No. E-93/MZP-GHQ/2009-11/202 Dated Aizawl the 9th June, 2011
Mizote’n ralkhat atanga kan lo chhuan leh ngaihsan thin, National Commission for Minority (NCM) Vice Chairman Pu H.T. Sangliana’n Tuikuk leh Chakma chungchanga a thusawi chuan MZP a barakhaih hle a ni. Tuikuk leh Chakmate hi Mongolian ni ve tho mahse, Zohnahthlak an nih loh avangin engtikawng mahin Mizo-Chakma, Mizo-Tuikuk ti a pawm theih an ni lo tih leh, Mizo hnam leh Tuikuk leh Chakma chu chawmpawlh chi a ni lo tih hi Pu H.T. Sangliana hian lo hria se MZP chuan a duh a ni. Mizorama kan mikhual duat Tuikukte hian MLA 4/5 chu sawi loh, MLA pakhat lek an neih pawh hi Mizo mipui hlauh ber a ni tih pawh lo hre tel bawk se MZP chuan a duh hle bawk.
Mizo mipuiin Tuikuk kan duat zia te, tih hmasawn tuma sorkar leh kohhran hrang hrangin hma an lak nasat zia hi Pu H.T. Sangliana hian a hre lo em ni tih hi MZP zawhna a ni a. Tuikuk laklet te a hu hova an awm tha a tih thu a sawi duh phei hi chu MZP chuan mak a ti em em a, Tripura leh State danga Mizo awmte’n Politics-a hamthatna an neih lohna tura Constituency Ramri an rin maksak thin dan pawh a la hre thui tawk lovah MZP chuan a ngai a ni. Tuikuk laklet te hi Mizoram an chhuahsan hmaa anmahni khaw ngai theuha an awm leh vek hi a thisen zawmpui Mizo mipui duhdan a ni tih hi lo hria se MZP chuan a duh hle a ni.
Tin, India ramah hian Christian-te hi minority kan ni a, NCM-a amah Pu H.T. Sangliana ngei Vice Chairman anih theihna chhan pawh hi Christian representative a nih vang a ni tih pawh inhre thar leh turin MZP chuan a duh a. Anmahni chan that theihna tura Mizote a chhe thei bera min hekna ti chak lehzual tura Tuikuk hovin central sorkar hnena Hindu an nih thu te sawi a, Mizovin an Hindu temple-te halsak anga min hek te, an nula pawngsual rawn anga min hekna te hi Pu H.T.Sangliana hian a hria em tih hi MZP zawhna a ni a, a thlavang hauh tur minority te dinhmun ngaihsak si lova, India rama a majority community Hindu-Tuikukte a ngaihsak em em mai hian NCM-a a Vice Chairman nih theih chhan a theihnghilh palh a ni em tih pawh hi MZP zawhna a ni bawk.
Politics dinhmun tha beisei a, anmahni duhthu ngeia Mizoram chhuahsantu Tuikuk te’n dawt tinrenga Mizo mipuite min hekna hre duh lova, an vuivaina ang ang thutak khuk pui a, Mizo mipuite thiamthu lo sawive awi lova a ngaih dan a siam dawn a nih chuan Mizoram a rawn tlawh tangkaina a awm lovin MZP chuan a hria a. Tuikukte’n an umchhuah Sakhan tlangdunga Mizote chhawmdawlna tur Central sorkarin a ngaihsak theih nana Central Sorkar nawr tura Mizo mipuiin kan lo beisei lai leh, Mizoram NGO leh Political Party te’n Sakhan Mizote chhawmdawlna tur chak leh zuala Central sorkar kar nana Tuikuk lakkir mek chawlhsan ni se ti a thutlukna nei a hma a lak lai leh, Mizoram sorkar ngei pawhin a pawmpui laia hemi dodal zawnga thu a sawi leh zel phei chu MZP chuan a hrethiam lo takzet a ni. Tripura state-a Mizo, Jampui leh Sakhan tlangdunga chengte hi Christian an nih avangin India ram pum huapin minority an nih mai bakah Tripura state-ah rau rau pawh minority an la ni leh zel bawk avangin NCM Vice Chairman Pu H.T.Sangliana hian an tan a theih tawkin hma laksak se tih hi MZP ngenna a ni.
