Vawiklhat chu pa pakhat hi lehkhabu dawrah a luta, hmar tawnga lehkhabu in ziak a hmua, hei chu mizo tawng ani lo tiin lehkhabu dang Paihte, ralte, lai(pawi), Thahdo, chhakchhuak leh a dang dang tawnga in ziak a hmua, pakhat mah a lei lo a, a tawpah chuan sailo tawnga lehkhabu in ziak a hmua, hei ngei hi mizo tawng a ni tiin a lei ta a. Eng hi nge maw Mizo tawng chu ni a, mizo hnam thlah tho tawng hi mizo tawng a nih lohna bik ?
Heng Lusei, pawi, hmar, ralte, paihte, thado, sailo, chhakchhuak te hi mizo kan nihna ah hian kan chiang tawh hlein alanga (hengah pawh hian hnam te nau leh a peng chi hrang hrang a awm bawk tih hre tel ila). Amaherawhchu, tawng, mizo tawng kan tih bikah hian a chunga kan sawi tawh khian mizo tawng kan tih hian hnam a huapkim lo deuh tlat ani.
Mizo hnam bik an awm lo ang bawkin mizo tawng bik hi a lo awm reng reng lo. Hmanlai chuan tuna mizoram kan tih ah hian lal chi bik an awm loa, hnam chi hrang hrang lo peng darh zau zel hote hi mahni chi bik te tea tawng nei hrang theuh an ni. Hun engemawti hnuah zo hnam thlah chi hrang hrangte tawng in finkhawm atangin tawng an in hriattawna, an inbiak theihna turin tawng tualleng an zingah a lo piang a, chu tawng tualleng chu hming pahnih an neih tira, zo tawng leh Duhlian tawng tiin a hming an vuah a. chutih laia zo hnam thlahte chenna ram chu Zoram tih ani.
Hmanlai chu Mizoram ah hian lal chi bik an awm loa, hun eng emaw ti hnuah mizo zinga hnam chi dangte chu lal engemaw zat chu awm ve bawk mahse, Zahmuaka (c.AD 1575) thlah zinga mi Sailo lalho chu an lo ropui ta hle mai a. Sailo ni leh thla kara leng inti hialte pawh an awma, an lal lai hian kan ram hming, zoram kan lo tih thin chu Lusei ram (Lushai Hills) tiin Britsih hoin AD 1830 ah min thlaksaka, Zo tawng leh Duhlian tawng kan tih pawh chu Lusei tawng tia thlak ve nghal ani a. A hnuah sailo lalho an lo tlawma, kum 1954 ah Official-in Lusei Hills tia British Sawrkarin an lo pawm tawh chu Indian Parliament hriatpuina in Mizo Hills District tiin thlak ani. Lusei tawng pawh Mizo tawng tiin thlak ve leh ani.
Chuvangin Mizo tawng kan tih hian Lusei tawng chauh huamtir loin, mizo hnam thlah zinga tawng( Dialect) hrang hrang nei te pawh hi kan huamtir a ngai a ni. Tuna Mizo tawng kan tih hian a huam tlem deuh a ni. Chuti anih loh pawhin Hming dang kan puttir a ngai a ni.Tunlai khawvel kan thlir chuan hnam khat, thlah khat ni hote chu, hnam anga in zawmkhawmin, tawng khat hmangin, an lo parchhuaka, hnam ropui an lo nih theih phah thin. He khawvel damchhung rei lo teah hiah insuihkhawma, hnam khat, tawng khat hman chauh hi zofate tana hman damna leh he khawvela hman anga kan parchhuaha, kan ropui theihna tur chu a ni.
Similar Posts:
- Mizo hi hnam hming a ni lo
- Kan hnam hming “Mizo” leh kan “Chi” te hi
- Mizo awmziaah i chiang em?!
- Sailo: Lusei nge Paite?
- In ennawn fo avan tha em!
