Dr.Zokuma Vety [L], Chawnpui.
Mizo zinga mahni hunlai a mi hmingthang tling ve, quality mak danglam tak tak leh Mizo fate’n an daidar zel (Culcutta angte) hnu pawh a experience ngah ber pakhat a ni a. Tawng a thiam rang em em a, intelligence a nei sang em em a, presence of mind a nei tha em em in, a rilru pawh a huai bawk.
Tawng Thiam Thu : High School lutin Shillongah kum 2/3 a awm ani ang. Khasi tawng a thiam zia an sawi dan chuan “ANPA KHABE ANG HLAUH” an ti thin.
1951-ah Culcuttaa China Town-a a awmnaah ka va zawng chhuaka. A pawisa nei lo inah a tawm thin lai ani a. Khawchhak-pa tih hriat tak nen hian an lo inkawm hlut a. An mahni tawngin an inbia a, a chhuah fel hnu chuan ‘Burmese’ a ni maw tiin ka zawt a. Ani chuan, “Margheritta Chinese-pa a lawm le, engemaw tihpuiah min rawn sawm fo mai a,” a ti a. “U Man, Chinese tawngte i lo thiam leh zel ani maw ?” ka ti a. “Thiam ve liam luam bawk e,” a ti.
Burmese tawng chu ‘Burma Civil Supply”-a a thawh lain Army-a an zir dan chuan “1st Class-ah chuan ka pass ngei na a, ka la thiam tak tak lo a tih, Shillonga a lo chawlh a ‘U Ruata (RIP)’ hnena a sawi kan lo hresa tawh a; thiam turah ka ngaisa a ni.
Pu Sangkhuma (Lakhipur) khan Silchar Ex-Service Board Secy. Hna a thawh laiin – Police Lane (Laltinkhumate In)-ah a lo cheng ve thin a. Kan Shillong Sikul kal veivak kan thleng a, “U Mana nen chuan tawng thiamah kan inel hle a, kei hian a chi hrang hrang ka thiam tam zawk a, mahse keia thiam hi chu a chekhnawk deuhva. U Mana zawng a thiam changkang deuh a lawm- English bakah Italian, Spanish, etc., etc., anni a,” a ti bawk. “Tin, America ram thlen hmasakah hian kan inel hle bawk ani,” a ti.
Pu Sangkhuma kha Burma lamah lut chhovin, Royal Dutch Airlines a han zawm a, 1956/57 vel te khan America ram chu a lo zuk thleng ta a, chumi score-ah chuan U Mana chu a lo beat ta anih kha.
He thil ka hriat dan kher pawh hi mak ve tak ani. 1956-a Lunglei kan pem phei hnu deuh lawkah, Pi Hrangkungi w/o C.L.Rema chuan a thiannu (U Sangkhuma fanu Sap pasal nei) lehkha England atangin a hmu a. “An Pu America-a kal turin min rawn tlawh a, a hang hmelchhe si a, ka fate’n an hlauva” tih a rawn sawi tel a. Kei chu min zawt ta a, U Sangkhuma a nih ngei thu kan hre thei ta a ni. Heng hnute pawh hian America chu a thlengthla fo awm e.
U Mana kha chuan HINDI ai mahin BENGALI kha a thiam pucca awm e. Ama sawi dan takin a engber hi emaw thiam tak tak chuan India tawng dang engmah a har tak tak lo. Tamul han hmuan ila Assamese ani leh mai e ati fiamthu thin.
Tawng a thiam thei kan ti a, a dika, hengte hi engemawti maia thiam a ni bik lova. An interest a, a zir peih a, an hrereng thei a, an zir zui peih bawk a lo ni. Hei hi U Mana Shillong Secretariat-a a thawh laiin Nongthymai-a a chennaah a drawer lehkha chhe zingah “Burmese” tawng a zirna papers ka hmu palh a, a bei nasa hle tih a hriat theih. Tin, Chinese a zir thu a sawinaah pawh, “Ka zawt peih a, min hrilh hi ka theihnghilh tawh zen zen lo ani,” a ti mai bawk. Talent ropui tak zawng a nei ngei mai.
Intelligence : “Mi tupawh an bulah minute 5 kawmna hun ka neih chuan – an interest zawng ka man hman zel ani” ati tawp mai. Hei hi adik ani ngei ang, a biak bul duh mite chu thui tak a kawm thei tlat zel.