Tin, Mizoram-a hun engemawti atanga lo cheng tawh Tuikuk, Chakma, Gorkhali etc. te hamthatna tura a beihpui rual hian a hnampui leh Kristian nih pui, ram neitu Mizote ngaihdan leh duhdan ngai changa hma la thin tur leh, tawngkam hman chungchangah pawh fimkhur turin MZP chuan a ngen bawk a ni.
Similar Posts:
- Tuikuk politics a khamawm ta
- Lungawina neilo Tuikuk te
- Mizo te kan la hniam hle
- Tuikukte’n CM hnena thil phut
- Mizoram a sorkar hnathawk hlawh hi a tam lutuk em, Tax pe ve dawn ta ila
Chaw poi ka eitui theilo.. zamzo kerkor vang hian..hahahah 
zindabad
rak rak mai rawh u, in pawm leh pawm lohah a innghat lem lo bawk a…….. 
June 9th, 2011 at 10:51 pm
Ka chhiar hmain Pu Sangliana sawi kha engmah diklohna ka hrelo…….tunhma atanga ka sawi fo thin, misual member ten min chuk rawn luai luai na kha tunah hian a rawn nemnghet ni maiin ka hria (Y)
June 9th, 2011 at 10:51 pm
Tukuk bawk ….
June 9th, 2011 at 10:53 pm
HT Sangliana chuan a mimal nihna ni lovin a NCM a nihna zawnah a sawi ani ve mai a lom.A ni sawi vang khan a thleng lo tawp ang.
Ka hma a mi te 2 chu hmasak an in chuh a nih khi.
June 9th, 2011 at 11:01 pm
Pu HT a chuan enge a sawi kan hre ve lem si lova, a sawi dan in sawi lang ve tawh si lova.. (H)
June 9th, 2011 at 11:02 pm
MZP ho (leh misual member tam zawk pawh) iak iak mah ula mizoram Bru ho hi mizo an ni tho tho. officially and politically mizo is the name for the people of mizoram ka la ti fan a ni. mahse tuikuk dan lova rawn lut dan kawngah chuan ka duh khirh viau mai.
June 9th, 2011 at 11:03 pm
MZP thusawi hi a dik ka ti. Ve tlat mai a!
June 9th, 2011 at 11:04 pm
7th June : National Commission for Minorities vice chairman, HT Sangliana chuan, Sakhan tlangdung atanga Tuikuk hoin Mizo chhungkua eng emaw zat an ûm chhuahte hnenah chhawmdawlna pêk phût avangin Tripura atanga Tuikuk hruai kîr hna kal lai mek tibuai lo se tha a tih thu a sawi.
HT Sangliana hian nimin zing khan I&PR Conference Hall-ah thuthar thehdarhtute a kâwm a, tun tuma Mizoram a rawn tlawha Mizorama hnam tenau zawkte dinhmun a en chungchang leh Minority Commission chungchang a sawifiah a ni.
Zawhna chhangin, HT Sangliana chuan, Tuikuk hoin Sakhan tlang atanga Mizo an ûm chhuahte chu chhawmdawl an nih theihna turin, list mumal tak nena sorkar laipuia thlen a ngaih tur thu a sawi a; Home Minister R Lalzirliana’n Sakhan atanga Mizo ûm chhuahte chhawmdawlna pe tura sorkar laipui phût nan Tuikuk lak kir mek chawlhsan rih a nih tur thu a sawi chungchangah, Sangliana chuan, “Repatriation kal lai hi chu tibuai lo se a tha hle ang,” a ti.
Zawhna dang chhangin, HT Sangliana chuan, Mizorama hnam tenau zawkte chu Mizote’n an hnuaichhiah lo nia a hriat thu a sawi rualin, ngaihsak an ni tâwk lo nia a hriat thu a sawi a; Chakma leh Tuikukte’n Central-ah Mizote an hêk chungchangah, tun tuma Chakma leh Tuikukte a tlawhnaah pawh Mizo an hêkna chu hnûkkîr tura a ngen thu leh, Central-a thu thlentu ber, Suhash Chakma pawh hmuh a, hnûkkîr tura hrilh a tum thu a sawi a ni.