March 26th, 2007 at 9:23 am
Mizo tawng kan tih hi, a thenin Duhlian tawng an ti
A then in Hualngo tawng an ti.
A tam mai sawi sen a ni lo.
Mahse kan hriat a tana tha leh, nakin zel a Thang thar te buai buai loh nan, chumi kha mi ti kul ti kual lovin, Mizo kan nia, kan tawng hi Mizo tawng ti ila a chiang ber. Kei phei hi chuan Duhlian tawng tih vel an han sawi hian ka lo buai tawp.
A pawimawh ber chu, Zohnahthlak te hian Tawng pakhat hi hmang thei ila a duhawm ber. kan Pawih tawng, kan paihte tawng ti kual ti kual lovin Mizo tawng kan hriat thiama kan hman thiam chuan hman hram hram a tha, Kan tu leh fate rilru kan ti buai. Tin, Hnam in pumkhatna a tan Thil tangkai tak a nih ka beisei.
Hetiang lam Article hi ka tuina zawng tak a nia, ziah pawh nuam ka ti. Chhiar pawh nuam ka ti. Mahse a lehkha thiam sang leh a fing zawk tam tak hian an ngaihthah tlat hi chu, rilru a nuam lo deuh.
Mahse Zohnahthlak in suih khawm hi chu kan buaipui tak taka, kan sual chhuak duh a nih chuan Hun leh tha tam tak sen a ngai in ka hria
Report this comment
March 26th, 2007 at 9:27 am
Mak thin ve. Tutenge Lusei chu ni re re a? Tuna Mizo Tawng(Mizo Language) hi hmanlai zawk chuan Duhlian an ti a, a hnu deuhah Lusei an ti leh a, Lushai hills chu Mizo district a lo nih hnuah Mizo Tawng( Not MIzo Dialect) an ti leh a. Chu chu tuna kan hman mek hi a ni. Hmar tawng te, Paite tawng te, Ralte tawng te pawh Mizo dialect chikhat vek chu a ni alom.
Lusei hnam hi hnam 14 niin ka hria: Chhakchhuak(Hualngo/Hualhang), Hnamte,Pachuau(Chuaungo/Chuauhang),Chhangte, Hauhnar,Hrahsel etc..
Report this comment
March 26th, 2007 at 6:31 pm
Zorun:
Mizo hnam ho in kan tawng hman tlanglawn ber leh tawng hausa (Kan mituimi te zarah) chu Mizo Tawng hi a ni. He tawng hi i ti hausa zel ang u. Mizo tawng dang (dialect) ho poh hi tihausa zel ila. Official language ah chuan Mizo Tawng hi ni sela kan ram leh hnam in pumkhat nan pawh he tawng hi a lai ber kan ta vek a ni. Mizo Umbrella hian min huapzo vek rawh se.
Report this comment
March 26th, 2007 at 9:26 pm
Zo hnahthlak pumpui tan hei hi thil pawimawh mutmawh hnarmawha neih chi a ni. He zo tawng hi min then darhtu ni lova min huikhawmtu a tan kan hman theih thuai hi a tul a ni. Zo hnahthlak dialect hrang hrang pawh hi inngaih pawimawh sak tawn tho ila. Mahni pianna tawng chu tute pawhin kan hmuhsit phal loh hi maw.
Report this comment
March 26th, 2007 at 10:10 pm
@islander, i ngaihdan hi pawm loh harsa ka ti khawp ang. also @burbura, i sawi hi a dik khawp bawk.
