Tunlai khawvel thil buaipui lian ber leh ram hrang hrang hmasawnna ti thuanawptu lian tak chu EIRUKNA hi a ni awm e. Kristian te hi eirukna do tu tur ber kan ni a, mahse eirukna hian kiam lam aiin hluar lam a pan zel emaw tihtheih tur a ni.
Chutih laiin kan ram INDIA ram pawh hi he eirukna hian a luahchilh hneh hle a, Commonwealth Games a eirukna ang chi te pawh khan nasa takin India ram a ti mualpho a, mi lar leh lian tak tak ten Jail bang an zut phah a nih kha.
Awle tun tum chu India rama sum leh pai tih chingpenna lian leh lar zual te leh heng sum te hi chingpen ta lo se heng sum hmang hian enge tih theih a nih i han chhui dawn teh ang.
Indian Republic of Scams: India rama Scam lian hmasa ber chu kum 1948-a Jeep Purchase Scam kha a ni awm e. Kha mi atang a vawiin ni a sum tihchingpen a nih zat hi a zavaiin Rs 8,00,00,00,00,00,000/-(Rs Vaibelchhe Nuai riat) vel a tling tawh a ni. Heng Scam lian zual a mawhphurtu te hming leh an sum khawih chingpen zat tlangpui han tarlang ila-
1. Ramalinga Raju, Rs. 50.4 billion
2. Harshad Mehta, Rs. 40 billion
3. Ketan Parekh, Rs. 10 billion
4. C R Bhansali, Rs. 12 billion
5. Dinesh Dalmia, Rs. 5.95 billion
6. Abdul Karim Telgi, Rs. 1.71 billion
7. Virendra Rastogi, Rs. 430 million
8 The UTI Scam, Rs. 320 million
9. Uday Goyal, Rs. 2.1 billion
10. Sanjay Agarwal, Rs. 6 billion
11. Dinesh Singhania, Rs. 1.2 billion
Heti zozai sum te hi eng tianga tih ching pen nge a nih a, engtik kuma thil thleng nge an nih tawi te te tlem a zawng in i han bih teh ang.
1. Jeep Purchase (1948) : Scam hmasa ber, Indian High Commissioner VK Krishna Menon khan kum 1948 khan sipai ho hman tur Jeep thahnem tak ramdang atanga leina tur cheng nuai sawmriat (Rs 80 Lakh) chu a khawih chingpen nia sawi a ni. He case hi kum 1955 khan tih tawp a ni.
2. Cycle Imports (1951): Ministry of Commerce and Industry a Secretary hna chelhtu S.A. Venkataraman chu India rampawn atanga Cycle lakluh chungchangah thamna a lak avangin tan tir a ni.
3. BHU Funds (1956) : Zirna huangchhunga eirukna hmasa ber pawl ti ila a dik awm e. India rama University lar Banaras Hindu University officials te chuan kum 1956 daih tawh khan University in fund an hmuh Rs 50 Lakh chuang chu an lo khawih chingpen a ni.
4. Mundhra Scandal (1957) : He scam hi media lamte tarlan niin Life Insurance Company hnena share hralh leh lei chungchangah thil dik hlel awm niin an tarlang a, Feroz Gandhi chuan LIC share thenkhat hi Calcutta-a Marwari hausa tak pakhat Haridas Mundhra hnena hralh anih thu leh hemi chungchanga mawhphurtu chu hetih laia Finance Minister T.T. Krishnamachari leh a Principal Finance Secretary te an nih thu a au chhuah pui a.
Hei vang hian hetih laia Prime Minister Jawahar Lal Nehru chuan one man commission dinin Justice M.C.Chagla chu a chhui tir a, Chagla hian Rs 1.25 Crore chuang sum tihchingpen anih thu report in Mundhra hi kum 22 chhung lungin tan tir a ni a, T.T Krishnamachari pawh hi Finance Minister atangin a ban phah nghe nghe a ni.
5.Teja Loans (1960) : Lawng lama sumdawng thin Jayant Dharma Teja chu India sawrkarin 1950 chho khan loan liantham tak Cheng Vaibelchhe 22 lai Jayanti Shipping Company din nan an pe a. Kum 1960 khan thuneitu te chuan Jayant Dharma Teja hian heng pawisa zozai hi a bank account-ah a lo chhunglut vek a, Shipping Company pawh a lo din lo tih an hrechhuak a, chutih lai chuan Teja hi Foreign lamah a lo tlanchhe hman tawh a ni.
