawk ang
…a rum mah mah em aw 
Report this comment
June 26th, 2011 at 12:57 am
Kan thiannu pakhat chuan sap pasal a nei a, ka be peih toh lo, a fate lah chu mizo tawng ka zirtir e ek e bal e te ti vel. Zak lo or or ltk
Report this comment
June 26th, 2011 at 1:19 am
#60, an fate chu an hmuhloh laiin lo hlap sak thin la
kan fimkhur angai,dik tak chuan sap pasal a nei etc tih vel hi kan in ngaihnep siak a hun toh takzet a ni…..
Report this comment
June 26th, 2011 at 1:33 am
Ka type zoh hmaa submt cu le. Soi zom ag. Mizo nulate u, hnamdg pasal i lo nei hlauh a nih cuan i vun mam nalh chhung cu a care viau ag ce, mahse i vunte a lo zur hunah cuan i la tap kauh2 ngei ag, then ngot don la chan chhe zok i lo ni toh ang, i ramah kir leh ngot don la, i inthlahrung toh sg ang, i fate hruai haw don ngot la foreignr an lo ni si a, i buai a tan don chauh chuvangin o nula mizo val chauh aw. Kan hnam leh nangma tan….
Report this comment
June 26th, 2011 at 8:16 am
Ka sawi tam peih lo viau na a chu, Mahni hnampui neih tluk a awmlo ve, amaerawh chu khawvel thrang zelin a, a ken tel mizo te pawh hmun/ ram hran hran ah kan awm ve ta, dinhmun leh khawsakna avang pawhin mahni hnam kher chu a neih vek theih hauh loh ang, mahni awmhmuna tranga lo pawngpaw pawr viau a, hnamdang nei nazawng lo pawngpaw huat ringawt hi a fuh berlemlo maithei ani, hurherh vangleh hnam ti mualpho zawnga awm chu thuhran.
Vai rama awm hnam timualpho leh awmherh hahip in kan sawi a, midum kawp te nen, ka tran hauh lo a, midum kawp ho phei hi chu, amaherawh kan ti teh ang, kristian 100 a za deuh thaw tuallenna khawpui a nula, drug leh suahsualna sanzia hi, kan kuanglo hi kan nawr deuh chu a ang, leh crime tamzia khi, a mi chengte kan in enfiah a ngai, chuti nilo a, mahni kawtkaia thil thleng aia vairam, sapram , hnamdang pasal nei kan vei zawk hlauh chuan a fuh vaklo maithei a ni, an duh a, an choice a nih chuan i lo sawisel vak vak kha i hahthlawn mai mai, hnamtimualpho tur angah chuan, vei tur leh mutmawh hnar mawha neih tur kan zawlkhawpuiah hian an tamtawk, ka lawm e
Report this comment
June 26th, 2011 at 9:49 am
@littlerascal ka office chuan huam zau lo mahse a hnathawh a zau a sin! Sorkar leh private sumdawnna tam tak bakah lehkha thiam BA/MA tihtheihlo kan khawih a sin…….hnam dang ten thawh chakin min rawn dil sup sup reng a sin. A chhan chu maw MIZORAM a awm theihna chance an neih phah a, zimte mah nise a zau a, a lian a sin!!
Report this comment
June 26th, 2011 at 11:22 am
Vitamin C hnathawh zau viau si, a. A leng an tlem tih thu mai a ni e. Thlahpawlh leh hnamdang lenlohna ophis chu ka va hreve chak ve han sawi teh a, hnathawh zau viau bawk si chu
Report this comment
June 26th, 2011 at 1:36 pm
“Kan mizo hmeichhia te ’n
Vai pasala an neih a kan dem a
kan sêl luai luai laiin,Foreigner
dik tak ni zawk SAP, pasal-ah an
han nei a, kan
ngaisangin,Chanchinbu-ah te
hial lawmpuina thu an han
chhuah a…” ‘LELTE’ Pu C.Dina and Co ho hian chhiar tlak article an va han chhuah khat tak I tihna ah ka ngai
Report this comment
June 26th, 2011 at 2:22 pm
#66 Voi 3 kan
teng 
Report this comment
June 26th, 2011 at 3:40 pm
Hnam dang pasal nei ka hriat 90% chu an inchhir mai bak ah an faten hreawm an ti
Report this comment
June 26th, 2011 at 3:49 pm
Hnamdang nupui/pasal a neih hi 101% in ka thlop lo full thrak, mipa/hmeichhia in ang reng
Report this comment
June 26th, 2011 at 6:40 pm
Mipa chuan nupui hnam dang nei mahse a fate mizo an ni, hmeichhia erawh chuan hnam dang pasal a neih chuan an fate kha hnam dang an ni.
Hmeichhe lu chu Mipa a ni a, Mipa lu Chu KRIRTA a ni
Report this comment
June 26th, 2011 at 9:10 pm
@70
mahse mipa nih bik vang ngot a hnamdang neih poilo zok tihna rilru eroh ka duh chuanglo,hnamdang nei ve2 an ni,mahse an thlahte eroh an in Mizo hleih
Report this comment
June 26th, 2011 at 11:04 pm
70, lolz ka nuih i tiza, i ohpis tur ang, hnamdang leh thlahpawlh lenlohna vaiho in an duh viau si chu kei mimawl hian ka hrethiam lo, nge nang hi nihna phulo a hna nei, a lera chapo ve phian i ni zawk NOI
Report this comment