‘Ringtu nun’ post-a Ringtu chi hrang hrang tehkhinna kha a tha hlawm riau. Ka’n chhunzawm ve lawk ang e; eng ber nge i nih ve?
viii) Thenkhat chu Vawkpui ang, tuikeplung pawh a hlutna hre lo, nawr vel mai mai.Pathian thutak pawh a hlutna leh a nihna tak tak pawh phak chuang lo. Ngaithla liam mai mai.
ix) Thenkhat chu Arawn ang, mi mithmuha in tih mawi thiam tak, parh nalh tak khera biak in pan tum, mi an tam deuhva kal parh deuh vah vah. Mi zinga a mawina leh thiamna, leh a thatna lai tak pawrhchhuak thiam.
x) Thenkhat chu Laiking ang, thlasik a lo thlen a pawnpui tah tum ve ziah, peih tak tak chuang si lo. Ciggarette nghei hi chu a tha viau, tum ngam tak tak si lo. Ei ruk that lohzia a hriat chhuah pawhin a hunah a tuar zo tak tak thin lo.
xi) Thenkhat chu Vazar ang, thiante an hlim chuan ring taka khek ve ruai ruai thei. An rak rin leh ring taka bei ve ringawt. An lam nasat vanga lam ve ngawt.
xii) Thenkhat chu Zubui ang, a kaw hreuh laiah lung a tawk a, a let hlauhva, harsatna a han tawk deuhva, a beidawng mai.
xiii) Thenkhat chu bawngrual ang, a pachal kalna lam apiang a zui ve dum dum ringawt. An mi duhzawng deuh thusawi chu dik veka ngai a, Amen dual dual ringawt.
xiv) Thenkhat chu Choak Arawn chang tawn ang, mahni nihna hre lo, inti mawi ve satliah.
xv) Thenkhat chu Zawng ang, mahni ngumkhak pawh hmu lo. Huai taka sawi ve pawp pawp mai.
xvi) Thenkhat chu uicho ang, ek pawh ei mai duh, ei buan buan ringawt, fawmkawp tun mai chi.
xvii) Thenkhat chu Mupui ang, chakna siam thar leha thlemna tuifawn chim phak lova leng der der thin.
xviii) Thenkhat chu chhimbuk ang, inhmuam up ve hmuk ringawt, thutak pai nei tak tak chuang si lo.
xix) Thenkhat chu Tuitu (sava) ang, mipui hmaa din veleha aw ti thum satliah.
xx) Thenkhat chu Varak ang, varak tui thiam an sawi ang maia Pathian thu sawi thiam zawl.
Tui luang kianga thinphun ang nih tur a ni ang. A hun tea hian rah leh keuh thin tur.
Khaikhawmna : Ringtu nunah hian hah tak leh harsa ti taka ke pen tauh tauh a awm theih a, kraws hnehna hmanga hahdam taka kal a awm thei bawk. Rinna chu lei (bridge) ang a ni thei a, kal kai tumin an bei a, pakhat chu lei hnuaiah a inban phei tang tang a, pakhat erawh lei dawh tawh sa, kraws hnehna hmangin hahdam takin a kal.
Similar Posts:
- Fiamthu (in refresh nan)
- Ringtu Nun
- Ka Pi hi Ka Ngaisang a nia!
- Mawng chhuichianna
- Ka chet chhiat na te Part-I
July 12th, 2011 at 12:10 am
Report this comment
July 12th, 2011 at 12:12 am
Zubui hi ‘Bui’ tih tawp in ka hriat ve dan
Report this comment
July 12th, 2011 at 12:16 am
‘Bui’ tih chauh pawh ka la duh chuang lo, Bui-kelek ka ti kher thin.
That reuh hi.
Report this comment
July 12th, 2011 at 12:19 am
tha hem2 khawp mai.. Gud Post
Report this comment
July 12th, 2011 at 12:24 am
Arawn ka lo nih ve tawh thin na te ti vel ila.