6. Patnaik’s Own Goal (1965) : Orissa Chief Minister Biju Patnaik chu ama company Kalinga Tubes te hnena duhsakna uchuak tak hlana contract leh supply engemawzat a lo pechhuak tih hritchhuah a nih hnuin kum 1965 khan ban tir a ni.
7. Kuo Oil Deal (1976) : Indian Oil Corporation chuan kum 1976 khan Hong Kong-a firm pakhat chu Cheng vaibelchhe 2.2 man chuang Oil hralh leh lei chungchangah inremna a ziahpui a, mahse he inremna an ziahpui firm hi a lo awm tak tak lo tih hriatchhuah a ni.
8. Antulay Trust (1981) : Kum 1981 khan hetih laia Maharastra Chief Minister A.R. Antulay chuan Cheng vaibelchhe 30 man hu state-in cement leh thildang an hralhchhuahna atangin a lo chheprelh th The Indian Express chuan a chhuichhuak.
9. HDW Commissions (1987) : Kum 1987 khan German company pakhat, submarine (tuihnuai lawng) siamtu hnena submarine leina atangin Cheng vaibelchhe 20 chu commission a ni tih hriatchhuah a ni a, he case hi kum 2005 khan tihtawp a ni.
10. Bofors Scam (1987) : Kum 1987 khan Bofors laipui lei chungchangah India ram hruaitu lian tak tak te hming a lang a. Heng ram hruaitute hnenah hian thamna cheng Vaibelchhe chuang Sweedish company pakhatin an pe ni a sawi a ni.
Heng bakah hian Scam tam tak Telgi Scam, Oil for food Scandal, Tehelka Sting, Ketan Parekh Scam, Vanishing Companies Scam, Plantation Companies Scam leh tunhnaia 2G scam te leh a dang tam tak a la awm a, an zavai chuan kan sawikim vek seng lovang. Rs 8,00,00,00,00,00,000/-(Rs Vaibelchhe Nuai riat) hi a tam em a, a tam zia hi kan ngaituah pha awm lo ve. A tam zia tih chiah nan enge heng sum zozai hian a tih theih i han chhut dawn teh ang.
1. India ramah hian hriselna lama in enkawlna tur Primary Healthcare Centres leh Sub-Centre ang chi hi India ram hmun hrang hrang Vaibelchhe 2.4 ah Cheng Nuai 30 senga sak theih a ni. Chu chu khaw pakhat tan pathum zelin kan indaih dawn a ni.
2. Central School, Kendra Vidyalayas ang hi cheng Vaibelchhe 3 theuh sengin school Nuai 24.1, class 6-12 awmin a din theih dawn a ni.
3. Motor kawngpui Two Lane-in Kilometre nuai 14 chuang a sial theih ang a, hei hian India ram hi a ramri zai zaiah vawi 97 chuang a vet chhuak thei hial dawn a ni.
4. India rama lui lian leh Pollution avanga tawp tak tak 50 chuang te hi lui pakhat tan cheng vaibelchhe 1,200 zel sengin kum 121 chhung a tihfai thei dawn a ni.
5. Rs Vaibelchhe 81,111 ruahmanin tuna kalpui mek NREG Scheme ang hi 90 chuang a kalpui theih bawk.
6. Heng pawisa chingpen zozai hi India mipui hian insem tai la Rs 56,000 theuhin kan chang thei ang. Anih loh pawhin India rama mi rethei BPL (Below Proverty Line) list a awm Vaibelchhe 40 chuang te hian Rs Nuai 1.82 theuhin an insem thei ang.
7. Duh chuan Tata company in khawvela car man tlawm ber NANO car hi mi vaibelchhe 60.8 hnenah a thlawna pek theih a ni.
8. Heng sum chingpen zozai (US Dollar 3.8 Trillion) hi India ram hian han hmu let leh sela India ram chu Super Power-ah a inhlangkai chiang viau awm e.
Tih theih leh lei theih tam tak a awm. Heng hi suangtuahna hmanga tih theih langsar zual tlem azawng han tarlan mai theih chu a ni. Mahse tun tuma kan sawi tum ber zawk erawh chu Pathian in a duhloh leh huat tak eirukna hian ram hmai a tibalin ramin kan va chhiatphah nasa tak em tih hi a ni.