HT Sangliana chuan, Tuikukte chu a hlâwmin awm se tha zawka a hriat thu leh, chu chu an hmasawn nan tha zawka a hriat thu a sawi a; zawhna chhangin, “Constitution-in a phal chuan, MLA 4/5 pawh nei ang hmiang… UT an dil ang a, tih vel hi chu hlauh tur awmin ka hre lo,” a ti.
Gorkhali-te’n Mizoramah OBC status neih an dil chungchangah, HT Sangliana chuan, Gorkhali hruaitute’n amah ngei an hmu tawh a, chu chu Mizoram sorkarah pawh a thlen tawh thu a sawi a; Gorkhali-te chu Mizoramah kum 100 chuang lo awm tawh an nih thu sawiin, “Huphurh tur an ni lo a, huphurh tham pawh an ni lo,” a ti.
Minority Commission vice chairman chuan, hnam tênaute chawikânna tura PM’s 15 Programme a awm thu sawi rualin, Central-in minority a tihte zingah state khata minority ni si lote a huam loh thu a sawi a; PM’s 15 Programme hnuaia sum hmuh theihte chu Mizorama hnam tênaute chawikân nan Mizoram sorkarin pawt chhuak thiam se a duh thu a sawi a ni.
HT Sangliana chuan, State Minority Commission a that thu sawiin, din turin state sorkarah an thlen tawh thu a sawi a, mahse Mizoram sorkar chuan, ‘Mizoramah minority kan awm ve lo’ tia chhanna an dawn thu a sawi.
Mizorama hnam tênaute chu enkawl that an tul thu sawiin, “Delhi-ah pawh Mizote’n thlânmual an dil a, Aizawlah pawh sakhaw dang betute tan inhâlralna hmun siamsak ve ila, community hminga tih kher pawh a tul lo,” a ti.
Tuikuk leh Chakma-te chu hnam hrang daih anga ngaih tur an ni lo tih sawiin, HT Sangliana chuan, tun tuma Chakma leh Tuikukte a tlawhnaah pawh, Mizo anga awm ve tur leh, Mizo tawng pawh thiam tum turin a chah tih a sawi a; Mizo tawng an thiamtir chu Mizote mawhphurhna a nih thu a sawi.
Minority Commission vice chairman chuan, Mizoram khawthlang lama ramri hung hna thawhnaah, hnathawktu contractor-te’n a awlsam zawng leh remchang an tih angin ramri an hung nia a hriat thu leh, India ram eng emaw zat chu border fencing páwnah a awm dawn a, chu chu tha lo a tih thu a sawi a; “Engati nge state sorkarin a tirah a enpui loh? State sorkar leh mipuiin aw in neih loh? A serious zia an hre lo em ni?” a ti. Sangliana chuan, “Mizoram inches khat pawh kan hloh tur a ni lo,” a ti a; Chakmate awmna hmun chu Chakma ram a ni lo a, Mizoram a ni tih a sawi bawk. (source http://www.vanglaini.org)
June 9th, 2011 at 11:06 pm
@Ozima, kan ngaihdan a inpersan tlat mai. Mizorama chengte hi Mizo an ni vek kher lo tih hi ka ngaihdan a ni. Tuikuk/Bru-te hi Mizo hnahthlak an ni chiah em?
June 9th, 2011 at 11:08 pm
tunlai kan hun tawn chhoh mek hi transition period a nih na lai a awm a, kan hnam hi eng kawng zawngin nge kan kal dawn tih hi chu hriatthiam a har khawp mai, tuikuk te, chakma te leh kan vel a hnam dang awm ve te pawh hi kan seng lut vek dawn nge? keimahni hi a fir thei ang berin kan in hung tlat dawn tih hi zawhna awm thei tak a ni ta.. keimahni ho ngei pawh hi indian mainstream ah hian kan kalral ve mai dawn em ni tih te thleng hian..