Report this comment
July 12th, 2011 at 12:29 am
chhiar a man hla hle mai…
Report this comment
July 12th, 2011 at 12:50 am
mahse ‘xvii’ na tihloh khi chu Ringtu der Nun vek anh duh hmel.hehe. A title ah Ringtu Nun tih ani sia kan ti ve mai mai!
Report this comment
July 12th, 2011 at 1:20 am
Zu fir ang mai a fiah leh fim, mihur inpuanna tluk zet a ngaihnawm, zawlaidi ang mai a zunzam thuk tak nei a ni tlat mai a..
Report this comment
July 12th, 2011 at 2:25 am
a khawi ber khi nge ka nih pawh ka sawi thei lo…sunday chiah ka in khawm…mahse ka rin Pathian hi a rintlak tih ka hre em em a,tawngtai ka thlah lo…thu tha tak post ani e.
Thil dang daih….David n Victoria Beckam pawn fanu an nei ta!!! an fanu hming Harper Seven Beckam (seven an telh na chhan lucky number tukin zing dar 7 pelh hret in a piang thlasih na ah tin,7lbs 10oz (3kgs aiin a rit hret)
Report this comment
July 12th, 2011 at 2:32 am
Ringtu ka ni ve tawp
Report this comment
July 12th, 2011 at 3:51 am
I thil tehkhin inmil awm leh awm loh dan kan zir chiang teh ang..hairehai
viii) vawkpui hmaa tuikep lung dah ang vela Pathian thu hlutna hre lo chu kan awm thei khawp ang
ix) ‘Arawn ang’ tih chuan a fak tute bulah chauh intih mawi tum ni ta zawk sela
x) ‘Laiking ang’ i tehkhinna chu a dik thei viau mai
xi) Hei pawh a tehkhin theih viau e
xii) ‘Zubui ang’ tehkhinna pawh a dik khawp mai
xiii) hei chu dik chiahlo maithei, bawngrual kal hian a pachal an zui kher lova a kal hmasasa kal kha an zui ve mai zel. Chumi awmzia chu an mi duhzawng zui tehkhinnan chuan a mil chiah lo ka ti deuh
xiv) A dik thei viau ang
xv) A dik khawp ang, tehkhinna lar tak a ni mek bawk
xvi) A dik viau maithei. mahse ui anga chaw tak leh taklo pawh ei buan2 tihna ni dawn a a kar a zau em a mihring ah hian an vang angem aw ka ti deuh, a dik tho
xvii) ‘Mupui ang’ a thlawh delh2 hi a thil tha atan tehkhin theih khawp mai, hla ah te pawh kan hmang fo
xix) Tuitu hian mi hma ah a aw a ti thum satliah nge a aw ve reng zawk?
xx) ‘Varak ang’ tih chuan a thiam loh zawk a lang bawk si lova. Pathian thu a thiama a nunpui silo tih anga hman dawn chuan “Varak in tui a thiama mahse a cheng thiam silo” ni thei ta se, mahse a ni bawk si lova
Report this comment
July 12th, 2011 at 4:46 am
#11 @Asteric, chu comment tha hle mai.. Post i chhiar liam mai mai lo tih a hriat. Vawkpui ang khi ka nih ka ring. Tuikep lung min pe ula a hlutna ka hre miah lo ang!!
Report this comment
July 12th, 2011 at 4:47 am
#11 @Asteric, chu comment tha hle mai.. Post i chhiar liam mai mai lo tih a hriat. Vawkpui ang khi ka nih ka ring. Tuikep lung min pe ula a hlutna ka hre miah lo ang!! Mahse Pathian thu chu a hlutna ka hria a, ka ring bawk ( zawm kim hi har mai pawh a!)
Report this comment
July 12th, 2011 at 5:13 am
Ringtu chi hrang hrang hi chi thumin ka thliar ve chawk —
Mu-lukawlh ang : Saruang kianga tawlh vel mai mai, chunglam boruaka cheng em em lo. Sa ruang tawih chaw-a ring.
Mu-arla ang : Thlawk kual thlawk kual, thing lera bu chhep. A chenna thlipuiin a tihchhiatsak theih leh ruang leh sa tharlam ei kawp thei ve vek.