Ama sawi ang deuh ani a, a kalna apiangah lo duattu a hmu zel a. Calcutta –a China-Townah ka va hmuh pawhin Chinese Pitar pakhat “Ka NU” tia a koh mai bula chaw a ei ka nghak a, an induat hle. Shillonga Mrs. Ward an tih pawh khan a duat hle an ti. Shillong Sap Pitarho (Catholic-ho an ni deuh bik ang) tam tak ten an biak bul em emna pakhat chu Thuhriltu (Evangelist) pakhat nen an lo hrut kual vak tawh ani tih a sawi. Pathian lam atanga lo inpawhte an nih chu.
A intelligence a san em avang hian mi impression la tur zawnga thil sawi dan pawh a thiam a. Titi a thiamin a hre hnem bawk a, a ngaihnawm tur zawnga thil uarte pawh a thiam a, fiamthu a duh a, mi thilsawi han reproduce-te a thiam veka. Experience angah si a, a bula awm hi a hlimawm em em thin.
Silchar-a ka quarter-ah Pu Kapbuanga, SDO, PWD., Halflong anih laiin an inhmu a, chanchin chu lo inhre tawh thin, mahse la intawng fuh lo an lo ni a. Pu Kapbuanga chu Vai zinga Officer ve taka awm thang ani a, U Mana a han introduce vel chu ngaihnawm tak ani.An inhmuchhuak ta chu kan hlimin kan nui nasa ngei mai.
Mi tamtakin an hrefuh lo : Mizo paah chuan a thil thlir dan kha a lo advance hle awm e. Calcutta khawpuiah te tlangnel thama lo khawsa tawh a ni a, Mizo sumdawng hmasate’n an lo zuk thlen tirhte khan mi tamtak chuan an chhawr tangkai hle thin a. Mahse kan mi hmasate’n tunlai a common ta em em ‘Commission’ um a lo pui anih te la hre pha lovin – Mizo tlawmngaihna a lo pui tura an beisei avangin, lawmna chang an hre lova. Tam tak chuan a chhuanchhe zawngin mi bum thin angtein an sawi thin a ni.
Ama mizia diktak zawkah chuan mi tanpui ngaite thil tih sak chu nuam a tih zawng ber ani awmin kei chuan ka hmu. Dan leh engkim hria ani bawk a, amah pawh hmun tam takah UKIL-taka thil ti thiam ani a, amah ngaisanga a tanpuina dilte lo tanpui chu a nuam tih ber niin a lang.
Amah KEBAI te a lo ni bawk nen, mi tupawhin hmusit zawng leh tham lo taka an tih erawh chuan chu chu a huat zawng ber ani a. A insum zawh loh chang te pawh a awm ve thin awm e, chutiang thawnthu sawitur a awm nual. Mizo sumdawngin Parachute an lak thin tirh lam hian leitur an hmuh chu to an ti hle a. Pu Mana hian chu aia man tlawm fein a hmuhsaka an lei ta a. Mahse Pu Mana hian a lo ‘Commission’ a ni tih an hriat chuan an mahni bum angin an dem ta chiam a ni.
Chutiang deuh chuan Motor 2nd hand leitu hmasa te paw’n ni 2/3 tha a sen hnuah cheng sang 2/3-a a dawn hniam pui hnuah lawmthu sawi nan ‘Duli (pawisa 50)’ te an inpek thu te pawh a awm. Mi hausa hmasa Calcutta zin pawhin chutiang thawm tha lo lam chu hriain, “Mana te chu mi buma eizawng ani lawm ni ?” a lo ti hi ani awm a. A huat zawng tak ani a, a titu at-zia kha a hmuhin a khawngaih bawk si a, “Mi chanchin hrechiang lovin chutin an ti mai ngai love, Calcutta anih hi ! Cheng 10 sengin Gunda ka talh tir mai thei che tih hi lo hre tawh ang che,” an inti awm e. A haw hle chungin a ngaidam ani. Ka hnenah pawh a atzia leh khin tlaka a ngaih loh zia min hrilh.