June 9th, 2011 at 11:12 pm
muantea@6: MZP sawi hi ka hriathiam pui lutuk, mahse se bo hnuah se bo kan zawng zel dawn nge a dang a bo zel loh nan sekawng kan khar zawk dawn? Bru/Tuikuk chawrchhuahna chu thudang nise, hruaitu hmasa ten tihsual an nei a nih paw’n thudang nise. Tun dinhmunah chuan mizo an ni, a mizo tawh hi chu mizo mai sela, an ni nawk nawk ai chuan a ruka foreign ram atanga rawn tawlh lut zel lo dan hi a hun tawh tak zet zawk a ni.
June 9th, 2011 at 11:13 pm
@muantea: Mizo hnahthlak ka hre lo tlat 😛 zohnahthlak/ chhinlung chhuak zawng zawng hi mizo kan ni veklo tih hi ka mizo hrilhfiah ve dan chu a ni.
June 9th, 2011 at 11:14 pm
Facebook lamah ka mal tan hrep tawh a, helaiah chuan mi hawizau kan tam bawka a zia deuh ang chu maw. Vanglainiin an lo upload chiah khan ka chhiar chhuak a, eng vak mah hel em em tur ka hre law…. MZP hian Press release an siam ka lo ring leh em em a, ka ring sual lo khawp mai. A chhan chu- Ministry-in Sakhan tlangdunga kan mizo umchhuahte avangin zangadawmna an dil a hlawhtlin phawt loh chuan Bru hruai kir lai mek hi tihbuai an tum a, chu chu Pu HT Sangliana khan tibuai lo turin a ti a, kha kha an lak nat ka ring.
Tin, bru leh Chakma-in min hekna pawh sut kir turin a ngen hial a ni. A nihna ang takin ro a rel a ni, tha ka ti khawp mai. Kan Mizoram bik chiah a ngaihtauh chuan a dik lo ang, eiru a ni mai…..India ram pumpuia Minorities ho pa a nih hi i theihnghilh lovang u. Zia lo thei em mai a.
Pu Hawla ministry hian Pu HT Sangliana hi a nek zeuh zeuh ka ring bawk e…..
June 9th, 2011 at 11:15 pm
MZP (Y) (Y) (Y)
June 9th, 2011 at 11:21 pm
#11 Ozima: ka lo inrawlh ve lawk, chhinlung chhuak te hi hnam khat kan nih leh theihna tur hian common name kan pawm tlan theih hi ngaihtuah chu ngai i ti ve lo maw?
June 9th, 2011 at 11:22 pm
MZP te in tan khawhna ka tlawp e. (Y) (Y) (Y) (Y)
Mahse,
Mongolian nilo vin, “Mongoloid” tih tur anih zawk hmel mange! :-O :-S
Mongolian: Mongolia ram mi te hi Mongolian an ni.
Mongoloid: Mihring hlawm khat, mitzim leh mitvun chuar tamlo chi, vun rawng eng-uk (yellowish brown) leh biangki nei lian chi, central leh eastern Asia a chengte sawina a ni.
June 9th, 2011 at 11:25 pm
MZP (Y) (Y)
Tuikuk leh Chakma-ho hi mahni thuin Mizo lo nihtîr mai mai lo ila, a tha ang.
June 9th, 2011 at 11:25 pm
Ozima, Zohnahthlak ka tihna ni mai teh se. Mizo hi chu hnam hming a nih tlat tawh avangin Mizorama cheng zawng zawngte Mizo nihna pek ngawt hi chu ka tim khawp mai.
HT. Sangliana hian a nihna atanga a tih tur dik tak chu a ti ngei mai. Mahse Bru ho tlanchhuah ngawt dan kha a hriat ve reng erawh a ngai ka ti tlat. Sorkar-in hmalak dan tur a duan ang chuan kan kal tur a nih rualin thil awmzia dik tak pawh hi an hmaihthelh turah ka ngai lo.\
Sakhan tlang dunga Mizote dinhmun hi gaihtuah chuan an khawngaihthlak takzet a ni. Mahse hei hi chu issue dang a ni tih chu kan hria. Sorkar laipui hnenah hian engtiang chiahin nge thlen a nih tawh dan leh engtia thui nge nawr a nih tawh tih erawh chu ka chiang hauh lo.