Ni chiah mai. Keimahah ngat phei chuan pipute hun lai deuh khan tawngkam hman fuh vaklo an nei a, chu chu Hnam tih an hmanna hi a ni. Chi tihna turah hnam tih an hmanna chu Pachuau hnam, Chhakchhuak Hnam, Chhangte hnam, Hmar hnam, Lai hnam, Ralte hnam, Lusei hnam etc.. hi a diklo a ni. Heng hnam hrang hrang anga kan sawi te hi hnam khat vek kan ni a. Chu hnam khat chhungah chuan chi leh kuang hrang hrang kan awm a ni chauh zawk. Kan vaiin hnam khat kan ni. Mahse kan chi hming te chu; Ralte, Pachuau,Sailo,Chhangte, Varte etc.. pawh a ni thei e. Mahse a hnam zawng chuan Mizo hnam vek kan ni. Hei hi thangtharte hian hrethiam ila, a nihna dik tak zawk pawh a ni.
Tin, sawi leh sawi hnu, duhlian/Lusei/Mizo tawng lo hmang hmasa chi(clan) te hi a hmasa lama ka tarlan tawh ang khian, Lusei ho chu an ni. Lusei te hi Seifate tih te pawhin an inko thin a, thlang an tlak hma chuan Seipui khua leh a chhehvel, chin hills ah khian an awm ho thin a ni. Chutihlai chuan Lusei tawng chu dialect pakhat ve mai a ni a, lusei dialect aia dialect upa tak tak Mizote zingah a lo awm daih tawh tih hriatna tha tak chu tawng upa kan tih atang hian a ni. Mahse thlang an tlak hnu khan hlawm lian takin an awm ho ta a, Selehsih khuaa an awm khawm atang phei chuan an inthurualin Mizo Dan kan tih mai te pawh hi an siam chho tan niin alang a. Tin, dialect dang hmang te pawh an chim hneh tial tial a ni chek ang, zawlbukah Lusei tawng an hmang thin bawk nen. Lusei tawng chu a lo darh zau ta zel a. Hmana duhlian an tih ai khan tlemin an lo hausa zel bawk nen, a hnuah Mizo tawng tih a lo nih hnu phei chuan Zo hnahthlak dang dialect tam tak an senglut zel bawk a. Tichuan, tunah chuan Zohnahthlakte tana tawng/Language tih theih khawpin a lo hausa ve ta a ni.
Hei hi amah ngo ngo atanga tih hausak a ni lo va, Mizo hnam ve tho Ralte, dialect te, Lai dialect te, Paite dialect te, Hmar dialect te atanga thawlphui chhoh vek a ni tih hi hriat ngei ngei tur a ni. Chuvangin tunah chuan Lusei dialect ni tawh lo vin, Mizo Language kan lo ti-ngam ta. A ropui a ni.
Chuvangin Zohnahthlak dangte tan pawha intih mikhualna tur bik awm miah lohna tuna Mizo Tawng kan tih mek hi lungrual takin hmang tlang thei ila, kan dialect te pawh vawng him chung zel si hian hma kan sawn thei a ni. Tichuan, literature ah hma kan lo sawn zel ang a, kan zaithiam te leh lehkhabu ziak thiamte bakah hla phuah thiam te, chanchinbu mi te tan pawh business language a ni thuai thei ang a. Tichuan miin a talent chu thlawkpuina tham khawpin a lo hmang tangkai thei dawn a ni.
Tichuan, he Mizo Tawng hi Zofate tan inpumkhatna, Inlungrualna, insuihkhawmna Tawng lo ni se, chutin, vai hnuaiah kan hnam a ropui zel ang.
Report this comment
March 27th, 2007 at 2:27 am
@ Zorun
Amen,amen lehzual last para. Kan tawng tih hausak kawngah hian chi hrang hrang te tawng (dialect) lakluh bakah Bengali, Hindi leh English tawng te kan lalut chho mek zela heihi tamtak chuan tawng tih bawrhbanna-ah te poh an ngai ve bawka. Mahse kan hnam tawng tihausa zel tur chuan a tul miau bawk si.