Experience angah : Mizo fa-ah hian thil a dai chikim ber ang tih tur a ni. Chittagong St. Placid Anglo Indian School a chhuahsan atang hian Bandel (Calcutta)-ah Catholic Missionah te a tal kual phawt ani ang. Hna chi hrang hrang a thawk hnem hle. Thingpui huanah, Company hrang hrangah, Merchant Marine-ah te, WWII laia Burma Civil Supply-ah te leh chumi hnuah Burma Sawrkar hnuaiah rei fe a thawhzui te, Assam Secretariat (Civil Supply Dept.)-a a thawh te, MNF-ah a tan lai te, MLA-ah, etc., etc., Ram pawh a fang zauvin, khua leh mi hring chi hrang hrang pawh a khak zauva.
A experience ang nei hi mi an vang hle awm e. Chutiang tak anih avangin “Mi-lian” nih pawh a thiam a, “Mi-chhia” nih pawh a thiam a. Ama tawngkam takin, “Mi milian tihdante hai bik hek lo i, Bora saheb ka’n play ta a,” a ti thin.
Vawikhat pawh Burma-ho pawisa an man sak sawi chhuahpui chuan thahnem tak lawmman atan an tiam a. Reife a buaipui hnuah chuan Rangoon lamah a case chu an transfer ta si a, amah pawh a tum angin a awm ta lo. America lam pan rilruk lai takin Mizoram lo hawn a tul ta si chanchin a sawina-ah hetiang hian a sawi.
“Vairama pawisa neih loh hi chuan intih milen a ngai a. Dacca thleng airfare te chu ka la nei fel meuh lova. An high class hotel-ah an manager ka kova, ‘Hei helaiah hapta hnih emaw awm ka duh a, temporarily-in ka broke tlat mai a, nghah harsatna chu a awm lovang chu maw?’ kan ti a. Lian tak ka nih avang khan ‘Engmah harsatna a awm lo’ a han ti a. Ei leh in tur chu ka sawi hmin a, a rulhna tur dap angai ta a. Burmese Consulate-ah ‘Repatriation Fund’ atangin tanpuina ka va dil a.
Reife kan inchai hnu chuan Hotel expenses hapta hnih an tum tur thu an va hrilh ta nghal a. Thiante Inah khawsa kualin hotel bill ka pek hnuah Rs. 150/- zetin ka la hlawk ta a. Indo-Pak borderah ka han exchange hnu phei chuan Cheng 175/- lai a la tling ta a. Silchar relin ka rawn pan ta a ni,” a ti. Badarpur a wireless interpreter, Hera’n a lo chelh thu te, Zoram lam khualte’n hmarcha tawlh an lo sawi mawi avanga Borai lama chho ta zel anih thu te a sawi.
A sum awmdan leh a hmun a zirin khawvel hnam tinreng zinga zahpui awm lova che thiam, a tul chuan awmdan hniam ber ang pawh tuar thiam theiah kan sawi thei awm e. A thian pakhat sawi dan pawhin, “WWII zawh lawk Shillong vela awm laiin, Assam Regiment Officers hmelhriatte kan tlawh a, an Mess-ah zu leh thil tui tireng te kan ei puar a. Capt. Saptea (Halliday) te Aya te inah leng hawngin fiamthu kan thawh a. Khua a lo tlai a, lamlian dunga kal aiin Lui dungah chakai khawrh pahin kan hawng thin,” a ti.
MNF rammut lai pawh khan Pawl khat hotu ani ve a, Ralrel a thiam dan leh India Sipaite han tihder vel dan rem a hriat ziaan sawi thin. A pawlte’n sipai anga promotion pek ve an rawt pui pawhin, “Mawi in tihang tak kha aduh apiangin inbel mai teh u, ka thu inawih phawt chuan a tawk,” a ti then an ti thin.
Assam Sawrkar-a a insurrender tirh pawhin MNF mi langsar pakhat an man chu an lawm hle a. MNF-a a nihna chelh an zawh chuan, “What is your rank ?” an han ti a. Ani ta pek chuan, “ I don’t have rank, I give ranks !” a ti ngal mai a ni.
Similar Posts:
- Mahni hnam tawng thiamloh a zahthlak
- Mizo leh Mizo tawng
- Japan-a hnathawk thin George Lalremruata
- Mizo class
- Eng hi nge Mizo Tawng chu?
