Kingfisher ah ka thlawk ve a

July 7th, 2011 5:00 am by rlchhana

Ni 17 Jun 2011(Zirtawpni) khan Delhi atangin ka pianna ram khawpui ber Aizawl, Mizoram Thlawhna Tumhmun ‘Lengpui’ -ah thlawh luh tumin kan chhungkuain kan thlawk chhuak ve a. He Thlawhtheihnaa kan thlawh chhan chu, fur ruahtui leh chhum tam lai anih avangin Kingfisher hi an huaisena an tum mai zel tih thu vang a ni.

Mahse, mihring hi kan thu loin, kan awm dan turah hian thu kan nei lo khawp, Lengpui Thlawhna tumhmun thlen chu a hnai ta lo hle mai. Kolkata kan thlawklut thei hram….chuta tanga kan thlawh leh zelna tur erawh Kolkata-ah chuan rawn thlawhluhna ziazang ni hek lo; ruahthimpui leh thlipuiin min um zui avangin Lengpui kan thlawhluhna tur chu Bhubenaswar lamah an tum tir ta daih a…..kan thlawhna chu cancel ani ta.

Kingfisher-ho chuan 3 Star Landmark Hotel-ah min nghat ta a. Hemi tuma Kingfisher Thlawhna enkawl hnathawktute’n min buaipuina leh min hahpuina hi a ropuiin a lawmawm khawp mai. An tihtur ti an nih mek laiin, an tihtur thahnemngai taka an tih leh thawhhahna hian hetiang hian ka thinlungah thu a sawi, ‘Mitin mai hian kan hnaah rinawmin thahnemngai takin thawk ta theuh ila, kan India ram leh Khawvel hi ava nuam dawn em!’ tiin, ka ngaihtuah zui ta a.

Kan tunlai khawvelah hi chuan chu chu kan thleng phak rih si lo zawng anih hi….kan ram ‘MIZORAM’ hian mahni hnaa rinawmna leh thawhrimna a chhunga mi cheng ‘MIZO’-teah hian ava mamawh em!

15 Responses to “Kingfisher ah ka thlawk ve a”

1
Aryan Says:
July 7th, 2011 at 5:14 am
Jet airways hi ka thlawk dawna an tum thei ngut ange maw.
Report this comment
2
Leavi Pcresn Says:
July 7th, 2011 at 5:34 am
Last para khi zoram i nuai hrep ang tih ka lo hlau khawp a,‘Mitin mai hian kan hnaah rinawmin thahnemngai takin thawk ta theuh ila, kanIndia ram leh Khawvel hi ava nuam dawn em!’ tiin, ka ngaihtuah zui ta a. India tih aiah Kan Zoram tih a tan a it awm te ka lo ti ve mai2 a
Report this comment
3
ZerO Says:
July 7th, 2011 at 6:04 am
Khawi chanchin bu berah nge ka hre ta lo…ILS bun fel tawh anga ziak ka chhiar tlat mai. Flight tum thei lo/cancel awm tawh lo turah i beisei phawt ang.
Report this comment
4
paeia Says:
July 7th, 2011 at 6:06 am
ot, Argentina leh Colombia an inkhel tan dawn e, Messi & co ho chu an nil leh mai angah!!
Report this comment
5
Kingpin Says:
July 7th, 2011 at 6:45 am
#3 ZerO hmanni NE Shuttles chesual khan ILS kha a su chhe leh a, siamthat nan hun rei deuh a la ngai ang tih an ziak ka chhiar tlat
Report this comment
6
muansakhi Says:
July 7th, 2011 at 7:17 am
Vanduai rau rauvah in va han itawm bik em!!! Tumkhat IA in Delhi – Lengpui via Kolkata ka kal ve tur Kolkata ah flight an cancel a, transit passenger chu accomodation kan ngaihtuah sak e min ti ve a aw…an hotel min hruaina tawp zia mai chuh! Nu pakhat chu a titauva a hmun dangah a thleng daih. Kingfisher chu an reliable a nih dawn chu.
Report this comment
7
shailendra Says:
July 7th, 2011 at 8:09 am
Lengpui chung atangin ka la thlawklet ve lo hlauh. Peihawm awm lo tuah tuah.
Report this comment
8
H.Vangchhia Says:
July 7th, 2011 at 8:23 am
Aryan, India ah chuan Jet Airways ka la fak tluang zel e. 2009 a Kolkata to Mumbai thlawk hmasa ber tur anih vanga Kingfisher ka chuang kha chu pawisa ka ui ngawt mai. Ka fanu nen kan thlawk thla kha ania. Mi 1 thlawhna mana kan sen zat khan Mumbai – Kolkata kha mi 2 chuanna daih ani dawn mai. Jey service leh an uniform ala mawi daih zawk bawk a, an hawihhawm zawk bawk niin kei chuan ka hmu.
Report this comment
9
Godspeed Khawlhring Says:
July 7th, 2011 at 8:32 am
keipawh hetiang chiah hian kan awm toh a. bhubaneshwar-ah executive class ah min thlen tir run mai chu…KF ho hi ka fak rih khawp mai(kawr sen ha nula ho lah an chhe lo )
Report this comment
10
Pc-a Says:
July 7th, 2011 at 8:43 am
Sumdawng an ni tih an in hre hle a nih chu.

Kan flight an cancel ve kha chuan ka feh daih.
Report this comment
11
Uaiizzz Says:
July 7th, 2011 at 8:51 am
Kei pawh ka thinlungah chuan Jet Airways chu number one an la ni tluang zel e (India-ah chuan).
Report this comment
12
chawnghilh Says:
July 7th, 2011 at 8:59 am
Ka nau chiah hian June 17 khan connecting flight nei sain USA a pan dawn a. Lengpui atanga Kingfisher booked thlapin a khawsa a, a rin ber a ni ve tawh bawk a.

Kingfisher lah a rawn tum ta si lo. A rawn tum chhunah ticket a book chawp leh a, a insengso ta duai a nih chu!
Report this comment
13
ruatruatapa Says:
July 7th, 2011 at 9:01 am
Lengpui Airport-a thlawhna tum thei lo ziah hi ka ning…
Report this comment
14
Unsung Says:
July 7th, 2011 at 10:49 am
KKT ah ni li ka cham thlawn phah tawh..ninawm khawp mai.Kha mi tum kha chu eng airlines pawh kha ani vek mai.Khawchhiat vang in an cancel a, a tuk ah additional flight an pe thei si lova..ticket a lo full leh vek tawh thin sia..ninawm tak ani.
Report this comment
15
H.Vangchhia Says:
July 7th, 2011 at 5:23 pm
ruatruatapa, lo hal khuk rum rum khap sela, tlem chuan chutih hunlai chu a zia mahna
Report this comment