Sorkar hian a citizen-te hi ang khata a en ngei a ngai a, thlirna mit fim tak a put a ngai reng a ni
June 9th, 2011 at 11:26 pm
HT Sangliana thusawi in rawn tarlan takah chuan a sawi tha khawp a lawm ka ti kei chu. Mizoram CM emaw MP emaw a ni lova NCM Vice Chairman ani tih hi kan hriatpui a tha ang. Mizo nilo NCM V.Chairman ah awm ta se tun ai hian kan buai daih ang.
Tin, sakhan tlangdunga kan mizo pui te chhawmdawlna chungchang te hi kan va buaipui har em em ve le.
June 9th, 2011 at 11:26 pm
@Mkhawla: Chu zawng ethnic issue ah dah ang, helai thu hi political issue a ni e. Bru hian ethnical deuh hian rawn beih an ching a mahse chu zawng kan khin zel tur pawh a nilo. My opinion: http://www.misual.com/2010/09/22/hnam-vs-ram/
June 9th, 2011 at 11:27 pm
Hengho hnam hmingchawi Post te hi awmfo lo se ka duh. Saaalaa.
June 9th, 2011 at 11:29 pm
Ozima, a nih vai mizorama rei tak lo awm tawh te hi mizo i ti thin tho tihna em ni?
June 9th, 2011 at 11:31 pm
Pu Sangliana chu a thilphal lutuk mah mah a nih ve bawk hi maw le! A sawi loh tawp tur te pawh a sawi a ni mahna le!!!!
June 9th, 2011 at 11:34 pm
MZP pawh hian an tih tur an ti chiang a, mahse an tih chhan hi hriatchian a chakawm mai mai, ministry nen hian enge mawni a awm ka ring.
Nia,ethnic issue leh political issue hi thliar hrang hram ang u.
#22: Pu HT Sangliana thusawi hi press conference a neihna ami a ni. An cross question vak vak anga thu a uar deuhte pawh a ni mahna.
June 9th, 2011 at 11:34 pm
Ozima #11, Mizo tih chu Zohnahthlak hnampui hrang hrang Lusei, Hmar, Paite, Ralte, Mara, Lai (Pawi), Thado etc. khaikhawm tu kan identity a ni. Mizo race a awm a, Mizo tribe a awmlo, kan nihna (identity) a ni.
Mizoramah Mizo kan inti a, Assam lamah Kuki etc., Manipur lamah Zomi etc. tiin Burma ah Chin emaw a hriat/khaikhawm (identified) kan ni leh thung. Duhlian tawng kan thiam leh thiam lovin min ti Mizo in min ti Mizo lova, Mizo ka ni/ka nilo kan tih vangin kan ni emaw nilo emaw lova, kan awmna ram vangin kan nihna a thlak theih hek loh. Kan thisen, history, culture leh tradition vang zawkin Mizo/Chin/Kuki/Zomi kan ni zawk.
Tin, khing Zohnahthlak zingah khian, khawvela mihring awm chhung zawng hian English ho Mizo an ni theilo ang chiah hian Chakma leh Tuikuk te hi Mizo an ni ngai lovang.
muante #17 (Mizorama cheng zawng zawngte Mizo nihna pek ngawt hi chu ka tim khawp mai.) 150% in ka thlawp em em. (Y) a chunga ka ziah ang khi a ni mai.
June 9th, 2011 at 11:35 pm
@muante2: mizo hnam hmianga kan hmang tih lai takah khian kan thu a inpersan, he thumal rawn chuahna chu engpawh lo nise,official chuan hnam hming nilovin, mipui hmingah kan nei zawk a nih si hi. Burma Lai, manipur paite,hmar etc. hi mizo ka ti ngai bawk lova kei chuan.
@KT: Kan sawi tam tawk e chu zawng, HV a hi american inti em? ka post ah khan kan sawi tam tawk bawk in ka hria.