July 1st, 2011 at 11:36 am
Mahni hna lamah ka buai deuh avangin ka source ka dap zau hman lova, Pu Mana chanchin hi sawi belh tur hria kan awm teuh ka ring. Hmuh belh leh la post belh zelah tiin rawn vawm bei leh tawp mai.
Report this comment
July 1st, 2011 at 11:40 am
1st ve keuh…….chhiar tan ang
Report this comment
July 1st, 2011 at 11:42 am
A post tupan min 1st khalh daih
Report this comment
July 1st, 2011 at 11:53 am
#3, ka online chiah a, email ka dl chhungin misual ka hawnga ka type rei viau a sin maw le….1st zawk mai ta che.
Ka offline leh dawn. Post ka vil hman dawn lo, min lo hrethiam dawn nia.
Report this comment
July 1st, 2011 at 11:55 am
A ngaihnawm, bengvar thlak hrep mai. MNF rammu zinga a tel thu rual u te sawi ka lo hre ve thawi a, han bihchian chuan a lo belh tlak hrep hi le.
A hriate khan han thawhbelh chur chur teh u.
Report this comment
July 1st, 2011 at 11:57 am
sawi belh tur nei chuan han thawh teh u…a tam in ka ring a ni…
Report this comment
July 1st, 2011 at 12:02 pm
Lushai_er, i van thawh lunglen thlak vele… kan naupan lai kan khawsak ho thin lai te, Civil hospital cabin no. 5(!) a mual min liamsan lai te ka mitthla nasa hle mai.
A fapa mal nen an thlalak:
https://i52.tinypic.com/33autlc.jpg
Ka pa Manliana, ka nu Nguri (an nu), Ka pu (a pa), Ka ni Biaknemi (M/o Patrick Hauhnar) leh u Marini (w/o Patrick Hauhnar (fam)) leh an fate 2
https://i52.tinypic.com/usy1g.jpg
Report this comment
July 1st, 2011 at 12:11 pm
Pu HV han hawh belh la mawle…
Report this comment
July 1st, 2011 at 12:13 pm
A va advanced roh ve a! J.Manliana amaw ka lo ti reng thin a, ‘F’ zawk alo ni maw? J kha chu a saphming John short form alo nih dawn khi. # Dik ka tih deuh chu, Hnam dang bula inlak milen thiam chung chang khi a ni. Kei pawh ka in la milian fo mai. Mobile checking te hian, confi tawk hian a melh pawh hi ka melh tha duh mang lova, ka’n tùm hmak mai a, ka tlan tlang mai zel. Itanagar ILP check naah pawh hian, Mizo ILP nei lo pawh hi ka hruai tlang fo tawh. “Non-mizos show respect to those who respect themselves and act majestically” Mahse tawng thiam erawhchu a ngai. Tin, “I don’t have rank, I give rank” khi ka duh lutuk.
Report this comment
July 1st, 2011 at 12:22 pm
Tawng thiam chak deuh nih ve hi a chakawm ngawt mai
Report this comment
July 1st, 2011 at 12:29 pm
Grey_RM #8 midang ten an hriat ang han sawi sela, kalo zawm dawn nia
Report this comment
July 1st, 2011 at 12:38 pm
chanchin chu a ngah ve ngawt in ka hria. Hlimawm deuh deuh te pawh.
Report this comment
July 1st, 2011 at 12:59 pm
#2 smokestar. lolz.
Mi tupawh an bulah minute 5 kawmna hun ka neih chuan – an interest zawng ka man hman zel ani- hetiang mihring hi alawm ka nih chak chu!
Report this comment
July 1st, 2011 at 12:59 pm
Hei hi Pu Man Kebaia an tih thin kha a niang maw…… A chanmchin an sawi hi ka lo hre ve nual a. mi ti hlim thin khawp mai. A ngaihnawm kher mai, a chanchin dang han sawi zel teh un…..
Report this comment
July 1st, 2011 at 1:49 pm
Jimmy Boy (James Lian Mawia) sawi hi kan bel mai mai ang e.