Minu tih hi Chinese ho tawng atanga lokal zel niin an sawi. Hanoi Vietnam ah khian an Toilet ah Minu/Ladies tih an tar Minu tih hi i hreh lo ang u. Vietnamese ho nen pawh kan tawng la inzul awmchhun a ni, an ni pawh China awpbeh ram an lo ni thin. Hmarcha, Chini, Bible, Tangka ee sawi sen ani lo ang kan tawng tobul hi a Computer kan ti mobile phone kan ti i ti hausa zel ang u
Report this comment
March 27th, 2007 at 8:36 am
hmelthatea : I thil post hi niminah ka hmu a, comment ka chak a, ka hman ta lova. I ziahlan tum hi a tha ka ti a. Mahse, hei ka han criticise dawn a nia..A mal malin aw niang !
Ist Para-ah khian entirna i pe a, i entirna pekah khian pa pakhatin ‘Sailo tawnga inziak’ lehkhabu a lei i ti a, Sailo hian tawng hran an nei lo. I sawi tum hi Lusei tawng a ni ti rawh ? A hnua i sawi leh zel danah pawh a lang reng mai.
2nd Para-ah Mizorama awm hnam tenau peng hrang hrang i rawn tarlang a, ‘mizo tawng’ kan tih hian hnam a huap kim lo i ti a, a aia huap kim tur leh Zorama darh zau zawk a awm em ni aw ?
3rd Para-ah Mizo hnam bik a awm lo ang bawkin Mizo tawng bik a lo awm reng reng lo i ti a. I thusawi hi a inkalh ta nuaih mai a ni. Para khat leh hnihna a i thusawi atang ngawt pawhin ‘mizo tawng’ chu a awm ngei chu a ni si a. I ngaihtuahna ang i ziak chhuak chiang lo em ni aw ? Nge ni a, nangmah hi i confused ve reng reng ?
Para 4-na-ah hian Bristiah hovin Lushai Hills an tih chu kan pi leh pu ten Zoram an ti niawmin i sawi a…i rindan mai mai i sawi niin a lang. Lal chi hrang hrangin tlang hrang hrang an thut lai khan, inpumkhatna leh ‘ram khat’ anga awm duhna thinlung kha an nei phak hauh lo tih chu a chiang viau a ni.
Para 5-naah hian Mizo tawng kan tih hian kan huam tlemtir lutuk i rawn ti a; hei hi a dik. Mizo tawng kan tih tak ber hi ‘Lusei tawng, Duhlian tawng’ kan tih bawk kha a ni. Zohnahthlak zawng zawng tih theih deuhthaw hian he tawng hi an thiam a, kan zavaiin min huapzo hlein ka hria. Hming hran pek a ngai meuh pawn a lang lo.
A tawp nan : I thahnemngaihna hi a zahawm ka ti a, mahse, tun kan dinhmunah pawh lang chiang em em chu, Hmar tawng te, Lai tawng te, Paihte, Pawih leh Mara tawng te hi Zohnahthlak hnam peng hrang tawng “Mizo tawng” kan tiha tel ngai lo tur an ni. Anmahni Mizo an ni lo tihna a ni lo. Eng ang pawhin sawi sawi mah ila, a hmangtute hian Mizo tawng tiin an sawi ngai lovang. Thuziaktute erawh chuan ‘Mizo tawng peng hrang hrangte” ti chuan an sawi mai thei thung. Heng Zohnahthlak hrang hrang te hi Mizo tawng kan tih mai, Lusei tawngah hian lungawi tlang ngat ni ila chuan, inpumkhatna kawngah hma kan sawn duai mai ang.
Report this comment
March 27th, 2007 at 10:54 am
coolsoul09 hian a sawi dik viau mai. Kan tawnga kan neih ve loh english hmang tingtang bawk si lo va kan laklawhna chu DIALECT tih LANGUAGE tih kan nei hranglo ni a niin ka hria. Tuna tarlang tawh ang hian heng Mizo dialect Lai,Hmar,Paite,Mara etc..te dialect pawh hi Mizo dialect dik tak vek an ni. A boral mai kan phal tur a ni lo va, a theih chuan kan tihausa zel tur pawh a ni ang. Mahse heng dialect hmang zawng zawngte inzawmkhawma Language anga kan hman mek chu tuna ka thu type-na MIZO Language hi a ni. Chuvangin market/business Language tih theih turin Zohnahthlakte hian thiam tlan theuh tum ila, hma kan sawn phah viau pawhin ka ring.
