Zing lam Dar 3 : 30 vel a ni a, Ruah thimpui hmahruai tih hriat – thli vawt zet mai chuan huana kan phuihnam kung chu a rawn chhêm su lawp lawp a. Tawkfangah, Laipuitlang phèn atangin chhum thimpui a rawn inpangawzial tup tup a. Chu chuan kan In chung rangva hlui, kilhna hlui tawh tak takte chu Tom & Jerry ang maia khawngaihna leh lainatna tel hauh lovin a rawn sawisa ta thrawt thrawt a.
Thli chu a na tual tual a, kawpui sài ri dur dür leh kawlphè zuai zuai karah kawlphetha erawh a awm lo thung. Chu chuan khaw awmdan chu a tirapthlak lehzual a.
Kan in, ka pu pa hunlai daih tawha sak – tharum hmanga nàmtu an awm loh avang chauha la ding hram hram, kawmchhaka Pu Hruaia In lianpui leh kawmthlanga Pu Vela In sang takin a karcheh tlat avanga thli leh ruahpui laka la tlu sawp lo ve mai chu, thlarau sual luhkhung ang mai hian a chakna thahruite nen, a pûmin a khur hlawk hlawk ni berin ka hria.
Chutah, khum nghawr nghing lawih khawpa nâ, thenawmte In a dêng ta emaw tih mai tura hnaiah trek a’n tla dur a! Ka nau mu tui lai a phu zuk a, ka kuah a, khaw awmdan hlauhawm leh rapthlak tak chu biruk san tumin kan inlukhuh a. Khawfing chah hma – thim chhah hunlai tak a ni.
Dar 4 vel a ni tawh a, kawlphe leh Biak In mual atanga thli-vìr rawn thaw vuk vuk tih mai loh chu, khawpui ri leh ruah erawh a hàn tawh a. Chitè ruam atangin tiau chhumin khua vel a rawn tuam chho mek bawk a. Naupang tan chuan khaw awmdan chu khawlo tak a ni. Khawchhe thawm rapthlak a reh deuh thuap tawh a, kawl erawh a la phe zuai zuai tih bang awng atangin ka hmu a.
Thawklehkhatah kan kawngkhar kalhna a ri rak a, kawngkhar inhawng riin a zui a, kan unau chuan beng kan tùn hrû a. Mahse, chu erawh kan hlau lo! Ka nuin thenawmte thlai thar a khar chhawn bazarah a han zuar dawn tih kan hria, chu chu kan nunna a ni si. Khua chu chhe engangin bumro hle mah se, khum betin a nâ te a nih ngawt loh chuan nuamsamlo engang mah se ka nu chu chawl thiang a ni lo.
“Liante, kawngka hi rawn khar rawh le”
tih leh chhuah a rual a. Ka nu chu ka thlir a, kan kawt rahbi chho ulh zet mai a, bawr taka a inphur chho lúk lúk te,
“Nu ràng, chhuk rawh, i chaw tur bazar sa ningnawi ka rawn hawn dawn che…”
ti a, a hnung zui tum kan zawhtepui a hnâr lai te pawh kawlphe èng zuai zuai hnuaiah chuan ka hmu a…
Nu,
Ka dam khawchhuah nan i tuar a
Ka nawmsak nan i rethei a
Ka hlim nan i lungngai a
Ka puar nan i tam a
Ka changkan nan i berhchep a
Ka seilen nan i tè tual tual a
(Misual, vawiin thlenga ‘Nu’ la nei ho khan lo duat mawlh mawlh teh u!)
Similar Posts:
- …tual tual…
- Kha zan kha
- Zan Tihbaiawm!
- Kawrte-ah pawngsual rapthlak!
- Pu C.Lalbiakliana thi thu lawrkhawm
July 7th, 2011 at 8:49 am
Ima ,anu,mami,mai,kai,
nu mawww
Report this comment
July 7th, 2011 at 9:18 am
A va tha in, hnuk a va ti ulh zawk em!! Comment zawng zawng nen ka chhiar chhuak vek e!!!
Losul haw hun vel a; kan unau a, Lianthangpuia hla kan sa dial dial thin te kha aww… Pu Kawlhawk, i thuziak zet chuan, ka chun fam chang hnu ngaihlai a ti thar e..;-(
Report this comment
July 7th, 2011 at 9:20 am
Ka nu hmangaihna aw nem chu,
Theihnghilh ni reng ka nei lovang;
“Bawihte min vahvaih san mah la,
Ka tawngtaina tal hre reng rawh”.
Min hmangaihzia ka ngaihtuahin,
A hnena awm ka va chak em!
Ka tan a tawngtainate chuan,
Thlifim angin min rawn chhem thin.