Khi’ng eirukna te khi thuneitu te leh chanchinbu mi te’n an manchhuah an puanzar mai chauh an ni a, khi’ng bakah khian eirukna nasa tak hailan lem loh hi kan ramah hian a la awm a ni tih chu phat rual lohin a chiang awm e.
Mizoram hi han thlir ve thung ila, Kristian ram, eiru mi te awmlohna ni awm takah hian kawng hrang hrangah corruption hian bu a khuar nghet hle mai. Eiruk hian rah tha a chhuah lo va, mi rethei te’n an retheih belchhah a, hmasawnna a kal hlei thei lova, ramin a tuar a, ramin a tuar chuan a tuartu chu MIPUI bawk kan ni leh thin.
Mipuiin an tuar vang leh ram leh hnam hmasawnna in a tawrh bakah PATHIAN thil huat zawng tak a nih avangin ringtu Kristian te hian he eirukna/hleprukna hi hnawl ngam ila, bansan ngam ila, ram leh hnamin hma a sawn ang a, ram in hma a sawn chuan mipuite bawk hi a chhawr tu tur chu kan ni.
Kan Bible pawhin “Leia sulrul leh tuiekin a eichhiat naah, rukruten an reh pawha an ruknaah hian in tan rote khawl khawm suh u; vanah, sulrul leh tuiekin a eichhiat lohnaah rukruten an reh pawha an ruk hek lohnaah chuan in tan rote khawlkhawm zawk rawh u,” (Matthaia 6:19) ti a min hrilh ang hian lei lam hausakna leh inchhek arbawmna aiin kan thlarau nun lam hi ngaipawimawh ila, chu chu Kristian dik tak te’n kan tih tur pawh niin a lang.
Similar Posts:
- Kum 2011-2012 Mizoram Annual Plan
- Health Care thubuaiah Chargesheet la thehlut lo; Min charge-na ka la hre lo : R.Tlanga
- Minister Eiru leh Vawkte rutu chungchang!!
- NLUP atan Rs 100 crore hmang hman ta lo
- Khawvela Chiahpuam Lianber $ 50 Billion!
July 15th, 2011 at 8:32 pm
Kawmen ru le..
Report this comment
July 15th, 2011 at 8:33 pm
Eiruk na chungchang kan va ziak rual ve a..!! Ka rawn submit ve chiah e..!!
Report this comment
July 15th, 2011 at 8:37 pm
Harshad Mehta leh Ramakinga Raju a thluak khi.. an bon tawp hemi te hi.!! An eiru chiah lo, mahse mi an bum nasa ani..!!
Report this comment
July 15th, 2011 at 8:42 pm
Ava han uihawm zozai ve le, mi i rawn tifing leh sauh mai lawmawm thin e
Report this comment
July 15th, 2011 at 8:42 pm
Ka sawi peihlo
Report this comment
July 15th, 2011 at 8:46 pm
e, a va bengvarthlak tak em! Kan hamara desh hi chuan lu a tihai a ni. Keini Mizote, eirukna haw ber tur zawk lah chu a nasa sa kan ni emaw tih mai tur a ni bawk si. Khua a va var lo em!
Report this comment
July 15th, 2011 at 8:54 pm
eiruk rau2ah tam tawk tak ei ruk hi alo tha ber anih khi …An entawntlak angreng hle mai …
Report this comment
July 15th, 2011 at 9:17 pm
#7 mauh mai a..
A va buaithlak ve aw..!!
Report this comment
July 15th, 2011 at 9:28 pm
Corruption Perception index 2010 ah chuan India ram chu No. 87 ani. Asia ram lian chin India aia corrupt LO zawka an ngaih te:
1. Singapore (No.10)
2. japan (No.17)
3. Taiwan (No.33)
5. South Korea (No. 39)
6. Malaysia (No. 56)
7. China (No. 78)
9. Thailand (No. 78)
India aia corrupt zawka ngaih:
1. Argentina no. 105)
2. Indonesia (No. 110)
3. Philippines (No. 134)
4. Pakistan (No. 143)
5. Russia (No. 154)
Mr. he pa, “Kristian te hi eirukna do tu tur ber kan ni a,” i tih liam mai hi mak ka va ti ve. Mizoram ah kher chuan Kristianna hi eirukna thian tha ber a ang ta riau asin.
Report this comment
July 15th, 2011 at 9:30 pm
Eiru tarlan te khi eng tin nge an awm tak. Sawrkarin na takin a hrem em?