“Vawikhat dang leh chu maw : Dr.Tlanglawma Hmar(Daktawra), J.Manliana(Man-Kebaia), George Nghaka Chawngthu(Nghaktawia), George Rohmingthanga(Geawrgia)te nen Lammual bula ‘Snack Bar’ ah zingzu kan chhim pek a. Kan rik laih laih lai chuan, pindan kilkhat atang chuan tawngtai thawm ring fe hi kan hre thut mai a. “Aw Lalpa, kan thiante hi chu Officer vek an ni a, zingzu ruihna pawh an nei bik a. Ka nei ve si lova, engah nge ruisa-a min lo siam mai loh ?” tiin. Kha pa nasa, JF ‘Dungtawia’ kha lo ni rengin, a hma dawhkanah chuan ‘Leh No’ a leng phei rang hlawm kher mai!”
Report this comment
July 1st, 2011 at 2:30 pm
Hmanni lawk April/May khan Pu Manliana fanu Pi Helen Lalrimawii Birtday (62?) chu an in compound-ah ngei Pathian chawimawiin kan lawm a. A nuamin a ropui khawp mai.
A pa a lo chhun hle a lo nih hi a. Pi Heleni pawh hi a bula awm a nuam em em mai a, a rilru a zauvin mi tanpui a peih em em mai bawk si. Tun thlengin damlo tanpuiin a hun tam zawk zu la hmang a!!! Tawng lah hi a’n thiam hnem mai maikhawp lehnghal a, abula awm hi chuan kan him bik hliah hliah hian kan inhre thin ain. A all round em em vek mai a. Nu thau tak ni mahse insual tur pawha zuam ngawt chi a ni lovang. Amah hi karate-a Belt nei pha chin ngat a ni. A inngaitlawm em em mai te hi aw!!!!!! Ei rawng te lah a bawltui thei tak zet. Hetah chuan Bekang um kan ei chak reng rengin Pi Heleni in hi kan pan mai zel.
Khuanu malsawm changa dam rei turin duhsakna ka hlan thar leh e.
Report this comment
July 1st, 2011 at 2:48 pm
F.Manliana chuan a man lian riau riau hle mai, sai pawh a man thei ang. Tunlai miten kan tluk lo hle mai. Eng emaw ti zawng chuan Frank Abagnale, American con artist pawh min ti hre chhuak.
Report this comment
July 1st, 2011 at 3:31 pm
Khitiang bulah chuan ka awm duh tlat lo mai, nula hmai fai phek phuk an nih phei chuan ka interest te hi a rawn ziap zuap vel anga….chi loh viau ang
Report this comment
July 1st, 2011 at 3:31 pm
MPS-ah a fapa a tling ve tih a hriat veleh Pu Mana chuan, ‘Mi tak takah ka chhuah dawn ta lo a nih hi,’ a ti e, an ti.
Report this comment
July 1st, 2011 at 3:56 pm
Pa pui tak a ni a,fa pawh a nei puitling hlawm khawp mai.
Report this comment
July 1st, 2011 at 5:38 pm
Pa danglam ngaihsanawm tak chu a ni e
Report this comment
July 1st, 2011 at 5:45 pm
vivia #19 i sawi khi ka hriat dan ve tho a ni, mahse a sawi lai erawh ka hmu lem hleilaw!
Amah a fing, a hre hnem bawk, a u (Zemabawk area a sipai ram luah ho neitu saw) pawh Van ukil-i tih tho ani mawle.
An ngaihawm thin hle mai.
Report this comment
July 1st, 2011 at 6:49 pm
a ngaihsanawm hle mai…hman lai kn nu leh pa te rual ah khan mi bik deuh2 h an tam sia tunlai hian an vang ta pharh sia, mak ve mai mai…
Report this comment
July 1st, 2011 at 7:23 pm
Ka pa hian a sawi thin a, sumdawng tura Calcutta an zin hmasak ber chuan Pu Man kebaia hian a hruai kual a ni awm e, hetiang hian midang ho te nen an zui dam dam thin a ni awm e.
Report this comment
July 1st, 2011 at 8:27 pm
Ava bengvarthlak!!
Report this comment
July 1st, 2011 at 9:43 pm
Kan naupan deuh lai chuan a chanchin Mankebaia tiin kan sawi thin.
A fin zia te MNF tang ang ten sawi thin a ni asipai a lo bum dan etc ngaihthlak nuam thei thin tak anih kha.
Report this comment
July 1st, 2011 at 9:53 pm
a la tawi mah mah, ka kham lo….hriat lah ka nei ve der si lova…..chuuu, chutiang sipai a bum dan chipchiar te chu han sawi ula male…ka hre ve chak a nia.