Report this comment
March 30th, 2007 at 3:15 am
hei chu ka sawi zing ve tawh khawpin ka hria, tawng khat Duhlian tawng kan hman theih hi duhthusam a ni, tawng hian rin aiin min then hrang teh ania..Duhlian tawng hi Mizo tawng anga kan neih a ni a, midang a thiam lo hian an hreh loh chuan rawn zir mai se ava duhawm em…kan hnam kan lo impumkhat that leh nan..
Report this comment
March 30th, 2007 at 3:46 am
Babel in sang kha Mizoram PWD sak lo ni se chuan a chim daih tawh awm si a, tawng hang hrang kan hmang lo mai tur.
Report this comment
April 1st, 2007 at 12:29 pm
ka article “Eng hi nge Mizo Tawng chu?” tih min chhiar saka min comment sak tu zawng zawng chungah lawmthu kam sawia , a bikin coolsoul09 chungah ka lawm lehzual. ka article critisized tlakah min ngaihsak avangin ka lawm takset a ni. amaherawhchu ka chhanhar deuh avangin min lo hrethiam sela.
He thu hi ka veina a rei ve angreng tawha. tunah chuan lehkhabu rawn tur ka neih loh avangin ka hriatna tlemteiin a dapchhuah ve theih chhun ka rawn thailang ve a ni. mi duh anga chianga ka ziah theih loh avangin pawi ka ti hle.
coolsoul09 a rawn fakselna hi 1,2,3 tiin a point in a rawn pe thla diat diat a, in lo chhang teh ang.
1.sailo tawnga lehkhabu inzaik chu, lusei tawng kan tih hi a ni. hmanlaiin mizo hnam chi hrang hrang , tawng nei hranhg theuh ten, an tawng tuallenga an hman, hming pahnih Zo tawng leh Duhlian tawng kan tih, British hoin AD 1830 a lusei tawng tia min thlaksak tak hi ani. A chhanchu Sailo ho kha thil tithei leh lal ropui, lusei tawng hmanga, tawngkhat min neihtirtu leh min hmantir tu an nih vang a ni.
2.Mizo tawng kan tih hian Mizo hnam a huapkim lo. Hmar, lai, chhakchhuak etc te hian an tawng Mizo tawnga kan chhiar lo lo tih an hriat hian an rilru a na asin. Manipur lam kan Mizo puite tawng hi mizo tawng ah kan pawm chiah em? Lalruotmoii hian mizo tawng pawh a thiam tha lo titu te hi keimahni tho kan ni leh si. ka rawtna mawl tak hian tuna Mizo hnam thlah zawng zawngte tawng huam tir nan hian “ZO TAWNG” ti ila a fuh ka ring. tiang chuan tumah rilru na kan awm ka ring hauh lo.
3. Para 3 naah hian ka Confused ve reng reng a ni . Mizo tawng “Bik” kan tih hian Lusei tawng, Sailo hoin an hman kha a ni e. Vai tawng kan han tih pawh hian Hindi, Punjabi, bihari, haryani, bengali etc etc a tam mai. mahse tuna vai tawng kan tih hian tuna Hindi national language a an hman hi a ni thei ang.
4.”Bristiah hovin Lushai Hills an tih chu kan pi leh pu ten Zoram an ti niawmin i sawi a…i rindan mai mai i sawi niin a lang” he thu hi ka rindan mai mai a ni lo. Tuna Mizoram kan tih hi Mizo lal chi hrang hrang awmna a ni. chu chu a nih si chuan British in min awp hma khan engtin nge tuna Mizoram kan tih hi an sawi ang? Zoram tih a nie.
he thu hi ka rawn ziah hi a chiang tawng ang ka ring.