June 9th, 2011 at 11:37 pm
Kei chu MZP hi ka thlawp tlat 100% in. NCM Vice chairman pawh ni raw sek sek, minority chu a chhan tur chu a ni, sawi awm tawk a awm. Mahse mizoramah ngei, ama mizo pui te hnenah ngei hetiang a sawi thei hi mak ka ti.A thusawi hian Tuikuk leh chakma te a ti huangtau sawt ngei ang.A thusawi pakhat “Constitution-in a phal chuan, MLA 4/5 pawh nei ang hmiang… UT an dil ang a, tih vel hi chu hlauh tur awmin ka hre lo,” tih te hi chu hnam rilru pu tan chuan sawi chi ah ka ngai hauh lo. Chakma MLA kan nei pawh tih tawh nak a lai a. Pu HT-a hi a ti lutuk ve deuh a ni e
June 9th, 2011 at 11:38 pm
#19 Ozima: thanks, mahse, kan ti leh tho teh ang, ka ngaihdan chuan, bru(tuikuk) ho ai hi chuan kan thisen zawmpui hnaivai zawk political boundary ringawtin a min tih hran ho hi ka la ngai pawimawh zawk mah
June 9th, 2011 at 11:42 pm
Mkhawla #24 2nd para khi (Y)
Ka fanu lehkha kan zirtir daih teh ang. Tut hlawm em mai hairehai 😉
June 9th, 2011 at 11:42 pm
Fing takin emaw mawl mang tak pawh in heng Takam(chakma) leh Tuikuk ho hi chu Zo hnahthlak ah hian rin lut lo hram hram ang u. A va rilru nat thlal letling zawk ve le.
June 9th, 2011 at 11:44 pm
Ozima, Mizorama ka chen vang chauha Mizo ka ni lova, Mizo ka nih avanga Mizo ka ni zawk e. Helai hi chu etnic leh political i thenhrannaah i tham pawlh deuh a ni. Burma Mizo, Manipur Mizo, Tripura Mizo, Delhi Mizo, America Mizo, Malaysia Mizo, Singapore Mizo, ldt. kan ti zawk ngai e
June 9th, 2011 at 11:44 pm
Ozima #10 i comment khi ka hrethiam tlat lo! Tuikuk hi engtiklai atang khan nge mizo an lo nih a? Vote an neih vang hian mizo anni ve ta mai tihna em ni? Kan history en kualin tuikuk chanchin hi a lanna a la rei vaklo lo maw?
June 9th, 2011 at 11:47 pm
Mkhawla@27: chu zawng a taka thleng rual a ni silo a lawm le, dreamworld-ah chuan ka mizoram map ve chuan burma ram a hlep hlawk a, manipur,assam,tripura a hlep kual zel a, Bru leh chakma a satthla thunga, chuzawng a taka thleng rual nisi lo le……………. greater nagaland ang chauh. kan chan thlirin tuna kan dinhmun atang hian engtin nge hma kan sawn anga, engtin nge ke kan pen ang tih hi ngaihpawimawh a hun tawh zawk, freamworld a chen reng a hun tawh love, Bru lut tawh chu an nih ang hian mizo ve mai rawh se, bangladeshi lo chho tur erawh i veng uluk ang u ka ti a ni
June 9th, 2011 at 11:47 pm
A thusawi-“Constitution-in a phal chuan, MLA 4/5 pawh nei ang hmiang… UT an dil ang a, tih vel hi chu hlauh tur awmin ka hre lo” tih ah hian sawi chhan a nei a ni. Press Conference nei lai a ni a, miin an cross question chiam pawh a ni thei. A sawi tum pawh a ni tawp lovang. Thil ni thei chu a ni meuh mai mahse a thleng lem lo ang.
Duh aiin ethnic issue lamah kan stress leh vak thin..a thing tlat. :-[ Tuna Bru lak kir an tum hi Mizorama awm tawh thin anni a lan dan chuan. Mizoram sorkar paw’n a hriatpui vek. Mizote hi chu a miin thil tha ti dawn se kei ber emaw tiin kan sawisel leh chiam zel. NOI.