Mupui ang : Hla taka mi pawh ni se, a man tum hlah lo, mit fim nei. Mipui chho thlawk chuan hum hawn a nei ziah, a bute lungpui kara chhepin a note te tan himna chi kim, thlipui leh ruahpui kara himdam thlap. Sa tharlam chiah chaw-a ring.
Report this comment
July 12th, 2011 at 6:32 am
#3 ignatia..Bui leh buikelek a awm hrang tih hre mial ang chu maw…!!
Tehkhin thu nei tha khawp mai a,, bawngrual ang lo a khawsa rotekawla sepui/sepa te ang. Tih a ni ve leh si ngem heng tehkhin na thu laka fihlim vek tur chuan..Entur dik tak en a ngai dawn a ni..
Chhimbuk ang hi ka ni in ka hria..!!
Report this comment
July 12th, 2011 at 8:07 am
1 Johana 5:10 Pathian Fapa ringtu chuan mahniah hriatna a nei a ni, Pathian ring lo tu chuan a amah chu dawtheiah a siam a ni, Pathianin a Fapa chanchin a hriattir a rin loh avangin.
Report this comment
July 12th, 2011 at 8:19 am
Ka tih ve pakhatmah tel lovin, ka tlin leh phu vang ni hauh lovin, Pathianin a fapa Isua krista thisen hmangin chatuan nunna min pe tih ka hria. Ka nun theih nana a nunna hlantu tana nun let ve hì ka bat ani tih ka hria. Mi min ngaihdan/hmuhdan ka care lo. A duh ang taka nun hi ka tum mai a ni. Min hmangaihtu rilru tih nat hi ka hlauh ber chu ani mai.
Report this comment
July 12th, 2011 at 3:41 pm
Zovel, i beihna a tha hle mai.
xviii) Thenkhat chu chhimbuk ang, inhmuam up ve hmuk ringawt, thutak pai nei tak tak chuang si lo.
..ka hre teuh mai.
Marawh chu ringtu te hi mi chak kan nih vang a ringtu kan ni lova, Isua zuitute pawh kha mi chaklote leh tlinglote hlir an nih kha. Kohhran leh Lalpa bel tlat tute chu, famkim thin lovin, sawisel te pawh kai thin mah ila, Pathianin intithianghlim tur leh kan la hriatfiah loh/zir thiam loh te ni tin zir turin, zaidam tak leh zawldawh takin min nghak reng ani.
Report this comment
July 12th, 2011 at 7:27 pm
Piangthar ka nih pwh ka hre chuang lo, mahse, ringtu then khat te leh an nun hi puan zar a , lo Judge vak a tulna ka hre lem love, mihring tho an ni a, duh leh sakei pui ang, Sai ang pawh lo ni rawh sek sek an chungah rorel a ni tho dawn, fel lo angin hmu mah ila, an kai lel thei tho. *17 na in ‘ MI hmuh dan ka care lo’ a ti kher khi chu ka helh tlat….
Report this comment
July 12th, 2011 at 7:58 pm
19. Mapui, “mi min hmuh dan ka care lo” ka tih leh, i thil sawi hi thil thuhmun ani e. Mi dangte nun dan lo Judge ve vak vak hi tam tak chuan an buai phah thei mai thei. Isua pawh kha, “Belzibula a niang” lo ti pawl an awm a, “Pathian a sawi chhia” lo ti pawl an awm bawk. Mahse, a mission ah a chiang a, amah leh a pa Pathian inkar a fel tha a, a kal hmiah hmiah mai a ni. A thenin, “a farisai” an lo ti ang a, a thenin, “Sakhaw dang a ngai thei lo” an lo ti ang a, mitdel saihmu ang deuhin a dang nuaih ang. Mission a chian a ngai a, Saipui ang a kal a ngaih chang a tam ang.
Report this comment
July 13th, 2011 at 10:51 am
I va thiam ve, a ang hlawm hle mai. Xvii khi min sawi chhan rem rem ve le.
hahaha lam rim pawh a nam thei tho mai. hahaha..
Report this comment