Report this comment
April 1st, 2007 at 3:16 pm
@hmelthatea, Chhakchhuak in tawng hrang an lo nei a ni maw? ka vawikhat hriatna a ni e. Chhakchhuak te, Hnamte te, Chhangte te, Pachuau te, Hauhnar te, (Lusei zawng2) hi Tuan leh mang atanga tawngkhat hmang thlahtu Luseia fate an ni tih hi Mizo history ziaktu zawng zawngin an ti vek si a. I hriatdan hi mak ka ti hle mai. Chhakchhuak tawng chu engtinge a awm a? i hriatdan min han hrilh ve re re teh.
Lusei ho hi a hlawm lian deuha thlang tla hnuhnung ber an ni a. An chhehvela pawi an hlauh avangin Selesih khuaah an awmkhawm vek a. Hetah hian Lusei chauh an ni tawh lo, Ralte pawh an tam tawh. Tichuan Lal pawh pasarih ngawt an nei a. Sailoa thlahte ho an ni. Tichuan Selesih atanga an awm darh hnuah Lallula te chuan Chuauhang khua Zopui ah lalna a chang a, a lo ropui tan ta tih a, an chhehvel a Siakeng leh Kawlni ho a huikhawm a, chutiang zelin lal dang te pawhin an chhehvel a dialect dang hmang ho an huikhawm zel a, hei vang hian inrunna pawh a tam phah em em a nih kha. Tichuan, reilo teah mahni dialect hnuchhawnin Lusei tawng an lo hmang ve ta chauh a ni.
Tichuan, Lusei tawng chu duhlian (tawng ni lovin) te pawh an ti a, a hnuah Mizo tawng kan ti leh a, chu chu tuna kan hman mek hi a ni. Chhakchhuak tawng a awm hrang ngai lo va, a awm hek lo. Tuna i hman mek hi Luseia fa Chhakchhuak te, Hnamte,Chhangte etc..ho tawng chu a ni e. Sailo pawhin tawng hrang an nei lo, tuna i hman mek hi an hman ve tho chu a ni e. Chuvangin Language kan tih leh dialect kan tih hi i hriatpawlh a ni. A chung lamah ka sawi fiah tawh ang khian Lai tawng te, Paite tawng te, Ralte tawng te hi Mizo Dialect chikhat vek an ni a. Mahse Mizo Language erawh tuman kan ti ngai lo. An mahni pawhin an ti lovang. Chu chu hriatthiam tur a ni. Entirnan; German tawngah chuan dialect hrang hrang a awm a, khawpui tin hian dialect hrang2 an nei deuh vek. Mahse official a an Language( Tawngpui) chu High German( Hoch Deusch) an tih hi a ni. Chutiang chiah chu Mizo hnahthlakte leh dialect awmdan chu a ni.
Ni e, Mizo Tawng tia a term hi a fuh chiahlo a kan ngai a nih chuan Zo Tawng pawh chu ti ila, a pawm awm em em. A tha lutuk. Hmanlai pawhin an lo ti tawh thin niin alang. A chhan chu; Zofate tih hi hmasang atanga an lo hman lar tawh a nih avangin.
Ka ngaihdanah chuan a term aiin a nihna hi a pawimawh zawkin ka hria.
Report this comment
April 1st, 2007 at 3:52 pm
@ Zorun
@islander
@burbura, in thusawi hi ka pawm zawng tak a ni.