June 9th, 2011 at 11:48 pm
Pu Sangliana hi ka ngaisang viau a. Tun a a thusawi vang hian ka ngaihsanna a hniam chuang lem lo. A nihna leh a responsibility avangin hetia a tawng hi a tul a, mahse keini tan chuan lem a har deuh!
Ozima comment hi ka ngaihtuah nasa ve tawh thin. Chakma leh Bru te chungchang hi. Mizo a kan chhiar loh chuan Chakma leh Bru an ni reng mai dawn chu ani mai a, Mizoram ‘origin’ ni lo mahse he ram mi an ni ve miau si a. Etnicity lam aia politically a kan ram integrity hi kan vei thiam chu a pawimawh zawk em aw tih hi. Ngaihtuah tur hi a tam mange a.
June 9th, 2011 at 11:48 pm
H.Vangchhia khi khi a nihna chu a ni tlat alawm, ka duhthusam chu, mizo or wateva name.. kan pawm tlan theih hi nei ila, one nation under one.. ka sawi peih lo..nih hi ka va chak tak em!!
June 9th, 2011 at 11:50 pm
saitawk #29 Telh/rinluh an ngailo emaw ngai emaw hleinem, an ni lova an ni thei ngai dawnlo, khawvel awm chhung zawng hian. #24 khi en rawh.
Zohnahthlak inkarah chiah SAPHUN pawh a theih. British emaw German emaw Mizo nih tir tum ang vel a ni e.
June 9th, 2011 at 11:51 pm
A thu khi kan ring ngam a nih chuan a chiang tawk lom le..
Pu.Sangliana’n “Tuikuk leh Chakma te hnam hrang daih anga ngaih tur a ni lo” tia a sawi khian NCM a nihna ang a asawi ah ka ngai thei lo. History thlak a tum a ang ka ti zawk mah. Hnam/chi chhuina tam tak in ziak toh a tin, Lehkha bu tam tak chhuina chhiar tur a awm bawk.. Tuikukte zohnahthlak anga sawina hmuh tur a vang khawp mai. Hindu an ni a an Hindu templete Mizo ten an hal sak tihte an sawi khi a dik em aw? (Tu ten nge lo hal sak le)Gorkhali mizorama piang leh sei lian ang ngawt an nilo tih a chiang. An chet zel dan en hian Politics leh chi an la kawp tlatin ka hria. Ka rin thu sawi ta ila, Mizoram hi an ram anga sah then an la tum ngei ka ring. Mizo an nilo va; Khual tha an ni hek lo in ka hria.
June 9th, 2011 at 11:54 pm
muantea@30: thampawlh min tih lai khi ka man thiam sa reng mai a hma atang reng paw’n. S.Africa mi zawng zawng an hang vek lo, mizo zawng zawng chhinlung atangin an rawn chhuak veklo tia ka sawi lai hian, nang chuan mizo hi zohnahthlak/chhinlungchhuak hming atan i hmang mai zawk a ni e, nih chuan people of mizoram tan hian hming kan neilo zawk tihna mi niang aw??????????
Keimah Thingtlangpa@31 Tuikuk mizo na chu hmanni mai a ni e, puhawla sawrkar hmasa-ah mai a nih kha
June 9th, 2011 at 11:55 pm
Dik chiah chuan mifing awmkhawmna maw ka tih misual.com-ah pawh hian ethnic issue hi kan tarmit atan hian kan hmang tam mah mah. Hetiang a nih chuan a fuh thei lo ang. Ka tawng duah dawn emaw ni chule. Sakhan tlangdung kan Mizo pui issue pawh hi thil hrethiam chin tan chuan ‘THLAVANG HAUH’ nan chauh sawi chhuah a tawkin ka hria.
June 9th, 2011 at 11:58 pm
#24 (Y)
June 9th, 2011 at 11:59 pm
Ka’n sawi leh teh ang, keini ho hi Indian mainstream ah hian lungsi takin kan luang ral duh dawn a nih chuan a pawi lo, hnam(nation) ang a dinchhuah ve kan duh a nih erawh chuan a pawi khawp ang
June 9th, 2011 at 11:59 pm
Ozima, Pu Hawla sorkarin mizo a pawm avangin mizoah i pawm ve tihna em ni? Keichuan hnamdang ka la ti tang tang!