Report this comment
July 15th, 2011 at 9:34 pm
Eiru eiru ninawm ninawm……………….
Report this comment
July 15th, 2011 at 9:39 pm
Bengvar thlak thin ngei mai a Save hmaks teh ang….IAS exam nan te a that tak hlauh ah
Report this comment
July 15th, 2011 at 10:05 pm
Aii Puk a tel ve na nge?
Report this comment
July 15th, 2011 at 10:11 pm
khitiang law law ei tur khi chu ka hmaah hian han awm ve se chu ka tlanchhe…..!?
India mi Eiru lo ho han tilang leh law law la maw le.
Report this comment
July 15th, 2011 at 10:17 pm
Anva ti ho ve maw le.
Report this comment
July 15th, 2011 at 10:24 pm
A buaithlak teh zawng a nih hi.
Kan Zoram riangte ah pawh hian Political party kan zawm chhan ber chu a eiru leh pawt peng theite’n an eiruk leh an pawhpen lo hlehthlak kan duh vang mai mai te, Kohhran leh Pawl dang kan inhman chhan pawh chuti tho chu niin mi tam takin an ngaih phah ta !
HUI HA……tia rum ringawt lovin tho chhuak ila i siamtha tawh ang u hmiang.
Report this comment
July 15th, 2011 at 10:33 pm
7 troxx Says:
eiruk rau2ah tam tawk tak ei ruk hi alo tha ber anih khi …An entawntlak angreng hle mai …
8 Pcresn Says:
mauh mai a..Ava buaithlakve aw !!
Report this comment
July 15th, 2011 at 10:36 pm
Pc-a chu committe minute vel ziaktu atan i that don hi le …
Report this comment
July 15th, 2011 at 10:56 pm
Tuna India ram sum chingpen zat i sawi dan($3.8 trillion) chuan tuna America ram Sovereign Debts min ti hrechhuak zawk mai. Tuna an sovereign debts khu $14.3 trillion vel a ni awm e.
Report this comment
July 15th, 2011 at 11:11 pm
Eiru theuh theuh kan va in anglo hlawm ve-
Naupang laia, bawnghnute ka eiruk bak kha chu ka thil eiruk ka hre leh tawh lo, an ni khi chu an hlawk bik ngei mai.
Report this comment
July 15th, 2011 at 11:36 pm
Ka hul riau. Makedonia lamah a lo chhuak keuh mai angah….
Report this comment
July 16th, 2011 at 12:11 am
Beng a ti WHITE a, Mizoram lam eirukna hi han post chhunzawm ula mawle
Report this comment
July 16th, 2011 at 12:42 am
I source ka hre chak ang reng hle mai ka ti ? Ram Dev leh Anna Hazare te kha confuse ang deuh te khan min rawn ngai a, i sawi fiah leh chuang si lo va?
Report this comment
July 16th, 2011 at 12:56 am
@he pa, i source pakhatmah i dah lo, i chhui ve hle nge site 2/3 vel a mi aw? Chhiar zawm duh an awm tak in.
A informative hle mai, thenkhat tan a lo enticing bawk a.
Mizoram a eirukna liantham pawh han ti leh law law tak teh,a hit khawp ang. India han tih huau hian min effect lo riau, kan Indian sentiment hi chu a thuk lutuk lo a ni ber e.
Report this comment
July 16th, 2011 at 2:44 am
India ah ka rawn let leh ta, vairam hi alo nuam ber anih hi, he post kan hmuh nghal chu a ..chuan corruption index pathum hnih
https://www.transparency.org/po.....10/results
Report this comment
July 16th, 2011 at 2:46 am
https://trak.in/tags/business/2.....als-india/
Report this comment
July 16th, 2011 at 2:49 am
Post tupa source chu hei hi niang a https://www.funlogg.com/index.p.....efore-2010
Report this comment
July 16th, 2011 at 6:26 am
Post tha tak leh bengvar thlak tak a nih rualin, mite pawhin anlo eiru nasa tho ve ti a, eirukna lama min ti huaitu a ni mai ang tih ka va hlau e……
Eiru ho an hrem dan te rawn ti tel law law ula maw le..
Report this comment
July 16th, 2011 at 10:29 pm
@28, Ni e, mi fate eiruk lakah chuan keini eiruk ve te chu a tlem em mai tiin mahni inthiam chawp nan kan lo hmang ve ngawt ang tih pawh a hlauhawm hlel lo ve.
Report this comment