Report this comment
July 7th, 2011 at 9:55 am
A ngaihnawm in Nu hlutna a tar chhuak tha hle mai. Poem pakhat kan hriat chhuah leh phah chu a. Chu poemah chuan, nu ber kha rul in a chuk a. Na tiin a vial a vial a. Zanah pawh a mu tha thei lo a. Mahse chu nu chuan, rul chuan a fa te chuk lo a amah a chuk zawk avang a a lawm zia a chham chhuak a…
Report this comment
July 7th, 2011 at 10:39 am
Thu thlauithlum dan chu a van ngaihnawm ve… a buruak ah min chen tir ve tak tak thei a lawm mawle… Mahse a tawp dan hi a tawp thut a ka kham lo e…..
Report this comment
July 7th, 2011 at 10:47 am
Misual, vawiin thlenga ‘Nu’ la nei ho khan lo duat mawlh mawlh teh u!
A tha hle mai.
Hmangaihna min zirtirtu pawh hi nu te an ni lawm ni. An sawi tam lo, an inhlanna atangin hmangaihna awmzia kan nunah kan zir anih kha.
Hmangaihna nei miah lova fa hring ve te pawh an awm a, heng ho hian khawvel an ti zing anih hi.
Report this comment
July 7th, 2011 at 11:09 am
Thlams khi hla khi ka duh lutuk, kanu kiang a thla muang tak a seilen kava chak thrin tak em, .. Post tha tak ani,.. Ka hnuk ati ulh don alom le
Report this comment
July 7th, 2011 at 11:28 am
53. Thlams, Ka hla duh lutuk i rawn tar lang e. Kum 10 liam tawhah khan, Adi tawngin kan let a, kan Naupangten an sa ve thap thap thin. Ka duh zual lai leh ka hnuk ti ulhtu chu e, “BAWIHTE, MIN VAH BO SAN MAH LA, KA TAWNGTAINA TAL HRE RAWH”, ” Ka Nu, ka hria asin” (HU=Hnuk ulh)
Report this comment
July 7th, 2011 at 11:29 am
Ka nu ka ngai e…kum 2 dawn kan inhmu tawhlo..miz u mom..
Report this comment
July 7th, 2011 at 11:32 am
“Bawihte, min vah bo san mah la, ka tawng taina tal hrereng rawh” (khawhmuh a fiah lo, mit a phè ta tlat mai)
Report this comment
July 7th, 2011 at 12:05 pm
kawlhawka thu ziak hi chuan thling a vit ngaih zel
Report this comment
July 7th, 2011 at 5:12 pm
Nghah man a va awm teh lul em! Vairam ka kal dawn hian ka nu leh ka u ten Vanapa Hall bulah khan MST bus ah min thlah liam a. “Pathian in a hrereng che ania” ti a min thlah kha in an thlen hnuah a lo insit deuh ni tur a ni, “Mi chuan an fate thufing tak takin an thlah a….” a lo ti a ni awm a. Mahse, kha thu tawite khan ka kalna a piangah min kaihruaitu a nih phah ta a….
Report this comment
July 7th, 2011 at 5:19 pm
VaiVa, #62
Report this comment
July 7th, 2011 at 6:21 pm
A va ropui e o….comment ka chhiar vek…a ngaihnawm… LALPA ka lawm e.
Report this comment
July 7th, 2011 at 6:46 pm
Report this comment
July 7th, 2011 at 7:50 pm
Paws 170 chuang ka vawm lut ve tawh a, tuntum hi kawmen uangthuang tak awm si loa kawmen 60 chuang a luhna paws awmchhun a ni. Ka lawm e!
Sualin khawlo hlawm hle mah ila, Nu hmangaihna erawh kan va lo chiang hlawm tehlul em!
Report this comment
July 7th, 2011 at 8:41 pm
In tih pa ve nak laiin mi i vel, chu ni ber e…
Report this comment
July 7th, 2011 at 9:57 pm
Kawlpui, i post dang zawn awl dan min lo hrilh teh, kei misual junior hi.
Report this comment
February 22nd, 2015 at 1:20 pm
ZUNTHLUM NATNA (DIEBETES)
Dr. C. Lalrampana
Khawvela natna tam ber pawla ngaih, Daktawrte pawhin tihngaihna an hriat em em loh, natna tihdam theih loh Zunthlum natna hi India ramah a tam hle a; India ram State mal khaiah chuan Mizoram hi Zunthlum vei tamna ber pawl a nih hmel hle. Chuvangin, zunthlum veite’n an natna vei chanchin chiang zawka an hriat theih nan leh Damdawi pangngai (Conventional medicine/Allopathic) hmang chunga inenkawl dan an hriat theih nan leh ei tur tha leh an mamawhte an hriat theih nan hetiang hian tar lang teh ang. Zunthlum veite’n an tangkaipui theih tak mialin ngun taka bih chian ni se a lawmawm ngawt ang.