June 10th, 2011 at 12:00 am
Mkhawla #35 a dik chiah asin. Zohnahthlak te hi kan chapo em a, kan verther bawk si, mahni hma kan sial lutuk a, chhulkhat chhuak pawh kan in melh kheu kheu reng mai anih hi. Chakma leh Tuikuk erawh Mizo an ni thei kumkhua love
Naga ho hi hetiang lamah chuan ka ngaisang ve angreng khawp mai. Mahni tawngbil hmang vek an la nih mai bakah, an mahni hnam puan (shawl) lo chu bat duh hauhlo an ni tlangpui. Chuti khawpa an mahni hnam bila chiang si khuan Naga race/chhuak tawh phawt chu “Ka ni/ka nilo, i ni/i nilo” an inti ve tawhlo. Ram danga buaina chhuah te hian an tangrual thap zel asin.
Late 70’s leh early 80’s khan Shillongah Mizo leh Khasi intihbuaina nasa tak a chhuak a, Mizo pawh thi kan awm nual a nih kha. Khatah khan Naga hoin min tanpui a, an ni leh Khasi pawh inhmuh thiam lohna a chhuak ve ta nghe nghe. Mizo leh Naga ho inluah phal a ni lova etc. a tam mai. Chutih karah chuan Zohnahthlak te chu inti hrang let let kan la awm fo mai, Naga ho chu an tangrual tham mai anih kha. A hnu phei chuan Mizo ho min zuam chho zel (tun thleng anih tak hi!) Naga ho chu chutin an tibuai tha ngam tawh hleinem (Ka hriat chinah). Ka sawi duhna zawk chu, kan tawng hman ang Zohnahthlak dang ten an hman theih loh vang emaw, an tawng kan hman ve theih loh vang emaw hian in enhran ngawt tur anilo. Duhlian tawng hmang, “Mizo ka ni” inti ho hnam te tho, Hmar, Paite, Mara, Lai etc. an ni e.
Keimah Thingtlangpa Japanese te khi Mizo an ni thei em, Chakma te nen an case a inang chiah.
June 10th, 2011 at 12:03 am
@Krista: tripura/manipur/chin hills etc a zohnahthlak te chungchang thuah hian mizoram sawrkar hian bat a neilo, kan thisen zawmpui an nihna angin tanpui an ngaihna zawnah chuan tanpui a tha khawp ang, thenawmte inrelbawl dan lo relpui ngawt chi a ni love.
@Keimah Thingtlangpa: politically YES.
@Mkhawla: Duhthu kan sam a a tak emaw kan ti zui zel hi a pawi a ni e.
June 10th, 2011 at 12:07 am
Keimah Thingtlangpa: Chutiang lam a ni lo. Hnamdang ni chiang e. Politically-in ngaihtuah ve ta che mawle. Kan ramah bak hian an cheng kher lovang tuna kan buaipui mek Bru leh Chakmate hi.
@Ozima: Ni chiah e mawle.
June 10th, 2011 at 12:08 am
Keichuan mizo hnahthlak ni lo te hi mizo ka la ti phallo! Mizo hnam a dal ka phallo e..
June 10th, 2011 at 12:10 am
#46 tih phal leh phalloh lam ani nang. Ni chu ni, nilo chu nilo…. an ni lova an nilo a ni mai. (Y) 🙁
June 10th, 2011 at 12:11 am
#43 a te chi in i sawi ang hi ka tawng tawh a, mak khawp mai, a hma zawnga mizo ni si te kha, manipuri te a nia, a hma zawnga manipuri ni si te kha mizo an ni lawi sia..hahaaa
June 10th, 2011 at 12:11 am
Krista, vote duh vanga kan ram zimtea hnamdangawmtir hi ka phal theilo a tin ni!
Tu hunlai atang khan nge vote an lo neih ve reng reng le?
June 10th, 2011 at 12:13 am
#47 Chu tak chu alawm. Vote duh vanga mizo anga kan rama an awmtir tlat hi ka rilru a na thin..