Report this comment
April 1st, 2007 at 4:48 pm
“Zahmuaka (c.AD 1575) thlah zinga mi Sailo lalho chu an lo ropui ta hle mai a. Sailo ni leh thla kara leng inti hialte pawh an awma, an lal lai hian kan ram hming, zoram kan lo tih thin chu Lusei ram (Lushai Hills) tiin Britsih hoin AD 1830 ah min thlaksaka”
zahmuaka hi paihte thlah ania lawm……….
Report this comment
April 1st, 2007 at 6:04 pm
an van ziak sei hlom…
Report this comment
April 2nd, 2007 at 9:25 pm
@Myself
“zahmuaka hi paihte thlah ania lawm……….” i tih hi ka pawm lo, hethu hi paihtre thlah niin ka hre thina, nimahse lehkhabu tam tak ka chhiar ah chuan Paihte thlah a ni lo.
@Zorun
A ni ang.
Report this comment
April 2nd, 2007 at 11:35 pm
@hmelthatea
i lehkhabu tam tak chhiar chu rawn sawi la……………pu PC biaksiama’n inti israel pa in lehkhabu nuaih enge maw zat man ka chhiar tawh atih a , a in a a len a engmah hmuh tur awm lo a tih ang vel lek kha inih ka ring…………heheheh………
zahmuaka paihte thlah ani ti vek in ka la chhiar a………..ani reng bawk a…….ani reng bawk ang………
nakin ah chuan thu hril tu der in”inrinni zan hi thawhtan zan te pawh an la ti ang, ningani zan te pawh an la ti ang”mahse ringtu tha te chuan kan awih chuang hleim…………..
Report this comment
April 3rd, 2007 at 11:32 am
@myself
Tunah hian Mizoram aaah ka awm loa, lehkhabu han rawn tur ka neih lo mai bakah chutiang in ka hre hauh lo mai.Amaherawh chu Sailo hi paihte thlah an ni lo tih erawh chu ka hria. pakhat lek “lalnu ropuiliani” tih lalsangzuali ziah kha niin ka hria, khatah khan chiang takin a rawn ziak chuan ka hria.
“i lehkhabu tam tak chhiar chu rawn sawi la……………pu PC biaksiama’n inti israel pa in lehkhabu nuaih enge maw zat man ka chhiar tawh atih a , a in a a len a engmah hmuh tur awm lo a tih ang vel lek kha inih ka ring…………heheheh………” chung chang hi keiphin ka chhiar ve nual tawha, CIPC ho an Secretary, Pu F.lala kan thenawm palehkhabu pahnih buatsaih hi ka chhiar tawha, a awihawm ve lek lek mai. Amaherawhchu Pu Biaksiama lehkha bu te leh an Debate na te ka ngaithla vea, a ho angreng Israel inti ho hi. chutiang te chu ka ni vea.lolz
Tin, ka i thil rawn ziah hi zahawm ka ti. kaan la sawi duh dawn nia.
Report this comment
July 3rd, 2010 at 9:21 pm
Hi all, I’m from Thantlang, Chinram. My primary language that I speak is Laiholh or Halkha-Chin language. I am not really good in Mizo language here, but I am able to relate what’s the topic about from the help of our language similarity. Let me guess. I think you are talking about what Mizo language means. I think majority is still confused. “Language” in English is more political rather than ethnicity or geographical identification. You can check it out yourself. Therefore, when we say “Mizo Tawng”, it’s absolutely right to mean Duhlian / Lusei dialect. The reason is; as I mentioned above, language can be a politically used media of a region, state or country, that does not have to be meaning all the dialects in that region. For example Duhlian dialect is officially used as Mizoram state’s common media. Thus, when we say ‘Mizo language’, it means nothing else but Duhlian dialect. In this point of view, other Mizo dialects such as Mara, Hmar, Lai dialects etc should not be mixed or confused with Mizo language (Duhlian) as a collective language of Mizoram. I hope it’s clear.
Report this comment
January 10th, 2016 at 11:07 am
no download clash of clans hack tool
Eng hi nge Mizo Tawng chu? | mi(sual).com
Report this comment