Report this comment
July 1st, 2011 at 10:55 pm
han post beh tuuuu.. va khamom loh ve
Report this comment
July 2nd, 2011 at 1:50 am
MNA pakhat chuan operation an neih laia a chet that dan etc. a ziak/sawi kha a hria a. Ani chuan, “Vai sipai ten kan lam an rawn tin tawh hi chuan ek cheh pheng phungin kan tlan chhe tawh mai thin. Cinema ang hi ani hauhlo ania. Hepa hian dawt2 a sawi mai, a silai tlanchhiatsan hnu kei kebai ber hian ka lak sak fo,” a tih kha ka la mitthla thei.
Ka pa u ania, ka ngai thin khawp mai. Aizawlah khan ka pianhnu khan kan awmho tam lova, Shillongah pawh khan ka ni Biaknemi te inah zawk ka awm avangin a khat tawka ka len phei thin kha ani mai. Mahse, ka hriat chak zawh hi ka peih ve hrim2 a, a sawi tha duh lemlo nangin a then2 chu ka hre ve.
Mak ka tih deuh pakhat lek kan sawi ange (A sawi nilo). Ka u te huatthu ka sawi em lovang chu!:
Assam hnuaiah khan MNF hmingin MLA a thlantlin a ni ve a. Shillong lamah MLA hostela khawsa tain, an chhung chhuk nghe nghe a ni. MLA ho chuan dinner party an nei a, chutah chuan Vai MLA te nen inti thiamlohna nasa tak a chhuak ta a. Ani chuan M-20 (Chinese pistol) in a inveng chuan a tipalh ta a ni! MLA hostel chu an khar nghal vek a, amah kha an han dap ta a, a kawr chhung lamah pistol a pai chu an laksak ta a.
A pistol pai leh a kahna kha a inang derlo mai chu niin. An dawp nasa ngang mai a, vai ho indawp (interrogate) dan chu kan hre tlang awm e…Mizoramah pawh kan chin hi (uih lutuk).Ani chuan a kahna silai a chheprelh dan sawi duh heklo, thiamloh an chantir thei talo ani awm e. Witness tam tak an awm avangin chung te chu koh an tum khan ani pawh chuan, “hmutu in koh chuan keipawhin hmulo tu ka ko ve ang,” a ti ani awm asin
Engpawh nise, khua a rei a, a thih dawn tep khan ka pa (a nau) in a tih bo dan a zawh kha ka hre reng mai. Aizawl civil hospital cabin no. 5 (niin ka hria) ah ani a. Mission Veng mi, nurse senior Pi Zidingi a awm ve nghe nghein ka hria. Chutia a zawt ta chu ka pa Manliana chuan ka pa chu enin, “Naupang hriat a ngailo,” ala ti hram. A thuruk a thihpui thak a ni.
Report this comment
July 2nd, 2011 at 1:57 am
MLA hostel an awmlai pic pakhat:
L-R: Richard lalrinawma, Patrick Hauhnar nau Pa Manliana farnu Biaknemi fapa(Mizo ah doctorate degree angah ber maithei an ti), Ka pi, Ka nu Nguri (a nupui), Helen-i (Nute-i) an naupang ber, U Nikhumi, u Lilipari, Pa Thawnga, U Joseph Lalchhuana (A fapa mal):
https://i52.tinypic.com/2cnedt3.jpg
Report this comment
July 2nd, 2011 at 2:44 am
Comment number 29
Report this comment
July 2nd, 2011 at 9:36 am
Mizo zinga ka mi ngaihsan pakhat a ni. A chanchin hi mi hrang hrang sawi ka hre ve thin… Pi Vani (Van Ukili) pawh hi hmeithai fing tak chu a ni phawt mai… Kan tleirawl chhuah khan ka hre ve thin…..
Report this comment
July 2nd, 2011 at 10:04 am
29. “Hmutu in koh chuan, kei pawhin hmulo tu ka ko ve ang” ka duh chi. Bengali tlimpui zingah pawh a ngaihtuah awm dawn loh khi.
Report this comment
July 2nd, 2011 at 4:31 pm
Mi ngaihsan awm tak a ni…
Report this comment