1.Zunthlum hi enge ni?
Zunthlum hi thalbe (pancreas)–in mihring taksa mamawh tawk tuihnang (insulin) a pek chhuah that tawk loh vanga lo awm a ni. Mi tam takin kal (kidney) that loh vangahte an puh thin a, mahse, he rindan hi a dik lo tih hriat a tha. Thalbe (pancreas) lian tak pumpui hnung lama betin tuihnang (insulin) tam tawk a pek chhuah loh avangin thisenah chithlum a tam lutuk thei a, kalin a chuangliam paih tur a ngah tihna a ni. A tlangpuiin thisen 100cc zelah chithlum 100-120mg. vel a awm thin a, tuihnang (insulin) a siam chhuah tam loh chuan 300-400mg thleng a inkhawlhawm thei. Chithlum chu oxygen nen inpawlh (oxidize) tawk tur a nih laia a inpawlh tawk loh chuan diecetic acid leh acetone a rawn insiam chhuak a; hengte hi thisenin a fawh vaih chuan mihring chu nikhaw hre lovin a awm thin a ni.
2. Zunthlum hriat theihna:
2.1 Zun ekzamin a hriat theih
2.2 Thisena chithlum awm zat ena taksain chithlum a deh chhuah dan nen enmilin
2.3 Thisena 70-120mg chithlum a awm chuan mi pangngai (normal) tih a hriat theih
2.4 Carbohydrate 100 grams pek hnu darker 2-ah thisena chithlum awm zat teha 150mg emaw, a aia tlem a nih chuan miin zunthlum a vei lo tihna a ni.
2.5 Zunthlum vei nia rinhleh theihnate: Zun tam/zun zin viau, tuihal huam huam, riltam huam huam leh rihna, chakna hlohte a ni thei. Tin, vun thak, pem leh pan dam thei lo, khaw hmuhfiah loh leh tiril mur er er, kea thazam na ut utte a ni thei bawk.
3. Zunthlum hlauhawmanate:
3.1 Mitmu (retina) a tidanglam daih thei a, chu chuan mitdelna a thlen thei
3.2 Lung atanga thisen chhuak a tikhal thei a, lung, kal, thin, thluak leh kea thisen kal a timuang a, chu chuan zeng a siam thin
3.3 Hriatna thazam a tidanglam thei a, chu chuan hriatna thazam natna khirh tak a thlen thei.
3.4 Tisa chakna (sex feeling) a titlem thei a, a nasat tawh phei chuan mipa phei chu a pa hlei thei thin lo. ni.Tin, hmeichhiaah pawh hetiang bawk hi a ni thei.
4. Zunthlum laka inven dan:
4.1 Zunthlun vei chu Intihliam lo tur leh pem nei lo turin a inveng tlat tur a ni
4.2 Ketin leh kut tin hleh bulh lutuk loh a tha,
4.3 A intihpemin tuithianghlim nen fai taka sil hnuah puan thianghlima tuam nghal thlap zel tur.
4.4 Pheikhawk pum aiin a thawleng lam chi leh vawthlep (silipar leh chapal) bun tam a tha
4.5 Kelawngin lei dai rah tam a, kea kal tam a pawimawh bawk.
5. Zunthlum vei theih dan:
5.1 Thlahtute’n an vei phawt chuan an thlahchhawnten an vei ngei ngei thin
5.2 Zunthlum vei ve ve an inneihin an faten an vei ngei ngei thin
5.3 Zunthlum leh thlum lo an inneihin an fate zatvein an vei thin
5.4 Zunthlum lo ve ve innei mah se, Zunthlum vei chhungkua atanga inthlah an nih chuan an fate hmun lia thena hmun khatin an vei thin
5.5 Zunthlum leh thlum lo inneite, Zunthlum vei lo chhungkua an nih chuan an faten an vei kher lo thei
5.6 Zunthlum vei awmlohna chhungkua atanga chhuak pawhin Zunthlum a vei thei tih hriat a tha
5.7 Zunthlum awmtirtu tak hi hriat ni lo mah se, thau luattukna atanga vei a awlsam a, inthlahchhawnna atangin a awm chawk bawk thin
6. Zunthlum vei enkawl dan:
6.1 Protein Pancreatic hormone taksa mamawh tawk pe theitu insulin-in inchiu ngei ngei tur
6.2 A taksain chihthlum a zawh tawk ang zelin insulin-a inchiu thin tur, a vei tantirte tan a mum ei a pawi lo,a nasa tawh erawh chiu ngei ngei tur a ni.
6.3 Zunthlum vei chuan dam dawi a thlah tur a ni lova, a damc
Report this comment